Gaafan waayee kee yaadu
Halkan hirribarraa weerara
Takka siif walaleesseen
Takkammo siif geerara

Nan rafa jedhee ciisus
Sireen koo naan mijaa'u
Nan nyaadha nan dhuga
Nyaannis naan sifaa'u

Yaanni kee wal guuree
Marsee natti yuusa
Karaatii na baasee
Hallayyaa na buusa

Walgayii namoota gidduutti
Kophummaa sodaadha
Yaadaan si duukaa barrisee
Booddee kankee kaadha

Otoon nyaadhuu beela'ee
Otoo dhuguu dheebodha
Guyyaa aduu saafaan
Otoon rafin aabjodha

Waarii kophaa koo taa'een
Urjii samiirraa lakkaa'a
Yaada keen joonja'ee
Otoon dhugin machaa'a

Akkan kan biraa in yaadne
Gaaditeerta miira koo
Akkan ka'ees hin deemne
Na hiiteerta miila koo

Namummaan koo onee
Miiraaf miilli koo gu'eera
An sichi hin jiraadhu
Si keessatti du'eera

Yoon du'es nan fayya!
Atumti na yaali
Yookiin du'aa mana kee
Baasii na awwaali!

@kiya_ye

@walaloo_jaalalaa

Cabuuf dhangala'uu dhiigaa
Hundumaa baraaree
Ulfaadhu uumaa koo
Situu na gargaaree🙏

Daandiin koo cufamee
Yoo dhibeyyuu karri
Kabajaan siif qabu
Hin jijjiiru barri

Bokkaa gannaaf jedhee
Sodaa aduu birraa
Faayidaa baraatiin
Hin warraaqu sirraa

Galfata kee nyaadhee
Irbuu keen gurguru
Daandii ati eegalte
Hin cufu; hin ugguru!

Kaayyoon kee maseenee
Natti hin ta'uu cubbuu
Gatiin baasa malee
Gatii hamma lubbuu!

Didaa koo💪

Jaalalan siif qabu
Sitti himuu barbaadee
Buusee baaseen
Jechan dhabe yaadee

Xalayaas barreessuuf
Kobbee koo qaradhee
Homaa jecha dhabeen
Harka koo maradhe

Dhufeen sitti himuuf
Daandii irra bu'ee
Otoon achin ga'in
Daandiirratti du'e😢

Miila sakaallameen
Bakkan deemuuf hafee
Siif jedhee dhibameen
Du'aa gidduu rafe😢

@walaloo_jaalalaa

@kiya_ye

Manni keenya gamaaree?
Gama nu baasan malee
Warri keenya lamaaree?
Adda nu baasan malee🙏

@walaloo_jaalalaa

@kiya_ye

Akkan siin jaalladhu
Otoo beektu garaarraa
Maaliif narra ejjatte darbita
Akka dhoqqee karaarraa😢

@walaloo_jaalalaa
#Join godha

Yaadaaf👉@kiya_ye

Seeqa keetu ifa

Arrabni kee bara sanaa
Jecha waliin damma tufa
Mufii kee keessattuu
Seeqa keetu ifa

Tarkaanfii miila keetiin
Darbanni yoo raawwatu
Rifeensi dugda keerraa
Asiifi achitti of gatu

@Walaloo_Jaalalaa
#Join godhaa

Erga ati gaafa aabjuun dhuftee deemtee
Erga ati onnee koo saaqxee ol aseentee

Jireenyi koo borcamee babbadee narkaa
Nan rafe jedhee ciifnaan oto rafin si arga

Maqaa kankeen sagal waama
Kankee guutuuf kankoo saama

Kee uffisuuf kankoo daare
Kee haaromsuuf kankoo jaare

Siif jedheen sagal ka'ee sagal kufa
Kankee saaquuf kankoo cufa

Kee nyaachisuuf koo beelessa
Kankoo dhoksee kee seenessa

Siif dadhabeen dafqa cobsa
Lachuu dhiise sittuu obsa

Ani moo

Maalin ta'e? maal hin taane?
Lafan kufe maaf hin kaane

Siif kaadhee isan cabu
Naman dhabe kan na qabu

Malee...

Bubbuleera anoo ergan siif joonja'ee
Erga taliilli koo harka keen boora'ee

Tureera dubbiin koo erga faara dhabee
Abdiin egeree koo bittin jedhee cabee

Haa ta'u jedheen malee kanan ciisee ka'u
Sichi jiraachuun koo jireenya hin ta'u😭

@walaloo_jaalalaa
#join godhaa

Dilbataa dibataa
Guyyaa milkiin guute
Tabba gubbaa baatus
Hallayyaas yoo buute

Siif haa ta'u guyyaa
Nagaaf surraa qabu
Guyyaa.....
Kiyyoon diina keetii
Bittin jedhee cabu

Guyyaa....
Uumaan koo gararraa
Utubaa siif dhaabu
Guyyaa....
Eebbi kee wal waamee
Hammatee wal yaabu

Guyyaa....
Miilli kee-nni hidhamee
Hidhaa cabsee ba'u
Eeyye...
Akkuma garaa kee
Hunduu siif haa ta'u🙏

@kiya_ye

@walaloo_jaalalaa
#join godhaa

Beela kee beela'een
Caba keef okkola
Siin araaramuufan
Ofii koon wal-lola

Gumbii kankee guutuuf
Mana koo oneessa
Dugdatti si baadheen
Galma kee si geessa

Hir'uu kankee guutuuf
Duwwaa koo hir'isa
Gammachuun kee kankooti
Nagaa kootu isa😘

@kiya_ye

@walaloo_jaalalaa
#join godhaa

Sitti himuu?

