#bayrogim_gururim🇺🇿
#kombinat🤝

Bugun kombinat Ijroiya apparati majlislar zalida kombinat Kasaba uyushmasi qo‘mitasi va “O‘zmetkombinat” AJ ning Davlat tili masalalari bo‘yicha maslahatchisi Nigora Ataxanova tomonidan, kombinatimiz ishchi xodimlari o‘rtasida Vatanimiz bayrog‘i qabul qilinganining 33-yilligiga bag‘ishlangan, "Muqaddasdir vatan bayrog'i" shiori ostida ma'naviy-ma'rifiy tadbir bo‘lib o‘tdi.

Tadbir davomida Respublika ijodkor yoshlarining “Barhayot Sohibqiron” mavzusida o‘tkazilgan ko‘rik-tanlov sovrindori Munira Sulton bayrog‘imizni tarannum etuvchi she’r aytib bergan bo‘lsa, Elektrda po‘lat eritish bo‘linmasi kasaba uyushma raisi Ma’ruf Allamuratov Davlatimiz bayrog‘i mamlakatimizning suvereniteti va mustaqilligini ifodalovchi muqaddas timsollardan biri ekanligi hamda xalqimizning tarixiy xotirasi va intilishlarini o‘zida mujassam etib, shu yurtda yashovchi har bir fuqaroga alohida g‘urur, faxr va iftixor bag‘ishlashi haqida fikrlarini bildirib o‘tdi.

Shu bilan birga, tadbir doirasida ishtirokchilar o‘rtasida «Bayrog‘im g‘ururim» mavzusida viktorina o‘tkazilib, g‘oliblarga Vazirlar Mahkamasi huzuridagi o'zbek tilini rivojlantirish jamg'armasi tomonidan taqdim etilgan kitoblar sovg‘a qilindi.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube