ﻻ ﻭﺍﻟﻨﺒﻲ ﻣﺤﺪ ﻛﺎﻝ
ﺍﻱ ﺣﺎﺩﺙ ﺑﺎﻟﺴﻴﺎﺭﻩ
ﺳﻴﺮﻭﺍﻥ ﻣﺎﻣﺎ ﺍﺻﺒﻠﻚ ﺗﺎﻛﻞ
ﻻ ﻳﻤﻪ ﻣﺎﺭﻳﺪ ﻭﻳﻦ ﺯﻳﻨﻪ ﺗﺮﻩ ﻗﻴﺲ ﺩﻳﻨﺘﻀﺮﻫﺎ ﺑﺎﻟﺒﺎﺏ
ﺯﻳﻨﻪ ﻳﻤﻪ ﺭﺟﻠﺞ ﺍﺟﻪ ﻋﻠﻴﺞ
ﺻﺎﺣﺖ ﻋﻤﺘﻲ ﻭﺍﻧﻲ ﺍﻓﺘﺮﻳﺖ ﻭﺭﻩ ﺍﻟﻤﻴﺰﻭﻛﻌﺪﺕ ﻳﻢ ﺳﻨﺪ ﻭﻋﻴﻮﻧﻲ ﻋﻠﻴﻪ ﺳﻠﻴﻢ ﺑﺎﻭﻋﻠﻲ ﻣﺴﺘﻐﺮﺏ ﺩﺭﺕ ﻭﺟﻬﻲ ﺭﺍﺳﻦ ﺻﺎﻓﻨﻪ ﺑﻘﻴﺖ ﻃﻠﻊ ﺳﻠﻴﻢ ﻭﻋﻠﻲ
ﻭﺑﻘﻪ ﻫﻮ ﻛﺎﻋﺪ ﻋﻠﻰ ﺻﻔﺤﻪ ﻭﻋﻴﻮﻧﻪ ﻋﻠﻴﻪ ﺗﻌﺘﺐ ﻭﻋﻤﻪ ﺯﻳﻨﺐ ﺗﺤﺠﻲ
ﺧﻮ ﻫﻮ ﻣﻦ ﺍﻟﻤﻌﻤﻞ ﺍﻧﻲ ﺍﺭﻳﺪ ﺷﻬﺮﻳﻪ . ﻳﻤﻪ ﻣﺎﻋﺪﻩ ﺷﻐﻠﻪ ﻭﺍﻛﻒ ﺍﺩﺭﻱ ﻫﺎﻟﺴﻠﻴﻢ ﻳﺼﺮﻑ ﻋﻠﻰ ﺑﻨﺎﺕ ﻋﻤﻪ ﻫﺎﻟﺨﺮﻙ ﻭﻳﻮﻣﻴﻪ ﻣﻄﻠﻌﻬﻢ ﻭﺣﺎﻳﺮ ﺑﻴﻬﻢ ﻟﻌﺪ ﻭﺍﻧﻲ
ﺑﻘﻴﺖ ﺍﺭﻛﺰ ﻋﻠﻰ ﻛﻼﻣﻬﺎ ﺳﻴﺮﻭﺍﻥ ﺻﻔﻦ ﻭﺍﻟﺘﻔﺖ ﻋﻠﻴﻬﺎ ﻫﺰ ﺍﻳﺪﻩ ﻭﻛﺎﻡ ﻃﻠﻊ ﺑﺎﻭﻋﻠﻲ ﻭﺩﺍﺭ ﻭﺟﻬﻪ
ﻟﻠﻴﻞ ﺑﺘﻨﺎ ﻋﺪﻫﻢ ﻧﺎﻣﺖ ﺳﻨﺪ ﻳﻢ ﺭﺯﺍﻥ ﻭﺍﻧﻲ ﻳﻢ ﻋﻤﻮ ﺑﻘﻴﻨﺎ ﻧﺴﻮﻟﻒ ﺍﻧﻲ ﻭﻳﺎﻩ ﻭﺳﻠﻴﻢ ﻭﺑﻴﺒﻲ ﻧﺮﻳﺪ ﻧﻘﻨﻌﻪ ﻳﺮﻭﺡ ﻋﻼﺝ ﻃﺒﻴﻌﻲ ﻭﻫﻮﻣﻴﻘﺒﻞ
ﻋﻤﻮ ﻭﺍﻟﻠﻪ ﺗﺮﺗﺎﺡ ﻭﻟﻮ ﺑﻠﻜﻦ ﺍﻟﻠﻪ ﺗﺸﻮﻑ ﻓﺮﻕ
ﻣﺎﺭﻳﺪ ﻋﻤﻮ ﻣﺎﻟﻲ ﺧﻠﻚ
ﺳﻠﻴﻢ - ﻋﻨﻲ ﻫﻢ ﻫﻴﺞ ﻛﺎﻟﻮﻫﺎ ﻧﺎﻳﺲ ﺑﺴﻊ . ﻧﻀﻞ ﻧﺤﺎﻭﻝ ﻳﺎﺑﻮﻳﻪ ﻫﺎﻱ ﺍﻧﻲ ﻭﺭﻧﺪ ﻭﻳﺎﻙ
ﻛﺘﻠﻜﻢ ﻣﺎﺭﻳﺪ
ﻛﻴﻔﻚ ﻳﺎﺑﻪ ﺍﻧﻲ ﺣﺮﻭﺡ ﺍﻧﺎﻡ ﻣﺤﺘﺎﺝ ﺷﻲ
ﻻ ﺑﺎﺑﺎ ﺗﺼﺒﺢ ﻋﻠﻰ ﺧﻴﺮ
ﺗﻤﺪﺩﺕ ﺍﻧﺎﻡ ﻭﺧﺎﺑﺮﺕ ﻣﺎﻣﺎ ﺟﺎﻧﺖ ﺳﺎﻋﻪ ١١ ﻛﻤﺖ ﻣﻦ ﻣﻜﺎﻧﻴﺎﺟﺎﻭﺑﻬﺎ ﻻﻥ ﺑﻴﺒﻲ ﻭﻋﻤﻮ ﻧﺎﻣﻮ
ﺍﻟﻮ ﻣﺎﻣﺎ
ﻃﻠﻌﺖ ﻟﻠﻤﻄﺒﺦ ﺷﻐﻠﺖ ﺿﻮﻩ ﻭﺍﺣﺪ
ﻫﺎ ﻣﺎﻣﺎ ﺷﻮﻧﻜﻢ
ﺯﻳﻨﻴﻦ ﻓﻬﻮﺩﻱ ﺷﻮﻧﻪ
ﺯﻳﻦ ﺍﻟﺤﻤﺪ ﻟﻠﻪ ﺷﺘﺎﻗﻠﻜﻢ
ﻋﻤﻮ ﺭﺍﺡ ﻟﻮ ﺑﺎﺕ ﻳﻤﻜﻢ
ﻻﻻ ﺭﺍﺡ ﺷﻮﻛﺖ ﺗﺠﻮﻥ
ﺑﺎﺟﺮ ﺍﻟﺼﺒﺢ ﻋﻠﻲ ﻳﺠﻴﺒﻨﺎ
ﺯﻳﻦ ﺳﻨﺪ ﻭﻳﻦ
ﻧﺎﻳﻤﻪ ﻳﻢ ﺭﺯﺍﻥ ﻭﻟﻴﺎﻥ
ﺩﻳﻠﻪ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻳﻮﻡ
ﺍﻧﺘﻲ ﻫﻢ ﻭﺣﺒﺎﺑﻪ ﺍﻛﻠﻲ ﻧﺎﺯﻟﻪ ﻋﺸﺮ ﻛﻴﻠﻮﺍﺕ
ﻣﻴﺨﺎﻟﻒ ﻣﺎﻣﺎ
ﺳﺪﻳﺘﻪ ﻣﻨﻬﺎ ﺳﻤﻌﺖ ﺻﻮﺕ ﺟﺪﺣﻪ ﺟﺪﺍﺣﻪ ﻭﺭﺍﻳﻪ ﺍﻟﺘﻔﺘﺖ ﺷﻔﺖ ﺳﻴﺮﻭﺍﻥ ﻛﺎﻋﺪ ﻳﺪﺧﻦ ﺑﺎﻟﻀﻠﻤﻪ ﺑﻘﻪ ﺿﻮﻩ ﻧﺎﺭ ﺍﻟﺠﺪﺍﺣﻪ ﻳﺸﺘﻐﻞ
ﻫﺎﻱ ﺑﺘﺖ ﺍﻧﺖ ﻋﺒﺎﻟﻲ ﺭﺣﺖ
ﺗﺮﺩﻳﻦ ﺍﺭﻭﺡ
ﻻ ﺷﻌﺪﻱ ﻭﻳﺎﻙ ﺷﻮﻧﻚ
ﻫﺰ ﺭﺍﺳﻪ ﺯﻳﻦ ﻃﻔﻪ ﺍﻟﺠﺪﺍﺣﻪ ﻭﺟﺮ ﻧﻔﺲ
ﺷﻮ ﺩﺗﺪﺧﻦ ﻣﻮ ﻣﺮﻳﺾ ﺍﻟﻜﺤﻪ ﺗﻮﺟﻊ ﺭﺍﺳﻚ
ﺟﺎﻭﺏ ﻣﻴﻬﻢ ﻭﻧﺼﻪ ﺭﺍﺳﻪ
ﺑﻘﻴﺖ ﺍﺑﺎﻭﻋﻠﻪ ﻛﺎﻝ
ﺷﻮﻧﺞ ﺑﺎﻟﺠﺎﻣﻌﻪ
ﺯﻳﻨﻪ ﺍﻟﺤﻤﺪ ﻟﻠﻪ ﺳﺒﻮﻉ ﺍﻟﻴﺠﻲ ﻧﻬﺎﺋﻴﺎﺕ
ﺍﻣﻢ ﻣﻮﻓﻘﻪ
ﺗﺴﻠﻢ
ﺑﻘﻴﺖ ﻭﺍﻛﻔﻪ ﻭﻫﻮ ﻛﺎﻋﺪ ﺭﻓﻊ ﺭﺍﺳﻪ ﺿﻴﻖ ﻋﻴﻨﻪ ﺑﻘﻪ ﻳﺒﺎﻭﻋﻠﻲ ﺑﻌﺘﺐ ﻻﺯﻡ ﺭﺍﺳﻪ
ﻳﻮﺟﻌﻚ ﻣﻮ
ﺷﻮﻱ

ﻣﻮ
ﺷﻮﻱ
ﺗﻘﺮﺑﺖ ﻣﻨﻪ ﺟﺮﻳﺖ ﺍﻟﺠﻤﺎﺭﻩ ﺑﻬﺪﻭﺀ ﻣﻦ ﺑﻴﻦ ﺷﻔﺘﻪ ﺑﻘﻪ ﺻﺎﻓﻦ ﻟﺤﺮﻛﺘﻲ ﺫﺏ ﺍﻟﺪﺧﺎﻥ ﺑﻌﺸﻮﺍﺋﻴﻪ ﻭﺑﻠﻊ ﺭﻳﻚ
ﺫﺑﻴﺘﻬﺎ ﺑﻬﺪﻭﺀﻱ ﺑﺎﻟﺴﻨﻚ ﻭﻏﺴﻠﺖ ﺍﻳﺪﻱ ﺑﻘﻪ ﺩﺍﻳﺮ ﺭﻛﺒﺘﻪ ﻳﺒﺎﻭﻋﻠﻲ
ﻟﻴﺶ
ﻫﻤﺲ
ﻣﻮﺯﻳﻦ ﻋﻠﻴﻚ
ﺍﻓﺘﺮﻳﺖ ﻭﻋﻴﻮﻧﻪ ﺗﻔﺘﺮ ﻭﻳﺎﻳﻪ ﺑﺎﻭﻋﺖ ﻟﻠﺒﺎﺏ ﺧﺎﻑ ﻳﺠﻲ ﺍﺣﺪ
ﻭﺑﺎﻭﻋﺘﻠﻪ ﺻﺎﻓﻦ ﻋﻠﻴﻪ ﻛﺎﻝ
ﺣﻠﻴﺎﻧﻪ
ﺍﺑﺘﺴﻤﺖ ﺑﺎﻭﻋﺖ ﺑﻮﺟﻬﻪ ﻭﻛﻌﺪﺕ ﺑﺒﻌﺪ ﻣﺘﺮﺗﻴﻦ ﻛﺪﺍﻣﻪ
ﻛﺎﻝ
ﺳﻠﻴﻢ ﺷﻨﻮ ﻗﻀﻴﺘﻪ
ﺷﻨﻮ
ﺩﺗﻔﻬﻤﻴﻦ ﻛﺎﻟﻬﺎ ﻭﻧﺼﻪ ﻧﻔﺾ ﺑﻨﻄﺮﻭﻧﻪ ﺭﺟﻊ ﺑﺎﻭﻋﻠﻲ
ﺍﺧﻮﻳﻪ ﻭﺍﺑﻦ ﻋﻤﻲ
ﺑﺲ
ﺍﻱ ﻃﺒﻌﺎ ﺑﺲ ﺭﻓﻌﺖ ﺗﻚ ﺣﺎﺣﺐ ﺑﺎﻭﻋﺘﻠﻪ ﺑﺜﻘﻪ
ﻳﻌﻨﻲ . ﻳﻌﻨﻲ ﺍﻛﺪﺭ
ﻛﺎﻟﻬﺎ ﻭﺍﺑﺘﺴﻢ ﺗﻚ ﺧﺪ
ﺷﻨﻮ ﺗﻜﺪﺭ ﻫﻬﻬﻬﻬﻪ
ﺩﺍﺭ ﻭﺟﻬﻪ ﻭﺟﺮ ﻧﻔﺲ ﺑﻘﻪ ﻳﺒﺎﻭﻉ ﺑﻌﻴﻨﻲ ﻋﺾ ﺷﻔﺘﻪ ﻛﺎﻝ
ﻣﻦ ﻭﺭﺍﺝ ﺍﻧﺪﻋﻤﺖ
ﺍﻧﻲ ﺍﻧﻲ ﺷﻌﻠﻴﻪ
ﺟﻨﺖ ﺍﺗﻌﺎﺭﻙ ﻭﻱ ﺳﻠﻴﻢ ﺑﺎﻟﺘﻠﻔﻮﻥ ﻭﺍﻛﻮﻟﻪ ﻋﻮﻓﻬﺎ ﻭﻫﻮ ﻳﺪﺍﻫﺮﻧﻲ ﻳﻜﻮﻟﻲ ﺭﺍﺟﻌﻪ ﺍﻟﻲ ﻣﻮ ﺍﻟﻚ ﻭﺍﻧﻲ ﺻﻌﺪﺕ ﻋﻠﻜﺒﺎﻟﻲ ﺑﺪﻭﻥ ﻣﺎﺍﺷﻮﻓﻪ ﻣﻦ ﻧﺎﺭ ﻛﻠﺒﻲ
ﻟﻴﺶ ﻳﻌﻨﻲ ﻋﻜﺪﺕ ﺣﺎﺣﺒﻲ ﻣﺒﺘﺴﻤﻪ
ﻳﻌﻨﻲ ﻣﺮﺩﺕ ﻳﺠﺒﺮﺝ ﻋﻠﻰ ﺷﻲ
ﻟﻴﺶ ﺗﺘﻮﻗﻊ ﺍﻟﻜﺪﺍﻣﻚ ﻳﻜﺪﺭﻭﻥ ﻳﺠﺒﺮﻭﻫﺎ ﻋﻠﻰ ﺷﻲ
ﺑﻘﻪ ﻳﺒﺎﻭﻉ ﺑﻌﻴﻨﻲ ﻳﺘﺎﻣﻞ ﺟﺮ ﻧﻔﺲ ﻫﻤﺲ
ﻻ
ﻫﺬﺍ ﻫﻮ ﻭﻛﻔﺖ ﻛﺎﻝ
ﻭﻳﻦ ﻣﻮ ﺩﻧﺴﻮﻟﻒ
ﻧﻌﺴﺖ ﻭﻋﻤﻮ ﺧﺎﻑ ﻳﺤﺘﺎﺝ ﺷﻲ
ﺍﺑﺘﺴﻢ ﻛﺎﻝ
ﻧﻴﺎﻟﻪ ﻟﺨﺎﻟﻲ ﻋﺎﻟﺪﻻﻝ ﻣﻨﺞ
ﻫﻪ ﺗﺮﻳﺪ ﺷﻲ
ﺍﻭﻭﻭﻭ ﺍﺭﻳﺪ ﺍﺷﻴﺎﺀ
ﻛﺎﻟﻬﺎ ﻭﺭﺟﻪ ﺭﺍﺳﻲ ﻋﺎﻟﺤﺎﻳﻂ ﻣﺒﺘﺴﻢ ﻭﻳﻬﺰ ﺭﺟﻠﻪ
ﻫﻬﻬﻪ ﺷﺘﺮﻳﺪ ﻻ ﻭﺍﻟﻠﻪ ﺗﺤﺘﺎﺝ ﺷﻲ
ﻣﺤﺘﺎﺟﺞ
ﻛﺎﻟﻬﺎ ﻭﺫﺑﻠﺖ ﻋﻴﻮﻧﻪ ﻏﺎﺑﺖ ﺍﺑﺘﺴﺎﻣﺘﻪ ﻭﺍﺑﺘﺴﺎﻣﺘﻲ ﺑﻠﻌﺖ ﺭﻳﻚ ﻭﻋﺪﻟﺖ ﺷﻌﺮﻱ ﺑﻘﻪ ﻳﺠﺮ ﻧﻔﺲ ﺑﻬﺪﻭﺀ ﻛﺎﻝ
ﻛﺎﻓﻲ ﺍﺿﻢ ﻣﻮ
؟
ﺷﻨﻮﻭﻳﻌﻨﻲ
ﻳﻌﻨﻲ ﺣﺴﻲ ﺑﻴﻪ ﻳﺎﺑﺬﺍﺕ ﺷﻴﻜﻠﻔﺞ ﺍﻟﺴﻮﺍﻝ ﺍﻟﻮﺍﺣﺪ ﻟﻮ ﺳﺎﺋﻠﺘﻪ
ﺣﻘﻚ ﻋﻠﻴﻪ ﻗﺼﺮﺕ
ﺍﺑﺘﺴﻢ ﻫﺎﺫ ﻫﻮ ﺭﻭﺣﻲ

ﻻﻫﺎﺫ ﻫﻮ ﻭﺍﻟﻠﻪ ﺑﺲ ﻛﻠﺘﻲ ﺣﻘﻚ ﻋﻠﻴﻪ ﺭﺍﺣﺖ
ﺍﺑﺘﺴﻤﺖ ﻭﻓﺘﺖ ﻟﻠﻐﺮﻓﻪ ﻭﺻﻠﺖ ﺭﺳﺎﻟﻪ
ﺷﻠﻮﻥ ﺑﻌﻴﻮﻧﺞ ﺍﻧﻲ ﺷﻠﻮﻥ ﺿﺎﻉ ﺣﺒﻞ ﺍﻟﻜﻼﻡ ﻭﻧﺴﻴﺖ ﺍﻟﻌﺘﺐ
ﺷﺒﻴﻬﺎ ﻋﻴﻮﻧﻲ
ﺍﺣﺐ ﺍﻟﺨﺒﺎﺛﻪ ﺍﻟﺒﻴﻬﺎ
ﺗﺼﺒﺢ ﻋﻠﻰ ﺧﻴﺮ ﺍﺑﻦ ﻋﻤﺘﻲ
ﻭﺍﻧﺘﻲ ﻣﻦ ﺍﻫﻞ ﺧﻴﺮ ﺑﺖ ﺧﺎﻝ
ﻧﻤﺖ ﻣﺒﺘﺴﻤﻪ ﻟﺴﻮﺍﻟﻔﻪ ﻭﺍﻟﺼﺒﺢ ﺭﺣﻨﺎ ﻭﻱ ﻋﻠﻲ ﺣﺘﻰ ﻣﺸﻔﺘﻪ
ﻏﺎﺩﻩ - ﻣﻦ ﻳﻮﻡ ﺍﻟﺮﺍﺡ ﻭﺑﻌﺪ ﻣﺨﻠﻴﺘﻪ ﻳﺸﻮﻑ ﻭﺟﻬﻲ ﻳﺠﻲ ﻳﺸﻮﻑ ﻓﻬﺪ ﻳﺒﻘﻰ ﻳﻠﻌﺒﻪ ﺳﺎﻋﺘﻴﻦ ﻭﺍﻧﻲ ﻣﺎﺍﻃﻠﻊ ﺍﻣﻲ ﺗﻀﻞ ﻳﻤﻪ ﻭﻧﻮﺑﺎﺕ ﺍﻟﺒﻨﺎﺕ ﻣﺮﻩ ﻣﺮﺗﻴﻦ ﺳﺎﻝ ﻋﻨﻲ ﻭﻛﻠﻮﻟﻪ ﻧﺎﻳﻤﻪ ﻣﺎﻋﺎﺩ ﻛﺮﺭﺳﻮﺍﻟﻪ ﺿﻌﻔﺖ ﺣﻴﻞ ﻧﻔﺴﻴﺘﻲ ﺗﺪﻣﺮﺕ ﺻﻔﻴﺖ ﻧﺼﻲ ﻭﺍﺩﻭﺧﻪ ﺟﻠﺒﺖ ﺑﻴﻪ
ﺍﻟﺒﻨﺎﺕ ﻣﺼﺮﻓﻬﻢ ﺻﺎﺭ ﺑﺪﻳﻬﻢ
ﻳﺸﺘﺮﻭﻥ ﺫﻫﺐ ﺍﻛﺜﺮ ﺷﻲ ﺷﻮﻱ ﺷﻮﻱ
ﻋﻤﺎﻣﻬﻢ ﻣﻤﻘﺼﺮﻳﻦ ﻭﻳﺎﻫﻢ ﻭﺍﻧﻲ ﺍﻟﺮﺍﺗﺐ ﻣﺎﻟﺘﻲ ﻳﻮﺻﻞ ﺑﻴﺪ ﺍﺑﻮ ﺣﺴﻦ ﻭﻱ ﺣﻠﻴﺐ ﻭﺣﻔﺎﺿﺎﺕ ﻓﻬﺪ ﻭﺍﺫﺍ ﺍﺣﺘﺎﺝ ﺷﻲ ﺭﻧﺪ ﺍﻭ ﺍﻣﻲ ﺗﺘﺼﻞ ﺑﻲ ﺍﻭﻣﻦ ﻳﺠﻲ ﻳﻜﻠﻮﻟﻪ
ﺗﻠﻘﻴﺢ
ﻳﺎﺧﺬﻩ ﻳﻠﻘﺤﻪ ﻭﻳﺮﺟﻌﻪ
ﻃﺒﻴﺐ ﺍﺣﺘﺎﺝ ﺍﺧﺬﻩ
ﺑﺎﻟﻴﻮﻡ ﻣﺮﺗﻴﻦ ﻳﺘﺼﻞ ﺭﻧﺪ ﺑﺘﺮﺩ ﻋﻠﻴﻪ ﺷﻮﻱ ﺷﻮﻱ ﺭﺟﻊ ﻋﻼﻗﺘﻪ ﺑﺎﻟﺒﻨﺎﺕ ﺳﻮﺍﻟﻔﻪ ﻭﺿﺤﻜﻪ ﻭﺭﺟﻌﻮ ﺍﻣﻨﻮﻟﻪ ﺑﺲ ﻣﻮ ﻣﺜﻞ ﻗﺒﻞ
ﻭﺍﻧﻲ ﺍﻛﺘﻔﻴﺖ ﺑﻌﺪﻡ ﺷﻮﻓﺘﻪ ﺍﺗﻬﺰﻡ ﻣﺎﺭﻳﺪ ﺍﺷﻮﻓﻪ ﻋﻠﻰ ﻛﻼﻡ ﺭﻧﺪ
ﻣﺎﻣﺎ ﻛﻠﻤﺎ ﺗﻨﻔﺘﺢ ﺍﻟﺒﺎﺏ ﻋﻴﻮﻧﻪ ﺗﻌﻠﻚ ﻋﺎﻟﺒﺎﺏ ﻣﺎﻝ ﻏﺮﻓﻪ ﻣﺎﻟﺘﺞ
ﺍﻟﺤﺠﻴﻪ ﻛﻢ ﻣﺮﻩ ﺟﺘﻲ ﺷﺎﻓﺖ ﻓﻬﺪ ﻭﺭﺍﺣﺖ ﺑﻌﺪ ﻣﻨﺼﺤﺖ ﻣﻦ ﺷﺎﻓﺘﻨﻲ ﻣﺎﺍﺧﺬﺕ ﺍﻟﻨﺼﻴﺤﻪ . ﻣﺮﺕ ﺍﻳﺎﻡ ﻫﻮﺍﻱ
ﻭﺍﻧﻲ ﺍﺟﺎﺯﻩ ﺍﻟﺴﺖ ﺍﺷﻬﺮ ﻣﺎﻝ ﻭﻻﺩﻩ ﺑﻌﺪ ﻛﻢ ﺷﻬﺮ ﺗﺨﻠﺺ ﺟﻨﺖ ﻣﻔﻜﺮﻩ ﺍﻧﻨﻘﻞ ﻻﻥ ﻣﺎﺭﻳﺪ ﺍﺷﻮﻓﻪ ﻛﻠﺒﻲ ﻣﻠﻴﺎﻥ ﺍﺷﺘﻴﺎﻕ ﻭﻣﻦ ﻳﺠﻲ ﺍﺿﻞ ﺍﺗﺼﻨﻂ ﺷﻴﺤﺠﻲ ﻭﺷﻴﻜﺮﻝ ﻭﺷﻮﻥ ﻳﺒﻮﺱ ﺑﻔﻬﺪ
ﻓﻬﺪ ﺭﺟﻌﻨﻲ ﺻﻐﻴﺮﻩ ﺑﻀﺤﻜﺎﺗﻪ ﻭﺣﺮﻛﺎﺗﻪ ﺗﻌﻠﻖ ﺑﺎﺑﻮﻩ ﻛﺎﻥ ﻳﺒﺠﻲ ﻣﻦ ﻳﺮﻭﺡ ﻭﻳﻔﺮﺡ ﻣﻦ ﻳﻄﺐ ﻳﻀﻞ ﻳﺘﺤﺮﻙ ﺣﺮﻛﺎﺕ ﺗﺨﺒﻠﻪ ﺍﺳﻤﻊ ﺿﺤﻚ ﺍﺑﻮﻩ ﻭﺍﻧﻲ ﺑﺎﻟﻐﺮﻓﻪ
ﺳﻨﺪ ﻧﻮﻋﺎ ﻣﺎ ﺻﺎﺭﺕ ﻋﺪﻫﺎ ﻣﺸﺎﻛﻞ ﻭﻱ ﺭﻧﺪ ﻋﻠﻤﻮﺩ ﺍﻟﻔﻮﻥ ﺗﺮﻳﺪﻩ ﻭﺭﻧﺪ ﻣﺘﻨﻄﻴﻬﺎ ﺍﻟﺘﻠﻔﻮﻥ ﻭﻣﻦ ﺍﻓﻮﺕ ﻳﺴﻜﺘﻮﻥ ﻣﻦ ﺍﻟﻌﺮﻛﻪ
ﺭﻧﺪ ﺿﻠﺖ ﻣﻠﺘﻬﻴﻪ ﺑﺪﺭﺍﺳﺘﻬﺎ
ﻧﻬﺎﻳﻪ ﺳﻨﻪ ﻭﺍﻟﺒﺎﺟﺮ ﺍﺧﺮ ﺍﻣﺘﺤﺎﻥ ﻋﺪﻫﺎ ﻫﻲ ﻭﺳﻨﺪ ﺑﻜﻠﻮﺭﻳﺎ
ﺍﻻﻳﺎﻡ ﻣﺎﺍﻋﺮﻑ ﺷﻮﻥ . ﺗﻤﺸﻲ ﺑﻬﺎﻟﺴﺮﻋﻪ ﻛﻞ ﺩﻛﻪ ﻛﻠﺐ ﺍﺣﻴﻬﺎ ﺗﻌﺪﻱ ﻭﻳﺎﻫﺎ ﻳﻮﻡ ﻣﻦ ﻋﻤﺮﻱ ﺗﻠﻔﻮﻥ ﺑﻠﻴﻞ ﺩﻭﻡ ﻳﺪﻙ ﺑﺮﻗﻤﻪ ﻭﺍﻧﻲ ﻣﺎﺍﺭﺩ ﺭﻓﻀﺘﻪ ﺑﻜﻞ ﻋﻘﻠﻲ ﺑﺲ جوﺍﺭﺣﻲ ﻭﺍﺣﺴﺎﺳﻪ ﺑﻲ ﻣﻦ ﻳﺎﺧﺬ ﻓﻬﺪ ﻭﻳﺮﺟﻌﻪ ﺍﺿﻞ ﺍﺷﻢ ﺑﻲ ﻋﻄﺮﻩ
ﻧﻮﺑﺎﺕ ﺗﻠﺰﻣﻨﻲ ﻋﺒﺮﻩ ﻭﺍﺧﺘﻨﻚ ﺑﻘﻮﻩ ﺣﺪﻣﺎﺍﺑﺠﻲ ﻳﻠﻪ ﺍﺭﺗﺎﺡ
ﺍﻣﻲ . ﺍﻭﻭﻑ ﻳﺎﺍﻣﻲ
ﺍﻣﻲ ﻋﻮﺿﺖ ﺣﻨﺎﻧﻬﺎ ﺑﻔﻬﺪ ﺍﻟﺠﺒﻴﺮ ﺑﺎﻟﺼﻐﻴﺮ ﺟﺎﻧﺖ ﻣﺘﺬﺑﻪ ﻣﻦ ﺍﻳﺪﻫﺎ ﺗﻌﻠﻢ ﻋﺎﻟﺸﻴﻞ ﻭﺗﻌﻠﻢ ﻋﻠﻴﻬﺎ ﻭﻳﺤﺒﻬﺎ ﻭﺗﺮﺩ ﺭﻭﺣﻬﺎ ﻣﻦ ﻳﻀﺤﻜﻠﻬﺎ ﻭﻳﺎﺷﺮﻟﻬﺎ ﺗﺸﻴﻠﻪ ﺭﻏﻢ ﺗﻌﺐ ﺍﻳﺪﻫﺎ ﺑﺲ ﺿﻌﻴﻔﻪ ﻛﺪﺍﻣﻪ
ﺑﻘﻴﺖ ﻻﺯﻣﻪ ﺭﻭﺣﻲ ﻛﺮﺍﻣﺘﻲ ﻭﺣﺒﻲ ﺑﻜﻠﺒﻲ ﺣﺪﻣﺎ ﺣﻠﻤﺖ ﺑﻲ
ﺑﺤﻀﻨﻲ ﺑﺒﺎﺏ ﺑﻴﺘﻨﺎ ﻫﺬﺍ ﻓﻬﺪ ﺑﻴﺪﻱ ﺑﺠﻴﺖ ﺣﺪ ﺍﻟﺘﻌﺐ ﻭﺍﺻﻴﺢ ﻭﻣﺤﺪ ﻳﺴﻤﻊ ﺍﺣﺲ ﺻﻮﺗﻲ ﻣﻴﻄﻠﻊ ﻣﻦ ﺍﺑﺎﻭﻉ ﺑﻮﺟﻬﻪ ﻫﺬﺍ ﺣﻴﺪﺭ ﻣﻮ ﻓﻬﺪ ﻣﻴﺖ ﺗﺨﺒﻠﺖ ﻭﻛﻤﺖ ﺍﺑﺠﻲ ﻭﺍﻟﻄﻢ ﺍﺣﺲ ﻋﺒﺎﻟﻚ ﺻﺪﻙ ﻣﻮﻣﻨﺎﻡ ﻓﺰﻳﺖ ﻣﻦ ﻧﻮﻣﻲ ﻭﺍﻧﻲ ﺍﺑﺠﻲ ﻭﺍﺭﺟﻒ ﻭﺍﺭﺩﺩ
ﻳﺎﺭﺏ ﺍﺣﻔﻀﻪ ﻳﺎﺭﺏ ﺍﺣﻤﻴﻪ
ﻣﺜﻞ ﺍﻟﻤﺨﺒﻠﻪ ﻟﺰﻣﺖ ﺍﻟﺘﻠﻔﻮﻥ ﺩﻛﻴﺖ ﻋﻠﻴﻪ ﺍﻟﻜﻬﺮﺑﺎﺀ ﻃﺎﻓﻴﻪ ﺣﺘﻰ ﻣﺎﺩﺭﻱ ﺑﻴﺶ ﺳﺎﻋﻪ ﺩﻛﻴﺘﻠﻪ ﻭﺍﻳﺪﻱ ﺗﺮﺟﻒ ﺭﺩ ﺭﺍﺳﻦ
ﺍﻟﻮ ﺭﻧﺪ ﺷﻜﻮ
ﺍﻟﻮ ﺭﻧﺪ ﻳﺎﺑﻪ ﺍﺣﺠﻲ
ﺭﻧﺪﺩﺩ ﺍﺣﺠﻲ ﻋﻤﻮ
ﻫﺪﺍﺕ ﻣﻦ ﺳﻤﻌﺖ ﺻﻮﺗﻪ ﻭﻫﻮ ﻫﺪﺍ ﻣﻦ ﺳﻤﻊ ﻧﻔﺴﻲ ﺳﻜﺖ ﺷﻮﻱ ﻭ ﻛﺎﻝ ﻫﻤﺲ
ﻏﺎﺩﻩ

