+ ምሕረት የለሹ ምሕረት +

የወንድሜ የዲያቆን ምሕረት መላኩንና የሁለቱን ፓስተሮች ውይይት ዘግይቼም ቢሆን አየሁት:: ውይይቱ በጣም በሰከነው የዲያቆኑ ኦርቶዶክሳዊ ጨዋነት የተነሣ ሁለቱን የፕሮቴስታንት ዋርካዎች በትሕትና ብቻ የገነደሰ ነበረ:: ቅመሙ ዲያቆን ምሕረት ውይይቱ እንደሚቀረጽ በደንብ ስላስተዋለ ጠይቆአቸው ሳይመልሱ ያለፉትን ወይም ያልተጠየቁትን ጉዳይ ያነሡበትን ቦታ ሁሉ ልክ ነጥብ "ተመልካች ይፍረድ" በሚመስል ብልጠት እየተወ ወደ ቀጣዩ ነጥብ የሚሸጋገርበት ፍጥነት ድንገት የገባበት ውይይት ሳይሆን የተጠና (scripted) ውይይት እንዲመስል አድርጎታል:: በጣም በትሕትና ሆኖ እየጠየቀ ዕርቃናቸውን ያሳየበት መንገድ ምን ያህል ሊያናድዳቸው እንደሚችል ሳስብ ውይይቱ በሰላም አለቀ እንጂ "ከአሁን አሁን ይመቱት ይሆን?" ብዬም ተሳቅቄያለሁ::

በውይይቱ ላይ ካየኋቸው ያስገረሙኝን ጥቂት እውነታዎች ውይይቱን እየተረክሁ ላስቀምጥ:-

ዲያቆን ምሕረት ውይይቱን የጀመረው የፓስተሮቹን አስተምህሮ ከቤተ ክርስቲያን ቅድምና አንጻር በማንሳት ነበር:: በዚህም ለፕሮቴስታንቱ ዓለም ደካማ ጎን የሆነውን ስስ ብልት በመምታት ጀመረ::

ነገሩ እንዲህ ነው:: መጽሐፍ ቅዱስን አሁን ባለው ቅርጽ እንዲህ አድርጋ የሠራችው ቤተክርስቲያን ናት:: ይህ እውነታ ደግሞ መጽሐፍ ቅዱስን በቀጥታ ከሐዋርያት እጅ የተቀበሉትንና ሐዲስ ኪዳን በቀኖና ወስነው ለእኛ ያስተላለፉትን የመጀመሪያዎቹን ክርስቲያኖች ትርጉምና አረዳድ እንድንቀበል ያስገድደናል:: ልክ እስራኤል ሕግን ተቀብሎ የመጣውን ሙሴን እንደ ባለ ሥልጣን እንደተቀበሉትና ስለ ሕጉ የእርሱን አሳብ ያለማወላወል እንደተቀበሉ ሁሉ ሐዲስ ኪዳንን ከሐዋርያት እጅ የተቀበሉትን የመጀመሪያው ክፍለ ዘመን አባቶችም በሐዲስ ኪዳን ትርጉም ላይ ያላቸውን ሃሳብ መቀበል ግድ ይለናል:: ይህን ጠንቅቆ የተረዳው ዲያቆን ምሕረት:-

ጥምቀትና ቁርባን ተምሳሌቶች እንጂ ለድኅነት ፍቱን አይደሉም ስትሉን ነበር:: ከአንደኛ እስከ ሦስተኛው ክፍለ ዘመን ያሉ ክርስቲያኖችን ሃሳብ ስናይ ደግሞ እነዚህ ነገሮች ለመዳን የግድ እስፈላጊ መሆናቸውን ጽፈው እናገኛለን:: የእኔ ጥያቄ መጽሐፍ ቅዱስን በቀጥታ ከተቀበሉትና ሐዲስ ኪዳንን በቀኖና ከደነገጉ ክርስቲያኖች ጋር ትርጓሜያችሁ ካልገጠመ ምኑን በመጽሐፍ ቅዱስ አመናችሁ ይባላል? አላቸው::

በአጭሩ መጽሐፍ ቅዱስን ያዋለዱትን አዋላጆች ካልሰማችሁ ምኑን መጽሐፍ ቅዱሳዊ ሆናችሁት "ድምፅህ የያዕቆብን ይመስላል ጸጉርህ ግን የኤሳው ነው" ያለው ለእናንተ አይደል ወይ? እንደማለት ያለ ነው::

ዲያቆን ምሕረት በዚህ ጥያቄው ሰዎቹን ጨርሶ ወደማውቁት ጨለማ ክፍል ወስዶ ቆለፈባቸው:: የአንደኛው ክፍለ ዘመን አባቶች ሥነ ጽሑፍና ታሪክ ለእነርሱ የማያውቁት የውጊያ ዐውድ ነው:: ወደ በኋላም በምሥጢረ ቁርባን ዙሪያ ባለው ግልፅ አቋምና ከሐዋርያት ጋር በነበረው ቅርበት የተነሣ የፕሮቴስታንት ሊቃውንት "ምነው ባልተፈጠረ" የሚሉትንና አንዳንዶቹም "እሱ አልጻፈውም" ብለው መጽሐፉን ለመካድ የሚገደዱበትን ቅዱስ አግናጥዮስን በመጥቀስ አስጨንቆአቸዋል::

የሚገርመው የሠጡት መልስ :-

የምትለው እውነት ከሆነ ለምን ሚልዮኖች ሳይቀበሉት ቀሩ? የሚል ልፍስፍስ ጥያቄ ነው::

ምሕረት መለሰ :- ይህማ እጅግ ብዙ ሰዎች ወንጌልን ላለመቀበላቸውም የሚቀርብ ምክንያት ነው::

ብሎ የራሳቸውን አመክንዮ በራሳቸው ላይ መለሰው:: በሳልሽው ተመተሪ!

