يسمعني ريان وينتقم من عندي شر انتقام

وبصراحه المشاكل الصارت ريان صار يبتعد عني يعني ما يهمه شي وبقى هذا الوضع أيام وقطر الندى صارت زينه وما بقى شي وتدخل بشهرها واني بنهاية الشهر السادس وكمال موجود يمنه والعرفته انه كمال حاضر جوانا من كل البرامج والمواقع وحتى الرقم مالته حاضرها

ومر اسبوعين من طلعت جوانا وبخلال هاي الأسبوعين نتواصل آني وياها بس ابد ما چانت تسأل على كمال ابد وبعدها گامت تسألني

جوانا/شلونها علاقة كمال وقطر يعني ينجمعون بغرفه وحده

مينا / والله ما اعرف اني ابد ما آروح هناك ابد لان ريان ما يقبل يگول حتى لا صير مشاكل ليش انتي شنو حاضرته

جوانا/ لا هو حاضرني من كل مواقعه ورقمه لان فتحت رقمي واتصلت بي طلع حاضرني وكل موقع عنده هو حاضرني واخذت موبايل امي واتصلت بي من رقمها ومن حچيت ويا تدرين شيگلي

مينا / رجاءً قبل ما تگولين شنو يگول گولي بالبدايه انتي شنو حچيتي ويا

جوانا/ اتصلت بي من رقم امي وهو رد عباله امي دى تتصل بي

كمال / هاااا هاي انتي عبالي امچ لان مو اخلاقي انه امچ تتصل بيه وما أرد عليها بس لو ادري انتي متصله چان ما رديت عليچ

جوانا/ انوب انت زعلان مو أني زعلانه عفتني ثاني يوم عرسي ورحت وخليتني وحدي بين اربع حياطين

كمال / بهاي حقچ بس المفروض تقدرين ظروفي أقلها لا تقدرين ظروفي يطبني مرض انتظري لما اجي للبيت وناقص غيره وشرف إذا ما راضيتچ وانطيتچ فوگ حقچ هم مو تقندريني وتطلعين واخابر عليچ تگليلي انت ما تسوى لا جوانا لهنا ونوگف يا بنت الناس اني ما أسوى روحي شوفي واحد من مستواچ والله يسعدچ ويهنيچ

جوانا/ يعني شنو كمال تريد تعوفني والله چنت عصبيه لكون عفتني وحدي اني اسفه كمال انت تدري بيه أحبك اهون عليك بهاي السهوله

كمال / جوانا الكلمه من بعدها ما گايلتها تكون ملكچ بس من تگوليها وتطلع من لسانچ خلاص بعد انتي ملزمه بالكلام النطقتي بي اما كلمة احبك هاي كلمه لا تسمن ولا تغني من جوع لهذا خلي كل واحد يروح لحاله سبيله وان شاءالله تلگين الاحسن مني اتمنالچ السعاده مع السلامه

جوانا/ وحتى رقم امي حضره وما اگدر اوصله عفيه مينا تگدرين تروحين هسه تنطي الموبايل مالتچ حتى احچي ويا

مينا / ليش ما آريد روحي لو اريد اطلگ غير إذا اسوي هيچ ريان يطلگني وهو منبه عليه ما ادخل ابد
وگامت تبچي جوانا واني اصبر بيها وانه عسى كمال الله يهدي عليها

وسمعت الباب نفتح بسرعه استأذنت منها وغلقت الخط وياها لان دخل ريان هاي الفتره الفاتت كلها ريان ذابها على الصامت ويايه اخيرها قررت احچي ويا وهو كالعاده گاعد يگلب بموبايله اجيت وگعدت على طارف السرير وسألته/ شبيك ريان اكو شي انت ضايج مني اني سويت شي زعلك مني

ريان / انتي شوفين نفسچ ما مسويه شي ابد

مينا/ ما مسويه شي حتى عمتي رجعت علاقتي بيها طبيعي

ريان / من اجتي ملاذ وأكثر من مره گتلچ دخلي جوه ما تدخلين وتتعاركين وياها گدامي اضافةً إلى الحچي من راحت ملاذ گلتي الي ا گلچ انتي شنو شايفتني چلب ما اگدر اسيطر على شهوتي

مينا / العفو والله مو قصدي بس اني احبك ريان واغار عليك من ملاذ

ريان / تحبيني فهمنه تغارين بيها مجال بس مال ما سمعين كلام لا ساعتها لو مو احبچ لو اعبدچ عباده أدوس عليچ وأفوت امًا تلمحين بالحچي مالتچ انه اتقرب على ملاذ بعدچ ما تعرفيني وحق ربچ احرگ روحي ما اتقرب على الحرام بعدچ ما تعرفيني اما بالنسبه عن شهوتي ترى اني أتحكم بيها مو هي تتحكم بيه وهاي صار شگد ما متقرب عليچ عادي اگدر أتحكم بشهوتي

مينا/ إذا أغار عليك شسوي گلي والله احبك ريان

ريان / وربي يشهد عليه احبچ اما غيرتچ من ملاذ ما الها داعي ملاذ بالنسبه الي ماضي وأنتهى مينا لا تنبشين بشي مات من تسمعين الميت يرجع للحياة مره ثانيه ساعتها ارجع ويه ملاذ مره ثانيه فهمتي

مينا/ هذا الحچي حلو بس المصيبه من اشوفها يمك آبليس يوسوسلي والشياطين شجعني وما اگدر الزم اعصابي الله يخليك بداعة ميليا بداعة ابنك هذا البطني شنو تريد منك ملاذ وهم تتغزل بيك وتگلك احبك مثل ما اني اگلك احبك

ريان/ اللهم ثبت علينه العقل البعيده غبيه لهدرجه لچ بابا يا حب وانتي مصوره إذا گالت احبك راح اصدگها بابا انتي عقلچ بي شي

مينا / لعد گلي شتريد منك ريحني اني مو زوجتك وام أطفالك إذا الي ما تحچي المن تحچي لعد

ريان / الحچي بينه ملاذ انطيها فلوس حتى ما أريدها تجي هنا يعني ادفع فلوس في سبيل ما اشوف خلقتها فهمتي

مينا/ تحچي صدگ هسه ريحتني الله يريحك مثل ما ريحتني بس هي شنو تجي لهنا وتنطيها فلوس

ريان/ لا كل مره انطيها حواله على ابو صيرفه تعرفه هي بس بيوم شفتيها هنا طلبت مبلغ كلش چبير حتى تطلع خارج العراق وبعد ما تجي هنا ابد بصراحه اني فرحت وتروح ملاذ وبعد ما اشوفها لهذا اتفقت وياها أسويهن اربع اجزاء الفلوس لان ما جوه ايدي هذآ المبلغ وحولت جزء من الفلوس الجزء الاول استلمته وبعدها بأسبوع حولت الجزء الثاني ومن ردت احول الجزء الثالث تفاجأت

انه ابو الصيرفه يگول انه الجزء الثاني الحولته ملاذ ما ساحبته زين ملاذ وين وليش ما سحبت الفلوس

يتبع /

#البارت الرابع والأربعون


لن انسى انك جبرتني ان ارحل
وكانت امنيتي الوحيده انت

مينا / مرات نحچي حچي ما نعرف شنو عواقبه ولا وين راح نوصل بي المشكله اللسان ما بي عظم يحچي شرقي غربي واني في وقت چانت ملاذ موجوده وغلطت عليها اني چنت طول الوقت متعجبه شنو الجابر ريان على ملاذ لهذا من چان يحچيلي على ملاذ والفلوس اليدفعهن الها سألته/ اگلك ريان ترى انت ما مجبور تدفع اي شي لملاذ

ريان / شوفي مينا اكو أمور مرات صير بحياتنه نگول ندفعها بعود ولا ندفعها بعامود اني في وقت من الأوقات اشتكيت على ملاذ وجابوها للمركز بس بعدين من فكرت بأبعاد الموضوع من كل النواحي ماكو احد راح يخسر غيري لأن بالقانون اني وملاذ ما مزوجين قانوناً
يعني إذا نفضح موضوعي ويه ملاذ راح صير عليه جنحة وجنحة الشرف والارهاب انفصل من اي شي يخصني بالدوله هذا شي اضافةً عشائرياً ما أخلص من زوجها وعشيرته وحتى عشيرة ابوها ما تطلع ملاذ الدايحه الساقطه تطلع ملاذ چانت رب الشرف والعفه واني اعتديت على شرفها لهذا اسلم حل الي انه أسايرها حتى أخلص منها فهمتي اما مال حب وغيره هاي الكلاوات بعد ما تعبر عليه فهمتي حبيبتي

مينا / الله يكفيك شرها حبيبي

ريان / المشكله وين راحت ملاذ شو أختفت لا تتصل ولا تسحب الفلوس واني وصيت ابو الصيرفه في حالة سحبت الفلوس يتصل بيه وحتى رقمها اتصل عليه كله مغلق وهاي صار 10 ايام من اختفت ملاذ

مينا / حبيبي ان شاءالله تختفي من حياتك وتخلص منها على اهون سبب
وبذاك اليوم رجعنه اني وريان لحياتنه الطبيعيه ومرت الايام ودخلت قطر الندى بشهرها واني دخلت بشهر السابع وبده الموسم الدراسي واني ما اگدر أداوم جامعه بسبب حملي وأجلتها إلى السنه الجايه وتحدد موعد عملية قطر الندى وراحت بموعدها وجابت بنيه وسمتها مايا ومن رجعت ثاني يوم العمليه

وهي رجعت الصبح ما يقارب الساعه 10 الصبح ردت اروح أتحمد الها بسلامه بس خفت وآجلتها لما يجي ريان والظهر من آجى ريان فتحت ويا الموضوع انه اروح على قطر الندى واتحمد الها بسلامه

ريان / حبيبتي نظراً لكثرة القال والقيل مآل النسوان نروح سوه ونرجع سوه وابد لا تبتعدين عني حتى كل شي گدام عيني

وبالفعل بعد الغده اخذني ريان ويا وميليا هو شايلها لان اني من دخلت بشهر السابع اتعب وگوه اتحرك ودخلنه من باب المطبخ وچانت موجوده جنى وهاي خطيه هم في بداية حملها وعماد يخاف عليها سلمت عليها وهي بوست ريان ورحنه لصاله چانوا مخلين سرير ابو نفر واحد نايمه عليه قطر الندى والطفله بكريكوت وردي
سلمت على عمتي ورحت سلمت عليها وباركتلها واني بالبداية تصورت راح تغلط عليه او اقلها ما ترد السلام بس بالعكس أصرفت طبيعي وباركلها ريان وبعدها ريان سال على كمال وجاوبته انه كمال فوگ بغرفته وظلينه شويه گاعدين وعمتي سولف على العمليه والمستشفى وتقريباً نص ساعه اشرلي ريان بمعنى روحي وآنيّ استأذنت منهم واخذت ميليا ورحت للمشتمل مالتنه

وتقريباً فوگ الساعه يله اجى ريان وسألته على كمال شلونه

ريان / يظاهر انه زين بس يكابر

مينا / يعني شنو

كمال / نفسيته تعبانه ما يريد يعترف انه فراق جوانا مأثر عليه هو بصراع ويه نفسه

مينا / وانت شلون عرفت اگلك هو شنو ما رجعت علاقته بقطر الندى

ريان / لا ما رجعت يگول قطر الندى راحت او بقت نفس الوضع عندي بس جوانا لا دى يموت باليوم الف مره من وراها

مينا / والله اني ما احچي احسن لانه إذا احچي هسه اي شي ينذب براسي

ريان / عفيه بيچ حبيبتي اهم شي تلزمين لسانچ ومينا ممنوع اي كلمه عن كمال توصل لجوانا فهمتي

مينا / وبنفس اليوم خابرتني جوانا واحس بيها مخنوگه وتريد تبچي وفاجئتني من گالت

جوانا/ كمال أجته بنيه صحيح

مينا / وأنتي منين عرفتي

جوانا/ عرفت لان هو ناشر بالفيس واني مسويه حساب وهمي وشفته من نشر الخبر آريد احچي ويه ريان

مينا / شنو تريدين منه واني اگله

جوانا/ لا اريد احچي ويا شخصياً

مينا / واني من چنت دى احچي ويه جوانا چنت بالمطبخ وريان بالصاله لهذا رحت يمه وگتله جوانا تريد تحچي وياك

