فزاعيه للامام الباقر عليه السلام

ـــــــــــــــــــــــــــــــــــــــــــــــــــ


شايل ظنوة السجاد
والصادق تصب عينه

••┄┅══✼°••°✼══┅┄••

شايل ظنوته المهضوم
شچم غصه جرع لليوم
وحيل ابنه عليه مهدوم
شافاه يجهر ونينه

✍️ام حسين المحمداويه

••┄┅══✼°••°✼══┅┄••

مغبره اليوم دنيانه
منه الديره خلوانه
عليه العين عميانه
اليوم اهله امشيعينه

✍☘ام فراس الساعدي ☘

••┄┅══✼°••°✼══┅┄••

ابنه بحزن تجاله
ودمع العين هماله
يون متغيره احواله
لمصابه بواجينه

✍ #عـلــویــه_ام_فــاضل

••┄┅══✼°••°✼══┅┄••

گلبه من الصغر ملهوف
وماكفّه حزن الطفوف
بيوم الكُطُعو الجفوف
وعمته بالحبل ويشوف

مهضومه الحنينه

✍ام اسعد الشمري

••┄┅══✼°••°✼══┅┄••

حزنانه المدينه اليوم
عالشال ومشه مسموم
گلب عوده عليه مهظوم
بحرگه خلص اسنينه

ب✍الحاجه ام احمد الحچامي

••┄┅══✼°••°✼══┅┄••

وسفه راعي الهيابه
راح ويتم احبابه
حزنانه على غيابه
كل اهله ومحبينه

✍️الخادمه ام زيد الشمري

••┄┅══✼°••°✼══┅┄••

الكل تلطم على الباقر
تنادي والقلب حاير
يومك كربله صاير
بسم جسمه امكطعينه

✍️الخادمه ام زهراء

••┄┅══✼°••°✼══┅┄••
https://www.tgoop.com/joinchat-AAAAAEnoiC2mEESE4PB_kw

حماسيه للامام الباقر ع
ـــــــــــــــــــــــــــــــــــــــــــ
وين اليوم عنه ابن السلاطين
مسموم ابوالصادق عروة الدين
ـــــــــــــــــــــــــــــــــــــــــــــــــ
وين اليوم عنه ابن الرسالات
حفيده اليوم يجهر ها الونات
هاذه الضاك من طفوفه لجمات
گوم من الطف /واحضر يومه

..
ــــــــــــــــــــــــــــــــــــــــــ
وين ليوم عنه ليعدل الشور
خل يحضره وليده المات مغدور
لحد مامات من الشام مقهور
ياحسين احضر شيع//
يومه
بقلم العلويه فيض الطف

ــــــــــــــــــــــــــــــــــــــــــ
هاذه الضاگ مـــــن الطف اذیه
ابگلب ملچوم شال ابهل مسیه
حفـــید احسین سولــــه عزیه

یا جده احضر// جیب اچفانه
ام مهدی مجدم

ــــــــــــــــــــــــــــــــــــــــــ
كوم احظر يا بوسجاد حاله
وشيعه للبقيع ا بعين هماله
ومجلس تعزيه هالليله تنعاله

باقركم //غدرو عدوانه

ام سجاد الشهيد

ــــــــــــــــــــــــــــــــــــــــــ
وين اليحظر ابن الزهره مهظوم
من شم الهوى العذيبي محروم
من يوم الطفوف ادموعه بدموم

حاظر كل شده جاوينه

✍ام اسعد الشمري

ــــــــــــــــــــــــــــــــــــــــــ

وين اليوم مايحضر ابو اليمه
يهيل اتراب گبره وينتحب يمه
ملعون العدو هاليوم من سمَّه


دگوله//مسموم الباقر

ب✍الحاجه ام احمد الحچامي

ــــــــــــــــــــــــــــــــــــــــــ
https://www.tgoop.com/joinchat-AAAAAEnoiC2mEESE4PB_kw

