صح فارگتك
و فرق اليروحون
انه رايح وفي و انتِ بخيانة.

خربت ريحتك من كثر ما شمّوك.

بسك تمرني بحلم
طالبني بطلابة ؟

مو گتلي كلشي انتهى
و منا وغاد اعتذر
وحدك كمل الدرب ما أريدك تحبني

و لمن شفتني ردت غيرك أعاشر بشر
ترجع تعاتبني ؟

و تگلي چنه
و چنت ما غزرت عشرتي
هو انت هسه منو و گاعد تحاسبني ؟

والقراله شعر كل مازعلت وياه
كمت هسه من اذكرة الفاتحة اقراله.

بزلاتك اضم ردتك ضمير تصير
و چذبت الصدگ حتى انت ما تخسر.

و عاونتك علي من شفت عذرك خاب
قنعت النفس گلتها يتغير.

انا تمنيت احضنك حضنة ملاكة
ماتلام روحي الشوك عاميها.

سويتك سبع توگف بوجه الموّت
و من صار المزامط
توگف بوجهي ؟

تتناسى مو مشكلة لكن يجيلك وكت
بي حتى ثگل الهوه ما تگدر تحمله
ساعتها تدري شضيعت
بس وين تندله ؟
المثلي لا ينسي ولا تگدر تبدله.

گزازك نابت بگلبي
و اخاف عليك تتعور.

من هسه اگلك شوف غيري
ما أعود لو تنخه چبيري .

يم صوفهم تنكر حريري ؟
ختموت كلها و لا ضميري

يا صحتي كلش موش زينه
گلبي گطيعه گاطعينه
ليش بسهوله عايفينه ؟
انتِ طوينه وهو طينه.

ضليت تدري شلون خايب ؟
كاسيت أغاني ببيت تايب

ثگلان شوفي ركض شايب
ما بيه احل شد الگصايب.

هسه افتهمنه ما أفيدك
ليش من اسلم ضام إيدك ؟

يالما ردتني ما أريدك
مو فاتحة و مرتين أعيدك.