Telegram Web
قصيده لسان حال العليله


ذبلانه العيون
ذبلانه العيون
وجفوني غرگها الدمع ذبلانه العيون

ماظن يعودون
ماظن يعودون
اهلي مشو لرض البلا وماظن يعودون

گلبي ظل ينطرهم بشوگ وحنين
راحو وخلوني بدموع وونين

لا لاترحلون
لالاترحلون
يصرخ گليبي وينتحب لالاترحلون

❉━━❉🍃✍️🍃❉━━❉

عافوني وحدي
عافوني وحدي
راحو لراضي كربلا وعافوني وحدي

ايدي عله خدي
ايدي عله خدي
دمعاتي تهمل كالمزن وايدي عله خدي

ظل جرحي يندي
ظل جرحي يندي
بفراگ اخوتي ووالدي ظل جرحي يندي

مابقى عندي
مابقى عندي
بس ذكريات وي الصور مابقى عندي

كتاب بدموع الگلب خطيته
بيد الاعرابي بحزن وديته

صار اظلم الكون
صار اظلم الكون
من غابو احباب الگلب صار اظلم الكون

الخـ✍️ــادمه ام زيد الشمري

❉━━❉🍃✍️🍃❉━━❉

ناديت وبچيت
ناديت وبجيت
وياكم اروح وماحصل ناديت وبچيت

عافوني بالبيت
عافوني بالبيت
وبغيابهم ظلمة النزل عافوني بالبيت

من النوح سليت
من النوح سليت
آنه العليلة فاطمةمن النوح سليت

الاخبار ياريت
الاخبار ياريت
توصلني ياناس بعجل الاخبار ياريت

وي المشو سار الگلب وعيوني
تهمل عليهم ولا سمعوني

من اهل الضعون
من اهل الضعون
ترجيت بالراح ويرد من اهل الضعون

✍️ وعد الڪفيل

❉━━❉🍃✍️🍃❉━━❉

اغله الحبايب
اغله الحبايب
عافونه ياوسفه اومشو اغله الحبايب

گلبي أنه ذايب
گلبي أنه ذايب
مايحمل افراگ اوقهر گلبي أنه ذايب

مو راسي شايب
مو راسي شايب
شيب اظن هرش الگلب مو راسي شايب

بس المصايب
بس المصايب
تفتر عليه ياخلگ بس المصايب

عيني ماتهده ولاساعه تجف
روحي عالراحو مثل طير اوترف

ياساعه يلفون
ياساعه يلفون
وتردلي فرحة هالگلب ياساعه يلفون

✍️ام محمد تقي الموسوي

❉━━❉🍃✍️🍃❉━━❉

ناره سريه
ناره سريه
تسعر تراهي بالگلب ناره سريه

بدمعه جريه
بدمعه جريه
انعى وانوح اعله المشه
بدمعه جريه

هاي الرزيه
هاي الرزيه
منهو اليعازيني على هاي الرزيه

انتظر جيه
انتظر جيه
من علي الاكبر ياهلي انتظر جيه

ليش عافوني ودمعتي سايله
وحدي خلوني وخذوها العايله

يمته يرجعون
يمته يرجعون
احباب گلبي سافروا يمته يرجعون

ام فراس الساعدي

❉━━❉🍃✍️🍃❉━━❉

راح و نساني
راح ونساني
ياگلبي ايس مايجي راح ونساني

شوما خذاني
شوماخذاني
لا جني بته ومهجته شو ماخذاني

بالباب اتاني
بالباب اتاني
يمتى يمر طارش عليّ بالباب اتاني

همي سلاني
همي سلاني
فكري الابو خاف انذبح همي سلاني

لو الكافل يمي داوه جروحي
بشوفته يخلص يعالم نوحي

ويه اليشيلون
ويه اليشيلون
روحي عساها تندفن ويه اليشيلون

ام اسعد الشمري

❉━━❉🍃✍️🍃❉━━❉

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/alalimalzenby313
قصيده للسبي