ابوذيات عيد الغدير

بحق امير المؤمنين علي عليه السلام

🌹🌹🌹🌹🌹
اسولف ياعلي ابعيدك ورد بي

وجودك عطر العمري ورد بي

يطيب الجرح وظماده ورد بي

ارد زياتك روحي هنيه

🌹🌹🌹🌹🌹🌹🌹

علينه اتفصلت ثوب الولايه

ابو الحسنين نعاهدله الولايه

فرح وسرور عم كل الولايه

علك الشموع يامهجه البريه

✍ام اسعد الشمري

🌹🌹🌹🌹🌹🌹🌹

أبوذيه السداسيه

تمنيت الشمل ينعاد ♧ مرهم

ليالي السود مرن عليه ♧مرهم

ريجي ماحلا کل وکت♧ مرهم

بعد ما باقی للعینین ♧ مرهم

يطارش روح لهلی ابعجل♧ مرهم

وگلهم فاطمه اتأدی التحیّه

أم أسعد الشمريhttps://www.tgoop.com/um1966ahmed

صرت آيه الحزن حجه وطفها

اشخلت كربله بحالي وطفها

الخيم عباس كوملها وطفها

يبو الغيره العده غارت عليه

✍ام اسعد الشمري

بسم الله الرحمن الرحيم
☆☆☆☆☆☆
《《 أبوذيه المطلقه》》
يوم الباب خله الكلب ☆بي داي
حاير والقلم يرتجف ☆ بي داي
قسم والقسم ياهالناس☆ بي داي
الوصيه الجتفت حامي الحميه

☆☆☆☆☆☆
أبوذيه مركبه
☆☆☆☆☆☆
من اقوال الأمام علي عليه السلام
شيئان لو بكت عليهم بدل الدموع
دماََ💔💔لم تبلغ معشارهما
فقد الشباب/وفرقة الأحباب
فداك روحي ياعلي سلام الله عليك
💔💔💔
عمري أبغير شوفتهم 💔فلا طاب
أبجمر أشواكهم كلبي💔 فلا طاب
أله ساعه النفس طالع 💔فلا طاب
لان همه الهوه وانكطع بيه

☆☆☆☆☆☆☆
أبوذيه المطرزه
الاسم المطرز عباس سلام الله عليه
♡♡♡♡♡♡
عله صدري لطمت وفوك* هامات
بعد مامات اخوي أصرخت*هامات
احس روحي مشت للنهر* هامات
سرت والكلب يرجف عالشفيه
☆☆☆☆☆☆☆
أبوذيه السداسيه
*****
الدنيه سكت للحره☆ يمرهه

الفگد أحبابها یلهب ☆ يمرهه

أميرتكم شمر تالي ☆ يمرهه

اختکم علجثث غصبن☆يمرهه

نشدها عالكفل وينه و ☆ يمرهه

ابشماته ويجرح أبكلب الابيه
☆☆☆☆☆☆

✍الشاعره ام اسعد الشمريhttps://www.tgoop.com/um1966ahmed

وزن المجرشه

مستفعلن مستفعلن
مستفعلن مفعولن
💦💥💥💥💥💥 💦
بت حيدر انه مخدره
ابظيمه الدهر باليني

من زغري رافكت القهر
توأم صبح لسنيني

💦💥💥💥💥💥💦
اكتب يشاعر قصتي
وسجل مصايب واحزان
واوصف جمر نار الكلب .
واطفي اللهيب العطشان

غذاني من صبره الصبر
ثبت جذور الاغصان

مااحني راسي للطغى
اخت البنين الشجعان

رويته بدموعي الزمن
ماهمني عميت عيني
🖊️ام أسعد الشمري
💦💥💥💥💥💥💦
معروفه انه مخدره
مادنكت لحد يوم
تارخينه تعرفه الخلك
واضح قدرنه ومعلوم