ريان / افتحي مايك حتى تسمعين الحچي انتي هم

مينا / وريان اخذ مني الموبايل وفتح مايك

ريان / تفضلي جوانا

جوانا/ السلام عليكم شلونك ريان

ريان / وعليكم السلام تفضلي اختي

جوانا/ اني اريد احچي وياك لان كمال حاضرني وما دى اگدر اوصله واني صار فتره من طلعت من يمه وهو حاضرني وما بادر بأي صلح بهيچ حاله هو بايع وبعد ما يريد نرجع لهذا اريد توصله كلامي وتگله جوانا تگول خلي نطلگ احسن ماكو داعي احنه مزوجين بسم بالاسم

ريان / شوفي جوانا اني ما ادخلت بزواجكم ابد لان كمال اخويه الاكبر مني وبغض النظر عن منو الغلطان شويه تأني الطلاگ مو شي سهل

جوانا/ ماكو داعي بعد نبقى مرتبطين وهو اساساً طالب بهذا الشي خلي يروح يعيش حياته الله يهني

ريان / انتظري بعد مده خاف تطلعين حامل مثل مينا

جوانا/ لا اني متاكده ماكو اي حمل

ريان / خلاص قررتي تطلگين انطي نفسچ فرصه راجعي نفسچ حتى من تاخذين قرار الطلاگ ما تندمين عليه ابد

جوانا/ اني مقرره ارجوك ريان وصله خبر

مينا / انطاني الموبايل ريان اخذته ورحت للمطبخ وگتلها / اجلي الطلاگ هسه خاف تطلعين حامل يولي

جوانا/ حبيبتي اني متأكده مو حامل

مينا / شلون عرفتي شنو انتي دكتوره

جوانا/ إلا نحچي بالقلم العريض يله يفهمون بليلة العرس ومن رحنه للفندق من دخلت السويت حسيت بشي نزل عليه وأني أصلاً من چنه يم المصور ناخذ صور بطني چانت توجعني والمغصات مال بطني تروح وتجي واحنه اول ما دخلنه لسويت هو سحبني عليه وظل يبوس ونزل على رگبتي وعلى صدري بعدها ما تحمل نزعني البدله واخذني لسرير من نزعني الداخلي چانت نازله عليه الدوره الشهريه لهذا عافني ما دخل بيه ابد وثاني يوم راح على قطر الندى يعني اني أصلاً بعدني بنيه فهمتي ليش اگلچ ماكو حمل

مينا / ما اعرف شنو اگلچ بس إذا شوفين الطلاگ حل مناسب الچ طلگي
وبعدها نهيت الاتصال وياها لان سمعت الباب تندگ فتحتها طلع كمال ومن سألني عن ريان صاح ريان من الصاله

ريان / تعال كمال هنا بصاله

مينا / دخل كمال واني ورا وگعد مقابيل ريان وبده كلامه

ريان / كمال خابرت جوانا وتريد تطلگ

مينا / طبعاً اذا اريد اوصف صدمة كمال ما تنوصف لان تلاميح وجهه كلها نگلبت وبالبدايه سكت وبعدها يله حچى

ريان / تريد تطلگ ليش وشنو السبب هااا تريد تطلگ مني وتروح تزوج غيري وين وعدها الي چانت تگول ما اصير لغيرك وللموت وياك چنت متصور إذآ اگولها ننفصل هي ما تعوفني خلاص اطلگها على راحتها

مينا / گال كمال اطلگها نزلت دموعه وگام راح وريان باوع عليه وهو يهز براسه

ريان / طبعاً أثنينهم مراهنين على بعض واثنينهم مصورين انه الطرف الثاني ما راح يعوفه وأثنينهم منتظرين الطرف الثاني راح يبادر بالصلح بس كل توقعاتهم ما صارت وهذا حبهم انتهى وتلاشى بسبب أنه الطرفين ما تنازلوا ابد

مينا / اني ما آنكر مقهوره على جوانا بس قدر الله وما شاء فعل وبيوم الجمعه مقررين ريان وكمال ياخذون سيد ويروحون حتى كمال يطلگ جوانا ومن الصبح گعد ريان لهذا طلبت منه يوديني لأهلي ومن يجي الظهر هو وكمال والسيد على مود الطلاگ ارجع وياهم

وهو ما حچى شي بدلت لميليا واني بدلت وطلعت ويه ريان وصلني لأهلي ورجع ومن دخلت چانت خاله فهيمه گاعده وجوانا يمها شابعه بچي لان عيونها مورمه وحمر وبوستهن وگعدت يمهن وامي چانت طالعه جيب ريوگ

فهيمه/ احچي وياها آنتي مينا دى اگللها إذا تحبي ومتأكده انه يحبچ اتركي الطلاگ وعوفي النفوس لما تهدى وبعدها قرري

جوانا/ خاله هاي الفتره كلها ما سال عني ولا حاول يصالحني اگعد انتظره لو والله طالما گدر يبقى بدوني هاي فتره كلها يعني عادي يگدر يبقى العمر كله بدوني لهذا اسلم حل انه نطلگ

مينا / اني مثل رأي خاله فهيمه انطي لنفسچ فرصه
بس شگد حاولنه وياها ما قبلت حتى امي هم حاولت وياها ونفس الوضع ما قبلت وهذا الحچي كله هي تبچي ودموعها ابد ما وگفت وقبل الساعه 11 الصبح اجوي كمال وريان وياهم سيد ودخلوا لصاله ومن السيد طلب جوانا اجتي وهي مخليه الشال على نص وجهه في سبيل كمال ما يشوفها تبچي وبده السيد ينصحهم وانه الطلاگ مبغوض عند رب العالمين حتى لو رب العالمين محلله بس جوانا اصرت على الطلاگ وبعدها السيد طلب انه واحد يوگف گدام الثاني ورمى كمال يمين الطلاگ على جوانا

وهذا چان حدها لجوانا تخربطت واغمى عليها وكمال وامي آخذوها للمستشفى وريان راح وصل السيد ورجع عليه ومن وصلنه كمال ماكو طلع عدها هبوط بالضغط وچانت جوانا صار ايام متآكل لهذا تخربطت وبعد المغذي شويه صارت احسن ورجعناها للبيت وبعدها اخذني ويا ريان لبيتنه واول ما دخلنه للبيت اجى كمال يسأل ريان على جوانا شلون صارت جاوبه

ريان / كمال اطلگتوا وبعد خلاص حاول تتعايش ويه حياتك بدونها بين قوسين أنساها

كمال / راح اظل اتبع أخبارها ومستحيل بيوم انسى جوانا

مينا / وراح كمال نزل وبعدها طلب مني ريان أنه ممنوع أنقل اخبار كمال لجوانا لو اخبار جوانا لكمال
وصح جوانا أنهارت من كمال طلگها بس هي قويه سرعان ما لملمت جروحها وراحت قدمت على جامعه اهليه ودخلت قسم تحليلات مرضيه وداومت جامعه واني مرت بيه الايام وما بقى شي وادخل شهر التاسع يعني ولادتي قربت والدكتوره مالتي گالت عندچ ضيق بالحوض لهذا بس تدخلين بشهرچ تمر ايام من شهرچ ولازم تدخلين العمليات حتى تولدين

وطبعاً حالي حال اي وحده اول ولاده إلها تگعد توصي بزوجها وبيومها چنت ارتب بغراض الطفل وشافني ريان ويضحك عليه

ريان / بابا عوفيهن صار الف رتبتيهن شنو إذا كل شويه ترتبيهن معناها راح يظلن طول العمر مرتبات

مينا / غير ملابس ابني لازم ارتبهن اگلك ريان ألقرآن عليك خاف اموت ذمه برگبتك لا تزوج ورايه ابد

ريان / لا حول الله بابا شنو حتى وانتي ميته تردين ماكو احد غيرچ بابا ما يصير لا صيرين أنانيه خلي غيرچ خطيه تزوج اني متأكد بعد اكو وحده ثانيه غيرچ اني من نصيبها

مينا / تخبلت من گال هيچ هجمت عليه وصرت أعض بي وهو يجر بنفسه يريد بس يخلص روحه مني بعدها استسلم وهو يگلي ما أزوج راح تبقين ألأولى والأخيره حبي وبوقتها سألته على ملاذ

ريان / والله مينا ما آعرف فص ملح وذاب وين راحت الله وحده اليعلم

مينا / همزين خلصنه منها روحه بلا رده وتابوت بلا سده
وما أوصف سعادتي بريان ربي يشهد عليه يحبني ويحترمني وموفرلي كل شي وما مخليني محتاجه احد غير بس الله صدگ رجال وقبل العمليه مالتي بيوم حلمت بفراشه بيضه تفتر في بيتنه وطلعت وإني اركض وراها وحتى راحت وگفت على غصن الورد بالحديقة ردت الزمها ماكو طير من غصن الغص بحيث فحطت من الركض وراها وما لزمتها اخرها وگفت على غصن وانكسر الغصن بيها وهي طارت لسما وأختفت بحيث گعدت حلگي يابس وگوه اجر النفس عبالك صدگ چنت اركض مو حلم وحتى ريان حس عليه

ريان / شبيچ مينا اكو شي يوجعچ

مينا / وحچيت الحلم لريان حضني وهو يگلي نامي حبي هذا مجرد حلم
وعلى ثاني يوم رحت للمستشفى ويايه عمتي وريان وقبل ما ادخل صالة العمليات اجتي امي وجوانا وبعدها دخلوني لصالة العمليات والخوف عندي يقرأ الف بحيث ارجف ومن اجى دكتور التخدير قريت سورة الفاتحة وخدرني بعد ما آدري بروحي وبين النايمه وبين الگاعده اسمع ريان يگول

ريان / ماتت مينا الله يرحمها خلي أشوف مره الي قابل اظل اني واطفال اثنين وحدنه

مينا / هنا من صدگ صحيت وجاوبته ما اموت وباقيه على گلبك وما أخليك تزوج
هذا الكلام ضحك الكل الموجودين

ريان / هااا شگلت الكم بغرفة الإفاقه ما گدروا يصحوها من البنج بس سمعت ريان راح يزوج صحت من البنچ مفعولي اقوى من مفعول البنج

مينا / ودنگ عليه ريان وباسني ومن گصتي وهو يگلي

ريان / لو اموت ما بدل ام يمان بأي وحده لو ملكة جمال ما تحلى بعيني غير ام يمان حمد لله على سلامتج حبيبتي

مينا / وبعدها الكل بوستني وتحمدت الي بالسلامه وبيومها امي رجعت للبيت وبقت يمي جوانا وعمتي رجعت للبيت على مود ميليا وريان بقى يمي وهذا كله والطفل نايم وكل شويه اگللهم عفيه شوفوا خاف صار بي شي وتجي جوانا شوفه تگول ما بي شي

ولليل كل شويه جوانا وريان يگوموني حتى اتمشى وارجع لسرير بعدها جابولي عصير وبسكت ويمي جوانا توكل بيه من نفتح الباب ودخل كمال سلم عليه وگلي حمدلله على السلامة وهو عينه على جوانا وابد ما نزلها بعدها سلم على جوانا

كمال / شلونچ جوانا شخبارچ

جوانا/ بخير الحمدلله وأخباري من الجامعه للبيت والبيت للجامعه والعصر اني بمختبر تحليلات مرضيه اشتغل

مينا / وهو تفاجأ بيها الظاهر ما چان متوقع راح تتخطى ابد وجوانا أصلاً ما اهتمت بي ابد ولا اهتمت بوجوده وظلت تسولف ويايه وهو اخذ يمان وأذن بأذنه

كمال / اكيد ريان ما أذن بأذن الطفل لان عدنه ريان يهودي

ريان / سبقتك وأذنت واني أذنت اذان الظهر وأنت اذن اذان العشا

مينا / وبوقتها بقى كمال هواي بعدها راحوا كمال وريان وبقيت ذاك الليل الوجع موتني وكل 6 ساعات تجي الممرضة تخليلي مغذي وتضرب بي ابره ويخف عندي الوجع وانتهى ذاك الليل بأوجاعه والصبح اجى عليه ريان ودفع حساب المستشفى وكمل البيان وطلعنه وجوانا رادت من ريان يخليني اروح يمهم حتى امي وجوانا هنه يعتنن بيه بس ريان ما قبل وأصر نرجع لبيتنه وجوانا من صعدت بسيارة ريان خلت ابني بحضني وصعدت الغراض كلها بالسيارة وهي اجرت تكسي وراحت لبيت اهلي

واني رجعني ريان لبيتنه واني عبالي راح اصعد فوگ للمشتمل شلت هم شلون راح أصعد الدرج بس ظني خاب لان طلعت عمتي مخليه سرير ابو نفر بالصاله يمهم جوه والكريكوت مال يمان منزلي بالصاله وحتى السله مالته هم منزليها وعمتي متقبل اروح يم امي وتگول / مينا بنتي اني اخدمها وأخدم حفيدي لما ترفع الخيط والشهاده لله حتى قطر الندى من دخلت لصاله اجتي لزمت ايدي وصلتني لسرير وتحمدت الي بسلامه وهنئتني على يمان