ፓስተሩ :- እስቲ በሁለቱም ወገን (ጥምቀትና ቁርባን ለድኅነት ያስፈልጋል አያስፈልግም) ከሚሉ ወገን አባቶችን በስም ጥቀስልኝ አለው::

"መረጃ ተጠናክሮ በሁለቱም ወገን ይቅረብልን" እንደሚል ዳኛ ውይይቱን ትቶ ዳኛ ሊሆን ተማጸነው::

"በሁለት ወገን ብሎ ነገር የለም:: ከዚህ ውጪ ሃሳብ ያለው ሰው ስለመኖሩምንም የተቀመጠ ታሪካዊ ማስረጃ የለም" አለ ምሕረት የለሹ ምሕረት::

እዚህ ላይ እንኳን ደንግጠው ነው እንጂ እርሱ የጠቀሳቸው እነ ቅዱስ ሄሬኔዎስና ቅዱስ አግናጥዮስ መልስ የሰጡት ታዲያ ለማን ነበር? ብለው መጠየቅ ይችሉ ነበር:: ዶሲቲስቶችና ግኖስቲኮች ሙሉ በሙሉ የፓስተሮቹን ሃሳብም ባይሆን ቁርባን ላይ ተቃዋሚዎች ነበሩ:: የምሕረት መልአክ ቀሳፊ መልአክ ሆኖባቸው ግን ትንሽ እንኳን አልታገሉም:: ግን ዶሲቲስቶችና ግኖስቲኮች ተጠቃሽ ክርስቲያኖች ስላልሆኑ ሁለት ወገን አልነበረም ቢል ዲያቆን ምሕረት ልክ ነው::

"So you are saying” አለ ፓስተሩ:: የJordan Peterson እና የCathy Newmanን አስቂኝ ቃለ መጠይቅ ከሰማሁ ወዲህ ክርክር ላይ "So you are saying” ብሎ ተከራካሪው አፍ ውስጥ ቃላት ለመክተት የሚሞክር ሰው የራሱን ቀብር ጡሩምባ እየነፋ ይመስለኛል::

ፓስተሩ "እሺ ሉተርስ?" አለ:: (ኸረ ባልወልድህም አደርስሃለሁ ተው በሰው ፊት አታዋርደኝ:: ሉተር እንኳን ቁርባንን ተቃውሞአል በልልኝ [በሆዱ ያለ ይመስለኛል])

ምሕረት ወይ ፍንክች የሉተርን መፍቀሬ ቁርባን የሆነ "I would rather drink pure blood with the pope than mere wine with the radicals” የሚል ንግግር ሊጠቅስበት ጀመረ:: (በዚህ ጉዳይ ሉተርና ሚካኤል የሚል ያልታተመ መጽሐፍና ያልተለቀቀ የYoutube video ስላለ ሁለቱንም በቅርብ እዚሁ ላይ Link አደርጋለሁ) "ነገሩ የመጣው ገና 500 ዓመት ከሆናቸው ከራዲካል ሪፎርመሮች ነው" ብሎ የሉተርን ባላንጦች ጠቀሰበት::

ፓስተሩ "ጊዜው ምን ያደርጋል" አለ:: ስለ ታሪክ እየተወራ ጊዜው ምን ያደርጋል ከሚል ሰው ይሰውራችሁ::

"ከታሪክ አንጻር ክርስትና ጌታ ለሐዋርያት የሠጠው እምነት ነው ብለህ ካመንህ በመጀመሪያው ክፍለ ዘመን የነበሩ ክርስቲያኖች የምታምነውን እንደሚያምኑ የሚያሳይ ነገር ልታገኝ ይገባሃል" አለው::

ፓስተሩ "ወዳጄ እመነኝ በዚያን ዘመን የነበሩ ክርስቲያኖች ሁሉ ክርስቶስ 'የራሱን ሥጋ' በልቶአል ብለው አላመኑም" ብሎ ነገሩን ridiculous ሊያደርገው ሞከረ:: ይህን ስሰማ ትዝ ያለኝ “ይህ ሰው ሥጋውን ልንበላ ይሰጠን ዘንድ እንዴት ይችላል?” ብለው አይሁድ የተከራከሩት ክርክር ነው:: ዮሐንስ 6:52
ጌታ ሥጋዬ እነሆ እያለ የለም ሥጋህ አይደለም ብሎ ክርክር እንዴት ያለ ነው::

ዲያቆኑ ሐዋርያውን ጠቅሰ "ሳይገባው ይህን እንጀራ የበላ ወይም የጌታን ጽዋ የጠጣ ሁሉ የጌታ ሥጋና ደም ዕዳ አለበት። ስለዚህ በእናንተ ዘንድ የደከሙና የታመሙ ብዙዎች አሉ አያሌዎችም አንቀላፍተዋል" 1 ቆሮ. 11:30 ከዚያም : "ሥጋና ደሙ ተራ እንጀራና ወይን ብቻ ከሆነ እንዴት ሳይገባቸው ተቀብለው የሞቱ ሰዎች ሊኖሩ ቻሉ?" ብሎ ጠየቀ::

አዝናኙ ውይይት እንደቀጠለ ነው:: ሰውዬው ጥያቄውን መመለስ ትቶ Unworthy ማለት worthy ያልሆነ ነው ብሎ ቃሉን አብራራ:: ቀጠለና ጉዳዩን ከማይገናኘው የሴት ጠጉር አለመሸፈን ጋር አገናኘው:: (ሲጀመር ጠጉር ስላልሸፈነች የሞተች የለችም እየተወራ ያለው ቆርበው ስለሞቱ ሰዎች ነው) አልበቃው ብሎ ስለ sex godess ስለ me too movement ዘባረቀ:: መልስ ስታጣ የምታውቀውን ሁሉ ልትዘባርቅ እንደምትችል ያሳያል::

ዲያቆኑን ማባበልም ጀመረ "የአንተን ሃሳብ የሚያራምዱ ሰዎችን ከልቤ አከብራለሁ:: እውነት እውነት እላችሁዋለሁ የሚለውን ይዘው ይህ እውነተኛ ሥጋው ነው የሚሉት ከልብ አከብራለሁ" አለ:: አክባሪ ይሥጥልን ግን እኛ ይሄን ጥቅስ እንደማስረጃ አላነሣንም:: ዲያቆኑ እዚያው ቆሞ "ለተራ እንጀራ ሰው እንዴት ይሞታል?" ብሎ የጠየቀውን ፍጥጥ ያለ ጥያቄ ትቶ ከዚህ በፊት ሌሎች ሰዎች ያነሡትን weak argument እየጠቀሰ እንዲህ በለኝና ልርታህ ብሎ ተለማመጠ:: (ተው ባልወልድህም አባትህ እሆናለሁ is in my head)

