جاء في الإستثناء
‏"غيرك من الناس يحسِن ولا يلقى قبول / وانت حتّى يوم تجرح .. أردّد لك فدا"

تسريني الذكرى مع هبّة النسناس
‏و اسامر نجوم الليل واجر وناتي

‏اغيب عن العالم ولا احب جمع الناس
‏رسوم السهر فيني توضح معاناتي .

‏مروّعني الوقت لو ياخذ طموحاتي
‏وتروّعني الناس في صدمة مباديها

‏بارد ولا شي يلفت انتباهاتي
‏تمرني أشياء ما تمشي و امشيّها

‏مسكر اذني و مقلل علاقاتي
‏تتساقط الناس من عيني واخليها .

غمرني شعور من الرضا للزمان الجاي
‏ولا صار عندي خوف من عضة الناجد

‏اثر من عطاه الله .. نزاهة ضمير ورأي
‏يغيب الغياب ، اللي يخلّيه .. متواجد

‏لاتشره عليّ يوم أبتسم في وجيه عداي
‏محبّيني .. أكثر من معاديني ، بـ واجد .

مايزعلني غيابك يا غايب بدون أسباب
‏ليه ازعل وأنا من غيبتك صرت متعوّد

‏ما والله تسمع من فمي كلمتين عتاب
‏على راحتك روح .. وعلى راحتك عوّد .

‏حفظتك عن عيون المشفح ومفشي السر
‏ما يدري بك إلا الله وأنا .. وأيسر ضلوعيّ .

‏لا تعاتبني .. على سجّاتي وهوجاسي
‏خلني بين الرسايل والصور متواجد

‏واحدٍ ما خاض تجربتي وعاش احساسي
‏والله انها ما بكت عينه وعض الناجد

‏لا تطوّل فالكلام .. ولا تدوّخ راسي
‏والله اني قد شبعت من الكلام الواجد .

طلب هالشتويّه :
‏" صدري مايبي غير صدرك يضمّه ".

صبحتو بالخير ثم / "تسج بنا تباريح المساري
والسنين تمر ‏تمر بنا سنين العمر لا حلوة ولا مرّة"

يكفيك عن بعض الردود ابتسامه
‏الحّر ماكل السوالف تهزّه

‏ناسٍ تعاملها بقدر وكرامة
‏وناسٍ تجاهلها لنفسك معّزه :) .

"شدّ حيل الخطاوي فـ الطريق الطويل
‏ لين الأيام تضحك لك: " وتضحك لها ".

اعتزلت الناس كن بيني وبين الناس غبه
‏لاصحيب ولا حبيب ولا ضفاف ولا مواني .

كل ما امسى له بظنٍ خيبت الايام ظنه.

مشينا الدرب هذا من طهارة سكّته حافين
‏تمادينا عليه وكل ما يرضيك .. يسعدني

‏معاك استطعم الدنيا ومقبولة معك وتزين
‏ومن قبلك وسيعات .. الأراضي ماتناسبني .

‏ما طلع نورك ولا تغنى طير
‏حسّت الأرض و الّلي عليها حس

‏كل صبحٍ يجيبك صباح الخير
‏و كل صبحٍ بدونك صباح و بس .

نسايم الصبح والوجه الرضي البشوش
‏تعطيك جرعة نشاط ودافع معنوي .

ياكثر ماصديت منعاً للاحراج
‏وضيّعتكم بين الغباء والنباهه
‏.
‏انا بشر وأمر بظروف واحتاج
‏عن عالم الازعاج فترة نقاهه .

إن ضاقت أيامك .. وتحتاج تغيير
‏لا تظهر الأوجاع .. والحزن خبّه

‏العمر ضحكة .. ضيّعتها المقادير
‏وماعاش غير اللي رضا بحكم ربّه

‏دايم تظاهر لـ الجميع : إنّك بخير
‏أقل حاجة .. لو عشان " الأحبّه "

‏مافيه حاجه تستحق الحزن غير
‏وفاة غالي .. أو .. مرض من تحبّه .

من قال حين يأوي إلى فراشِه : ( لا إله إلا اللهُ وحده لا شريك له ، له الملكُ ، وله الحمدُ ، وهو على كلِّ شيءٍ قديرٌ ، لاحولَ ولا قوةَ إلا بالله العليِّ العظيمِ ، سبحان اللهِ وبحمده ، والحمدُ لله ، ولا إله إلا اللهُ ، واللهُ أكبرُ ) ؛ غُفِرَتْ له ذنوبُه ولو كانت مثلَ زَبَدِ البحرِ