⚡️Ertaga ona tili (o‘zbek, qoraqalpoq, rus) va adabiyot fanlaridan milliy sertifikat imtihoni uchun talabgorlar ro‘yxatga olishning oxirgi kuni

✅ Joriy yilning 2-dekabr kuni boshlangan ona tili va adabiyot, rus tili va adabiyoti, qoraqalpoq tili va adabiyoti fanlari bo‘yicha milliy sertifikat imtihoni uchun talabgorlarni ro‘yxatga olish jarayonlari 8-dekabr kun yakunlanadi.

💴 To‘lovlar esa 9-dekabrgacha amalga oshirilishi mumkin.

✍️ Ushbu fanlar bo‘yicha test sinovlari 21-22-dekabr kunlari o‘tkaziladi.

📱 Milliy sertifikat imtihonlarida ishtirok etish uchun talabgorlarni ro‘yxatga olish my.gov.uz sayti (Yagona interaktiv davlat xizmatlari portali) orqali amalga oshiriladi.

❕ Izoh: Vazirlar Mahkamasining 2024-yil 10-yanvardagi 17-son qaroriga muvofiq 2024-yil fevraldan boshlab umumta’lim fanlaridan milliy sertifikat imtihonlarining natijalari Rash modeli asosida hisoblanadi.

Eslatib o‘tamiz, 2025-yil 1-yanvardan boshlab umumta’lim maktablarida milliy sertifikatga ega bo‘lgan o‘zbek tili o‘qituvchilariga maoshining 50 foizi miqdorida oylik ustama haq to‘lanadi.

✅Ta’lim nazorati rasmiy kanali

"Ma’lumki, rivojlangan davlatlarda talabalar uchun “Work and Travel” kabi ko‘plab dasturlar bor. Jumladan, O‘zbekistonlik yoshlar ta’til vaqtida chet elga borib, ham bilim olayapti, ham daromad topayapti. Bu dasturlardan foydalanish imkoniyatini oshirish maqsadida, kelgusi yildan Yoshlar ishlari agentligi tomonidan talabalarning yo‘lkira xarajatlari uchun ssuda ajratish yo‘lga qo‘yilishi aytildi."

Prezident raisligida 7-dekabr kuni o‘tkazilgan aholini talab yuqori kasblarga o‘qitish va daromadli ish bilan ta’minlash chora-tadbirlari bo‘yicha kengaytirilgan yig‘ilishdan.

✅Ta’lim nazorati rasmiy kanali

— 70%li ustama qay tartibda olinadi?

— qanday ishlarni amalga oshirganingizdan so'ng sizga aniq shuncha %da haq to'lanadi?

— Bahorgi attestatsiyada 86 ball olsangiz, umumiy oladigan haqingizga aslida 70% qo'shiladimi yoki yo'qmi?

📖 Ona tili va adabiyot

O‘zbek tili ustozlari yuqoridagi savollarning barchasiga bittada javob olishni istasangiz
9⃣➖🔠🔠🔠🅰🅱🔠

@habelonatili
@habelonatili
@habelonatili kanalida

soat1⃣4⃣: 0⃣0⃣da

🪩 Jonli efirda ishtirok eting.

✅ 25 yillik tajribaga ega, 3000dan ortiq abituriyentlar, 2500dan ortiq ustozlarning, ko'plab xalq ta'limi a'lochisi ustozlarining ustozi, sobiq BMBA
TESTOLOG-EKSPERTI
Dilafro'z Fayzullayevna barcha savollaringizga birma-bir javob beradilar

🧑‍🏫 Attestatsiya va unga tushadigan savollar haqida bilishni istasangiz, sizni chatda kutamiz!!!

Kanalga obuna bo'lish
⬇️⬇️⬇️⬇️⬇️⬇️⬇️
http://www.tgoop.com/habelonatili
http://www.tgoop.com/habelonatili
http://www.tgoop.com/habelonatili

“Maktab ligasi”, “Talabalar ligasi”, “Oliy ta'lim kubogi” va “Rektor kubogi” musobaqalari o'tkaziladi

“Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to'g'risida”gi Prezident qarori (PQ-421-son, 04.12.2024 y.) qabul qilindi

🔰Qarorga ko'ra, 2025/2026 o'quv yilidan barcha davlat universitetlarida voleybol, basketbol, gandbol, regbi, chim ustida xokkey, suv polosi jamoaviy sport turlari bo'yicha, boshqa davlat oliy ta'lim muassasalarida kamida 3 ta jamoaviy sport turlari bo'yicha sport klublari tashkil etiladi.

🗓 2025/2026 o'quv yilidan jamoaviy sport turlari bo'yicha quyidagi sport musobaqalarini o'tkazib borish yo'lga qo'yiladi:

🔹“Maktab ligasi”;
🔹“Talabalar ligasi” va “Oliy ta'lim kubogi”;
🔹“Rektor kubogi”.

2025/2026 o'quv yilidan boshlab maktab sport klublarida kamida 2 ta jamoaviy sport turlarini rivojlantirish hamda 2 mln nafar o'quvchini qamrab olish rejalashtirilgan.

🏢 Vazirlik va idoralar, xo'jalik birlashmalari, davlat ishtirokidagi tijorat banklari va korxonalarda kamida 3 ta jamoaviy sport turlari bo'yicha sport klublari tashkil qilinadi.

❕Bunda jamoaviy sport turlari bo'yicha idoraviy tashkilotlar kesimida “Rahbar kubogi”, mahalliy hokimliklar kesimida “Hokim kubogi” musobaqalari o'tkazib boriladi.

✅Ta’lim nazorati rasmiy kanali

⚡️Pedagoglarga attestatsiya yakunlari boʻyicha qaror loyihasi yuborildi

Avgust-dekabr oylari attestatsiyasida ishtirok etgan pedagoglarning shaxsiy kabinetlariga attestatsiya yakunlari boʻyicha tayyorlangan qaror loyihasi yuborildi.

Pedagoglar qaror loyihasi bilan tanishib chiqib, qaror loyihasi boʻyicha savollar paydo boʻlganda, hududlardagi (viloyatlardagi) ishchi guruhlariga murojaat qilishlari mumkin.

2024-yil avgust-dekabr oylarida oʻtkazilayotgan pedagog kadrlar attestatsiyasi yakunlari boʻyicha malaka toiflari berilgan pedagoglarning Sertifikatlari 31-dekabrga qadar pedagoglarning Shaxsiy kabinetlariga yuboriladi.

✅Ta’lim nazorati rasmiy kanali

❓ Eshitishimizga qaraganda yangi yildan e’tiboran boshlang‘ich sinflarda ham CHSB va BSB imtihonlari o‘tkazilarkan. Shu rostmi?

✅ Yo‘q, bu gaplar haqiqatga to‘g‘ri kelmaydi. Mezonlarga asoslangan yangi baholash tizimining boshlang‘ich sinflarga joriy etilishi ko‘zda tutilmagan.

✅Ta’lim nazorati rasmiy kanali

Maktabgacha va maktab taʼlimi vazirligi hamda Iqtisodiyot va moliya vazirligining 2025-yili uchun sinf komplektlari, tarifikatsiya roʻyxatlari, shtatlar jadvali va xarajatlar smetasini shakllantirish boʻyicha QOʻSHMA XATI.

✅Ta’lim nazorati rasmiy kanali

⚡️TALABGORLARGA ESLATMA

❇️ Ma’lumki, O‘zbekiston Respublikasi Vazirlar Mahkamasining “Umumta’lim fanlarini bilish darajasini baholashning milliy test tizimini joriy etish to‘g‘risida” 2020-yil 12-oktabrdagi 646-son qaroriga asosan 2021/2022 o‘quv yili qabulidan boshlab tegishli umumta’lim fanini (chet tili bundan mustasno) bilish darajasi to‘g‘risida davlat namunasidagi sertifikatga ega bo‘lgan abituriyentga sertifikatdagi o‘zlashtirish foiziga mos ravishda oliy ta’lim muassasasi bakalavriatiga o‘qishga qabul qilish bo‘yicha test sinovlarida ushbu fandan belgilangan maksimal ballga nisbatan tabaqalashtirilgan (proporsional) ball berish tartibi joriy etilgan.

✅ Hozirda Bilim va malakalarni baholash agentligi tomonidan umumta’lim fanlarini bilish darajasini baholashning milliy test tizimi asosida 9 ta – ona (o‘zbek, qoraqalpoq, rus) tili va adabiyot, matematika, fizika, kimyo, biologiya, tarix va geografiya fanlaridan milliy sertifikat imtihonlari o‘tkazib kelinmoqda. Mazkur imtihonlarda belgilangan talabni bajargan talabgorlarga
A+, A, B+, B, C+, C darajadagi sertifikat taqdim etiladi.

Bunda:
A+, A darajali sertifikat olgan abituriyentlarga oliy ta’lim muassasasi bakalavriatiga o‘qishga qabul qilish bo‘yicha test sinovlarida ushbu fandan belgilangan maksimal ball beriladi;

✅ B+, B, C+, C, darajali sertifikat olgan abituriyentlarga mos ravishda sertifikatdagi umumiy ballga nisbatan foiz asosida oliy ta’lim muassasasi bakalavriatiga o‘qishga qabul qilish bo‘yicha test sinovlarida ushbu fandan belgilangan maksimal ballga nisbatan tabaqalashtirilgan (proporsional) ball beriladi.

💯 Milliy sertifikatga ega bo‘lgan abituriyentga tegishli majburiy fanlar bo‘yicha belgilangan eng yuqori ball beriladi.

👉 Shuningdek, Oliy ta’lim, fan va innovatsiyalar vazirligi tomonidan oliy ta’lim muassasasi bakalavriatiga o‘qishga qabul qilishda test sinovi o‘tkaziladigan fanlar majmuasi, test topshiriqlari soni va baholash mezonlari tasdiqlangan bo‘lib, ushbu fanlar majmuasi ikki qismdan: birinchi qism barcha test topshiruvchilar uchun majburiy bo‘lgan ona tili (o‘zbek, qoraqalpoq, rus), matematika, O‘zbekiston tarixi fanlari, ikkinchi qism bakalavriat ta’lim yo‘nalishiga mos ikkita fandan iborat bo‘ladi. Shu o‘rinda majburiy fanlar blokidagi ona tili fani bo‘yicha test topshiriqlari ta’lim tiliga mos ravishda uch tilda – o‘zbek tili, qoraqalpoq tili va rus tili bo‘yicha shakllantirilishini ma’lumot sifatida keltirib o‘tish joiz.

❗️Milliy sertifikat imtihonlarida ham o‘zbek tili va adabiyot, qoraqalpoq tili va adabiyot, rus tili va adabiyot fanlaridan test topshiriqlari alohida-alohida shakllantiriladi va har bir fan bo‘yicha sertifikat beriladi. Ushbu fanlardan tegishli darajadagi sertifikatga ega bo‘lgan abituriyentlarga oliy ta’lim muassasalari bakalavriatiga o‘qishga qabul qilishda ta’lim tiliga mos ravishda majburiy fandan maksimal ball, mutaxassislik fanidan maksimal ball yoki maksimal ballga nisbatan tabaqalashtirilgan ball beriladi.

✅Ta’lim nazorati rasmiy kanali

❗️Qarshi davlat texnika universiteti tashkil etiladi

“Qarshi davlat texnika universitetini tashkil etish to'g'risida”gi Prezident qarori (PQ-428-son, 10.12.2024 yil) qabul qilindi

⚡️ Qarorga ko'ra, Qarshi muhandislik-iqtisodiyot instituti, Qarshi irrigatsiya va agrotexnologiyalar instituti, Muhammad al-Xorazmiy nomidagi Toshkent axborot texnologiyalari universitetining Qarshi filiali hamda Toshkent kimyo-texnologiya institutining Shahrisabz filiali negizida Qarshi davlat texnika universiteti tashkil etiladi.

📁 Muhandislik, geologiya, ishlab chiqarish, qurilish, transport, energetika, axborot texnologiyalari va dasturlash, xizmat ko'rsatish hamda irrigatsiya tizimlari va agrotexnologiyalar sohalari bo'yicha kadrlar tayyorlash, qayta tayyorlash va ularning malakasini oshirish universitetning asosiy vazifalaridan biri etib belgilandi.

🗓 2025/2026-o'quv yilidan:

🔹qayta tiklanuvchi energiya manbalari, ekologiya va atrof-muhit muhofazasi va atrof-muhit muhandisligi yo'nalishlarida kadrlar tayyorlash salmog'i oshiriladi;

🔹talabalarning fanlarni o'zlashtirish ko'rsatkichini va professor-o'qituvchilarning faoliyat samaradorligini xalqaro standartlar asosida baholash tizimi joriy etiladi;

🔹Ta'lim xizmatlari markazi tashkil etib, talabalarga o'qish davomida yuzaga keladigan tashkiliy va huquqiy masalalar bo'yicha barcha zarur xizmatlarning “yagona darcha” tamoyili asosida ko'rsatilishi yo'lga qo'yiladi;

🔹iqtidorli talabalar uchun darslar xorijiy tillarda o'qitiladigan alohida guruhlar tashkil etiladi.

📚 Yuqoridagi OTMlarda tahsil olayotgan barcha talabalar o'qishini Universitetda davom ettiradi va 2024/2025-o'quv yilidan bitiruvchi kurs talabalariga Universitet diplomi beriladi.

✅Ta’lim nazorati rasmiy kanali

⚡️Umumta'lim fanlaridan 2025-yilning 1-yarmida bo‘lib o‘tadigan sertifikat imtihonlari

✅ Umumta'lim fanlarini bilish darajasini aniqlash test sinovlari yanvar, fevral, mart, aprel va may oylarida o‘tkaziladi.

👨🏻‍💻 Test sinovi uchun talabgorlar my.gov.uz sayti orqali onlayn tarzda ro‘yxatga olinadi.

📌 Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.

📆 Test sinovlari qaysi fanlardan o‘tkazilishi, ro‘yxatga olish muddatlari va test sinovi o‘tkaziladigan sanalar yuqoridagi rasmda keltirilgan.

✅Ta’lim nazorati rasmiy kanali

📣 Maktablarda III chorak darslari 13-yanvardan boshlanadi

✅ Ota-onalar, o‘quvchilar va pedagoglarga qulaylik yaratish hamda o‘quv jarayonlarining uzluksizligini ta’minlash maqsadida qishki ta’til kunlari 2024-yil 29-dekabrdan boshlanib, 2025-yil 11-yanvarga qadar davom etadi.

Bunda maktablarda 2025-yil 11-yanvar (shanba) kuniga belgilangan darslar 2024-yil 28-dekabr (shanba) kuniga o‘tkaziladi hamda o‘quv yilining 3-choragi 2025-yil 13-yanvar (dushanba)dan boshlanadi.

_______

Занятия третьей четверти в школах начнутся 13 января 2025 года

✅ В целях создания удобств для родителей, учащихся и педагогов, обеспечения непрерывности образовательного процесса зимние каникулы в школах начнутся 29 декабря 2024 года и продолжатся до 11 января 2025 года.

Занятия в школах, запланированные на 11 января 2025 года (суббота), будут проведены 28 декабря 2024 года (суббота). Третья четверть учебного года начнется 13 января 2025 года (понедельник).

✅Ta’lim nazorati rasmiy kanali

2025-yilda ham darsliklar ijarasi bepul bo’ladi

Ijtimoiy tarmoqlarda 2025-yilda maktablarda o‘quvchilar uchun darsliklar ijarasi bo‘yicha tarqalgan xabarlar yuzasidan Iqtisodiyot va moliya vazirligi munosabat bildirdi:

2025–2027-yillarga mo‘ljallangan Fiskal strategiya asosida ishlab chiqilgan Budjetnoma loyihasida 2025–2026-o‘quv yilidan 2–11-sinflarda bir to‘plam darslik va mashq daftarlari uchun ijara to‘lovi undirish tizimini joriy etish yuzasidan tegishli takliflar taqdim etilgan edi.

Budjet jarayonlarini shakllantirishda vazirlik tomonidan, birinchi navbatda, iqtisodiy o‘sishning barqaror yuqori sur’atlari hamda iqtisodiy va ijtimoiy sohaning moliyaviy mutanosibligini ta’minlashda davlatning ijtimoiy majburiyatlarini to‘liq hamda o‘z vaqtida bajarishga ustuvor e’tibor qaratiladi. Bunda, samaradorlikni oshirish maqsadida turli yo‘nalishlar bo‘yicha tahlillar o‘tkaziladi.

Ta’kidlash lozimki, 2024-yilda maktab o‘quvchilari uchun 83,2 mln nusxa darslik va mashq daftarlarini yetkazib berish uchun Davlat budjetidan jami 1,5 trln so‘m ajratilgan. Ushbu mablag‘lardan 435,5 mlrd so‘mi (yoki 36 foizi) davriyligi 1-yil hisoblanadigan hamda har yili yangidan chop etiladigan mashq daftarlari uchun yo‘naltirilgan.

❗️2025-yilda esa 81 mln nusxa darsliklar va mashq daftarlari uchun jami 1,3 trln so‘m mablag‘larni to‘liq Davlat budjetidan qoplash ko‘zda tutilgan.

📝 Shu bilan birga, ijtimoiy tarmoqlardagi faol foydalanuvchilar tomonidan chop etilgan postlarda Budjet loyihasida Kitob jamg‘armasi xarajat va daromadlari ko‘rsatilmaganiga e’tibor qaratilgan. Qayd etish joizki, Kitob jamg‘armasi faoliyati to‘xtatilgan va yangi jamg‘arma tashkil qilinmagani sababli loyihada bu bo‘yicha ma’lumotlar aks ettirilmagan.

✅ 2025-yil uchun Davlat budjeti doirasida ko‘zda tutilgan mablag‘lar yangi o‘quv yilida o‘quvchilarni darsliklar va mashq daftarlari bilan ta’minlash bo‘yicha ehtiyojni to‘liq qoplash imkonini beradi.

❌ Bunda, ota-onalardan darsliklar va mashq daftarlari ijarasi uchun qo‘shimcha to‘lov undirish rejalashtirilmagan.

✅Ta’lim nazorati rasmiy kanali

⚡️Bakalavriat bo‘yicha Prezident hamda nomli davlat stipendiyalari g‘oliblari tasdiqlandi!

2024/2025-o‘quv yili uchun oliy ta’lim muassasalari bakalavriat bosqichining 83 nafar talabasi O‘zbekiston Respublikasi Prezidenti stipendiyasi tanlovi g‘olibi bo‘ldi.

Tanlovda ishtirok etib, sovrindor bo‘lmagan talabalar ham tegishli OTM rahbari (rektor/direktor) tomonidan rag‘batlantiriladi.

Jumladan:
- Prezident davlat stipendiyasi talabgorlari sertifikat hamda bazaviy stipendiya miqdorining 3 baravari;
- nomli davlat stipendiyalari talabgorlari esa, sertifikat hamda bazaviy stipendiya miqdorining 2 baravari miqdoridagi bir martalik pul mablagʻi bilan mukofotlanadi.

Ma’lumot uchun, magistratura mutaxassisliklari bo‘yicha Prezident stipendiyasi g‘oliblari vazirlik Hay’atida tasdiqlangandan so‘ng e’lon qilinadi.