بت الجلاله والشرف
وبكل سمه احنه نجوم

لمن خطبت بمجلسه
خليته من عرشه يكوم

كسرت كل ذيج المحن
هيهات لن تلويني

🖊️العلويه ام رقيه
💦💥💥💥💥💥💥💦
بت حيدر انه امخدره
حيدر علي تعرفوني
مااحني راسي للظلم
زينب انه ايسموني

ابصبري ذليت العده
ماكدرو ايذلوني

زلزلت عرشه للطغى
إبهيبتي تدروني

بجيته اعيون العده
وماكدرت اتبجيني

✍️ ام زهراء الزيداويه البصراويه

💦💥💥💥💥💥💥💦
انه الغريبه ام الصبر
ذبحو اخوتي اكبالي

تاليها للشام ارحلت
بس راسي يبقه عالي

بوجود عباس الشهم
وراس الولي يبرالي

بجلمات من ابن سعد ذبحو الگوم امالي


بس العليل الي كسر
ظهري وشمر يحديني

✍ام احمد الساعدي خادمه الحسين عليه السلام

💦💥💥💥💥💥💥💦
معروفه انه بت علي
واخت البطل معروفه
بسمي الجلاله والخدر
والعزه هم موصوفه
عبالهم ابجي واذل
لمن اطب للكوفه
دنكت من عزي الخلك
الجانت علي موصوفه
حته الصبرمني خجل
بعداسمي صارالثاني
🖊️هديل المياحيه
💦💥💥💥💥💥💦
تمت بفضل الله باقلام شاعرات
رابطة كفيل الهاشميات
اداره واشراف ام رقيه الموسوي
ام هاجرالشريفي
تنضيدهديل المياحيه
ولانجيزحذف الاسماء

قصيده تجليبه
امي يانبع الحنان
وين اشوفج يامكان

ظلمه صارت دنيتي
ضايكه من حسرتي
يمه يمه يمه يمه
₩₩₩₩₩₩₩
اشلون المفارك محب وابروحه ظمه
كل نفس ويه الهوى عطره ويشمه
منتظر طيفج يمر بيه واكلمه
يمه سمعي شكوتي
ساهره وي عبرتي
يمه ردي لهفتي
يمه يمه يمه يمه
₩₩₩₩₩₩₩
اشكد سوالف اشتكي لمن اشوفج
طمنينه ابكل دفه ابلمسة جفوفج

والله صعبه يالحنينه من اعوفج
يمه وسعيلي الكبر /
مالي حيله للصبر/
بعد ماريد العمر/ يمه يمه يمه يمه

₩₩₩₩₩₩₩

اشكثر نشتاك الحنان البي ربينه
يمه تونه اصغار ليش اتفاركينه

بعد نحتاج الامان امنه الحنينه

يمه ظمينه بديج/
حتى ننسى امفاركيج/
روحي لهفانه عليج/
يمه يمه يمه يمه
₩₩₩₩₩₩₩

يمه غبتي وغيبتج صارت طويله
كلبي مايحمل غيابج اه يويله
بعدج اهات اشكثر حملي اميله
كل مرار انه اشربت /
غيره انه ماشفت/
حتى بسمي اتغيرت/
يمه يمه يمه يمه
₩₩₩₩₩₩₩

