Այսօր նաև 2004 թ. Բուդապեշտում կացնահարված հայ սպա Գուրգեն Մարգարյանի հիշատակի օրն է։

Եթե հրաժարվենք էս հիշողությունից, երաշխավորված ստանալու ենք նոր ցեղասպանություն և գաղթ։
Ազգային ուժեղ պետությունը այլընտրանք չունի։

պ.գ.թ., թյուրքագետ Վարուժան | @varuzhandragoman

Ամեն օր, երբ դուք զբաղվում եք ձեր գործերով, ես էլ զբաղվում եմ իմ առաջնային գործով՝ հետևում եմ, ուսումնասիրում եմ և վերլուծում են այն ամենը, ինչ կատարվում է Թուրքիայում ու Ադրբեջանում և նրանց շուրջ։
Դա իմ գործն է։

Ցավոք, ամեն օր ես տեսնում եմ, թե ոնց են այդ երկու երկրում մշակում Հայաստանի դեմ նոր գործողություններ, որոնք չեն մնում թղթի վրա. դրանք շատ արագ վերածվում են ծրագրերի, որոնց մասին մեր հանրությունը տեղեկանում է միայն այն ժամանակ, երբ մեզ ուղղված հարվածը հասնում է տեղ ու մեզ հերթական կորուստը պատճառում։

Ամեն օր ես տեսնում եմ, թե ինչպես են ծրագրվում Հայաստանի դեմ նոր պահանջները և որն է դրանց իրական նպատակը, այլ ոչ թե այն, թե ինչ են մեզ ու արտաքին աշխարհին հայտարարում։ Տեսնում և համոզվում եմ, որ այդ պահանջները ոչ մի կապ չունեն մեզ հետ խաղաղություն հաստատելու հետ։ Թուրք-ադրբեջանական կողմում կա բացառապես մեկ նպատակ՝ թուլացնել, մաշեցնել և բառիս ուղիղ իմաստով վերացնել հայկական պետությունը։ Ու չկա որևէ մեկը, որ կարող է հակառակում համոզել կամ առավել ևս՝ ապացուցել դա։ Չկա՛։

Այս պահին Հայաստանի դեմ դրված պահանջների ցանկը մեծ է։ Սահմանադրության փոփոխությունը՝ մեր սահմանադրության թուրքացումը դրանցից ընդամենը մեկն է, որը նպատակ ունի իրավական հիմքեր ստեղծել Հայաստանի թուրքացման՝ վիլայեթացման համար։ Ես տեսել եմ տասնյակ թուրքական քննարկումներ, հոդվածներ, ելույթներ, որտեղ նշում են, թե ինչու է դա պետք իրենց։

Իմիջիայլոց, Թուրքիան 1990-ականներից միշտ էլ փորձել է այս թեման ընդգրկել քաղաքական բանակցությունների օրակարգում, բայց Հայաստանի բոլոր իշխանություններից հանդիպել է կոշտ պատասխանի և ետքաշվել։

Այսօր պետք է հետևողականորեն մերժել սահմանադրության փոփոխության օրակարգը։ Այն կապ չունի հայերի ու Հայաստանի շահերի հետ։ Կապ չունի։
Որևէ պարագայում չպետք է մտնել նույնիսկ վերացական քննարկման մեջ այդ թեմայով։ Սահմանադրությունը փոխելու օրակարգը բացառապես թուրքական պահանջ է, որն էլ ավելի է մեզ թուլացնելու։

Հայաստանի անկախությունն ու անվտանգ ապագան Թուրքիայի պահանջով չի ձևավորվում։
Ուստի դեմ եմ վիլեյաթեցմանը, դեմ եմ թրքացմանը։ Ուժեղ ու զարգացող Հայաստանը կմտածի սահմանադրության մասին միայն այն ժամանակ, երբ դա իսկապես պետք լինի, այլ ոչ թե Անկարայից ու Բաքվից եկած հրամաններով։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Նկարում Թուրքիայի իշխանությունների գլխավոր մեդիաներից «Daily Sabah»-ի հոդվածներից մեկն է, որտեղ հեղինակները պնդում են, որ Թուրքիան պետք է աջակցի Հայաստանի դե-ֆակտո վարչապետին, քանի որ վերջինս կիրականացնի բոլոր թուրքական պահանջները։
Հոդվածը գրված է դեռևս 2021 թ. մարտին։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Ըստ ադբեջանական աղբյուրների` իրանական հաքերները գրոհել են report.az, oxu.az, azpolitika.info, baku.ws, caliber.az և մի շարք այլ խոշոր ադրբեջանական մեդիա-կայքերի վրա` հաջողելով որոշները կոտրել:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Սա ընդամենը ձյուն է:
Սպասված ձյուն:
Ձմռանը:

Իսկ հիմա պատկերացրեք, որ ձյան դեմ այս ոճով պայքարողները ապահովում են մեր անվտանգությունը...

