١٢:٣٠صٌٰ.
تعآإل بإحسآإسك ترآإني بغيتك
وخذني آنا كلي على كيف ما جآإك
وقف مع فكرك وفكري فديتك
لاحظ قدرنا نجتمع آنا ويآإك
هويت روحك بالغرآإم وهويتك
ما فيه روحِ بالمخاليق تسوآإك
إن كآإن ودك في عذآإبي عطيتك
يفدآإك عمري قبله العين تفدآإك
وأقطع حشآإي وعلقه وسط بيتك
كل شي يهون وخاطري حيل يهوآإك
ياليتني كل ما بغيتك لقيتك
وياليتني آقدر أناظر محيآإك
بهديك روحي والعمر ما نسيتك
أنسى فؤادي ياحياتي ولا آنسآإك
الأمس أحلام الوفا لا طريتك
وأسهر ألملم خافقي وأتحرآإك
نام الحكي بأطراف جفني وجيتك
عجزت أعبر عن شعوري بليآإك
ومن البحر بسمه مشآعر هديتك
وشلون ما يهديك قلبٍ تمنآإك
ليتك تحس الشوق فيني ياليتك
ليتك تلامس قلبي يالغلا إن جآإك
هذي الحقيقه قلتها لك فديتك
غير العمر وشهو بقا بس يفدآإك

-

٣:٣٣صٌ
أخاف أن أحبك فأفقدك فأتألم، وأخاف أيضاً أن لا أحبك فتضيع فرصة الحب فأندم، فعلّمني كيف أحبك بلا ألم وأن لا أحبك بلا ندم.

٢:٣٢ صٌ
حاولت في قلبي وانا اقول بنساك
واعيش دنيا في حياتي جديدة
أثر الغلا ما تعجبه غير دنياك
والقلب غيرك ما سكن في وريده
اشتقت لعيونك وصوتك ونجواك
واشتقت لظروفك ولو هي عنيدة
قربك شربته كيف أجل ما أقدر أظماك
حبك عرفته...كيف ما احتاج اعيده؟
قلت السهر...وأثر السهر ما بعد جاك
معذور ما حسيت همه وكيده
أسهرت عيني... والسبب جور فرقاك
والبعد شوقي كل ليله يزيده
الله عطاني حبك العذب واعطاك
كل الخصال النايفات الحميده
أنا وليلي والقلم لا ذكرناك
ينبت على اوراقي لعينك قصيده

بسوي فقره اسئله خفيفه وتقدر تجاوب عليها ك مناقشه

احياناً يراوض الشخص شعور غريب مو حلو ابد مافي اي احد يحبه ولا خاطره فيه يعني بعض الاحيان انا ودي اكتب شيء واقصد فلان لكن هو مايعبر ولا يهتم لكل شي قدمته له وكتبته تحاول تفهمه انك تبيه توسع صدره تسأل عليه تشوف اخباره بالاخير هو مو صوبك اصلاً ولا مر اسمك في باله كيف تفهمه وتوضح له ترى قلبي يبيك يعني تدخل عليه تسأل عن حاله وتتطمن عليه وتقوله فيك شيء ناقصك شيء وتحاول تسولف معاه وترسل اي شي عشان تخترع سالفه وتضحك وتمشي الوضع وودك تسولفون وتقعدون مع بعض بس هو م يعطيك وقته ومو مهتم فيك بكبرك بس يختلق الأعذار السخيفه عشان ماتقعد عنده يقول شيبي هذا النشبه بس انت بداخلك تقول الله لو كل ضحكي وحزني وفرحتي ووقتي معاه ودي يعني جذي يحس هذا الشخص ويففهم ويعطيني مجال ويشوف مع ان مهما توضح وتبين وتتعب وانت تحاول توصله او تفهمه ماتوقع يعطيك فرصه عشان تبين له حبك وخوفك عليه اكثر من اي احد مع انك تشوف احد يجي يصوبه تحاول توخره وكأنك تقول انقلع عن قلبي ولا تسوي رده فعل ينصدم منها الكل بس هم الشخص المقصود ماراح يفهم كل شيء تسويه وتعبت عليه عشانه ياخي ودك تمسكه وتقوله ( لا وربك ما أحبك حب عادي قد ما مر الهوىٰ بقلوب خلقٌ الله أحبك ).

- اللهمٰ لا ترينا في من نُحب ، إلا ما نحبْ.

١:١٩ صٌ.

تجرح حبيبك دوم وتقول مدري
طيب متى تدري اذا قيل لك مات
وفر دموعك يبي يجي يوم تجري
اذا رجعت ومارجع لك زمن فات
يوم اموت وما يضل غير ذكري
وغاض الندم يفتح قديم الملفات
تبي تجي وترش بالدمع قبري
وفي وقتها ماني محتاج دمعات
بتقول لي اسف وتسكت وتسري
وليا سريت بترجعك بعض الاصوات
لا صاحوا الاموات ما عاد بدري
وليا التفت وجيت ماردوا اموات
مافاد بك تلميح وجهي وشعري
ولا فاد صوت عتاب مليان عبرات
حطمتني بجروح و انا بصبري
لجلك صنعت من الجروح ابتسامات
كم جيت لك مكسور وزودت كسري
اقسى من جروحك لا طنشت بسكات
وانا محال اعاتبك يوم ادري
اخاف اجرح خاطرك بالعتابات
اسكت واخليها على الله واشري
خاطرك لو قلبي تشققه صيحات
انا عطيتك يالغلا كل عمري
وتبخل تراضي خاطري بالكلمات
شفني اذا ازعلتك على طول عذري
جاهز ونابع من حنان وقناعات
ما في شئ يسوى الزعل لا تهذري
خل نستغل العمر والعمر لحظات
العمر يجري مثل مالدمع يجري
ما دامنا مع بعض ليش الاهات
خلنا نوفر حزننا دام ندري
نبي نتفارق يوم ونذوق حسرات
قبل الندم وقبل يضايقك هجري
اصنع معي ذكرى جميلة للاوقات
وان كان ما همك كياني وقدري
على الاقل للحب قدر وكرامات
وان كنت تستانس ليا ضاق صدري
اجرح على كيفك جروحك مسرات
اجرح حبيبك يبي يجي يوم تدري
لا قلت وينه والقبر جاوبك مات
.