tgoop.com/viasna96/28599
Last Update:
👨⚕️Гвалт, пагрозы і ўгаворы. Як на медыкаў ціснуць перад выбарамі*
Пра гэта распавядае @belhalat_by.
🔹Санаторый «Беларусачка». Збор подпісаў адбываецца наступным чынам: у кабінеты прыносяць спісы, у якіх пазначаны ўсе дадзеныя супрацоўнікаў, і патрабуюць паставіць подпіс, не тлумачачы, пад чым чалавек распісваецца і для чаго. Лішнія пытанні не вітаюцца.
🔹У адной з бальніц Мінска начмед заявіў, што 90% персанала павінны падпісацца за кандыдата. Тых, хто адмовіўся, выклікаюць на «размову» да ідэолага.
🔹У медуніверсітэтах подпісы сярод студэнтаў збіраюць проста ў будынку навучальнай установы, прычым кантралююць, хто падпісаўся, а хто не, звяраючыся літаральна па пашпартах.
🔹У лякарнях і паліклініках супрацоўнікам прыходзіць рассылка: «прыходзім заўтра з пашпартамі, будзем ставіць подпісы за Лукашэнку». Былі прэцэдэнты, калі па «аўтографы» прыходзілі ў кабінеты лекараў наўпрост падчас прыёму пацыента.
✍️Калі вас прымушаюць падпісвацца за кандыдатаў, калі ласка, распавядзіце «Вясне» — @Viasnainfo
BY Вясна / Правы чалавека ў Беларусі
Share with your friend now:
tgoop.com/viasna96/28599