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Պետք չէ լինել մասնագետ, որ հեշտությամբ կռահես, որ այսօրվա Հայաստանում բռնելու, լռեցնելու, պիտակավորելու, հետապնդելու են բոլորին, ով ուզում է և պայքարում է անկախ Հայաստանի, այլ ոչ թե թուրքական վիլայեթ դառնալու համար: Ով չի վախենում իր կարծիքն ասել, որը կտարբերվի ներկայիս իշխանական գծից:

Այս նույն պատճառով հետապնդում են մեծ լսարան ունեցող հանրային գործիչ Էդգար Ղազարյանին: Էդգարը թիրախ է, ինչպես ավելի վաղ թիրախավորել են բազմաթիվ այլ գործիչների, ով ուներ մեծ լսարան:

Հետևաբար արդարադատության հետ կապ չունեցող այս գործը պետք է մերժել ու դատապարտել, եթե նույնիսկ Էդգարի տեսակետները չեք կիսում: Բայց չնկատել, որ սա սողացող բռնապետության հաստատում է, անհնար է:

Ու սա հասնելու է բոլորիս, եթե չդիմադրենք, որովհետև բռնապետությունը ամբողջական է:
Էդգարը չի կոտրվի կամ լռի, մենք` ևս:

Էդգարի դատը լինելու է Մասիվի դատարանում, այսօր, 15:00-ին:

պ.գ.թ., թյուրքագետ Վարուժան | @varuzhandragoman

🔴 Թուրք հասարակության շրջանում դժգոհություն է հասունանում Սիրիայի անցումայի շրջանի նախագահ Ահմեդ ալ-Շարաայի շուրջ։

Շարաան Դամասկոսում ընդունել է Կիպրոսի ԱԳ նախարարի գլխավորած պատվիրակությանը՝ պաշտոնական հաղորդագրության մեջ երկիրը նշելով Կիպրոսի Հանրապետություն, ինչպես հարկն է։

Թուրքերը մեղադրում են վերջինիս Հյուսիսային Կիպրոսում թուրքական օկուպացված հատվածը Կիպրոսի մաս ընդունելու մեջ։

«Թուրքիան այսօր» լրատվական ալիք | @turkey2day

Ռուսաստանի արտգործնախարար Ս. Լավրովն այսօր գնում է Թուրքիա` բանակցությունների: Ըստ թուրքական մեդիաների` գլխավոր թեման Ուկրաինան է: Բայց հասկանալի է, որ Կովկասում ուկրաիանական ստվերը ևս քննարկվելու է:

Առաջիկա օրերին Լավրովը այցելելու է նաև Իրան: Բնականաբար, Կովկասը նորից օրակարգում է:

Զուգահեռ բանակցային գերակտիվ աշխատանք է ընթանում ամերիկյան կողմի հետ:

Ամեն ինչ եռում է:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Քրդական բանվորական կուսակցության (ավելի հայտնի PKK) հիմնադիր Աբդուլահ Օջալանը, որը 1999 թ.-ից ցմահ ազատազրկված է թուրքական բանտում, այսօր կոչ է արել իր զինակիցներին զենքերը վայր դնել:
Տեսնենք, արդյոք կհետևեն քուրդ զինյալները այս կոչին (նախկինում ևս նման կոչեր եղել են, սակայն ավարտվել են ոչնչով):

Սա Սիրիայում Ասադի իշխանության տաօալման ևս մեկ արձագանքն է:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

ԶԱՆԳԸ

Կենտրոնի աղմուկից փրկող մեծ պատուհանի մոտ նստած աշխատակցուհին հարցնում է.
- Մի հատ էլ տան հեռախոսի համար ասե´ք:
Նայում եմ հեռախոսիս մեջ ու թելադրում թվերը`
- +374 4775....:
- Էս Լոռու՞ կոդն ա:
- Ո´չ, Քաշաթաղի:
- Դա ո՞ր մարզում է:
- Արցախում է:
- Բայց սա չի գործում, չէ՞:
- Ո´չ:
- Իսկ ինչու՞ եք պահել:
- Իսկ դուք կարո՞ղ եք տան համարը ջնջել:

Լռեցինք:
Ստորագրեցի ու դուրս եկա:
Բացեցի հեռախոսս, համարների ցանկի վերջում նորից գտա համարը` «Գեղամյաններ»:
Զանգեցի:
Զանգս տեղ չհասավ:
Գուցե այս մի զանգս հասնի շատերին:

պ.գ.թ., թյուրքագետ Վարուժան | @varuzhandragoman

Այս պահին դիտում եմ Թրամփ-Զելենսկի հանդիպումից հետո համատեղ ասուլիսը:
Երբևէ չեմ տեսել, որ ցուցադրական որևէ նախագահի այսպես ծաղրեն ու ստորացնեն, ինչպես անում են Թրամփն ու իր թիմակիցները Զելենսկու հետ:

Մարդկայնորեն ուզում ես խղճալ, բայց քաղաքականապես արժանի է նման վերաբերմունքի` որպես անլուրջ գործիչ:
Ընդհատում են, գոռում վրան, ծաղրում նույնիսկ հագուստը:

«Դու չես կարող որևէ բան թելադրել մեզ»,- սա ամենամեղմն է, ինչ լսել է Զելենսկին այսօր:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

ԱՄՆ-ում Ուկրաինայի դեսպանի արձագանքը` տեսնելով, թե ոնց են ուղիղ եթերում ստորացնում Զելենսկուն:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Եթե գիտեք անգլերեն, բավական է նայել ընդամենը այս երկու րոպեն, որպեսզի պատկերացնեք, թե ինչ է եղել մնացած հատվածում:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Ստորացուցիչ ասուլիսից հետո բանակցությունները փակ դռների ետևում տապալվեցին կարճ ժամանակ անց: Զելենսկին կիսատ թողելով քննարկումը` հեռացավ Սպիտակ տանից:

Թրամփը քիչ առաջ պաշտոնապես հայտարարեց, որ. «Զելենսկին պատրաստ չէ խաղաղության:... Նա ցուցաբերել է անհարգալից վերաբերմունք ԱՄՆ հանդեպ»:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Ըստ եվրոպական և ամերիկյան մեդիաների` Զելենսկին ոչ թե հեռացել է, այլ Թրամփը նրան վռնդել է Սպիտակ տնից:

Այստեղ դնում եմ արդեն պատմական համարվող ասուլիսի ողջ տեսագրությունը:

https://www.youtube.com/live/hzkCsIv365c?si=AvKhJJo4rafIZgrA

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman