اباوع ع المرايه
شعري كله يطيح
روحي تگلي هذا الشكل ما اعرفه.

وصلت لمرحلة من اختنگ مرات
اطفيها الجگاره و گلبي ما يطفه.

چا غير انه الأرفع حاجبي على الناس
تستفحل علي من ميزت طبعي !

ردت اموت و ادعي اموت
و فكرت أنتحر اصلًا
و لمن اجيت وگلت لأهلي
موت گالولي احسن.

ضيعتني و گمت ما اعرف شريد
و ماتت احلامي الچبيرة.

و شيعت گلبي الشهيد
حتى اهلي استغربوني
يمهم اگعد بس بعيد.

انت الشص بلهاتي و شايغ من العض
و يگلي الشفيه المنتچي المرتاح
تتعوض.

انه واحد يحب نفسه
يفز بـكيفه ما ينطر يمر طيفك.

صفر ع اليسرى مالك قيمة من تنحط.

على يا ساس ابنچ گاعد يناغي
و حبيبچ ينگطع نسله ؟

على يا ساس؟ نص دينچ كمل بعدي
و حبيبچ ضيع القبلة

و على يا ساس كبرتي بسرعه ؟
و تربين و انه الحاسبچ طفلة.
و لو راجع جنازة لبيتنه و ممدود
و لا راجع بهل فشله

مو تدرين اغار اعليچ من روّحي
على يا ساس بيده يلملم الگذله ؟؟

كل شتاء يمر يذكرني بيك
الدنيا جانت باردة بيوم المشيت.

وبيها ماعرفت المطر من الدموع
وبيها كلبي نكلب نار ومادفيت
وبيها كتلي شلونك وكتلك بخير
وكتلي منا وانتهت واني انتهيت.

و تالي وياك ؟ ابد ما ناوي منها تجوز
المواسم حلوة ويه إنسان
اله وياها موسم عوّز

نسيتچ شخص قبلي
بس ما اگدر اني أنسى
و راسي فجأة أذاني
لزم شعرچ ؟ صدگ هسه ؟

ناسيه انتِ علاقتنه ؟
و اني أمثل عود ناسي
بداعه امچ عوّفي راسي !

أبچي ؟
اضحك ؟
يعني ما تخيلتي وجهي
من كتبتيله أحبك !

الچانت ويايه
و عليه مو حريصه
هسه مختارتله للموعد قميصه !