ﻏﺎﺩﻩ
ﺍﻣﻢ ﻭﺷﻬﻜﺖ ﺍﺑﺠﻲ ﺷﻜﺪ ﻣﺸﺘﺎﻗﺘﻠﻪ ﺷﻜﺪ ﺭﻭﺣﻲ ﺣﻨﺖ ﻻﻳﺎﻣﻪ ﻭﺣﻨﺎﻧﻪ
ﻏﺎﺩﻩ ﺑﻴﺞ ﺷﻲ
ﺟﺞ
ﺟﺮ ﻧﻔﺲ ﻛﺎﻝ
ﻟﻴﺶ ﻣﺘﻄﻠﻌﻴﻦ ﻟﻴﺶ ﻣﺘﺮﺩﻳﻦ ﻣﻦ ﺍﺧﺎﺑﺮﺝ
ﻣﺮﺩﻳﺖ ﻛﻞ ﺍﻟﺴﺮﻳﺘﻪ ﺳﺪﻳﺘﻪ ﺑﻮﺟﻬﻪ ﺭﺟﻊ ﺩﻙ ﺍﺭﺑﻊ ﻣﺮﺍﺕ ﻣﺮﺩﻳﺖ ﻛﺘﺐ
ﺭﺍﺡ ﺍﺟﻴﺞ ﻓﺘﺤﻲ ﺍﻟﺒﺎﺏ ﺧﻞ ﻧﺤﺠﻲ
ﻛﺘﺒﺘﻠﻪ
ﻣﺎﺍﻃﻠﻌﻠﻚ ﻟﺘﺠﻲ
ﻛﺘﺐ ﺑﺮﺍﺣﺘﺞ
ﻭﺫﺑﻴﺘﻪ ﺑﺮﺍﺣﺘﻲ ﺑﺮﺍﺣﺘﻲ ﺍﻱ ﺑﺮﺍﺣﺘﻲ ﺍﻧﺖ ﺭﺍﺣﺘﻲ ﻋﻠﻘﺘﻨﻲ ﺑﻴﻚ ﻭﻋﻔﺘﻨﻲ ﺧﻠﻴﺖ ﻋﺪﻱ ﺟﺰﺀ ﻣﻨﻚ ﻳﻜﺒﺮ ﻭﻳﺰﻳﺪ ﺣﺒﻲ ﻣﻦ ﺍﺑﺎﻭﻉ ﺑﻮﺟﻬﻪ ﻭﺍﺗﺬﻛﺮ ﻣﻼﻣﺤﻚ
ﺛﺎﻧﻲ ﻳﻮﻡ ﺍﻟﺼﺒﺢ ﺍﺟﻪ ﺍﻟﺒﻨﺎﺕ ﺗﻮﻫﻢ ﻳﻄﻠﻌﻮﻥ ﻭﺍﻣﻲ ﺗﻠﻜﺘﻪ ﻛﺎﻟﺖ
ﻣﺎﻣﺎ ﻟﺢ ﻳﺮﻳﺪﺝ ﺗﺤﺎﺟﻲ
ﻛﻮﻟﻴﻠﻪ ﻧﺎﻳﻤﻪ
ﻃﻠﻌﺖ ﺍﻣﻲ ﻭﻗﻔﻠﺖ ﺍﻟﺒﺎﺏ ﻓﻬﺪ ﻋﺪﻩ ﺷﻮﻱ ﻭﺭﺍﺡ
ﺩﺯ ﺭﺳﺎﻟﻪ ﻭﺭﻩ ﺳﺎﻋﻪ
ﺣﻤﺮ ﺍﺧﺬ ﻓﻬﺪ ﺣﻀﺮﻱ ﻳﺒﺎﺕ ﻋﺪﻱ
ﻛﺘﺒﺖ
ﻟﻴﺶ ﻣﻨﻮ ﻳﺪﻳﺮ ﺑﺎﻟﻪ ﻋﻠﻴﻪ
ﺍﻣﻲ ﻳﻤﻲ ﻭﺑﻴﺖ ﺧﺎﻟﺘﻲ
ﺟﻦ ﻭﺻﺎﺭ ﺑﻴﻪ ﻛﺘﺒﺖ
ﻣﺎﺭﻳﺪ ﻣﺘﻌﻠﻢ ﻋﻠﻰ ﺻﺪﺭﻱ
ﻣﻮ ﺩﺗﻨﻄﻲ ﻣﻤﻪ ﻫﻢ
ﺍﻱ ﺑﺲ ﻣﺎﺭﻳﺪ ﺗﺎﺧﺬﻩ ﺗﺒﻴﺘﻪ ﻋﺪﻙ
ﻟﻴﺶ
ﻭﺩﻙ ﻋﻠﻴﻪ ﻣﺮﺗﻴﻦ ﺭﻓﻀﺘﻪ ﺭﺟﻊ ﻛﺘﺐ
ﻛﺎﻝ
ﺭﺩﻱ
ﻣﺎﺍﺭﺩ
ﻏﺎﺩﻩ ﺷﺒﻴﺞ ﺻﻐﻴﺮﻭﻧﻪ ﺷﻴﻠﻲ ﺩﺍﺍﺗﻔﺎﻫﻢ ﻭﻳﺎﺝ
ﻣﺮﺩﻳﺖ ﺑﻘﻪ ﻳﺪﻙ ﻭﺭﺍﻫﺎ ﺭﺍﺡ ﻟﻠﻈﻬﺮ ﺍﺟﻪ ﻭﻛﺎﻝ ﻟﺮﻧﺪ
ﻋﻤﻮ ﺣﻀﺮﻱ ﻓﻬﺪ ﺩﺍﺍﺧﺬﻩ
ﻃﺒﺖ ﺩﺗﺤﺠﻲ ﻛﺘﻠﻬﺎ ﺑﻬﺪﻭﺀ
ﻛﻮﻟﻴﻠﻪ ﻣﻴﺒﺎﺕ
ﺭﺍﺣﺖ ﻋﻠﻲ ﻛﻠﻬﺎ ﻣﻮﻛﻴﻔﻬﺎ ﺍﻫﻠﻲ ﻳﺮﺩﻭﻥ ﻳﺸﻮﻓﻮ ﺷﻨﻮ ﻓﻠﻤﻬﺎﺍ ﺧﻞ ﺗﻄﻠﻊ ﻟﻮ ﺍﻓﻮﺗﻠﻬﺎ
ﺟﺘﻲ ﺭﻧﺪ ﺣﺎﻳﺮﻩ ﺑﻴﻨﻨﺎ ﻛﺘﻠﻬﺎ ﺧﻞ ﻳﺎﺧﺬﻩ ﻭﻧﻄﻴﺘﻬﺎ ﺍﻟﻐﺮﺍﺽ ﻭﺍﺧﺬﻩ ﻭﺭﺍﺡ
ﻭﺍﻋﺼﺎﺑﻲ ﺗﺪﻣﺮﺕ ﻳﺮﻳﺪ ﻳﺸﻮﻓﻪ ﻟﻠﺨﺎﺗﻮﻥ ﺣﺘﻰ ﺑﺠﻲ ﺑﺠﻴﺖ ﺧﻠﻴﺖ ﺭﻧﺪ ﺍﺭﺑﻊ ﻣﺮﺍﺕ ﺗﺨﺎﺑﺮﻩ ﻭﺗﺴﺎﻟﻪ ﻋﻦ ﻓﻬﺪ ﻭﺧﻠﻴﺘﻬﺎ ﺗﻔﺘﺢ ﻛﺎﻣﺮﻩ ﺟﺎﻥ ﻧﺎﻳﻢ ﺑﺤﻀﻨﻪ ﻭﺑﺲ ﺍﻣﻪ ﻭﻣﺮﻩ ﺟﺒﻴﺮﻩ ﻳﻤﻬﻢ ﻭﺑﻨﻴﻪ ﺷﺎﺑﻪ ﻭﺍﺳﻴﺎ ﻭﻳﺎﻫﻢ ﺳﻠﻤﻮ ﻋﻠﻰ ﺭﻧﺪ ﻛﺘﻠﻬﺎ ﻟﺘﺒﻴﻨﻴﻦ ﺷﻜﻠﻲ ﻭﺳﺎﻟﻮﻫﺎ ﻋﻨﻲ ﻛﺎﻟﺘﻠﻬﻢ ﺑﺎﻟﺤﻤﺎﻡ ﺳﺪﺗﻪ ﻭﺗﺒﺎﻭﻉ ﻋﻠﻴﻪ
ﻣﺎﻣﺎ ﺗﺤﺒﻲ ﺍﻧﺘﻲ
ﻫﺰﻳﺖ ﺭﺍﺳﻲ ﻻ ﻭﻃﺒﻴﺖ ﻟﻠﺤﻤﺎﻡ
ﻭﻣﺮﺕ ﺍﻻﻳﺎﻡ ﺣﺪ ﻣﺎﺻﺎﺭ ﻓﻬﺪ ﺳﺖ ﺷﻬﻮﺭ ﻭﻛﻤﻠﺖ ﺍﺟﺎﺯﺗﻲ ﺍﻡ ﺧﻄﺎﺏ ﻣﺮﺗﻴﻦ ﺟﺘﻨﺎ ﺭﻏﻢ ﻣﺎﺍﻧﻲ ﺧﺠﻮﻟﻪ ﻭﻫﻲ ﻫﻢ ﺑﺲ ﺗﻘﺮﺑﻨﺎ ﻣﻦ ﺑﻌﻀﻨﺎ ﻭﺗﻮﺍﻟﻤﻨﺎ ﺗﻌﺮﻓﺖ ﻋﻠﻰ ﺍﻣﻬﺎ ﻣﺮﻩ ﺟﺘﻨﻲ ﻭﻳﺎﻫﺎ ﻭﺗﻌﺮﻓﺖ ﻋﻠﻰ ﻣﺎﻣﺎ ﻧﺎﺱ ﺑﺴﻴﻄﻴﻦ ﻭﻣﻦ ﺩﻳﺎﺧﺬﻫﺎ ﻋﻤﺮ ﻃﻠﻌﺖ ﺳﻠﻤﺖ ﻋﻠﻴﻪ ﺍﺑﺘﺴﻠﻤﻲ
ﻛﺎﻝ
ﻳﻮﻟﻮ ﺍﻧﺘﻲ ﻭﺭﺟﻠﺞ ﺿﻌﻔﺎﻧﻴﻦ ﺷﺒﻴﻜﻢ
ﻫﻬﻪ ﺍﺳﺘﺎﺫ ﺳﺒﻮﻉ ﺍﻟﻠﺦ ﺍﺩﺍﻭﻡ
ﻫﺎ ﺧﻠﺼﺖ ﺍﺟﺎﺯﺗﺞ ﻭﻳﻦ ﺗﻌﻮﻓﻴﻦ ﺍﻟﺼﻐﻴﺮ
ﻳﻢ ﺍﻣﻲ
ﺍﺑﻮﻓﻬﺪ ﻋﺪﻩ ﻋﻠﻢ
ﻫﺎ ﺍﻱ ﺍﻱ ﺑﺲ ﻟﺘﻜﻮﻟﻪ
ﺑﺎﻭﻉ ﻟﻤﺮﺗﻪ ﻭﺍﻣﻬﺎ ﻭﺑﺎﻭﻋﻠﻲ
ﻣﺘﺼﺎﻓﻴﺘﻮ

ﻧﺼﻴﺖ ﺭﺍﺳﻲ ﺑﺨﺠﻞ ﻛﺎﻝ
ﻟﺘﺨﺴﺮﻱ ﺗﺮﻩ ﺣﻴﺪﺭ ﺩﺭﻩ ﻭﻣﺤﺪ ﺗﺴﺘﺎﻫﻠﻪ ﻏﻴﺮﺝ ﺍﻡ ﺭﻧﺪ ﻟﻮ ﺗﺮﺩﻳﻦ ﺍﻡ ﻓﻬﺪ ﺍﻛﻮﻟﺞ ﺍﻟﻤﻬﻢ ﻣﺎﺑﻴﻨﻨﺎ ﻣﻴﺎﻧﻪ ﻭﺍﺧﺠﻞ ﺑﺼﺮﺍﺣﻪ ﻣﻦ ﺭﺯﺍﻧﺘﺞ ﺍﻃﻮﺥ ﻭﻳﺎﺝ ﺑﺎﻟﺤﺠﻲ ﺑﺲ ﺍﻧﺘﻲ ﺑﻌﻤﺮﺝ ﻫﺬﺍ ﻭﺍﻋﻴﻪ ﻭﻓﺎﻫﻤﻪ ﻛﻞ ﻛﻠﻜﻪ ﺍﻛﻮﻟﻬﺎ ﻭﺩﺍﻋﺖ ﻭﻟﺪﻱ ﺣﻴﺪﺭ ﻣﻴﻨﺨﺴﺮ ﻳﺘﺤﺎﺭﺏ ﻋﻠﻤﻮﺩﻩ
ﺑﻘﻴﺖ ﻣﻨﺼﻴﻪ ﻭﺍﻧﻲ ﺑﺎﻟﺒﺎﺏ ﺳﻨﺪ ﺑﺼﻔﻲ ﻟﺰﻣﺖ ﺯﻧﺪﻱ ﻗﻮﻱ ﺑﺎﻭﻋﺘﻠﻬﺎ ﻭﻧﺼﻴﺖ ﺻﻌﺪ ﺑﺎﻟﺴﻴﺎﺭﻩ ﻭﻃﻠﻊ ﺩﻙ ﻫﻮﺭﻥ ﺗﻮﺩﻳﻊ ﻭﻃﻠﻊ ﺳﺪﻳﺖ ﺍﻟﺒﺎﺏ
ﺑﻨﺎﺗﻲ ﺍﻟﺘﻔﻮﺍ ﺣﻮﻟﻲ
ﺭﻧﺪ ﺍﻟﺸﻤﻮﺥ
ﻭﺳﻨﺪ ﺍﻟﻌﻄﻒ ﻭﺍﻟﺤﻨﻴﻪ
ﺣﻀﻨﻮﻧﻲ ﺣﺲ ﺑﻮﺟﻊ ﻛﻠﺒﻲ
ﺭﻧﺪ - ﻣﺎﻣﺎ ﻣﻮﻛﺎﻓﻲ
ﺷﺘﺮﺩﻳﻦ ﺍﺳﻮﻱ ﺭﻧﺪ
ﻣﺎﻣﺎ ﺧﺎﺑﺮﻱ ﺍﻃﻠﻌﻲ ﻣﻦ ﻳﺠﻲ ﺭﺟﻌﻲ ﻣﺜﻞ ﻗﺒﻞ ﻳﺒﺎﺕ ﻋﺪﻧﺎ ﻧﺘﻐﺪﻩ ﺳﻮﻩ ﻩ ﺍﻧﻲ ﻋﻤﻮ ﺣﻴﺪﺭ ﺑﺼﺮﺍﺣﻪ ﺍﻛﻮﻟﻬﺎ ﺍﻟﺞ ﺣﺘﻰ ﻟﻮ ﺍﻧﻔﺼﻠﺘﻮ ﻣﺎﺍﺯﻋﻞ ﻋﻠﻴﻪ ﺑﻌﺪ ﺩﺷﻮﻓﻲ ﻛﺎﻣﺎ ﻳﺠﻲ ﻳﺴﻮﻟﻒ ﻭﻳﺎﻧﺎ ﺍﻧﻲ ﻭﺳﻨﺪ ﻋﺎﻟﺼﻐﻴﺮﻩ ﻭﺍﻟﺤﺒﻴﺮﻩ ﺣﺘﻰ ﺍﻭﻝ ﺍﻟﺒﺎﺭﺣﻪ ﻓﻬﻢ ﺳﻨﺪ ﺑﻤﻮﺿﻮﻉ ﻋﺎﻟﺮﻳﺎﺿﻴﺎﺕ
ﺍﻟﻨﺴﺎﺗﻞ ﻭﺍﻟﺠﺒﺎﺳﻪ ﺍﻟﻠﻲ ﻳﺠﻴﺒﻬﺎ ﻛﻞ ﻣﻴﺠﻲ ﻋﺒﺎﻟﻚ ﺑﻨﺎﺗﻪ ﻭﻛﻠﺴﺎ ﻳﺒﻮﺳﻨﻲ ﻣﻦ ﺭﺍﺳﻲ ﻭﻋﻴﻮﻧﻪ ﺍﻟﺘﻨﻔﺾ ﺣﻨﺎﻥ ﻣﺎﻣﺎ ﻳﻤﻮﺕ ﻋﻠﻴﻨﺎ
ﻳﻜﻮﻟﻲ ﺷﻮﻛﺖ ﻳﻜﺒﺮ ﻭﻳﺼﻴﺮ ﺑﻜﺪﻛﻢ ﺍﺭﻳﺪﻩ ﺑﺤﻨﺎﻥ ﺳﻨﺪ ﻭﺫﻛﺎﺀ ﺭﻧﺪ
ﺍﻟﻨﺴﺘﻠﻪ
ﻭﺍﻟﻜﻴﻜﻪ ﺍﻟﻀﺎﻣﻬﺎ ﺑﺠﻴﺒﻪ ﻣﻦ ﻳﺠﻲ ﻳﺸﻤﺮﻫﺎ ﻋﻠﻴﻪ ﻣﻴﺤﻲ ﻓﺎﺭﻍ ﺑﺸﻲ ﺑﺴﻴﻂ ﺍﻭﻭﺛﻜﻴﻞ ﻭﻳﻜﻮﻟﻲ ﻫﺎﻱ ﺣﺼﺘﺞ
ﺗﺪﺭﻳﻦ ﻭﻳﻦ ﺍﻟﻘﻠﻢ ﺳﻨﺪ
ﺫﺍﻛﻮﻩ ﻋﺎﻟﻨﻴﺰ
ﺗﺪﺭﻳﻦ ﺫﺍﻙ ﺍﻟﻴﻮﻡ ﻃﺐ ﻛﻤﺖ ﻋﺎﻟﻜﺎﻭﻧﺘﺮ ﻟﻜﻴﺘﻪ ﺷﻠﺘﻪ ﺑﺎﻋﻲ ﻣﺎﻣﺎ ﺫﺍﻙ ﺍﻟﻴﻮﻡ ﻃﺐ ﻛﺘﻠﻪ ﻭﻳﻦ ﻧﻤﻨﻤﻴﺎﺗﻲ ﺩﻭﺭ ﺑﺠﻴﻮﺑﻪ ﺍﺑﺘﺴﻢ ﻛﺎﻝ
ﻟﺞ ﻧﺴﻴﺘﻬﺎ ﺑﺎﻟﻤﻜﺘﺐ ﻭﺍﻟﻠﻪ
ﻛﺘﻠﻪ ﻣﻌﻠﻴﻪ ﻣﺘﻄﺐ ﻭﻣﺎﺍﻧﻄﻴﺞ ﻓﻬﻮﺩﻱ
ﻛﺎﻝ ﻫﺎﺝ ﻗﻠﻢ
ﺑﺎﻋﻲ ﻧﻄﺎﻧﻲ ﻗﻠﻤﻪ ﻛﺎﻝ
ﺧﻠﻲ ﺫﻛﺮﻯ ﻭﺍﻟﻠﻪ ﻋﻠﻴﺞ ﺑﺤﺚ ﺍﻟﺘﺨﺮﺝ ﻳﻨﻜﺘﺐ ﺑﻲ ﻭﺧﻼﻧﻲ ﺍحلف ﺑﺮﻭﺡ ﺧﺎﻟﻮ ﻭﻭﺍﻋﺪﺗﻪ
ﻣﺎﻣﺎ ﻫﻴﺞ ﺍﻧﺴﺎﻥ ﺍﻧﻲ ﻣﺮﺍﺡ ﺍﺗﻨﺎﺯﻝ ﻋﻨﻨﻪ ﺍﺫﺍ ﺍﻧﺘﻲ ﺗﻨﺎﺯﻟﺘﻲ ﻋﻨﻪ ﺷﻲ ﺭﺍجع ﺍﻟﻜﻢ ﺑﻴﻨﻜﻢ ﺑﺲ ﺍﻧﻲ ﻫﻴﺞ ﺷﺨﺼﻴﻪ ﺍﺣﺘﺎﺟﻬﺎ ﺑﺠﻴﺎﺗﻲ
ﻏﺎﺩﻩ - ﻧﺼﻴﺖ ﺭﺍﺳﻲ ﻭﻟﺰﻣﺘﻪ ﺑﻴﺪﻱ
ﻣﺎﻣﺎ ﻣﻮﺑﻴﺪﻱ ﺷﻲ ﻫﻮ رﺟﻊ ﻟﻤﺮﺗﻪ ﺍﻧﻲ ﺷﻨﻮ
ﻣﻨﻮ ﻛﺎﻝ ﺭﺟﻊ ﻫﻮ ﻛﻠﺞ
ﻳﻤﻪ ﻟﻴﻞ ﻧﻬﺎﺭ ﻳﺤﺎﺟﻴﻬﺎ
ﺷﺴﻮﻳﻠﻪ ﻋﻮﻓﻲ ﻫﻮ ﻣﺮﺩﻩ ﺍﻟﺞ
ﺑﺎﻟﻌﻜﺲ ﻣﺮﺩﻩ ﺍﻟﻬﺎ ﻭﺍﺑﻨﻲ ﻭﻳﺎﻫﺎ
ﻣﺎﻣﺎ ﻟﺘﺤﺠﻴﻦ ﺷﻲ ﻣﺼﺎﺭ ﻭﻻ ﻣﺘﻔﻖ ﻋﻠﻴﻪ ﻋﻤﻮ ﺿﺎﻳﻊ ﺍﻧﻲ ﺍﻟﺪﺍﺍﺷﻮﻓﻪ ﺿﺎﻳﻊ . ﻭﺍﻟﻠﻪ ﻛﻮﻩ ﻳﻨﺸﻠﻊ ﻣﻦ ﻳﻢ ﻓﻬﺪ ﻭﻳﺮﻭﺡ .
ﺑﻘﻴﺖ ﺳﺎﻛﺘﻪ ﻭﻭﻛﻔﺖ
ﻣﺎﻣﺎ ﻭﻳﻦ ﺭﺍﻳﺤﻪ
ﺍﻧﺎﻡ

ﺍﻱ ﻫﺬﺍ ﻫﻮ ﻧﻮﻡ ﻧﻮﻡ ﻭﻫﺎﻣﻠﻪ ﺭﻭﺣﺞ ﺑﺎﻋﻲ ﻧﻔﺴﺞ ﺷﻜﺪ ﺿﻌﻔﺎﻧﻪ ﺑﺎﻋﻲ ﺟﺴﻤﺞ ﺷﻮﻥ ﺻﺎﻓﻲ ﻧﺼﻪ
ﺑﻘﻴﺖ ﺳﺎﻛﺘﻪ ﺻﺎﻓﻨﻪ ﻋﻠﻰ ﺑﻨﺘﻲ ﻭﺗﺎﻧﻴﺒﻬﺎ ﺍﻟﻲ ﺭﺍﻓﻀﻪ ﻭﺿﻊ ﺍﻟﺮﺿﻮﺥ ﺍﻻﻧﻲ ﺑﻲ ﻛﺎﻟﺖ
ﻛﻮﻣﻲ ﺑﺪﻟﻲ ﺩﻧﺮﻭﺡ ﻟﻠﺼﺎﻟﻮﻥ ﺳﻨﺪ ﺧﺎﺑﺮﻱ ﺧﺎﻟﻪ ﻓﻮﺯ
ﺍﻭﻙ ﻫﺴﻪ
ﺑﻘﻴﺖ ﺻﺎﻓﻨﻪ
ﻭﻳﻦ ﺍﺭﻭﺡ ﺷﺒﻴﺞ ﺭﻧﺪ
ﻣﺎﻣﺎ ﻫﺴﻪ ﻧﺮﻭﺡ ﺗﺠﺪﻳﺪ ﻭﺣﻔﻴﻔﻪ ﻭﺗﻌﺪﻳﻞ ﻭﻧﺘﺴﻮﻙ ﻣﻼﺑﺲ ﺗﺘﺤﻀﺮﻳﻦ ﺑﻴﻬﺎ ﻟﻠﺪﻭﺍﻡ ﻛﺎﻓﻲ ﻋﺎﺩ ﺣﺘﻤﻮﺗﻴﻦ ﻧﻔﺴﺞ ﻟﻴﺶ ﺗﺴﺘﺴﻠﻤﻴﻦ
ﺍﻧﻲ ﻣﻨﺴﺘﺴﻠﻤﻪ ﺻﺮﺧﺖ ﺍﻧﻲ ﻋﻔﺖ ﻗﺒﻞ ﻟﻴﻌﻮﻑ ﺗﻨﺎﺯﻟﺖ ﻋﻨﻪ ﻗﺒﻞ ﻟﻴﺘﻨﺎﺯﻝ ﻋﻨﻲ ﻭﻟﻮ ﺻﺪﻙ ﻳﺮﻳﺪ ﻳﺠﻲ ﻣﺜﻠﻠﻞ ﺍﻟﺰﻟﻢ ﺍﻟﻤﻌﺪﻟﻪ ﻭﻳﻜﻮﻟﻲ ﺭﺍﻳﺪﺝ ﺍﻡ ﺑﻴﺘﻴﻲ ﻳﻜﻮﻟﻲ ﺭﺍﻳﺪﺝ ﻣﺮﻩ ﻣﻮ ﺍﻡ ﻟﻔﻬﺪﺩ ﻭﺑﺲ ﻓﺎﻫﻤﻪ ﻟﻮ ﻻﺍﺍ
ﻓﺎﻫﻤﻪ ﻣﺎﻣﺎ ﻓﺎﻫﻤﻪ ﻣﺎﺷﻲ ﻟﻌﺪ ﻧﺮﻭﺡ ﻟﻠﺼﺎﻟﻮﻥ
ﺷﺴﻮﻱ
ﺗﻐﻴﻴﺮ ﺗﺎﺗﻮ ﻣﺎﻟﺘﺞ ﺭﺍﻳﺢ ﻟﻮﻧﻪ . ﻭﺣﻔﻴﻔﻪ ﻭﺗﻨﻀﻴﻒ ﺑﺸﺮﻩ
ﺳﻨﺪ - ﺧﺎﺑﺮﺕ ﺧﺎﻟﻪ ﻓﻮﺯ ﻛﺎﻟﺖ ﺭﺍﺡ ﺍﺟﻴﻜﻢ
ﻫﺎﻫﻲ ﻳﻠﻪ ﺑﺪﻟﻲ
ﻓﻠﻮﺱ ﻣﺎﻋﺪﻱ ﻣﺘﻜﻔﻲ
ﺍﻧﻲ ﻋﺪﻱ ﺍﺩﺍﻳﻨﺞ ﻭﺍﻧﻄﻴﻨﻲ ﻣﻦ ﺗﺴﺘﻠﻤﻴﻦ
ﺳﻜﺘﺖ ﻭﺑﺎﻭﻋﺖ ﻟﻨﻔﺴﻲ ﺑﻤﺮﺍﻳﻪ ﺍﻟﺴﻨﻚ ﻫﺰﻳﺖ ﺭﺍﺳﻲ ﻳﻠﻪ ﻣﺎﺷﻲ
ﻃﻠﻌﻨﺎ ﻭﻭﺩﺗﻨﻲ ﻟﻤﺤﻞ ﻛﻠﺶ ﺭﺍﻗﻲ ﻛﺎﻟﺖ ﺳﻠﻴﻢ ﺗﺴﻮﻛﻠﻨﺎ ﻣﻨﺎ ﻭﺷﺘﺮﻳﺖ ﺟﺒﻪ ﻗﺼﻴﺮﻩ ﻭﺟﻮﺍﻫﺎ ﺑﻨﻄﺮﻭﻥ ﻣﺎﻧﺘﻮ ﺗﺮﺑﻊ ﻋﻠﻰ ﺟﺴﻤﻲ ﻻﻥ ﺿﻌﻔﺎﻧﻪ ﺗﺨﺼﺮ ﻋﻠﻴﻪ . ﺗﻌﺠﺒﺖ ﻓﻮﺯ ﻣﻦ ﺷﺎﻓﺖ ﺑﻄﻨﻲ ﺍﻧﺼﻔﻜﺖ ﻛﺎﻟﺖ
ﻳﻮﻟﻮ ﺷﺴﻮﻳﺘﻲ ﺷﻨﻮ ﻫﺎﻟﻀﻌﻒ
ﻣﺎﺩﺭﻱ ﻧﻔﺴﻴﺘﻲ ﺯﺑﺎﻟﻪ
ﻭﺍﻟﻠﻪ ﺷﻜﻠﺞ ﻃﻤﺴﺘﻲ ﺑﺎﻟﺤﺐ ﻳﻮﻟﻮ .
ﻓﻮﺯ ﻣﻮ ﻭﻛﺘﺞ ﻭﺍﻟﻠﻪ
ﻃﻠﻌﻨﺎ ﻣﻦ ﺍﻟﻤﺤﻞ ﻭﺭﺣﻨﺎ ﻟﻠﺼﺎﻟﻮﻥ ﺭﻧﺪ ﺟﺎﻧﺖ ﺗﻔﺘﺮ ﻭﺗﺤﺠﻲ ﻭﻱ ﺍﻡ ﺍﻟﺼﺎﻟﻮﻥ . ﻭﺗﺨﺘﺎﺭ ﺷﻜﻞ ﻭﻟﻮﻥ ﺍﻟﺘﺎﺗﻮ ﻭﺳﻮﻳﺖ ﺣﺎﺟﺒﻲ ﺗﻐﻴﻴﺮ ﻣﺒﺎﺷﺮ ﻣﻮﻣﺜﻞ ﻗﺒﻞ . ﺗﻨﻀﻴﻒ ﺑﺸﺮﻩ ﻭﺷﻐﻼﺕ ﺟﺪﻳﺪﻩ ﺍﻧﻲ ﻧﻔﺴﻲ ﻣﺎﺍﻋﺮﻓﻬﺎ . ﻃﻮﻟﻨﺎ ﻟﻞ١٠ ﺑﻠﻴﻞ ﺑﺎﻟﺼﺎﻟﻮﻥ ﻭﻓﻬﺪ ﻳﻢ ﺍﻣﻲ ﻭﻃﻠﻌﻨﺎ ﻭﺟﻬﻲ ﺍﺣﺲ ﺧﺪﺭﺍﻥ
ﺍﺑﺮ ﺿﺮﺑﺖ ﻫﻢ ﻣﺪﺭﻱ ﻣﺎﻟﻴﺶ ﺳﻮﺍﻟﻒ ﺭﻧﺪ ﻭﻓﻮﺯ ﻫﺎﻱ ﻭﺳﻨﺪ ﻣﻐﻤﻀﻪ ﻋﻴﻨﻬﺎ ﻣﻦ ﻳﻤﻬﺎ ﻣﺘﺎﻟﻤﻪ
ﺳﺒﻮﻉ ﻣﺮ ﻭﺑﺪﻩ ﺗﻐﻴﻴﺮ ﻭﺟﻬﻲ ﻳﺨﺒﻞ ﺻﺎﺭ ﻟﻤﻌﻪ ﻭﻧﻌﻮﻣﻪ ﻭﺻﻔﺎﺀ ﻭﺍﻟﺘﺎﺗﻮ ﺍﺧﺬ ﻣﻮﺿﻌﻪ ﺻﺎﺭ ﺍﺣﻠﻰ ﺑﻌﺪ ﻭﻻﺯﻟﺖ ﻣﺴﺘﻤﺮﻩ ﻣﺎﺍﻃﻠﻊ ﻣﻦ ﻳﺠﻲ ﻛﺎﻡ ﻳﻄﻮﻝ ﺑﺠﻴﺘﻪ ﻳﺒﻘﻰ ﻣﻦ ﺍﻟﻀﻬﺮ ﻟﻠﻴﻞ ﻣﻴﻬﻠﻪ ﻳﻄﻠﻊ ﻭﻳﺒﻘﻰ ﻓﻬﺪ ﻳﺒﺠﻲ ﻭﺭﺍﻩ ﻳﺘﻌﺒﻨﻲ ﻳﻠﻪ ﻳﺴﻜﺖ ﻭﻫﻮ ﻳﺼﻴﺮ ﻋﺼﺒﻲ ﻣﻴﺘﺤﻤﻞ ﺣﺪﻣﺎ ﺗﺴﻜﺘﻪ ﺭﻧﺪ ﻟﻮ ﺍﻣﻲ
ﻛﻤﻞ ﺍﻻﺳﺒﻮﻉ ﻭﺑﺎﺟﺮ ﺩﻭﺍﻣﻲ
ﺍﻟﺒﻨﺎﺕ ﻣﻌﻄﻼﺕ ﺍﻟﻌﻄﻠﻪ ﺍﻟﺼﻴﻔﻴﻪ
ﺭﻧﺪ ﺻﺎﺭﺕ ٢
ﻭﺳﻨﺪ ﺭﺍﺑﻊ ﺍﺧﺘﺎﺭﺕ ﺍﻟﻌﻠﻤﻲ
ﺣﻴﺪﺭ ﻣﻨﺴﻰ ﻫﺪﻳﻪ ﻧﺠﺎﺣﻬﻢ ﺑﻴﻮﻡ ﻧﺠﺎﺣﻬﻢ ﻭﺟﺎﺑﻠﻬﻢ ﻻﺏ ﺗﻮﺏ ﻣﺸﺘﺮﻙ ﺑﻴﻨﻬﻢ ﻻﻥ ﻳﺤﺘﺎﺟﻮ ﺑﺪﺭﺍﺳﺘﻬﻢ
ﺑﺎﺟﺮ ﺩﻭﺍﻣﻲ ﻭﻟﺤﺪ ﺍﻻﻥ ﻣﻨﺎﻳﻤﻪ ﺍﻟﺒﻴﺖ ﻫﺪﺍ ﻭﻓﻬﺪ ﺑﻴﺪﻱ ﺍﻧﻴﻢ ﺑﻲ ﻏﻔﻪ ﻭﺧﻠﻴﺘﻪ ﺑﻔﺮﺍﺷﻪ ﻭﻧﻤﺖ
ﺍﻟﺼﺒﺢ ﻛﻌﺪﺗﻨﻲ ﺍﻣﻲ
ﻳﻤﻪ ﺩﻭﺍﻣﺞ ﻣﺘﺮﻭﺣﻴﻠﻪ ﻟﻌﺪ
ﻻ ﻳﻮﻡ ﻛﻤﺖ
ﻭﻛﻤﺖ ﺑﺪﻟﺖ ﻣﻜﻴﺠﺖ ﻫﺎﺩﻱﺀ ﻭﺭﻧﺪ ﻛﺴﺮﺕ ﻧﻮﻣﺘﻬﺎ ﻭﻛﻌﺪﺕ ﺗﺒﺎﻭﻋﻠﻲ ﺷﻮﻥ ﻃﻠﻌﺖ ﺧﻠﺘﻠﻲ ﻋﻄﺮ ﻣﺸﺘﺮﻱ ﺍﻟﻬﺎ ﻋﻤﻬﺎ ﺍﺳﻤﺎﻋﻴﻞ ﻣﻦ ﺑﺮﻩ ﻛﺎﻥ ﺣﻴﻞ ﻫﺎﺩﻱﺀ ﻭﺣﻴﻞ ﺣﻠﻮ ﺑﺤﻴﺚ ﻣﻦ ﺷﻤﻴﺘﻪ ﺍﺣﺲ ﻃﻌﻢ ﺑﺤﻠﻜﻲ ﺻﺎﺭ ﻛﻤﺖ ﻣﺎﺍﻛﺪﺭ ﺍﺫﺍ ﻣﻮ ﻛﻠﺴﺎ ﺍﺷﻢ ﺑﻲ ﺑﻴﺪﻱ
ﻭﻛﻔﺖ ﻛﺪﺍﻡ ﺍﻟﻤﺮﺍﻳﻪ ﺍﻟﺤﺬﺍﺀ ﻋﺎﻟﻲ ﺑﻴﻦ ﻃﻮﻟﻲ ﺍﻟﻀﻌﻒ ﻋﺒﺎﻟﻚ ﺑﻴﻨﻨﻲ ﺍﻃﻮﻝ
ﻭﺍﻟﺘﻐﻴﻴﺮ ﺑﻮﺟﻬﻲ ﺣﻠﻮ ﻭﻣﺮﺗﺐ ﻣﻮ ﻛﻠﺶ ﻗﻮﻱ ﺑﺲ ﺣﺒﻴﺖ ﻧﻔﺴﻲ ﺻﻐﺮﻧﻲ ﻫﻮﺍﻱ ﻣﻮ ﻏﻠﻂ ﻭﺣﺪﻩ ﺗﻌﺘﻨﻲ ﺑﺮﻭﺣﻬﺎ . ﻣﻮ ﻏﺎﺩﻩ ﻣﻮ ﺍﻟﻪ ﻋﻠﻤﻮﺩ ﺍﻟﺮﺣﺎﻝ ﻋﻠﻤﻮﺩ ﺭﻭﺣﻲ ﺍﻧﻲ ﺍﺣﺠﻲ ﻭﻱ ﻧﻔﺴﻲ ﻭﺍﺧﻠﻲ ﺍﻟﻤﺴﻜﺎﺭﻩ ﺍﺑﺘﺴﻤﺖ ﺭﻧﺪ ﺍﻟﻲ ﻭﺭﺍﻳﻪ ﻛﺎﻟﺖ
ﺍﻛﻠﺘﻲ
ﺍﻛﻠﺖ ﻣﺎﻣﺎ ﺍﻛﻠﺖ
ﻋﻔﻴﻪ ﺑﺎﻣﻲ ﺍﻟﻘﻮﻳﻪ
ﺍﺑﺘﺴﻤﺖ ﻭﺷﻠﺖ ﺟﻨﻄﺘﻲ ﺍﺑﺘﺴﻤﺖ ﻛﺎﻟﺖ
ﺍﺣﻠﻰ ﺍﻡ ﺑﺎﻟﺪﻧﻴﺎ ﻛﻠﻬﺎ
ﻭﺍﻗﻮﻯ ﺑﻨﻴﻪ ﻋﺪﻱ ﺩﻳﺮ ﺑﺎﻟﺞ ﻋﻠﻰ ﺍﺧﻮﺝ
ﺗﺪﻟﻠﻲ ﺑﺎﻱ ﻣﺎﻣﺎ
ﺑﺎﻱ ﺣﺒﻴﺒﻲ . ﻭﻃﻠﻌﺖ ﺍﺑﻮ ﺣﺴﻦ ﻣﻤﺮ ﻋﻠﻴﻪ ﻻﻥ ﻣﻴﺪﺭﻱ ﻭﻣﻜﺘﻠﻪ ﻓﻲ ﺳﺒﻴﻞ ﻣﻴﻜﻮﻝ ﻟﺤﻴﺪﺭ
ﻭﺻﻠﺖ ﺍﻟﺸﻐﻞ ﻭﻃﺒﻴﺖ ﺟﺎﻧﺖ ﺑﻨﻴﻪ ﺍﺳﻤﻬﺎ ﺭﺳﻞ ﻛﺎﻋﺪﻩ ﺑﻤﻜﺎﻧﻲ ﻣﻦ ﺷﺎﻓﺘﻨﻲ ﺍﺑﺘﺴﻤﺖ ﻭﻛﺎﻣﺖ ﺷﺎﻟﺖ ﻏﺮﺍﺿﻬﺎ معتذرة ﺑﻮﺳﺘﻨﻲ ﻭﺗﺤﻤﺪﺕ ﺑﺎﻟﺴﻼﻣﻪ ﻭﺑﻘﻴﺖ ﺍﺳﺘﻔﺴﺮ ﻋﺎﻟﺸﻐﻼﺕ ﺍﻟﺼﺎﺭﺕ ﺍﻟﺠﺪﻳﺪﻩ ﺩﺍﺑﺎﺷﺮ ﺑﻌﻤﻠﻲ .
ﻋﻠﻤﺘﻨﻲ ﻭﺭﺍﺣﺖ ﻛﻤﺖ ﻃﺒﻴﺖ ﻟﻠﻐﺮﻓﻪ ﻟﻤﻠﻤﺖ ﻭﺍﺗﻔﺮﺝ ﻋﻠﻰ ﻣﻜﺎﻧﻪ ﻋﺪﻟﺖ ﺍﻟﻤﻴﺰ ﻭﻣﺴﺤﺘﻪ ﻓﺘﺤﺖ ﺍﻟﺸﺒﺎﺑﻴﻚ ﻭﺷﻠﺖ ﺍﻟﻜﻼﺻﺎﺕ ﺍﻟﻔﺎﺭﻏﻪ
ﻭﻃﻠﻌﺖ ﺭﺗﺒﺖ ﺍﻟﻤﻜﺎﻥ ﻭ ﻭﺍﻻﻧﺴﺘﻨﺴﺎﺧﺎﺕ ﻭﺍﻛﻔﻪ ﻭﻧﺎﻃﻴﻪ ﺿﻬﺮﻱ ﻟﻠﺒﺎﺏ ﺍﻟﺮﺋﻴﺴﻲ ﻣﻠﺘﻬﻴﻪ ﺳﻤﻌﺖ ﺻﻮﺗﻪ ﻭﻛﻠﺸﻲ ﺑﻴﻪ ﻓﺰ ﺑﻘﻴﺖ ﻧﺎﻃﻴﻪ ﺿﻬﺮﻱ
ﻫﺎﻱ ﻟﻴﺶ ﻫﻠﻜﺪ ﺻﺎﺭ ﺻﻌﺒﻪ ﺍﻟﻠﻘﺎﺀ ﺑﻴﻨﻨﺎ
ﺩﻳﺤﺠﻲ ﻭﻱ ﺭﺍﺷﺪ ﺍﻟﻤﺤﺎﺳﺐ
ﺣﺠﻲ ﺍﺻﺮﻓﻠﻬﻢ ﻭﺑﻌﺪﻳﻦ ﻭﺩﻱ ﺍﻟﻮﺻﻮﻻﺕ ﻃﺐ ﻣﺸﻰ ﺑﺨﻄﻮﺍﺕ ﺳﺮﻳﻌﻪ ﻛﺎﻝ

ﻛﺎﻝ
ﺭﺳﻞ ﻛﻬﻮﺗﻲ ﺑﺴﻊ ﻭﻛﻮﻟﻲ ﻻﺑﻮ ﻳﺰﻥ ﻋﺼﻴﺮ ﺑﺮﺗﻘﺎﻝ
ﺩﻳﻔﻮﺕ ﻟﻠﻐﺮﻓﻪ ﻭﻳﺴﺪ ﺍﻟﺒﺎﺏ ﻭﺭﺍﻩ ﻭﺍﻟﺘﻔﺘﺖ ﺭﺟﻊ ﻓﺘﺢ ﺍﻟﺒﺎﺏ ﺻﻔﻦ ﻓﻚ ﻋﻴﻨﻪ ﻛﻠﻬﺎ
ﺑﻘﻪ ﻳﺘﻨﻔﺲ ﺑﺪﻭﻥ ﺻﻮﺕ ﻭﻳﺒﺎﻭﻉ ﻣﻼﻣﺤﻲ ﻭﻃﻮﻟﻲ ﺑﻌﺘﺐ ﻣﻀﻤﻮﻡ ﺑﻠﻊ ﺭﻳﻚ ﺑﻘﻪ ﺳﺎﻛﺖ ﺛﻮﺍﻧﻲ ﻫﻤﺲ
ﺩﺍﻭﻣﺘﻲ ؟
ﻛﺎﻟﻬﺎ ﻭﺫﺑﻞ ﺟﻔﻦ ﻋﻴﻨﻪ
ﻫﺰﻳﺖ ﺭﺍﺳﻲ ﻭﻧﺼﻴﺖ ﻋﻠﻰ ﺍﻻﻭﺭﺍﻕ
ﻛﺎﻝ ﻭﻳﺒﺎﻭﻉ ﻟﺸﻜﻠﻲ ﻭﺍﻳﺪﻱ ﺍﻟﺪﺗﺸﺘﻐﻞ ﺑﻼ ﺍﺩﺭﺍﻙ
ﻓﻬﺪ ﻭﻳﻦ ﻋﻔﺘﻲ
ﻳﻴﻢ ﺍﻣﻲ ﻭﺍﻟﺒﻨﺎﺕ
ﻧﺼﻪ ﺟﺮ ﻧﻔﺲ ﻭﺭﺟﻊ ﺳﺪ ﺍﻟﺒﺎﺏ ﺑﻬﺪﻭﺀ
ﻛﻌﺪﺕ ﺣﻴﻠﻲ ﺍﻧﻬﺪ ﻭﻛﻤﺖ ﺍﺭﺟﻒ
ﺣﺘﻰ ﻣﺴﻠﻢ ﻋﻠﻴﻪ
ﻳﺘﺒﻊ

البارت 34
ﻏﺎﺩﻩ - ﺍﺣﺲ ﻣﺎﺑﻴﻪ ﺣﻴﻞ ﺍﺑﺪ ﺗﻌﺒﺎﻧﻪ ﻛﻠﺶ ﺣﻴﻠﻲ ﻣﻬﺪﻭﺩ ﻣﺜﻞ ﺍﻟﺸﺎﻏﺖ ﺭﻭﺣﻪ ﺷﻮﻥ ﺭﺍﺡ ﺍﻛﻤﻞ ﺷﻐﻞ ﻛﻤﺖ ﺳﻮﻳﺖ ﺍﻟﻜﻬﻮﻩ ﻋﺪﻧﺎ ﻣﻮﺿﻔﻴﻦ ﺟﺪﺩ ﻳﺎﺧﺬﻭﻥ ﺩﻭﺭﺍﺕ ﻋﺎﻻﺟﻬﺰﻩ ﺍﻟﺤﺪﻳﺜﻪ ﺣﺘﻰ ﻳﻄﺒﻘﻮﻫﺎ ﺑﻤﺴﺘﺸﻔﻴﺎﻫﻢ
ﺩﻛﺎﺗﺮﻩ ﺍﺷﻌﺎﻉ
ﻭﻓﺤﺺ ﺳﻜﺎﻧﺮ
ﺍﺷﺘﻐﻞ ﻭﺗﻔﻜﻴﺮﻱ . ﺑﻨﻀﺮﺗﻪ ﻭﺍﻓﺴﺮﻟﻬﺎ ﺍﻟﻒ ﺍﻟﻒ ﺣﺴﺎﺏ
ﻫﻢ ﺭﺟﻒ ﻣﺜﻠﻲ
ﻫﻢ ﻛﻠﺒﻪ ﺩﻙ ﺑﻬﺎﻟﺴﺮﻋﻪ ﻭﻫﻢ ﻭﺟﻌﻪ
ﺣﻀﺮﺕ ﺍﻟﻜﻬﻮﻩ ﻭﻃﻠﻌﺖ ﻣﻦ ﺍﻟﻤﻄﺒﺦ ﻓﺎﺕ ﻣﻦ ﻳﻤﻲ ﻭﺍﺣﺪ ﻛﺎﻝ
ﺻﺒﺎﺡ ﺍﻟﻌﺴﻞ ﺍﻧﺘﻲ ﻣﻮﺿﻔﻪ ﻫﻨﺎ
ﺑﺎﻭﻋﺘﻠﻪ ﺻﺎﻓﻨﻪ ﻋﻠﻴﻪ
ﻣﻨﻮ ﺍﻧﺖ
ﺍﻧﻲ ﺩﻛﺘﻮﺭ ﺍﺧﺬ ﺩﻭﺍﺭﺍﺕ ﻋﺎﻻﺟﻬﺰﻩ ﻣﻮﻗﺘﺎ
ﺍﺍﻧﻲ ﻣﻮﺿﻔﻪ ﺍﻱ
ﺩﺍﻛﻮﻝ ﻫﺎﻟﺤﺴﻦ ﺍﻟﻄﺒﻴﻌﻲ ﻣﺸﺎﻳﻔﻪ
ﻋﻜﺪﺕ ﺣﺎﺟﺒﻪ ﺷﻮ ﻫﺬﺍ ﻣﺎﺧﺬ ﺭﺍﺣﺘﻪ ﺑﻌﻜﺪﻩ ﺣﺎﺟﺒﻲ ﻣﻼﻣﺤﻪ ﺍﻟﻤﺒﺘﺴﻤﻪ ﺗﻐﻴﺮﺕ ﺍﻟﺘﻤﺲ ﺭﻓﻀﻲ ﻻﻃﺮﺍﺋﺎﺗﻪ ﻧﺼﻪ ﻛﺎﻝ
ﺍﻋﺘﺬﺭ ﻋﺒﺎﻟﻲ ﺗﺘﺸﺎﻗﻴﻦ ﻣﺜﻞ ﺍﻟﺒﻨﺎﺕ
ﻻ ﻣﺎﺍﺗﺸﺎﻗﻰ ﻧﺘﺮﺕ ﻛﺎﻝ
ﺍﻋﺘﺬﺭ ﻣﺮﻩ ٢ ﺍﺗﺮﺧﺺ
ﻭﺭﺍﺡ ﻣﻦ ﻳﻤﻲ ﺩﺍﺍﻃﺐ ﺍﻧﻄﻲ ﺍﻟﻜﻬﻮﻩ ﻭﺻﻠﺖ ﻟﻠﺒﺎﺏ ﻣﺪﺍﺍﻛﺪﺭ ﺍﻓﻮﺕ ﻗﻮﻱ ﺭﻭﺣﺞ ﻏﺎﺩﻩ ﺗﻮﻧﻲ ﺍﻓﺘﺢ ﺍﻟﺒﺎﺏ ﻋﻤﺮ ﻛﺎﻝ
ﻳﺎﻫﻼﺍﺍﺍ ﺑﺎﻡ ﻓﻬﺪ
ﻫﻼﻭ ﺍﺳﺘﺎﺫ ﺷﻮﻧﻚ
ﻳﺎﺏ ﺷﻨﻮ ﺍﻟﻔﻠﻢ ﺍﺳﺘﺎﺫ ﻭﺍﺳﺘﺎﺫ ﺍﺩﺭﻱ ﻣﻮ ﺟﻴﻨﺎ ﻟﻠﺒﻴﺖ ﻭﻫﺎﻱ ﻭﻟﻮ ﺍﻟﻠﻪ ﻭﻛﻴﻠﺞ ﻣﻲ ﻣﺠﺒﺘﻮﻟﻨﺎ ﻟﻴﺶ ﻫﻴﺞ ﻟﻴﺶ
ﻭﺍﻟﻠﻪ ﺍﺳﻔﻪ ﺍﻧﺖ ﻣﻘﺒﻠﺖ ﺗﻔﻮﺕ
ﻣﻴﻬﻢ ﺣﺘﻰ ﻟﻮ ﺧﺎﺑﻂ ﺍﻟﺤﺪﻳﻘﻪ ﻣﻦ ﺍﻟﺼﻮﻧﺪﺭ ﻗﺎﺑﻠﻴﻦ ﺣﺠﺎﻫﺎ ﻭﺍﺧﺬ ﺍﻟﺼﻴﻨﻴﻪ ﻣﺎﻝ ﻛﻬﻮﻩ ﻣﻨﻲ ﻛﺎﻝ
ﻭﺣﺪﻩ ﻟﺦ ﻻﺑﻮ ﺧﻄﺎﺏ ﻓﺪﻭﻩ
ﺍﻱ ﻣﻦ ﻋﻴﻮﻧﻲ
ﺍﺧﺬ ﺍﻟﺼﻴﻨﻴﻪ ﻭﺭﺍﺡ ﻭﺭﺟﻌﺖ ﻟﻠﻤﻄﺒﺦ ﺍﺳﺮﻱ ﺍﻟﻠﺦ ﺍﻟﻤﻄﺒﺦ ﻛﻠﻪ ﺟﺎﻡ ﺷﻔﺎﻑ ﺭﻓﻌﺖ ﺭﺍﺳﻲ ﺷﻔﺖ ﺍﻟﺪﻛﺘﻮﺭ ﻣﻦ ﺑﻌﻴﺪ ﻋﻠﻰ ﻣﻴﺰﻩ ﺍﻳﺪﻩ ﺟﻮﻩ ﺧﺪﻩ ﻭﻳﺒﺎﻭﻋﻠﻲ
ﻛﺎﻥ ﺑﺎﻻﺭﺑﻌﻴﻦ ﻣﻦ ﻋﻤﺮﻩ ﻭﻣﺮﺗﺐ ﻣﻮ ﻣﻠﻄﻠﻂ . ﻭﺧﻔﻴﻒ ﻧﺼﻴﺖ ﺭﺍﺳﻲ ﺍﻛﻤﻞ ﺷﻐﻞ ﻭﺍﺟﻪ
ﺑﻠﻪ ﺯﺣﻤﻪ ﺍﻛﺪﺭ ﺍﺷﺮﺏ ﻛﻮﻓﻲ
ﺍﻱ ﺗﻜﺪﺭ ﺗﻔﻀﻞ
ﺩﺍﺍﻃﻠﻊ ﺳﻮﺍﻟﻲ ﻣﺠﺎﻝ ﻫﻤﺲ
ﺍﻭﻳﻠﻲ ﻭﻣﺘﺮﺩﻳﻦ ﻧﺤﺠﻲ ﺑﺲ ﻋﻄﺮﺝ ﻭﺩﺍﻧﻲ ﻻﻗﺮﺏ ﻛﺒﺮ
ﺣﺠﺎﻫﺎ ﻫﻤﺲ ﻭﺩﺍﺭ ﻭﺟﻬﻪ ﺍﻟﺘﻔﺘﺖ ﻋﻠﻴﻪ
ﺗﺮﻩ ﺳﻤﻌﺘﻚ ﻧﺘﺮﺕ ﻭﻣﻮ ﺯﻏﻴﺮﻩ ﺍﻧﻲ
ﺍﺷﺮ ﻋﻠﻰ ﺻﺪﺭﻩ ﻛﺎﻝ
ﺍﻧﻲ ﺻﻐﻴﺮ ﻭﺍﻟﻠﻪ ﺍﻧﻲ ﻣﺪﺍﺍﻛﺪﺭ ﺍﺳﻜﺖ
ﺑﻘﻴﺖ ﺧﺎﺯﺭﺗﻪ ﻭﻋﻔﺘﻪ ﻭﺭﺣﺖ
ﻃﺒﻴﻌﺘﻲ ﺍﺑﺪ ﻣﺎﺍﻧﻄﻲ ﻣﺠﺎﻝ ﻟﻠﻤﻮﺿﻔﻴﻦ ﻳﺤﺎﺟﻮﻧﻲ ﺑﺸﻘﻪ ﺍﺑﺪ ﻛﺎﻥ ﺑﺲ ﻣﺤﻤﺪ ﻭﻣﻴﺲ ﺍﺻﺪﻗﺎﺋﻲ ﺑﻌﺪ ﻓﻮﺯ
ﻛﻤﻠﺖ ﺍﻟﻜﻬﻮﻩ ﻭﻃﺒﻴﺖ ﻟﻠﻐﺮﻓﻪ ﺑﺎﻟﻒ ﺑﺴﻢ ﺍﻟﻠﻪ ﻭﻫﻮ ﻛﺎﻥ ﻣﻨﺼﻲ ﻋﺎﻻﻭﺭﺍﻕ ﻋﻤﺮ ﻭﻛﻒ ﻛﺎﻝ ﺍﻱ ﻭﺍﻟﻠﻪ ﻋﺎﺷﺖ ﺍﻳﺪﻳﺞ ﺭﻓﻊ ﺭﺍﺳﻪ ﺣﻴﺪﺭ ﺑﻘﻪ ﻳﺒﺎﻭﻋﻠﻲ ﻭﻛﻤﻞ ﺣﺠﻲ
ﻋﺎﺩ ﺍﻟﺒﺎﺭﺣﻪ ﻓﺘﺤﻨﺎ ﺑﻴﺖ ﺟﺪﻱ ﻭﺣﺴﻴﻦ ﺷﺪﺷﺪ ﺍﻟﻀﻮﺍﻳﺎﺕ ﺍﻟﻤﺤﺮﻛﻪ ﻭﺿﻠﺖ --

--
ﻭﺑﺎﻭﻉ ﺑﻌﻴﻨﻲ ﺍﻧﻲ ﻣﺪﺭﻱ ﺷﻌﺪﻱ ﻭﻭﻛﻔﺖ ﺍﻧﺘﻈﺮ ﺍﺑﺎﻭﻋﻠﻪ ﻣﻦ ﻳﺤﺠﻲ ﻣﺪﺭﻱ ﺟﻴﻒ ﺩﻳﺒﺎﻭﻉ ﻋﻠﻴﻪ ﺑﺎﺗﻬﺎﻡ
ﻭﻛﻤﻞ ﺣﺠﻲ
ﻭﺿﻠﺖ ﺷﻬﺪ ﻭﺧﺎﻟﺘﻲ ﺑﺎﻟﺒﻴﺖ
ﺭﺍﺳﻦ ﻋﻤﺮ ﺑﺎﻭﻋﻠﻲ ﻭﻧﺼﻪ ﺑﻘﻴﺖ ﺍﺑﺎﻭﻉ ﺑﻮﺟﻬﻪ ﻭﻫﻮ ﻳﻼﻭﻉ ﺑﻮﺟﻬﻬﻲ ﻧﻀﺮﺍﺗﻪ ﻛﺎﻧﺖ ﺑﻌﺘﺐ ﻭﻳﺒﺎﻭﻉ ﻟﻄﻮﻟﻲ ﻭﺟﺴﻤﻲ ﻭﻳﺮﺟﻊ ﻟﻮﺟﻬﻲ ﻭﻳﺪﻙ ﺑﺤﺎﻓﻪ ﺍﻟﻘﻠﻢ ﺍﻟﻠﺒﻪ ﻋﺎﻟﻤﻴﺰ
ﻋﻤﺮ ﻛﺎﻝ
ﺍﺗﻲ ﺍﺗﺮﺧﺺ ﺑﻌﺪ ﺷﻮﻱ ﺧﻴﻜﻠﺐ ﻓﻠﻢ ﺗﺎﻳﺘﺎﻧﻚ
ﻧﺘﺮ ﺣﻴﺪﺭ ﻭﻫﻮ ﻳﺒﺎﻭﻋﻠﻲ
ﺍﻛﻌﺪﺩﺩ ﻋﺪﻧﺎ ﺷﻐﻞ ﻭﺑﻌﺪﻳﻦ . ﺍﺣﻨﺎ . ﺍﻟﺒﻴﻨﺎ ﺍﻧﺘﻬﻰ ﺑﺎﻗﻲ ﻋﻠﻰ ﺍﺟﺮﺍﺀﺍﺕ ﺍﻟﺮﺳﻤﻴﻪ ﻭﺍﻟﻮﺭﻗﻴﻪ . ﻳﻮﻡ ﺗﺨﻠﺺ
ﻭﻧﺼﻪ ﻋﻠﻰ ﺍﻭﺭﺍﻗﻪ
ﺍﻋﺼﺎﺑﻲ ﻓﺎﺭﺕ ﺑﺎﻭﻋﻠﻲ ﻋﻤﺮ ﻭﺑﺎﻭﻋﻠﻪ ﺑﻐﻀﺐ ﺑﺎﻭﻋﻠﻪ ﺣﻴﺪﺭ ﺑﻬﺪﻭﺀ ﻛﻠﻪ
ﺷﻜﻮ ﺷﺒﻴﻚ
ﻧﺼﻴﺖ ﺭﺍﺳﻲ ﻭﻃﻠﻌﺖ ﻣﺪﺍﺍﻛﺪﺭ ﺍﺗﻨﻔﺲ ﻃﺒﻴﺖ ﻟﻠﺤﻤﺎﻡ ﻭﺑﺠﻴﺖ ﻳﻠﻪ ﺍﺭﺗﺎﺣﻴﺖ ﺑﻘﻴﺖ ﻛﺎﻋﺪﻩ ﺑﺎﻟﺤﻤﺎﻡ ﺑﺘﻘﺮﻳﺐ ﺍﻟﻨﺺ ﺳﺎﻋﻪ ﺑﺲ ﺻﺎﻓﻨﻪ ﺍﺭﻳﺪ ﺍﺭﺗﺐ ﺍﻣﻮﺭﻱ ﻣﺪﺍﺍﻛﺪﺭ ﺷﺴﻮﻱ ﺍﻧﻨﻘﻞ ﻭﺍﺧﻠﺺ ﺍﺣﺴﻦ ﺷﻲ
ﻃﻠﻌﺖ ﻭﻏﺴﻠﺖ ﻭﺟﻬﻲ ﺍﻟﻤﻜﻴﺎﺝ ﻣﺴﺤﺘﻪ ﻛﻠﻪ ﻭﻃﻠﻌﺖ ﻟﻠﻤﻜﺘﺐ ﻭﺍﺟﻪ ﺍﻟﻐﺜﻴﺚ ﻭﻛﺎﻧﻤﺎ ﻧﺎﻗﺼﻪ ﺍﻟﻪ ﻫﺬﺍ ﻣﻨﻴﻦ ﻃﻠﻌﻠﻲ
ﺩﻙ ﻋﺎﻟﻤﻴﺰ
ﺭﻓﻌﺖ ﻋﻴﻨﻲ ﺑﺎﻭﻋﺘﻠﻪ
ﺗﻔﻀﻞ ﺩﺩﻛﺘﻮﺭ
ﺍﺑﺘﺴﻢ ﻫﻤﺲ
ﺷﺴﻢ ﻋﻄﺮﺝ
ﻣﺎﺍﻋﺮﻑ ﺟﺎﻭﺑﺖ ﺑﻬﺪﻭﺀ
ﻻﻻ ﺻﺪﻙ
ﻭﺍﻟﻠﻪ ﻣﺎﺍﻋﺮﻑ
ﺯﻳﻦ ﺍﺳﺘﺎﺫ ﺣﻴﺪﺭ ﻣﻮﺟﻮﺩ
ﺍﻱ
ﺍﻭﻙ ﻓﺎﻳﺘﻠﻪ ﺍﻧﻲ
ﺗﻔﻀﻞ
ﻃﺐ ﻟﻠﻤﻜﺘﺐ ﻭﻋﻴﻮﻧﻪ ﻋﻠﻴﻪ ﻣﺒﺘﺴﻢ ﻗﺒﻞ ﻟﻴﻔﻮﺕ ﻛﺎﻝ
ﻋﻴﻮﻧﺞ ﺑﻠﻪ ﻛﺤﻞ ﺍﺣﻠﻰ
ﻏﻤﻀﺖ ﻋﻴﻨﻲ ﻭﻏﻄﻴﺖ ﻭﺟﻬﻲ ﺑﻴﺪﻱ ﻭﺍﻟﻌﺒﺎﺱ ﻣﻨﺎﻗﺼﺘﻪ ﻛﻠﺖ ﺑﺪﺍﺧﻠﻲ ﻃﺐ ﻭﺳﺪ ﺍﻟﺒﺎﺏ ﺷﻮﻱ ﻭﺣﻴﺪﺭ ﺑﺎﻟﺠﻬﺎﺯ ﻛﺎﻝ
ﺻﻜﻮﻙ ﻣﺴﺘﺸﻔﻰ ﺍﻝ -- ﺣﺎﺿﺮﻩ
ﺍﻱ ﺍﺳﺘﺎﺫ ﺟﺎﻫﺰﻩ
ﺟﻴﺒﻴﻬﺎ ﻟﻠﻤﻜﺘﺐ
ﺣﺎﺿﺮ
ﻛﻤﺖ ﻟﻤﻴﺘﻬﻦ ﻭﻃﺒﻴﺖ ﻟﻠﻐﺮﻓﻪ ﺍﻓﺘﺮﻳﺖ ﻭﻭﻛﻔﺖ ﺑﺼﻔﻪ ﻳﻮﻗﻌﻬﺎ ﺑﺎﻭﻋﻠﻲ ﺻﻔﺢ ﻋﻠﻰ ﻃﻮﻟﻲ ﻭﻗﺮﺑﻲ ﻭﻧﺼﻪ ﻳﻮﻗﻪ ﺍﻟﺪكتوﺭ ﻛﺎﻋﺪ ﻭﺭﻩ ﺍﻟﻤﻴﺰ ﻛﺎﻝ
ﺍﺳﺘﺎﺫ ﺣﻴﺪﺭ ﻣﻦ ﺑﻌﺪ ﺍﺫﻧﻚ
ﺗﻔﻀﻞ ﺩﻛﺘﻮﺭ
ﺣﻀﺮﺗﺞ ﻣﺮﺗﺒﻄﻪ
ﺭﻓﻌﺖ ﻋﻴﻨﻲ ﺑﻌﻴﻨﻪ ﻭﺣﻴﺪﺭ ﺑﺎﻭﻋﻠﻪ ﺑﺎﻭﻋﺖ ﻟﻨﻀﺮﺗﻪ ﻓﺎﻙ ﻛﻞ ﻋﻴﻨﻪ ﻭﻋﺎﻛﺪ ﺣﺎﺟﺒﻪ
ﺟﺎﻭﺑﺖ ﻭﻫﺎﻱ ﻓﺮﺻﺘﻲ ﺑﺎﻭﻋﺖ ﺑﻌﻴﻨﻪ ﺑﺜﻘﻪ
ﻣﻨﻔﺼﻠﻪ
ﺟﺎﻭﺏ . ﻳﺒﺘﺴﻢ ﻭﻫﺰ ﺭﺍﺳﻪ
ﻏﺸﻴﻢ
ﻧﺼﻴﺖ ﺭﺍﺳﻲ ﺤﻴﺪﺭ ﻋﻠﻰ ﻧﻔﺲ ﺍﻟﻨﻀﺮﻩ ﺻﺎﻓﻦ ﻋﻠﻴﻪ ﺩﻳﻮﺭ ﺭﻛﺒﺘﻪ ﺑﻬﺪﻭﺀ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﺍﻧﻲ ﺍﺑﺎﻭﻉ ﻟﻼﻭﺭﺍﻕ ﺍﺑﺪ ﻣﺒﺎﻭﻋﺘﻠﻪ ﻭﻗﻊ ﺍﺑﺎﻭﻉ ﺍﻳﺪﻩ ﺗﺮﺟﻒ ﺗﻮﻗﻴﻌﻪ ﻣﻮ ﻣﺘﺰﻥ ﻛﻤﻠﻬﺎ ﻭﻧﻄﺎﻫﺎ ﺑﻴﺪﻩ ﻛﺎﻡ ﺍﻟﺪكتوﺭ ﻃﻠﻊ ﻭﻳﺒﺎﻭﻋﻠﻲ ﻣﺒﺘﺴﻢ
ﻃﻠﻌﺖ ﻭﺭﺍﻩ ﺭﺍﺳﻦ ﻭﺳﺪﻳﺖ ﺍﻟﺒﺎﺏ ﺛﻮﺍﻧﻲ ﻭﺍﻧﻔﺘﺤﺖ ﺍﻟﺒﺎﺏ ﺑﻌﺼﺒﻴﻪ
ﺗﻮﻧﻲ ﺍﻛﻌﺪ ﻭﺭﺟﻊ ﻓﺘﺢ ﺍﻟﺒﺎﺏ ﺑﺴﺮﻋﻪ ﻭﺍﺧﺬﻧﻲ ﻣﻦ ﺍﻳﺪﻱ ﺑﻘﻮﻩ ﺟﺮﻧﻲ ﻭﻓﻮﺗﻨﻲ ﻟﻠﻐﺮﻓﻪ ﻭﺳﺪﺍﻟﺒﺎﺏ ﻳﺮﻭﺡ ﻣﻨﺎ ﻭﻳﺠﻲ ﻣﻨﺎ ﺑﻐﻀﺐ ﻭﺍﻳﺪﻩ ﻭﺭﻩ ﺿﻬﺮﻩ ﻛﺎﺗﻔﻬﺎ ﻣﻨﺼﻲ ﻳﺘﻨﻔﺲ ﺑﺴﺮﻋﻪ ﺑﻠﻊ ﺭﻳﻚ ﺭﻓﻊ ﺭﺍﺳﻪ ﺑﺎﻭﻋﻠﻲ ﺑﺎﺗﻬﺎﻡ
ﺷﻨﻮ ﻗﻀﻴﺘﺞ ﺍﻧﺘﻲ
ﺷﻨﻮ ﻋﻜﺪﺕ ﺣﺎﺟﺒﻲ ﺭﺟﻌﺖ ﻟﻴﻮﺭﻩ ﻭﻛﺘﻔﺖ ﺍﻳﺪﻱ
ﺍﺣﺠﻲ ﺍﻟﻌﺪﺝ ﺍﺣﺠﻲ ﻛﺎﻝ ﺑﻨﺘﺮﻩ
ﻣﺎﻋﺪﻱ ﺣﺠﻲ

ﻋﻜﺪ ﺣﺎﺟﺒﻪ ﺷﻨﻮ ﻣﺘﻄﻠﻌﻴﻠﻲ ﻣﻦ ﺍﺟﻲ ﻗﺼﺪﺝ ﺣﺘﻰ ﻣﺎﺍﻃﺐ ﺑﻴﺘﺞ ﺑﻌﺪ ﺗﺮﻩ ﻣﻦ ﺣﻘﻲ ﻭﺍﺑﻨﻲ ﺗﺮﺩﻳﻦ ﺗﺤﺮﻣﻴﻨﻲ ﻣﻨﻪ ﺍﻧﺸﺎﺀ ﺍﻟﻠﻪ
ﺍﻧﻲ ﻣﺎﻧﻌﺘﻚ ﺑﺎﻭﻋﺘﻠﻪ ﻣﺘﻔﺎﺟﺎﻩ ﺑﺎﻭﻉ ﻟﻔﺘﺤﻪ ﺷﻔﺘﻲ ﻭﻟﻌﻴﻮﻧﻲ ﻭﺩﺍﺭ ﻭﺟﻬﻪ ﺍﻓﺘﺮ ﻭﺭﻩ ﺍﻟﻤﻴﺰ ﻭﻛﻌﺪ ﺑﻌﺼﺒﻴﻪ
ﻟﻴﺶ ﻣﻦ ﺍﺩﻙ ﻣﺘﺮﺩﻳﻦ ﺷﺎﻝ ﺍﻟﺘﻠﻔﻮﻥ ﻭﺫﺑﻪ ﻋﺎﻟﻤﻴﺰ
ﺻﺎﺡ
ﺷﻨﻮ ﺗﺴﺘﺼﻐﺮﻳﻨﻴﻴﻲ
ﻟﻴﺶ ﺻﺎﻳﺮ ﻋﺼﺒﻲ ﻟﺰﻣﺖ ﺍﻳﺪﻱ ﺑﺎﻳﺪﻱ ﺍﻟﻠﺦ ﺗﻮﺗﺮﺕ
ﻛﺎﻝ
ﻻﻻ ﺍﺭﻳﺪ ﺍﻓﻬﻢ ﺷﻨﻮﻣﻌﻨﺎﻫﺎ
ﺧﻠﻴﻨﻲ ﺑﺮﺍﺣﺘﻲ . ﺍﺍﺭﺩﺕ ﺍﺿﻞ ﺷﻮﻱ . ﻭحدﻱ
ﺍﻱ ﻣﺨﻠﻴﺞ ﻟﻌﺪ ﻗﺎﺑﻞ ﺷﻤﺴﻮﻱ ﻣﻤﻮﺕ ﻧﻔﺴﻲ ﺷﻔﺘﻴﻨﻲ ﻭﺑﻌﺪﻳﻦ ﺷﻨﻮﻭ ﺗﻜﻮﻟﻴﻠﻪ ﻣﻨﻔﺼﻠﻪ .
ﺍﻧﻲ ﻛﻠﺖ ﺍﻻﻧﺖ ﻛﻠﺘﻪ
ﺍﻧﺘﻲ ﺍﻟﺮﺩﺗﻲ ﻫﺎﻟﺸﻲ
ﺑﻠﻌﺖ ﺭﻳﻚ ﺍﺍﻧﺖ ﻋﺪﻙ ﺣﻴﺎﺗﻚ ﺑﻘﻴﺖ ﺍﺑﺎﻭﻉ ﺑﻌﻴﻨﻪ ﺟﺮ ﻧﻔﺲ ﻭﻏﻤﺾ
ﺷﻮﻥ ﺗﺤﺠﻴﻦ ﻫﻴﺞ ﻭﺍﻟﺸﺮﻛﻪ ﻛﻠﻬﺎ ﺗﺪﺭﻱ ﺑﻴﻨﺎ ﻣﺘﺰﻭﺟﻴﻦ ﻟﻴﺶ ﺗﺨﺮﺑﻄﻴﻦ ﺑﺎﻟﺤﺠﻲ
ﺟﺎﻥ ﻳﺤﺠﻲ ﻭﻏﺎﺩﻱ ﻧﺎﺭ ﺑﺲ ﻻﺯﻡ ﺍﻋﺼﺎﺑﻪ ﻣﻴﺮﻳﺪ ﻳﺼﻴﺢ ﻣﻨﺎ ﺍﻟﻤﻮﺿﻔﻴﻦ
ﺍﻭﻝ ﻭﺗﺎﻟﻲ ﻳﻌﺮﻓﻮﻥ ﺑﻴﻨﺎ ﺍﻧﻔﺼﻠﻨﺎ ﻣﻦ ﺗﺮجع ﻟﺰﻭﺟﺘﻚ ﻛﻠﺘﻬﺎ ﻭﻧﺼﻴﺖ ﺭﺍﺳﻲ ﻛﻠﺘﻬﺎ ﻭﺭﺩﺕ ﺍﻱ ﺭﻓﺾ ﻣﻨﻪ ﺍﻧﻪ ﻣﻴﺮﺟﻌﻠﻬﺎ ﺑﺲ ﻣﻠﻜﻴﺖ
ﻭﻣﺤﺠﻪ
ﻛﺎﻝ
ﺍﻧﺘﻲ ﺧﻠﻴﺘﻴﻨﻲ ﺑﻤﻮﻗﻒ ﺳﺨﻴﻴﻴﻒ ﺷﺤﺠﻲ ﺍﺫﺍ ﺳﺎﻟﻮﻧﻲ ﺍﻟﺴﺒﺐ
ﻣﺤﺪ ﻳﺴﺎﻝ ﻭﻣﺤﺪ ﻳﺘﺪﺧﻞ
ﻻ ﻳﺘﺪﺧﻠﻮﻥ ﺍﻟﻤﻮﺿﻔﻴﻦ ﺍﻟﻜﺒﺎﺭ ﻳﺘﺪﺧﻠﻮﻥ ﻭﺍﻧﻲ ﺍﻧﺤﺮﺝ
ﻭﺍﻟﻠﻪ ﺍﻧﻲ ﻣﺤﺪ ﻣﺘﺪﺧﻞ ﺑﺤﻴﺎﺗﻲ ﻗﺒﻞ
ﻧﺘﺮ
ﻣﺘﺮﻫﻢ ﺗﺪﺍﻭﻣﻴﻦ ﺑﻌﺪﺩ ﺍﺣﺴﻦ ﺷﻲ ﻧﺒﺘﻌﺪ . ﺍﻓﻀﻞ ﺣﻠﻠﻞ ﻭﺷﻤﺮ ﺳﺎﻋﺘﻪ ﻣﻦ ﺍﻳﺪﻩ ﻋﺎﻟﻤﻴﺰ ﻭﺍﻓﺘﺮ ﻋﺎﻟﻤﻴﺰ ﺩﻳﻜﻌﺪ
ﺑﻘﻴﺖ ﺻﺎﻓﻨﻪ ﻋﻠﻴﻪ ﻫﻤﺴﺖ
ﺍﻧﻘﻠﻨﻲ ﻻﻱ ﻣﻜﺎﻥ ﻭﻭﻣﺎ
ﻻ ﺍﻧﻘﻠﻠﻠﺞ ﻭﻻ ﺍﺑﺪ ﺍﻛﻌﺪﻱ ﻳﻢ ﺍﺑﻨﺞ ﺑﺎﻟﺒﻴﺖ ﺍﺣﺴﻦ ﻭﺭﺍﺗﺒﺞ ﻳﻮﺻﻠﻠﺞ
ﻳﺤﺠﻲ ﻭﻣﻨﺼﻲ ﻋﺎﻻﻭﺭﺍﻕ ﺑﻴﺪﻩ
ﻧﺘﺮﺕ
ﺍﻧﺖ ﻣﻮ ﻛﻴﻔﻚ ﺗﻤﺸﻴﻨﻲ ﺯﻳﻨﻨﻦ
ﺭﻓﻊ ﺭﺍﺳﻪ ﻟﻨﺘﺮﺗﻲ ﻭﻏﻀﺒﻲ ﺑﺎﻭﻉ ﺑﺒﺮﻭﺩ ﻣﻦ ﺟﻮﻩ ﻋﻴﻨﻪ ﻭﺭﺣﻌﺖ ﻛﻤﻠﺖ
ﺍﻧﺖ ﻣﻮ ﻣﺴﻮﻭﻝ ﻋﻨﻲ
ﺧﻠﻪ ﺍﺻﺒﻌﻪ ﺟﻮﻩ ﺧﺪﻩ
ﻣﻌﻠﻴﻚ ﻣﻨﻲ ﺑﺲ ﺍﻧﻔﺼﻞ ﻋﻨﻚ . ﺍﻧﻘﻠﻨﻲ ﻏﻴﺮ ﻣﻜﺎﻥ
ﻣﻮﺗﻮﺝ ﺗﻜﻮﻟﻴﻦ ﻣﻮﻣﺴﻮﻭﻝ ﻋﻨﺞ
ﺍﺍﻱ ﺍﻧﻘﻠﻨﻲ ﻟﻠﻔﺮﻉ ﺍﻟﺜﺎﻧﻲ
ﻫﻤﺲ ﻭﻳﺒﺎﻭﻉ ﻟﻄﻮﻟﻲ ﻭﺣﺮﻛﺎﺗﻲ ﻣﻦ ﺍﻋﺼﺐ
ﻛﺎﻝ،ﺑﻬﺪﻭﺀ
ﺑﺲ ﺷﺒﺎﺏ ﺍﻟﻔﺮﻉ ﺍﻟﺜﺎﻧﻲ
ﺍﻧﻲ ﺍﻋﺮﻑ ﺷﻮﻥ ﺍﺣﺎﻓﻆ ﻋﻠﻰ ﺭﻭﺣﻲ
ﻛﺎﻝ ﺑﺒﺮﻭﺩ
ﺍﻱ ﻭﺍﺿﺢ ﻭﺍﺑﺘﺴﻢ ﺷﻔﺘﺞ ﺷﻮﻥ ﺣﺎﻓﻀﺘﻲ ﻭﺭﻓﻊ ﻋﻴﻨﻪ ﺑﺎﻭﻋﻠﻲ
ﻓﺘﺤﺖ ﻋﻴﻨﻲ ﻛﻠﻬﺎ ﺍﺣﺲ ﺭﻭﺣﻲ ﺭﺍﺩﺕ ﺗﻄﻠﻊ ﺑﺎﻭﻋﻠﻲ ﻭﻧﺼﻪ ﻣﺮﺗﺒﻚ ﻋﺒﺎﻟﻚ ﻧﺪﻡ ﻣﻦ ﺣﺠﺎﻫﺎ ﺍﺭﻳﺪ ﺍﺳﺘﺠﻤﻊ ﻗﻮﺗﻲ . ﻣﺪﺍﺍﻛﺪﺭ ﻫﻤﺲ
ﺗﻔﻀﻠﻲ ﻃﻠﻌﻲ
ﻃﻠﻌﺖ ﺭﻛﺾ ﻭﺍﺧﺬﺕ ﺟﻨﻄﺘﻲ ﻭﺍﺭﺟﻒ ﺗﻮﻧﻲ ﺍﺧﻠﻲ ﺍﻟﻐﺮﺍﺽ ﺑﻴﻬﺎ ﺭﺟﻊ ﻓﺘﺢ ﺍﻟﺒﺎﺏ ﻫﻤﺲ
ﺗﻌﺎﻱ ﺍﺣﺎﺟﻴﺞ
ﻣﻜﺪﺭﺕ ﺍﺟﺎﻭﺑﻪ ﻣﻨﺼﻲ ﺍﻟﻢ ﺍﻟﻐﺮﺍﺽ ﺑﻌﺼﺒﻴﻪ ﻭﻭﻱ ﺭﻭﺣﻲ ﺍﻧﻲ --- ﺍﺫﺍ ﺑﻘﻴﺖ ﻫﻨﺎ
ﻏﺎﺩﻩ

ﻏﺎﺩﻩ
ﻟﺰﻡ ﻋﻜﺴﻲ ﺭﺩﻳﺖ ﺑﻘﻮﻩ ﻋﻠﻴﻪ ﻭﻣﻨﺼﻴﻪ
ﻟﺘﻠﺰﻣﻨﻴﻲ
ﺑﺲ ﺩﺍﺣﺎﺟﻴﺞ ﺗﻌﺎﻱ
ﻳﺤﺠﻲ ﻭﻳﺒﺎﻭﻉ ﻟﻠﺠﺎﻡ ﺍﻟﻌﺎﺯﻝ ﺧﺎﻑ ﺍﻟﻤﻮﺿﻔﻴﻦ ﻳﻨﺘﺒﻬﻮﻥ
ﻭﺍﻧﻲ ﻛﻤﺖ ﻣﺎﺩﻳﺮ ﺑﺎﻝ
ﻟﺰﻣﻨﻲ ﻗﻮﻱ ﻭﺟﺮﻧﻲ ﻭﺳﺪ ﺍﻟﺒﺎﺏ ﺍﺭﻳﺪ ﺍﺗﻨﻔﺲ ﻣﺪﺍﺍﻛﺪﺭ ﻧﺎﺭ ﻧﺎﺭ ﺑﻀﻠﻮﻋﻲ
ﻣﺎﺭﻳﺪ ﺍﺑﺎﻭﻉ ﺑﻮﺟﻬﻪ
ﻋﻮﻓﻨﻲ ﺩﺍﻭﻟﻲ ﻛﻠﺒﻪ ﺑﺖ ﻛﻠﺐ ﺍﺫﺍ ﺑﻘﻴﺖ
ﺣﺸﺎﺝ ﺑﺲ ﺧﻞ ﺍﻓﻬﻤﺞ
ﻫﻤﺲ ﻭﻳﺎﺷﺮ ﺑﻴﺪﻩ ﻋﻼﻣﻪ ﺻﺒﺮ ﻭﺍﻳﺪﻩ ﺍﻟﻠﺦ ﻻﺯﻡ ﺳﺎﻋﺪﻱ
ﺩﻓﻌﺘﻪ ﺑﻘﻮﻩ
ﻋﻮﻓﻨﻴﻴﻴﻲ ﺻﺮﺧﺖ
ﺧﻠﻪ ﺍﻳﺪﻩ ﻋﻠﻰ ﺣﻠﻜﻲ ﻭﻓﺘﺢ ﺍﻟﺒﺎﺏ ﻳﺒﺎﻭﻉ ﺧﺎﻑ ﺍﺣﺪ ﻳﻨﺘﺒﻪ ﻭﺳﻤﻊ ﻭﺭﺟﻊ ﺳﺪﻩ
ﺑﺎﻭﻋﻠﻲ . ﻳﻬﺪﻱ ﺑﻴﻪ ﻭﺍﻧﻲ ﺍﺭﺗﻌﺶ
ﻫﻤﺲ
ﺍﺳﻒ ﻣﻦ ﻛﻠﺒﻲ ﺍﺳﻒ ﺍﻋﺘﺬﺭ
ﺑﻘﻴﺖ ﺍﺭﺗﻌﺶ ﺑﺎﻭﻋﺘﻠﻪ ﻭﻋﻴﻮﻧﻲ ﻣﺪﻣﻌﻪ ﻣﻮ ﻣﺪﻣﻊ ﻧﺎﺭ ﺍﺣﺴﻪ
ﺣﻘﻚ ﻭﺍﻟﻠﻪ ﺣﻘﻚ ﺍﺍﻧﻲ ﻟﻮ ﻭﺣﺪﻩ ﻋﺪﻱ ﺷﺮﻑ
ﺷﺸﺶ ﻏﺎﺩﻩ ﺷﻨﻮﻫﺎﻟﺤﺠﻲ ﺍﺳﻒ ﺍﻧﻲ ﺍﻟﺠﺮﺑﺘﺞ ﻭﺍﻟﻠﻪ ﺍﻧﻲ ﻣﺨﻔﺖ ﺍﻟﻠﻪ ﺑﻴﺞ ﺑﺲ ﻣﻦ ﻧﺎﺭ ﻛﻠﺒﻲ ﺣﺠﻴﺖ ﻫﻴﺞ ﻣﺎﺩﺭﻱ ﺭﺩﺕ ﺍﻏﺜﺞ
ﻻﻻ ﻭﺍﻟﻠﻪ ﺷﺒﻴﻚ ﺍﻧﻲ ﻟﻮ ﻋﺪﻱ ﺷﺮﻑ ﻭﻏﻴﺮﻩ ﻋﻠﻰ ﺭﻭﺣﻲ ﻣﺎﺍﺗﻘﺒﻠﻬﺎ ﺍﻛﺘﻞ ﻧﻔﺴﻲ ﻭﻣﺎﺧﻠﻴﻚ ﺗﻄﺨﻨﻲ ﺑﺲ ﻣﺎﻋﺪﻱ ﺷﺮﻑ
ﺣﺠﻴﻬﺎ ﻭﺿﺮﺑﺖ ﻋﻠﻰ ﺻﺪﺭﻱ ﻭﺑﺠﻴﺖ ﺍﻧﻲ ﻣﺎﻋﺪﻱ ﺷﺮﻑ ﻭﻛﻌﺖ ﺷﺮﻑ ﺍﺧﻮﻳﻪ ﻭﺍﻫﻠﻲ
ﻻﻓﺪﻭﻩ ﻟﺘﻜﻮﻟﻴﻦ ﻫﻴﺞ ﻏﺎﺩﻩ ﺩﺍﺍﻛﻮﻟﺞ ﺍﻧﻲ ﺍﻟﺴﺒﺐ ﻏﺎﺩﻩ ﺩﺍﺍﻋﺘﺬﺭ
ﺍﻧﺼﻲ ﺍﺭﻳﺪ ﺍﺟﺮ ﺍﻟﻨﻔﺲ ﻭﻫﻮ ﻳﻨﺼﻲ ﻭﻳﺎﻳﻪ ﻭﻛﻔﺖ ﻋﺪﻟﺖ ﺭﻭﺣﻲ ﻭﻏﻤﻀﺖ ﺑﻬﺪﻭﺀ ﻟﺰﻣﺖ ﺍﻋﺼﺎﺑﻲ
ﺍﺭﻳﺪ ﺍﻃﻠﻊ ﺣﻴﺪﺭ ﺧﻞ ﺍﺭﻭﺡ ﻟﻠﺒﻴﺖ
ﺍﻱ ﺯﻳﻦ ﻫﺴﻪ ﺍﺭﻭﺡ ﻭﻳﺎﺝ ﺍﺷﻮﻑ ﻓﻬﺪ
ﻻ ﺍﻟﻠﻪ ﻳﺨﻠﻴﻚ ﻣﺎﺍﻛﺪﺭ ﺧﻞ ﺍﺭﻭﺡ ﻭﺣﺪﻱ
ﻏﺎﺩﻩ ﺍﻧﻲ ﺍﻧﻲ ﺍﺳﻒ ﻭﺍﻟﻠﻪ ﻣﻮﻗﺼﺪﻱ ﺍﺣﺠﻴﻬﺎ
ﺗﻠﻤﺲ ﺟﻴﻮﺏ ﺳﺘﺮﺗﻪ ﻭﻳﺒﺎﻭﻋﻠﻲ ﺑﺎﻭﻉ ﻟﻠﻤﻴﺰ ﺭﻛﺾ ﺍﺧﺬ ﻓﻮﻧﻪ ﻭﺍﻟﺴﻮﻳﺞ ﻭﺭﺟﻊ ﻛﺪﺍﻣﻲ ﻭﻛﻒ
ﻳﻠﻪ ﺍﻭﺻﻠﺞ
ﻻﻋﻔﻴﻪ ﺟﺮﻳﺖ ﻧﻔﺲ ﻣﺘﺮﻫﻢ ﺑﻌﺪ ﺑﻠﻌﺖ ﺭﻳﻚ ﻫﺎﻱ ﺍﺧﺮ ﻣﺮﻩ ﺗﺸﻮﻓﻨﻲ
ﻏﻤﺾ ﺟﺮ ﻧﻔﺲ
ﻫﻤﺲ
ﻣﻴﺨﺎﻟﻒ ﺑﺲ ﺍﻣﺸﻲ ﺍﻧﻲ ﺍﻭﺻﻠﺞ
ﺗﻌﺒﺖ ﻣﻦ ﺭﻭﺣﻲ ﻣﺸﻴﺖ ﺧﻄﻮﺗﻴﻦ ﻛﺜﺮﻩ ﺍﻟﻌﺼﺒﻴﻪ ﺍﻟﺼﺎﺭﺕ ﻋﺪﻱ ﻭﻛﺘﻤﺘﻬﺎ ﺍﻋﺼﺎﺑﻲ ﺭﺧﺖ ﺧﻄﻮﺗﻴﻦ ﻣﻜﺪﺭﺕ ﺭﻭﺣﻲ ﺗﺸﻴﻞ ﺟﺴﻤﻲ ﺑﻌﺪ ﻭﻛﻌﺪ ﺑﺎﻟﻜﻊ ﺑﺲ ﺻﺎﺣﻴﻪ . ﺭﻛﺾ ﻭﻭﻛﻔﻨﻲ ﻣﻦ ﻛﺘﻔﻲ ﻭﻳﺒﺎﻭﻉ ﺑﻌﻴﻨﻲ ﺩﻣﻌﺖ ﻋﻴﻮﻧﻪ
ﻭﻛﻌﺪﻧﻲ ﻋﺎﻟﻘﻨﻔﻪ ﻓﺎﻛﻪ ﻋﻴﻨﻲ ﺑﺲ
ﺫﺭﻩ ﺣﻴﻞ ﻣﺎﺑﻴﻪ
ﺍﺫﻳﺘﺞ
ﻏﻤﻀﺖ ﻗﻮﻱ
ﺍﺳﻒ ﺑﺪﺍﻋﻪ ﻓﻬﺪ ﺳﺎﻣﺤﻴﻨﻲ
ﻣﺎﻟﻮﻣﻚ
ﻛﻠﺘﻬﺎ ﻭﺩﺭﺕ ﻋﻴﻨﻲ ﻋﺎﻟﺴﻤﺎ . ﻣﺎﻟﻮﻣﻚ ﺍﻟﻮﻣﻪ ﺍﻟﻪ
ﺑﻠﻊ ﺭﻳﻚ ﻟﻜﻼﻣﻲ ﺍﻟﻬﺎﺩﻱﺀ
ﻟﻮﻣﺎﻋﺎﻳﻔﻨﻲ ﺟﺎﻥ ﻣﺼﺎﺭ ﺑﻴﻪ ﻫﻴﺞ
ﻏﻤﺾ ﻋﻴﻨﻪ ﻭﺩﺍﺭ ﻫﻪ ﺧﻠﻪ ﺍﻳﺪﻩ ﻋﻠﻰ ﻋﻴﻨﻪ ﻓﺮﻙ ﻭﺟﻬﻪ ﻭﻭﻭﻛﻒ
ﻛﻮﻣﻲ ﻭﻳﺎﻳﻪ
ﻣﺎﺍﻛﺪﺭ
ﺍﻧﻲ ﺍﺳﻨﺪﺝ
ﻣﻮﺿﻔﻴﻦ ﺑﺮﻩ ﺷﺘﺴﻨﺪ
ﺗﺤﺘﺮﻙ ﺍﻟﺪﻧﻴﺎ ﻛﻮﻣﻲ
ﻛﻮﻣﻨﻲ ﺑﻬﺪﻭﺀ ﻛﺪﺭﺕ ﺍﺗﻮﺍﺯﻥ ﺑﺎﻭﻋﻠﻲ ﻣﻦ ﺻﺎﺭ ﺑﺼﻔﻲ ﺑﺎﻟﻀﺒﻂ ﻭﻻﺯﻣﻨﻲ ﻣﻦ ﻛﺘﻔﻲ
ﺷﺪﻋﻮﻩ ﻫﻠﻜﺪ ﺿﻌﻔﺎﻧﻪ .
ﻏﻤﻀﺖ ﻋﻴﻨﻲ ﻭﻧﺼﻴﺖ ﺷﻠﺖ ﺟﻨﻄﺘﻲ ﻣﻦ ﺍﻟﻜﻊ ﻭﻟﺒﺴﺘﻬﺎ ﻓﻠﺘﺖ ﺍﻳﺪﻱ ﻣﻨﻪ ﻛﺎﻝ

ﻣﻨﻪ ﻛﺎﻝ
ﻣﺘﻮﺍﺯﻧﻪ ﻏﺎﺩﻩ
ﺍﻱ ﺍﻧﺸﺎﺀ ﺍﻟﻠﻪ
ﻫﺎ ﻧﺮﻭﺡ
ﻏﻤﻀﺖ ﻭﻫﺰﻳﺖ ﺭﺍﺳﻲ .
ﺑﻴﻪ ﺑﺠﻲ ﺑﻜﺪ ﺭﺣﻤﻪ ﺍﻟﻠﻪ
ﻭﺑﻴﻪ ﻋﺘﺎﺏ ﺑﺘﻌﺐ ﺣﺪ ﺷﻜﻪ ﺍﻟﺰﻳﺞ
ﺍﺣﺠﻲ ﻭﻱ ﺭﻭﺣﻲ ﻭﺍﻣﺸﻲ ﻭﻫﻮ ﻭﺭﺍﻳﻪ ﺍﻟﻤﻮﺿﻔﻴﻦ ﻋﻴﻮﻧﻬﻢ ﻭﺭﺍﻳﻪ ﻋﻠﻴﻪ ﻭﻋﻠﻴﻪ ﻳﻤﻜﻦ ﻳﻜﻮﻟﻮﻥ ﻫﺬﻭﻟﻪ ﺷﻜﺪ ﻣﺮﺗﺎﺣﻴﻦ . ﺻﻌﺪﺕ ﻟﻠﺴﻴﺎﺭﻩ ﻭﻃﻠﻊ ﻭﻋﻴﻮﻧﻪ ﺗﺘﺮﻗﺒﻨﻲ ﻭﺍﻧﻲ ﻋﻴﻮﻧﻲ ﻛﺒﻞ ﻛﻠﺸﻲ ﻳﺨﻨﻚ ﺩﻧﻴﺎ ﻭﺻﺨﻬﻬﻪ ﻭﺍﻟﻤﻴﺘﻮﺻﺦ . ﻳﻤﻮﺕ ﻭﺍﻟﻴﺘﻮﺻﺦ ﻛﺎﻟﻮ ﻋﻠﻴﻪ ﻗﺬﺭ
ﻟﻮ ﺑﻴﻬﺎ ﻟﻮ ﻋﻠﻴﻬﺎ
ﻛﺎﻝ
ﺍﻟﺒﻨﺎﺕ ﺑﺎﻟﺒﻴﺖ ﻟﻮ ﻋﺪ ﻋﻤﺎﻣﻬﻢ
ﻣﺠﺎﻭﺑﺖ ﻣﺪﺍﺍﻛﺪﺭ
ﻏﺎﺩﻩ
ﺑﺎﻭﻋﺘﻠﻪ ﻣﺎﺍﻋﺮﻑ ﺷﻮﻥ ﺻﺎﻳﺮﻩ ﻧﻀﺮﺗﻲ ﺍﻟﻠﻲ ﺑﺲ ﺑﺎﻭﻋﻠﻲ ﻧﺼﻪ ﺭﺍﺳﻪ ﻭﺑﺎﻭﻉ ﻟﻠﻄﺮﻳﻖ ﻳﺠﺮ ﺍﻟﻨﻔﺲ ﻛﻮﻩ
ﺑﻘﻴﺖ ﺍﺑﺎﻭﻋﻠﻪ
ﺣﻀﻲ ﺍﻟﺠﺎﺑﻨﻲ ﻋﻠﻴﻪ ﻟﻮ ﺟﺎﺑﻚ ﻋﻠﻴﻪ ﺍﺣﺠﻲ ﺑﺪﺍﺧﻠﻲ . ﻭﺍﺑﺎﻭﻉ ﻭﺟﻬﻪ ﻣﺰﻳﻦ ﻧﺎﻋﻢ ﺑﻌﺎﺩﺗﻪ ﺣﺘﻰ ﺷﺎﺭﺏ ﻣﻴﺨﻠﻲ . ﺗﺮﺗﻴﺐ ﺷﻌﺮﻩ ﻭﻧﻀﺎﺭﺗﻪ ﺍﻟﺸﻤﺴﻴﻪ ﻣﻼﻣﺢ ﺗﻀﻢ
ﻗﺴﺎﻭﻩ ﺍﻭ ﻳﻤﻜﻦ ﻭﺓﺗﻨﺎ ﺍﻟﻘﺎﺳﻲ ﺍﻱ ﻫﺬﺍ ﺍﻟﺘﻌﺒﻴﺮ ﻭﻛﺘﻨﺎ ﻗﺎﺳﻲ
ﻫﻤﺲ ﻭﻋﻴﻮﻧﺎ ﻋﺎﻟﻄﺮﻳﻖ
ﻟﺘﺒﺎﻭﻋﻴﻠﻲ ﻫﻴﺞ ﺩﺍﻣﻮﺕ
ﺍﻟﻤﻮﺕ ﻃﺒﻊ ﺍﻟﺒﺸﺮ ﺣﻴﺪﺭ
ﻗﺼﺪﺝ ﺍﻧﻲ ﻣﻮ ﺑﺸﺮ
ﻣﺠﺎﻭﺑﺖ ﻣﺒﻴﻪ ﺣﻴﻞ ﺍﺣﺠﻲ
ﻓﻌﻼ ﺻﺢ ﺍﻧﻲ ﺷﻴﻄﺎﻥ ﻭﻛﺪﺭﺕ ﻋﻠﻴﺞ .
ﺑﺎﻭﻋﻠﻲ ﺑﺎﻟﻢ ﻫﻤﺲ
ﻭﺍﺭﻳﺪ ﺍﻟﻠﻪ ﻳﻐﻔﺮﻟﻲ ﻭﺍﺧﻮﺝ
ﻣﺠﺎﻭﺑﺖ ﺑﻌﺪ ﺍﺣﺴﺎﺱ ﺍﻟﺸﻔﻘﻪ ﺍﻛﺮﻫﻪ
ﻭﺻﻠﻨﺎ ﻭﻭﻛﻒ ﺍﻟﺴﻴﺎﺭﻩ ﺩﺍﺍﻧﺰﻝ ﻟﺰﻡ ﺍﻳﺪﻱ
ﻏﺎﺩﻩ ﺍﻧﻲ ﺍﻋﺘﺬﺭ
ﻓﻠﺘﺘﻬﺎ ﺑﻬﺪﻭﺀ ﺟﺎﻭﺑﺖ
ﻣﺎﺩﺍﻭﻡ ﺑﻌﺪ ﺍﺫﺍ ﻋﺪﻙ ﺿﻤﻴﺮ ﺍﻧﻘﻠﻨﻲ
ﺟﺮ ﻧﻔﺲ ﻭﺩﺍﺭ ﻭﺟﻬﻪ ﻭﻧﺰﻝ ﻭﻗﻔﻞ ﺍﻟﺴﻴﺎﺭﻩ
ﻃﺒﻴﺖ ﻭﻃﻠﻌﺖ ﺭﻧﺪ ﺑﺎﻟﺤﺪﻳﻘﻪ ﻭﻛﻔﺖ ﺑﻄﺒﺘﻨﺎ ﺗﺒﺎﻭﻋﻠﻨﺎ ﺗﺒﺘﺴﻢ ﺑﻔﺮﺡ ﻭﺑﻴﺪﻫﺎ ﻓﻬﺪ ﺗﻘﺪﻣﺖ ﻋﻠﻴﻪ ﻣﻦ ﺷﻬﻚ ﻳﺮﻳﺪﻧﻲ ﺣﻀﻨﺘﻪ ﻭﺍﺑﻮﺱ ﺑﻴﻪ ﻭﺭﻧﺪ ﺭﺍﺣﺖ ﻋﻠﻰ ﺣﻴﺪﺭ ﺑﺎﺳﻬﺎ ﻣﻦ ﺭﺍﺳﻬﺎ ﻣﺪﺭﻱ ﺷﺘﺒﺸﺒﺶ ﻭﻳﺎﻫﺎ
ﻭﺍﺟﻪ ﻋﻠﻰ ﻓﻬﺪ ﺍﻟﻠﻲ ﻣﻮﺕ ﺭﻭﺣﻪ ﻋﻠﻴﻪ ﻋﻔﺘﻬﻢ ﻭﻓﺘﺖ ﺟﻮﻩ ﺗﻤﺪﺩﺕ ﺑﻌﺪﻫﺎ ﺩﻛﺎﺕ ﻛﻠﺒﻲ ﻣﺨﺮﺑﻄﻪ ﻭﺍﻟﺤﺠﺎﺑﻪ ﺗﻮﻥ ﺑﺮﺍﺳﻲ
ﻭﺍﺿﺢ ﺷﻮﻥ ﺣﺎﻓﻀﺘﻲ ﻋﻠﻰ ﺭﻭﺣﺞ
ﺍﺳﺘﺮﺟﻌﻬﺎ ﻭﺍﺿﺮﺏ ﻋﻠﻰ ﺭﺟﻠﻲ ﻣﻐﻤﻀﻪ ﻛﺸﺖ ﺭﻭﺣﻲ ﻣﻦ ﻛﻞ ﺍﺣﺴﺎﺱ ﺣﺴﻴﺖ ﺑﻲ
ﻫﻲ ﻛﻠﻤﻪ ﺗﺤﻴﻲ ﻭﺗﻤﻮﺕ
ﺑﺪﻟﺖ ﻭﺗﻤﺪﺩﺕ ﻭﻃﻔﻴﺖ ﺍﻟﻀﻮﻩ
ﻃﺒﺖ ﺭﻧﺪ ﺷﺎﻭﺭﺗﻨﻲ
ﻣﺎﻣﺎ ﺍﺻﺐ
ﺻﺒﻲ ﻣﺎﻣﺎ ﺍﻧﻲ ﺷﺒﻌﺎﻧﻪ
ﺍﻭﻙ ﻋﻤﻮ ﺣﻴﺒﻘﻰ ﻋﺪﻧﺎ
ﻛﻴﻔﻪ ﻳﻤﻪ
ﻏﻄﻴﺖ ﺭﺍﺳﻲ ﻭﻧﻤﺖ ﺣﺴﻴﺖ ﺍﻟﺒﺎﺏ ﺍﻧﺪﻛﺖ ﻭﺭﻧﺪ ﻛﻠﺘﻠﻪ
ﻧﺎﻳﻤﻪ

ﻛﻠﻬﺎ ﺑﺲ ﺍﺣﺎﺟﻴﻬﺎ
ﻋﺮﻓﺖ ﺑﻲ ﻓﺎﺕ ﻣﻦ ﻋﻄﺮﻩ ﺳﺪ ﺍﻟﺒﺎﺏ ﻭﺭﺍﻩ ﺑﻘﻴﺖ ﻣﻐﻤﻀﻪ ﺗﻘﺮﺏ ﻭﻛﻌﺪ ﻳﻢ ﺭﺟﻠﻲ ﻛﺎﻝ
ﺍﺩﺭﻱ ﺑﻴﺞ ﻛﺎﻋﺪﻩ
ﻭﺍﺫﺍ ﻧﺎﻳﻤﻪ ﺍﻋﺮﻑ ﺑﻨﻮﻣﺘﺞ ﺷﻜﺪ ﺧﻔﻴﻔﻪ . ﻏﺎﺩﻩ . ﺍﺫﺍ ﺍﻛﻮ . ﺷﻲ ﺳﻮﻳﺘﻪ ﺑﺤﻴﺎﺗﻲ ﻭﻧﺪﻣﺎﻥ ﻋﻠﻴﻪ ﻓﻬﻮ ﺍﺫﻳﺘﻲ ﺍﻟﺞ ﺑﺲ ﻣﺎﺍﻋﺮﻑ ﺷﺼﺎﺭ ﺑﻴﻪ ﺍﻟﻴﻮﻡ ﻣﺎﺩﺭﻱ ﺷﻬﺎﻻﺣﺴﺎﺱ ﺍﻟﺤﺎﺭ ﺍﻟﺤﺴﻴﺘﻪ
ﺑﻘﻴﺖ ﻣﻐﻤﻀﻪ
ﻛﻤﻞ ﺣﺠﻲ
ﻭﺍﺭﺟﻊ ﺍﻋﺘﺬﺭ ﻣﻨﺞ ﺍﻧﻲ ﺍﺳﻒ ﻭﺍﺗﻤﻨﻰ ﺗﺴﺎﻣﺤﻴﻨﻲ . ﺩﻭﺍﻣﺞ ﺗﻀﻠﻴﻦ ﺑﻲ ﺍﻧﻲ ﺍﻃﻠﻊ ﻭﺍﻧﺘﻲ ﻣﺘﻄﻠﻌﻴﻦ . ﻭﺧﻠﻴﻬﺎ ﺑﺒﺎﻟﺞ ﺷﺘﺮﻳﺪﻥ ﺣﺎﺿﺮ ﺑﺲ ﺍﻧﺘﻲ ﺍﺭﺿﻲ ﻭﺧﻞ ﺍﻟﺪﻧﻴﺎ ﺗﺤﺘﺮﻙ
ﺣﺠﺎﻫﺎ ﻭﻏﻄﺎﻧﻲ ﺯﻳﻦ ﻭﺧﻠﻪ ﺍﻳﺪﻩ ﻋﻠﻰ ﻛﺘﻔﻲ ﺟﻨﺖ ﻣﻐﻄﻴﻪ ﺣﺘﻰ ﺭﺍﺳﻲ
ﻛﻤﻞ ﻛﻼﻡ ﻭﻃﻠﻊ
ﻟﻠﻌﺼﺮ ﺣﺴﻴﺖ ﻓﻬﺪ ﺑﺤﻀﻲ ﻭﺭﻧﺪ ﺗﺨﻠﻲ ﻋﻠﻰ ﺣﻠﻴﺒﻲ ﺣﺘﻰ ﻳﺮﺿﻊ
ﻫﺎ ﻣﺎﻣﺎ ﺷﺒﻲ
ﻣﺎﻣﺎ ﺧﻄﻴﻪ ﻣﺸﺮﺏ ﺣﻠﻴﺒﺞ ﺍﻟﻴﻮﻡ ﺍﺑﺪ ﻻﺏ ﻋﻠﻴﺞ
ﺳﻮﺩﻩ ﻋﻠﻴﻪ
ﺭﺿﻌﺘﻪ ﺍﺧﺬﻩ ﺑﻠﻬﻔﻪ ﻭﻳﺸﻜﻲ ﻏﻔﻪ ﺑﻴﺪﻱ ﻭﻛﻤﺖ ﻃﻠﻌﺖ ﺻﺒﺘﻠﻲ ﺳﻨﺪ ﺭﺍﺳﻦ ﺟﺎﻧﺖ ﻣﺘﻌﺎﺭﻛﻪ ﻭﻱ ﺍﺧﺘﻬﺎ ﻣﺘﺤﺠﻲ ﻭﻳﺎﻫﺎ ﻣﺪﺭﻱ ﺷﺒﻴﻬﻢ ﻭﺍﻣﻲ ﺻﺎﻓﻨﻪ ﻋﻠﻴﻪ
ﻛﻤﻠﺖ ﻏﺪﻩ ﻭﻛﻤﺖ ﺍﺻﻠﻲ ﻛﻤﻠﺖ ﻭﺟﻴﺖ ﻳﻤﻬﻢ
ﺍﺭﻳﺪ ﺍﺑﺮﺭ ﻟﺮﻭﺣﻲ ﻋﻠﻤﻮﺩﻫﻢ ﺍﻧﻲ ﺩﺧﻠﺖ ﻫﺎﻟﻄﺮﻳﻖ ﻟﺨﺎﻃﺮﻫﻢ
ﺭﻧﺪ ﻛﺎﻟﺖ
ﻣﺎﻣﺎ ﺍﻟﻴﻮﻡ ﻋﺎﺯﻣﻴﺞ ﺍﻧﻲ ﻭﻫﺎﻱ ﺍﻟﻤﺎﺭﻳﺪ ﺍﻛﻮﻝ ﺍﺳﻤﻬﺎ
ﻭﻳﻦ ﻋﺎﺯﻣﻴﻨﻲ
ﻣﻄﻌﻢ ﺣﻠﻮ ﻭﺩﺍﻧﺎ ﺑﻲ ﻋﻤﻮ ﻣﺤﻤﺪ ﻭﻱ ﺑﻴﺖ ﺑﻴﺒﻲ
ﻻ ﻣﺎﻣﺎ ﻣﺎﺭﻳﺪ
ﺍﺯﻋﻞ ﻋﻠﻴﺞ ﻭﺍﻟﻠﻪ ﺗﺮﺩﻳﻨﻲ
ﻣﺎﻣﺎ ﻟﺘﻀﻠﻴﻦ ﺗﺼﺮﻓﻴﻦ ﻗﺒﻞ ﺳﺒﻮﻉ ﻛﻮﻣﻪ ﺻﺮﻓﻨﺎ
ﻻﻻ ﻣﻮﻫﻮﺍﻱ ﻫﺎ ﻟﺘﺮﺩﻳﻨﻲ ﻓﺪﻭﻩ
ﻭﻓﻬﺪ ﻭﻳﻦ ﺍﻭﺩﻱ
ﻧﺎﺧﺬﻩ ﻭﻳﺎﻧﺎ ﺣﺘﻰ ﺑﻴﺒﻲ ﺗﺠﻲ ﻭﺧﺎﻟﻪ ﻓﻮﺯ
ﺗﺼﻴﺮ ﻫﻮﺍﻱ
ﺑﺲ ﻫﺎﻟﻤﺮﻩ ﻋﻠﻰ ﺭﻭﺡ ﺧﺎﻟﻮ ﻓﻬﺪ ﺑﺎﺟﺮ ﺳﻨﻮﻳﺘﻪ
ﺟﺮﻳﺖ ﻧﻔﺲ ﻣﺎﺷﻲ ﺍﻭﻙ
ﺷﻮﻛﺖ
ﺑﻠﻴﻞ ﻓﺪ ﺏ٨
ﺧﻮﺵ ﺯﻳﻦ ﻛﻤﺖ ﺳﺒﺤﺖ ﻓﻬﺪ ﻭﻃﻠﻌﺖ ﺳﻨﺪ ﻫﺪﻭﻡ ﺍﻟﻪ ﻗﺎﻁ ﺻﻴﻔﻲ ﺟﺎﺑﺘﻪ ﺍﻟﻪ ﺍﻟﺤﺠﻴﻪ ﻣﻦ ﻟﺒﻨﺎﻥ ﻳﺼﻴﺮ ﺑﻲ ﺷﻴﺎﻻﺕ
ﻭﻫﻤﻪ ﻟﺒﺴﻮ ﻭﺍﻧﻲ ﺗﺤﻀﺮﺕ ﺗﻘﺮﺑﺖ ﻣﻨﻲ ﺭﻧﺪ ﺗﻤﻜﻴﺠﻨﻲ ﻋﻔﺘﻬﺎ ﺧﻠﻴﻬﺎ ﺗﺤﺲ ﺑﺎﻧﻬﺎ ﺟﺒﻴﺮﻩ . ﺍﻋﺮﻑ ﺗﻌﺸﻖ ﻫﺎﻻﺣﺴﺎﺱ ﻣﻜﻴﺠﺘﻨﻲ ﺑﻬﺪﻭﺀ ﻛﻠﺶ ﺣﻠﻮ ﻭﻟﺒﺴﺖ ﺍﻟﺜﻮﺏ ﺍﻟﺜﺎﻧﻲ ﺍﻻﺧﺬﺗﻪ ﻟﻠﺪﻭﺍﻡ ﻛﺎﻥ ﻓﻮﺍﺗﺢ ﺍﺧﺘﻴﺎﺭ ﺳﻨﺪ
ﻭﺟﺘﻲ ﻓﻮﺯ ﻛﺎﺷﺨﻪ ﺑﺲ ﻭﺟﻬﻪ ﺗﻌﺒﺎﻥ
ﺷﻮﻧﺞ ﻳﻮﻟﻮ
ﺯﻳﻨﻪ ﻋﻠﻰ ﺍﻟﻠﻪ ﺑﺲ ﺍﺣﺴﻦ ﺍﺫﺍ ﻳﺸﻴﻠﻨﻲ ﻭﺍﺧﻠﺺ
ﺍﺳﺘﻐﻔﺮ ﺍﻟﻠﻪ ﺩﻣﺸﻲ ﻳﻠﻪ
ﻃﻠﻌﺖ ﺍﻧﻲ ﻫﻢ ﺑﺎﻟﻌﺒﺎﻳﻪ ﻛﺎﻧﺖ ﻛﻠﺶ ﻓﺮﺣﺎﻧﻪ ﺍﺧﺬﻧﺎ ﺗﻜﺴﻲ ﻛﺎﻟﺖ ﺳﻨﺪ
ﺍﻟﻌﺎﻡ ﻋﻤﻮ ﺣﻴﺪﺭ ﺳﻮﻩ ﻋﺰﻳﻤﻪ ﻫﻴﺞ ﻭﻛﺖ ﺗﺘﺬﻛﺮﻭﻥ ﻣﻦ ﺟﻮﻱ ﺑﻴﺖ ﺟﺪﻭ ﻭﺭﻩ ﺍﻟﻌﺮﻛﻪ
ﺍﻱ ﻣﺎﻣﺎ ﺍﺗﺬﻛﺮ

ﺍﻱ ﻣﺎﻣﺎ ﺍﺗﺬﻛﺮ
ﻏﻤﻀﺖ ﻭﺍﻧﻲ ﺍﺗﺬﻛﺮ ﻛﻼﻣﻪ . ﺷﻜﺪ ﺗﺎﺫﻳﺖ ﻃﺒﻴﻨﺎ ﺍﻟﻤﻄﻌﻢ ﻛﺎﻥ ﻋﺎﻟﺸﻂ ﻭﻓﻌﻼ ﺣﻠﻮ ﻓﻬﺪ ﻓﺮﺡ ﺑﺎﻟﺨﻀﺎﺭ ﻭﺍﻟﻤﻼﻋﻴﺐ ﻭﺍﻻﺿﻮﻳﻪ ﺍﻟﻤﻠﻮﻧﻪ
ﺑﻘﻪ ﻳﺘﻔﺮﺝ ﻭﻫﻮﺑﺎﻟﻌﺮﺑﺎﻧﻪ
ﻛﻌﺪﻧﺎ ﺗﻘﺮﻳﺐ ﺍﻟﺮﺑﻊ ﺳﺎﻋﻪ
ﻭﺟﺘﻲ ﺍﻟﺤﺠﻴﻪ ﺍﻡ ﺣﻴﺪﺭ ﻭﻛﻔﺖ ﻣﺘﻔﺎﺟﺎﻩ ﺑاﺳﺘﻨﻲ ﻭﺷﺎﻟﺖ ﻓﻬد ﻭﺗﺸﻢ ﺑﻲ ﺑﻘﻴﺖ ﺻﺎﻓﻨﻪ ﺑﺎﻭﻋﺖ ﻟﺮﻧﺪ
ﻫﺎﻱ ﺷﺠﺎﺑﻬﺎ
ﺟﻨﺖ ﻛﻠﻤﺎ ﺍﺗﻠﻔﺖ ﻋﻴﻮﻥ ﺍﻟﺮﺟﺎﻝ ﻣﻦ ﺍﻟﻤﻮﺟﻮﺩﻳﻦ ﺑﺎﻟﻤﻄﻌﻢ ﺗﻠﺤﻜﻨﻲ ﺑﺲ ﺍﻟﻤﺸﻜﻠﻪ ﺑﻴﻪ ﺟﻨﺖ ﺍﻧﺘﻔﺾ ﻣﻦ ﻛﻞ ﻧﻀﺮﻩ ﻻﻥ ﻛﺮﻫﺖ ﻛﻮﻧﻲ ﺍﻧﺜﻰ
ﻭﺑﻌﺪﻧﻲ ﺍﺳﺘﻐﺮﺏ ﺟﻴﻪ ﺍﻟﺤﺠﻴﻪ ﺑﺎﻭﻋﺖ ﻟﺮﻧﺪ
ﻣﻨﻮ ﻛﻠﻬﺎ ﺍﻧﺘﻲ
ﺍﺷﺮﺗﻠﻲ ﺗﻀﺤﻚ ﻭﺭﺍﻳﻪ . ﺍﻟﺘﻔﺘﺖ ﺣﻴﺪﺭ ﻭﺑﻴﺪﻩ ﻭﺭﺩﻩ ﻳﺒﺘﺴﻢ
ﻏﻤﻀﺖ ﻋﻴﻨﻲ
ﺍﺗﻤﻨﻰ ﺍﻟﺒﻌﺪ ﺣﻴﺪﺭ . ﻫﺎﻟﻮﻛﺖ ﺑﺎﻟﺬﺍﺕ ﺍﺭﻳﺪﻙ ﺗﺒﺘﻌﺪ ﺍﺭﻳﺪ ﺍﺭﺗﺎﺡ ﺍﻟﻴﻮﻡ
ﻛﻌﺪ ﺑﻌﺪﻣﺎ ﺳﻠﻢ ﻋﺎﻟﻜﻞ ﻭﺍﻧﻲ ﻣﻨﺼﻴﻪ ﻋﺮﻓﺖ ﺭﻧﺪ ﻛﺎﻳﻠﺘﻠﻪ ﺍﻭ ﻫﻮ ﻛﺎﻟﻠﻬﺎ ﺍﻟﺼﺎﺭ ﺑﻴﻪ ﺍﻧﻪ ﻣﺎﺭﻳﺪ ﺍﺗﻌﺐ ﺗﻔﻜﻴﺮﻱ ﻻﻥ ﻣﺪﺍﺍﻛﺪﺭ ﺑﻌﺪ
ﻃﻠﺒﻨﺎ ﺍﻟﻌﺸﺎ ﺟﺎﻥ ﻛﺎﻋﺪ ﻛﺪﺍﻣﻲ ﻳﺒﺘﺴﻢ ﻟﻔﻬد ﻭﻳﺒﺎﻭﻋﻠﻲ ﻭﻳﺤﺠﻲ ﻭﻳﺴﻮﻟﻒ ﻣﻨﻄﻠﻖ ﻭﻋﻴﻮﻧﻪ ﻣﺤﺎﻭﻃﻪ ﻋﻴﻮﻧﻲ
ﺍﻣﺎ ﺍﻧﻲ
ﻓﻨﺴﻴﺖ ﺷﻮﻥ ﻳﻜﻮﻥ ﺍﻟﻜﻼﻡ
ﻣﺎﺑﻴﻪ ﺣﻴﻞ ﺍﺑﺪ
ﺳﺎﻛﺘﻪ ﻭﺍﻧﺘﻀﺮ ﺍﻟﻜﻌﺪﻩ ﺗﺨﻠﺺ .
ﻛﻤﻠﻨﺎ ﻋﺸﺎ ﻭﺍﻟﺤﺠﻴﻪ ﻣﻔﺎﺭﻛﺖ ﻓﻬﺪ ﺍﺑﺪ ﻓﺮﻍ ﺍﻟﻤﻴﺰ ﻭﺳﻨﺪ ﺷﺎﻭﺭﺕ ﺣﻴﺪﺭ ﺗﻔﺎﺟﺎﺕ ﺷﺒﻴﻬﺎ ﻫﺎﻱ ﻫﻮ ﺍﺑﺘﺴﻢ
ﺑﺎﻭﻋﻠﻲ ﻭﻣﺪ ﺍﻳﺪﻩ ﺑﺠﻴﺒﻪ ﻛﻤﺰﺕ ﺭﻧﺪ ﺗﺼﻮﺭ ﺑﻔﻮﻧﻬﺎ
ﺷﺒﻴﻜﻢ ﺑﺎﻭﻋﺖ ﻟﺮﻧﺪﻭ
ﺑﺎﻭﻋﺖ ﻟﺤﻴﺪﺭ ﻃﻠﻊ ﻋﻠﺒﻪ ﻣﻦ ﺟﻴﺒﻪ ﺳﻮﺩﻩ ﻭﻓﺘﺤﻬﺎ ﻭﻗﺪﻣﻬﺎ ﺑﺎﺗﺠﺎﻫﻲ
ﺑﺎﻭﻋﺖ ﻋﻠﻴﻬﺎ ﺣﻠﻘﺎﺕ ٢ ﻓﻀﻪ ﻭﺫﻫﺐ ﻭﺍﻟﺬﻫﺐ ﻛﻠﻴﺎﻧﻪ ﺷﺬﺭ ﺑﻘﻴﺖ ﺍﺑﺎﻭﻋﻠﻬﺎ ﻭﺍﺑﺎﻭﻋﻠﻪ ﺍﺑﺘﺴﻢ ﺑﺘﻮﺳﻞ ﻣﻴﻞ ﺭﻛﺒﺘﻪ ﺳﺎﻛﺖ
ﺍﻟﺤﺠﻴﻪ ﻭﺍﻣﻲ ﻭﻓﻮﺯ ﻭﺍﻟﺒﻨﺎﺕ ﻳﺒﺘﺴﻤﻮﻥ ﺭﻧﺪ ﻛﺎﻟﺖ
ﻟﺒﺴﻬﺎ ﻋﻤﻮ
ﻛﺎﻝ ﺑﻬﺪﻭﺀ ﻭﺑﺎﻭﻋﻠﻲ
ﺍﻭﻝ ﺧﻞ ﺗﺮﺿﻰ
ﺑﻘﻴﺖ ﺍﺑﺎﻭﻋﻠﻪ ﺑﻌﺘﺐ ﻏﻤﻀﺖ ﻛﺘﻠﻪ ﻟﻴﺶ ﺍﻟﻴﻮﻡ
ﻧﺼﻪ ﺭﺍﺳﻪ ﻫﻤﺲ ﻭﻗﺮﺏ ﺭﻭﺣﻪ
ﻣﻤﻜﻦ ﺍﺣﺎﺟﻴﺞ ﻭﺣﺪﻧﺎ
ﺍﻭﻙ ﻛﻤﺖ ﻭﻫﻮ ﻛﺎﻡ ﺟﺮ ﻧﻔﺲ ﻭﺍﺑﺘﻌﺪﻧﺎ ﻋﺎﻟﺸﻂ ﻧﺘﻤﺸﻰ ﻭﺑﺪﻳﻨﺎ ﻛﻼﻡ
ﻛﺎﻝ
ﻣﻮ ﺳﺎﻟﻔﻪ ﺍﻟﻴﻮﻡ ﻭﺑﺎﺟﺮ ﺍﻧﻲ ﻣﺎﺭﻳﺪ ﺍﻃﻠﻚ ﻭﺍﺭﻳﺪ ﺍﺑﻨﻨﺎ ﻳﺮﺑﻲ ﺑﻴﻨﻨﺎ ﻭﺍﺫﺍ ﺗﻘﺒﻠﻮﻧﻲ ﻋﺪﻛﻢ ﺍﺗﻤﻨﻰ ﺍﻋﻴﺶ
ﻟﻴﺶ ﺍﻟﻴﻮﻡ ﺣﻴﺪﺭ ﺟﺒﺖ ﺍﻟﺤﻠﻘﺎﺕ
ﺑﺎﻭﻋﺘﻠﻪ ﺑﻌﺘﺐ
ﻛﺎﻝ ﻭﻋﻴﻮﻧﻪ ﻋﺎﻟﺸﻂ
ﻻﻥ . ﺍﺣﺘﺮﻙ ﻛﻠﺒﻲ ﻣﻦ ﻛﺎﻝ ﻣﺘﺰﻭﺟﻪ ﻭﻛﺘﻴﻠﻪ ﻣﻨﻔﺼﻠﻪ، ﺍﻟﺤﻠﻘﺎﺕ ﺣﺘﻰ ﻣﺤﺪ ﻳﺒﺎﻭﻋﻠﺞ ﺣﺘﻰ ﺗﺜﺒﺖ ﺍﻧﺞ ﻭﺑﻘﻪ ﻳﺒﺎﻭﻉ ﺑﻌﻴﻨﻲ ﺍﻧﺞ ﺭﺍﺟﻌﻪ ﻟﺮﺟﻞ
ﺑﻠﻌﺖ ﺭﻳﻚ ﺗﺮﺭﺩﺕ ﺍﺳﺎﻝ . ﺑﺲ ﺳﺎﻟﺖ
ﻭﺷﻬﺪ
ﺍﻟﺘﻔﺖ ﻣﺘﻔﺎﺟﺎ ﺑﺎﻭﻉ ﻟﺸﻔﺘﻲ ﻭﺑﺎﻭﻉ ﺑﻌﻴﻨﻲ
ﺷﻬﺪ ﺷﻨﻮ ﻣﻮﻗﻌﻬﺎ
ﺷﻨﻮ ﻣﻮﻗﻌﻬﺎ ﻗﺼﺪﺝ
ﻳﻌﻨﻲ ﺷﻨﻮ ﺗﺒﻘﻰ ﻭﻳﺎﻙ
ﺑﻘﻪ ﺳﺎﻛﺖ ﻋﺎﻛﺪ ﺣﺎﺟﺒﻪ
ﺍﻟﺸﺮﻉ ﺣﻠﻠﻚ ﺍﺭﺑﻌﻪ ﻣﻮ
ﺷﺪﺗﺤﺠﻴﻦ ﺍﻧﺘﻲ
ﺷﻨﻮ ﺷﺪﺍﺍﺣﺠﻲ ﺷﻬﺪ ﺗﺮﺟﻌﻠﻬﺎ
ﻻ ﻃﺒﻌﺎ
ﻛﺎﻟﻬﺎ ﻣﺴﺘﻐﺮﺏ ﺣﻴﻞ
ﻭﺗﻠﻔﻮﻧﺎﺗﻚ ﺷﻨﻮ
ﺟﺮ ﻧﻔﺲ ﻏﺎﺩﻩ ﺍﺳﺎﻟﺞ ﺳﻮﺍﻝ ﺟﺎﻭﺑﻴﻨﻲ ﺑﺲ ﺑﺼﺮﺍﺣﻪ
ﺍﻭﻙ
ﺗﻘﺒﻠﻴﻨﻲ ﺑﺤﻴﺎﺗﺞ ﻟﻮﻻ
ﻓﻜﻴﺖ ﻋﻴﻨﻲ ﻓﺎﻫﻤﻪ ﻗﺼﺪﻩ ﺑﺎﻭﻋﻠﻲ ﻭﻧﺼﻪ . ﺭﺍﺳﻪ ﻭﺭﺟﻊ ﺭﻓﻌﻪ
ﺍﺣﺠﻲ ﺑﺎﻟﺤﺎﻟﺘﻴﻦ ﺍﻧﻲ ﻭﻳﺎﺝ
ﺑﻘﻴﺖ ﺍﺑﺎﻭﻋﻠﻪ
ﻟﺰﻡ ﺍﻳﺪﻱ ﺍﺣﺴﻬﺎ ﺑﺎﺍﺭﺩﻩ ﺍﻳﺪﻩ ﻭﺍﻳﺪﻱ ﺗﺠﻮﻱ
ﻏﻤﺾ ﻭﻧﺼﻪ ﻫﻤﺲ
ﻫﻮﻫﻮ ﻧﻔﺲ ﺍﻟﺤﺮﺍﺭﻩ
ﺑﺎﻭﻋﺘﻠﻪ ﻧﺼﻪ ﻫﺪ ﺍﻳﺪﻱ ﻭﺩﺍﺭ ﻭﺟﻬﻪ . ﺟﺮﻳﺖ ﺍﻳﺪﻱ ﻏﻤﺾ ﻭﺩﺍﺭ ﻭﺟﻬﻪ ﻋﺎﻟﺸﻂ ﻛﺎﻝ

ﻭﺩﺍﺭ ﻭﺟﻬﻪ ﻋﺎﻟﺸﻂ ﻛﺎﻝ
ﺍﻟﺤﻠﻘﺎﺕ ﺷﻲ ﻭﺍﺟﻬﻪ ﺣﺘﻰ ﺍﻟﻨﺎﺱ ﺗﻌﺮﻑ ﺍﻧﺞ ﻣﺘﺰﻭﺟﻪ ﻟﺒﺴﻴﻬﺎ ﺣﺘﻰ ﻣﺤﺪ ﻳﺰﻋﺠﺞ ﺑﺴﻮﺍﻝ ﺍﻭ ﻳﺤﺮﺟﺞ ﺑﻌﺪﻳﻦ ﻟﺘﺨﺠﻠﻴﻨﻲ ﺑﺎﻭﻉ ﻟﻠﺒﻨﺎﺕ ﻭﺍﻫﻠﻲ ﻣﻦ ﺑﻌﻴﺪ ﺍﻗﻠﻬﺎ ﻛﺪﺍﻡ ﺍﻫﻠﻨﺎ
ﺍﻭﻙ ﻫﺰﻳﺖ ﺭﺍﺳﻲ ﺻﺎﻓﻨﻪ ﺷﻬﺎﻟﺨﺮﺑﻄﻪ
ﻓﺘﺢ ﺍﻟﻌﻠﺒﻪ ﻭﺍﺧﺬ ﺍﻟﺤﻠﻘﻪ ﻭﻟﺒﺴﻬﺎ ﺍﻟﻲ ﺑﺎﻭﻋﻠﻲ ﻭﺑﺎﻭﻉ ﻻﻳﺪﻱ
ﻫﻤﺲ
ﺍﻟﺤﻠﻘﻪ ﺗﺘﺒﺎﻫﺎ ﺑﺎﻳﺪﺝ
ﺑﺎﻭﻋﺖ ﺑﻌﻴﻨﻪ ﻛﻼﻣﻪ ﻳﺎﺧﺬ ﻭﻳﺠﻴﺐ ﻣﺜﻞ ﺭﻭﺡ ﺍﻟﻤﻲ ﺍﻟﻜﺪﺍﻣﻲ
ﺍﺧﺬ ﺣﻠﻘﺘﻪ ﻭﺧﻼﻫﺎ ﺑﻴﺪﻱ ﻭﻭﻟﺒﺴﺘﻪ ﻫﻤﺲ ﻭﺭﻓﻊ ﺭﺍﺳﻪ ﺑﺮﺍﺣﻪ
ﻫﺴﻪ ﻣﺤﺪ ﻳﻜﺪﺭ ﻳﻜﻮﻟﺞ
ﺣﻀﺮﺗﺞ ﻣﺘﺰﻭﺟﻪ
ﻭﻛﺎﻟﻬﺎ ﺑﺘﻘﻠﻴﺪ ﻋﻮﺝ ﺣﻠﻜﻪ
ﺑﻘﻴﺖ ﺍﺑﺎﻭﻉ ﺑﻌﻴﻨﻪ ﻫﻬﻬﻬﻬﻬﻪ
ﺑﺲ ﻣﺠﺎﻭﺑﺘﻨﻲ
ﻛﺎﻝ
ﺩﻳﻨﺘﻀﺮﻭﻥ ﻭﺭﻧﺪ ﺣﺘﺸﻬﺮﻧﺎ ﺑﺘﻠﻔﻮﻧﻬﺎ ﻭﺍﻟﺘﺼﻮﻳﺮ
ﺣﻴﺪﺭ ﺷﻬﺪ ﺭﺟﻌﺘﻬﺎ ﺟﺎﻭﺑﻨﻲ
ﻛﺘﻠﺞ ﻻ ﻃﺒﻌﺎ ﺭﻓﻊ ﺣﻮﺍﺟﺒﻪ ﺛﻨﻴﻨﻬﻦ
ﻭﺑﻌﺪﻙ ﺗﺤﺎﺟﻴﻬﺎ ﺑﺎﻟﺘﻠﻔﻮﻥ
ﻃﺒﻌﺎ ﺑﺖ ﺧﺎﻟﺘﻲ ﻣﻦ ﺗﺤﺘﺎﺝ ﺷﻲ ﺗﺠﻴﻨﻲ ﺭﺟﻊ ﻛﺎﻝ
ﺍﻧﺘﻲ ﺷﻨﻮ ﺍﻟﻤﺎﺛﺮ ﻋﻠﻴﺞ
ﻛﺎﻟﻬﺎ ﺑﺤﺮﺍﻩ ﻭﺭﻓﻊ ﺗﻚ ﺣﺎﺣﺒﻪ ﻧﺼﻴﺖ
ﻣﻤﻤﺎﺭﻳﺪ ﺍﻛﺴﺮ ﻛﻠﺒﻬﺎ ﺣﺮﺍﻡ ﺍﺫﺍ ﺑﻌﺪﻙ ﻭﻳﺎﻫﺎ ﺣﺘﻰ ﺍﻧﺴﺤﺐ
ﺑﻘﻪ ﺳﺎﻛﺖ ﺟﺮ ﻧﻔﺲ ﻛﺎﻝ
ﻓﻬﺪ ﺩﻳﺒﺠﻲ ﺑﺎﻋﻲ ﻟﻤﺤﻨﺎ ﻫﻬﻬﻪ ﺣﻴﻮﺍﻥ ﻭﻳﺎﺷﺮ
ﺭﺟﻌﻨﺎ ﻟﻤﻜﺎﻧﻨﺎ ﻭﺭﻧﺪ ﻣﺴﺘﻤﺮﻩ ﺗﺼﻮﺭ ﺣﺪﻣﺎ ﺭﺟﻌﻨﺎ ﺍﻟﻄﺎﻭﻟﻪ ﺍﺷﺮﻟﻬﺎ
ﺩﺗﻄﻔﻲ ﻋﺎﺩ ﻭﻳﻦ ﺍﻟﻠﻪ ﻭﻳﻮﻛﻊ ﺑﺎﻟﻤﻲ
ﺍﻫﻮ ﻋﻤﻮ ﻣﻨﺎ ﺍﻧﺖ ﻣﻨﺎ ﺳﻨﺪ ﻋﻴﻨﻜﻢ ﻋﻠﻰ ﺟﻬﺎﺯﻱ
ﺍﻭﻫﻮ ﺷﺤﻴﺨﻠﺼﻬﺎ .
ﻏﺎﺩﻩ - ﻛﻌﺪﻧﺎ ﺍﻛﻠﻨﺎ ﻛﻴﻚ ﻭﺭﺍﻫﺎ ﺳﻮﺍﻟﻒ ﺣﻠﻮﻩ ﺟﻤﻌﺘﻨﺎ ﻭﺍﻣﻲ ﻭﺍﻣﻪ ﺍﻧﺪﻣﺠﻮ ﺗﺒﺎﺩﻝ ﺍﺩﻋﻴﻪ ﻭﺻﻼﻩ ﺍﻟﻠﻴﻞ ﻭﻭﺭﻗﻪ ﻭﻗﻠﻢ ﻭﺍﻛﺘﺒﻴﻠﻴﺎﻫﺎ ﻭﻫﻮ ﻭﺍﻟﺒﻨﺎﺕ ﻣﺪﺍﻫﺮ ﻭﺿﺤﻚ ﻭﺍﻧﻲ ﻫﻢ ﺑﻘﻴﻨﺎ ﻟﻞ١١ . ﺑﺲ ﻃﻴﺐ ﻛﻠﺒﻲ ﻣﻦ ﺣﺠﺎﻳﻪ ﺍﻟﻴﻮﻡ ﻭﻏﻴﺮﺕ ﺭﺍﺳﻲ ﺑﺎﻟﻨﻘﻞ ﺑﺎﻟﺮﻏﻢ ﻫﻮﺍﻱ ﻟﺤﻴﺖ ﺑﺲ ﻫﻮ ﺑﺘﻮﺳﻠﻪ ﻛﺴﺮ ﻋﻴﻨﻲ
ﻓﻬﺪ ﺍﻟﻠﻪ ﻳﺨﻠﻴﻚ ﺗﺤﺴﻦ ﺍﻟﻲ ﻭﺍﻻﻙ
ﻻ ﻓﺪﻭﻩ ﺍﺑﺪ ﺧﻠﻴﺞ ﻫﻨﺎ ﻳﻤﻲ ﺗﺤﺘﺎﺟﻴﻦ ﺷﻲ ﺍﺣﺪ ﻳﻐﺜﺞ ﺍﺣﺪ ﻳﺪﻭﺳﻠﺞ ﻋﻠﻰ ﻃﺮﻑ ﻭﻳﻦ ﺍﻭﺩﻳﺞ ﺑﻨﺺ ﺍﻟﺸﻠﻪ ﺍﻧﺘﻲ ﺷﺎﻳﻔﺘﻬﻢ ﺷﻮﻧﻬﻢ ﺫﻭﻻﻙ
ﺳﻜﺘﺖ ﻛﻠﺖ ﺧﻠﻴﻨﻲ ﺑﻤﻜﺎﻧﻲ
ﺍﻳﺎﻡ ﺗﻤﺮ ﻋﺎﺩﻳﻪ . ﺿﻐﻂ ﺍﻟﺸﻐﻞ ﺯﺍﺩ ﻫﺎﻟﻔﺘﺮﻩ ﻓﺮﻭﻉ ﺍﻟﻤﺨﺎﻓﻀﺎﺕ ﺳﺪﻭﻫﺎ ﻭﺍﻟﺤﻤﻞ ﺻﺎﺭ ﻋﻠﻰ ﺑﻐﺪﺍﺩ ﺭﺍﺳﻪ ﻣﻴﻠﺤﻚ ﻳﺤﻜﻪ
ﺑﻴﻮﻡ ﻭﻛﻔﺖ ﺑﻨﺺ ﺍﻟﺸﺮﻛﻪ ﺻﺎﺡ
ﻛﻞ ﺍﻟﻤوﺿﻔﻴﻦ ﺗﻄﻠﻊ ﺭﺍﻳﺪﻛﻢ ﺑﻜﻠﻤﻪ
ﻃﻠﻌﺖ ﻭﻳﺎﻫﻢ ﻣﻦ ﻣﻜﺘﺒﻲ ﺷﻔﺘﻪ ﻣﺨﻠﻲ ﺍﻳﺪﻩ ﺑﺠﻴﻮﺑﻪ ﻭﺩﺍﻓﻊ ﺍﻟﺴﺘﺮﻩ ﻭﺭﻩ ﺿﻬﺮﻩ
ﻛﺎﻝ

ﻛﺎﻝ
ﻫﺎﻟﺸﻬﺮ ﺭﺍﻳﺪﻛﻢ ﻭﻳﺎﻳﻪ ﺍﻳﺪ ﻭﺣﺪﻩ
ﻔﺮﻭﻉ ﺍﻟﻤﺤﺎﻓﻀﺎﺕ ﺍﻧﻐﻠﻘﺖ ﺑﺴﺒﺐ ﺍﺟﺮﺍﺀ ﺿﺮﻳﺒﻲ ﻳﻜﻤﻞ ﺑﻨﻬﺎﻳﻪ ﻫﺎﻟﺸﻬﺮ
ﺍﻟﻀﻐﻂ ﺣﻴﺼﻴﺮ ﻋﻠﻰ ﻫﺎﻟﻔﺮﻉ
ﺍﻻﺭﻳﺪﻩ ﻣﻨﻜﻢ ٣ ﺳﺎﻋﺎﺕ ﺍﺿﺎﻓﻴﻪ ﻳﻌﻨﻲ ﺑﺪﺍﻝ ﻣﻨﻄﻠﻊ ﺳﺎﻋﻪ ﻭﺣﺪﻩ . ﺍﻟﻀﻬﺮﻣﺜﻞ ﻛﻞ ﻳﻮﻡ ﻧﻄﻠﻊ ﺏ٤
ﺍﻟﻠﻲ ﻳﻜﺪﺭ ﺍﻫﻼ ﻭﻣﺮﺣﺒﺎ ﻭﺍﻟﻠﻲ ﻣﻴﻜﺪﺭ ﻳﻜﺪﺭ ﻳﻨﺘﻘﻞ ﻟﺸﺮﻛﻪ ﺍﻟﻤﻌﺪﺍﺕ ﻭﻳﺒﻘﻰ ﻧﻔﺲ ﺍﻟﻮﻗﺖ . ﺍﻟﺴﺎﺑﻖ
ﻧﻄﺖ ﻭﺣﺪﻩ
ﺍﺳﺘﺎﺫ ﻭﺑﻴﻬﺎ ﻋﻼﻭﺭﻩ ﻟﻮ ﺑﺲ ﺷﻐﻞ
ﺟﺮ ﻧﻔﺲ ﺑﺎﻭﻋﻠﻬﺎ ﻛﺎﻝ
ﺍﻛﺪﺭ ﺍﻧﻄﻲ ﻣﻨﺢ ﺑﺲ ﻣﻮ ﻓﺪ ﺷﻲ ﺛﻜﻴﻞ
ﻭﺭﺟﻌﻮﻭﺳﺎﻟﻮ ﻛﻢ ﺳﻮﺍﻝ ﻭﺍﻟﻠﻲ ﻳﻜﻮﻝ ﻣﻨﻜﺪﺭ ﻭﺍﻟﻠﻲ ﻳﻜﻮﻝ ﻋﺪﻧﺎ ﺑﻴﻮﺕ
ﻧﺘﺮ
ﺷﺒﺎﺑﺒﺒﺒﺐ ﺍﻧﻲ ﻛﺎﻥ ﺍﻟﺴﺒﺐ ﺍﻻﻭﻝ ﺍﻟﻠﻲ ﺧﻠﻴﺖ ﺑﻲ ﺍﻟﺸﺮﻛﻪ ﻛﻠﻬﺎ ﻛﺎﺩﺭﻫﺎ ﺷﺒﺎﺑﻲ ﺑﺤﺖ ﺗﺤﺴﺒﺎ ﻟﻬﻴﺞ ﺍﻳﺎﻡ . ﺷﻨﻮ ﺫﻧﺒﻲ ﺍﺫﺍ ﺍﻧﺘﻮ ﺍﺷﺘﻐﻠﺘﻮ ﻣﻨﺎ ﺗﺰﻭﺟﺘﻮ ﻣﻨﺎ ﺍﻟﻤﻬﻢ ﺍﻟﻴﻜﺪﺭ ﻳﺎﺍﻫﻼ ﻭﺳﻬﻼ ﺍﻟﻤﻴﻜﺪﺭ ﻳﻜﻮﻝ ﺣﺘﻰ ﺍﺧﻠﻲ ﺑﻤﻜﺎﻧﻜﻢ ﻭﻳﺘﻔﻀﻞ ﻟﻠﻤﺤﺎﺳﺒﻪ ﻳﺎﺧﺬ ﺍﺟﻮﺭ ﻧﻬﺎﻳﻪ ﺧﺪﻣﻪ ﻭﺍﻧﻲ ﺍﻟﻤﻤﻨﻮﻥ ﻣﻨﻜﻢ
ﺧﻠﻪ ﺍﻳﺪﻩ ﻋﻠﻰ ﺻﺪﺭﻩ
ﺑﻘﻴﺖ ﺍﺑﺎﻭﻋﻠﻪ ﻣﻦ ﻳﺤﺠﻲ ﺭﺯﺍﻧﺘﻪ ﻭﺛﻜﻠﻪ ﻭﻣﻦ ﻳﺤﺠﻲ ﻭﻋﺼﺒﻴﺘﻪ ﺑﻌﻤﻠﻪ ﻭﺟﺪﻳﺘﻪ ﺍﻟﺘﻔﺖ ﻛﺎﻝ
ﺍﻧﺘﻬﻰ ﺍﻻﺟﺘﻤﺎﻉ ﻛﻠﻤﻦ ﻟﻌﻤﻠﻪ
ﻭﻃﺐ ﻟﻠﻤﻜﺘﺐ . ﻭﺑﺪﻩ ﺍﻟﻀﻐﻂ
ﺍﺟﻬﺰﻩ ﻣﺮﺍﻛﺰ ﺗﺠﻤﻴﻞ . ﻭﺻﻠﺘﻨﺎ ﻭﺟﺒﻪ ﻭﺍﻧﺨﺒﺼﺖ ﺍﻟﻤﺴﺘﻮﺩﻉ ﻭﺍﻟﺸﺮﻛﻪ ﺑﻴﻬﺎ ﻭﺍﻧﻲ ﺍﺭﻭﺡ ﻣﻨﺎ ﻭﺍﺟﻲ ﻣﻨﺎ ﻭﻛﻠﺴﺎ ﻭﻛﺎﻝ
ﺍﺭﺗﺎﺣﻲ ﻏﺎﺩﻩ
ﺍﺭﺟﻌﻲ ﻟﻠﺒﻴﺖ ﺍﻧﺘﻲ ﻭﺭﺍﺝ ﻃﻔﻞ
ﻓﻬﺪ ﺗﺎﺧﺮﺗﻲ ﻋﻠﻴﻪ
ﻳﻮﻡ ﻭﺍﺣﺪ ﻣﻐﺎﺏ ﻋﻦ ﺟﻴﺘﻪ ﻟﻔﻬﺪ
ﻭﺍﻧﻲ ﺍﺭﺩ
ﻻﻻ ﻭﻳﺎﻛﻢ
يمي ﻳﻤﻪ
ﺍﻟﺒﻨﺎﺕ ﻳﻤﻪ
ﻛﺎﻡ ﻳﺘﺎﺧﺮ ﻏﺪﺍﻩ ﻭﻳﻨﺴﻰ ﺍﻻﻛﻞ ﻣﻊ ﺍﻟﻌﻠﻢ ﺍﻟﻤﻮﺿﻔﻴﻦ ﻳﺎﻛﻠﻮﻥ ﺑﺲ ﻫﻮ ﻻ
ﻭﺍﻧﻲ ﺑﺪﻭﻥ ﻭﻋﻲ ﻟﻤﻦ ﺍﺷﻮﻓﻪ ﻣﻀﻐﻮﻁ ﻛﻤﺖ ﺍﺳﻮﻱ ﻋﺼﺎﻳﺮ ﺍﺩﺭﻱ ﺑﻲ ﻳﺤﺒﻬﻦ ﺧﻼﻁ ﺻﻐﻴﺮ ﺍﺷﺘﺮﻳﺖ ﻭﺍﺧﻠﻂ ﻛﻮﻛﺘﻴﻼﺕ . ﻭﺍﺳﻮﻱ ﻭﺍﻭﺩﻳﻠﻪ ﻳﺸﺮﺑﻬﻦ ﺑﺪﻭﻥ ﻧﻘﺎﺵ ﻓﺪ ﺟﺮﻩ . ﻣﺴﺘﻌﺠﻞ ﻭﻳﺨﺘﻤﻬﺎ
ﻋﺸﺘﻲ
ﺍﺫﺍ ﺗﺎﺧﺮ ﻏﺪﺍﻩ ﺍﻭﺻﻲ ﺍﺑﻮ ﻳﺰﻥ ﻳﺪﺯ ﻋﻠﻰ ﻏﺪﻩ ﺑﺎﺧﺘﻴﺎﺭﻱ
ﻭﻳﺎﻛﻞ ﻣﺴﺘﻌﺠﻞ ﻭﻳﻠﺢ ﺍﻛﻞ ﻭﻳﺎﻩ ﻭﺣﺘﻰ ﻭﻫﻮ ﻳﺎﻛﻞ ﻳﺘﺼﻞ ﻭﻳﻀﺒﻂ ﺍﻣﻮﺭﻩ . ﻭﻳﺤﺠﻲ ﺣﺪﻣﺎ ﻣﺮﻩ ﺩﻳﺎﻛﻞ ﻣﺴﺘﻌﺠﻞ ﻫﻮ . ﻭﻭﺍﻛﻒ ﻭﻳﺤﺠﻲ ﺑﺎﻟﺘﻠﻔﻮﻥ ﻭﻳﺎﻛﻞ ﺑﺎﻟﻠﻔﻪ ﺑﺴﺮﻋﻪ
ﻭﺍﻛﻔﻪ ﺑﺼﻔﻪ ﺍﻓﺘﺢ ﻣﺎﻋﻮﻥ ﺍﻟﻤﻘﺒﻼﺕ ﺩﻳﺤﺠﻲ ﻓﺎﻙ ﺳﺒﻴﻜﺮ ﻭﻏﺺ
ﺑﺎﻟﻜﻤﻪ
ﺿﺮﺑﺘﻪ ﻋﻠﻰ ﺿﻬﺮﻩ ﺣﻨﻪ ﺟﺴﻤﻪ ﻋﺎﻟﻤﻴﺰ ﻭﻛﺢ ﺑﻘﻪ ﺻﺎﻓﻦ ﺳﺎﻧﺪ ﺟﺴﻤﻪ ﺑﺎﻳﺪﻩ ﺍﻻﺛﻨﻴﻦ ﻋﺎﻟﻤﻴﺰ ﻭﻳﺒﺎﻭﻉ ﻟﻠﻤﻴﺰ ﻣﻨﺼﻲ ﺭﺍﺳﻪ ﻭﺍﻧﻲ ﺻﺎﻓﻨﻪ ﻋﻠﻴﻪ ﺑﻘﻴﺖ ﺍﺿﺮﺏ ﻋﻠﻰ ﺿﻬﺮﻩ ﺑﻘﻠﻖ ﺑﻘﻴﺖ ﺍﻳﺪﻱ ﻋﻠﻰ ﺿﻬﺮﻩ ﻣﻦ ﻫﺪﺍ ﻭﺻﺎﻓﻦ ﻋﺎﻟﻤﻴﺰ ﺟﺮ ﺣﺴﺮﻩ ﻭ ﺍﻟﺘﻔﺘﻠﻲ ﻳﺒﺎﻭﻋﻠﻲ ﺻﻔﺢ ﻭﺍﻧﻲ ﺍﻳﺪﻱ ﻋﻠﻰ ﺿﻬﺮﻩ ﺗﺎﻣﻞ ﻣﻼﻣﺤﻲ
ﺣﻴﻴﻴﻞ ﺻﺎﺭﺷﻜﺪ ﺍﺗﻤﻨﻰ ﻫﻴﺞ ﻧﻀﺮﻩ ﻣﻦ ﺟﻨﺖ ﺑﻨﻴﻪ ﻭﻫﺴﻪ ﻳﻠﻪ ﺻﺎﺭﺕ
ﻧﻀﺮﻩ ﺑﺪﻭﻥ ﺍﺑﺘﺴﺎﻣﻪ ﻧﻀﺮﻩ ﺗﺤﺠﻲ
ﺗﺸﻜﻲ
ﺗﺒﺠﻲ

ﻧﻀﺮﻩ ﺗﺤﺠﻲ
ﺗﺸﻜﻲ
ﺗﺒﺠﻲ
ﻣﺤﺪ ﻗﺒﻞ ﺑﺎﻭﻋﻠﻲ ﻣﺜﻞ ﻫﺎﻟﻨﻀﺮﻩ
ﺷﻠﺖ ﺗﻔﻜﻴﺮﻱ ﻭﺣﺎﻟﻲ ﻧﺰﻟﺖ ﺍﻳﺪﻱ ﺑﻬﺪﻭﺀ ﻣﻦ ﻗﻤﻴﺼﻪ ﺗﻨﻬﺪ ﻧﺼﻴﺖ ﺭﺍﺳﻲ ﺣﺴﻴﺘﻪ ﻳﺼﺮﺥ
ﺍﺭﻳﺪﺝ
ﻛﻞ ﺍﻟﻜﺎﻟﻪ
ﺩﺗﻌﺒﺒﻴﻨﻲ ﺑﺪﻻﻟﺞ
ﺑﻘﻴﺖ ﻣﻨﺼﻴﻪ ﺣﺴﻴﺖ ﺭﻭﺣﻲ ﻻﺑﺴﻪ ﺩﺷﺪﺍﺷﻪ ﻧﻮﻡ ﻣﻮ ﻫﺪﻭﻣﻲ ﺑﻬﻤﺴﺎﺗﻪ ﺍﻟﻴﻬﻤﺴﻬﺎ ﻛﺎﻝ
ﺍﻟﻠﻪ ﻻﻳﺤﺮﻣﻨﻲ ﻣﻨﺞ
ﻗﺸﻌﺮ ﺟﺴﻤﻲ ﻣﺤﺪ ﻛﺎﻟﻬﺎ ﻗﺒﻞ ﺣﺘﻰ ﺑﻨﺎﺗﻲ ﺩﻣﻌﺖ ﻋﻴﻨﻲ ﻭﺭﺟﻌﺖ ﺧﻄﻮﻩ ﻟﻴﻮﺭﻩ ﺭﺟﻊ ﻟﻌﻤﻠﻪ ﺑﺲ ﻛﺎﻥ ﺍﻫﺪﺍ ﻭﺑﻌﺪ ﻣﺒﺎﻭﻋﻠﻲ ﺍﺑﺪ ﻭﺍﻧﻲ ﺍﻧﻬﺰﻣﺖ ﻟﻤﻜﺘﺒﻲ
ﺍﺳﺒﻮﻉ ﻛﻤﻞ
ﻭﺻﺪﻓﺖ ﻣﻄﺮﻩ --
ﻛﻌﺪﺕ ﺍﻟﺼﺒﺢ ﻋﻠﻰ ﺯﺧﻪ ﻣﻄﺮ ﺍﻟﻠﻴﻞ ﻛﻠﻪ ﺗﺰﺥ ﺯﺥ ﻣﻮﻃﺒﻴﻌﻲ ﺑﺪﺍﻳﻪ ﺍﻟﺸﺘﺎ ﻭﻣﻦ ﺍﻭﻟﻬﺎ ﺯﺥ ﺍﺑﺎﻭﻉ ﺍﻟﻄﺮﻣﻪ ﺍﻟﺤﺪﻳﻘﻪ ﻣﻠﻴﺎﻧﻪ ﻣﻲ
ﺍﺳﺘﻐﻔﺮ ﺍﻟﻠﻪ ﺍﻧﺘﻀﺮﺕ ﻟﻞ٧ ﺍﻟﻤﻲ ﻃﺐ ﻟﻠﻤﻄﺒﺦ ﺍﺭﺗﻔﺎﻋﻪ ﺗﺨﺒﻠﺖ ﺷﻠﻨﺎ ﺍﻟﺰﻭﺍﻟﻲ ﻣﺎﻝ ﺻﺎﻟﻪ ﻭﺍﻟﻬﻮﻝ ﻭﺍﻟﻤﻄﺒﺦ ﻭﺑﻌﺪﻩ ﺍﻟﻤﻄﺮ ﻣﺴﺘﻤﺮ ﻟﻞ٧ ﻭﻧﺺ ﻓﺮﻋﻨﺎ ﺗﺴﻜﺮ ﺍﺭﺗﻔﺎﻋﻪ ﻳﻮﺻﻞ ﻟﻠﺮﻛﺐ ﺍﺫﺍ ﻣﺸﻴﺖ ﺑﻲ ﺧﺎﺑﺮﺕ ﺍﺑﻮ ﺣﺴﻦ ﻛﺎﻝ
ﺍﻟﻌﻔﻮ ﺳﺖ ﻋﺬﺭﻳﻨﻲ ﺗﺮﻩ ﺍﻟﻔﺮﻉ ﻏﺮﻛﺎﻥ ﻭﺍﻟﺴﻴﺎﺭﻩ ﻃﺎﺑﻪ ﺑﻴﻬﺎ ﻣﻲ ﺻﺎﻳﺮﻩ ﺣﻮﺽ
ﺍﻭﻙ ﻋﻤﻮ ﺍﻟﻠﻪ ﻭﻳﺎﻙ ﻃﻠﻌﺖ ﻣﻦ ﺍﻟﻐﺮﻓﻪ ﺍﻟﻤﻲ ﻭﺻﻞ ﻟﻠﺜﻼﺟﺎﺕ ﺭﺍﺳﻦ ﻧﺰﻟﺖ ﺍﻟﺴﺮﻛﺪ ﻣﺎﻝ ﻛﻬﺮﺑﺎﺀ ﻭﺍﺗﺼﻔﻦ ﺷﺴﻮﻱ ﺑﻠﻪ ﻟﻞ٨ ﺩﻙ ﺗﻠﻔﻮﻧﻲ ﺣﻴﺪﺭ
ﺍﻟﻮ
ﻫﺎﻏﺎﺩﻩ ﻣﻨﻄﻘﺘﻜﻢ ﻏﺮﻛﺖ
ﺍﻱ ﺍﺳﻜﺖ ﺍﻟﻤﻲ ﻃﺐ ﻟﻠﺒﻴﺖ
ﺯﻳﻦ ﺍﻟﻜﻬﺮﺑﺎﺀ ﻃﻔﻴﻬﺎ
ﻃﻔﻴﺘﻬﺎ ﻧﺰﻟﺖ ﺍﻟﺴﺮﻛﺪ
ﺯﻳﻦ ﺳﻮﻳﺘﻲ ﺯﻳﻦ ﺑﺎﻋﻲ ﺣﻀﺮﻱ ﺭﻭﺣﻜﻢ ﺍﻧﻲ ﺟﺎﻳﻴﻜﻢ ﺑﺎﻟﺴﻠﻔﺎﺩﻭﺭ ﺗﺮﻩ ﺍﻻﻧﻮﺍﺀ ﺍﻟﻤﻄﺮ ﻣﺴﺘﻤﺮ ﻟﻼﺣﺪ
ﻋﺰﺯﻩ
ﺍﻱ ﻭﻫﺎﻱ ﻣﻨﻄﻘﺘﻜﻢ ﻣﺠﺎﺭﻳﻬﺎ ﺳﻜﻂ ﺗﺤﻀﺮﻱ ﻭﺣﻀﺮﻱ ﺍﻟﺒﻨﺎﺕ ﺍﺧﺬﻛﻢ ﻋﺪﻧﺎ ﺍﺣﺴﻦ
ﺑﻘﻴﺖ ﺳﺎﻛﺘﻪ
ﻟﺘﻔﻜﺮﻳﻦ ﺯﺍﻳﺪ ﻣﻮﺯﻳﻦ ﻋﻠﻴﺞ
ﻻ ﻫﻪ ﺍﻭﻙ ﻣﺎﺷﻲ ﺧﻞ ﺍﻛﻌﺪﻫﻢ
ﺩﻳﻠﻪ ﺳﺎﻋﻪ ﻭﺍﻣﺮﻟﺞ
ﺍﻭﻙ
ﻛﻌﺪﺕ ﺍﻟﺒﻨﺎﺕ ﻭﺣﻀﺮﺗﻬﻢ ﻭﺍﻟﻬﺪﻭﻡ ﻭﻫﻮﺳﺘﻨﺎ ﻭﺍﻟﻐﺮﺍﺽ ﻣﺎﻝ ﻓﻬﺪ ﻭﺍﺟﻪ ﺣﻴﺪﺭ ﺑﺠﺰﻣﻪ ﻻﺑﺲ ﺑﻴﻀﻪ ﺿﺤﻜﻮ ﻋﻠﻴﻪ ﺍﻟﺒﻨﺎﺕ ﻭﻃﺐ ﺍﺧﺬ ﺍﻟﻐﺮﺍﺽ ﺧﻼﻫﻦ ﺑﺼﻨﺪﻭﻙ ﺍﻟﺴﻠﻔﺎﺩﻭﺭ ﻋﺎﻟﻴﻪ ﻭﺻﻌﺪﻧﺎ ﻭﺭﺣﻨﺎ ﻭﺻﻠﻨﺎ ﺍﻣﻲ ﺑﺒﻴﺖ ﺧﺎﻟﻲ ﻛﺎﻥ ﻋﻠﻰ ﻃﺮﻳﻘﻨﺎ ﻛﺎﻟﺖ ﻭﺫﻭﻧﻲ ﺗﻤﻲ ﻣﺘﻌﻠﻘﻪ ﺑﺨﺎﻟﻲ ﺍﻟﺼﻐﻴﺮ ﻻﻧﻬﺎ ﻫﻲ ﺍﻟﺮﺑﺘﻪ ﻭﺭﻩ ﻭﻓﺎﻩ ﺍﻣﻬﺎ ﺑﺲ ﻫﻮ ﻻﺣﻮﻝ ﻭﻻﻗﻮﻩ ﻫﺴﻪ ﻋﻮﺩ ﻣﻦ ﺗﺰﻭﺝ ﻛﺎﻡ ﻣﻦ ﺗﺮﻭﺡ ﺗﺪﺍﺭﻳﻬﺎ ﻣﺮﺗﻪ ﺗﺤﺐ ﻛﻌﺪﺗﻬﻢ ﻭﻫﻲ ﺍﺩﻣﻴﻪ
ﻭﺻﻠﻨﺎ ﺑﻴﺘﻪ ﻭﻧﺰﻝ ﻓﺘﺢ ﺍﻟﺒﺎﺏ ﺻﺎﺡ
ﺭﻧﻮﺵ ﺳﻨﺪ ﻳﻠﻪ ﺑﺎﺑﺎ ﻭﻳﺎﻳﻪ ﺑﺴﻊ
ﻧﺰﻟﻮ ﻭﻫﻤﻪ ﻳﺪﺭﺩﻣﻮﻥ ﻭﻣﻜﻴﻔﻴﻦ ﺗﻐﻴﻴﺮ ﺑﺎﻟﺒﻴﺖ ﻭﺍﻟﺒﻴﺖ ﻣﺎﻟﺘﻪ ﻛﻠﺶ ﺣﻠﻮ ﻧﺰﻟﻮ ﻳﺒﺎﻋﻮﻥ ﻭﻳﻨﺰﻟﻮ ﺍﻟﻐﺮﺍﺽ ﻧﺰﻟﺖ ﻓﻬﺪ ﻭﻃﺒﻴﺖ ﺍﻟﺒﻴﺖ ﺩﺍﻓﻲ ﻭﺭﻳﺤﻪ ﺍﻟﺠﺎﻱ ﻃﺐ ﺣﻴﺪﺭ ﺗﺮﺍﻛﺴﻮﺩﻩ ﻣﻄﺮﻱ ﺫﺏ ﺍﻟﺠﺰﻣﻪ ﻭﺫﺏ ﺍﻟﺴﺘﺮﻩ ﻣﻨﻜﻊ
ﻛﺎﻝ
ﻫﺎﻱ ﺷﻨﻮ ﻣﻮﺧﻮﺵ ﺷﻘﻪ ﻭﺍﻟﻠﻪ
ﺷﻜﻮ ﺷﻘﺎﻳﻴﺶ ﺍﺣﺠﻲ ﻭﺍﻫﺰ ﺑﻔﻬﺪ
ﻛﺎﻝ

