نهاية عزاء المجلس لأهل زينب

من ديوان #انوار_الشفاعه

لهل زينب / لطمچ حيل شيلي
هنا يالخادمه وأجرج تحصلي

•───✧◐◐✧───•

تحصلين الأجر من فاطمه الزهره
يلي بالعزه تنوحين وبعبره
لحسين الشهيد الرضرضو صدره
{ كل ونه ولطمه مذخوره }

•───✧◐◐✧───•

تنالين الشفاعه من تلطمين
يشيعيه بلطمتچ لاتبخلين
مذخوره الچ كل لطمه لحسين
{ اباب الجنه تلكيها }

•───✧◐◐✧───•

تلكين الأجر مكتوب كدامچ
بيوم الماينفعچ عمل بيامچ
تشفع فاطمه شديلهااحزامج
{علشالو منها عينيها }

•───✧◐◐✧───•

رباطات نهاية العزاء


ونعوف اهالينه ونعوف أهالينه
نلطم عالحسين نعوف اهالينه

•───✧◐◐✧───•

اللطمه محلاها اللطمه محلاها
وي زينب لطمنه اللطمه محلاها

•───✧◐◐✧───•

او كابليناها أو كابليناها
جينه امحزمين وكابليناها

•───✧◐◐✧───•

كله اعله ولياها كله اعله ولياها
الونه واللطم كله اعله ولياها

•───✧◐◐✧───•

لزينب واهاليها لزينب واهاليها
نختم هالعزه لزينب واهاليها

•───✧◐◐✧───•

نلطم اوياها نلطم اوياها
المالطمت لهلها نلطم اوياها

•───✧◐◐✧───•

يالزهره سجليني يلزهره سجليني
وانه الخادمه يلزهره سجليني

•───✧◐◐✧───•

يم حسن حفظيها يم حسن حفظيها
وكلمن لاطمه يم حسن حفظيها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة جنوبيه لفاتحة الأمام علي
من ديوان
#مواجع_امير_المؤمنين ج 1

{وين الهزت الكاع }🔥🔥🙅‍♀️

بهوستها _ وين الهزت الكــاع
وننصب فاتحه لچبيـر الأسباع

•───✧◐◐✧───•

ننصب فاتحه جينــه نساوين
مكابل بالطم سوي لبو حسين
شايل ياحسافه الشيد الديــن
{ حار الميدان / نسويله }

•───✧◐◐✧───•

ميدان وعراضه اليوم سويله
واحزام لعلي الكرار شديلـــه
وجيبي وياچ مله خلها تنعيله
{ بدموع العين / ابچي وياها }

•───✧◐◐✧───•

بدموع ولطم شدي اللطميه
انــه وياچ نتكـابـل يشيعيــه
نواسي بت علي زينب العلويه
{ انتـي حبيبتها / عينيها }

•───✧◐◐✧───•

عيني أم الخدر وتكابلي وياهـــا
تون اعله الصميده عالي بچاها
يايــوم العزيز هـــواي أذاهـــا
{ الدلل زينــب / ونيلــه }

•───✧◐◐✧───•

مذخور العزه وزينب تجازيچ
هنا يل لاطمه تشفع لهاليــچ
ولو لاحچ هظم تحظر تواسيچ
{ بس لو ونيتي / لولياها }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

هذه القصيدة الليله تنقري ملاياتنا العدهم ديوان مضيف الإمام علي يقروها

😭😭💔💔

قصيدة ندبه للأمام علي ع

من ديوان #انوار_الشفاعه_ج1


نـنـدب الكرار اجينــه الليلــه
هموم عدنه وعاكدين الشيلـه
بااسمه كل هم ينجلي
بس ننــادي يــا عــلي
نـنـدب الكرار اجينـه الليلـــه

•───✧◐◐✧───•

نندب الكرار ونصيح المـــدد
هـوه للمهموم مولايه سنــــد
مجربينه هواي يحضر بالشدد
علي حماي الدخيل
يمه يتشافـه العليل
ايطيب المعلول بس يمشيلــه

•───✧◐◐✧───•

مايقصر حيدر اويه احبابـه
المعتنيله وجايلـه يم بابـه
يذرف الدمعه حزن سچابه
بحظرته يصب الدمع
والعتب مــا ينكطــع
وللتعنالــه علي ايحييلـــه

•───✧◐◐✧───•

ابو الحمله امراد ينطي للطلب
ومايرد مهموم جايبلــه عتــب
وناح يم شباچه والمدمع يصب
جايلــه بونــه وألم
وجايب اوياه الهظم
وظل يردد حاجته ويشكيلــه

