هاي حنيتي ولا تسوه أديك
البارحه يم گبر امي چنت ابچي
بس عليك

انت اقلام خلصانة
ألم منك حچي مگطّع
ومثل اليعتذر ضليت بس اسمع
انه المفروض تبچيلي
انه مو هيچ اتودّع.

راضي بـعيشتي ومرتاح وبـخير
المهم عندي گلب يتحمل احزان.

ما فاد الصبغ حايط بـصف تنور
حظي شما اصبغه يروح يتصخم.

تگلي احميك وانت ملثم من الخوف
تسولف ؏ الندا وتحرگ بساتيني!

عاجبني البلم منطي النهر مگفاه
يدري بروحه من ينطي الوجه يغرگ.

حبني براحتك كون انا مو وياك
وادوار الضحية لغيري خليها.

تتغير تصير أنسان مو زين
لا تضحك ولا تشتاگ لأحد.

الك مو عيب لازم دمعتي تطيح
مثل ما عيب سيفي ينام بـگراب.

كارهني اجاني الحجي تكول ماريده؟
مو جنه على كلشي سوه
وحتى بسمع الشعر
نوكف البيت الحلو وثنينة نعيده.

نسّيتچ شخص قبلي
بس ماگدر اني انسى
و راسي فجأة اذاني
لزم شعرچ صدگ هسة؟

ياريت هسة تجي
ونگعد سوا ونبتسم
وياريت ذاك الحلم يطلع صدگ مو حلم
شايف جدار وعتگ!
هيچ اني جاي انثلم
وبدونك تغيرت مو نفسي ذيچ القبل
العيون هاي نعمت
والوجه هذا ذبل
لا والتحز بالگلب گالوا فراگك سهل.

وحتى من كتلك اريدك جنت مجاملك
هاي سابع ليلة مامشتاقلك.

دور عن ملامح روح ملامح وجهي مختلفة.

دور مثلي من ضليت ادور للدمع صرفة.

من خليت بيه احبابي والشمات تتشفه.

صرت بموقف الينباك لحنه وواحد يعزفه.

انا من اشتريتك بعت ناس هواي
يمكن ناس فقرة وشورو بيه.