ከዚያ ደግሞ በmystical change የሚያምነውን ኦርቶዶክሳዊ በግድ transubstantiationን ካላመንክልኝና እርሱን ለመቃወም ያጠራቀምኩትን መከራከሪያ አንተ ላይ ልጠቀመው ይል ጀመር::

ቀጥሎ የተነሣው ድኅነት ሒደት ነው የሚለው ሃሳብ ነው:: ይሄን ጊዜ ፓስተሩ ከቁርባን ርእስ እርፍ ያለ መስሎት ፈነደቀ::

"It is now becoming a salvation issue” እያለ ሲቅበጠበጥ አሁን ገና ተመቻቸህልኝ ብሎ ደስ እንዳለው ያስታውቅ ነበር:: ምሕረቱ "ድናችኋል ብቻ ሳይሆን ትድናላችሁም ይላል" ብሎ የድህነትን ሒደታዊነት አብራራ::

ይህን ጊዜ ሌላው ፓስተር ጸጋ አላስቻለውምና ገባ

ፓስተር ጸጋ " በጸጋው ድናችኋል” ይላል አለና ዘሎ ገባ::

ድኅነት synergetic ስለሆነ የጸጋው energy የእኛን ትብብር ይሻ የለም ወይ? አለና ምሕረቱ "መዳናችሁን ፈጽሙ"ን ጠቀሰ:: አብርሃምም ልጁን የመሠዋቱን ሥራ አነሣ:: እነርሱ ግን "work out your salvation” የሚለው ቃል ውስጥ “work” የሚል ቃል ሲሰሙ ደስታቸውን መሸከም አልቻሉም:: ቃሉን ጳውሎስየተናገረው መሆኑም አላሳሰባቸውም::

ሥራን ለማጣጣል የቀኙን ወንበዴ ጠቀሱ:: ተቸንክሮ ምን ሊሠራ ይችላል አለ:: (Though the thief on the cross was nailed, he still worked on his salvation. He confessed his sin, saying that he was worthy of the cross. He taught his companion to fear God, and he professed the purity of Christ and the coming of His kingdom)

እግዚአብሔር ባልሠጠው መክሊት አይጠይቅምና circumstantial ነው አለ:: ሊሞት አልጋ ላይ ስላለ ሰው አለመጠመቅ አላወራሁም ብሎ ሞገተ::

ከዚህ በኋላ ያለው ውይይት ዲያቆን ምሕረትን በግድ ካቶሊክ ካልሆንክ የሚል ንትርክ ነው:: inflability of the councils, vatican 1 2 3 etc

"የቅዱስ ቁርባን ደምን የሰጠው ከእጁ እየፈሰሰ ነበር" የሚል ያላልነውን በሉ የሚል ቃልም በጌታ እንደመዘበት እያለው ተናገረ:: It is not right to ridicule Christ for the sake of argument.

አራት መቶ ዓመት አልፎ ሃሳቡን የAugstine ሊያደርግበት ሲጥር ምሕረት ውይይቱን ወደ አግናጥዮስ ዘመን መለሰው:: የመጨረሻው ጥያቄያቸው

Who is the ultimate authority? የሚል ነበር::

ሲመስለኝ ከዲያቆን ምሕረት የጠበቁት መልስ "The Bible” የሚል ነበር:: እርሱን ካለ "If the Bible is the ultimate authority, where does it say that the first Christians believed it is the actual body and blood?” ብለው ሊዘጉትና መጽሐፍ ቅዱስን ከጻፈው እውነት በላይ ያንን እውነት ሰዎች እንዲህ ተረድተውት ነበር እንዲል ጠይቀው ውይይቱን ሊዘጉ ነበር::

ምሕረት የለሹ ዲያቆን ግን Bible በማለት ፈንታ Bibleን በቀኖና የወሰነችውን The Body of Christ ይዞ የሙጥኝ አለ:: የእናቱን የቤተ ክርስቲያንን ቀሚስ ይዞ ድርቅ ሲል

Good to meet you brother አሉና ጨበጡት በአማርኛ ሲተረጎም
"አንተን ብሎ ምሕረት መዓት ሆንክብን እንጂ" እንደማለት ነው::

My beloved brother, Deacon Mihret, may God bless you. We saw ‘Berekete Estifanos’ in you. May God guide your path

ዲያቆን ሄኖክ ኃይሌ
ሚያዝያ 3 2017 ዓ.ም.

ፓስተሩ ለኢትዮጵያን ኦርቶዶክስ Debate መልስ ሠጠ የተባለበትን ቪድዮ ልካችሁልኝ አየሁት:: አሁንም ትራንሰብስታንሺዬሽን እያለ ነው:: የቡሄ ዕለት ያበደ ሰው ሁሌ ሆ ሲል ይኖራል ይባላል:: Transubstantiation አናምንም እኛ በMystical change እንጂ በchange of substance አናምንም እየተባለ አሁንም ያንኑ ይደጋግማል:: ቪድዮውን እንዳታዩት ብሎ ጀምሮ ክርክሩን ደህና አድርገው እንዳልተወጡት አመነ:: ከዚያ በቁርባን ማመን አለማመን matter አያደርግም ብሎ አረፈው:: እንደዚያ ከሆነ ሙግት የገጠምከው ለውጥ ለማያመጣ ጉዳይ ነው ወይ:: ኢትዮጵያን ሲያነሣ አልሰማሁትም:: we got people starving to death today የምትለዋ ምናልባት ማሸማቀቂያ አሽሙር ከሆነች አላውቅም::

✍️Stuart and Cliff ከምሕረት መልአኩ ጋር በ MIT ካምፓስ ያደረጉት ክርክር በዐለም ከናኘ በኋላ Cliff ያንን ውይይት በአግብቡ የተቆጣጠሩት አንዳልነበር ሒሱን ወስዷል፡፡ በሌላ አነጋገር በዝረራ መሸነፋቸውን አምኗል፡፡