مستهل وزن موشح مقصور
والنص موشح محذوف


تنادي زينب والدمع عالخد يسيح
ليش اخوي حسين عالغبره ذبيح

❉━━❉🍃✍️🍃❉━━❉

تنادي والعبره بصدرها مكسره
شلون اعوف الغالي نايم عالثرى
بحالتي ياوسفه ماواحد دره
وگلبي من الفرگه مكسور وجريح

الخـ✍️ــادمه ام زيد الشمري

❉━━❉🍃✍️🍃❉━━❉

گلبي من الفرگه شريانه انگطع
ياعلي حسينك على الغبره وگع
اركض اعله الجمره ماهمني الوجع
وينه قالع خيبره بحرگه اصيح

ام اسعد الشمري

❉━━❉🍃✍️🍃❉━━❉

وين قالع خيبره حامي الحمه
يشوف اخوي حسين غارگ بالدمه
حالتي ياناس والله مؤلمه
يمتى من همومي اغفى واستريح

الخـ✍️ــادمه ام زيد الشمري

❉━━❉🍃✍️🍃❉━━❉

اه من طف المنايه وبلوته
عالترب عفت الدليل وسلوته
ضامي مارواها وسفه مهجته
وانه مشدوهه واعاين له واطيح

العلويه الموسويه🏴

❉━━❉🍃✍️🍃❉━━❉

من لعطش ظلت شفافه ذابله
والزلم مذبوحه يمه بالفله
اخذو ايتامه اسيره ومعوله
والشمر فرحان متشمت قبيح

✍️☘️ام فراس الساعدي ☘️

❉━━❉🍃✍️🍃❉━━❉

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/alalimalzenby313
حضور المجالس الحسينيه

الوزن //عگیلي
فعلن فعلن فعلن فعلن

للمجلس كلنه اتعنينه
لحسين الماتم سوينه

نلطم ونساعدها الكبرى
ونواسي ام حسين بعبره
علمذبوح وباقي العتره

علهامات الكل دگينه...
للمجلس كلنه اتعنينه

ام فراس الساعدي
┈┉┅━━❀❀━━┉┉┈

دگينه اعله الهامه بحرگه
بصدورنه تبات الخنگه
نذكر حسراته والشهگه

وكلما نشرب ماي ابچينه
للمجلس كلنه اتعنينه

الخـ✍️ــادمه ام زيد الشمري

┈┉┅━━❀❀━━┉┉┈

لجل حسين اندگ عالهامه
وبكل بيت اترف اعلامه
للموت احنه انظل خدامه

لمصاب الظامي ونينه
للمجلس كلنه اتعنينه

✍️ام محمد تقي الموسوي

┈┉┅━━❀❀━━┉┉┈
عالهامه اللطمه انخليها
نصرخ والصرخه انعليها
بدموع الزهره انواسيها

حرگه المصاب اتجوينه
للمجلس كلنه تعنينه

ام اسعد الشمري

┈┉┅━━❀❀━━┉┉┈

نلطم للعايف ديرانه
ماشي بعياله ورضعانه
احاه يالدنيه الخوانه

يوميه مصاب تصوبينه
للمجلس كلنه تعنينه

*✍🏻أم عبــــــــــد اللـــــــــه العـــــــــابدي


┈┉┅━━❀❀━━┉┉┈

ونواسي الزهره الحزنانه
بمصاب حسين واعوانه
وبمصاب الگطعوا ذرعانه

كل شيعي تهل دمعة عينه
للمجلس كلنه تعنينه

📚🖌️ام زهراء

┈┉┅━━❀❀━━┉┉┈

للمظلوم نصيح ونهمس
وبعبرات يون اليجلس
والمايحضر دوم مفلس

عاشور ايامه تروينه
للمجلس كلنة تعنينه

العلوية الموسوية ✍️

┈┉┅━━❀❀━━┉┉┈

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/alalimalzenby313
اكبر قناة لنشر قصائد حسينيه خاصه لمجالس النساء👇👇👇👇
https://www.tgoop.com/joinchat-AAAAAELdvGssZMurwfLsJA
تم نشر قصائد للسبي 👆👆👆
2025/07/10 09:59:03
Back to Top
HTML Embed Code: