ЗЯНОН ПАЗЬНЯК: НЕ ПУСКАЦЬ НА ПАРОГ

Апошнім часам расейцы і прарасейскі лукашысцкі рэжым ў інфармацыйнай вайне супраць беларусаў ўсё больш выкарыстоўваюць мэтад дэзінфармацыйнага ахайваньня і адміністрацыйнага вынішчэньня імёнаў вялікіх людзей нацыі. Мэтадалёгія 1930-х гадоў. Знакавыя людзі творчай клясыкі, гісторыі і сучаснасьці аб'яўляюцца "экстрэмістамі", "тэрарыстамі" (у 1930-х -- "ворагі народа"), творы і здабыткі іх забараняюць і зьнішчаюць, памяць ахайваюць.

Такая мэтодыка другаснага генацыду ў культуры разам з адміністрацыйнай забаронай ужываецца "канторай" найперш дзеля ўплыву на маладое пакаленьне (якое ня памятае 90-х гадоў).

Мэтады "энтузіястаў" ў эміграцыі такія самыя, толькі з дэманстрацыяй крытыкі рэжыму. За мяжой гэтым займаецца такі Аляксандар Чайчыц. Гэта "не зусім беларус" з Масквы, выхадзец з партыйна-намэнклятурнага расейскага асяроддзя. У Беларускую эміграцыю ён увайшоў даволі пасьпяхова, апынуўся ў Радзе БНР і нават у яе Прэзыдыюме. Але паводзіў сябе неасьцярожна, быў заўважаны і выдалены з Рады (што, дарэчы, вельмі рэдкая зьява для Рады БНР).

Дзеяньнем у адказ стала сістэмнае публічнае ахайваньне Старшыні Рады БНР спадарыні Івонкі Сурвілы. Наступны крок -- ахайваньне ўсёй знакамітай ваеннай і паваеннай беларускай эміграцыі. Далей Аляксандар Чайчыц выступіў з ахайваньнем імя Васіля Быкава (дарэчы выраблена, з капаньнем у інтыме).

Апошняе агрэсіўнае хамства "канторы" супраць Быкава было зафіксавана 30 гадоў таму. Тады ў намэнклятурным друку выступіла такая вядомая сярод сваіх манкурцкая асоба нехта Уладзімер Сеўрук (быў намесьнікам загадчыка Аддзелу прапаганды і агітацыі ЦК КПСС). Гэты Сеўрук абазваў Бакава "літаратурным паліцаем" (тады ў "канторы" такое было ў модзе, наконт мяне, напрыклад, "раскапалі", што я быў "нямецкім паліцаем").

Лукашысцкі рэжым ненавідзеў Быкава ўвесь час (прысьпешыў яго сьмерць), але адкрыта брахаць на класіка ў друку не рашыўся. Разумелі, што эфэкт можа быць адваротны. Асабліва калі расьпішуцца асобы тыпу Азаронка, Тура, Маркава ці іншых "сьпецоў".

Тут (за мяжой) гэтую справу вольна выканаў Чайчыц. Прытым сістэмна, склаў ужо некалькі допісаў супраць Быкава.

На гэтым "праца", відаць, ня спыніцца. За мяжой бар'ераў не існуе. На чарзе Народны Фронт, Дэпутацкая Апазіцыя БНФ, Незалежнасьць Рэспублікі Беларусь, Полк Каліноўскага і інш. (Супраць мяне ён яшчэ пісаў няшмат, папрасіўся сфатаграфавацца). Такіх як Аляксандар Чайчыц цяпер ў эміграцыі хапае. Асабліва сярод "дэмсмі". Тут ім вальней, чым у Беларусі. Можна насіць назву "апазыцыі", інтэлектуала, беларуса і гадзіць на лепшых беларусаў беспакарана і сьмела. Свабода.

Прапаганда тут не забаронена. Шмат дазволена. Але беларусам трэба ведаць пра асобаў, якіх нельга пускаць ў дом, нават ў прыхожую, нават на парог, у прыстойнае таварыства. Сеўрукам лепш быць асобна, а беларусам -- асобна, бо ёсьць межы, якія не парушаюцца.

14 верасень 2024 г.
Зянон Пазьняк

🔥 Выступ Зянона Пазьняка ў гонар 510 гадавіны перамогі пад Воршай

https://www.youtube.com/watch?v=N00lYNqWSiQ

‼️На вэб-сайце крамы Vyraj.pl папаўненьне кніг Зянона Пазьняка❗️

Зараз колькасьць кніг у каталозе налічвае 18 штук!

Кнігі можна набыць анлайн з дастаўкай па ўсім сьвеце (акрамя Расеі).

https://vyraj.pl/kategoria-produktu/zianon/

У ПЕРШЫ Ж ДЗЕНЬ. 19 верасьня 1991 Бел-Чырвона-Белы Сьцяг і герб «Пагоня» атрымалі статус дзяржаўных сымбаляў. Гэтага статусу іх пазбавілі праз зьбіцьцё дэпутатаў у залі парлямэнта (што па законах нават рэжыму ёсьць тэрарыстычны акт) і неканстытуцыйны, махлярскі рэфэрэндум. І першае, што мусіць зрабіць новая ўлада – аднавіць дэ-факта дзяржаўны статус сымбаляў, якія натхнялі пакаленьні беларускіх патрыётаў і натхняюць нас сёньня. Проста ў першы ж дзень. Інакш гэтая ўлада будзе якая заўгодна, але – не беларуская. Жыве Беларусь!