በመልሱ ግን ያልነበሩ፣ ያልተባሉና እውነትነት የሌላቸው ነርቨስ የሚያደርጉ መልሶችን ሰጥቷል፡፡ ክሊፍ ጉዳዩን ወይ ሊጠመዝዘው ወይም ደግሞ አሁንም ድረስ የተሸነፉበትን ምሥጢር አላገኘውም፡፡ ‘ሰዎች የክርስቶስን አምላክነት ሳያምኑ፣ መሞቱን፣ መሰቀሉን፣ ከሙታን መነሣቱን ሳያምኑ፣ አጠገባቸው ያለውን ሰው ሳይወዱ ክርስቶስን ወድጃለሁ ቢሉ ሐሰተኞች እንጂ ክርስቲያኖች አይደሉም፣ የሐሰት ሐዋርያት እንጂ የክርስቶስ ሐዋርያት አይደሉም’ የሚል ዐሳብ አንሥቷል፡፡ አስቂኝ መከራከሪያ ነው፡፡ እርሱ ያለውን ሁሉ የማያምን ነገር ግን ክርስቲያን ነኝ የሚል በዐለም ላይ የለም፡፡ እንዲያ ብለው የማያምኑትንማ ቤተ ክርስቲያን በየጊዜው እያበጠረች ስትለያቸው ኖራለች፡፡ አርዮስ የተለየው እኮ የወልድን አምላክነት ባለማመኑ ነው፡፡ አቡሊናርዮስና ንስጥሮስ የተለዩት እኮ ክርስቶስ ሰው የሆነ አምላክ መሆኑ ችግር ውስጥ የሚከቱ ፍልስፍናዎችን በማምጣታቸው ነው፡፡
ክሊፍ የዘረዘራቸውን ነገሮች የማያምን ነገር ግን ደፍሮ ክርስቲያን ነኝ የሚል ሰው የለም፡፡ በዘረዘራቸው ነገሮች አይደለም ኦርቶዶክስን ካቶሊክንም ሊከሳት አይችልም፡፡ በሌላ በኩል ሰውን ከእምነት አልባነት እርሱ ወደሚያምነው ማምጣት እንጂ እርሱ ያለበት ጎደሎ ክርስትና ይሁን የተሟላ አምነት የሚገደው አይመስልም፡፡

ሌላው የገረመኝ ምሕረት በተደጋጋሚ ኦሮዶክሳዊነቱንና በ Transubstantiation እንደማያምን ነግሮት አሁንም የመለሰው በዚያ ዐውድ ነው፡፡ ንጽጽሩን በካቶሊክና በZwinglian (Eucharist as symbolic) አድርጎ ነው የተመለከተው፡፡ ኦርቶዶክሳዊው ምንልከታና ምሕረት ያተኮረበት አማናዊ የክርስቶስ ሥጋና ደም ነው የሚል ሲሆን እነሱ በሚሉት 'ምሳሌና የሞቱ መታሰቢያ ነው የሚለው ላይ አተኩሮ መመለስ ነበረበት፡፡ ይኸንንም ብዙም ትኩረት መሳብ የሌለበት አስመስሎ ነው ያቀረበው፡፡ ክርስትና ሰዎችን ወደ Fullness of truth ማምጣት እንጂ አንዱን ጥሎ አንዱን አንጠልጥሎ፣ ወይም አለባብሰህ የምታርሰው እርሻ አይደለም፡፡

የሚገርመው የሳምንታት ያህል ጊዜ ኖሯቸውም ጉዳዩን ሳያብላላው ነው ለመመለስ የሞከረው፡፡ በዚያ ላይ ጉዳዩ ቫይራል መሆኑ ‘ምነው ያኔ እግራችንን በቆረጠው ኖሮ’ የሚል ስሜት የተሰማቸው መሆኑን ነው ከመልሱ የሚነበብበት፡፡

በጠቅላላው ዘንድሮ ሜንጤ አናቷ አየተቀጠቀጠ ያለበት ዐመት ነው፡፡ ሀገር ቤትም በጣም እየተቀጠቀጠች ነው፤ አሁን ደግሞ በውጭም በምሕረት የተነሣ በውጭም እየተመታች ነው፡፡ ሜንጤ ቲኦሎጂ ካጠና እና የቤተ ክርስቲያንን ታሪክ ጠንቅቆ ከሚያውቅ ሰው ፊት ቆማ ለመከራከር የሚያስችል እውነትም ይሁን ማስረጃ የላትም፡፡ በጭራሽ፡፡ ሜንጤ ማድረግ ያለባት አሕዛብ ወይም ኢአማኑ ወደሆኑት ዘንድ ሄዳ ሰዎችን ወደ ግማሽ እውነት ማምጣት ላይ ታተኩር፡፡ ከዚያ ወደ ተሟላው እምነት ማምጣቱን ለእኛ ትተወው፡፡

እግዚአብብሔር በምሕረት ላይ አድሮ አስደናቂ ሥራ ሠርቷል፡፡ በውጩ ዐለም ክስተቱን ብዙዎች እየተነቃቁበት መሆኑን አይቻለሁ፡፡ ካቶሊኮችም ወደ ክርክሩ መጥተው ተመልክቻለሁ፡፡ ምሕረት በነበረው ክርክር ላይ ‘ኦቶሪቲ ያለው ማን ነው?’ የሚል ጥያቄ ከስቱዋርት ቀርቦለት ‘ቤተ ክርስቲያን ናት’ የሚል መልስ ሰጥቶ ነበር፡፡ ትክክል ነው፡፡ ባይሆን ካቶሊኮች ‘ብዙ አብያተ ክርስቲያናት ስላሉ የትኛዋ ቤተ ክርስቲያን ናት የክርስቶስ ተወካይ ወይም ቪካር?’ የሚል ጥያቄ ጠይቀው ‘ክርስቶስ ሥልጣኑን የሰጠው ለጴጥሮስ ሲሆን የጴጥሮስን ሊቀ ሐዋርያት ከጥንት እስከ አሁን የጠበቅነው እኛ ስለሆንን ሥልጣን ያላት ካቶሊክ ቤተ ክርስቲያን ናት!’ የሚል ግማሽ እውነት ሲያራግቡ አይቻለሁ፡፡ ያው የእነ ክሊፍ እናትና አባት ስለሆኑ አይፈረድባቸውም፡፡ ከካቶሊክ ጽንፈኝነት ነው ሜንጤ የተባለ የባሰበት ጽንፈኛ የተወለደው፡፡ ይኸ ወደ ሌላ ስለሚወስድ ሌላ ቀን እናነሣዋለን፡፡

