🌱مولد الزهراء 🌱عليها السلام



اليله ميلادج يزهره
شعت انوارج يبضعه
نورج يضوينه
ياامل هادينه

🪴🪴______________🪴🪴


فرحت املاك السمه بميلادج
ونزل جبرائيل هنه احبابج
ماكو بالدنيه مثل اوصافج
ونزلت الحور خدم يم بابج

طلعتج يااحله طلعه2

الفرح يزهينه ياامل هادينه

🪴🪴______________🪴🪴


الليله كل شيعة علي فرحانه
والعرش ياأسمج فتح بيبانه
فرحت املاك السمه ويانه
تهني بالمولد الج مولانه

زهره اسمج وانتي دره2

وللنبي هنينه ياامل هادينه

🪴🪴______________🪴🪴

احله فرحه الليله مرت بينه
انولدت الحوريه بت هادينه
والفرح هليوم هل علينه
زهره دنيا واخره تنجينه

زهره انتي وانت عطره2

وبالورد طشينه ياامل هادينه

🪴🪴______________🪴🪴


بيها دنيانه اصبحت بشره وزهيه
اتباشرت هليوم باام الجعفريه
ياالاسمهه فاطمه الزهره الزجيه
اكتملت الفرحه علينه بهالمسيه

اليله ازهرت كل شجره2

من عطرج اشتمينه ياامل هادينه

🪴🪴______________🪴🪴


خديجه اليوم بالمولد نهنيها
من اليله اصبحت حلوه لياليها
هديه من السمه حلوه اجت ليها
الصفكه بمولد الزهراء عليها

اصبحت دنيانه حلوه2

بمولدج فرحينه ياامل هادينه

🪴🪴______________🪴🪴

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tgoop.com/um_ali313

اللهُمَّ صَلِّ عَلى البَتُولِ وَسَيِّدَةِ النِّساءِ ومُبشِّرةِ الأولياءِ حَلِيفَةِ الوَرَعِ وَالزُّهدِ وَتُفّاحَةِ الفِردَوسِ وَالخُلدِ الَّتي شَرَّفتَ مَولِدَها بِنِساءِ الجَنَّةِ وَسَلَلتَ مِنها أنوارَ الأئِمَّةِ وَأرخَيتَ دُونَها حِجابَ النُّبُوَّةِ،

#السيدة_فاطمة_الزهراء
#العتبة_الحسينية_المقدسة

متباركين بولادة أمنا الحنونه فاطمة الزهراء بنت رسول الله ص
من اجمل الليالي والأيام هو يوم ولادتها انا مسروره في هذه الليله

ليلة ولادة حليلة علي بن أبي طالب وأم السلالة الطاهرة وأم المهدي عجل اللّٰه فرجه❤️🌹

قال العلاّمة الطبرسي في تفسير جوامع الجامع لقوله تعالى: (انّا اعطيناك الكوثر) قال: هو كثرة النسل والذرية، وقد ظهر ذلك في نسله من ولد فاطمة (عليها السلام) اذ لا ينحصر عددهم، ويتصل بحمد الله الى اخر الدهر عددهم.

مـاادور ذهب لا مــال لاشهره
ادور بس خدمتك اكتب واقره

حبيبي حسين

#ام_علي_الأماره

#انتباه….

#ديوان_انوار_الشفاعة
#الجزء_الثاني

مثل ماوعدتكم تم تغيير غلاف ديوان انوار الشفاعة بصورة تعطي رمز لأسم الديوان وما بداخله من قصائد روحانيه حسينية تاخذكم لشفاعة ال محمد وتنالون به اجر وثواب ان شاء الله

خادمتكم الشاعرة والمله ام علي الإماره

شكرآ لكل ملايه مخلصة ولكل شاعرة مخلصة ولكل شخص يحب الخير للجميع ويتمنالهم التوفيق بخدمة ال محمد

صفو النوايا وتمنو الخير لغيركم كما تحبونه لأنفسكم ستنالون رضا الزهراء وأهل البيت ان شاء الله
ابتعدو عن الغيره والحسد والنفاق والقال والقيل وانشغلو بأنفسكم وتعبو على ارواحكم بطريق الخدمه لأننا بوقت الغربله 👌🏻👌🏻
التوفيق يأتي من النيه الخالصه

خادمتكم الشاعرة ام علي الإماره

انتباه …

👈🏻ديوان انوار الشفاعه بي مواضيع كلش هواي وقصائد متنوعه وهوسات ونعي ورباطات وملاكاه ومحاضرات وقصائد للشباب ماكدر انزللكم كل البداخل الديوان من تاخذوه راح تندعولي عليه ماخليت بي نقص ابددددد
حتى للملايه المتوفيه خليت قصائد قصيدة للعباس بالديوان حماسيه نار 🔥 وللحسن للعزوبيه 👌🏻انصحج تاخذي عزيزتي الخادمه لأن الجزء الأول خلص راح يجددون طباعته وهذا الجزء الثاني نزلت عنوانه

بخدمتكم اني حبايب كلبي لاتنسوني بدعواتكم المباركة
خادمتكم الشاعرة والمله
#أم_علي_الأمارة

لأول مره بالساحة الشعريه النسويه ينزل هيج ديوان خاص للفواتح قصائده مختلفه ومميزه من خلال العقائد لايوجد بي ذكر للميت نهائيا قصائده لأهل البيت الأطهار الذين ضحو بما عندهم لأجل الله وطريق الحق
من تقرين بي راح تحسين راحه نفسيه بداخلج والأجر يحيط بيج من جميع النواحي

ديوان قناعه وصبر وافتخار وشجاعه 🔥👌🏻

كلامي يفهمونه الناس المخلصين لأهل البيت

خادمتكم الشاعره والمله
#أم_علي_الأمارة

شكرآ لله على توفيقاته وعنايته الدائمه

مقطع فديو جمعت فيه مقتطفات من ديوان انوار الشفاعه الجزء الثاني بغلافه الجديد ومواضيعه المميزه

ان شاءالله ينال رضا الله وأهل بيته وينال اعجابكم جميعا

خادمتكم #الشاعرة_والمله_ام_علي_الإماره

مقطع فديو خاص بدواووين سلسلة المواجع وانوار الشفاعه

تمتعو بالمشاهده 👌🏻💥 المصممه راقيه

للشاعرة والمله ام علي الإماره

#جديد_متوفر_2025

👈🏻ديوان أنوار الشفاعة

👈🏻الجزء الثاني

🔥خاص لمجالس الفواتح والختمه الشريفه

للشاعرة والمله ام علي الإماره

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076



https://www.tgoop.com/hrmrm7

يا أبن شبيب إن كنت باكياً (لشيء!) فأبكي الحسين عليه السلام💔..

-
الإمام علي ابن موسى الرضا عليه السلام .

توفر الديوان بالبصرة مكتبة الحكمه العشار

التواصل عبر الرقم التالي

0 770 907 6591

#جديد 💔💔

قصيدة جنوبيه لسبع الدجيل

{محزن عله اعضيده }

اليوم العسكري محزن عله اعضيده
وناح اعـــله السبع هــليوم ويريده

•───✧◐◐✧───•

اليوم العسكري مانشفن ادموعه
من شاف العزيز ايـعالج اللوعـه
مسموم وچبدته حيل موجوعـه
{ بروحه محمد / ضحاله }

•───✧◐◐✧───•

محمد ضحه روحه لخاطر العتره
سرى السم بچبدته وصبّحت جمره
غدروه العده وبالسم كضه عمـره
{ يون اعليه / اعضيده الليله }

•───✧◐◐✧───•

الله يعين كلب العسكري الليله
من شافه طريح ومنهدم حيلـه
والسم ظاهده ورويحته نحيله
{ يلطم عالراس / اعله امصابه }

•───✧◐◐✧───•

ياناس الأخو ماينحمل يومــه
وحكـه العسكري لو مزك اهدومه
من جاه الخبر بالغالي وعلومه
{ الدنيا اظلمت / بعيونه }

•───✧◐◐✧───•

سوده الدنيا صارت من رحل عنه
لزم ظهره اعله اخوه وكاطع الضنه
شال وشالت أوياه كل المحنه
{ الليله انفلت / يالخوه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة مربعة لسبع الدجيل

#جديد💔💔

اليوم الشال سيد وابن الاجواد
نعازي اهله وعمامه ونعلن احداد

•───✧◐◐✧───•

اليوم الشال سيد وامه علويـه
حرامات السبع ماخذته المنيه
ولمصابه نصبنه بأسمه تعزيـه
عليه ونه ومناحه اليوم تنراد

•───✧◐◐✧───•

عليه ساده الهواشم هل محزنين
وغيم كون دنياهم عله الزين
يوم الشال حزنَه تجدد اسنين
ونصبو ماتم السيـد بالبلاد

•───✧◐◐✧───•

حزنان السلف وينوح لمصابه
ودمعات اعله فكده صبت احبابه
ونيران الكلب لفراكه لهابـه
عله محمد حزنهم ابد ماهاد

•───✧◐◐✧───•

شيهيد الكلب لو شالو اعزازه
وبخصوص الشجاع الدين يعتازه
ياوسفه السيد صّـبح اجنازه
وحزنه بكل سنه وهليوم ينعاد

•───✧◐◐✧───•

شال اليوم ابن خير الأمامـه
وحزنان السلف ظل بي علامه
سيدهم مشه وخلصت ايامه
چان بچفه ينطي الخير والزاد

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313