وبقيت ألأيام العشره كلها يم عمتي هي تسويلي كل شي بيدها حتى يمان هي سبح وتبدل وتغسل ملابسه وحتى علاجي هي تنطي آلي بيدها وعندي ابر بالعضلة يضربني الإبر ريان وامي يوميه تجي شوفني وتروح
والله عمتي قامت بيه عبالك بنتها مو زوجة ابنها واليوم العاشر اجى وقت رفعة الخيط وريان ما قبل اروح لدكتوره ويگلي

ريان / وهي شنو راح اسويلچ اني ارفعه قابل الدكتوره مالتچ راح تخترع الذره

مينا / وبالفعل ريان فتحلي الخيط وما حسيت وبيومها صعدت فوگ للمشتمل وصار عندي عبالك توم ميليا ويمان ومر على ولادتي تقريباً 22 يوم وتحديداً بسنة 2021 يوم 8 بشهر أيلول واول يوم بصفر وچان والظهر وما صار ساعه من دخل ريان من أجتي قوه من دوريات مال شرطه وكلبچوا ريان واخذوا

يتبع /

#البارت الخامس والأربعون


سأعيش على امل ان كل شي
سيصبح جميلاً ما دام لنا رب
يقول كن فيكون

مينا / كل إنسان يظن نفسه وصل لقمة السعاده كذب لان كل ما تكون سعيد ومرتاح لازم تكون الدنيا ضامتلك مصيبه تكفخك بيها وهاي الكفخه ما تگوم منها ابد وهذا چان حالي اني چنت خلاص من جبت ابني يمان اعتبرت نفسي قمة السعاده وما اريد شي من الدنيا
أجتني اكبر مصيبه بحياتي بعد 22 يوم من ولادتي لابني الظهر اجى ريان وهو بي طبيعه اول ما يجي يسبح ويجي على ميليا ويمان يظل يبوس ويلعب بيهم بين ما اني اصب الغده

واحنه ما نتغدى إلا يجي ريان واني من جبت يمان بصراحه صرت اغار على ريان من يمان وميليا وريان چان گاعد يدغدغ بميليا اجيت گعدت يمه وسحبت ايده وخليتها وره ظهري وبسته من رگبته وهو ضحك وگال

ريان / حبيبتي مو عيب تغارين من اطفالچ ترى هرمونات الحمل خلصت

مينا / والحمل وهرموناته شعليهم بس انت من جبت ابنك صرت ما تعتني بيه والمفروض منك هسه تعتني بيه لان ما صار 22 يوم من ولدت ابنك

ريان / حبيبتي شلون ما اعتني بيچ بس انتي ما يغزر بعينچ بعد ولاتچ ليمان ب 15 يوم يوميه بالليل اعتني بيچ

مينا / اگلك بالليل هاي حقوق شرعيه تعتني بيه انه تغازلني وتعتني بمشاعري اني ما مقتنعه انه تروح لدوامك وترجع وماكو وحده تباوع عليك لو خاف تعتني بيها هي بدل مينا
وريان مات من الضحك

ريان / بابا انتي من شفتچ دورين حقوق شرعيه هو اني عايفچ الحقوق الشرعية مشبعچ منها

مينا/ انت ولا تستحي ابد والله دى اگلك غازلني مو ادور حقوق شرعيه اني متاكده اكو وحده غيري

ريان/ وحق ربچ ماكو وحده تملي عيني وگلبي بس آنتي اما من جهة اكو وحده اكو هواي يحاولن بس ما اكو وحده خلتني استغني عن النساء كلهن اطمئني حبيبتي

مينا / صبيت الغده وتغدينه بعدها سمعنه عمتي صيح ريان بصوت عالي نزل ريان واني واگفه بأعلى الدرج وشفت الشرطه تارسه الحديقه والگراج واكو ضابط وعلى كتفه نجمه گال لريان / انت ريان طه

ريان/ نعم سيدي خير اكو شي

الضابط / أريد اثبات يثبت انه انت ريان

مينا / التفت عليه ريان وگال جيبي جنسيتي
دخلت للمشتمل والهوية مالته على ميز التواليت طلعتها ونزلت انطيتها لريان وهو بدوره قدمها للضابط

الضابط/ كلبچوا وجيبوا

ريان / ليش شنو تهمتي وتطيني كتاب رسمي اشوفه باستدعائي

الضابط / انت مو دى نستدعيك انت عليك امر بإلقاء القبض اما شنو مسوي هاي تعرفها من تروح للمركز وانصحك شوف محامي طالما عليك القاء قبض يعني شغلتك چبيره

مينا / وطلع الضابط ورقه من جيبه وشوفها لريان وبعدها اجوي اثنين منتسبين شرطة خلوا الكلابچات بيد ريان واخذوا وعمتي واني بقينه مچلبين بيد ريان وعمتي تگللهم

ام كمال / دخيلكم على بختكم يمه وين مأخذي والله كل شي ما مسوي

الضابط/ والله خاله اني عبد المأمور عليه إلقاء القبض مهمتي أوصله لمركز الشرطة شنو تهمته ما اعرف

ريان / مينا روحي صعدي لجهالچ بسرعه

مينا / ريان الله يخليك ما اگدر اعوفك والله اموت

ريان / دى اگول صعدي فوگ بسرعه

مينا / بعد ما گدرت احچي بس دموعي تجري ظليت اقدم رجل وآخر رجل على الدرج وما آريد أصعد وعمتي تتوسل بيهم ما تريدهم يأخذون ريان بس كل توسل ما يفيد واخذوا ريان صعدوا بسيارة الشرطة وراحوا

واني رجعت نزلت ورحت دخلت وره عمتي وهي اتصلت على كمال وبلغته انه الشرطة اجتي اخذت ريان ورجعت اتصلت على جنى بحكم هي محامية ورجعت صعدت فوگ انتظر والانتظار قاتل وكل شويه انزل اسال عمتي إذا عرفت شي وهي تگلي / ماكو احد گلي شي ومن اجوي اخذوا ريان چانت الساعه ما يقارب 2 ونص الظهر وما اجوي كمال وجنى وعماد زوج جنى إلا بعد اذان المغرب ومن شفتهم نزلت اركض واني من انزل بس ميليا أشيلها وانزلها ويايه امًا يمان ابقي بالكريكوت مالته وهمه دخلوا لصالة واني وراهم وعمتي سالت شنو تهمة ريان جاوبت جنى بحكم هي محاميه مطلعه على ملف القضيه وگالت

جنى / ملاذ قاتله عمتها مربطتها بسرير وحارگتها وبعدها قاتله ابن حماها عمره 11 سنه وهي چانت مهزومه صار اشهر وصار يومين من القوا القبض عليها وبالتحقيق معترفه انه ريان شريكها بالجريمه وحتى ابن حماها من شايفها قاتله بيبيته راجعه قاتلته وذابه جثه مالته بالنهر بمساعدة ريان

مينا/ وعمتي تخبلت ظلت دگ على رجلها وتبچي

مينا / وشنو الشرطه تاخذ بس بحچي ملاذ

عماد / اول شي الاعتراف سيد الادله هذا شي اضافةً انه موبايل ملاذ بي رسائل من ريان وچان يبلغها بتحويل فلوس وتتلقى هواي مبالغ من ريان واخر مبلغ چان كلش چبير وهذا المبلغ چان يريد يسفرها بي خارج العراق اضافةً إلى صور فاضحة بينهم اضافةً آلى الاعتراف مالتها باشتراك ريان وياها الأدله كلها ضد ريان

ام كمال / ولچ يمه گول ريان راح

عماد / والله هذا ملف القضيه مالته واني وجنى اطلعنه عليه والولد الضابط صاحبي لما هو چان لازم ننتظر إلى باچر الصبح لما يجي ضابط التحقيق بعد منا إلى باچر ونشوف

مينا/ وحق الله من أخذوا ريان إلى ما جنى وعماد يحچون إني دموعي صب ما وگفت ابد وعمتي تخبلت على ريان شلون راح اليوم يبقى بالسجن ورجعت

ام كمال / روحي ولچ مينا شوفي ابنچ خاف دى يبچي

مينا / اني هذا الوقت كله شايله ميليا ابد ما ذبيتها وطلعت من باب المطبخ وتقريباً وصلت نص الگراج إذا اريد أوصف الموقف الصار ما ينوصف ابد صار الرمي الطلق على البيت من كل جانب بحيث صرت اعيط مثل المخبله لان اني بعمري ما شايفه مكان ينرمي عليه اضافةً إلى صوت جام الشبابيك مال البيت التكسر ويه صوت الطلق عبالك بحرب واني حضنت ميليا وگعدت بالگاع وهذا الحچيته كله طول دقايق وبعدها كل شي اختفى وما انتبهت الا لمن صرت اسمع أصوات يمي وشنو يحچون ما افهم احس عبالك صوتهم بعيد

وبعدها صرت يتخايلي انه عمتي وجنى يعيطن
وعماد يگول / بسرعه كمال على اقرب مستشفى

مينا / بعدها صرت استوعب من اخذوا مني ميليا البنيه ملابسها متروسه دم ومن اخذوها مني البنيه عبالك مثل اللعبه القماش بيديهم تتمايل بيدهم كل حياة ما بيها وصرت اعيط بخبال وبعدها سمعت عماد يگول / زوجة ريان هم مصوبه بچتفها

مينا /ومن حركت ايدي عطت لله من الوجع
وجنى گومتني وعماد اخذ ميليا وطلعنه صعدنه بسيارة كمال واخذونه للمستشفى اني وميليا بسرعه دخلونه لصالة العمليات ومن دى يخلولي مخدر ويخدروني آسمع الدكاتره يگولون الطفله بحالة حرجة جداً بعدها ما سمعت شي

ما صحيت غير امي وجوانا يمي ومن تحركت الوجع بكتفي ما ينحمل واجتي ممرضة ضربت ابره بالمغذي وأبره ثانيه بالكانونه بيدي وشويه وهدئ الوجع العندي والفهمته مصوبه بطلقه وطلعوها وانه اني وضعي افضل بقت بس ميليا اريد اطمئن عليها لهذا طلبت من جوانا تگومني

جوانا/ يمعوده هستوچ وعيتي من البنچ وين رايحه

مينا / عفيه گوميني اريد آروح اشوف ميليا هاي بنتي وامانة ريان يمي
واجتي امي وجوانا فصلوا المغذي عن ايدي وساعدوني اگوم وطلعت من الردهة واكو نسوان ويايه نايمات بالردهه يدعلي بالشفاء وما نعرف ميليا وين لهذا امشي على كيفي ورجعت للطوارئ سالت على ميليا جاوبني دكتور گال اسألوا عنها بالاستعلامات رجعنه على الأستعلامات واكو بنيه ممرضه گاعده گتلها / اروحلچ فدوه اني جابوني اني بنتي مصوبين بطلق ناري دخلنه صالة العمليات سوه واني طلعت وبنتي وين

الممرضه/ انتوا اجيتوا ويه ويه دكتور كمال

مينا / اي اجينه ويه دكتور كمال

الممرضة/ البنيه مصوبه براسها واحنه هنا ما عدنه عمليات للدماغ لهذا حولوها لمستشفى الجمله العصبيه همه هناك اكو دكاتره اختصاص وان شاءالله ما بيها غير العافيه

مينا / رجعت للردهة واني ميته بچي على هاي خطيه الطفله الما عدها حظ وتقريباً الساعه 12 بالليل آجى كمال ومن سالته عن ميليا

كمال / سووا الها عمليه وطلعوا الطلقه من راسها بس حالتها خطره ومخليها بالعناية المركزه وحتى إذا عاشت تعيش مشلوله هي هسه حالها بس الله اليعلم بي

مينا / وريان شلون كمال راح يبقى بالسجن

كمال / ريان اوووف يا ريان كسرظهري ريان الأدله كلها ضده شسوي ما اعرف وحق الله راسي راح ينفجر اكثر من باب نفتح علينه من جهه ريان بالسجن من جهة ميليا وانتي بالمستشفى ومن جهة نفتحت علينه شغلة العشاير وين أنطي وجهي يا ربي ألك المشتكى شوفي مينا راح يجون عليچ الشرطة ياخذون اقوالچ لا تنطين أي تفاصيل بس گولي اجوي ناس ما نعرفهم اطلقوا رصاص على البيت وما نعرفهم فهمتي بعد ما اوصيچ وابنچ لا تخافين عليه يم امي

مينا / طلع كمال وبقينه اني وجوانا وامي وانتهى ذاك الليل واني ابچي على ريان وميليا والصبح اجوي شرطه وسألوني شلون اصوبت وحچيت كلام كمال وبعدها الدكتور شاف انه اني افضل وكتبلي على خروج من المستشفى واني شگد لحت عليه في سبيل اروح يمها اني وابني بس رفضت اعوف بيت عيالي وصلوني ام وجوانا وراحن واني دخلت ومن اني بالگراج اسمع صوت يمان يبچي لان اني ارضعه من صدري وهو من البارحه ما راضع وحتى صدري يوجعني ومورم

ودخلت لصاله ويمان بحضن عمتي وهو يبچي وهي تبچي ومن شافتني گامت بوستني وگعدت طلعت صدري وارضع بيمان وعمتي مزهوره وتدعي لريان وگعدت فتحت القران تقرا وتبچي اما أني منهاره على ريان شلون وضعه ولو عرف وضع ميليا شلون

وللعصر اجوي كمال وعماد وگال
عماد / ومحققين ويه ريان ونكر كل كلام ملاذ بس المشكله اكو ادله عليه يعني كلامه مو مهم بگد وجود الأدله وكلّ الأدله ضده اما البارحه الرموا طلق ناري على البيت همه اهل زوج ملاذ لهذا لازم تحولون يمهم

مينا / والعرفته انه كمال متواصل ويه شيخ عشيرتهم وابو عماد زوج جنى هم ابو شيخ ومأخذين عطوه من شيخ عشيرة زوج ملاذ
وعمتي وصت كمال انه ما يجيب سيره لريان على وضع ميليا وحمواتي يروحن ويرجعن على ميليا وشگد طلبنه انه نشوف ريان بس كمال ما يقبل يگول تروحن زيدن هم فوگ همه وعبرت 5 آيام على حادثه اطلاق النار والساعه 6 الصبح خابروا علينه وبلغونه انه ميليا توفت راحت يم رب كريم هو ارحم بحالها

وما احچي شلون وقع الخبر علينه وعمتي من العياط مالتها الناس التمت علينه اما اني حتى شعري ملخته وراح كمال حتى يستلمها من المستشفى وما قبل ياخذ اي وحده بينه

وحمواتي اجن كلهن وما يقارب الساعه 10 آلصبح اجى كمال ويا أزواج أخواته ووياهم تابوت صغير بي ميليا والله إذا اگول فرفحت على ميليا اما عمتي تخربطت لا ايد ولا رجل تتحرك بيها وكمال قاس الضغط مالتها لگا صاعد وانطاها ابره ونزل الضغط مالتها وانطاها منوم حتى لا تروح ويا وتحضر دفنة ميليا وبالدفنه راحت نور وبدور لان جنى حامل واني ما اگدر اروح لكون عمليه بكتفي

وكمال وعماد ونور وبدور راحوا يدفنون اما الجوارين يريدون يعزون عمتي بس احنه نبلغهم انه عمتي مريضه ومنطيها منوم لهذا يعزون جنى واني وقطر الندى ويروحون

وخيم الحزن على البيت اما عمتي تمشي بالبيت كأنه جسد من غير روح وهي لسانها ما يذكر غير ميليا وريان ومر تقريباً 3 اسابيع ولكون ريان بعده ما محكوم ما عنده مواجهه بس ضابط ويه عماد رتبته اعلى من رتبة عماد هو سوه واسطه النه وجاب تصريح انه نواجهه وچان يوم خميس والمواجهه تبدي ب 9 الصبح واني وعمتي بدلنه واخذت يمان حتى يشوفه ريان ورحنه ويه كمال

ودخلنه للمركز ويانه عماد وصلنه لمكتب ضابط التحقيق ودخلنه الشرطي لمكتب الضابط التحقيق وسلم على عماد وگعدنه والضابط يوصي عماد انه يوصل سلامه لضابط فرقد وانه هو بخدمته وعماد بس يهز براسه ونفتح الباب ودخل الشرطي ويا ريان

وعمتي گامت حضنت ريان تبوس بي من وجهه ومن عيونه وحضن كمال وبوسه وعماد ورجع يمي حضني وباسني من راسي واخذ مني يمان وبوسه ورجع سألني

ريان / وين ميليا ليش ما جبتوها اريد اشوفها والله ميت على شوفتها

ام كمال / بقت يم قطر الندى

ريان/ انتوا ليش لابسين اسود

ام كمال / احنه ناذرين نلبس اسود ولما تطلع بخير وسلامه نذبه

ريان / احتمال راح تلبسوا العمر كله لان ما أظن راح اطلع من هاي القضية

ام كمال / يمه اسم الله عليك من عمري على عمرك شده وتزول

مينا/ رجع باوع عليه ريان وهو يگلي
ريان / مينا بعد ما اوصيچ ميليا امانة يمچ ولو انتي ما تحتاجين اوصيچ انتي بنت أصول وما شفت منچ غير كل خير ميليا اريد تعتنين بيها ولا تنسين تذكريني يمها وتحچيلها عليه ما اعرف ليش احساسي يگول وصلت ريان لآخر محطه

ام كمال/ ولك يمه گول يا الله ربك موجود وما ينسى عبده حشا لرب العالمين

مينا / انتهت المواجهة واني اعصاب بعد ما بقت عندي اريد بس ابچي ومن اخذوا ريان نزلت دموعي وظلت عمتي تتوسل بالضابط انه يساعد ريان

الضابط/ والله خاله احنه هنا بتوصيات الضابط فرقد انه بس ندون أقواله ترى لما الضابط فرقد چان هسه من ينكر لازم نحوله على مكافحة الإجرام وهمه يعذبوا ويخلوا يعترف هو نكر كل كلام المتهمه ملاذ بقت يم القاضي بعد والله كريم

وطلعنه من المركز ورجعنه كمال للبيت وچانت نفسيتنه زفت بقينه ننتظر محكمة ريان وعدى ما يقارب شهر ونص من نسجن ريان وبديت اشعر معدتي تگلب وغثيان مو طبيعي وراسي يوجعني وجسمي نحلان اريد اتحرك ما اگدر

وعمتي تگلي / هاي لكونچ ترضعين ما تاكلين وبوقتها نور چانت موجوده وجابت تحليل منزلي وگالت / خلي بي قطرات مالّ إدرار خلي نشوف شنو راح يطلع

واخذته ودخلت للصحيات وخليت بي قطرات مال أدار وما طول حتى أشر خطين احمر وبصراحة اني ما اعرفله ابد لهذا انطيته لنور ومن شافته چان تگول

نور / مبروك حبيبتي حامل

مينا / يمعوده شلون حامل

نور / انتي من ولدتي كم يوم ونظفتي من الدم

مينا / اسبوع ونظفت وحتى الاسبوع الچان ينزل عليه الدم مو هوايه ولا عبالك عندي ولاده ونفسه

نور / من نظفتي من الدم كم يوم وريان شاف شغله وياچ

مينا / وره ما رفعت الخيط ب 5 ايام

نور / اي حبيبتي انتي من النوع تحبلين قبل الاربعين

مينا / رجعنه يم عمتي وبلغتها نور انه اني حامل

ام كمال / يا رب مثل ما وهبت مينا حمل قبل الاربعين وهي ترضع توهب لريان ابن ابتسام البراءة انت قادر على كل شي

مينا / وسبحان الله حملي ب يمان شگد چنت فرحانه بس هذا حملي لكون ريان بالسجن ما عندي اي فرحه بالحمل وحتى قررت انزل الحمل

يتبع /

#البارت قبل الاخير


لا يهمني من سأخسر بعد الان
فقد كنت انسان صادق وحقيقي
مع الجميع

مينا / مرات تجي الفرص بالوقت الضايع يعني رغبتك بالشي قلت واني من چنت مزوجه مصطفى چنت ما خليت دكتوره وعلاجات وما خليت علويه وسيد يعتبون عليه في سبيل بس يصير عندي طفل وما صار ومن تزوجت ريان سبحان الله لا رحت دكتور ولا علاج حبلت بأبني يمان وچانت فرحتي ما تنوصف وچنت اعد الساعات والدقائق في سبيل يجي ابني واشوفه بس سبحان الله من نسجن ريان وعرفت نفسي حامل رغبتي قلت بأنجاب الأطفال لهذا قررت أنزله

وعمتي چانت تدعي لريان الله يفرج عنه وسالت نور/ اگلچ نور انتي صيدلانيه اكيد تعرفين العلاجات اريد اسقط الحمل ما أريده

ام كمال / ولچ يمه حرام عليچ شنو تنزلين الطفل هاي روح تقتلين روح وتتحملين خطيتها برگبتچ

مينا / عمه اني شسوي بي وريان ماكو مو ويايه واني سامعه اذا الحمل بعده ما قبط أربعين يوم عادي تنزلي لان يكون بعده ما مكتمل

ام كمال / هذا كلام مال منافقين ودجالين الحمل من آول يوم بي يكون روح بدليل يكبر ورب العالمين انطاچ رزق تردين رزق ربچ عوفي بنتي والله كريم اله رب ما ينسى وريان ويا رب كريم ما ينسى

مينا / سكتت بعد ما ناقشت بالموضوع ويه عمتي لان أعرفها ما تقبل وبيومها اتصلت بأمي وبلغتها انه اني حامل واريد انزل الطفل بس امي تخبلت وما قبلت انه انزله وهي تگلي / انتي مجرمه ترى هذا طفل شنو ذنبه وريان الله شنو كاتبله يشوف

اما كمال يحير من يجيب واسطات في سبيل يخلص ريان وفي وقتها خلصت العطوه ولازم بعد يحددون گعدة الفصل وبوقتها دزلهم 5 ملايين فرشه الهم

وتحدد يوم الجمعه الفصل وبيوم الجمعه ابو عماد زوج جنى جاب ابو وشيوخ من الناصرية وشيوخ عشيريتهم وللظهر كلها توجهت لاهل زوج ملاذ وبعد الأخذ والرد بالحچي وهمه عرفوا انه عدنه طفله ماتت واني صوبت لهذا اعتبروا ميليا دمها بدم ابن اخو زوج ملاذ القتلته ملاذ واني تصويبي نزل نص من فصل امه لزوج ملاذ
وبعد بوس عمك وبوس خالك ولخاطر الشيخ الفلاني ولخاطر السيد جده رسول الله نعگدت راية العباس الفصل 120 مليون ومن ضمن الفصل انه إذا ريان برئته المحكمه يرجعون الفصل مربع لريان وإذا ادانته المحكمه يكون اخذ جزائه

بقت بعد عشيرة ملاذ والحمدلله ملاذ من چانت مزوجه زلم 2 وتزني وياهم چان ما عدها عشيره بس من صارت القضيه مال القتل صارت عدها عشيره وتطالب بشرف ملاذ والقضيه الچانت لازمتها جنى بكونها محاميه ومرت الايام والوضع نفسه منتظرين ريان يصعدوا محكمه وكمال ما سكت ابد وين اكو واسطه يگدر يساعد بيها ريان ما يقصر ما خله باب ما دگه وهذا كله ويا دفع فلوس

وحتى الفصل 120 مليون كمال وعمتي دفعوا واكثر واحد وگف ويانه هو عماد زوج حماتي جنى ويا الضابط فرقد هو چان يتوسط لكمال يشوف ريان ومر 3 اشهر على سجن ريان وبيوم كمال چان يواجه ريان وأكو ملازم ويه ضابط التحقيق ماخذ كمال على جهة بعد ما خلصانه مواجهة ريان وگايل/ إذا تريد اخوك يطلع إني مستعد أتفق ويه ضابط التحقيق ونخفي آي دليل ضد اخوك وطالب مبلغ كلش چبير

ام كمال / يمه كمال ميخالف ابيع البيت وانطي الفلوس بس خلي يطلع من السجن ولك والله گلبي راح يوگف

كمال / يمه اني گلت لعماد وهو اليوم يجي ونشوف شنو نسوي

مينا / وللعصر اجى عماد وكوا واحد ويا وعرفت فيما بعد انه هذا الضابط فرقد وچان طويل وضخم وبشرته بيضه وشعره آسود وشواربه سود وثخان واني چنت واگفه بشباك الصاله من دخل وحتى مسدسه بخصره ودخلهم كمال لغرفة الاستقبال ورجع اخذ الهم عصير وبوقتها دخلت عمتي ظلت تتوسل بفرقد انه يساعد ريان