በመጨረሻም ምሕረት በክርክራቸው ጊዜ ስቱዋርትን ‘በ1ኛውና በሁለተኛው መቶ ዐመታት ከነበሩ የቤተ ክርስቲያን አባቶች ሥጋወ ደሙ አማናዊ አይደለም የሚል አንድ እንኳን ጥቀስልኝ’ ብሎ የነበረ ቢሆንም ስቱዋርት ታሪካዊቷን ቤተ ክርስቲያናት ስለማያውቃት መመለስ አልቻለም ነበር፡፡ ምሕረት ቅዱስ ጳውሎስን፣ አግናጥዮስን፣ ሄነሪዎስን፣ ዮስጢኖስ ሰማዕትን ጠርቷቸዋል፡፡ የቅዱስ ጳውሎስን 1ኛ ቆሮ. 11:30 ደግሞ ጠቅሶ ተከራክሮበታል፡፡

ሌሎቹን በስም ጠቀሳቸው አንጂ ያሉትን ስላላነሣ፣ እነዚህ አባቶች በዘመኑ ስለቁርባን አማናዊነት ከተናገሩት ውስጥ ከታች ለአብነት አስቀምጫለሁ፡፡

-“Consider how contrary to the mind of God are the hetrodox. They do not admit that the Eucharist is the flesh of our savior, Jesus Christ” St. Ignatius of Antioch 90 AD.

-“For not as common bread and common drink do we receive these. We have been taught that the food which is blessed is the flesh and blood of Jesus, who was made flesh.” St. Justine Martyr 155 AD.

-If the Lord were from other than the Father, how could He rightly take bread, which is of the same creation as our own, and confess it to be His body and affirm that the mixture in the cup is His blood?” St. Irenaeus 189 AD.

-The flesh feeds [in the Eucharist] on the body and blood of Christ, that the soul likewise may be filled with God” Tertullian 280 AD.

👉 ዶ/ር አረጋ አባተ

በዋልድባ አብረንታንት ገዳም ዙሪያ የተሠራጨው መረጃ ከእውነት የራቀ ነው ሲሉ ገዳማውያኑ ተናገሩ !

ሚያዝያ 3 ቀን 2017 ዓ.ም [ተ.ሚ.ማ/ አዲስ አበባ]

''የዋልድባ አብረንታትን ገዳም በሰላም መደፍረስ ምክንያት ከፍተኛ ጉዳት እንደ ደረሰበት የገዳሙ አባቶች ገለጹ!'' በሚል መጋቢት 26 ቀን 2017 ዓ.ም መረጃ መተላለፉ ይታወሳል፡፡

ከዚህም ጋር በተያያዘ በዛሬው ዕለት ሚያዝያ 03 2017 ዓ.ም ከገዳሙ ተወክለው የመጡ መነኮሳት ከማኅበረ ቅዱሳን ቴሌቪዥን ጣቢያ ጋር ባደረጉት ቆይታ ገዳሙ በማያውቃቸው አባቶች አማካይነት የተሠራጨው ዘገባ ከገዳሙ ዕውቅና ውጪ መሆኑን በመግለጽ ድርጊቱ ማኅበረ መነኮሳቱን እንዳሳዘነ ተናግረዋል።

ለብፁዕ ወቅዱስ አቡነ ማትያስ ቀዳማዊ ፓትርያርክም ቅሬታ ማቅረባቸውን የገለጹት የገዳሙ ተወካዮች የሆኑት አባ ገ/ሥላሴ፣ መ/ር ዓምደ ሥላሴ እና አባ ገ/ማርያም ወ/ጊዮርጊስ ቅዱስነታቸው ከዚህ በፊት ለተሠራጨው መረጃም ዕውቅና እንደሌላቸው ነግረውናል ብለዋል።

በተለይም በአሁኑ ሰዓት አንድነት ገዳሙ በእግዚአብሔር እርዳታ በጾምና በጸሎት በሚተጉ ማኅበረ መነኮሳት ተጠብቆ እንደሚገኝ እና ሰላም መሆኑን አስረድተዋል፡፡

በተጨማሪም ከዚህ በፊት የተሠራውን የሐሰት ዘገባ ተከትሎ ገዳሙ የማያውቃቸው ሕገ ወጥ አካላት ነገ ሚያዝያ 4 ቀን 2017 ዓ.ም የገቢ ማሰባሰቢያ ሊያካሂዱ በመሆኑ ሕገ ወጥ ተግባሩ እንዲቆም መልእክታቸውን አስተላልፈዋል።

በመሆኑም በዚህ በጾም ሰዓት ሱባኤ አቋርጠው ወደዚህ ለመምጣት እንዳስገደዳቸው የተናገሩት ገዳማውያኑ ምእመናንም የገቢ ማሰባሰቢያ በሚል የተጠሩበት ቦታ ላይ እንዳይገኙ ገልጸዋል።

