نعرف أن وجودك مش حيصير وحتى لو صار، نعرف أن اللي مش لازم كان، واللي مفروض يلزم تغاظيت عليه، نعرف أنك أساس الغلط، في طريق الصح، نعرف أنك بعقل مش مستوعب فكرة المنطق، وخاوي وفايض في من اللاشيء، اللي نفرض كان بوعي وحكم أجدر أن الراحة تكون بدال مكانك، انا مش فكرة نعرف كيف حيكون التعلق بيك، مش فكرة أن نحلل ونتعب باش نجيبها، وحتى لو بعد ماعرفت ان نفس كشخص فيا تتجسد تحت بند المكسب في وقت الخسارة، والتصفيقة بعد عشرين دور الفشل، أنا الضحكات بعد دموع ماينعدوش، وهلبا قصص بعد معاناة من حسّهم ماينحكوش، انا الشخص مش مشابه، ضد الفرص، ضد المعاناة، وضد الضرر المتبادل، انا الشخص من نطفة " الحُب، والعطاء المُستديم " .

‏من بين أصدقائي، أنت من أحبه أكثر من أيّ صديق آخر، ولهذا أتجرأ على إزعاجك بمشاكلي الغبية .
- من فريدا كاهلو إلى ليو

لما القلب يعاف، معاش عندك شن تبرر .

فكرة نتناسى ديما في دوام يومي من بدايته لنهايته، وفكرة نتخطى ماقدرتهاش، فكرة أن ننسى اللي كان " قريب " ماعرفتهاش، وماحسيتهاش ..
حسبت هاللي فيا بيتأقلم، تاريته مش قادر .

انت مش نقطة الضعف، انت الحدة اللي مقابلة عمودها .

كل بنادم متلهف ويبي يعرف شن بداية ونهاية قصتنا، كل بنادم لو قدرت نبوحله بالتضحيات اللي تبادلناها مع بعض
- حيشهقوا من البكي .

ماكانش فاهم فكرة أن انا مانشكيش، ماكانش صحابي عارف ان لو قلت لي فيا حننضر اكثر، ويزيد الوجع يلتهب، ماكانش صحابي صاحب فعل، كان طاهق ولما عرفني أن صاحب المواقف، صاحب الفعل قبل الدوة، دور على اليمين وكأن لا نعرفه ولا يعرفيني .

بعد هلبا شهور ماينعدوش فاتوا , بعد هلبا أيام مايتكرروش مشوا, كان شعور عالق , الروح تغفى كل ليلة وعيونها مش قادرين على الهروب , صوت مش قادرة كيف نسمعه , كيف حنحدده ؟
كيف حننهيه , وكيف حتهون ..
مابين روح وروح فيه فاصل , نقطة وتكسيرة حساب , مابين قلب وقلب , هلبا كلام , الشعور مش ساد !
أنا استاحشت , أنت حسيت ؟

" يعيش القارئ ألف حياة قبل أن يموت، بينما الذي لا يقرأ، لا يعيش سوى حياة واحدة ".
- جورج مارتن

لقد كُنا معاً، القلب قلبي والمكان مكانك، والروح روحك والمكان مكاني، يهُاب أنصافك تشتت أفكاري، وتهابني رغبة الإحتضان الفائقة، على يديك، وسكين التي بداخل ارواحنا ..
على الوجهة، وعلى مسيرة الحُب، يلفُت كلا بعضنا، أنا الخوف، وأنت الإنحياد رعشة كفيّك، إرتباكي، وتلعثتمي، إنساءلاتي عن عاطفيتك المفُرطة عندما فاقت نظراتك وصوتك اللامعدود بقلب يغوص في تفاصيلي التي تُحب أن تلقي عليه لعنة الضحكة، وإحتضان الروح :
" أنتِ حبيبتي، سكينتي ومسكنتي، إنحيادي وإستمراريتي، تشتتي ورتابتي، شغفي وإنطفاءي، روُحي وحبيبي الأبدي، العتيق والأزلي " ..
- الأنوار

" أنتَ والقهوة "
نص ليك، قلبك يسمع وعيونك يضحكوا، نبرة من بين لحظة ولحظة تتغير، تنسجم وتثلعثم، روٌحك تفكر، وذكرياتنا تتجسد قدامنا، على أول مرة واول إعتراف وليلة طويلة بضحكاتنا المعبية هلبا ألُفة، على أول إعتراف، على أول مرة شفنا قلوبنا كيف تلاقوا، على المُصالحة واللوم اللي ماليشي نهاية بينا، على تفاهمنا وطريقنا لي حنكملوا فيها مع بعض، احسبها بالصبر، واني بالعطاء، من لما كان التمسك عنوان بدايتنا، حتكون إيدي في إيدك، والعيون مقابلة بعض ، والنهاية مش عالمنا ..

" أنتِ والقهوة "
الكلام ليك، القلب عايش بيك، الطريق تكمل معاك، والبنادم يستاهل ينحب فيك، كُنتِ وحتكوني، ليا ولروُحي لي فيك تتجسد تحت بند تفاصيل القمر بكماليته، تفاصيل عيون، قلب البرءاة، وملامح تغرق عابر، مابال روحي البادية بيك ؟
في الصوت الهادئ تحضري، في القلب لي يعطي ومايبخلش نلاقى فيك، في عيون لي محايدة لمعة الحُب، اللي فيك مش قادر نبوحله أن ملخُص الحياة بيه تكمل، البداية حتكون بإيديك الدافية، مع شعُور معبي هلبا بعيون، بإحساسك اللي ماليشي عابر، انتِ بداية القصة، أنتِ الكمال، أنتِ الحياة ..
" أنتَِ أنا "

طلب صغيرون :
أدعوا بالفرح والراحة والفرج لصحابي المخُلص، من قلب راضي يقول كل حرف وهو ناوي، وليكم كل الحُب مني ❤️

لما الروُح تبكي، التمسك تجسد تحت بند " الهشّ "

أنت مش خاسر ..
جرب بدال وقفتك، تبدل هالضيقة اللي فيك بضحكة خفيفة، بدال هالسايلنت عبي المكان أمل، فيق وعلى قلب متجدد وبشعور الحُلو حينخلق فيك ألف تفصيل، كون ال " أنت " الهادف والناضج عقلياً وجسدياً، وحب هالدنيا حتى تحبك .

"ماذا لو هناك شخصًا يختارك، يعرف عيوبك ويختارك، تزعجه وتغضبه ويختارك، شخص يختارك كل يوم كأنما خلت الأرض إلا منك؟"

أنتظرك
وكأنك
على
الطريق
وعلى
بضع
ساعات
محدودّة
وتصل
إلي .

إعتراف في لحظات محدودة، قهوتنا في مكان، والشعور الهلبا بالحبر يطلع، يبهر في اللي يقرأ، تجسد تحت روح شخص، والتفاصيل معاه تزيد في البساطة شعُاع يعطي لسلاسة عنوان .