فرقد/ والله خاله لو قضيته يمي اگدر أساعده بس قضيته بغير مركز اضافةً انه المتهمه الرئيسيه بغير مركز لهذا كلش صعب أساعده بأي شي

كمال / سيدي اليوم بالمركز ضابط موجود ويه ضابط التحقيق يگول اگدر نخفي كل دليل ضد اخوك ويريد مقابل مبلغ مالي

فرقد/ كذاب وحق ربك كل شي ما يگدرون يسوون ياخذون الفلوس وما يسوون شي لان القضيه يمهم بالمركز ونسخه من القضيه بالمركز المحتجزه بي المتهمه واذا صار عنتر زمانه ويخفي الادله من ملف القضيه العدهم بالمركز ما يگدر يخفي الادله الموجوده بالمركز المحتجزه بي المتهمه واذا اريد اصدگ انه من المركز الثاني راح يگدر يخفي الأدله المتهمه راح تصعد محكمه والقاضي راح يسألها كم سؤال واذا ما طابقت المكتوب بملف القضيه ويه اقوالها ما يحكم القاضي وترجع تجي لجنه من وزارة الداخلية وهي تشرف على القضيه لهذا گتلك كذب كل شي ما يگدرون يسوون وإني انصحك كل شي لا دفعون لاي شخص

ام كمال/ يمه على بختك شلون اعوفه

فرقد/ يمه والله دفعكم الفلوس مثل الضرب بالميت يعني عمرچ كله شايفه ميت يتأذى من ضرب القضيه كلها ضد ريان بالادله والشهود تبقى بعد يم رب العالمين إذا بريء رب العالمين يظهر برائته

عماد/ سيدي ما بيها مجال من يمك انت تدخل

فرقد/ عماد انت أكثر واحد يعرفني صارلك سنوات ويايه إذا اگدر اساعد ما أتأخر بس اني هسه گتلكم أبعاد الموضوع

عماد / الشهادة لله الضابط فرقد من اكفأ ضباط الداخلية وأكثر من مره كرموا وما يتأخر بالمساعده ابد وهو نصحكم وأنتوا بعد بكيفكم

مينا/ اني چنت لازگه بالباب وأسمع وما سمعت شي ريح گلبي وبعدها مرت ايام ومر على سجن ريان 5 اشهر وبلغتنه جنى انه راح يرفعون ريان محكمه يوم الاثنين من الاسبوع الجاي واني صرت بشهر الرابع من حملي واجى يوم الآثنين الاگشر واعتبره چان يوم شؤوم بحياتي وبيوم الاثنين من الصبح طلبت من امي ادزلي ابو نجاح السايق التكسي حتى ياخذ يمان يخلوا يمهم لان اني وعمتي طلعنه ويه كمال وجني على محكمة ريان

ومن ساعه 6 آلصبح اجى ابو نجاح واني جمعت غراض وملابس يمان والحليب والممه ويمان چان نايم اخذته وانطيته لابو نجاح اخذه وراح واني وعمتي تقريباً جاهزين من الساعه 7 ونص ولساعه 8 وربع يله طلعنه وچانت المحكمه رايحين الها محكمة جنح الكرخ
وبقينه ننتظر لساعه 9 ونص يله جابوا ريان لابس بدله صفره ومكلبچي اذا اريد أوصف شعورنه كلنه والله كلمات العالم كلها ما توصف شعور انه اشوف انسان تحبه بهذا الموقف وحتى لحيته طويله ولابس بدله صفره وجهه بلون البدله ومن شافته عمتي راحت عليه تركض وحضنته وظلت تبوس بي من جهة حتى ايده مكلبچيها باستها

والله الناس وحتى افراد دورية الشرطه الجابوا گاموا يبچون على حال عمتي بعدها تقربت عليه وحضنته وهو ايده طخت بطني باوع عليه ويگلي / انتي حامل
گتله / اي حامل بشهر الرابع

ريان / الله يتمم حملچ على خير ويگومچ بالسلامه ان شاءالله

مينا / وكمال حضن ريان وظل يبوس بي من عيونه وما طول الوقت حتى صاحوا بسم ريان حتى يمثل گدام القاضي ودخلوا ريان وجنى بحكم هي المحاميه مالته دخلوا يم القاضي وبقينه ننتظر ولساناتنه تلهج بالدعاء لريان بس الظاهر ماكو شي يرد القدر والانتظار چان قاتل وعمتي چنت واگفه يمها ولازمه ايدها ترجف من التوتر ومر ما يقارب ثلث ساعة وطلعوا ريان

وطلعت جنى وجهه مخطوف ودموعها صب وسألها كمال/ هاااا جنى شنو نحكم ريان

جنى / نحكم إعدام شنقاً حتى الموت مرتين

مينا/ عمتي گامت تعيط وتلطم على وجهه والشرطه دى تاخذه وعمتي چلبت بريان وحاضنته واني هم حضنته وحتى الولد الشرطه ابتعدوا عنا وريان دموعه تجري ويگول النه

ريان / والله وربي يشهد عليه بريء كل شي ما مسوي حمد لله ربي اموت مظلوم مو ظالم ما مقهور على نفسي مقهور لان بعد ما أشوفكم مقهور لان مينا حامل ومن تجيب ريان ماكو مقهور لان بعد ما اشوف كمال وأمي واخواتي مقهور لان بعد ما اشوف ميليا ويمان كمال الله يخليك روحوا وادعولي الله يخفف عني سكرات الموت

مينا / اجتي الشرطة اخذوا ريان وبالگوه كمال سحب عمتي من ريان واختفى ريان من گدام عيونه ورجعنه للبيت وعمتي دگ وتلطم وهذا كمال ما يوم شفت منهار بس من دخلنه للبيت كمال گعد بالگاع ويدگ على راسه ام إني إذا اگول روحي تنازع قليله والله احس گلبي راح يطلع من صدري وللعصر عمتي أذانها وخشمها ينزفن دم وچان الضغط صاعد عدّها بحيث نقلناها وهي بالأنفاس الاخيره واحنه بوقت الرجعنه من المحكمه ما انتبهنه انه قطر الندى ما موجوده بس من تخربطت عمتي واني وكمال أخذناها للمستشفى بقيت يم عمتي ويايه كمال وشافني تعبت كلش

كمال / راح أخابر على نور خلي تجي هي وانتي رجعي للبيت

مينا / عادي خليني اني هسه والصبح خلي تجي قطر الندى نور مزوجه وعدها طفله خاف عيالها يحچون
وكمال وافق على كلامي وبقيت للصبح مره اغفي ومره أصحى ومتواصله ويه امي لآن يمان ميت بچي عليه
والصبح اجتي بدور ونور بقن بالمستشفى ورجعنه للبيت والمفاجأه انه قطر الندى ما موجوده صعد كمال فوگ دور عليها ما لگاها ومن نزل گلي

كمال / مينا اريد منچ تتصلين على قطر الندى من موبايل امي وتساليها هي وين
ورحت لغرفة عمتي اخذت الموبايل مالتها واتصلت على قطر الندى 3 مرات يله جاوبت وفتحت مايك حتى كمال يسمع الكلام كله

قطر الندى / هااا عمه

مينا / اني مينا وين انتي شو رجعنه من المستشفى انتي ماكو

قطر الندى/ اني قررت اطلگ بعد ما ارجع شعندي گاعده يمكم عمتي مريضه واني قررت بعد ارجع اشتغل وبنتي وين اعوفها وهي عمتي تريد واحد يعتني بيها

مينا / براحتچ عيني
وغلقت الخط وياها

كمال / بعد ما خربت الدنيا كلها هسه بدت تفكر حمد الله فكرت تطلگ دفعت مردي وعصاة كردي

مينا /وكمال سبح وبدل وطلع وبقيت اني بالبيت واتصلت بأمي حتى يجيبولي يمان وللظهر طلعوا عمتي وبعدها تقريباً بساعه اجتي امي جابت يمان وحتى تطمئن على عمتي وبوقتها عمتي سالت امي

ام كمال / تردين تاخذين مينا يمچ لكون راح يعدمون ريان

أنوار/ لا ام كمال اني ما أجبر بنتي على شي تريد تبقى يمچ هي بنتچ تريد تجي ويايه براحتها

مينا / لا عمه اني وأطفالي نبقى يمچ ما نعوفچ
وامي بقت شويه وراحت واني بقيت يم عمتي والله من اخذوا الشرطه ريان اني ما الي نفس بالمشتمل

وبالليل اجوي جنى وعماد يشوفون عمتي بس كمال انطاها منوم ونيمها لأن حالتها كلش صعبه وبوقتها كمال گال لجنى

كمال / اگلچ جنى ما يصير نستأنف حكم المحكمه

جنى / القاضي من حكم بالإعدام على ريان وبنفس الوقت حكم يرفض الطعن والاستئناف ما لم تظهر أدله جديده يعني إذا القضية نفس الأدله أي استئناف ما يصير إذا ظهرت أدلة جديده النه حق الاستئناف

مينا / اگلچ جنى يعني شنو الإعدام مرتين ما فهمت غير هو من يعدموا يموت بعد شلون يعدموا مره ثانيه

جنى / اي هو نحكم على جريمتين ألأولى حرگ المره العجوز والحكم الثاني هو قتل الطفل ابو 11 سنه اما الإعدام مرتين يعني المره الاولى يشنقوا قريب ما يريد يموت ينزلوا يخلوه يرجع طبيعي يتنفس وبعدها يرجعون يشنقوا لما يموت بهاي الحاله يكون تنفذ بي الحكم مرتين

مينا / صدگ من سمعت راح يصير هيچ بريان معدتي گلبت ورحت على المغسله استفرغت شنو بمعدتي واني دموعي صب واگول الله يساعد عمتي شلون تتحمل ولد شاب يروح من عدها والله يساعد ريان من نحكم عليه شنو هسه گلبه يگول وبشنو يشعر

وعلى ثاني يوم گعدت عمتي بتثاقل بس شنو حلگها يابس كل شويه تشرب مي وبعدها تروح للحمام يصير عدها إدرار وعلى ثاني يوم كمال اخذها من الصبح حللها طلع بيها سكر ومن رجعوا وعرفت بنفسها سكر ظلت تدعي على نفسها انه يومها قبل يوم ريان ومر على الحكم على ريان بالإعدام شهر وهو ما متنفذ بعد بي الحكم وعرفنه انه نفس الحكم نحكم على ملاذ وبوقتها عشيرتها رادت تاخذ من عدنه فصل بس اكو شيوخ أدخلت بالموضوع وسدوا

اما عمتي يوميه تگعد بالشباك تباوع للسما وتعاتب رب العالمين وتدعي انه رب العالمين ياخذها قبل ريان لان ما تتحمل ابد اما قطر الندى رفعت قضية طلاگ وأتنازلت عن كل حقوقها حتى بنتها تنازلت عنها لكمال وتطلگت وهاي چانت ثاني مفاجئه لعمتي

ومر الوقت واني بنهاية شهر الثامن وعرفت بيه ولد وما بقى شي على ولادتي واجى عماد بلغنه انه إعدام ريان راح يكون السبت الجاي وهاي مثل ما يگولون الشعره القسمت ظهر البعير هو نحكم عليه صار اشهر بس مو مثل ما راح يجي يوم التنفيذ وكمال بلغنه كلنه بس عمتي ما گال الها ابد لان هي إذا عرفت راح تعيش العذاب ضعف

وحتى ريان نفسه ما يعرف انه راح يتنفذ الحكم بي يوم السبت واني رحت ويه كمال ويايه يمان ومن جابوا ريان چان لابس البدله الحمره وهو من شاف يمان ظل يبوس بي والي حضني وشاف بطني وسألني عرفتي جنس الجنين

مينا / اي ولد

ريان / آمانة الله تسمي طه على اسم أبويه ميليا ليش ما جيبوها وياكم

مينا / ذيچ چبيره وعمتي تگول خاف يظل في بالها انه انت مسجون من شوفك

ريان / مينا اريد تبريني الذمه أخاف بيوم أذيتچ

مينا / اني ما يوم حقدت عليك اني أحبك ريان

ريان / مينا الله عليچ تعتنين بأمي وأطفالي وأخاف بيوم تقررين تزوجين وهذا حقچ لا ظلمين أطفالي

مينا / والله ريان ووعد الك يحرم عليه رجال غيرك راح اعيش لاطفالي ويم عمتي بعدك ماكو رجال يحلى بعيني

ريان / ادعيلي ربي يهون عليه اللحظات الأخيره من عمري والله اني بريء ومظلوم ربي إذا چان هذا حكمك انه انعدم فأني راضي بحكمك ربي اللهم اني لا اسألك رد القضاء لكني اسألك اللطف في