የተከሠተው ጉዳይ በገዳሙ ላይ የመጣ ፈተና ስለሆነ በተቻለ ዓቅም ሕገ ወጥ ተግባሩ በአስቸኳይ መቆም እንዳለበት አሳስበዋል።

©ማኅበረ ቅዱሳን

♥ የሰሙነ ህማማት ሰኞ መርገመ በለስ የተፈጸመበት ዕለት ነው።

በስመ አብ ወወልድ ወመንፈስ ቅዱስ አሀዱ አምላክ አሜን፡፡

◦ የሰሙነ ህማማት ሰኞ መርገመ በለስ የተፈጸመበት ዕለት ነው፡

◦ ክብር ምስጋና ይግባውና ጌታችንና አምላካችን መድኃኒታችን ኢየሱስ ክርስቶስ የሆሣዕና ዕለት ቢታንያ አድሮ በማግሥቱም ከቢታኒያ ሲመጡ ተራበ፡፡ (ማር.፲፩፥፲፩) ቅጠል ያላት በለስ ከሩቅ አይቶ ወደ በለሲቱ ቀረበ ፤ ነገር ግን ከቅጠል በቀር አንዳች ፍሬ አላገኘባትም፡፡ "ከአሁን ጀምሮ ማንም ከአንቺ ፍሬ አይብላ" ብሎ ረገማት። በለስ የተባለች ቤተ-እስራኤል ናት፤ ፍሬ የተባለች ሃይማኖትና ምግባር ናት፤ ከእስራኤል ፍቅርን፤ ሃይማኖትን፤ ምግባርን ፈለገ አላገኘም፤ እስራኤል (ሕዝበ እግዚአብሔር) መባልን እንጂ፤ ደግ ሰው አይገኝብሽ ብሎ ረገማት፤ በመርገሙ ምክንያት እርሱ ከለያቸው በስተቀር ደግ ሰው ጠፋባት፡፡

◦በለስ ኦሪት ናት፤ ኦሪትን በዚህ ዓለም ሰፍና ቢያገኛት ኦሪትና ነቢያትን ልሽር አልመጣሁም ልፈጽም እንጂ በማለት ፈጸማት፤ ሕገ ኦሪትን ከመፈጸም በቀር በእርሷ ድኅነት አላደረገባትምና፤ ፍሬ በአንቺ አይሁን አላት፤ ድኅነት በአንቺ አይደረግብሽ ብሏታልና እንደመድረቅ ፈጥና አለፈች፡፡

◦በለስ ኃጢአት ናት፤ የበለስ ቅጠል ሰፊ እንደሆነች ሁሉ ኃጢአት በዚህ ዓለም ሰፍታ ሰፍና አገኛት፡፡ በለስ ሲበሉት ይጣፍጣል፤ ቆይቶ ግን ይመራል፤ ኃጢአትም ሲሰሩት ደስ ደስ ያሰኛል፤ ኋላ ግን ያሳዝናል፡፡ ወደ እርሷም ሄዶ ማለትም ከኃጥአን ጋር ዋለ ፤ ኃጥእ ከመባል በቀር በአንደበቱ ሐሰት፤ በሰውነቱ ክፋት እንዳልተገኘበት ለማመልከት ፍሬ አላገኘባትም አለ፤ በአንቺ ፍሬ አይገኝ የሚለውም፤ በኃጢአት ፍዳ ተይዞ የሚቀር አይኑር ለማለት ነው፤ ስትረገም ፈጥና መድረቋም፣ በአዳም ምክንያት ያገኘችን ዕዳ በደል በእርሱ ካሣነት እንደጠፋችልን ለመግለጽ ነው፡፡

አንጽሆተ ቤተመቅደስ የተፈጸመበት ዕለት ነው፦

◦ጌታችን በለስን ከረገማት በኋላ ወደ ቤተመቅደስ ሄደ፤ ቤተመቅደስ፣ቤተጸሎት፣ ቤተመሥዋዕት መሆኑ ቀርቶ ቤተ ምስያጥ (የንግድ ቤት) ሆኖ ቢያገኘው ፦ ቤቴ የጸሎት ቤት ትባላለች፤ እናንተ ግን የወንበዶች ዋሻ አደረጋችኋት ብሎ የሚሸጡበትን ሁሉ ገለበጠባቸው ፤ ገርፎም አስወጣቸው ፤ ይህም የሚያሳየው ማደሪያው ቤቱ የነበርን የአዳም ልጆች ኃጢአት ሰፍኖብን ስንኖር ቢያገኘን ኃጢአታችንን ሁሉ እንዳራቀልን የሚገልጽ ነው፡፡

◦ በዚህ በሰሙነ ሕማማት ካህናትና ምእመናን በቤተክርስቲያን ተገኝተው ወዛቸው ጠብ እስኪል ድረስ በነግህ፤ በሠለስተ፣ በስድስቱ ሰዓት፤ በተሰዓቱ ሰዓትና በሠርክ መላልሰው ሲሰግዱና ሲጸልዩ ይሰነብታሉ፤ በተለይም ካህናት በማንኛውም አገልግሎት ጥቁር ልብስ ይለብሳሉ፤ ምክንያቱም የደረሰብን መከራ ኀዘኑን እና ፭ሺ ከ፭መቶ ዘመን የሰው ልጅ በጨለማ ይኖር እንደነበረ ለማዘከር ነው፡፡

የተሣተውን ✍ ፤ የተረሳው፤ የተገደፈውን፤ የነጠፈውን በቀና መንፈስ አቃንታቹ አንብቡት
✍ ✔
❤️ስለ ማይነገር ስጦታው እግዚአብሔር ይመስገን ❤️

ወስብሐት ለእግዚአብሔር
ወለወላዲቱ ድንግል
ወለመስቀሉ ክቡር አሜን

በሰሙነ ህማማት ወቅት የምንሰማቸው እንግዳ ቃላትና ትርጉማቸው

በግብረ ሕማማት ውስጥ በግዕዝም ሆነ በኋላ በአማርኛ ሳይተረጎሙ የተቀመጡ የእብራይስጥ፣ የቅብጥና የግሪክ ቃላት ይገኛሉ። የእነዚህ ቃላት ትርጉም የሚከተለው ነው፦

#ኪራላይሶን፦ ቃሉ የግሪክ ሲሆን አጠራሩ
< ኪርዬ ኤሌይሶን> ነው። #ኪሪያ ማለት እግዝእትነ / እመቤታችን" ማለት ሲሆን "ኪርዬ" ማለት ደግሞ "እግዚኦ / ጌታ ሆይ / አቤቱ" ማለት ነዉ፡፡ "ኤሌይሶን" ማለት ደግሞ "ማረን / ይቅር በለን" ማለት ነዉ ፡፡ ትርጉሙም "አቤቱ ማረን" ማለት ነዉ፡፡ "ኪራላይሶን" የምንለዉ በተለምዶ ነዉ፡፡ ይኸዉም "ኪርዬ" ከሚለዉ "ዬ" ኤሌይሶን" ከሚለዉ ደግሞ "ኤ" በመሳሳባቸዉ በአማርኛ "ያ"ን ፈጥረዉ ነዉ፡፡