•───✧◐◐✧───•

بحضرة الكرار يتشافه العليل
مايقصر حيدر وحمله يشيل
المعتني وينخاه ويريد الدليل
يمه يلكه جوابـــه
المعتني ودك بابـه
بس يروح بصحنه اويحجيله

•───✧◐◐✧───•

ياعلي يلبسمه همنــه ينجلي
اليوم ناخينــه اجينه يــالولي
مايخيب الصاح حيدر ياعلي
نهتــف بـأآه اونيــن
احظرنه يابو الحسنين
احبابك تناجيك اجت ادخيله

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

استمعو للبصمة للنهاية

كل نفس ذائقة الموت

اعزي المله القديرة ام بشار بوفاة خالتها المرحومه حلوه بت مولى رحم الله من قرأ لها سورة الفاتحة وصلاة الوحشه
ولكم جزيل الشكر والتقدير

👆🏻👆🏻👆🏻👆🏻

قصيدة جنوبية للأمام علي ع

من ديوان
#العبرة_الفاطمية_جزء_2

{مثل اهلي يثنون }


ماكو ارجال - مثل اهلي يثنون
عليهم من اكوُلّ الكُولّ يسوون

✫───⊹⊰⊹───✫

اريد ارجال مثلك حيدر اتصير
مثلك بلحرايب حيد وچبيــر
يالتسوه المراجل والمشاهير
( المثلك حيدر / وين الكاه )

✫───⊹⊰⊹───✫

مثلك بلمراجل يصطر العايل
انته للعداله اوتعدل المايــل
برجال العداله اتحير القايــل
( شيكول ابوصفه / وقانونه )

✫───⊹⊰⊹───✫

بوصفه من كعد بلكون مانلكه
ابونه بلفريضه ينطي ابحكـــه
والعايل يكلــه الدينك اتلكــه
( ياحيدر منك / مريوده )

✫───⊹⊰⊹───✫

اريد ارجال بالديوان نشميــه
مثل قانون حيدر ثبت ماضيه
مومثل ابن ملجم كتل راعيـه
( مجرم مايكرم / خطاره )

✫───⊹⊰⊹───✫

اريد أمثال حيدر للعداليــه
بس انته يحيدر شهد ماضيه
دين الله ثبت سابع سماويه
( امعدل ماخذ / قرآنــه )

✫───⊹⊰⊹───✫

اريد اكبر رجال اتصير معروفـه
مثل حيدر علي من حكم الكوفه
سواها ابصلاته اوساحة الكوفه
( واليخدم حيدر / هنياله )

✫───⊹⊰⊹───✫

بقلم الشاعرة ام تحسين البصرة
غير مبري الذمة من يحذف الإسم وينسب الكلام له

https://www.tgoop.com/a1230th

#حصريآ …..🔥🔥🔥

قصيدة لتوفيق الخادم للخدمه

{ يلي تريد منبر }

يـلـي تريد منـبـر تـكـعـد وتـقـره
ينفعك بس علي وحسين والزهره
عليهم صب دمع عينك
بالخدمه اكمل أسنينك
يـلـي تريد منـبـر تـكـعـد وتـقـره

•───✧◐◐✧───•

أخلص بالعمـل والنيـه صفيهـا
وعينك لو جرت دمعاتك انويها
أجرهن عالنبـي وللزهره خليها
متفيدك الناس التلطم اعليهـا
ابچي واعمي اعيونك
عليهم ذبل اچفونك
لغير حسين ابد مـاتـنفع الـعبـره
يـلـي تريد منـبـر تـكـعـد وتـقـره

•───✧◐◐✧───•

انصحك يلـتريد تـعيش ايـامــك
بس لآل النبـي ثبتهـن أجـدامـك
وخلص كل حياتك واربط احلامك
لتغرك الدنيا وتمشـي بوهـامــك
محـد غيرهم يـنـفــع
بس آل النبـي التشفع
رجلك لاتزل وتـطيـح بالـحـفــره
يـلـي تريد منـبـر تـكـعـد وتـقـره

•───✧◐◐✧───•

تـتوفق تريد بخـدمة حسيــن
نفذ كل شروط العتره والديـن
أهتم بصلاتك والحـچي الزيـن
ولاتمشي بطريق اليحچي وجهين
الزهره دومها توفقك
بكل يوم وسنه تفرحك
وهنياله التوفقـه فاطمـه الزهـره
يـلـي تريد منـبـر تـكـعـد وتـقـره

•───✧◐◐✧───•

تواضع يلردت من فاطمه الرفعه
المايمشـي عدل وياهم ترجـعـه
طريق آل النبـي يـتـمـيز بربـعــه
وبالخدمه اليزل ينحرم هالجَمعه
ادعي من الله اليوفقك
بسجل الخادم يسجلك
بدعوه صـادقه من كلبك تـذكـره
يـلـي تريد منـبـر تكعـد وتـقـره

•───✧◐◐✧───•

ياسين الرميثـي وحمزه من خدمو
بطريق آل النبـي سـارو ولا تعـبو
خـدمـو فاطمه طول العمر وفـّو
والآل النبـي ارواحـهـم ضـحـو
لطمو عمر لحسينك
بذكرهم زايد ونينك
الخلص عمره يخدم حيدر يحظره
يـلـي تريد منـبـر تكعـد وتـقـره

•───✧◐◐✧───•


اللهم يوفقنا للخدمه الخالصه المقبوله عند ال محمد

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

✍️🚫 مريم الصدر


إلى متى يضلم الحسين عليه السلام ممن يدعون الانتماء للحسين ع
إلى متى تستمر تمثيلية الخدمة المزيفة
إلى متى ملالي (الطشه ) تستمرن بالاساءة للشعائر الحسينية
استعراض اللبس واللطم ( الردح ) واستعراض الأصوات والمتاجرة بالحسين ع
في سبيل الحصول على مشاهدات وتعليقات
معقول ولا وحده من هذا الكم الهائل
فكرت برأي السيدة الزهراء ع _ و رأي السيدة زينب ع بهكذا ترهات وهكذا أفعال
اليوم الخادم شلون يحصل رضا آل محمد
غير بأتباع مايريد المعصوم ولو بجزء بسيط
تطبيق الشروط
والا انت مو (خادم ) انت متنكر بزي الخدمه وحقيقتك خادم لنفسك الامارة بالسوء وماتريده نفسك هوه الشهره على حساب الحسين ع
كفى ضلماً للحسين ع
أما حان ان تخجل من صاحب الزمان عج

#قاطعوهن تؤجرون 🚫🚫🚫

شكرآ للأخت الغالية العلوية ام زينب الموسوي على هذا الديوان الراقي الذي يحمل احزان ال محمد
اليوم وصلتني هذه النسخ هدية اوزعهن للملايات القريبات عليه

الديوان تم طباعتة من مالها الخاص وتم توزيعه مجاني جزاها الله خير الدنيا والآخره وزادها الله توفيق لخدمة ال محمد

ان شاءالله سيتم طباعة الديوان على حساب المطبعة ويتوزع عالمكاتب وتكدرون تشترون منه لايفوتكم الديوان راقي

شكرآ للشاعرة والمله ام زينب (مريم الصدر )

خادمتكم الشاعرة ام علي الإماره

#عباد_الله ✨

قال أمير المؤمنين (عليه السلام):

عِبادَ اللَّهِ اصدُقوا ؛ فَإِنَّ اللَّهَ مَعَ الصّادِقينَ ، وجانِبُوا الكَذِبَ ؛ فَإِنَّهُ مُجانِبٌ لِلإيمانِ ، وإنَّ الصّادِقَ عَلى شَرَفِ مَنجاةٍ وكَرامَةٍ ، وَالكاذِبَ عَلى شَفا مَهواةٍ وهَلَكَةٍ.

📚 تحف العقول ، ص 162

زيارة عاشوراء كالوضوء للصلاة
حيث لايمكن للانسان ان يصلي بدون وضوء
كذلك لايمكن للانسان ان يحصل على مراتب مميزة من التوفيقات بدون قراءة زيارة عاشوراء..

تمت قرائة زيارة عاشوراء نيابة عن مشتركين القناة واهداء ثوابها لأهل البيت ولكم ولأمواتكم جميعا

خادمتكم #أم_علي_الإماره

خادمات الحسين اليوم نورس الحلفي فاتحتلكم قناتها ونزلت الكم قصائد حماسيه حاره
والحلو قصائدها بالحسچه الشعبيه المرغوبه

تعالي وراي خلي نشترك بالقناة
ونقره قصيده قصيده وندعيلها بالتوفيق

الأشتراااك من هنا 👇🏻👇🏻👇🏻


https://www.tgoop.com/nawrasalhalfy

https://www.tgoop.com/nawrasalhalfy