🔹2-3 օրից Ռուսաստանը հյուսիսկորեական զորքերը կօգտագործի ռազմաճակատում, ասել է Զելենսկին

📌«Ըստ հետախուզական տեղեկատվության՝ արդեն հոկտեմբերի 27-28-ը Ռուսաստանի կողմից մարտական գոտիներում կօգտագործվեն Հյուսիսային Կորեայի առաջին զինվորականները։ Սա ակնհայտ էսկալացիոն քայլ է ՌԴ-ի կողմից»,- ասել է նա:

🔹ԿԺԴՀ արտաքին գործերի փոխնախարար Կիմ Չեն Գյուն հայտարարել է, որ եթե Հյուսիսային Կորեան զինվորականներ ուղարկեր Ռուսաստան, ապա դա կլիներ միջազգային իրավունքի նորմերին համապատասխան

📌«Եթե տեղի ունենար այն, ինչի մասին աղմկում են համաշխարհային լրատվամիջոցները, ապա դա կհամապատասխաներ միջազգային իրավունքի նորմերին։ Կարծում եմ, որ ակնհայտ է, որ գոյություն ունեն այնպիսի ուժեր, որոնք կցանկանային այդ գործողությունը որակել որպես անօրինական»,- ասել է փոխնախարարը։

🎯Անշարժ գույքի և կառուցապատման ոլորտի ամենամեծ ու մասշտաբային ցուցահանդեսը Հայաստանում՝ TOON EXPO-ն, արդեն 4-րդ անգամ է բացում դռները. այս անգամ՝ Մերիդիան ցուցահանդեսային կենտրոնում

📌Հոկտեմբերի 25-ին, 26-ին և 27-ին քաղաքացիները հնարավորություն ունեն մեկ վայրում ծանոթանալու Հայաստանում և արդեն արտերկրում անշարժ գույք ձեռք բերելու հնարավորություններին:

🔹Վրաստանի նախագահ Սալոմե Զուրաբիշվիլին հայտարարել է, որ չի կարողանում կապ հաստատել ՆԳ նախարարի հետ՝ քննարկելու խորհրդարանական ընտրությունների ժամանակ տեղի ունեցող միջադեպերը

📌«Ուզում եմ դիմել ՆԳ նախարարին ու կոչ անել, որ ոստիկանությունն ավելի արագ ու արդյունավետ արձագանքի միջադեպերին»,- ասել է Զուրաբիշվիլին տեսաուղերձի միջոցով։

🔹Իրանի Սիստան և Բելուջիստան նահանգի Տաֆտան քաղաքի Գոհարկո քաղաքում զինված խմբավորման և սահմանապահ ոստիկանների միջև բախման արդյունքում 10 սահմանապահ է սպանվել, հայտնում է IRNA–ն

📌Տեղի ունեցած ահաբեկչությունից հետո Իրանի ներքին գործերի նախարարը խումբ է ձևավորել՝ հետաքննելու միջադեպը:

🔹Ռուսաստանի ԶՈՒ-ն հարձակողական գործողություններ է իրականացնում բոլոր ուղղություններով, հայտարարել է ՌԴ նախագահ Վլադիմիր Պուտինը՝ «Россия-1»-ի եթերում

📌«Մեր ստորաբաժանումների առաջխաղացմանը նպաստում են ժամանակակից տեխնիկա կիրառելու, հակառակորդի կողմից նույնպիսի տեխնիկայի կիրառմանն արագ արձագանքելու կարողությունները, կուտակված փորձը»,- նշել է նա։

🔹Քվեաթերթիկների 68,69 տոկոսի մշակման արդյունքներով իշխող «Վրացական երազանքը» հավաքում է ձայների 52,94 տոկոսը, հայտնել է Վրաստանի ԿԸՀ-ն

📌Վրաստանի խոհրադարանում կլինեն նաև հետևյալ քաղաքական ուժերը՝
«Փոփոխության կոալիցիա» - 11.2%,
«Միացյալ ազգային շարժում» - 9,8%,
«Ուժեղ Վրաստան» - 9%,
«Գախարիան հանուն Վրաստանի» - 8,2%։

