السيده زينب عليها السلام
وجع بالروح صاباني ...... ولم عين
السبب ماضل اخو عندي .. ولامعين
رحت لحسين الم ضلعه ... ولم عين
شفت ضلعه وذكرت امي الزجيه.

علي سعيد

🔻استشهاد الزهراء عليها السلام
لسان حال الامام علي عليه السلام

ـــــــــــــــــ ❁ ❁ ❁ ــــــــــــــــــ

يا بعد العيون الطفن
يالزهره يا ام الحسن

هديتي حيلي .. هديتي حيلي

ـــــــــــــــــ ❁ ❁ ❁ ــــــــــــــــــ

يـابلـسـم جـروح الگلب
بعدچ عليه شكد صعب
لمن مشيتي

عمرچ زغير اعله النعش
من بعدچ يشيب الرمش
مو بس لحيتي

يا اول خيوط الضوه
شمعه ويهدولچ هوه
ذبتي وطفيتي

يابسمة اوراق الشجر
يافـرحة الگـاع بمطر
ردي اعله بيتي

يعوض حنانچ ياحظن
يالزهره يـا ام الحسن
هديتي حيلي

ـــــــــــــــــ ❁ ❁ ❁ ــــــــــــــــــ

ياخنـگه انفاس الغرگ
يوميه بيها انه اختنگ
واحساسه عشته

لمـن اطبـن غـرفتچ
وبيها اشمن ريحتچ
جن روحي ميته

بُعـدچ تـرك بـيـه جــرح
من رحتي شيعت الفرح
بيدي ودفنته

بفگدچ يون گلبي وبچه
مـن ظيمه بغيابچ حچه
وسمعتي ونته

ظل ينحب گليبي ويون
يـالزهـره يـا ام الحـسن
هديتي حيلي

ـــــــــــــــــ ❁ ❁ ❁ ــــــــــــــــــ

بالدنيه ماتت لهفتي
وياچ اشيل اجنازتي
وادفن بديه

بلا مايچ يموت الورد
چم ورده بغيابچ اعد
ذبلانه بيه

وبروحي چم شوغه بقت
صبـت دمـع عيني وبچت
والله خطيه

شيفيـد اناطـر عالدرب
وانه الهلت بيدي لترب
ما بيها جيه

هـو شـيرده اليندفن
يالزهره يا ام الحسن
هديتي حيلي

ـــــــــــــــــ ❁ ❁ ❁ ــــــــــــــــــ

بالگـوه انگـل بالجـدم
بعدچ ثگل حتى الهدم
مابيه حيله

بعيـوني ودعـت النـظر
ومن دنيتي غاب الگمر
وماشفته ليله

بعيوني ظلت حسرتچ
وطالت عليه سفترتچ
صارت طوليه

مـن دونـچ يعـدي العمر
كل يومي يخلص بالقهر
ودمعي الاسيله

وعيوني دم لمن بچن
يالزهره يـا ام الحسن
هديتي حيلي

ـــــــــــــــــ ❁ ❁ ❁ ــــــــــــــــــ

يـا ليلـي بطـل لا تـمـر
مو حدبت حتى الظهر
وحنيته ظهري

مشتاگه روحي الشوفتچ
مـا تـهـده بـس بنظـرتـچ
وتطفي جمري

يا وسفه ويضمچ لحد
يـوميـه گلبي اليـنمـرد
ارحم يدهري

ياربي فوضـت الامـر
وافگدها كاتبلي القدر
بس زيده صبري

كل عمري صابر بالمحن
يـالزهـره يـا ام الحسن
هديتي حيلي

ـــــــــــــــــ ❁ ❁ ❁ ــــــــــــــــــ

🖊️عباس فاضل الشمري

ملازم ورد جاهزة لجميع المواد للمعلميين والمدرسين.


https://www.tgoop.com/ahmed_alziwar14

(كروب خاص بالقرأن كذلك يوجد قناة خاصة بتعليم القرأن الكريم)
https://www.tgoop.com/ayaaa2585

السلام عليكم متابعيني الاعزاء فضلا وليس امرا متابعة حسابي على التيك توك
وان شاء الله سوف يتم نشر الالحان والقصائد
تحياتي للجميع

ابوذيات
على لسان السيده زينب ع


تـراهـي الـوالـده ايـشّـيـب  .. بُعدهه
واحـس الـدنيـه مـا تـسـوه .. بعدهه
لـلـعــشـريــن مـا وصـلــت  .. بعدهه