#ናይናን፦ የቅብጥ ቃል ሲሆን ትርጉሙ "መሐረነ፤ማረን" ማለት ነው።
#እብኖዲ ፦ የቅብጥ ቃል ሲሆን ትርጉሙ "አምላክ" ማለት ነው። "እብኖዲ ናይናን" ሲልም " አምላክ ሆይ ማረን" ማለቱ ነው።
#ታኦስ ፦ የግሪክ ቃል ሲሆን ትርጉሙ "ጌታ፣አምላክ" ማለት ነው።
#ማስያስ ፦ የእብራይስጥ ቃል ሲሆን ትርጉሙ "መሲህ" ማለት ነው።
#ትስቡጣ ፦ "ዴስፓታ" ከሚለው የግሪክ ቃል የመጣ ሲሆን ትርጉሙም "ደግ ገዥ" ማለት ነው።
#አምነስቲቲ_ሙኪርያቱ_አንቲ_ፋሲልያሱ፦ የቅብጥ ቃል ሲሆን ትርጉሙ "ተዘከረነ እግዚኦ በውስተ መንግስትከ- አቤቱ በመንግስትህ አስበኝ" ማለት ነው።
#አምነስቲቲ_ሙዓግያ_አንቲ_ፋሲልያሱ፦ የቅብጥ ቃል ሲሆን ትርጉሙ " ተዘከረነ ኦ ቅዱስ በውስተ መንግስትከ -ቅዱስ ሆይ በመንግስትህ አስበን" ማለት ነው።
#አምነስቲቲ_ሙዳሱጣ_አንቲ_ፋሲልያሱ፦ የቅብጥ ቃል ሲሆን ትርጉሙ " ተዘከረነ እግዚአ ኩሉ በውስተ መንግስትከ -የሁሉ በላይ የሆንክ ሆይ በመንግስትህ አስበን " ማለት ነው።

"የመስቀል በዓል የጣዖት በዓል ነው” ያለውን ግለሰብ ፍርድ ቤት በነጻ ዋስ ማሰናበቱ ተገለጸ !
ሚያዝያ 7 ቀን 2017 ዓ.ም [ተሚማ/ አዲስ አበባ]
በደቡብ ኢትዮጵያ ክልላዊ መንግሥት በወላይታ ዞን ኪንዶ ዲዳዬ ወረዳ አቶ መርክነህ መጃ የተባለ ግለሰብ ሰኞ መስከረም 5 ቀን 2017 ዓ.ም በግል የፌስቡክ ገጻቸው ላይ “የመስቀል በዓል እንግዲያውስ እስከተነሳ ድረስ እንነጋግርበት” በማለት የመስቀል በዓልን ከጣዖት አምልኮ ጋራ አገናኝተው የጥላቻ ንግግር በመጻፋቸው ፤ በኢትዮጵያ ኦርቶዶክስ ተዋሕዶ ቤተክርስቲያን የወላይታ ሀገረ ስብከት ክስ መስርቶ የቅድስት ቤተ ክርስቲያንን መብት ለማስከበር ግለሰቡን በሕግ ጥላ ሥር እንዲቆይ በማድረግ እንቅስቃሴ ሲያደርግ ቆይቷል፡፡
ግለሰቡም በዋስትና ተለቅቆ በውጭ ሆኖ ክሱን ሲከታተል የቆየ ሲሆን በመጋቢት 30 ቀን 2017 ዓ.ም የወረዳው ፍ/ቤት በዋለው ችሎት ተከሳሹን በነጻ ማሰናበቱን በመግለጹ ሀገረ ስብከቱ የሰውና የሰነድ ማስረጃ አቅርበን ሳለ የቅድስት ቤተ ክርስቲያን መብት አልተከበረም ሉዓላዊነቷም ተደፍሯል በማለት ይግባኝ ማለቱን የሀገረ ስብከቱ ዋና ሥራ አስኪያጅ መልአከ ሰላም ቦክቻ ኤንጋ ለተዋሕዶ ሚዲያ ማዕከል አሳውቀዋል፡፡
ክቡር ሥራ አስኪያጁ አክለውም ።፤ ግለሰቡ “የመስቀል በዓል በብዙ አቅጣጫ ከጣኦት አምልኮ ጋር አያይዘው የሚጠቀሙ ግለሰቦች ስላሉ ለቤተ ክርስቲያን አደገኛ ስለሆነ ፤ በዚህ በዓል እግዚአብሔር አይደለም የሚከበረው” ያሉ እና “ገና ከመነሻው የጣኦት አምልኮ የተካተተበት ነው” በማለት በታሪክም በጽሑፍም ያለውን ማስረጃ የሌለ አድርገው ቅድስት ቤተክርስቲያን የማታስተምረውን እንደምታስተምር ፣ የማትቀበለውን እንደምትቀበል አድርገው የጥላቻ እና የተሳሳተ ንግግር በማኅበራዊ ገጻቸው ያስተላለፉ ሲሆን ይሄንንም በምሳሌ ብለው ሲያስረዱ “እንደሚሉት ንግሥት እሌኒ መስቀሉን በእሳት ጭስ ተመርታ ካገኘች በኋላ የምስጋና ጭስ ላስገኛት አካል አቅርባለች በማለት ለጭሱ የሚያመልኩም አሉና፡፡” በማለት ከእውነት የራቀ የተሳሳተ መረዳታቸውን በአደባባይ አስተላልፈው ሳለ የወረዳው ፍ/ቤት በነጻ በመልቀቁ ቅሬታዋን ቅድስት ቤተክርስቲያን የገለጸች ሲሆን መንግሥት በልዩ ትኩረት ሊከታተለው እንደሚገባ እያስገነዘብን በቀጣይ ፍትሕ እንደምናገኝ በልበ ሙሉነት እየተማመንን ለዞኑ ከፍተኛ ፍርድ ቤት ይግባኝ የተጠየቀ መሆኑን እንገልጻለን በማለት አያይዘውም የጎጮ ቅዱስ ጊዮርጊስ ይዞታም ከዚሁ ወረዳ በይግባኝ ለዞኑ ከፍተኛ ፍርድ ቤት ቀርቦ ውሳኔ ማግኘቱ ይታወሳል ብለዋል።
የመስቀል ክብረ በዓልን ዩኔስኮ [Commemoration feast of the finding of the True Holy Cross of Christ] በማለት በዓለም ቅርስነት መመዝገቡን ኅዳር 25 ቀን 2006 ዓ.ም በኢንታንጀብል [መንፈሳዊ] ባህላዊ ቅርሶች ጥበቃና ክብካቤ ላይ የሚሠራው ኮሚቴው ስምንተኛውን ጉባኤ በአዘርባጃኗ ባኩ ከተማ ባደረገበት ጊዜ መመዝገቡን ይፋ ማድረጉ የሚታወስ ነው፡፡

ረቡዕ የአይሁድ ሊቃነ ካህናትና ጸሐፍት ቀያፋ በሚባለው በሊቀ ካህናቱ ግቢ ተሰብስበው ጌታችንን ኢየሱስን እንዴት እንደሚይዙትና እንደሚያስገድሉት ምክር የጀመሩበት ዕለት ነው፡፡ ነገር ግን የፋሲካ በዓል ቀርቦ ስለነበር ሁከት እንዳይፈጠር እንዴት መያዝ እንዳለበት ሲጨነቁ ከጌታችን ደቀ መዛሙርት መካከል ይሁዳ ከምክራቸው በመቀላቀሉ ጥያቄአቸውን አቀለለላቸው፡፡ (ማቴ. 27፥3-5፣ሉቃ. 22፥1-2፣ማር.14፥1-2) እንዲሁም እንዲሞት የወሰኑበት ዕለት ነው፡፡ (ማቴ. 26፥3-5)

ምንጭ:- ማኅበረ ቅዱሳን ድኅረ ገጽ

💔በህማማቱ ከወደ ናይጄሪያ አሳዛኝ ዜና ፡በትናንትናው እለት በፕላቶ ግዛት በጂሃዲስቶች 51 ክርስቲያኖች ሰማዕትነትን ተቀበለዋል ከዚህ በታች ስማቸው ተዘርዝሯል። በጣም የሚያሳዝነው ዝርዝሩ ከሶስት እስከ አስር አመት የሆኑ 13 ልጆችን ያካትታል።
1. ሙሳ ዳኮ፣ 64 ዓመቱ
2. ዳንኤል አዳምስ፣ 27 ዓመቱ
3. አብዲያ ኡስማን፣ 31 አመቱ
4. ዚናስ ጄምስ፣ 22 ዓመቱ
5. ሰኞ ሰረቀ፣ 37 ዓመቷ
6. ዮሃና ኩሳ፣ 43 ዓመቱ
7. ጃኔት ዳንጁማ፣ 29 ዓመቷ
8. እሑድ ዳኮ, 49 ar
9. ሮበን አዳሙ፣ 94 ዓመቱ
10. ዶጋራ አዳሙ፣ 69 ዓመቱ
11. ቡሉስ ሙሴ፣ 26 ዓመቱ
12. እስጢፋኖስ ጆን፣ 28 ዓመቱ
13. መንቸ እስጢፋኖስ፣ 7 ዓመቱ
14. ነማ እስጢፋኖስ፣ 4 ዓመቱ
15. ማርያም እስጢፋኖስ፣ 24 ዓመቷ
16. ዊኪ ጆን፣ 30 ዓመቷ
17. ኢያሱ ጆን ባጉ፣ 46 ዓመቱ
18. ማርጋሬት ሞሪስ፣ 6 ዓመቷ
19. ደበኔ ሞሪስ፣ 4 ዓመቱ
20. ሰኞ ሽያጭ, 52 ar
21. ሳላማ አጋህ፣ 15 ዓመቷ
22. ላራራ አጋህ፣ 4 ዓመቷ
23. ታላቱ ማንጉዋ፣ 42 ዓመቱ
24. ግሬስ ዴቪድ፣ 45 ዓመቷ
25. Lovina ሰኞ, 19 ዓመቷ
26. Agah ሰኞ, 4 ና
27. ኑኃሚን ሰኞ, 37 ar
28. ኖኤል ዴቪድ፣ 13 ዓመቱ
29. ጁሙሚ እስጢፋኖስ፣ 10 ዓመቱ
30. ሰኞ Keyi, 37 ar
31. ጄሪ ሙሴ፣ 7 ዓመቱ
32. ጄምስ ሙሴ፣ 10 ዓመቱ
33. ያዕቆብ ሙሴ፣ 3 ዓመቱ
34. ዳንጁማ ጋዶ፣ 38 ዓመቱ
35. ዓርብ ሙሴ, 14 ar
36. ጣላቱ ሙሴ፣ 47 ዓመቷ
37. አኩስ ሙሴ፣ 46 ዓመቱ
38. አሲ ጄሪ፣ 58 ዓመቱ
39. ቴሌ ዘአ፣ 29 ዓመቱ
40. ብሬ ሸቱ ናንዙዋ፣ 61 ዓመቱ
41. ናንዙዋ ኢቭ፣ 5 ዓመቷ
42. ካጃ ዳንኤል፣ 42 ዓመቷ
43. ኤሊሻ አንቶኒ፣ 37 ዓመቷ
44. አና አንቶኒ, 67 ዓመቷ
45. ዳንላሚ ራንዱም (ሙላ)፣ 49 ዓመቱ
46. አዶ ዳንጁማ፣ 17 ዓመቱ
47. ሳራ ኩላ፣ 16 ዓመቷ
48. ኢሻያ ሙሴ፣ 10 ዓመቱ
49. ሁዋን ሙሴ፣ 5 ዓመቱ
50. እሑድ ማንጓ, 25 ና
51. ሙሴ ባላ፣ 43 ዓመቱ
መረጃው ከናይጂሪያ ኦርቶዶክስ ካህን የተገኝ ነው
https://www.facebook.com/100092641014007/posts/585926121172083/?app=fbl

Ayu Prince