سكران شاف خفاش قعد يضحك قالوله خيرك قالهم اول مرة نشوف فار لابس عباية

مرا فيه واحد سكران خش لي امتحان جاه موضوع عبر 10 صفاحي كتب في اول صفحه احمد يركب الحصان او اخر صفحه احمد ينزل من الحصان وباقي الصفحات كتب فيهم درقن درقن درقن درقن درقن 😂😂😂😂😂

اللهم ف سنة 2023 اجعل الإناث اناث والذكور ذكور لانه سنة 2022 صار ف تلخبيط هلبا:
.

‏🇱🇷: I took a Shower
‏🇸🇦: لقد استحممت
‏🇱🇾: هذا وين الواحد حس روحه بنادم

- ‏فيه حاجه اسمها " غباء " وفي حاجه اسمها " استغباء " الثانيه هذي عندي ماجستير فيها بسلامتي 🙂🦦.

لما تقول البنات كلهم زي بعض. تقصد حتي اختك راهه😂🔥🤌🏻
معليش يعني اوزنها قبل مااتقولها🔥😂🙂.

ليبيين في السعوديه حضرو صلاة الجنازه ، اتلفت الشيخ وقال: اتدركون إلى أين ذاهب هذا المتوفي ؟ إنه ذاهب إلى لا ماء ولا كهرباء ولا متاع الدنيا ولا رغد العيش
الليبيين واقفين في أخر الصف قالوا معقوله مات في السعودية وبيدفنوه في ليبيا 🤦‍♀️

قالك مره فيه واحد عنده قطوس مركبله السكر...مشي لوحة في السوق وروح لقاه قدامه في الحوش ...تاني يوم مشي لوحة في مدينة بعيده عليه ....روح للحوش لقاه قدامة المهم المكان للي يلوحه فيه يلقاه قدامه في الحوش...معاش عرف وين يحطه...مشي قاله صاحبه امشي لوحه في الصحراء...قال فكره صح...قالك مشي بيه للصحراء ولوحه...الراجل وهوه مروح اذهب معاش عرف الطريق...المهم اتصل بمرته قاللها القطوس وين قالتله اهو في الحوش...قاللها عطيه التلفون خلي يوصفلي الطريق الله لاتربحه 🤣

علمتني الحياه ان ماانقليش دحي قبل منتاكد
أنا فيه خبزه ،

شيباني يعزرو فيه صغاره قالوله انت ماخدمتش علينا وراس حوش قاعدين فيه 💔
لا درتنا مشروع نخدمو بيه لاشي 🚫
يوم مرض الشيباني كلم صغاره وقاللهم تعالوا بنقوللكم راه الحوش تحته صندوق مردوم فيه فلوس يكفيكم ويكفي صغار صغاركم 🔄
بعد م مات الشيباني الصغار مسحوا الحوش وطلعو🚜 الصندوق لقو فيه ورقه مكتوب فيها كانكم تريس ابنوه

شيباني #ليبي خش دكان خضرة
لقا واحد #لبناني يشري في #باذنجان
سأله الشيباني زوجتك كيف اطيب فيه
رد اللبناني تؤبرني، مرة تعمله امتبل ومرة بابا غنوج و مرة تبوله و مرة فتوش.
سأله اللبناني مرتك شو عم تعمل بيه
رد عليه قاله
انعنـي نقـبرها وندفنـها تـدلش فيه فوق الكسكسي متمدد اتقول سوداني ميت في صحراء
😁😁😂

.

الأحد أول أيام شهر جمادى الآخرة لعام 1444هـ
متبقي 90 يوم علي شهر رمضان
اللهم بلغنا شهر رمضان.. 🤍

هناك مرحلة من مراحل السلام
النفسي اسمها مانعرفش ، ومانبيش نعرف .

ننصدم من الناس اللي يدققو ف اللبس والشڪل انا لو واحد يسلم عليا بدون رأس منفطنش

الجيل الحالي: ولد عمره 8 سنوات ويقول مليت من السفريات
أنا اليوم عمري 18 كنت نحساب أبوظبي راجل وحتى جواز ماعنديش💔🤣

مره ف ولد صغير ديما يحشم ف امه قدام الناس يقوللها نبي نشخ المهم قالتله امه معاش تقول نبي نشخ قول نبي نصفر المهم وهما راقدين ف حوش جده ناض ف الليل ويقول نبي نصفر سمعه جده قاله خيرك قاله نبي نصفر قاله تعالى صفر ف ودن جدك😂😂

قالك مره فيه واحد معبي سيارته بضاعه خطم علي بوابـه قالولـه محملهـا .. ؟ قاللهـم لالا منزلهـا من النــت
مسكوه ضربوه طريحه وعلقوه ف الشجره وكل مايقوللــهم نزلوني يقولولـه النـت ضعيــف

مرة في عزوزين ايتفرجن على مصارعه وحده منهم رقدت ما كملتش والثانيه قعدت في الصبح ناضت سألتها شن صار في المصارعه قالتلها كان ماطفيت عليهم التلفزيون را تقاتلو 😂

‏ما عمرك تهمل شي ما تبيش تشوفه ف يد غيرك 🤍📌.

تربيـت على كسب الناس بالكلمة الطـيَــبة ماتعودتـش نـردّ العـيب بـ العــيب 🤍📌.