السيده زينب تخاطب
      اخيها الحسين عليه السلام

اسلبوك و ثوب ماظنتي [ظلعليك]
الـحوافـر مَتركت سـالم [ظلعليك]
اجيـب امنين يبن امـي [ظلعليك]
اسلبوني وبس بگه ثوب العليه.

✒️… ملا عاشور الصيداوي

محرم 🔻

غربة السفير 💔

مسلم بن عقيل عليه السلام

ـــــــــــــــــ ❁ ❁ ❁ ــــــــــــــــــ

مسلم جرحه ماطاب .. لمـن فـارگ احباب
هــاي الــدار الــنــه •• بـس ما بيها اهلنـه
مـن شردت جموعـه .. غريب انه يطوعــه

ـــــــــــــــــ ❁ ❁ ❁ ــــــــــــــــــ

الكوفه من طبلها ناده. عمي حيدر
جيـت لدياره واعرفه. بشده يحظر
التفت ظليت وحدي . والجـمع فــر
بالذهب باعوني وسفه. اختاروالشر

مسلم هــل دموعه
غريب انـه يطوعه

لمـن فـارگ احباب

ـــــــــــــــــ ❁ ❁ ❁ ــــــــــــــــــ

بالغـرب انه صفيت. وحدي ظليت
لاهل عندي واروح. وادخل البيت
ريت للكوفه يطوعه. انـه مـاجيت
نفـذت هـاي المهمــه.والــها اديت

مــا أعلن خضوعه
غريب انـه يطوعه
لمـن فـارگ احباب

ـــــــــــــــــ ❁ ❁ ❁ ــــــــــــــــــ

الخبر كل همي يوصل. يم امامي
رايــد الطـارش يودي. ويا سلامي
ويحمــل بگلبـه رساله.عـن هيامي
للحسين يروح يحمل. نص كلامي

خــل يعلن رجوعه
غريب انـه يطوعه
لمـن فـارگ احباب

ـــــــــــــــــ ❁ ❁ ❁ ــــــــــــــــــ

بالاســر انـــه ابديهم . هذا مو خوف
والله ادريها الخيانـه .تشتت صفوف
الغـدر واضـح عليهم. وعيني تشوف
ادري طبع الكوفه هذا. والله معروف

رفض الهـم ركوعه
غريب انــه يطوعه
لمـن فـارگ احباب

ـــــــــــــــــ ❁ ❁ ❁ ــــــــــــــــــ

انه اريدن بس يطوعه. يعدي ليلــي
للصـباح وباجـر اعـلن . عـن رحـيلي
نار بالروح اني احسها . وبــدلــيـلـي
واصرخت ياعمي وينك.مـاتـجــيـلي

طفت دربي شموعه
غريـب انــه يطوعه
لمـن فـارگ احبـاب

ـــــــــــــــــ ❁ ❁ ❁ ــــــــــــــــــ

كلمات

عباس فاضل الشمري

مقدمة ليلة الانصار
للحشد موافق لايمكن ان ننساها
.
.



انتصرنه     والفـــــــضل للـ لطم
انتصرنه     وبــينه حـار الخصم
هالمجالس مصنع المرجله
مدرســــــتنه كـربله كربله
 
*

موده كل عام بمــحـرم هــــاي تتـــكرر
وعالحـــــسينين نـــاس هواي تتنــــمر
اليحچي گـــلوله بـصراحه لوله هالمنبر
چان هسه الداعــــــشيه اعليــــك تتأمر
 
بالكفائي    اركضـنه ركضة سهم
بالكفائي    ياحــــلات الـــــخدم
عابسيه اتسـمت القافله
مدرسـتنه كربله كربـله

*

يالي عالتبذير تحـــــچي لاتحاســـبنه
حسين علمنه التــــفاني وهـذا واجبنه
الدعم اللوجســـتي كله مـــن مواكبــنه
افزعنه شبان وگبلـــنه فــزع شـــايبنه
 
 
علمتنه .. الـــطاهره ام الگمر
علمتنه .. ننطي  حتى النظر
والنبذله هيه التــــسجله
مدرستنـــه كــربله كربله

*

احنه بالشدات احــــنه الكل يعرفونه
بالحجر وزعنه كلشـــي بزمن كورونه
استاذنه العلمنه ننطي مقــــدم عيونه
احنــه طلاب ابوفاضــــل ماتنـكرونه
 
والشعائر    تشــحذ النه الهمم
والشعائر   هيـــه دولـه وعلم
وهالرساله من العرش منزله
مدرستنه كربلــــــــــه كربله

*
 
 
 