ﻣﻮ ﻣﻄﺮﻩ ﺗﻜﻮﻝ ﻛﻞ ﻭﺣﺪﻩ ﻛﺒﺮ ﺍﻟﺒﺮﺗﻘﺎﻟﻪ
ﻭﺿﻠﻮ ﻳﺼﻨﻔﻮﻥ ﻫﻮ . ﻭﺭﻧﺪ ﻋﻔﺘﻬﻢ ﻭﻃﺒﻴﺖ ﻟﺪﺍﺧﻞ ﺍﻟﺒﻴﺖ ﻧﻴﻤﺖ ﻓﻬﺪ ﻋﺎﻟﻘﻨﻔﻪ ﻛﺎﻝ
ﺟﺎﻥ ﻓﻮﺗﺘﻲ ﺟﻮﻩ ﺑﺎﻟﻐﺮﻓﻪ
ﻣﺪﺍﺍﻋﺮﻑ ﻭﻳﻦ ﺍﺭﻭﺡ ﻫﻪ
ﺗﻌﺎﻱ ﻫﻨﺎ ﺑﺎﻭﻋﺘﻠﻲ ﺳﻨﺪ ﺟﻜﺖ ﺣﻠﻜﻬﺎ ﺗﻀﺤﻚ ﻛﻔﺨﻬﺎ ﺭﺍﺳﻦ ﻭﻣﺸﻪ ﻣﺸﻴﺖ ﻭﺭﺍﻩ ﻭﺍﺑﺎﻭﻉ ﻟﻠﺒﻴﺖ ﺗﺬكرﺕ ﻣﺮﻩ ﻃﺒﻴﺘﻠﻪ ﻭﻛﺖ ﺗﺤﻠﻴﻠﻲ ﺑﺲ ﺍﻟﺸﻌﻮﺭ ﻳﺨﺘﻠﻒ ﻓﺘﺢ ﺑﺎﺏ ﻣﻦ ﺍﻟﻐﺮﻑ ﻛﺎﻝ ﺑﺼﻮﺕ ﻧﺎﺻﻲ
ﻫﺎﻱ ﻏﺮﻓﺘﻲ ﻃﺒﻴﺖ ﺷﻐﻞ ﺍﻟﻀﻮﻩ ﺟﺮﺑﺎﻳﺘﻪ ﻣﺨﺮﺑﻂ ﺍﻟﻔﺮﺍﺵ ﺑﻴﻬﺎ ﻭﺍﻟﺒﺎﻗﻲ ﻛﻠﻪ ﻣﺮﺗﺐ ﺑﺎﻭﻋﺘﻠﻪ ﻳﺒﺎﻭﻉ ﻟﻔﻬﺪ ﻣﺒﺘﺴﻢ ﻭﻫﻮ ﺩﻳﻐﻔﻲ
ﻣﻨﻮ ﻳﺮﺗﺐ ﺍﻟﺒﻴﺖ
ﺳﻴﺰﻭ ﺑﻨﻴﻪ ﻓﻠﺒﻴﻨﻴﻪ ﺗﺠﻲ ﺍﺭﺑﻊ ﺳﺎﻋﺎﺕ ﻭﻛﺖ ﺩﻭﺍﻣﻲ ﻭﺗﻨﻀﻤﻪ ﻭﻣﻦ ﺍﻣﻲ ﻣﻮﺟﻮﺩﻩ . ﻣﺮﻩ ﺗﺪﺯ ﻋﻠﻴﻬﺎ ﻣﺪﺭﻱ ﺷﺴﻤﻬﺎ
ﻛﻌﺪ ﻋﺎﻟﻘﻨﻔﻪ ﻣﺎﻝ ﻏﺮﻓﻪ ﺷﺎﻝ ﺍﻟﻨﻔﺎﺿﻪ ﻭﺑﺎﻭﻋﻠﻲ ﺍﻓﺘﺢ ﺍﻟﺸﺒﺎﺑﻴﻚ ﺧﺎﻑ ﻣﺰﻳﻦ ﻋﻠﻰ ﻓﻬﻮﺩﻱ
ﻻ ﻣﺎﻛﻮ ﺭﻳﺤﻪ
ﻧﻴﻤﺘﻪ ﺑﺠﺮﺑﺎﻳﺘﻪ ﻭﻏﻄﻴﺘﻪ ﻭﺍﺗﻔﺮﺝ ﻋﺎﻟﻐﺮﻓﻪ ﺑﺎﻭﻋﺘﻠﻪ
ﻫﺎﻱ ﻏﺮﻓﻪ ﺯﻭﺍﺟﻚ ﻫﻨﺎ ﺗﺰﻭﺟﺖ ﻣﻮ
ﺣﻚ ﺭﺍﺳﻪ ﺍﻣﻢ
ﻳﻌﻨﻲ ﻏﺮﺍﺿﻬﺎ ﻫﻨﺎ ﺑﻌﺪﻫﺎ
ﺑﻘﻪ ﻳﺒﺎﻭﻉ ﺑﻮﺟﻬﻲ ﻣﺴﺘﻐﺮﺏ ﺷﻮﻱ ﻭﺟﺎﻭﺏ
ﻣﻮﻛﻠﻬﻦ
ﻣﺤﺘﻔﻆ ﺑﻴﻬﺎ ﺣﻘﻚ
ﺍﺑﺘﺴﻢ ﺑﻘﻪ ﺳﺎﻛﺖ ﻛﺎﻝ
ﺗﺮﻳﻜﺘﻲ
ﻻ
ﻳﻠﻪ ﺩﻧﺘﺮﻳﻚ ﺳﻮﻩ ﺣﺘﻰ
ﺍﻱ ﺍﻭﻙ
ﻃﻠﻊ ﻭﻃﻠﻌﺖ ﻭﺭﺍﻩ ﺗﺮﻳﻜﻨﺎ ﻭﻧﻀﻔﻨﺎ ﻛﻠﺸﻲ ﻭﻫﻮ ﻳﺪﻟﻴﻨﺎ ﻭﻳﺴﺎﻋﺪﻧﺎ ﺗﺴﻮﻙ ﻭﺭﺟﻊ . ﻃﺒﺖ ﺭﻧﺪ
ﻣﺎﻣﺎ ﺣﻔﻮﺕ ﺍﺳﺒﺢ
ﻓﻮﺗﻲ ﻳﻠﻪ
ﺗﺮﻩ ﻋﻠﺘﻮﻫﺎ ﺍﻟﺪﻭﺍﻡ١٥ ﺑﺎﻟﺸﻬﺮ
ﻳﺎ ﺧﻴﺮ ﺍﻧﺸﺎﺀ ﺍﻟﻠﻪ
ﻃﺒﺖ ﺭﻧﺪ ﻭﻃﻠﻌﺖ ﻭﺭﻩ ﺷﻮﻱ ﺳﻨﺪ ﺣﻀﺮﺕ ﻣﻨﺸﻔﺘﻬﺎ ﺣﻴﺪﺭ ﻛﺎﻝ
ﻳﻠﻪ ﻏﺴﻠﻮ ﺩﺍﺍﻏﺴﻞ ﻭﺭﺍﻛﻢ ﻻﻥ ﺗﻨﻜﻌﺖ ﺑﺎﻟﻄﻴﻦ
ﺳﻨﺪ ﺩﺗﻄﺐ ﺭﻧﺪ ﻛﺎﻟﺖ
ﺩﻳﻜﻮﻟﻚ ﻳﺮﻳﺪ ﻳﻐﺴﻞ
ﺍﻱ ﻫﻮ ﻛﻠﻲ ﻭﺭﺍﺝ
ﻏﺎﺩﻩ - ﻛﺎﻓﻲ ﻣﺎﻣﺎﺍﺍ ﺷﻜﺪ ﺗﺘﻨﺎﻛﺮﻭﻥ ﺑﺎﻭﻋﺖ ﺣﻴﺪﺭ ﻃﻠﻊ ﻟﻠﻤﻄﺒﺦ ﺭﻧﺪ ﺟﺎﻭﺑﺖ
ﻣﺎﻣﺎ ﺍﻟﻤﻲ ﺍﻟﺤﺎﺭ ﺣﻴﺨﻠﺺ ﻋﻴﺐ ﻣﻦ ﻋﻤﻮ
ﺟﺎﻭﺑﺖ ﺑﺒﺪﻳﻬﻴﻪ
ﻫﻮ ﻋﻤﺞ ﻳﻐﺴﻞ ﻣﻲ ﺑﺎﺭﺩ ﻣﺎﻣﺎ ﻣﻴﻐﺴﻞ ﻣﻲ ﺣﺎﺭ ﻣﺘﻌﻠﻢ . ﺭﻓﻌﺖ ﺭﺍﺳﻲ ﺷﻔﺘﻪ ﻭﺍﻛﻒ ﻛﺒﺎﻟﻲ ﻣﻀﻴﻖ ﻋﻴﻨﻪ ﻳﺒﺎﻭﻋﻠﻲ ﺭﻧﺪ ﺟﺎﻭﺑﺖ
ﺷﻤﺪﺭﻳﺞ ﻣﺎﻣﺎ
ﻫﺎ ﻻ ﻫﻮ ﻣﺮﻩ ﻛﺎﻝ ﺍﺣﺠﻲ ﻣﻴﺘﻪ ﺧﺠﻞ ﺑﻘﻴﺖ ﺍﺑﺎﻭﻋﻠﻪ ﻭﺍﻧﺼﺐ ﺍﺑﺘﺴﻢ ﺗﻚ ﺧﺪ ﻭﺩﺍﺭ ﻭﺟﻬﻪ ﺧﻠﺼﺖ ﺳﻨﺪ ﻭﻓﺎﺕ ﻭﺭﺍﻫﺎ
ﻳﻮﻣﻴﻦ ﻛﻀﻴﻨﺎﻫﺎ ﺗﻮﻧﺴﻨﺎ ﻛﻠﺶ ﻧﻮﻣﻪ ﻓﻬﺪ ﺻﺎﺭﺕ ﻋﻠﻰ ﺻﺪﺭﻩ ﻭﻫﻮ ﻃﺎﻳﺮ ﻳﻠﻌﺐ ﺑﻲ ﻭﻣﻴﺸﺒﻊ ﻣﺬﺑﻪ ﻣﻦ ﺍﻳﺪﻩ
ﺑﻬﺎﻟﻴﻮﻣﺒﻦ ﺗﻠﻔﻮﻥ ﺟﺪﺍ ﻗﻠﻴﻞ ﺍﺳﺘﻌﻤﻠﻪ ﺑﺤﻴﺚ ﺻﺎﺭ ﻋﺪﻱ ﺍﻣﻞ ﺗﺮﻛﻬﺎ
ﺍﻛﻠﻨﺎ ﺳﻮﻩ ﺷﻘﺎﻩ ﻭﻱ ﺍﻟﺒﻨﺎﺕ ﻭﺳﻮﺍﻟﻔﻪ ﻭﺿﺤﻜﻪ ﻭﺻﻴﺎﺣﻬﻢ ﻭﺻﻠﺖ ﺣﺪ ﻳﺮﻛﺾ ﻭﺭﺍﻫﻢ ﻭﺭﻧﺪ ﻣﺨﺒﻠﻪ ﻭﻗﻮﻳﻪ ﻭﻫﻮ ﻳﺘﻘﺎﻭﻯ ﻭﻳﺎﻫﺎ ﺟﻨﺖ ﻣﺎﺍﻣﻞ ﻣﻦ ﻣﺮﺍﻗﺒﺘﻬﻢ ﺳﻨﺪ ﺳﻨﺪ ﺍﻟﺨﺠﻮﻟﻪ ﺗﺎﻟﻔﺖ ﻭﻳﺎﻩ ﺣﻴﻞ
ﻟﻌﺒﻮ ﺷﻄﺮﻧﺞ ﻭﺍﺧﺮ ﻳﻮﻡ ﺳﻮﻳﻨﺎ ﺳﻬﺮﻩ . ﺟﺎﺏ ﺍﻟﻜﻴﺘﺎﺭ ﻭﻛﺎﺑﻠﺘﻪ ﺍﺫﺍ ﺧﺴﺮﺕ ﺗﻐﻨﻴﻠﻨﺎ . ﻫﻮ ﻭﺍﻓﻖ ﻭﻓﻌﻼ ﺧﺴﺮ ﺭﻧﺪ ﺑﺎﻟﺸﻄﺮﻧﺞ ﻣﺤﺪ ﻳﻠﺤﻚ ﺑﻴﻬﺎ
ﻭﻟﺰﻡ ﺍﻟﻜﻴﺘﺎﺭ ﻭﻛﻌﺪ ﻳﺪﻙ ﺑﺎﻭﻋﻠﻨﺎ
ﺗﺴﺎﻋﺪﻭﻧﻲ ﺑﺲ
ﺍﻱ ﻋﻤﻮ ﻧﻐﻨﻲ ﻭﻳﺎﻙ
ﻣﺎﺷﻲ
ﻭﺑﻠﺶ ﻏﻨﺎﻩ ﻭﻓﻬﺪ ﻋﻠﻰ ﻛﺘﻔﻲ
ﺭﻓﻊ ﻋﻴﻮﻧﻪ ﻭﻳﺒﺎﻭﻋﻠﻲ

ﻋﻴﻮﻧﻪ ﻭﻳﺒﺎﻭﻋﻠﻲ
ﻣﺘﺨﻴﻞ ﺍﻧﺎ ﺭﺍﺡ ﺍﺗﺤﻤﻞ ﺑﻌﺪﻙ ﻋﻨﻲ ﻣﻬﻤﺎ ﻃﻮﻝ ﻭﻛﻠﺒﻚ ﻟﻤﺎ ﻋﻨﻲ ﻳﺮﺣﻞ ﺗﻨﺴﺎﻧﻲ ﻭﺍﻧﺴﺎﻩ
ﺍﻏﻨﻴﻪ ﻧﺒﻴﻞ ﺷﻌﻴﻞ ﺑﺼﻮﺗﻪ ﺍﻧﺪﻣﺞ ﻭﻏﻤﺾ ﻋﻴﻨﻪ ﻭﺍﻟﺒﻨﺎﺕ ﻭﻳﺎﻩ ﻳﺼﻔﻜﻮﻥ ﺑﻬﺪﻭﺀ ﺟﻨﺖ ﺍﺷﻮﻑ ﻛﻠﻤﺎﺗﻬﺎ ﻟﺸﻬﺪ ﻭﻳﺤﺘﺮﻙ ﻛﻠﺒﻲ ﺫﺑﻴﺖ ﻓﻬﺪ ﺑﻔﺮﺍﺷﻪ ﻭﺭﺣﻌﺖ ﺍﺭﻳﺪ ﺍﺣﺠﻲ ﺑﻌﺪ ﺍﺧﺘﻨﻜﺖ ﻓﺪ ﻧﻮﺏ ﺍﺳﺘﻤﺮ ﺑﻐﻨﺎﻩ ﻭﻳﺒﺎﻭﻋﻠﻲ
ﻟﻜﻦ ﻻ ﺍﻧﺖ ﺍﻃﻴﺐ ﻭﻣﺎﻳﺮﺿﻴﻚ ﺍﻧﻲ ﺍﺗﻌﺐ ﺗﺒﻌﺪ ﻭﻻ ﺗﻘﺮﺏ ﺍﺑﻘﻰ ﻧﺎﻃﺮ
ﺑﻘﻴﺖ ﺻﺎﻓﻨﻪ ﺍﻟﻲ ﻫﺎﻱ ﻋﻠﻴﻪ ﻭﺍﻟﻠﻪ ﻋﻠﻴﻪ ﻛﻠﺒﻲ ﺩﻙ ﺑﺴﺮﻋﻪ ﻭﻋﻴﻮﻧﻪ ﺍﻟﺤﺎﻭﻁ ﺑﻴﻬﺎ ﻋﻴﻮﻧﻲ ﻭﻧﻀﺮﺍﺗﻪ ﻛﻤﻞ ﺍﻻﻏﻨﻴﻪ ﻭﺍﻟﺒﻨﺎﺕ ﺻﻔﻜﻮﻟﻪ ﺍﺑﺘﺴﻤﺖ ﺷﺎﻝ ﺍﻟﻜﻴﺘﺎﺭ ﻳﺮﻳﺪ ﻳﺮﻛﻌﻪ ﺑﺮﺍﺱ ﺭﻧﺪ ﻭﺍﺧﺬﺗﻪ ﺭﻧﺪ ﻏﻠﻔﺘﻪ ﺑﺠﻠﺪﻩ ﻛﺎﻟﺖ
ﻳﺠﻲ ﻳﻮﻡ ﻫﺎلكيتاﺭ ﻳﺘﻜﺴﺮ ﺑﺎﻳﺪ ﻓﻬﺪ ﻭﻛﻮﻝ ﻛﺎﻟﺖ ﺭﻧﻮﺵ
ﻳﺮﻭﺣﻠﻪ ﻓﺪﻭﻩ . ﻋﻠﻰ ﻋﻨﺎﺩﺝ



ﺛﺎﻧﻲ ﻳﻮﻡ ﺍﻟﻌﺼﺮ ﻛﺎﻧﺖ ﺍﻟﻤﻄﺮ ﻭﺍﻛﻔﻪ ﻭﺍﻟﻤﻲ ﻧﺰﻝ ﻟﻠﻤﺠﺎﺭﻱ ﻛﺘﻠﻬﻢ ﺍﻟﻴﻮﻡ ﻧﺮﺣﻊ ﺑﻌﺪ ﻫﻮ ﻣﻨﺎﻗﺶ . ﺑﺲ ﻛﺎﻝ
ﺩﺿﻠﻮ ﻭﺍﻟﻠﻪ ﻣﻮﻧﺴﻴﻨﻲ
ﻋﻤﻮ ﺍﻧﺖ ﺗﻌﺎﻝ ﻋﺪﻧﺎ ﺩﻧﺮﻭﺡ ﻧﺘﺤﻀﺮ ﻟﻠﻤﺪﺍﺭﺱ ﺑﻌﺪ
ﻣﺤﺠﻴﺖ ﺷﻲ ﻭﻻ ﻫﻮ ﺣﺠﻪ ﻛﻤﻠﻨﺎ ﻏﺪﻩ ﺩﻧﻠﻤﻠﻢ ﻭﺍﻧﺪﻛﺖ ﺍﻟﺒﺎﺏ ﻃﻠﻊ ﺷﻮﻱ ﻭﻃﺒﺖ ﻭﻳﺎﻩ ﺑﻨﻴﻪ ﻭﻣﺮﻩ ﻣﻦ ﺍﺭﻛﺰ ﺯﻳﻦ ﻫﺎﻱ ﺷﻬﺪ
ﺭﺍﺳﻦ ﺗﻘﻠﺼﺖ ﺍﻣﻌﺎﺋﻲ ﻭﻫﻮ ﻳﺤﺠﻲ
ﺗﻔﻀﻠﻲ ﺧﺎﻟﻪ
ﺑﺎﻭﻋﻠﻲ ﻭﻛﺎﻝ
ﺧﺎﻟﺘﻲ ﺟﺘﻲ
ﺍﻱ ﻫﻠﻪ ﺑﻴﻬﺎ
ﻃﺒﺖ ﻣﺮﻩ ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﻩ ﻭﺍﻧﻲ ﺍﺣﻀﺮ ﻣﻤﻪ ﻓﻬﺪ ﺑﻮﺳﺘﻨﻲ ﻛﺎﻟﺖ
ﻫﺎﻱ ﺍﻡ ﻓﻬﺪ
ﺟﺎﻭﺏ
ﺍﻱ ﻭﻫﺎﻱ ﺭﻧﻮﺵ ﻭﺳﻨﺪ
ﻫﺎ ﻫﻪ ﻣﺴﻮﻳﻦ ﺍﺣﺘﻼﻝ
ﻏﺎﺑﺖ ﺿﺤﻜﺘﻲ ﺑﺎﻭﻋﺘﻠﻪ ﻣﺮﺗﺒﻚ ﻣﻨﻲ ﻧﺼﻪ ﻓﺎﺗﻮ ﻟﻠﻬﻮﻝ ﻭﺍﻧﻲ ﻃﺒﻴﺖ ﺍﻟﻤﻠﻢ ﻫﻮ ﺑﻘﻪ ﻳﺤﺠﻲ ﻭﻣﺎﻛﻮ ﺻﻮﺕ ﻟﺸﻬﺪ ﺑﺲ ﺳﺎﻛﺘﻪ ﺍﻧﻤﺎ ﺷﻨﻮ ﻣﻦ ﺭﺟﻔﻪ ﺻﺎﺭﺕ ﻋﺪﻱ ﺑﻀﻠﻮﻋﻲ ﺍﺣﺴﻬﺎ ﻛﻤﻠﻨﺎ ﺗﻠﻤﻠﻢ ﻭﺧﺎﺑﺮﺕ ﺍﺑﻮ ﺣﺴﻦ ﺍﻟﺒﻨﺎﺕ ﺑﻘﻮ ﻳﻤﻲ ﺍﺳﺘﺤﻮ ﻳﻄﻠﻌﻮﻥ ﺍﻧﺤﺮﺟﻮ
ﻃﻠﻌﺖ ﻣﺒﺪﻟﻪ ﺑﺎﻭﻋﺘﻠﻲ ﺷﻬﺪ ﻭﻭﻛﻔﺖ ﺟﻨﻲ ﻋﻠﻰ ﻓﻬﺪ ﺑﻠﻬﻔﻪ
ﻃﻴﻨﻴﺎ
ﺍﺭﻳﺪ ﺍﺻﺮﺥ ﺍﻛﻮﻟﻬﺎ ﻻ ﺍﺑﻨﻲ ﻃﻴﺘﻬﻴﺎ ﺷﺎﻟﺘﻪ ﺗﺒﻮﺱ ﺑﻲ ﻭﻣﻐﻤﻀﻪ حس حيدﺭ ﺑﺎﻭﻋﻠﻬﺎ ﻭﺩﺍﺭ ﻭﺟﻬﻪ ﺟﺮ ﺣﺴﺮﻩ ﺻﺮﺕ ﻧﺎﺭ ﻭﺍﻣﻬﺎ ﺗﺘﺤﺴﺮ ﺣﺘﻰ ﺧﻔﺖ ﻋﻠﻰ ﻓﻬﺪ ﻫﻤﺰﻳﻦ ﺍﻟﻠﻪ ﺍﺳﺘﻐﺮﺏ ﻣﻨﻬﺎ ﻭﺍﺧﺬﺗﻪ ﻻﻥ ﺑﺠﻪ
ﻓﻬﺪ ﻭﻛﻒ ﻛﺎﻝ ﻭﻳﻦ ﺷﻨﻮ ﺑﺪﻟﺘﻮ
ﺍﻱ ﺍﺑﻮ ﺣﺴﻦ ﺍﺟﻪ ﻳﻠﻪ ﺣﺮﻭﺡ ﺍﺧﺬ ﻓﻬﺪ ﻣﻨﻲ ﻭﻳﺒﻮﺱ ﺑﻲ ﻛﺎﻝ ﻭﺑﺎﻭﻋﻠﻲ،ﺷﻮﻥ ﺣﻨﺎﻡ ﺩﻭﻧﻪ ﺍﻟﻴﻮﻡ ﺍﻧﻲ
ﻣﻴﺨﺎﻟﻒ ﺑﺎﺟﺮ ﺗﻌﺎﻝ ﺷﻮﻓﻪ
ﺍﻱ ﻃﺒﻌﺎ ﺍﻛﻴﺪ . ﺣﺒﻴﺒﻲ ﺑﺎﺑﺎ ﺣﺸﺘﺎﻗﻠﻚ
ﺍﻟﺘﻔﺘﺖ ﺳﻠﻤﺖ
ﻣﻊ ﺍﻟﺴﻼﻣﻪ
ﻫﻠﻪ ﺑﻴﺞ ﻛﺎﻟﺖ ﺧﺎﻟﺘﻪ ﻭﺷﻬﺪ ﺗﺒﺎﻭﻋﻠﻲ ﻋﻴﻮﻧﻬﺎ ﺗﺤﺠﻲ ﻋﺰﻩ . ﻭﺻﺨﺎﻡ
ﺍﺧﺬﺕ ﻓﻬﺪ ﻭﻃﻠﻌﻨﺎ ﺣﻴﺪﺭ ﻭﺻﻠﻨﺎ ﻟﻠﺒﺎﺏ ﻭﻳﺎﺷﺮﻟﻪ ﺑﺎﻱ ﻭﻳﻀﺤﻚ ﺍﺧﺮﺷﻲ ﺗﻘﺪﻡ ﺿﺮﺏ ﺭﻧﺪ ﺑﺮﺍﺳﻬﺎ ﻭﻫﻲ ﺗﻼﻭﺕ ﻭﻳﺎﻩ ﺑﺎﻳﺪﻩ ﻭﻫﻮ ﻫﻢ ﺗﻼﻭﻩ ﻟﻢ ﺷﻔﺘﻪ ﺑﺒﻄﻦ ﺣﻠﻜﻪ ﻳﻘﺎﻭﻡ ﺗﺎﻟﻲ ﻏﻠﺒﺘﻪ ﺍﻋﺼﺎﺑﻬﺎ ﻗﻮﻳﻪ ﻛﺎﻝ ﻭﻳﻀﺤﻚ
ﺍﻧﻘﻬﺮﺕ ﻋﻠﻴﺞ . ﻭﻋﻔﺘﺞ
ﻋﺎﻟﻤﺮﻩ ﺍﻟﺤﺎﻳﻪ ﺍﺷﻮﻓﻚ ﻣﻨﻮ ﻳﻨﻘﻬﺮ ﻋﻠﻰ ﻣﻨﻮ
ﺟﺎﻭﺑﺘﻪ ﺗﻀﺤﻚ ﻭﻣﺸﺖ ﺍﻟﺴﻴﺎﺭﻩ
ﺑﻘﻪ ﻛﻠﺒﻲ ﻭﺟﺰﺀ ﻣﻦ ﺭﻭﺣﻲ ﺑﺒﻴﺘﻪ ﺷﻨﻮ ﺟﻴﺘﻬﺎ ﻭﻱ ﺍﻣﻬﺎ ﺍﺭﺩ ﺍﻓﻬﻢ ﺍﺑﺸﺮﻉ ﺣﻠﻠﻪ ﺍﺭﺑﻌﻪ ﺧﺎﻑ ﻳﺮﺩﻫﺎ ﻭﺭﺣﻌﺖ ﻟﺮﻭﺣﻲ ﻛﻠﻨﺎ ﻧﺘﺘﻀﺮ ﻭﻧﺸﻮﻑ ﻛﻠﻨﺎ ﻧﻨﺘﻀﺮ ﻏﺎﺩﻩ
ﺭﺟﻌﻨﺎ ﻭﻧﻀﻔﻨﺎ ﻭﺭﺗﺒﻨﺎ ﻛﻠﺸﻲ ﻭﺷﻐﻠﻨﺎ ﺍﻟﻜﻬﺮﺑﺎﺀ ﺗﻮﺗﻲ ﺍﻧﺎﻡ ﻭﺩﻙ ﺍﻟﺘﻠﻔﻮﻥ ﻫﻮﻭ
ﺭﺩﻳﺖ
ﺍﻟﻮ
ﻫﻠﻮ ﺍﻡ ﻓﻬﺪ
ﻫﺎ ﺷﻮﻧﻚ
ﺷﻮﻧﻲ ﺭﻭﺣﻲ ﻃﻜﺖ ﺷﻜﻮ ﺭﺣﺘﻮ
ﻫﻪ ﻣﻮﺧﺎﻟﺘﻚ ﻭﺑﻨﺘﻬﺎ ﻳﻤﻚ
ﺟﺮ ﻧﻔﺲ ﺭﺍﺣﻮ ﻭﺭﻩ ﺷﻮﻱ ﻭﺭﺍﻛﻢ ﺍﻟﺒﻨﺎﺕ ﻧﺎﻣﻮ
ﺍﻱ
ﻭﻓﻬﻮﺩﻱ
ﻫﻴﺎﺗﻪ ﺩﻳﻨﺎﻏﻲ ﻭﻳﻐﻔﻲ
ﺷﻮ ﺧﻞ ﺍﺷﻮﻓﻪ
ﻓﻜﻴﺖ ﻓﺪﻳﻮ ﺟﺎﻥ ﻧﺎﻳﻢ ﻋﻠﻰ ﺻﺪﺭﻱ ﻭﻳﻠﻌﺐ ﺑﻜﻼﺩﺗﻲ
ﺍﺭﻭﺡ ﺻﺪﻗﻪ ﻭﻧﺬﺭ ﻋﻤﺮﻱ ﺍﻧﺖ ﺑﺒﺎ
ﺭﻓﻊ ﺭﺍﺳﻪ ﻓﻬﺪ ﺍﺑﺘﺴﻢ ﻭﻳﺴﻮﻳﻠﻪ ﺗﻌﺎﻝ
ﺍﺟﻴﻚ ﺑﺎﺣﺮ ﺍﺟﻴﻚ
ﻫﻬﻪ ﻫﻠﻪ ﺑﻴﻚ
ﺟﺮ ﻧﻔﺲ ﻛﺎﻝ
ﻧﺎﺳﻴﻪ ﻫﺪﻭﻡ ﻫﻨﺎ ﻣﺎﻟﺘﻜﻢ
ﻭﻳﻦ ﻣﻨﺴﻴﺖ
ﻻ ﺗﺮﺍﻛﺴﻮﺩﺝ ﺍﺑﻮ ﺍﻟﺪﺑﺒﻪ
ﻫﺎ ﺍﻱ ﻣﻦ ﺑﺪﻟﺖ ﻭﺍﻟﻠﻪ ﺛﺒﺮﻧﻲ ﻫﺬﺍ
ﺍﻣﻢ ﻭﺗﻨﻬﺪ
ﺷﺒﻴﻚ
ﺍﺭﻳﺪ ﺍﺣﺠﻲ ﺷﻲ ﺧﺎﻑ ﺗﺨﻠﻴﻨﻲ ﺍﻧﺪﻡ
ﺷﻨﻮ ﺍﺣﺠﻲ
ﻟﻴﺶ ﻣﺘﺒﻘﻮﻥ ﺗﻌﻴﺸﻮﻥ ﻳﻤﻲ
ﻳﺘﺒﻊ