وهاي چانت الكلمات الاخيره وطلعنه من يم ريان ورجعت وآني منتهيه وعلى ثاني يوم كمال اخذ عمتي بس ما گال إلها اقترب يوم إعدامه گال آلها مواجهه وتشوفين ريان وهي راحت ورجعت صعد عدها الضغط وهم كمال انطاها ابره ونزل الضغط وانطاها إبرة منوم

واني بعد ما قطر الندى أنطت مايا بنتها لكمال مايا صرت اني اعتني بيها ويه يمان عدت الايام وصلنه ليوم الجمعه وبعد ساعات على إعدام ريان طبعاً حمواتي كلهن ما أجني لأنه يبچن وعمتي مريضه راح تعرف انه راح يعدمون ريان لهذا بقن ببيوتهن واني دموعي تنزل من شوفني عمتي ابچي اگللها عمه بطني توجعني لكون قرب شهري لهذا تسكت اما كمال يلوب بالبيت شلون الوحده تطلگ ويوم الجمعه چان كئيب وصلنه لساعه عشره بالليل وچان مقرر ثاني يوم الصبح يعدمون ريان

وريان من سألي شنو أمنيتك الأخيره طالب منهم انه يكون كمال ويا باللحظات الاخيره من عمره

يتبع /

.#الجزء الاول من البارت الاخير


لو ان البكاء يعيد عزيزاً
لبكينا من العمر ما تبقى

مينا / مرات تجي أوقات تتمنى لو تكون ورقه في مهب ريح ولا الموقف انت بي وهذا الموقف تكون بي عاجز حتى عن رد الموت عن اقرب الناس الك ويوم الجمعه چان يوم طويل كلش نحسب الدقايق والثواني ونحس نفسنه گاعدين على نار چان يوم صعب ومأساة والله حتى للإنسان الاكره ما آتمنى طبعاً چان كمال كله ينطي ابر منوم لعمتي حتى يرحمها من عذابها لان اليشوف عمتي يگول مستحيل بعد ظل ساعه لان مستحيل تگعد دقيقه ساكته إذا مو تبچي ودگ وتلطم وبيوم الجمعه بالليل ساعه 10 بالليل اني چنت بالصاله يم عمتي ويمان نايم اما كمال چان بس يفتر بالبيت حائط يصده وحائط

وچان موبايله بيده دگ موبايله انتبه رقم غريب اخذ الموبايل وراح للمطبخ واني هم رحت ورا ومن رد ما اعرف المتصل شنو گال لكمال بس سمعت اجابة

كمال / اي اني كمال اخو ريان

مينا / ورجع المتصل ما اعرف شنو گله بس جواب كمال انه هسه يجي وغلق كمال الخط وسالته / شكو كمال ونزلت دموع

كمال / مبلغين ريان انه راح يعدموا وسألي شنو آخر امنيه عنده وهو طالب انه اكون ويا آخر لحظات حياته اني راح اروح عليه مينا خاف تگعد أمي وتسأل عليه گليلها راح للمستشفى خابروا على حاله فهمتي

مينا / گمت ابچي وادگ على وجهي وگله لكمال / شگال گلبك ريان من عرفت اليوم إعدامك شگال گلبك هم خفت وانت شوف الموت بعينك وانت تمشي اله

كمال / اني ما اگدر اگلچ لا تبچين او لا تلطمين بس ما اريد امي تحس عليچ الله يخليچ والله تموت

مينا / عافني كمال وطلع وبقيت افتر والطم وابچي بالبيت ومن الرجف بالجسمي حتى وجع في بطني صار عندي واني ادعي ربي يهون على ريان سكرات الموت وكمال طلع ما يقارب 10 وربع وصارت ساعه 3 وربع واني چنت افتر بالمطبخ وأسمع عمتي صيح بعلو صوتها

ام كمال / ولك يمه ريان ولك يمه يا حرگة گلبي عليك ربي اخذني بدل ريان وخلي هو خيمة لمرته واطفاله ولك يمه ريان وينك

مينا / اجيت يمها لزمت ايدها وبستها واني اهون عليها وهي چانت بعدها تحت تأثير المنوم سالت عن كمال ومن گتلها راح للمستشفى رجعت نامت وبقيت اني الوب مثل الوحده عدها ولاده متعسره والوقت يمشي صارت الساعه 5 الفجر بعد ما تحملت اتصلت على كمال اريد اعرف شنو صار وجاوبني وهو يبجي سالته شنو صار

كمال / نعدم ريان من ساعه 2 بالليل

مينا / بعد ما تحملت صرت اعيط بخبال وشگيت ثوبي وعلى عياطي اجتي نسوان الجوارين التموا علينه وخطيه ام ميمو حاضنتني وتبچي وگعدت بالگاع وألطم والنسوان كلها تبچي ويايه وام ميمو تگلي / صوتكم لا يعلى خطيه امه لا تحس وهي ذيچ ألأشهر كلها تتخربط ويصعد ضغطها گولوا الله يرحمه والله راح شهيد بشغله ما آله ذنب بيها

ظليت گاعده ادگ والطم وخطيه ام ميمو گاعده يمي واكو نسوان راحن واكو نسوان بقن وما اعرف شگد مر من وقت ودخلن حمواتي يعيطن ويبچن وعلى عياطهن گعدت عمتي وشگد هي جسمها ثگيل من وره المنوم بس اجتي يمنه للمطبخ ومن شافتنه نلطم ونبچي ظلت تباوع بوجوهنه وگالت

ام كمال / انعدم ريان شفته هسه بالحلم طه يگلي شتريت بيت لريان وراح اخذه يمي وانتي اخذي كمال يمچ انعدم ريان صح

مينا / گامت نور حماتي وباست راس عمتي وتگللها/ راح يم ربه احن عليه من عدنه

آم كمال/ ريان زوج مرتين المره الاولى چنت زعلانه منه والمره الثانيه من زوج ما سوه عرس وابد ما هلهلت لريان بس من طه راح ياخذه يمه راح اهلهل واهوس وهو ريان من رحت اشوفه حلفني گلي / يمه امانه برگبتچ يمه من اموت ما اريد لا تبچين ولا تشگين ثوبچ اريد اريد زفيني بهلاهل ولا تلبسين عليه اسود انتي ربيتيني احسن تربيه بس هذا قدري اني من الدنيا ويكفيني انه صدگين اني بريء

مينا / گعدت عمتي على الكرسي وشگد حاولن حمواتي يخلنها تشرب علاج الضغط بس ما قبلت
والى ساعة 8 ونص الصبح وگفت سياره بالباب ومن فوگ الباب شفنه تابوت ونفتح الباب الطلاگتين وصعدوا ولد شباب ما أعرفهم فتحوا التابوت ونزلوا وكمال وعماد وأزواج نور وبدور واحمد صديق ريان الله يرحمه خلوا التابوت على أكتافهم ودخلوا وعمتي گامت تتوچا على نور وبدور وطلعت للگراج ظلت تهلهل وتهوس بشالها ودخلوا التابوت لصاله وكمال فتح التابوت وطلع بس وجهه اجتي عمتي تبوس بوجهه وتگله /روح يمه ريان ربي وگلبي راضيين عليك طه هذا اجاك ريان آمانه يمك لما الحگه وانطي الي

مينا/واني وحمواتي گطعنه شعرنه وتزلغت وجوهنه بعدها دخلوا أزواج حمواتي وكمال واحمد آخذوا التابوت ورجعوا على السياره وشدوا الحبال عليه وهذا الوقت كله عمتي ابد ما عيطت وبچت چانت بس تهلهل وتهوس بعدها تحركت السياره وسط الموحدين لله بعدها سمعنه صوت رمي بالجو والعرفنا فيما بعد انه الضابط فرقد وهو صديق عماد زوج حماتي جنى لحگ عليهم من تحركت السياره وطلع سلاحه وگام يرمي بالجو وعماد كذلك طلع سلاحه وهم يرمي بالجو وبعدها راحت السياره تحمل تابوت ريان

وعمتي واگفه بالباب صيح / گلبي وربي راضين عليك ريان

وراح ريان لمكان بعد ما يرجع منه وكمال ما قبل اي وحده من عدنه تحضر دفنة ريان الله يرحمه وبقينه بالبيت وحتى فاتحه كمال من رجع من الدفنه سواها بقاعه بحسينيه يومين وأنتهت الفاتحة بس گلوبنه نار على الصار اما اني بعد إعدام ريان بأسبوعين الدكتوره مالتي حولتني على المستشفى حتى اسوي عمليه وحمدلله سويت العمليه وچانت ويايه عمتي وجوانا وامي وجبت ولد وسميته طه مثل ما راد ريان ومن طلعت من المستشفى رادت امي تاخذني وياها حتى تعتني بيه لكون عمليه قيصريه بس ما قبلت اعوف عمتي ورجعت ويه عمتي للبيت لهذا اضطرت امي تعوف يمي جوانا لان عمتي صحتها على گدها واني ويمان ومايا بنت كمال والطفل طه لازم عنايه وشغل وعمتي ما تگدر

وبقت يمي جوانا إلى ما رفعت الخيط وتذكرت بولادة يمان ريان رفعلي خيط العمليه وكل شي يصير يذكرني بريان اكل اشرب انام ريان ساكن بعقلي وروحي وحتى من دى يخدروني چنت ادعي رب العالمين يهون عليه فراق ريان وبعد ما صرت زينه حبيت اعرف آخر ساعات لريان شلون چان وضعه لهذا لازم اسال كمال

وطبعاً كمال بعد إعدام ريان كمال صار انسان ثاني بالگوه إذا تطلع منه الكلمه ودائماً صافن وحتى من بقت جوانا يمي عشرة ايام ابد ما اهتم انه جوانا موجوده لهذا رحت عليه لغرفته وسالته على آخر لحظات ريان وچان جوابه صادم بالنسبه الي

كمال / من رحت على ريان الله يرحمه چان صار ساعه من مبلغي انه راح يعدموا الساعه 2 بالليل رحت اني لگيته گاعد ونظراته تايهه من دخلوني يمه گام حضني وظل حاضني وهو يگلي

ريان / الله يخليك كمال لا تعوفني اريد تبقى ويايه والله ما أخاف من الموت بس الطريقه مخوفتني وراعبتني

كمال / تدرين بقيت عاجز شنو اگله يعني الكلام اگوله اله وهو رايح للموت بقيت حاضنه والله اتمنى ادخله بين ضلوعي وماكو احد ياخذه مني بحيث اني على وگفة الوحده لساعه 2 إلا ربع اجوي دى ياخذوا من حضني ظليت حاضنه ومچلب بي وما اقبل اعوفه وريان ظل مچلب برگبتي بس سحبوا مني وخلوا ايده وره ظهره وكلبچوا ورجعوا خلوا الچيس براسه تدرين مينا من خلوا الچيس براسه شيگول لجلادين يگللهم عوفوني بحضن كمال والله وحق الموت الأخذ ريان دنگت على ارجل الجلادين وبست قنادرهم وگتلهم / أخذوني أني اعدموني بمكانه بس ما قبلوا وطلعوا من يمي وهو يصيح/ كمال لا تعوفني والقرآن لسه صوته بأذني أنام اگعد اخير لحظات ريان گدام عيوني وبدماغي

دخلوا للمقصله نفذوا الحكم الاول وبعدها بنص ساعه طلعوا بس ما شالوا الچيس من راسه وبقى يدعي وهو ما يدري اني واگف قريب عليه لآن الجلادين ما قبلوا احچي ويا نهائي ورجعوا آخذوا مره ثانيه ونفذوا بي الحكم مرة ثانيه بس هاي المره شنقاً حتى الموت وبعد ساعه طلعوا جثة هامده وما قبلوا يسلموا إلي إلا حولوا على مستشفى الكندي ومناك سووا شهادة وفاة وبعدين يله سلموا الي

مينا/ اذا اريد اوصف الألم أكيد ما راح يكون مثل ألم كمال العاش الواقعه بنفسه ولا راح نگدر نوصف الألم والرعب العاش بي ريان الله يرحمه مات 3 مرات مرتين إعدام ومره خوف رعب هذا چان اخر لحظات عاشها ريان الله يرحمه اما اني بعدّ الأربعين مال ريان الله يرحمه رحت راجعت على الراتب مالته حتى يصير الي ولاطفالي بس تفاجأت انه يگولون هو معدوم بجنحة شرف وما آله راتب اما راتب الشهداء السياسيين العنده طلع هذا الراتب ما يتورث ومن يتوفى صاحب الشأن الورثه مالته ما الهم حق براتب لان الدوله مخصصه الراتب فقط لأقارب المعدوم من الدرجة الاولى لهذا ريان وكمال وحمواتي وعمتي فقط الهم حق براتب عمي لكونه معدوم من زمن صدام ومن يموت واحد منهم ينقطع الراتب مالته

واني عندي بيتي المأجرته وعمتي الشهاده لله ابد ما مقصره ويايه راتبها التقاعدي لان هي موظفه متقاعده وراتب الشهداء السياسيين مال عمي أكثره ينصرف علينه اني وأطفالي وعبر 8 اشهر على إعدام ريان ما نگول نسينا لانه كذب ريان عايش بروحنه وابني طه الصغير صار عمره 7 اشهر ونص واحنه گد ما أعدام ريان چان منسينه كل شي بعد أعدام ريان بقت السياره مالته بالگراج وبعد هاي الأشهر كلها گال

كمال / يمه كل ما اشوف سيارة ريان گلبي ينفطر لأن راعيها مات خلي نبيعها ونخلص منها

مينا / عمتي قبلت ورجعوا سألوني إذا إقبل تنباع سيارة ريان واني وافقت ولكون اني وأطفالي ورثة ريان لازم قسام شرعي وبوقتها القسام الشرعي كله تكفلت بي جنى بكونها محاميه وكملته وعرض كمال السياره بالمعارض وأنطوا سعر زين لهذا باعها كمال واستلم المبلغ وراح ويه المشتري السياره لمكتب تسجيل عقود السيارات وسووا عقد وبقى مبلغ 5 ورقات إلى ما يتم تحويل السياره بسم المشتري يله ينطي 5 ورقات والمشتري أخذ السيارة ويبقى بعد هو يراجع دائرة المرور العامه ويكمل المعامله كلها وأروح إني ابصم واخذ الفلوس بس حصتي اما حصة يمان وطه تبقى بالقاصرين لما يبلغون سن الرشد يله يستلمون فلوسهم من القاصرين

بس الغريبه بعد يومين من شراء السياره اتصل ابو الولد المشتري السياره مال ريان على كمال ويدگ ويلطم انه المرور من داگين رقم السياره حاسبه وطلعت عليها حجز للدوله لأنه رقم السياره مسجل بوزارة الداخلية انه السيارة داهسه ولد ومن دهست السيارة للولد مات لهذا حاجزين السياره والولد المشتري بالسجن ويريدون الباع السياره منو

واجى ابو الولد وراح ويا كمال بعد ما اخذ كل مستمسكات ريان وقدم كل المستمسكات مال ريان واتصل كمال على عماد حتى يجي ورا لمركز الشرطة المحجوز بي الولد المشتري وعماد من واصل ولكون ضابط داخل على ضابط التحقيق مال المركز ويا كمال والضابط تحقيق المركز

ومقارن بين القضية مال دهس الولد وبين رقم السيآره وبين الرقم السياره المحجوزه

الضابط/ عيني نفس الرقم السياره الدهست الولد خلي صاحب السياره الأصلي يسلم نفسه لان السياره راح تبقى محجوزه والولد المشتري يگدر يطلع بكفاله

عماد / الولد صاحب السياره انعدم صار 8 اشهر شلون سلم نفسه

الضابط / انعدم على مود دهس الولد المات انعدم بس هيچ قضايا ما بيها إعدام

عماد / لا على قضايا ثانيه انعدم بس عندي سؤال وهو حادث الدهس وين صار

الضابط / في منطقة الحسينية

كمال / بس اخويه مستحيل يروح هيچ أماكن إذا ما صير زحمه بأي ساعه چان حادث الدهس

الضابط/ چان ساعه 9 ونص بالليل وقع حادث الدهس

كمال / سيدي والله اني مستعد احلف على اخويه مستحيل يروح هيچ أماكن وبعمره ما داخل هاي المنطقه شنو اكو شهود وهمه انطوا رقم السياره

الضابط/ لا السياره چانت ظاهره بمقطع فيديو وآخذنه الرقم عن طريق المقطع فيديو مال كاميرا مال بيت

عماد / ممكن نشوف مقطع الفديو

الضابط/ لا ممنوع ما اگدر لازم بأذن المدير

بوقتها عماد ما حاچي شي وشاكرين الضابط وطالعين وبقت السياره محجوزه اما الولد المشتري طلع بكفالة وراجعين على الضابط فرقد وحاچين كل الموضوع لفرقد وهو وعدهم انه يروح ثاني يوم وياهم حتى يشوفون المقطع

وبالفعل على ثاني يوم راح عماد وفرقد وكمال على المركز الموجوده بي قضية الولد المات دهس ومن داخلين يم المدير مال المركز وعن طريق فرقد وسلطته شايفين مقطع الفيديو ومدققين بالفديو اكثر من مره السياره سيارة ريان الله يرحمه صحيح ونفس الرقم بس المشكله السايق شكله ابد مو واضح

وطلعوا من المركز كمال وفرقد وعماد وهمه متعجبين
وگال فرقد / اني لليوم ما فهمت هسه ملاذ قتلت عمتها آمنت بالله وابن حماها بس ريان شنو مصلحته حتى يشارك بالقتل ولنفرض انه ريان الله يرحمه وملاذ الله لا يرحمها ويحشرها ويه ابو لهب عدهم علاقه ويلتقون وعمتها شافتهم ما معقوله چانوا يلتقون في بيت عيال ملاذ اكو حلقه مفقوده تربط هاي الاحداث كلها بس شنو هاي الحلقه يا ترى

كمال / سيدي منطقة الحسينية آني مستعد احلف بالقرآن انه ريان الله يرحمه ما داخل هاي المنطقه بحياته شلون سيارته چانت بذيچ المنطقه ودهست ولد ومات من اثر الدهسه

فرقد/ المشكله مو هنا انت سمعت القضيه شنو مكتوب بيها انه الولد مات بنفس وقت الدهس يعني بهيچ حاله هذا الچان يسوق السياره چان يسوق بسرعه جنونيه واذا انت ما داخل منطقة الحسينية آني اگلك منطقة الحسينية شوارعها ما مبلطه شوارعها ترابيه آذن السايق ليش چان مستعجل بهاي السرعه وليش من دهس الولد ما نزل شافه و عافه ونهزم

هذا يقودنه لاحتمال واحد وهو أنه السايق السياره هاي أصلاً السياره مو سيارته يا يكون بايگ السياره يا يكون طالبها وهاي تكون بعيده مال طالب سياره من ريان الله يرحمه لهذا من سوه الحادث انهزم حتى لا ينكشف انه بايگ السياره كمال مره نباگت سيارة ريان او اكو أحد طلبها منه

كمال / ابد اني اخو ما يوم ماخذ سيارة ريان وطالع بيها ولا هو ماخذ سيارتي وطالع بيها ولا مره نباگت سيارة ريان بس مره چانت حنة اختي هسه هي زوجة عماد ولكون حنة بنات امي طلبت من عدنه نبقى فوگ في مشتمل ريان وبقينه من الظهر إلى ساعه 11 ونص بالليل يله نزلنه ندخل سيارتنه لگراج البيت في وقتها ريان الله يرحمه گلي كمال البنيد مال السيارة حار هاي چانت مشتغله منو مشغلها وحتى چان يريد يشتكي بس اني ما قبلت لان هو من نزل هو نزل سويچ السياره ويا لهذا گتله انت نسيتها مشتغله وقبل شويه طفت السياره وحدها

فرقد/ تاريخ حنة أختك يا يوم وخلي اتصل على المدير المركز اريد اعرف حادثة دهس الولد المات شوكت

وبعد ما كمال متصل على جنى وفرقد متصل على ضابط المركز اليمهم قضية الولد المات دهس طلع نفس اليوم والتوقيت نفس التوقيت ليلة حنة جنى

وكمال وجنى في وقتها رجعوا فتحوا قضية اتهام ريان الله يرحمه في قتل ام زوج ملاذ وابن اخو لظهور ادلة جديدة

يتبع/

#عذابي_الأزلي......#الجزء الثاني والأخير من البارت الأخير

بقلم الكاتبة الزهيرية الزهيرية

اصعب اشتياق أن تشتاق لاحد لن تراه
ابداً ولن يأتي مثله ابداً ولن يعوض مكانه احداً

مينا / مرات تجي الأمور على هواك بس سبحان الله بعد فوات الأوان يعني حتى من تجي الأمور على هواك تكون رغبتك قلت بيها وكأنه ما يكون يهمك الموضوع اني من ظهرت أدلة جديدة بقضية ريان بصراحه ما عاد يهمني الموضوع هو مات بعد إذا تبرىء واذا ما تبرىء نفس الوضع عندي ومن نفتحت قضية اتهام ريان الله يرحمه طلبت جنى كمحاميه انه القضيه تريد تحت إشراف الضابط فرقد وافق القاضي وختم على طلب جنى انه القضيه تحال من ضابط التحقيق الكان مشرف عليها الى الضابط فرقد

وبالفعل اول ما أستلمها فرقد اجى على أولويات القضيه وچان رأي فرقد وفي وقتها تناقش بيها ويه عماد وهي شنو الفائده الترجع على ريان في حالة موت ام زوج ملاذ وابن حماها لأنه لاي دافع بالجريمه اكو مصلحة ومن وجهة نظر فرقد انه ريان ما اله اي مصلحه بجريمة القتل واذا افترضنه انه ملاذ انجبرت على قتل عمتها وابن حماها واذا استبعدنه ريان لان الفلوس چانت توصل لملاذ عن طريق الصيرفه واذا نگول بينهم علاقة جنسيه ريان ما يحتاج يروح لبيت عيال ملاذ في سبيل يمارس الجنس وياها لانه اكو صور فاضحه بينهم وهي ويا بغرفة نومه يعني ما يحتاج يروح يمها ابد وبدليل الصور شوكت ما يريد يمارس وياها تجي للبيت اضافةً انه ما لگينه مراسله بين ريان وملاذ هي تگول اله تعال او هو يگول إلها تعالي نهائياً

توصل فرقد لفكرة انه بإعدام ريان وملاذ انه المجرم يكون بعده حر طليق وانه ملاذ قدمت ريان كبش فداء بدل المجرم وغطت عليه وانه هذا المجرم معروف عند عائلة اهل زوج ملاذ والا ما أضطروا يزهقون ارواح 3 اشخاص في سبيل ما ينعرف هذا الشخص والظاهر هذا الشخص علاقته قويه بملاذ ودائماً يتردد عليها لكن هاي المره نكشف عند عمتها وابن حماها لهذا قتلتهم

وفرقد كذلك اخذ ملف قضية ملاذ حتى يشوف اعترافاتها وبخلال إعترافها هي تگول انه ريان چان يتردد عليها وبيوم قتلت عمتها انه چانت نايمه ويه ريان وعمتها شافتها وعمتها گامت صيح عليها وخافت لا احد يسمع صوت عمتها هي وريان دخلوا عمتها للغرفه وربطوها بالسرير وحرگوها وهذا الكلام ينافي التقدير الطب الشرعي لان الطب الشرعي يگول بالبدايه تم خنقها وبعدها يله مربطيها بالسرير وحارگيها اما الطفل انه شايف ملاذ وريان حرگوا بيبيته وخافوا لا يروح يبلغ ابو وابو يكون حماها لملاذ لهذا خانقي لطفل وأنه ريان اخذه بسيارته وذبه بالشط

فرقد/ إذا نريد نگول الروايه مال اعتراف ملاذ صحيحه فهذا ما يطابق ويه الجريمه الصارت لو كلام ملاذ صحيح چان من شافتها عمتها ويه ريان يكفي انه ريان يطلع من يمهن وتگدر تگول ملاذ إنه عمتها كذابه وماكو آحد وياها وتتبلى عليها وماكو دليل ضدها غير بس كلام عمتها وحمد لله عايشين بمنطقة الحسينية جوه كلش حتى كاميرات قريبه عليهم بالبيوت ماكو اني مصر انه بيوم الحادث الچان ويه ملاذ شخص معروف عند العائلة واذا ماكو كاميرات بمنطقة الحسينية وما عرفنا منو چان بالسياره راح نعرف من منطقة ريان نفسها اريد تنسحب تسجيل كاميرات البيوت القريبه على بيت ريان في يوم حنة جنى