كم صنم ضد الشــعائر جـَـــــيش اعلامه
وگال مذهبهم نطيـــــــحه بطيحة القامه
مبتـــغاهم چـــان والله اتطـــيح العمامه
حاشا توگع واكو عـــد احســــين لطــامه
 
والمواقف   تشهد عله الصدق
والمواقف   عالزلــــــم تنطبق
احنه احنه قبلة البوصله
مدرستنه كربــله كربله
 
*
 
ناس واحدهم تحــسه هالحــــــقد دارس
بالنــــفاها ينتـــقدنه بالــــــــحرب خانس
للـ لطم والقامه عدنه وللـــــحرب واهس
عابس بكــــربله خَـــرج ميــة الف عابس
 
تربيتنه    شمخت اعله النجم
تربيتنه    والنــــعم والنــــعم
وكل حسيني فايز بمنزله
مدرستــــــنه كربله كربله

*
 
 
انصار ابو السجـــــاد نفـــــخر للــــيفاخرنه
شوكه بعيون الطغات اتــضل شــــــــعائرنه
حسين علمنه نــــــــوزع لو مــــــــناحــرنه
الماضي يشهد النه ويضل يحجي حاضرنه
 
عدنه قدوة     بكــــربله المنذبح
عدنه قدوة     راسه فوگ الرمح
والحقيقه هالفضل عاد اله
مدرستنه كربـــله كربله
*
حيدر تركي الكربلائي

اللحن الاول💦
اداء والحان القارئ والناعي عصام المحمداوي 🌸
كلمات الشاعر المخلص حيدر تركي الكربلائي🤲

اللحن الثاني
اداء عصام المحمداوي 💦

كلمات والحان الشاعر حيدر تركي الكربلائي

اجمل قصائد محرم تجدها هنا



https://www.tgoop.com/alizedioe

قصيده في شجاعة العباس عليه السلام


زينب تنخّت بخوها والگمر هز رايته
حالف بدمعة رقيه إلّا يترس جربته
عباس بيده الرايه
عباس گال حجايه
لا يهمچ يارقيه الماي يم جدمچ يجي
.........

دخّن العباس غيره عالمهر شد وهجم
الخيل جفلت من اجاها رجفت گلوب الزلم
صاحو العباس هذا يهزم الماينهزم
ياهو يگدرله ويمنعه ماي رايد للخيم
عباس نور وآيه
عباس گال حجايه
لا يهمچ يارقيه الماي يم جدمچ يجي
.........

ذولفقار بچف يمينه وگام يحصدهم حصد
خيل تردم خيل گامت عالزلم لمن يشد
حسين بالخيمه ويراقب للگمر لمن يهد
عاشت يمينك يخويه يصيح ياعباس اعد
عباس سيفه كفايه
عباس گال حجايه
لا يهمچ يارقيه الماي يم جدمچ يجي
.........

ملحمة صفين ردها من وصل للمشرعه
طاحت الفرسان يمه بس جثث ومگطعه
بزوده طب للماي والله ياهو يگدر يمنعه
عالنهر لو باب خيبر شبل حيدر يقلعه
عباس يروي ضمايه
عباس گال حجايه
لا يهمچ يارقيه الماي يم جدمچ يجي
.........

هاشمي وطب للشريعه ومتلك ماي النهر
اتذكّر حسين ورضيعه ما شرب ماي الگمر
نزّل الجربه وملاها الماي وتحده الخطر
كسّر سيوف ال اميّه طشّر الجيش وعبر
عباس اسمه الغايه
عباس گال حجايه
لا يهمچ يارقيه الماي يم جدمچ يجي
...........

جابها الجربه بيمينه ولن رقيه تلگّته
ياهلا تنادي بحمانا ومن فرحها شبگته
ماي شربت من چفوفه ورتوت كل عيلته
عمج العباس آني ما يخالف كلمته
عباس وفّه بهايه
عباس گال حجايه

سيد زيد الفحام
_____________________________

نزله للأكبر
****
السيد
هادي الموسوي الناصري

خلي عماتك علي تتباهه.؟..علي الأكبر بالفعل طباهه.؟.زلم وإسباع علي بچاهه

هذا الاكبر.؟.هذا الاكبر
****
شال رمحه إوغرّب
عالعساكر مـن طب
(دخلت اسباع )
بيده شايل سيفه
چـنّه لازم ضيـفـه
(إيخطه عالكاع)
عالظهر شد رمحه
يخفي يخفي ابجرحه
(حامل أوجاع)
مـــن تكرّب يمـــهم
ضيف حوّل عدهم
(صوتهم ضاع)

