Бўғознинг энг чиройли қизил рангдаги уйи Сезен Аксу холамнинг уйлари. Ҳозир овоз ёзиш студияси ҳам шу ерда, адашмасам.
Эээ, соҳилда бундай қўрғони бўлган аёл ўзини хафа қилган эрига тоқат қилиб ўтирмайди, эфелардай қаддини тик тутиб, бош олиб кетади-да, десама Сезен холамга. 😃

Бундай уй, бундай бетакрор манзарада яшаб шоир, ижодкор, санъаткор бўлмаслик гуноҳ бўлса керак...

✍@umidaaziz

Йўқлигингда орқангдан сени ҳимоя қиладиган кишилар ҳақиқий дўстларинг.

✍@umidaaziz

#англаш

Сал олдин шундай жумла ўқидим: "Болалик травмасининг энг жиддий аломатларидан бири— қўпол,феъли қўрс кишини бизга яхши муомалада бўлишини умид қилишдир."

Бошимдан гурзи билан урилгандай ларзага келдим.
Ўқиганимдан бери ўзимга келолмаяпман.

✍️@umidaaziz

Осуда баҳордир умр, бир кун келиб ғазал бўлар.
Алданма дунёнинг шодлигу ғамига, бир кун келиб ҳаммаси ёлғон бўлади...

✍️@umidaaziz

Мен кўздан ғойиб бўлишнинг фазилатларига ишонадиган одамман. Кўзлардан узоқ бўлиш, сукунатга бурканиш, бир қобиққа ўрнашиб, бироз дунёни туйнукдан кузатиш кишини камолотга етказишига ишонаман.

🖊Камол Сайар

✍️@umidaaziz

#ўзимга_насиҳат

Кўринишингни хоҳламаган жойларида кўринишга уринма.

✍️@umidaaziz

Ўқиш ҳамманиям яхши мавқега кўтармайди. Қўлидан китоб тушмаса ҳам ўқиганларидан насибланмаган, ён-веридагиларига қўрс ва дилозорлик билан муомала қиладиган кишиларнинг сони мингта. Олий маълумотли, яхши ишларда ишлайдиган лекин яқинларига ҳаётни зиндон қилган кишилар бор. Ибодатларини бенуқсон бажарса-да, ислом хулқидан насибланмаганлар кўп. Амал қилинмаган, ҳаётда акс этмаган, атрофга ҳузур сочмайдиган ҳар қандай билим ва таълим шунчаки юкдан иборат. Саъдий Шерозий бежизга илмига амал қилмайдиган кишиларни китоб юкланган эшакка ўхшатмайди.

✍️@umidaaziz

Кишини етукликка бошлагувчи ҳар қандай нарса бироз ҳис-туйғусининг ўлимига ҳам сабаб бўлади...

✍@umidaaziz

#dolzarb

❗️❗️❗️"Ўзбекистон" телерадиоканали орқали "Муносабат" кўрсатувининг навбатдаги сонида энг долзарб муаммолардан бири олиб чиқилди.

Оддийгина "ноқонуний диний таълим" деб айтилаётган тушунча остида келажагимиз эгалари бўлган болажонларимизга ўтказилган зулм ва қийноқлар очиқ кадрларда намойиш қилинган.

Фақат танқид ва тақиқ билан бир нарсага эришиб бўлмайди-да. Мактабларда бешинчи синфдан "Дин ва ахлоқ" дарсини жорий қилиш керакмикин. Инсоннинг фитратида эътиқод қилиш, Борлиқни бошқариб турган Буюк Куч борлигига ишониш мавжуд. Буни инкор этолмаймиз. Шундай экан, қонуний ва давлат назорати остида диний таълим жорий қилиш тақозо қилади...

#ўзимга_насиҳат

Гўзал чеҳранинг диққат-эътиборда бўлиши, хунукларнинг нафратини қўзитади.
"Диққатларни ўзига қаратган, душман жалб қилади."
Юсуф алайҳиссаломни отасининг диққати акаларидан кўра унга кўпроқ қаратилгани қудуққа ташлаттирганди.
Бахтлимисан, жим бўл, саодатингни ўзингдан бошқа билмагани маъқулроқ. Ҳаётингда яхшиликлар, гўзалликлар бўляптими, ҳеч кимга айтма. Нафрат ва ҳасад айёрона назарини қаердан ташлашини билмайсан. Кўзлардан пинҳон тутилган ҳар неъмат бардавом бўлади...

✍️@umidaaziz

Йиқилганингда тепкилаганлар бегона бўлса, ҳар тепки сенга куч-қувват беради. Кутганингдан ҳам тезроқ ўрнингдан туриб, йўқотишларинг ўрнини тўлдирасан. Тепкилаганлар ўзингники бўлса, қаддинг букилиб ҳамма нарсангни бой берганингни англайсан ва энди ўзинга келишинг жуда қийин бўлади...

✍️@umidaaziz

#камина_ҳақинда

Ёлғизликда ҳаловат топадиган киши хавфли инсондир. Унга нисбатан ҳурматсизлик қилсангиз, орқасига қарамай кетади. Чегараларини ошиб ўтсангиз, сизни ҳаётидан чиқариб юборади. Агар уни манипуляция қилиб, ташлаб кетиш билан қўрқитмоқчи бўлсангиз, заррача парвосига келмай, жону дилдан сизга эшикни ланг очиб қўяди. Чунки бундай кишиларнинг сизга эҳтиёжи йўқ. Сизни ҳаётида бўлишингиз учун у танлайди. Шунинг учун ҳам ёлғизликда хотиржам бўладиган киши ҳаётда енгилмас бўлади.

P/S: Бироқ бунинг ҳиссий хавфлилик жиҳати ҳам бор: ҳеч кимни соғинмайди, ҳеч кимга боғланмайди, ҳеч кимни севмайди 🙄😳🤦‍♀️ ва ҳеч кимга ачинмайди. Бир нави муздан ясалган ҳайкалдай яшайди. (Душмангаям раво кўрилмайдиган ҳаёт аслида)

✍️@umidaaziz

"Ким билсин, эҳтимол, кутиш ҳеч қачон келмайдиган поезднинг йўлини пойлашдек бемаънилик эди.
Лекин барибир ичида бир умид бўларди кишининг:

Келиб қолса-чи?..."

🖊Аҳмад Ҳамди Танпинар


✍️@umidaaziz

Асфалтда 65 кўрсатятганмуш. Қуёш бобо компьютерхонамнинг нақ деразасини мўлжалга олган пешиндан кейин. Гиламлардан ҳовур чиқаётир... 😁

Ҳар маҳрумликнинг бир шодлиги бўлади... деб шивирлай умид қулоғимга...

✍️@umidaaziz

Инсон инсондан воз кечмас, қурбоним. Инсон инсонларга юклаган маъноларидан воз кечади.
"Фарқинг йўқ экан бошқалардан.
Мен бошқача кўрибман, билмасдан..." дейди ва кетади.
Инсон инсондан кетади, қурбоним...

✍️@umidaaziz

Бугунги 40 даражалик иссиқда денгизда делфинчалар рақсга тушибди 😍😘