💐Barcha stipendiat talabalarimizni chin dildan muborakbod etamiz!

✅Ta’lim nazorati rasmiy kanali

Yetakchi korxonalarni texnikumlarga bog‘lab, “dual ta’lim”ni yo‘lga qo‘yish zarurligi aytildi

Prezident Shavkat Mirziyoyev 12-dekabr kuni to‘qimachilik va charm sanoatidagi islohotlar natijadorligini yanada oshirish chora-tadbirlari bo‘yicha yig‘ilish o‘tkazdi.

Charm sanoatida bichuvchi, tikuvchi, kosib kabi o‘rta bo‘g‘in kadrlari yetishmayotgani, bu yo‘nalishda yiliga bor-yo‘g‘i 167 nafar mutaxassis tayyorlanayotgani ko‘rsatib o‘tildi. Shu bois, poyabzal ishlab chiqarish rivojlangan Andijon, Namangan, Farg‘ona, Samarqand va Toshkent viloyatlaridagi yetakchi korxonalarni texnikumlarga bog‘lab, “dual ta’lim”ni yo‘lga qo‘yish zarurligi aytildi.

✅Ta’lim nazorati rasmiy kanali

Kambagʻal oilalar farzandlarini tayyorlab, 2025-yilda 3,5 ming yoshlarni oliygohga grant asosida qabul qilish topshirig‘i berildi

Prezident raisligida ijtimoiy himoya sohasidagi ishlar natijadorligi va 2025-yil uchun ustuvor vazifalar muhokamasiga bagʻishlangan yigʻilish o‘tkazilmoqda.

Yigʻilishda, kambagʻal oilalar farzandlarini tayyorlab, 2025-yilda 3,5 ming yoshlarni oliygohga grant asosida qabul qilish zarurligi qayd etildi.

Oliygoh rektorlari ham kambagʻal oiladan jami 4 ming nafar yoshlarni oʻqitishga bosh-qosh boʻladi. Vazir Q.Sharipovga bu borada tegishli topshiriqlar berildi.

✅Ta’lim nazorati rasmiy kanali

❗️2025-yilda kambag‘al oilalar farzandlarining bog‘cha to‘lovi qisman qoplab beriladi

Bu haqda ayni paytda Shavkat Mirziyoyev raisligida o‘tayotgan videoselektor yig‘ilishida aytildi.

Unga ko‘ra, 2025-yildan boshlab oilaviy bog‘cha o‘rinlarining 15 foizi kambag‘al oila farzandlari uchun ajratiladi va ularga bog‘cha to‘lovi qisman qoplab beriladi.

Shuningdek, maktabgacha va maktab ta'limi vaziri Hilola Umarovaga kelgusi yili kambag‘allik darajasi yuqori bo‘lgan mingta mahallada bittadan oilaviy bog‘cha faoliyatini yo‘lga qo‘yish topshirildi.

✅Ta’lim nazorati rasmiy kanali

📣 Bir maktabdan boshqa maktabga o‘tkazish davlat xizmati kengaytirilmoqda

✅ 2025-yil 1-yanvardan boshlab bir maktabdan boshqasiga ko‘chirish bo‘yicha davlat xizmati 45 ta tuman va shaharlarda joriy etiladi.

👩🏻‍💻 Fuqarolar maktabga bormagan holda Yagona interaktiv davlat xizmatlari portali (my.gov.uz) yoki vazirlikning elektron platformasi (my.maktab.uz) orqali onlayn ariza yuborishlari mumkin. Davlat xizmati bepul amalga oshiriladi.

❗️ Elektron qabul tizimi ota-onalarga qulaylik yaratish bilan birga byurokratik to‘siqlar, ovvoragarchilik, inson omilini kamaytirishga qaratilgan.

👉 Boshqa maktabga o‘tkazish bo‘yicha davlat xizmati joriy etilgan hududlar ro‘yxati bilan quyidagi havola orqali tanishish mumkin.

✅Ta’lim nazorati rasmiy kanali