واحد متزوج وحده نباتيه اول يوم دارتله طبيخة بليبشه ثاني يوم دارتله طبيخة فول وقعمول ثالث يوم دارتله سبانخ رابع يوم دراتله سلاطة وجرجير خامس يوم قالتله مش عارفه شن اندير الغذي؟ قاللها: لا اليوم تو نطلع نسرح بروحي.😂

في مرة واحد مداير مزرعة جزر وجنبه جاره يربي في ارانب كل ماينوض الصبح يلقى الزرع ناقص مشي اليوم التاني كسر اسنان الارانب وروح... في اليوم التاني نفس القصه لقاه ناقص مشي شد واحد من الارانب وخنقه من رقبته وقاله وين درتو الجزر
قاله درناه عثير وثربناه هههههههه😂

قالك في مرة وحدة حولة حست بصقع ناضت غطت اختها ورقدت 🙂😂

جمعتكم طيبه زيي اني هكي😇🤍

شيباني خنبوله عجل سيارته امشي فتح محضر الشرطي يصبر فيه وقاله ربي يعوضك خير وتلقاهم في الجنة
امشي قاله محلاني الناس في الجنة مع الحوريات وأني نكركب في العجل😂

مش كل بنت حزينه معنها موجوعه من الحب😂😂
لا حت غسل الماعين ف صقعع هد يقطع القلب 💔🙆🏻‍♂️😂

‏الشخص إللي قالك أنا مش زيهم شن طلع🌚🤔

اللهم اشفِ أُمي شفاءً ليس بعدهُ سقما أبدًا، اللهم خذ بيدِها، اللهمَّ احرسها بعينيك التي لا تنام، واكفها بركنك الذى لا يُرام واحفظها بعزك الذي لا يُضام، واكلأها في الليل وفي النهارِ، وارحمها بقدرتك عليها أنت ثقتها ورجاؤها.🥺

الحمدلله ❤️

وحدة كاتبة

انا اضع المكياج
لاخفاء جمالي الحقيقي 😌🙈

ذكرتني بكذبة حليت الواجب لكن انسيت الكراسه
😂😂😂

منقووول

عويلة استأذنت اخت وصديقة مقربة جداااا على نشر حدث خطير صار في مدرستها
هي معلمة فالمدرسة هادي قالت يوم الحدث كان يوم عادي زيه زي اي يوم تاني.
لكن اللي صار ان في اخر الدوام خش ولي امر طالبة كان يستنى فيها قدام باب المدرسة بيروح بيها والبنت ما طلعتش فخش للادارة يسأل وينها.
ولما شافوا الغياب والحضور لقوا ان البنت كانت موجودة لاخر حصة لكن بعدها ماعادش عرفوا وين مشت دوروا فالمدرسة وبرا المدرسة والبنت كأنها فص ملح وذاب.
طبعا اكيد حاولوا يتصلوا بيها وتلفونها كان مسكر روح بوها للحوش على امل ان بالك في حد وصلها ونست تبلغ بوها
لهني ادارة المدرسة والمعلمات معادش عرفوا شن صار مع الراجل وبنته لتاني يوم
تاني يوم جي المدير للمدرسة لقي الاب مقعمز قدام باب المدرسة ويستنى فيه واول ما شاف المدير مشاله يجري قاله يا استاذ فلان اني من الظلام هني ونراجي فيك بنتي راهي ما روحتش للحوش من امس !! وهني كانت الصدمة فالمدير قاله لو مستعد تمشي تبلغ نمشي معاك لكن لو قلت ما نبيش حد يعرف وبتدور انت وعيلتك ومن غير ماحد يعرف انت حر.
فقاله الاب المسكين غر وين بندور ؟؟
اني مستعد نمشي نبلغ المهم نعرف بنتي وين.
المهم تواصلوا مع الردع والردع اشتبهوا في سيدة في منتصف العمر ولما حققوا معاها طلعوا منها اقوال تشيب شعر الراس طلعت عصابة يصطادوا في البنات من المدارس بعد ما يغروهم بالسفر لتركيا ويزينولهم بانها فرصة العمر و ان المستقبل غادي يستنى فيهم
وطلعت البنت بايتة عند المرا هادي باش تسفرها لتركيا والحمد لله لحقوها قبل ما تسافر واعترفت المرا انها مسفرة قبل بنتين وهادي الضحية الثالثة
وبعد ما رجعت البنت لماليها تواصل المدير مع الاب وفهم منه ان البنت مش حترجع لا لمدرسته ولا لمدرسة تانية وانتهى التواصل بين الادارة والعائلة لحد هني والله اعلم مصير البنت من بعد اللي صار .

اللي بنقوله ان التربية مش ساهلة ابدا واقتناع الولد او البنت بالخطا والصواب هادي تبي اهل مسخرين كل وقتهم باش يوصلوا للهدف هذا ولاحظوا قلت اقتناع لان لو الاهل لو وروهم الخطا من الصواب من غير ما يكونوا الابناء مقتنعين بيه مش حتجيب نتيجة وزي ما يقولوا ناسنا الاولين زي من يحرث فالبحر
لهذا لا المراقبة ولا التجسس ولا التسكير ولا استعمال القوة ولا غيرهم من الوسائل حتحميهم
لازم الولد والبنت يكونوا مقتنعين قناعة تامة وبعدها باذن الله ما حدش يقدر يأثر عليهم

وسامحوني مش حنقول اسم المدرسة ولا اسم الطالبة الحمد لله هي ربي نجاها ربي يستر عليها وعلى اولادنا وبناتنا ويحميهم من كيد الكائدين