خل اسولف يمه بلي صار بيه

عيني بمصلايتج كل مغربيه

يمه احس ابغرفتج اتحن عليه

يمه لتلوميني/
عطرج ايصحيني/
ابطيفج اتصبريني/
يمه يمه يمه يمه
₩₩₩₩₩₩₩

يمه اناديج ابحلم وابعالي صوتي

خايفه واكتم صرختي من اخوتي

ظلي وني ابحسرتج ياروحي موتي

خايفه يعلا الونين/
الحسن ويه الحسين/
ابونهم ايزيد الحنين
يمه يمه يمه يمه
₩₩₩₩₩₩₩

تمت بعون الله تعالى
✍ام اسعدالشمريhttps://www.tgoop.com/um1966ahmed

قصيده للاحباب من مقام الصبا على طور عذبني درب الشام

*****

راحو وين الاحباب
شالو سدو الباب

جنهم نسوني
ليش اتركوني ليش اتركوني
*****
عفتوني يهلي بالغرب وألاهات

لا جاني طارش لانشد
بس حسرات

ظلت تواسيني الصور والدمعات

وين اليخبركم هظم كلبي المات

ظلت تدير العين
وين الاهل لاوين

جنهم نسوني
ليش اتركوني ليش اتركوني
✍ام اسعدالشمري
****
بعد الاهل كلبي تعذب بالأه

شفت الضعن يمشي وصيحن ويلاه

خذوني يبويه خادمه الكم ولله

واني ابويه حسين ابد ماانساه


ا ياهلي الطيبين
ياوالدي يحسين
عميه عيوني
ليش اتركوني ليش اتركوني

ام علي المالكي
*****
شالوا هلي وظليت اجر بالحسره
وحدي بقيت ودمع عيني يجره
مااكدراحمل والكلب شيصبره
يايوم الي تعودون يبن الزهره

وحدي وضعيفه حال
مني الدمع همال

اهلي جفوني
ليش اتركوني ليش اتركوني
✍ام حسين الهلالي
*****
ظليت اتاني واكفه يم الباب

مكتوبي بيدي وارد اوصله الاحباب

لا خبر منهم جاني وكليبي ذاب

خلوني وحدي اوماعرفت الاسباب

خلوني دمعي يسيل
ومن عندي راح الحيل

من ودعوني
ليش اتركوني ليش اتركوني
✍ام عمار الصائغ
**
ضليت اون ابغيبتك . بوية حسين

وعيوني مابطلن دمع . رايح وين

كلساع اكولن . مايجي ضي العين

غدار مايرحم ابد . هذا البين

ضليت اجر حسرات
وكلبي شبع لوعات

ماضن يجوني

ليش اتركوني ليش اتركوني

✍️ام احمد العبودي
**
يامن مشيتوا وبالنزل عفتوني
ظلت وراكم بس تهل اعيوني
يمته يهلنه امن الغرب تلفوني
يوصل ضعنكم ليه وتفرحوني

ظلت تربي العبون
يمته لينه ايعودون

خابت اضنوني

ليش اتركوني ايش اتركوني

***
تمت بعون الله باقلام رابطة الحسن المجتبى ع

بسم الله الرحمن الرحيم
ابوذيه مع نعي مجرد
~~~
الولد لأمه الولد للکُبُر ؛ ينراد

وانه اصيح وعليّه الصوت؛ ينراد

عذر يمه الجفوف اشلون ؛ ينراد

چا شلتج على راسي بأيديه
~~~~
نعي مجرد آه يايمه يايمه
~
أنشد عالبنين الراح والجاي

ولا يبطل عليهم دمعي وبجاي

صار انهاري ليل اونيني سلواي

انه وحسراتي نتسله سويه
~~
نحيله والتعب هدني والجروح

شوك الهد دليلي وذوب الروح

صرت يمه بعدكم طير مذبوح

تضل لطيوفكم عيني ربيه
~~
كل يوم اليمر انطرهم ايجون

واسگي ادروبهم بدموع العيون

لجروحي لون یلفون یشفون

أبلمتهم ترد روحي عليه
~
عليكم هالدمع من دم لسيله

وحرت بالنعش يمه من يشيله

صيحو ابنينها الحره الجليله

ضحايه مادرو بالغاضريه

~~
صحت ابصوت عالي مايردون

اهنا يم البنين اسمي يسمون

تالي اشلون غربه الي يشيلون

ضییعت الامل وانكطع بيه
~~~
ايس واكطع الامال منهم

حكي بالعتب مو انه امهم

اشو جنهم نسوني اليوم جنهم

ازيد اوياهم اعتابي المسيه

~~~~
تمت بعون الله تعالى ✍خادمة الزهراء عليها السلام
أم أسعد الشمريhttps://www.tgoop.com/um1966ahmed