انسطر خدهـه وأجـت لـيـهـه المنيـه

*-----------------------*------------------*

بـالـدمــعــه اسـلـي الـعـيـن  .. وَلـهـه
وعــلـــه امــي الــعــزيــزه  ..  وَلـهـه
اقـيـمـن مـأتــم بـكــل يـوم .. وَلـهـه

تـضـل لـلـمـوت دمـعـاتـي جـريــه

*-------------------------*----------------------*

✍خادم الزهراء ع
الشاعر رعد الجريخي

ابوذيات للزهراء (بعدهه)

(ولهه)

شاهد ابداع الشاعر كامل السعيدي


https://www.tgoop.com/kamelAbdullah

قصيده لأم البنين ( عليها السلام )
[ آذان الطف ]


آذان الطف صوته ينادي
يـا حــيّاكــم يـا ويـلادي
متقصرون ... وتريدون ... رفعة راسي

يالـگدها اوصـيكم اذا رحـتو ودربـكم اخـضـر
عالـعايله وهـذا الخـدر اعـيـونكـم خـل تسـهـر
شما هالسفر دربـه كُبر ابقـه انـتـظـركم واكــبر
يلفيني شـيْبـي من وگت لو ابو الـيـمـه اتـأخـر

شـلـه بعـمـره الـودع غـالي
خنگه وحسره تعيش ابالي
وشيب اچفون ... وتريدون ... رفعة راسي

1____

ولْـدي أوصــّيـكم بـعـد زيـنـب أمـانـه عــدكـم
غطـوهـا بـرموش النـظر تـرتـاح كـون اختـكـم
حتى الهـوه يـمـشـي بـأدب ويـاكم ابعـهـدتكـم
عين الشمس لوفتّحت تنـفـگس من خــزرتكـم

مااريداً تعطش بت حيدر
اعرفـكم غيرتـكم محـشر
هاي ام عون ... وتريدون ... رفعة راسي

2____

يالرايحين اويـه الـضـوه لا ينـلچـلم مـن النـاس
لو راد يـتنـفس هـوه للـريـه اركـضـو بأحـسـاس
ولو شـده صـارت يالـوِلِد ظـهـر بظهر وي عباس
شدو الحزم وافدو النحر وادري ترفعون الراس

بالطف بيكم راح أتبـاهـا
خوتكم حُب يامـحـلاهـا
تنتصرون ... وتريدون ... رفعة راسي

3____

يايمـه هـالدنـيا حلـم سـاعـه ونـِفـز مـن عـنده
وهـنيـاله كلـمـن للصـدگ رايح و للـطـف حـده
واحدكم بوجهه نـحـر و طابـع حـسيـن بخـده
شـلال واحـدكـم صـبـح ويـا گــاع هـاي تـرده

يـالطـلگـتو الـدنيا وبـيها
والخـوه بـمنحر شاريـها
وتركضون ... وتريدون ... رفعة راسي

4____

لو خيـّم المـغرب عـليّ اجـروحي تبـدي تــدّي
البيت فارغ من ضوه والظـلمه صـارت ضـدّي
وهـاي العليـله بروحِتـه والـداها تبـقى اتنـدّي
عالباب چم دمعه وجرح واحزآن بيها تـِحـدي

يـومـيه المغرب مشـتاگـه
لــلــوالـد وتـريـد الــنـاگـه
ترجع كون ... وتريدون ... رفعة راسي

5____

محتاره شحجي وهالسفر هيّج مواجع بيه
للفـرگـه رايـد چـم گـلب عـلـويه هـاشـمــيه
بفـراگ الحسين انحـني وظهري تلزمه اديه
اللــيل شيـخـلصه بـلا وجـه الصـباح وضيه

الله وْيـاكم مـا اوصـيكـم
مــن اولـكم و لــتالــيـكـم
وتـضوّون ... وتريدون ... رفعة راسي

6____

احمد_رزاق_الاعرجي

اداء والحان عصام المحمداوي
🎙🎤
الشاعر احمد رزاق الاعرجي

صبرت  وروحي خلصت هاذ  صبريش
مطر  يا  عيني ساعه تسيل  صب رش
طير    وما يصب دموع     صب ريش
هيچ انه  برحيلچ   ميته  اديه ؟

رعد الفريجي

الطريقة الاولى

الطريقة الثانية

ترويج( تيك توك)  حقيقي عراقي
1-مشاهدة
2-لايكات
3-متابعين
للتواصل واتساب 👇
07732320742
تلجرام 👇
@ahmed_alziwar0