🔹Ձայների 99,3 տոկոսի հաշվարկի արդյունքներով «Վրացական երազանքը» հավաքել է 54,23 տոկոս, հայտնել է ԿԸՀ-ն

📌Ընդդիմադիր «Փոփոխության կոալիցիա» կուսակցություն ստացել է 10,8%,
«Միացյալ ազգային շարժում»-ը՝ 10,1%,
«Ուժեղ Վրաստան»-ը՝ 8,75%,
«Գախարիան հանուն Վրաստանի»-ն՝ 7,75%։

🔹Թեհրանը պահանջում է ՄԱԿ-ի Անվտանգության խորհրդի արտակարգ նիստ անցկացնել՝ կապված Իրանի դեմ Իսրայելի հարձակման հետ

📌Իսրայելի բանակը հայտարարել էր, որ հոկտեմբերի 26-ի գիշերը «նպատակային և ճշգրիտ» հարվածներ է հասցրել Իրանին, ինչն արվել է ի պատասխան հոկտեմբերի 1-ին Իսրայելի վրա Իրանի զանգվածային հրթիռային հարձակմանը:

🔹Իրանը չպետք է սխալվի և պատասխանի Իսրայելի հարվածներին, ասել է Պենտագոնի ղեկավարը

📌Նախօրեին Իրանը հայտարարել էր, որ համարժեք պատասխան կտա հոկտեմբերի 26-ի գիշերն Իսրայելի կողմից իր տարածքին հասցված հարվածներին:

🔷Փաշինյանը Կոբախիձեին շնորհավորել է Վրաստանի խորհրդարանական ընտրություններում «Վրացական երազանք»-ի տպավորիչ հաղթանակի կապակցությամբ

📌«Մեր երկրների միջև հաստատված ռազմավարական գործընկերությունը շոշափելի հնարավորություններ է ստեղծում ընդհանուր մարտահրավերներին համատեղ դիմակայելու և մեր տարածաշրջանն ավելի կայուն, անվտանգ ու բարգավաճ դարձնելու համար», -ասվում է ուղերձում։

🔹Երևանի Գյուլբենկյան փողոցի թիվ 34 շենքի 1-ին հարկում գտնվող հացի փռում հրդեհ է բռնկվել, հայտնել է ՆԳՆ-ն

🔹Թեժ բանավեճ է տեղի ունեցել ԱԺ-ում՝ ՔՊ-ական պատգամավոր Հովիկ Աղազարյանի և ՔԿ նախագահ Արգիշտի Քյարամյանի միջև

📌«Պարո՛ն Աղազարյան, խնդրում եմ մեկնաբանեք, թե ինչո՞ւ են առնվազն երկու անգամ ինձ դիմել ձեր տղայի հետ կապված քրեական գործով մեքենաները հետ վերադարձնելու վերաբերյալ։ Եթե խոսում ենք կոռուպցիայի դեմ պայքարից, հովանավորչությունից, խնդրում եմ պատասխանեք հարցիս»,- ասել է ՔԿ նախագահ Արգիշտի Քյարամյանը:

📌«Ինչո՞ւ չեք իմ տղայի հետ կապված քրգործը տանում մինչև վերջ, միգուցե ուզում եք նվիրել Լևոն Քոչարյանի՞ն։ Ձեր թաղը չի այստեղ, այստեղ ԱԺ է», - հակադարձել է Հովիկ Աղազարյանը:

🔹Վրաստանի նախագահը հրաժարվեց ճանաչել ընտրությունների արդյունքները և դեմ դուրս եկավ Սահմանադրությանը՝ կոչ անելով հեղաշրջում իրականացնել, «X»-ի իր էջում գրել է ՌԴ Անվտանգության խորհրդի փոխնախագահ Դմիտրի Մեդվեդևը

📌«Նման դեպքերում փորձված գործելաոճը պաշտոնանկ անելն ու կալանավորումն է»,- գրել է նա։