يلكف الفرسان ويجرجرهم.؟.قسم بالسيف علي إيوذرهم.؟.يعني شنهي خطته إمحيرهم

هذا الاكبر؟.هذا الاكبر
****
چـــن علي بالشمره
سيفه يمنه ويسره
(نجل الأمجاد)
المرجله بس عنده
مثل أبوه إوجده
(برّح احقاد)
شد عليهم شدّه
يرخص اشماعنده
(يطرد اطراد)
يركض إعله الكثره
كسر بيهم كسره
(رايح إوراد)

مهجة حسين تعنه إيذلها..؟..چنه كرار تمثل إلهه..؟..إتبرحت خيل جثيره وكلها

هذا الاكبر..؟..هذا الاكبر
******
بــرز بكـر إوصاده
علي چـن صيـاده
(أسد وثـّاب)
منـه ظـل يتلبد
چن طفل يتشرد
(حيرّه الشاب)
غفله بگر إيدوّر
ظل علي متحذر
(ظنه ماخاب)
چن علي وي مرحب
من عليه إتوثب
(حاسبه إحساب)

يرجز ابسيفه رجز وابغضبه.؟.اشما برز جيش علي ويغلبه.؟.لكن الآه وصل يم كلبه

هذا الاكبر..؟..هذا الاكبر
*******
أخذ منهم حيفه
شبع منهم سيفه
(يجلي فرسان)
رَد...لأبــوه إشگلّه
چم جرح بي خله
(حيل عطشان)
رجع يمّه إتلوّه
كال ماي أتگوّه
(حيل ذبلان)
ضامي يشكي إبعبره
والعطش بي نبره
(بويه عطشان)

سيفه يشكف علي إيطر سيفه.؟.ابساعة الموت اخذ كل حيفه.؟.بيهم إيصول أمير إبكيفه
هذا الاكبر..؟..هذا الاكبر
*****
ضده هجموا كلـــهم
وحده الأكبر ضدهم
(چن أسد فاچ)
شكف يشكف بيده
راح.. عمّه اعضيده
(إيصد الأفواج)
حتى اهد وأتگوه
كون ماي أتــروّه
(وآخذ إلتاچ)
صوله وإيصد صوله
سوّه بيهم جوله
(والحزن هاچ)

علي فارس بين ألف فارسهه..؟..والعسكار بينت من ربعه..؟..والرباب اتصيح من يحرسهه
علي الاكبر..؟..علي الاكبر
*****
الحمد لله رب العالمين
ديوان
دموع الهاشميات
الجزء الرابع

(قصيدة نزلة فزاعية)
علي علي علي/علي الاكبر نزل
علي علي علي / علي الاكبر نزل
ـــــــــــــــــــــــ
أرض حمره« وسمه حمره» ودوت نار الحرب
نبال اشگد«ولا تنعد» مطر گامت تصب
علي الاكبر«غزه العسكر» لعب بيهم لعب
طبگ يمنه«على اليسره»ودخل بيهم رعب
غضب-غضب-غضب/ علي شبل الفحل
علي علي علي/ علي الاكبر نزل
ـــــــــــــــــــــــ
صرخ بيهم « يبجيهم» تولاهم بتر
رجع بالطف « علي الاكلف» يزلزل من يكر
يفر عينه «الشمر وينه» ويدور عالشمر
تولاهم « كصى وياهم» وهگ بيهم طبر
هجم-هجم-هجم/ يغطهم لو زعل
علي علي علي/ علي الاكبر نزل
ـــــــــــــــــــــــ
بني هاشم «على الظالم» يكسرون الخشم
اختفه القائد « ركض شارد» كتايب تنهزم
رگب طاحت«رعب صارت»زلم تسحك زلم
يطشرهم «يطبرهم» يراويهم عزم
رفع -رفع- رفع / رفع سيفه البطل
علي علي علي/ علي الاكبر نزل
ــــــــــــــــــــــــ
دوت ناره « وطلع غاره » يلقنهم درس
مثل جده «الحرب عنده»على الظالم ونس
يحيرهم «يذكرهم» مثل خيبر امس
اذا زمجر « زلم تعثر» تموت امن الرفس
رجع-رجع- رجع- مثل يوم الجمل
علي علي- علي/ علي الاكبر نزل
ـــــــــــــــــــــــــــ
يزلزلهم « اذا غطهم» كطع بيده الهوه
ولا نسمه«وصفت ظلمه»وعلي الاكبر ضوه
عزم شايل «على العايل» ابو الغيره دوه
اذا عشره «واذا كثره » يجندلهم سوه
صلب- صلب- صلب - صلب مثل الجبل
علي علي علي/ علي الاكبر نزل
ـــــــــــــــــــــــــــــ
ابو باقر الساعدي