Hammasi telegram kanalimda o’zim qiziqqan yo’nalishda kichik tanlovcha e’lon qilganimdan keyin boshlandi.

Avvaliga shunchaki g’oliblarga kitoblar to’plami berishni o’ylagandim, keyin g’oyibdan “Qanot” loyihasidan hamkorlik taklifi kelib tushdi) Shunday qilib, g’oliblarga 2 mln so’mgacha mukofot puli beriladigan bo’ldi.

Tanlovda ishtirok etish uchun keksa yoshdagi hamqishloqlaringiz, qarindoshlaringiz, bobo-buvingiz yoki ota-onangizdan eshitgan rivoyatlar, ertaklar, xalq qo’shiqlari, topishmoq, maqollar yoki yashash hududingiz nomi haqidagi afsonalarni maqola, videokontent, post shaklida ijtimoiy tarmoqlarning istalgan biriga #qadimyurt heshtegi bilan joylash kerak.

Shuningdek, maqola, videokontent, postingiz (havolasi)ni @nurmatqizi telegram profiliga ism-familiyangiz, hududingiz, telefon raqamingizni yozgan holda yuborish lozim.

G’oliblar quyidagicha taqdirlanadi:
1-o’rin - 2 mln so’m;
2-o’rin - 1,5 mln so’m;
3-o’rin - 1 mln so’m;
4-o’rin - O’zbek tilining izohli lug’ati, Akademnasr to’plami;
5-o’rin - O’zbek tilining izohli lug’ati, o’zbek xalq og’zaki ijodi to’plami;
6-o’rin - O’zbek tilining izohli lug’ati, Nazar Eshonqulning ikki saylanmasidan iborat to’plam.
Shuningdek, 10 ta rag’batlantiruvchi o’ringa 10 tadan kitoblar to’plami!

❗️Ogohlantirish: Iltimos, o’zingiz to’qimang yoki sun’iy intellektdan foydalanmang, baribir sezilib qoladi bu.
Tanlovga qabul 10-noyabrgacha davom etadi. Va 15-noyabrda g’oliblar nomi e’lon qilinadi.

Xullas, ham hududingiz tarixini, asotirlarini bilib olmoqchi, olamga yoymoqchi, ham pul yutib olmoqchi bo’lsangiz, tanlovda qatnashing!