Maktabgacha va maktab taʼlimi tizimi xodimlari mehnatiga haq toʻlash boʻyicha 01.10.2024-yil holatiga bazaviy tarif stavkalar miqdori

@oylikhisoblaydigan_bot yordamida oktyabr oyidan boshlab oladigan oylik maoshingizni turli ustamalar, soliqlar va qo‘shimchalar bilan birga hisoblashingiz mumkin.

✅Ta’lim nazorati rasmiy kanali

Toʻlov-kontrakt mablagʻlarini toʻlash muddati 1-dekabrga qadar uzaytirildi

Davlat komissiyasining tegishli bayoni bilan 2024/2025-o‘quv yilida oliy ta’lim muassasalarining quyidagi bakalavriat hamda magistratura talabalari uchun to‘lovlarni amalga oshirish va talabalar safiga qabul qilishni rasmiylashtirishning muddati 2024-yil 1-dekabrga qadar (shu kuni ham) uzaytirildi:

➖bazaviy yoki tabaqalashtirilgan to‘lov-kontrakt asosida o‘qish istagini bildirgan abituriyentlar (1-bosqich);
➖PF–213-son (31.08.2022-y.) Farmoni asosida qoraqalpog‘istonlik yoshlar uchun ajratilgan qo‘shimcha qabul kvotalariga talabalikka tavsiya etilgan abituriyentlar (1-bosqich);
➖o‘qishi ko‘chirilgan (ko‘chirib tiklangan) talabalar.

Bunda:
🔠qabul parametri doirasida o‘qishga tavsiya etilgan abituriyentlar bazaviy to‘lov-kontrakt shaklida bir yillik o‘qitish qiymatining kamida 25 foizi miqdorida;
🔠tabaqalashtirilgan to‘lov-kontrakt (super) asosida o‘qish istagini bildirganlar, ular uchun belgilangan bir yillik o‘qitish qiymatining kamida 50 foizi miqdoridagi to‘lovlarni amalga oshirishi lozim.

Eslatma: amaldagi tartibga koʻra, ikkinchi va undan yuqori bosqich talabalar kontraktini toʻlash muddati OTM rahbari tomonidan uzaytirilishi mumkin.

✅Ta’lim nazorati rasmiy kanali

⚡️ Magistraturaga qo‘shimcha qabul qilish uchun ruxsat berildi

Davlat komissiyasining tegishli bayoni bilan 2024/2025-o‘quv yili uchun respublika oliy ta’lim muassasalarining magistratura mutaxassisliklariga qabul jarayonida talab darajasidagi xorijiy til sertifikatiga ega bo‘lib, qabul kvotasi doirasida talabalikka tavsiya etilmagan talabgorlarni oliy ta’lim muassasalari tomonidan belgilanadigan bazaviy to‘lov-kontrakt miqdorining 2 baravaridan ortiq bo‘lmagan miqdordagi to‘lov-kontrakt asosida qabul qilishga ruxsat berildi.

📌 Qo‘shimcha qabul asosida o‘qish istagini bildirgan talabgorlar bevosita oliy ta’lim muassasasi qabul komissiyasiga murojaat qilishlari so‘raladi.

✅Ta’lim nazorati rasmiy kanali

⚡️ Milliy sertifikat imtihoni uchun ruxsatnomalar e’lon qilindi

📆 2024-yil 2-3-noyabr (shanba-yakshanba) kunlari bo‘lib o‘tadigan ona (o‘zbek, qoraqalpoq, rus) tili va adabiyot fanlaridan milliy sertifikat imtihoni uchun ruxsatnomalar e’lon qilindi.

Test sinovida ishtirok etadigan talabgorlar ruxsatnomani my.gov.uz saytining "Mening arizalarim" bo‘limidan olishlari mumkin.

📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

🪪 Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 1-smenada 07:30 dan boshlab (test sinovi 09:00 da), 2-smenada 13:00 dan boshlab (test sinovi 14:30 da) kiritiladi.

❗️Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

✅Ta’lim nazorati rasmiy kanali

Pedagoglar malaka sinovlaridagi test savollari boʻyicha eʼtirozlarni test jarayonlari vaqtida dasturdan chiqmagan holda ham yuborish mumkin.

Quyidagi botlar va saytga 2024-yilning 2-yarmi uchun barcha fanlardan yangi testlar joylashtirilmoqda:

O'zbek tilida: @uztditestbot
Qoraqalpoq tilida: @uztdi_qrtestbot
Rus tilida: @uztdi_rustestbot

Sayt orqali bajarish: https://test.talimxabarlari.uz/

✅Ta’lim nazorati rasmiy kanali

Oliy taʼlim, fan va innovatsiyalar vazirligi hamda Kambagʻallikni qisqartirish va bandlik vazirligining “Oʻrta maxsus taʼlim va professional taʼlim tashkilotlarining pedagog va rahbar xodimlarning bazaviy tarif stavkalari miqdorlarini oʻzgartirish toʻgʻrisida”gi qarori

Ish haqi, pensiyalar va nafaqalar miqdori oshishi munosabati bilan oʻrta maxsus taʼlim va professional taʼlim (akademik litsey, kasb-hunar kolleji) pedagog xodimlarining bazaviy tarif stavkalari miqdori qayta tasdiqlandi.

✅Ta’lim nazorati rasmiy kanali

Maktabgacha va maktab taʼlimi vazirining yangi birinchi oʻrinbosari tayinlandi

Prezidentning tegishli qarori bilan Karimov Sherzod Abdurasulovich maktabgacha va maktab taʼlimi vazirining birinchi oʻrinbosari lavozimiga tayinlandi.

Sherzod Karimov 2006-2012-yillarda xalq taʼlimi tizimida, 2012-2018-yillarda oʻrta maxsus, kasb-hunar taʼlimi tizimida faoliyat yuritgan.

2018-2024-yillarda Vazirlar Mahkamasi taʼlim, ijtimoiy rivojlanish masalalari departamenti, kotibiyati boʻlimida yetakchi, bosh mutaxassis, shoʻba mudiri, kotibiyati mudirining oʻrinbosari lavozimlarida faoliyat yuritgan.

U 2024-yil 28-fevraldan bugungacha Vazirlar Mahkamasi “Mahalla yettiligi”, yoshlar siyosati va maʼnaviyat masalalari departamenti Yoshlar siyosati, maktabgacha va maktab taʼlimi, sogʻliqni saqlash va maʼnaviyat masalalari boʻlimi boshligʻi lavozimida ishlayotgan edi.

✅Ta’lim nazorati rasmiy kanali

⚡️Ertaga, 1-noyabr kuni boshlangʻich ta'lim oʻqituvchilari uchun malaka (test) sinovlari boshlanadi

Joriy yilning 1-4-noyabr kunlari boshlangʻich ta'lim oʻqituvchilari uchun attestatsiyaning malaka (test) sinovlari oʻtkaziladi.

👉Attestatsiyaga jalb qilingan boshlangʻich ta’lim fani oʻqituvchilari roʻyxati

👉 Malaka test sinovlari oʻtkaziladigan joy manzillari;

Quyidagi botlar va saytga 2024-yilning 2-yarmi uchun barcha fanlardan yangi diagnostika testlar joylashtirilgan:

O'zbek tilida: @uztditestbot
Qoraqalpoq tilida: @uztdi_qrtestbot
Rus tilida: @uztdi_rustestbot

Sayt orqali bajarish: https://test.talimxabarlari.uz/

✅Ta’lim nazorati rasmiy kanali

I chorak baholarini o‘z vaqtida “eMaktab” axborot tizimda kiritilishini ta’minlash so‘raladi

Maktabgacha va maktab ta'limi vazirligining 2024-yil 30-oktyabrdagi 05-32-4028-sonli xatidan:

“5-9-sinf oʻquvchilarining bilimlari sifatini nazorat qilishning reyting tizimi toʻgʻrisidagi nizomni tasdiqlash haqida”gi qaror bilan tasdiqlangan Nizomida oʻquvchining choraklik (yarim yillik), yillik (yakuniy) baholari va yillik reyting koʻrsatkich ballari uning tabelida qayd etilishi belgilangan.

Maʼlumki hozirgi vaqtda Maktabgacha va maktab taʼlimi tizimidagi umumtaʼlim maktablarida oʻquvchining fanlarni oʻzlashtirish darajasi, choraklik (yarim yillik), yillik (yakuniy) baholari va yillik reyting koʻrsatkich ballari elektron jurnal va kundaliklarda “eMaktab” axborot tizimda qayd etib boriladi.

Yuqoridagilarni inobatga olib I chorak baholarini o‘z vaqtida “eMaktab” axborot tizimda kiritilishini ta’minlashingiz so‘raladi.

✅Ta’lim nazorati rasmiy kanali