اجه وكت العشك يبيض تحضرلي
انزع مستحاك وكوم سولفلي
من الله الشفايف هاي ترهملي
ابوسك من مكان يفرح الشيطان
اخلي ما يلحكْ ذنوب يحسبلي
اشو نازك و مايع ابيض و مملوح
اشو قاسي و بريئ شبيك بعد اهلي
هوه الخطلك الشامات والرصعات
شو سواني يابس كلشي ما حطلي
انا مسودن و احبك حب عراقيين
مو من عينك من الشفه باوعلي !
و اريد عيونك بكبر البرائه البيك
هم تشوفني و هم بيهه تغمزلي
شاب و عاشك و محروم و متانيك
تنشّف دموعي كلهن لون تضحكلي
انت مرايتي و عطري و شبابي الراح !
اريد اوكف كبالك و انت مشطلي
صباح الخير منك تسوه كل الخير !
اذا اسمعهه منك عمر يرجعلي
انا اختاريت روحك قبل شكلك شوف
مابدلك اذا حوريه تنزلي !
كون آذان ينزل خاص بالعشاك
يأذن بالمحبه و كوم سبحلي
الصلاة موجوده و الزمهه الصبح و الليل
انت ال يمتى الزمك ما تجي تكلي
الحب لا حرام و ما راح عيب يكون
الله ادرى بهذني و راح يغفرلي
خل ياخذنه يوم الطيش انا وياك
و نخلص عمرنه نصوم ونصلي👌
،