بسم الله الرحمن الرحيم
قصيده لام البنين عليها السلام عندها ودعت اولادها
《《الوداع الاخير》》
~~~
ودعوني ؛كلهم بنيني اليوم ودعوني
ودعوني؛ بين الدمــع والجمره خلوني
ظليت ادير اعيون
يمته الي ايعودون
ودعوني؛ بين الظنون وحيره عافوني
ودعوني ؛كلهم بنيني اليوم ودعوني
☆☆☆☆☆☆☆☆☆
من شالو أبنيني أحملو روحي
ظليت أون من كثرت جروحي
أسكي أبدربهم دمعي وابنوحي
مثل الحمامه أمكسره أجنوحي
وج الكلـب نيـــران
وجهي انخطف بالوان
ودعوني؛ بجمرة حنين الشوك وجوني
ودعوني؛ كلهم بنيني اليوم ودعوني
☆☆☆☆☆☆☆☆
ظليت اتاني اوحاظنه اصورهم
ويــن اليگلهم كلبي ظل يمهم
ريت ابجنــاح أنسام اوصلهم
روحي ترد لو لحظه اشتمهم
كاتلني جمر الشوك
وينك يحادي النوگ
ودعوني؛ بسهام وسط الكلب صابوني
ودعوني ؛كلهم بنيني اليوم ودعوني
☆☆☆☆☆☆☆☆☆
اشلون الوكت لو طول اغيابه
روحي تظل مثل الشمع ذابه
ياسهم ذابــح نازف اصوابـه
فوك الجروح اجموره عطابه
يرمي ملح بجروح
كاسر عبرته النوح
ودعوني؛ ذايب حنيني أبشوك شافوني
ودعوني ؛ كلهم بنيني اليوم ودعوني
☆☆☆☆☆☆☆☆
صيت واسم نادونــي ام ابنيـــن
غربه وي روحي من لفاني البين
مهظومه تنزف بس دموع العين
وين اليجوني أبدمعه ملهوفيـــن
وين السهر وارباي
ذاب الصخر مبجاي
ودعوني؛ حلمي الجنازه من يشيعوني
ودعوني؛ كلهم بنيني اليوم ودعوني
☆☆☆☆☆☆☆☆☆☆
اشلون الزمان ابغدره خلانــي
افكد بنيــني وهلي وخــلانــي
حتى الحنين حسين ماجانــي
مايدري ذبحـه للمتن حانــي
كلهم فده البنين
خبرني عن حسين
ودعوني ؛ ريت ابضعنهم من يدفنوني
ودعوني؛ كلهم بنيني اليوم ودعوني
☆☆☆☆☆☆☆☆☆☆☆

تمت بعون الله تعالى ✍خادمة الزهراء عليها السلام
أم اسعد الشمريhttps://www.tgoop.com/um1966ahmed

قصيده للحوراء زينب عليها السلام
وزن تجليبه
مفاعلين مفاعيلن مفاعيلن
《بنت الرساله》
♤♤♤♤♤♤
يامن توصف الحره ومصيبتهه

بالك تكتب أحتركت عبايتهه

هاي أخت النشامه

بت رسل وامامه

هاي البدمه خطت رسالتهه

بالك تكتب احتركت عبايتهه
♤♤♤♤♤♤♤♤♤
بالك تكتب اعلى الحره مهظومه

من صغر انطبع صبر الها وعلومه

مرسوم ابسمه كل صوره بالحومه

والزهره وضلعها

تحمل كل وجعها

من خمسه العمر بانت علامتهه

بالك تكتب أحتركت عبايتهه
♤♤♤♤♤♤♤♤
هاي الله ذكرها ابفاطمه وسرها

قرآن النزل أبيت النبي درها

تحمل للرساله أتمم آخرها

ترسخ كل عقيده

فكر غافل تعيده

دين الله ورسوله هاذي غايتهه

بالك تكتب أحتركت عبايتهه
♤♤♤♤♤♤♤
عالتل نادته جدها النبي المختار

ذكرتهم ابصولت حيدر الكرار

ماذلت علم سيف العدل منشار

رجفو من علمها

فصاحتها وحلمها

كد كيدك تكول أبكل شجاعتهه

بالك تكتب أحتركت عبايتهه
♤♤♤♤♤♤♤♤♤
السياط الي تمر تتبارك من المتون