А вось як у 1991 годзе ў Менску на ўрадавых будынках усталёўвалі афіцыйны дзяржаўны гэрб Рэспублікі Беларусь — Пагоню.

Паўторым? 😏

"Не наша ніва" працягвае ганебна піярыць сямейства Лукашэнак. Фактычна, скралі, прысабечылі назву гістарычнай адраджэнскай газеты пачатку 20-га стагоддзя, каб зараз пад гэтай шыльдай друкаваць вось такую брыду.

Заканамерна, што рэдактар гэтага рэсурсу Андрэй Дынько пад псеўданімам "Мікола Бугай" стала палівае брудам дзеячоў беларускага адраджэньня і скажае беларускую гісторыю.

А вы ведалі, што ў Батумі (Грузія) існуе цалкам беларускамоўная школа, якая выдае атэстаты дзяржаўнага ўзроўню?!

WARTA запісала размову са стваральніцай беларускамоўнай школы і прасторы ў Батумі Аксанай Акуневіч.
Выходзіць, што беларуская мова жыве нават у Сакартвэла!

https://youtu.be/zvfS8BWQh5s

ЗЯНОН ПАЗЬНЯК: ПРА ПАЛІТЫКУ І ПАЛІТВЯЗЬНЯЎ

Гісторыя паказвае, што ў інфармацыйным грамадзтве, якое карыстаецца сістэмай усеагульных выбараў, ва ўладу можа быць выбрана, у прынцыпе, любая асоба, кожнага полу, інтэлекту, псіхічнага стану здароўя, сацыяльнага статусу, адукацыі, маральнага ўзроўню і разумовага разьвіцьця, -- ад навукоўца, пісьменьніка, прафэсара да прастытуткі (напрыклад, Чычаліна) і вар'ята (такіх шмат).

У 2020 годзе у час выбараў прэзыдэнта Беларусі Крэмль, ФСБ і іхны "кашалёк" Газпрам адпрацавалі спробу зьмяніць Лукашэнку на іншага больш залежнага стаўленьніка ў сувязі з падрыхтоўкай да вайны і планаваньнем акупацыі Украіны. (Масква хацела мець цалкам разьвязаныя рукі ў Беларусі.)

План ня ўдаўся з прычыны нацыянальнага характару масавых беларускіх пратэстаў, якія вышлі з-пад кантролю Масквы і напалохалі Крэмль, і з прычыны адчайных дзеяньняў Лукашэнкі па захаваньні сваёй улады.

У выніку стаўленьніка Масквы дырэктара Белгазпрамбанку В. Бабарыку і яго памагатых Лукашэнка замкнуў у турму. Супраць беларускага народа (пры дапамозе Расеі) рэжым распачаў масавыя рэпрэсіі. А сам Лукашэнка трапіў у поўную залежнасьць ад Пуціна і ад палітыкі Расеі.

Такім чынам, трайны канфлікт выглядае так: беларускі народ выступіў супраць улады Лукашэнкі за вольную Беларусь; стаўленьнік Масквы Бабарыка выступіў супраць улады Лукашэнкі за ўваходжаньне Беларусі ў Расею; Лукашэнка выступіў супраць народа (пачаў замыкаць беларусаў за краты) і адначасна кінуў у турму Бабарыку з пасобнікамі. Усе тры суб'екты палітыкі ёсьць ворагамі адзін аднаму.

ЧЫТАЦЬ ЦАЛКАМ: https://www.bns-volnayabelarus.org/post/pazniak-pra-palitviazniau

"Не допущено. Объявление нарушает правила. Неподдерживаемый язык" — такое паведамленьне атрымліваюць беларусы, якія спрабуюць стварыць рэкляму на беларускай мове ў Google Ads

Цяжка паверыць, але Google не лічыць беларускую мову дазволенай на сваех камерцыйных пляцоўках для рэклямы. Беларуская мова церпіць перасьлед і забароны ня толькі ад рэжыму Лукашэнкі, але і ад глабальных камерцыйных кампаній, такіх, як Гугл.

Што могуць зрабіць беларусы ў гэтай сітуацыі?
Інструментаў ціску на камерцыйныя арганізацыі няшмат. Адзін з іх — публічны розгалас і рэзананс. У гэтым можа дапамагчы любы неабыякавы беларус шляхам публікацыі і пашырэньня гэтай ганебнай для Гугла інфармацыі.

Таксама працягваецца збор подпісаў пад петыцыяй да кіраўніцтва кампаніі з заклікам дадаць беларускую мову ў Google Ads.
На гэты момант сабрана ўжо больш за 34 тысячы подпісаў. Да неабходных 35 застаецца зусім мала.
Падпісаць петыцыю можна тут:
https://www.change.org/p/google-add-belarusian-language-to-google-ads

Атрымліваецца абсурдная практыка: расейская мова краіны-агрэсара дазволеная, а мова, якую забараняюць і за якую пераследуюць акупанты — забароненая.