لحن 1

لحن 2

لاستشهاد الامام محمد الباقر عليه السلام
يابحر الفضل  (وزن نصاري )

يابحر الفضل يامنبع النور
بعيوني المدامع لجلك تفور
يبو الصادق يمظلوم
اليوم الدين مهظوم
بعيوني المدامع لجلك تفور
★★★★★
يانور الهداية وشمعة الدين
ياثاني بدر من  نور الحسين
لجلك كل جرح يندار جرحين
يامنهل عذب شفت الأمريين
يبوالصادق يمولاي
يبن الماشرب ماي
يوم الطف غريب وگلبه مكسور
★★★★★
كلمن حاربك وانت السلامه
مايجني ابد غير الندامه
شخصك من سطع نور الامامه
شالوا حقد عدوان الكرامه
كلمن حاربك صار
حطب ملموم للنار
وعلى الباغي النوايب لازم ادور
★★★★★
يلبطف شفت مولانا لوعات
من عدوان ماترحم وشمات
عساكر للعلم نظمت حملات
نهج حسين شامخ بيك مامات
تشهد دوم الايام
عزمك يبني الاسلام
وعلم آل النبي بكل بلد منشور
★★★★★
الطمعوا بالمناصب والإمارات
المعارف شافت من الگوم ويلات
صارت بس عناوين وشعارات
گضيت ايامك وياهم معانات
صاروا حرب للدين
گوم الذبحوا حسين
أمية بچفها صار الدين منحور
★★★★★
ينعاك الشرع والدين مولاي
ياطيب عهد للخلگ وفاي
الناس بدون رايك مالهم راي
بيك الموت عنهم صار حداي
الصادق عاش الايام
بعدك حزن وآلام
گلبه من القهر واللوعه مفطور

الشاعر حسن لعيبي الحريشاوي

قصيدة لاستشهاد الامام الباقر
كلمات الشاعر حسين لعيبي الحريشاوي
اداء عصام المحمداوي

وللابداع قلم يبدع في حب الحسين ع
انه المبدع الشاعر ستار عذاب
لاتفوت فرصة الاشتراك في قناته
https://www.tgoop.com/AsTA7891DsattarHAGAMY

حضرنه كلشي يحسين وهلالك متانينه
.
.
المواكب و الخدم و الراية
ابيوتنه ما تخله بيها اقرايه
الشاعر و رادود اجو عنايه
الله يعلم خدمه موعن غايه
انصارك احنه و خدام بالدفتر تخلينه
.
.
حسين غيرك ماتشوف عيونه
عليك وادم كامو  يحسدونه
بغير نظره  ضلوا يشوفونه
حسين من دربك امل  يردونه
بس احنه كدها يحسين العاذل مبجينه
.
.
سفرتك يحسين هايه وحاضره
الطير لو جه ما نحط بخاطره
ابوتنه يحسين بسمك عامره
اول هلال الشهر و اباخره
ابيوتنه بسم  الله تستقبل العانينه
.
.
سنه صار اعله الوعد يل غالي
حسين افديك العمر و اعيالي
ماكو  غيرك  انته  تارس  بالي
حته  لو  نايم   تصير  اكبالي
ماعدنه غيرك محبوب يحسين تعرف بينه
.
.
الشاعر و رادود كلمن دوره
كتب واحد يدي واحد طوره
العلك البيرغ وشال الصوره
لحسين كل اعمارنه منذوره
فدوه الك يامولاي بس كون ترضه اعلينه
.
.
حسن صالح العيساوي

قصائد عيد الغدير
********
قصيدة( صرخة مُحب)
-٢-
أبدي ابكلامي حيدر إمامي وحتى ابختامي
أصرخ علي
علي علي علي علي علي علي علي علي
**
منهو  وزير المُصطفى    حيدر علي
والاُمّه     طه    خَلّفه    حيدر علي
رب   الخلايق    كَلّفه    حيدر علي
ايكمّل رسالة مُصحفه    حيدر علي
أبدي البدايه وأنهي النهايه بهاي الولايه
أصرخ علي
علي علي علي علي علي علي علي علي
**
إصرخ يمؤمن هالمِسَه    حيدر علي
هذا الإسم  واتحسّسه    حيدر علي
وبروحك  إنته  اتفّسه    حيدر علي
تلگاه     رَبّك    قَدّسه    حيدر علي
حيدر نجاتي هُوّه حياتي وحتى ابمماتي
أصرخ علي
علي علي علي علي علي علي علي علي
*
منهو اللي بالكعبه انولد    حيدر علي
ومنهو  اليسمّونه الأسد    حيدر علي
ومنهو  إلَه  التاج انعقد    حيدر علي
وأصبَح  إمام   المُعتقد    حيدر علي
ابذاتي وشعوري ايظل هُوّه نوري ويبقه سروري
أصرخ علي
علي علي علي علي علي علي علي علي
*
نادي   يَمَن    تُهوه   علي    حيدر علي
وخَل صوتك ابذكره عِلِي    حيدر علي
بعد  النبي   منهو   الوَلي    حيدر علي
ابيا  إسِم  هَمّك   ينجلي    حيدر علي
بابن ابو طالب دلّالي طايب وويّه الحبايب
أصرخ علي
علي علي علي علي علي علي علي علي
**
منهو  اجتمعنه   البيعته    حيدر علي
وفرحتنه صارت فرحته    حيدر علي
ورغم   الأعادي  العادته    حيدر علي
للأبد      نبقه     شيعته    حيدر علي
انظل احنه شيعه الحيدر نطيعه وليلة البيعه
أصرخ علي
علي علي علي علي علي علي علي علي
*
كلمات خادم اهل البيت(  عليهم السلام)
الشاعر_مهند قاسم الكاظمي

