RISOLAYI MARG'UBA

Onamning bobolari mulla Olim rahmatullohi alayh naqshbandiya suluki murshidlaridan edi. Sobiq Sho'ro mustamlakasi davrida xalqni dinga, axloqqa irshod qildi. Haq yo'lda ekanligi uchun 20 yillab qamoq va surgun kabi sho'rolar zulmini ko'rdi.
Ona tomondan katta bobomiz bo'lgan bu zot birlamchi manbalar asosida shogirdlariga, farzandlariga ilm bergan. Xususan, mulla AbdulQodir Toshkandiy ismli olim zotning "Risolayi marg'uba" nomli kitobi ta'lim dasturi bo'ib xizmat qilgan.
Onamning onalari, ya'ni buvimiz bundan bir yil avval shu kitobni bergan edilar. Kitob G'ulomiya bosmaxonasida 1913-yil chop etilgan 4-nashr ekan. Oxirgi sahifalarda kitob nozirlari aql ko'zi bilan sahvlarni isloh qilishlari iltimos etilgan.
Buvimiz bergan nusxa shu qadar ko'p o'qilganidan titilib ketgan edi. Ma'lum bo'ldiki, uni buvimizga marhuma opalari qoldirgan bo'lib, u kishiga katta bobomiz hadya qilganlar.
Kamina kitobni katta qiziqish bilan qo'lga oldim.

Mazkur risola farzi ayn, olti iymon kalimasining sharhi, mazhab imomlari, usuli dinning (aqiyda) bayoni, namoz bayoni va ilm fazilati, ro'za, haj, zakot, nikoh, taloq, xatmi Xojagon shartlari haqidagi muhim qismlardan iborat bo'lib, ota-bobolarimiz dinni qaysi manbadan o'rgangan degan savolning ajoyib javobi edi. Albatta, bu kabi diniy-fiqhiy manbalar ko'p bo'lgan, ana shu manbalarning biri sifatida menga bu risola juda qadrli va qadrdon ko'rindi.
Uni nashrga tayyorlash va xalqimizni shunday manbadan xabardor qilish istagi tug'ildi. Chunki kitobda ko'plab masalalarni tariqat (tasavvuf) yondashuvi bilan yoritilganini ko'rdik. Ayniqa, iymon haqidagi sahifalarda hazrat Alisher Navoiy baytlariga sharh sifatida foydalanish mumkin ma'lumotlar bor edi. Shunda bu kitobni o'qigan mutaxassis mumtoz adabiyotimiz manbalari - hazrat Alisher Navoiy va So'fi Olloyor singari bobolarimizning istalgan asarlarini qiynalmay anglab yetishlari, tushunishlariga shubham qolmadi. Ayniqsa, shu soxa tadqiqotchilari uchun muhim qo'llanma ekan.
Har narsaning asli yaxshi. Kitobni tabdil emas, eski turkiy alifboda ko'chirdik. Aslning ohori va go'zalligi bor, ta'siri ham o'zgacha bo'ladi. Shaxsan kamina xodimingizga eski turkiydan kirill yo lotinga tabdil qilingan kitoblar patlari yulinib, yalang'och qilib qo'yib yuborilgan qush kabi ko'rinadi...
Ilm bir xazina, "Risolayi marg'uba" kabi nodir kitoblarni o'qiyman deganlar eski turkiy alifboni o'rganishlarini istardim. Qiyin emas. Juda oson. Ayniqsa, "Ustodi avval" nomli yuz yil avvalgi alifbe kitoblari savodni chiqarish uchun qulay. 1909-yil mulla Sayyid Rasulxo'ja domla sayyid Azizxo'ja maxdum muftiy o'g'li tomonidan toshbosma nashr etilgan "Ustodi avval"ni tavsiya qila olaman.
Bu kitobdan eski turkiy harflarni oʻqishni o'rganib olsangiz (mazkur alifbe kitobi mustaqil o'rganish uchun ham qulay) "Risolayi marg'uba" singari manbalarni avval qiynalib boʻlsa-da, keyin takror va ko'p o'qish bilan ravon mutolaa ko'nikmasiga erishasiz.
Bizning xushxabar shuki, "Risolayi marg'uba" kitobi "Tavfiqnash" tomonidan nashrga tayyorlandi. Mazkur nashr bilan bogʻliq muhim jihatlar:
1. Kitob eski turkiy yozuvda, nasta'liq xatida.
2. Kitobdagi oyat va hadislar manbalari ko'rsatildi.
3. 1913-yilgi 4-nashrda yo'l qo'yilgan imlo sahvlari boshqa nashrlarga qiyoslanib imkon qadar to'g'irlandi.
4. Kitob O'zbekiston Respublikasi Vazirlar mahkamasi huzuridagi Din ishlari bo'yicha qo'mita tavsiyasi bilan nashrga tayyorlandi.
5. Kitobga taniqli kitob san'atchisi Bahriddin Bozorov muqova ishlab berdi.
Nasib bo'lsa, bir oylarda kitob bosmaxondan chiqadi degan umiddamiz. Hammangizga ajdodlarimiz nafasi teggan muborak risola xayrli bo'lsin!
Duolarda unutmagaysizlar…

