There's music in your eyes.

صباح الخير
خلّي الخير فيك
في ناس بتتأمل فيك🤍.

تتسبب الأجواء الشتوية مثل الظلام والغيوم وبرودة الطقس لدى كثيرين في الإصابة بما يعرف بالاكتئاب الشتوي. فما أعراضه؟ وكيف يمكن مواجهته؟

للإجابة عن هذه الأسئلة، أوضح اختصاصي الطب النفسي الجسدي والعلاج النفسي الألماني ستيفن هافنر أن الاكتئاب الشتوي يندرج ضمن ما يعرف بالاضطراب العاطفي الموسمي "إس إيه دي" (SAD)، مشيرا إلى أن أعراضه تتمثل في:

– الحاجة القوية للنوم (فرط النوم).
– الرغبة الشديدة في تناول الحلويات والكربوهيدرات.
– الخمول وفقدان الدوافع.
– تقلبات المزاج وزيادة التهيج.
– العزلة الاجتماعية وقلة الاهتمام بالأنشطة الترفيهية.

يمكن مواجهة الاكتئاب الشتوي
بالخروج خلال الأيام المشمسه
التواصل مع العائلة و الاصدقاء
ممارسة الرياضة
السفر الى اماكن دافئة
الغذاء الصحي

الصيفية بتعمل اكتئاب؟
هل الصيفية بتعمل اكتئاب؟

طيب فهمكن كفاية🌚

أكفٌّ تشدُّ على بعضها
قلوبٌ تتلاحم
عيونٌ تتعانق وكأنَّ الوداع باتَ يطرق الأبواب
أرواحٌ تتعاضد ، تكادُ تتحد من لهفة الفراق.

هذا حُبّ؟
إنه الحب ،عندما تقع الراء بين حرفيه، إنها الحرب.

لُجَيْن.

إخواتنا بحلب
قلوبنا معكم
وإلكن دعاؤنا.

مصيبة لما تكون جاهل
ومصيبة كبيرة لما تكون جاهل و وقح
والمصيبة الأكبر لما تكون جاهل و وقح وعندك إمكانات.

بسم الله الذي لا يضر مع اسمه شيء في الأرض ولا في السماء وهو السميع العليم . ❤️‍🩹

يا الله ، أنت من
لا ملجأ منك إلّا إليك
نعمَ الملجأِ أنت
نعم السَّلام.

هلق بعد ما صرنا تحت الأمر الواقع
مالنا غير نتمسّك بإيماننا، عاجزين بكل ما تعنيه الكلمة،
الله يمسك على قلوب أهالي حلب ويفرج همن ويأمن قلوبهن ويرحمهم برحمته الواسع، وينفذ حكمته
كل اللي عايشين بأمان هلق بس بدّي نسقط الحدث علينا سواء كنا بالشام أو بالداخل أو بالساحل لنتخيل قدّي صعب الموضوع ، لهيك ادعولهن ..
ادعوا لأهالي حلب ..
ادعوا لأهالي سوريا

يا أغبياء
مافي شي اسمو نحن ولاد طائفة وحدة
في شي اسمو نحن ولاد أرض وحدة
وطن واحد، سورية وحدة
لا بدنا نتقسم ولا بدنا هدف الغرب يتحقق، ولا بأي وسيلة، ولا تحت أي مسمى ،فتّح عيونك الواقع بيحكي أو افتح بصيرتك عيونك عميان.

من مبارح راسي عم يضرب ضرب
مقهورة عالأهالي الأبرياء
بس مين اللي حطن بهالوضع؟ ،
كيف بدنا ندرس وأنا بذكر أستاذ عم تابعوا من حلب انقطعت أخبارو
كيف إلي نفس أدرس وطلاب متلي ما عم يقدروا يدرسوا بسبب اللي صار،
((كيف رح أقدر أدرس))
هاد هدفن هاد
بدن يجهّلونا ليستحكموا
بس الله كبير ، الله كبير.

🩶.

نهاية سنة حزينة،
مين كان متوقع هالشي يصير؟
المهم، اتكّلوا عالله وكملّوا اللي عم تعملوه .. الحياة رح تستمر
ولا تنسوا أخواتنا الأبرياء من الدعاء.

عاد خطاب الكراهية والتحريض والإقصاء والإلغاء ليتصدر مشهد البلاد بعد سنوات من تراجعه نسبياً وتفكيك جزء لا بأس به منه.. للأسف كلما تقدمنا يوماً نتراجع سنوات.

.
.
.
.
.

لطالما كنت مع الحلول السلمية دائماً، وضدّ هدر دمّ أي إنسان حامل للجنسية السورية دائماً وأبداً.. بغض النّظر عن اختلافنا بالقناعات أو وجهات النظر أو التوجهات الدينية أو السياسية.

وطالما ما حدا رح يقرّب على مناطقنا أو بيوتنا وأهلنا فـ أنا مع النّقاش ودائماً جاهز للحوار معك.

ولكن في حال تعرّضنا للخطر والأذيّة، وتم اقتحام بيوتنا ومناطقنا قسراً وبدون ما حدا يسألنا إذا بدنا أو لا، أنا أول شخص رح يحمل سلاح وينزل عالشارع.. لأنه ببساطة القطة اللي هي قطة بتتحول لوحش لما تقرب على أولادها.. فـ شو متوقع من إنسان قضى كل حياته خوف وأزمة ما ضل عنده شي يخسره.. صدقني رح نكون مجبرين نتحول لوحوش!!

طالما عنجد متل ما قالوا هدف الحركة اللي سمّت حالها ردع العدوان أو قوّات الفتح.. حرية حقيقية، فـ لازم يسألونا إذا بدنا يحكمونا أو لا، بدنا ياخدولنا حقّنا أو لا، بدنا يحمونا أو لا، ومن هلأ عم نقول وبكل اللغات: لا..

ومو لأننا مبسوطين وعايشين برفاهية، لأنه ما بدنا حروب جديدة بالمنطقة نكون نحنا وأنتو (البيادق) ضحاياها.

وفي حال كنتوا عم تفكروا تجبرونا لأنكن بتعرفوا مصلحتنا أكتر منا، فهيك ما منكون استفدنا شي وما بتكونوا أحسَن من غيركن.

ببساطة حقكن مو عند الشّعب الفقير، حقكن مو عند جيلنا، جيل الأزمة والحرب اللي ضاعت كل طفولته متل ما ضاعت طفولتكن.. بالدّم والمجازر والخوف.

.
.
.
.
.
.
.

___