ذكرى عيد الغدير

* * *

للولايه أفضل آيه نزلت الحامي الحمه

هيّه رايه للهدايه شرّفت حد السمه

يوم عيد الله الغدير بيه فرحان الضمير
***

هذا عيد الله و شمس تذكاره

مشعل الحگ عيب تطفه انواره

عيد بس طاها اليعرف اسراره

و زاح عن وجه الاسلام اغباره

بلامامه هالكرامه ظهرت الحيدر علي

من مقامه البيه علامه للأنام ٱصبح ولي

فاح من چفه العبير بيه فرحان الضمير

*******

هالحـــقيقه امـــحال ما ننســــاها

ٱنشالت ٱيد المرتضى ابچف طاها

و ٱدري جبـــريل الـــذي اتلگــــاها

و ركـّز ابگـــلب المــعالي الـــــواها

مو خفيّه و مزهريّه و فاق بيها المنشغف

للثريّه وذاك ضيّه البيرغ ابحيدر يرف

*******

عيد تنصيب الولي و عيد الهنه

عيد بيه ٱجتِـمعَت ٱفراح السَـنَه

والي كل مؤمن علي وكل مؤمنه

صار بٱمــر الله و حچـتها المأذنه

بالمآذن والمداين ذاع صيت المرتضه

مو قراين والضغاين ترست افواه الفضه

صار ابوالحمله أمير بيه فرحان الضمير

*******

صـــار ٱمــيرالمؤمنين ابــلا نزاع

و غصبن اعله الحاقدين اهوه المطاع

صار و انتـــرست ورد كـــل البـــقاع

و هلهل التـــكوين من دون انقــطاع

هالهلاهل چن مناهل وافتَخَر بيها الگلب

والفضايل مو قلائل ماي و ٱعذوبه تصب

ذاك مبدرها المنير بيه فرحان الضمير

*******

من صعد حامي الحمه ابصف النّبي

فرحت الأطياب من شيب و صبي

بس دگــلي اشلــون گلــب الناصبي

صار ينـفض نـــار و اغــتاض الغبي

كون ٱطالب للغوالب ألله خلاها امتحان

والكواكب نور غالب ما دحر ضيها الزمان

حب علي أشرف مسير بيه فرحان الضمير

**********

صاح طاها الهادي و العالم سمع

يوم چف المرتضه ابچفه ارتفع

آنه مولى الكل نقي الحيدر تبع

واللي خالف عيب بٱعماله انتفع

ألله قرّر دين يظهر يصبح الحيدر علم

والتجبّر كون يخسر خطها باللوح القلم

منطق الباري الخبير بيه فرحان الضمير


ملاغلام ابومحمد
البوغبيش

قصیدة  استقبال  محرم  حق  خدام  الحسین(ع)✍ شاعرة انتظار الریاحي   بطورر یادنیه لیش ویای هدیتی حیلی





اعلینه هل لهلال ولفانه عاشور

موکافي یاخدام من‌نوم الگبور


🏴🏴🏴🏴🏴🏴🏴

الزهره راح أتکول  وینه الخدمني

متحزم  بکل عام ابمجلس ابني

یخدمني صار سنین ومتخله عني

وشکثر  گلبي  علیه هألسنه مفطور

🏴🏴🏴🏴🏴🏴


صح هوه مو موجود حدر الوطیه

بس تبقه روحه هنا  بألحسینیه

ادری شکثر مشتاگ  یلطم علیه

گولوله ام حسین سجلتک احضور


🏴🏴🏴🏴🏴🏴

گلبي  علیه  یاناس  أمغیم اغیوم

یخدم نهار ولیل موشایف النوم

وکله ویگول یهون لأجلک  یمظلوم

روحی الک  مولای  انذره انذور

🏴🏴🏴🏴🏴🏴

وألیوفی لأبني حسین  مارایح انساه

  وشما بذر من مال ولأجله سواه

بألمحشر  انه هناک  یلگاني   ویاه

خل یطمئن ویکون خادمنه مسرور

🏴🏴🏴🏴🏴🏴

سمعوني  یاخدام  وخلوني اگلکم

مایلفي منکر راح  ویتگرب ألکم

ماطول ابو الحسنین  یحضر گبرکم

علینه واجب دین دگات الصدور

🏴🏴🏴🏴🏴🏴


✍شاعرة  انتظار  الریاحي