مامسبيه زينب بس سبت للكون

تحرسها الملائك من نظر العيون

حملها ما رضا يميل

الشمس تحمي المداليل

افلاك الدهر صارت حمايتهه

بالك تكتب أحتركت عبايتهه
♤♤♤♤♤♤♤
غريبه لا ابد ماصارت اخت حسين

بترابه ويحاميها الفده الجفين

من أبعيد وتحس ليها ملهوفين

من كّرب اجلها

حظرو كل اهلها
املاك السمه شالت جنازتهه

بالك تكتب احتركت عبايتهه
♤♤♤♤♤♤♤♤
تمت بعون الله تعالى✍خادمة الزهراء عليها السلام
ام اسعد الشمريhttps://www.tgoop.com/um1966ahmed

بسم الله الرحمن الرحيم
اللهم صل على محمد وآل محمد
قصيده للعليله بنت الحسين عليهما السلام
@@@@@@!

بويه بويه @ وحدي لتخلوني

بويه بويه@ دمعي يعمي اعيوني

بويه بويه
@@@@@@@
آنه يابويه العليله وحدي لاتنساني

حمّلت كلهن بناتك وآنه عيني إتاني

يمته ابويه يصيح بأسمي وكلبي يلهف آني

حمل ابضعن الحبايب وآنه ماندهاني

بويه بويه @ ليش ماصحتوني

بويه بويه@ وحدي لتخلوني

بويه بويه
@@@@@@@@@@
ليش يابويه تحَّمل تسرع أبممشاهم
وآنه مكسوره وعليله ماخذتني وياهم

تدري بالعلته خفيه أبعازة أهلهه أضواهم

تاخذ أمي وكل خواتي بعد
وين الكاهم
بويه بويه @ الطفل بي سلوني

بويه بويه@وحدي لتخلوني

بويه بويه
@@@@@@@!!
خلو عبد الله يناغي ويجلي بويه همومي

من بعدكم عمري يخلص مني يكرب يومي

لا يصل مرسال منكم لا تعرفو اعلومي

وظل دمع عيناي سايل بي عتابي اولومي

بويه بويه @ بعد متذكروني

بويه بويه@وحدي لتخلوني

بويه بويه
@@@@@@@@@

اشلون بويه عيوني تنضر لن نزلكم خالي

اهنا كعدنه اهنا أبويه ضي كمر ويلالي

انتو كل عمري وعزوتي وكل فرح دلالي

وحدي دمعاتي جوَّني لو أموت اشوالي

بويه بويه @ ياهلي سمعوني

بويه بويه@ وحدي لتخلوني
بويه بويه
@@@@@@@@@@

اشوف بويه عيون تحجي ماتريد اوجاعي

تريد كلمه تبدي بيها وتنتهي بوداعي

وآنه يابويه الهظمني والكثر من لوعي

صوت قرآنك يبويه أيغيب عن أسماعي

بويه بويه@ الله وتردوني

بويه بويه@وحدي لتخلوني

بويه بويه
@@@@@@@@@

خاف موتي ايصير غربه نعشي اليشيلونه

عادت الميت يبويه يغمض أهله اعيونه

اوللنعش يمشون عزوه أبدمعه ويودعونه

أبهيده من ينزل حفرته أترابه ويهلونه

بويه بويه@ غربه ميرحموني

بويه بويه@ وحدي لتخلوني
بويه بويه

@@@@@@
تمت بعون الله تعالى✍خادمة الزهراء عليها السلام أم أسعد ألشمريhttps://www.tgoop.com/um1966ahmed

فكد الاحنان حد روحي والمها

جروحي اشلون اضمدها والمها

اعاتب دنيتي دومي والمها

بعد اهلي انهدم ظلي عليه

ام اسعد الشمري

ابوذيه

انه روحي على الويلاد لاجت

عساني لاشفت جبدتك لاجيت

صحت الحك يحيدر الي لاجيت

ترد تقلع كفر بالخيبريه


ام اسعد الشمري

قصيده للسجاد عليه السلام تنقره بعدة اطوار
***
اليوم يومك ياعلي نخصف صدر

يالشفت بطفوف كل دم اليمر
******
ميت انته من شفت ناده الغريب

مالي ناصر لا معين ولا مجيب

تنهض وتوكع كلب اصبح لهيب

وعمتك لزمت امتونك للصبر
***
آه ناديت ابعلو ياموت اجيت

دم نزل بالعين من حركه بجيت

نارك اتشب بالضلع ونك عليت

من شفت الحسين داروله الكفر

****
يامصيبه التنحمل مرت عليك

تنهض من المرض والعمه تجيك

ناوليني السيف تفزع ترتجيك

لا يظل خالي النسل بعد العطر
*****
ايعين كلبك تنظر حسين الذبيح

كطعو اعضاءه ولا عظم صحيح

ريت موتي الساع يادنيه تصيح

دمعك اويه ادمومهم مثل المطر
******
من بعد ذبح الاهل جاك السبي

تشوف عماتك ظربها الاجنبي

والسياط اتمر اثأرها من العبي

حالتك ياحال تذبح بالعمر
*****
السناسل بالمتن يوم الخذوك

بالمرض شافوك ابداً مارعوك

ثكًلو حمل الحديد وعذبوك

تالي بسموم الاعادي تنجبر

******
تمت بعون الله تعالى✍خادمة الزهراء عليها السلام ام اسعد الشمريhttps://www.tgoop.com/um1966ahmed

قصيده للسجاد عليه السلام
حماسيه
****
آه واويلاه يازين العباد

آه واويلاه يازين العباد

شيعه تصرخ سيدي من كل بلاد
آه واويلاه يازين العباد

*****
سيدي الدموم بدموعي بجيت

دامي بحزانك متت وأتخيليت

تنظر الحالي يريت اليوم جيت

كلبي المصابك ولا فديوم هاد

آه واويلاه يازين العباد ٢
*******
اشلون كل هذا الجره كلبك حمل

ظنك أتمنيت مولا ي الاجل

والشمر لخيام عماتك وصل

اشلون ليل امكدر ابغيم السواد

آه واويلاه يازين العباد ٢
*****
آه من اذكر مصابك ابجي حيل

مايظل عندي فكر لا يهده ليل

من يلوم الايم انعلي العويل

خل يسمعون الكفر واهل العناد

آه واويلاه يازين العباد ٢
****
نلطم اعلى الراس خل نعمي العيون

من بعدهم مايظل كلشي يهون

ليش هالكفار بس بيهم تخون

يمسح الاسلام واركانه المراد

آه واويلاه يازين العباد٢
*****
خل يسمعونه ابلطم نصرخ حسين

امصابه شاب الراس ويشيب الجنين

ياهو مثل امصيبته وسره الدفين

وابنه ينظر حالته والجبد باد

آه واويلاه يازين العباد ٢

****
كل مرار الكون شلته والهموم

من بعد ظيم الوكت تسكه السموم

والسناسل اثرت تجري الدموم

عالامام اليوم نعلن كل حداد
آه واويلاه يازين العباد ٢
***
تمت بعون الله تعالى✍خادمة الزهراء ام اسعد الشمريhttps://www.tgoop.com/um1966ahmed

قصيده مربعه للسجاد عليه السلام
*****
عالسجاد ابجو اوزيدو الونين

دم تجري دمعته الهظمة حسين
***
يابويه الدمع بعدك يسليني

يظل راسم صور طوفانك ابعيني

لا علتي شفت لا ناري تطفيني

شايل بالكلب ماضل اهل ومعين

******
شايل ويل اهات اوهظم بالروح