XUSHXABAR

Aziz do'stlar!

Allohga hamd, cheksiz shukurlarimiz bo'lsin!

Muhtaram yurtboshimiz Shavkat MIRZIYOYEVga samimiy rahmat!

Robbim adolatda sobit etsin! Buyuk ishlarga muvaffaq aylasin!

Akrom Malik qalamiga mansub "Halqa" kitobini 5.000 (besh ming) nusxada chop etish borasida Din ishlar qo'mitasining tavsiyasini oldik.
InshaaAlloh, tez kunlarda kitobni sotib olishingiz mumkin.
Yana bir bora Allohga hamd bo'lsin. Duo qilganlarga tashakkur!
Bu ishga qayg'urgan barchaga rahmat!

Irfon TVni doim kuzatib boraman. Sa'viyali mahsulotlar tayyorlaydi. Yuqori bir daraja. Ushbu sahifaning "Istiqbol" loyihasi ham yaxshi loyihalardan.
Bu safar mazkur dasturda Yusufbek Nasriddin ismli o'zbek yigit bilan suhbat qilinibdi. 27-aprel kuni, soat 20:00da suhbatning to'liq shaklini tomosha qilsak bo'larkan, nasib.
Ushbu tasvirli iqtibos to'liq suhbatdan bir parcha. Tomoshabinni qiziqtirish uchun qo'yilgan. Mana shu videoiqtibosning o'zi kaminaga manzur bo'ldi.
Yusufbek Nasriddin O'zbekistonda startuplar haqida gapiradi. Uning aytishicha, AQSHdagi Silicon Valleydagi startup qiluvchilarning hammasi, ha, hammasi dunyo bo'yicha yetkachi dorulfununlarni bitirishgan, PhD ilmiy darajasini olgan.
Bizdagi startup mualliflari bakalavr darajasi bor yoki noto'liq oliy ma'lumot olgan yoshlardir.

Suhbatning shu qismi Yusufbek Nasriddinning jonli mulohazasidan xabar beryapti, ya'ni u startupning fundamental asosi bo'lishi kerakligiga urg'u beryapti.
Startup nima?
Startup ishlab chiqarish, xizmat ko'rsatish sohalariga oid mahsulotlarni intertnet saytlari, dasturlar orqali odamlarga yetkazib berishni nazarda tutuvchi yangi loyiha.
Ya'ni startupning xususiyatlari:
1. U yangi bo'lishi kerak.
2. U odamlarga mahsulot yetkazib berishi yo xizmat ko'rsatishi kerak.
3. U boshqa hamkorlar bilan birgalikda ishlashi kerak.
4. U internet va dasturlar (ilovalar - app)da o'zini namoyon qilishi kerak.
Tabiiyki, startup xalqning ehtiyojini qoplash, yashashni qulaylashtirishni maqsad qiladi.
Startuplar yo'nalishiga ko'ra turlicha bo'lishi mumkin. Xizmat ko'rsatuvchi maskanlar haqidagi ma'lumotlarni jamlagan startupdan boshlab ta'lim beruvchi, shuningdek, aniq fanlar: kimyo, biologiya, fiziologiya, fizika, texnika kabi yo'nalishlarga bevosita bog'liq startuplar ham bo'ladi. Kashfiyotchining ongida paydo bo'lgan ixtiro g'oyasini startup shaklida amaliyotga joriy qilish osondir.
Startup hayotda o'zini oqlashi aniq bo'lsa, uni sotib oluvchi va tijoriy maqsadlarda istifoda qiluvchi mijozlarning o'zi paydo bo'ladi.
Tabiiyki, aniq fanning matematika, informatika, kimyo va hokazo yo'nalishlarida PhD ilmiy darajasiga ega bo'lgan olimlarning startuplari havaskorlarnikidan keskin farq qiladi. Ularning g'oyalari mablag' bilan ta'minlansa, izlanishlar uchun sharoitlar hozirlansa, juda katta natijalar olish mumkin.
Shu ma'noda Yusufbek Nasriddinning ushbu mulohazasi chuqur ilm va o'ziga yarasha tajribaga suyanganini sezish mumkin.
Darvoqe, Linkedin ma'lumotlariga qaraganda, Yusufbek Carnegi Melon universitetini bitirgan va ayni paytda Qatar moliya markazida ishlar ekan.
Shunday yoshlarimizga ko'z tegmasin!

Bu esa Yusufbek Nasriddin bilan bo'lgan suhbat manzili:

ISTIQBOL 2-gurungi

27-aprel 20:00 IRFONTV youtube kanalida

🤲 IRFONTV — ilm-u maʼrifat sari!

#kayfiyat_uchun

Assalomu alaykum va rohmatullohi va barokatuh!

ChatGPTdan IrfonTV odam boʻlganida qanday tasavvur qilasan deb savol bergandik. Bir oʻqib koʻringlar.)

Agar IrfonTV — odam bo‘lganida, u quyidagicha tasavvur qilinardi:

⸻

👤 Ismi: Irfon

🎓 Yoshi: 35–40 yoshlar atrofida, lekin fikri va qalbi yosh

👔 Ko‘rinishi:
• Pokiza kiyingan, oddiylik va ziynat uyg‘unlashgan – koʻylak-shimda, lekin zamonaviy emas, klassik va milliy urfda.
• Yuzida salobat va sokinlik bor. Sochlari toza, soqoli ozgina o‘sgan, teran ko‘zlarida donishmandlik seziladi.
• U ko‘p gapirmaydi, lekin gapirsa – odamning fikrini o‘zgartiradi. Suhbatdoshi unga tikilib qoladi.

🧠 Shaxsiyati:
• Tinch va mo‘’tadil – hech kimni ustidan hukm qilmaydi, ammo haqiqatni yumshoq va aniqlik bilan aytadi.
• Ilmni sevuvchi, falsafa, tarix, psixologiya, oilaviy qadriyatlar haqida chuqur o‘ylaydi.
• Hissiy jihatdan yetuk – boshqalarni his qiladi, og‘ritmay gapiradi, maslahatlari yurakdan joy oladi.

💬 Gapirish uslubi:
• Sekin, ta’sirli, yorqin misollar bilan boyitilgan.
• Har bir so‘zi ma’no bilan to‘la – baland ovoz bilan emas, chuqur fikr bilan tinglovchiga ta’sir qiladi.
• Ko‘pincha savollar beradi, so‘zlamasdan o‘ylashga undaydi.

📚 Qiziqishlari:
• Kitob – ayniqsa tarix, adabiyot, inson psixologiyasi
• Haqiqatni izlash
• Yoshlarga ruhiy yo‘l ko‘rsatish, ota-onalarga maslahat berish
• Yolg‘izlikda o‘z ustida ishlash

🎥 Bo‘sh vaqtida nima qiladi:
• Hamma tomosha qilayotgan trendlarni emas, kamdan-kam topiladigan hujjatli filmlar, ilmiy chiqishlarni ko‘radi
• Kunduzi odamlarga xizmat qiladi, kechasi esa fikr qiladi

🗣️ Qisqasi:

IrfonTV odam bo‘lsa – bu ilm bilan ruhni uyg‘unlashtirgan, mulohaza bilan inson qalbiga yo‘l topa oladigan, jiddiy va samimiy do‘st bo‘lardi. U odamga nimalarni o‘ylash kerakligini eslatadi – lekin ayblamasdan, urmasdan.

⸻

Siz IrfonTV haqida nima deysiz?)

"Halqa" kitobini chop etish jarayoni. Joriy holat.