⏺ #LIVE

😎 O'zLiDeP фракцияси ва партия фаоллари иштирокида Тошкент халқаро инвестиция форуми натижалари муҳокама қилиняпти

🔍Бугун Олий Мажлис Қонунчилик палатасидаги Ўзбекистон Либерал-демократик партияси фракциясининг навбатдаги йиғилиши бўлиб ўтмоқда. Йиғилишда жорий йилнинг 10–12 июнь кунлари ўтказилган Тўртинчи Тошкент халқаро инвестиция форумининг аҳамияти, янгича иқтисодий ва сиёсий ёндашувларнинг ифодаси сифатидаги ўрни муҳокама қилиняпти.

🔍Йиғилишда таъкидланганидек, бу йилги форум Ўзбекистоннинг халқаро майдондаги очиқ ва прагматик сиёсатининг яна бир амалий натижаси бўлиб, жаҳон ҳамжамиятининг эътиборини тортди. Форум нафақат инвестициявий мулоқот майдони, балки мамлакатнинг янгиланган стратегик иқтисодий йўналишларини намоён қилувчи муҳим саммитга айланди.

#uzlidep #fraksiya

🖥 Расмий саҳифаларимизга уланинг

⏺ #LIVE

😎 O'zLiDeP Тошкент халқаро инвестиция форумида билдирилган барча ташаббусларни қўллаб-қувватлайди

🔍Фракция аъзолари мазкур форумда давлатимиз раҳбари томонидан “яшил” энергетика, рақамли технологиялар, молиявий ислоҳотлар, технологик минераллар саноати, давлат-хусусий шерикликни ривожлантириш ва инвестицион муҳитни тубдан яхшилаш борасида қатор аниқ ташаббуслар илгари сурганлигини алоҳида эътироф этишди. Шу билан бирга, 2030 йилгача Ўзбекистоннинг кредит рейтингини “инвестицион” даражага олиб чиқиш, жаҳон бозорида барқарор иштирокини таъминлаш мақсадлари белгилаб берилди.

🔍Йиғилишда қайд этилганидек, сўнгги саккиз йилда Ўзбекистон ЯИМ ҳажмини икки баравар ошириб, 2024 йилда 35 миллиард доллар инвестиция ва 27 миллиард доллар экспорт кўрсаткичига эришди. Шунингдек, мамлакат Иқтисодий эркинлик индексида 48 поғонага, Иқтисодиёт мураккаблиги индексида эса 28 поғонага кўтарилди.

🔍Форум доирасида хорижий ҳамкорлар томонидан 40 дан ортиқ ташаббус ва таклифлар илгари сурилди. Улар орасида солиқ қонунчилиги барқарорлиги, хусусий сектор иштироки, корпоратив бошқарувни кучайтириш ва профессионал кадрлар тайёрлаш каби муҳим масалалар ўрин олди.

🔍O'zLiDeP фракцияси аъзолари форумда кўтарилган барча долзарб масалалар, хорижий сармоядорлар билан амалий ҳамкорликни чуқурлаштириш, миллий қонунчиликни инвестицион фаолиятга мослаштириш йўлидаги ташаббусларни тўлиқ қўллаб-қувватлашини таъкидладилар.

#uzlidep #fraksiya

🖥 Расмий саҳифаларимизга уланинг

⏺ #LIVE

🔍Олий Мажлис Қонунчилик палатасидаги ЎзЛиДеП фракцияси ҳамда Олий Мажлис Қонунчилик палатаси ҳузуридаги ёшлар парламенти аъзоларининг ўзаро ҳамкорлиги масалалари ҳам кўриб чиқилди.

🔍Хабарингиз бор, Ўзбекистон Либерал-демократик партиясидан 64 нафар фаол, ташаббускор ва интеллектуал салоҳияти юқори ёшлар Олий Мажлис Қонунчилик палатаси ҳузуридаги Ёшлар парламентига аъзо сифатида сайланди. Бу эса партиянинг ёшларга бўлган ишончи, уларнинг сиёсий жараёнлардаги фаол иштирокини таъминлаш борасидаги саъй-ҳаракатлари самараси сифатида баҳоланиши мумкин.

🔍Ушбу ёшлар турли соҳалар вакиллари сифатида жамиятдаги долзарб масалаларга ўз қарашларини, янги ғоя ва таклифларини илгари сурмоқда. Улар мамлакатимизда ёшлар сиёсати самарадорлигини янада юксалтириш, ёшларнинг ижтимоий-сиёсий фаоллигини ошириш, уларнинг ҳуқуқ ва манфаатларини ҳимоя қилиш, таълим, тадбиркорлик, инновация, экология, маданият ва бошқа соҳалардаги долзарб муаммоларни ҳал этишда фаол иштирок этмоқда.

🔍Шунингдек, ЎзЛиДеП сафидан сайланган ёшлар партия дастури ва ғояларини ёшлар орасида кенг тарғиб қилиш, уларнинг орзу-мақсадларини амалга оширишга кўмаклашишда ҳам муҳим роль ўйнаши кутилмоқда. Бу эса партия билан ёшлар ўртасидаги мустаҳкам кўприкни яратишда муҳим қадам бўлиб хизмат қилади.

#uzlidep #fraksiya

🖥 Расмий саҳифаларимизга уланинг