يون ونات تفجع والدموع اتفوح

تفور النار بكليبه ونزف الجروح

نيران الكلب تلهب تشب صوبين
*****
الموت اتمنه وياهم براضي اطفوف

ولا عمته اسيره اوبلبلاد اتطوف

ولا بسلال ايديني والمتن مجتوف

طابع بالدمه ومأثره أنياشين
****
شاهد عمته وجه الشمس وغروب

بأيتام وحراير حايره واتلوب

سكنوها ابخرابه والكلب مصيوب

تنادي حامي جاره منين اجيبه امين
*******
كل منظر يشوفه ينزف ابجبده

لا كافل يجيله ولا اخو العنده

يكابد هم مصايب يجرع الوحده

تاليها ابسموم انغدر نسل الدين

***
خل نبجي يشيعه ونلطم اعلى الراس

هاذا ابن الغريب وعمها العباس

وامه فاطمه تاج النسه نبراس

تصيح احا ييمه وتلطم الخدين
*****
تمت بعون الله تعالى✍خادمة الزهراء عليها السلام ام اسعد الشمريhttps://www.tgoop.com/um1966ahmed

لطميه للزهراء عليها السلام
المستهل نصاري
والنص هجري


انه زينب ذكرياتي العذبتني
*انه زينب والمصايب رافكتني*
*يمه مشتاكه لحنينج*
*****
يمه مااحمل غيابج يمه يم طبع الحنين
عيني تنظر باب بيتج بلكي يندك وتجين
روحي هامت يالحبيبه بنتج بصغر السنين
من غصب رحتي يطيبه
رحتي وصفكت الادين

انه زينب ضربه امي الروعتني
*انه زينب والمصايب رافكتني*

ردي وتريدج بنينج
*يمه مشتاكه لحنينج*
العلويه ام محمد الخطيب الموسوي.
┈┉┅━━❀❀━
ماكشف بعدج نهاري يمه كل ايامي ليل
صوتج ايمر اعلى بالي
دمعي لجلج بس يسيل
والحزن غاطي ابجفوني وانمرد مني الدليل
يمه وحسينج سباني للصبر ماضلي حيل

انه زينب والطفوله فاركتني
انه زينب والمصايب رافكتني

حيرتي ابسكتت بنينج
يمه مشتاكه الحنينج
ام اسعد الشمري
┈┉┅━━❀❀━
دمعه دمعه تحجي شوكي يم حسن طال المغيب
يمه وديلي طيوفج كلبي نار ولهيب
شبكه احضانج اريدن كلبي يم كلبج ايطيب
صعبه يا روحي انادي صوتي يل ماله مجيب
انه زينب واليالي الالمتني
*انه زينب والمصايب رافكتني*
يمه شيردهن سنينج
*يمه مشتاكه لحنينج*
طالبه الزهراء
┈┉┅━━❀❀━
يمه يازهره الحنينه يمته اشوفج يم حسن
والله مشتاكه الحنانج كلبي بالفركه انسحن
اتفاركت وياج يمه ومارحم بيه الزمن
اسوت وياج السقيفه الحاقدة ام الفتن

اني زينب راحت امي اومأجتني
انه زينب والمصايب رافكتني

ابجي اعليج واريدج
يمه مشتاكه الحنينج
ام عمار الصائغ
┈┉┅━━❀❀━
صحت وينج اه ييمه ما رحم بيه اليتم
كل ركن بيتج يسولف
و بيه خيالج يرسم
وسط عيني صوره منج
كلبي وي فكري يهم
ولسه اسمع خطوه منج
مايج اتبده اشيلم

انه زينب بعدج اليشرح صفنتي
انه زينب والمصايب رافكتني

صعبه من اذكر ونينج
يمه مشتاكه الحنينج
نبضي حسين
┈┉┅━━❀❀━


تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها
https://www.tgoop.com/joinchat-AAAAAFDeD-8dIUKfF2UaBA