اللهم اجعل ابناءنا هداةً مهتدين غير ضالين ولا مضلين، اللهم حبب إليهم الإيمان وزينهُ في قلوبهم، وكرّه إليهم الكُفر والفسوق والعصيان
اللهم امين

لما نتكلم في اي موضوع نحب نقول كلمه "المهم" كل شويه باش تتحمس هلبا ف الموضوع اللي هو أساسا موضوع كله تافه😂😂

ولد سمين هلبه شراله بوه دراجة باش يضعف فاتوا شهرين الولد ماتغيرش قعد ايراقب فيه لقاه يأجر فى الدراجة وبحق الإيجار ياكل بيه
😅😅😅😅

بالنسبه للبنات يلي يمشو للسحارات
ويعطو فيهم 20000الف باش تسحر شاب و ياخذها
صدقيني لو عطيتي الشاب نص المبلغ بس راهو خذاك طول .

راجلي ماعنداش حق الخبزة .... معليشي ساعديه و نقصي مصاريف واخدمي حتى فطيرة في الحوش❤️

مرتي ماتعرفش ادير عصيدة .... تزوج عليها 🫡

راجلي مايعرفش يصلح شيشمات .... مش مشكلة جيبو عامل ❤️

مرتي ماتعرفش ادير عصيدة ..... تزوج عليها 🫡

راجلي مريض ...اصبري وتحملي وراعيه ❤️

مرتي مريضة .... تزوج عليها 🫡

راجلي مايجيبش في صغار .... تحملي معليشي ❤️

مرتي ماتجيبش في صغار ....تزوج عليها🫡

{أَيُّهَا الَّذِينَ آمَنُوا لَا يَحِلُّ لَكُمْ أَن تَرِثُوا النِّسَاءَ كَرْهًا وَلَا تَعْضُلُوهُنَّ لِتَذْهَبُوا بِبَعْضِ مَا آتَيْتُمُوهُنَّ إِلَّا أَن يَأْتِينَ بِفَاحِشَةٍ مُّبَيِّنَةٍ وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَىٰ أَن تَكْرَهُوا شَيْئًا وَيَجْعَلَ اللَّـهُ فِيهِ خَيْرًا كَثِيرًا}.❤️


منقول

الدنيا مش ديمة ح تكون معاك ولا ديمة ح تكون جنبك ونفس الوقت مش ديمة ح تكون ضدك
يعني مرة معاك ومرة عليك
بس خلوا في بالكم إن الدنيا فانية مادايم كان الخالق عز وجل
"قال تعالى" ""وكل من عليها فان ويبقى وجه ربك ذو الجلال والإكرام""
يعني كلنا فانيين ماتخلوا كره اتجاه حد ولا تخلوا موقف مش حلو سامحوا وتراضوا ماتبيش تجي لي حد وتطلبي السماح سامحي ب قلبك واطلبي سماح من ربك قولي أنا ياربي مسامحه كل من ظلمني ولا طعني ب كلمة في ظهري ولا قال ما ليس في أو عابني وأنا نظيفه ومادرت شيء سيء
راهي الدنيا ياتخليك ضعيفة ياتقويك وهدا عليك أنتِ يعني ياضربه بتوقفك يا بطيحك بس انتِ خليها توقفك وتزيدك قوة وتزيد تعلمك ماتخليش الضربة يلي تاكليها تكسرك ولا اطيحك ب لعكس خليها اديرلك جانب إيجابي مش سلبي ديري خط أحمر لي هلبا حاجات هنايا ح تمشي صح ومش ح تغلطي 👌✨
وعمرك ماتدعي ع شخص ب غير الخير حتى لو غلط فيك مرات في وقتها فيه باب من أبواب العرش مفتوحه وتنقبل دعوتك مرات لو يصير لشخص حاجة بعدها تندمي إنك دعيتي ولا كان تبي تدعي خليك مكتفية ب كلمتين هادوا((حسبي الله ونعم الوكيل )) ح ياخذولك حقك والزايد بس مهم إنك ماضريش حد بنفسك خلي ربي ياخذلك حقك توكلي ع ربي وبإذن الله يوصلك حقك بالكامل لينا رب كريم خالقنا ومش ناسينا ماتخليش عبد زيك زيه يتحكم فيك ولا يلويلك إيدك يلي خلقنا معانا في كل وقت اذكره بس
سامحي في الدنيا بينك وبين ربك باش ماتلاقي حد يوم غدوة خليه يوم غدوة بينك وبين ربك مش بينك وبين العبد 🤍
دمتم في حفظ الله 🫶❤️‍🩹

قالك واحد ليبي قالوله انحطولك مرتك بين عشرين وليه
وانغمضولك اعيونك 🙈🙈
لو عرفتها معناها عندك جائزه🏆🏆

حطوها بين عشرين وليه 👩👩👩

بدا ايفتش👀👀
وصل لعندها وقف قاللهم هذي هي😉😉

اندهشو الناس وقالوله كيف عرفتها 🤔
😃😃
قالهم قلبي تريح لصبايا كلهن الا هذي😂😂😂!

حد يفهمني كيف حني قاعدين ف 2023 و الامازيغ واصلين ف 2900:
.

واحد قتل زوجته بالكريك
القاضي سأله: ليش قتلت زوجتك بالكريك👸
ناض واحد من المقعمزين في قاعة المحكمة قاله تفو عليك ياكلب ياخامر
القاضي قاله قعمز انت شن دخلك بالقضية!؟؟
قاله حضرة القاضي أنا ولد جيرانهم ليا سنتين كل مانقوله
عندك كريك يقولي لا😂😂

رسمتي🥲😎