وبالفعل جنى جابت امر من القاضي واجتي الشرطه سحبت كل تسجيل الكاميرات حتى الاسواق الموجوده براس الشارع وچانت المفاجئه انه بيوم حنة جنى وقبل اذان المغرب طالعه قطر الندى مسافه قليله عن البيت واكو ولد شاب جاي عليها وهي ناطيته ك چيس صغير على گد كف اليد وداخله وهو ويمشي مطلع مفتاح واصل يم سيارة ريان وفاتحها ومشغلها ومآخذها ورايح وما مرجع السياره غير ساعة 10 ونص بالليل هذا چان يفسر من گال / ريان الله يرحمه السياره حاره
طلع صحيح انه احد مأخذها وتصدر امر إلقاء قبض على قطر الندى اما هذا الشخص الچان ماخذ السياره لهذا رجع فرقد استدعى زوج ملاذ حتى يشوفه الولد الصعد بالسيارة مال ريان منو

ومن راحت الشرطه على قطر الندى طلعت من طلگت ومن كمال وانطته بنته مسافره بوقتها تخبل كمال وراح على بيت اهلها والشهاده لله ابوها الرجال تخبل بس يبقى هو اب ما ينطي بنته ابد وهذا يفسر قطر الندى ليش ما أجتي تسأل على بنتها ابد طلعت مسافره وما بقى بس زوج ملاذ حتى يدلينه على الشخص الآخذ سياره ريان وتوجه استدعاء لزوج ملاذ ومن شاف التصوير ومن صعد الشخص بسيارة ريان وآخذها وراح

فرقد/ تعرف هذا الشخص

زوج ملاذ / اي سيدي هذا اخويه الأصغر مني بس هذا التصوير شنو

فرقد/ ترى احنه دى نسأل مو انت هذا الشخص تعرفه لو لا جاوب على هذا السؤال فقط

زوج ملاذ / سيدي جاوبت هذا اخويه الأصغر مني عدنان

فرقد/ اتصل على اخوك هسه بس گله تعال وانطي اسم المركز بس كل شي لا تحچي ويا

وزوج ملاذ متصل على اخو عدنان ومتفق ويا يجي وغلق زوج ملاذ الخط راجع سال فرقد/ أنه ليش يريدون اخو

فرقد/ عندي استفسار من حضرتك الولد المات خنق قتلته ملاذ يصير ابن اخوك عدنان صح لو اني غلطان

زوج ملاذ / صحيح سيدي ابنه ومن قتلته المجرمه لليوم هم ميت قهر على ابنه

فرقد/ والله خطيه مقهور شوف هاي مال مقهور مشاها عليك مو على الحكومه ملاذ بجريمة قتل امك وابن اخوك اتهمت ريان انه چان وياها وبسببها نعدم انسان بريء كل ذنب ما اله والمجرم بعده يصول ويجول وهذا المجرم اخوك عدنان نفسه لهذا راح يجي ونعرف شصار بذاك اليوم

ومر تقريباً ساعة يله جاي عدنان ويكون دخل للمصيده برجله النصبها اله فرقد ومن داخل يم

فرقد / اي عدنان أريدك تحچي كل الصار بيوم قتلت امك وابنك لان إذا نجي للعقل ما معقوله ملاذ تگدر تخنق امك ولا ابنك بسبب هيئة جسمها وضعفها اضافةً الى قصر قامتها

عدنان / سيدي إني اقتل امي وابني عمت عيني إذا اسوي هيچ اني لما الشرطة من نهزمت ملاذ وصلت الشرطه الها قبلي چان اگص من لحمها وأذبه للچلاب السايبه

فرقد/ هذا حچي تصفيط مو على فرقد بابا اني شايف امثالك بگد عدد شعر راسي جاي تبيعهن عليه عماد شغل اله مقطع شلون اخذ سيارة ريان وبمساعدة قطر الندى

وبوقتها عدنان من مشغلين آله المقطع شلون اخذ السويچ مال السيارة من قطر الندى وشلون اخذ السياره وجهه صاير يتگلب الوان لان ما متوقع هذا الشي ابد وعباله بأعدام ريان ملاذ خلاص نسدت القضيه

فرقد/ شوف ريان انسان نظيف وربك ما ضيع دم مسلم وربك شگد يفوت وقت ربك ما يضيع حق مظلوم ورب العالمين كشفك من دهست الولد وموته وهذا هم دم مسلم هم ما ضاع تعترف بالصار بيوم الجريمة لو احولك على الشباب اليوم وحق الأنبياء اخليهم يسوون عليك شده يا ورد

وچانت اعترافات عدنان صدمه بالنسبه للكل وهو انه ملاذ چان معاشرها حماها عدنان بعد اشهر من زواج اخو منها وظل مستمر وياها إلى ما بيوم الحادث زوجة عدنان رايحه لاهلها وعدنان ما ساكن بعيد عن اهله بعد بيتين عن اهله ومرته في يوم الحادث چانت رايحه يم اهلها وباقي بس ابنه الچبير يمه وامه چانت طالعه تريد تروح على بنتها وشايفه وحده من جوارينهم وباقيه سولف وياها وقرب المغرب لهذا ما رايحه لأبنتها راجعه للبيت ومن داخله سامعه صوت من غرفة ملاذ لهذا امه ما حاچيه ابد وما مسويه صوت باقيه گدام الباب تنتظر ومن مخلصين وفاتح باب الغرفة تفاجات انه شوف ابنها يزني بزوجة اخو لهذا معيطه عليهم وتغلط وتفشر عليهم وچانت تريد تخابر على زوج ملاذ بس عدنان ساحب الفوطه مال امه من راسها ولافها على رگبة امه وخانگها وداخل ابنه وشايف ابو يخنگ بامه وهو خايف من ابنه لا يحچي بالشافه خانگ ابنه

وبوقتها باقين حايرين بالجثث وين يودوها وفي وقتها يگول عدنان قبلها بايام چانت ملاذ متفقه ويه قطر الندى انه اجيب ممنوعات كرستال ونخلي بسيارة كمال وقطر الندى چانت متفقه على كمية مال ممنوعات نخليها بسيارة كمال ودافعة الفلوس ومتفقين وياها انه سوي نسخه لسويچ السياره كمال وهي مستنسخه نسخه وباقيه يمها وبيوم الجريمه متصلين على قطر الندى ومبلغيها انه كمية الممنوعات حاضره ويريد يخلي الممنوعات بالسيارة وهو كذب چان يريد ياخذ سيارة كمال حتى يتخلص من جثة أمه وابنه ومن منطيته السويچ مأشره على سيارة كمال ولكون سيارة كمال وسيارة ريان قريبات وحده على الثانية واثنينهن بيهن تحكم بالسويچ عن بعد ومن شغل السيارة عن طريق السويچ طلعت قطر الندى الغبيه مستنسخه سويچ سياره ريان مو سيارة كمال

وهو اخذ سيارة ريان وراح لهذا من مخلي جثة ابنه بصندوگ السياره ما يگدر يخلي جثة امه وماخذ جثة امه وهو ملاذ مربطيها بسرير وحارگين الغرفه وطالعين وهو مهزم ملاذ وقانعها انه تختفي لما تنسد القضيه وخاف توگع براسها وهو هزم ملاذ في سبيل هي شيل الجريمه وهو معليه شي وابنه متخلص من جثته ذبه بالنهر اما حادث الولد المات دهس هذا الحادث صار من چانت ويا ملاذ بالسياره وهو ماخذ جثة ابنه دى يتخلص منه ومرجع سيارة ريان

فرقد/ يعني لو لا غباء قطر الندى چان القضية لبست براس كمال بس هم بعد اكو أشياء مفقوده ومن ضمنها انه ضابط التحقيق من حقق ويه ملاذ شلون آخذ حچيها راس مال يعني عادةً ضباط التحقيق آي كلمة يظلون يشككون بكل شي ينذكر لما ينقطع الشك باليقين هذا شي اضافةً كشف الدلاله شلون هنا عندي الف علامة استفهام دماغي كله يدور حول ضابط التحقيق

عدنان/ سيدي اني دفعتله واتفقت ويا انه اسمي ما ينذكر

فرقد/ رجع دماغي يدور على ملاذ ليش ما ذكرتك ابد وهي هم نحكمت إعدام ما معقوله محبةً بيك لان مسبقاً ما اصدگ

عدنان/ اني اتفقت وياها اربي الاطفال

فرقد/ شايفني غبي گدامك شنو تربي الأطفال وانت شعليك بيهم همه عند أبوهم

وفرقد ما مقتنع بكلام عدنان ليش ملاذ سكتت عن عدنان وما جابت سيرته بس فرقد شك بموضوع اطفال ملاذ لهذا نصح زوج ملاذ انه يحلل DNA ويشوف الاطفال صح أطفاله والمفاجأه انه اطفال ملاذ مو من زوجها من اخو عدنان

بعد ما رفعوا عدنان محكمه ونحكم إعدام اما قطر الندى بعدها مطلوبه للقضاء إلى حين يتم القاء القبض عليها وتتحاكم و تم تبرئة ريان من كافة التهم ويسلم جميع حقوقه لعائلته وانه إعدام ريان چانت هفوة قاضي ورشوة ضابط عديم الضمير وبين الهفوه والرشوه ضاعت حياة ريان الله يرحمه

وشنو چان ذنب ريان هو (الحب ) هذا ذنبه الوحيد لانه حب بصدق وما حب يسوي الحرام راح خطب وازوج البنيه اليحبها وما لعب عليها مثل بقية الشباب يلعبون على بنات الناس بسم الحب وهذا الحب ريان دفع حياته عليه

يا ترى احنه بالعراق كم شاب مات بسبب رشاوي الضباط وهفوة القضاة وبوقتها الشهاده لله من فرقد قدم كل الأدله إلى الشوؤن على فساد الضابط التحقيق الچان بيده قضية ملاذ وشلون بسبب فساد هذا الضابط انعدم انسان بريء تم فصل الضابط ومحاكمته واحنه في العراق كله ما شي بالرشاوي الضابط طلع منها وما تحاكم وهذا الضابط الظاهر عنده ناس كبار بالدوله لانه بهاي الفتره تعرض الضابط فرقد إلى محاولة اغتيال بباب المركز اليداوم بي وچان راح يموت بس رب العالمين لطف بحاله وطلع منها سلامات

وفي وقتها من راح كمال على الضابط فرقد للمستشفى يطمئن عليه ويشكره على تعبه فرقد نصح كمال أنه خلاص ريان انعدم والضابط نفصل وبعد نعوف الضابط خوفاً على حياتنه اما زوج ملاذ رجع فلوس الفصل النه الأخذوا من عدنه وشيخ العشيره گاومهم على مقتل ميليا وجرحي من اجوي دگوا البيت وعلى ريان المات إعدام بسبب عدنان وزوج ملاذ اجى علينه للبيت وظل يتوسل انه يعفون عنهم وظل يتوسل بعمتي وكمال ويحلفهم بروح ريان لانه ما عدهم فلوس فصل يدفعون لانه عدهم فصل ثاني وهو لاهل الولد المات دهس وعمتي ما قبلت تاخذ فصل تگول بعد ما راح ريان جوه التراب لو فلوس العالم كلها ما تفيد بشي وحمد لله ابني ظهرت برائته ما أخذنه شي منهم بس فلوس الفصل رجعوها النه

ومرت الايام بينه وعبر على وفاة ريان الله يرحمه سنه ونص واني راجعت وسويت معامله حتى يصير راتب ريان الي ولاطفالي وكملته وصرت استلم راتب ورجعت قدمت على جامعه اهليه وحالياً سنه ثانيه قانون اما جوانا عمتي هي بنفسها راحت خطبت جوانا لكمال وزوجوا بدون اي شي صنطه وهي مرحله ثالثه وحامل بولد حالياً وما بقى شي وتجيب وحامل بولد قرر كمال يسمي ريان على اسم اخو واني عايشه ويه عمتي مثل ما وعدت ريان وأعتني بأطفالي وبعمتي وقررت اكمل جامعه واعيش حياتي لعمتي واطفالي وأنتهت قصتي
اتمنى من كل واحد قرأ قصتي يدعيلي بالصبر على فراق ريان واسم ريان واسم ابو طه وام عمتي ابتسام اسماء حقيقيه حتى تدعوله بالرحمه

ابرونه الذمه خاف خليناكم تبچون بس هاي قصتي بحذافيرها والله على ما أقول شهيد واني طلبت من الكاتبة الزهيرية انه ما تحذف اي شي من قصتي في حين هي حاولت هواي تغير من مجرى القصة بإعدام ريان بس اني ما قبلت حتى كل الناس شوف الظلم الوقع علينه واتمنى تدعون بالرحمه لريان وتقروله الفاتحه على روحه الطاهرة لانه راح ضحية ( هفوة قاضي ورشوة ضابط ) وإني تدعولي بالصبر لأنه فراق ريان هو ( عذابي الأزلي)

النهاية

#دخلي اكشفي حبيبج 🤍 @hmoo2bot