Akka...
Simboon bareeda kee
Qalbii koo na hate
Akkan siif maraadhe
Uffata koo gate

Akka...
Kiyyoo kee darbattee
Funyoo keen na hiite
Akka otooman si eegu
Aduun baatee dhiite

Akkan....
Yaadaa fi yaaddoon keen
Akkan taane ta'e
Akkan barbaacha keef
Sagal gabaa ba'e

Aayi sittin himuu dhiis
Natti haa hafu lakki
Yeroonsaa hin geenye
Asiis miti bakki

Garuu gaafa tokko
Gaafa guyyaan ga'e
Gaafa...
Dhibeen koo dhiibatee
Suuqa keessa ba'e

Quuqa koo cinaachaa
Atiyyuun agarta
Gaafas rakkoo kiyya
Dhugaa koo naaf barta

@kiya_ye

@walaloo_jaalalaa
#join godhaa

Faana kaayyoof kaatu
Imala koo dhaabee
Kaleessan barbaadu
Farda seenaa yaabee

Kun dirqama uumamaati
Darbuuf dhufuuf seera
Karaan koo kaleessaa
Qoraattii baaseera

Maaliifan gaabbiidhaan
Sammuu kiyya goola
Maafan otoo jechaa
Quba nyaachaa oola

Ka'een deema malee
Borii koo ilaalaa
Kan kalee darberra
Kan boriitu caala

Maafan har'as taa'ee
Gaabbiin quba nyaadha
Farda abdii yaabeen
Galma boriif kaadha

Isan saamsee gate
Hin nyaadhu garaabaa
Eeyye!
Bishaan darbe dhiiseen
Kan dhufu waraaba!

Imalli itti fufa...🚶

@kiya_ye

@walaloo_jaalalaa
#join godhaa!

Kaan nyaatee bula;
Kaan immoo agabuusaa,
Kaan biddeen har'aa dhaba,
Kaan boriif qarshii kuusa

Kaan konkolaataa lakkaa'a
Kan filatee yaabbatu
Kan miilayyuu hin qabu
Kan ittiin dhaabbatu

Egaa...
Addunyaan kun burreedha
Burree bifa dhibbaa
Dachee galaa nyaattu
Kanaafan si jibba!

@kiya_ye

@walaloo_jaalalaa
#Join godhaa!

Erga aduun lixxee
Lafti dukkanaa'ee
Ergan galmee cufee
Dachaasee olkaa'ee

Ergan taa'ee taa'ee
Si eegee dadhabee
Ergan mana kootti
Imala jalqabee

Fedhiif hawwii kankee
Erga dharraa baatee
Nan dhaabin karaarra
Gufuu natti taatee

Hamilee koo cabsitee
Na buustee mogolee
Nan waamin hin dhufu
Ofii koon wal_lolee

Eenyummaa kee dhugaa
Bareera garaa kee
Lammaffaa nan eegin
Hin darbu karaa kee😭

@kiya_ye

@walaloo_jaalalaa
#Join godhaa!

Galma Koo dur durii
Aabjuu bara dheeraa
Giiftii jireenya koo
Si'iin argadheera

Jaalala naaf laattee
Kan jaalalaan sooru
Ga'eera galma koo
Kana booda jooru

Miila keerra deemeen
Miiltoo kankee ta'aa
Taa'i jennaan taa'ee
Ka'i jennaan ka'aa

Siif bitameen jiraadha
Umrii kiyya guutuu
Baadheen si kunuunsa
Barruu koorra buutu

@kiya_ye

@walaloo_jaalalaa
#Join godhaa!

Nama anan feenee
Kan argaa koo jibbu
Nama gadda kootiif
Akka cidhaa sirbuu

Nama na hamachaa
Afaaniin na saaduu
Nama dantaasaatiif
Qofa na barbaaduu
~
Kabajaa kenneefiin
Onnee kiyya keessa
Isaaf baga jedheen
Eebbisee geggeessa!

✍Amena Teferi

@Walaloo_Jaalalaa
#Join godhaa

Ani fi Ati

Ijaan wal argina
Qalbiin wal darbina

Qamaan - Waliin fiigaa
Yaadan - Wal diddiigaa

Irra dibaa - Soba kolfaa
Keessa keessa - Wal o'orfaa

Hin fakkannee fakkeessina
Waan hin taane odeessina
Qoraan baaqqee bobeessina
Mi'aa jechaa hadheessina

Jiruun keenya duuwwaa dhoraa
Hireen keenya adda goraa

Mee maal baasuf dhama raasna
Kottu...
Adda baanet adda baasna.

✍️YW Kaachuu

@Walaloo_Jaalalaa

Join godhaa!

Bishaaniif biyyoorra
Siinan nama ta'e
Aayyoo koo deessee koo
Baga isiniin ga'e

Hidda dhiiga kootii
Wiirtuu lafee dugdaa
Wabii egeree koo
Jireenya koo hundaa

Kankee jechaan ibsuuf
Hin yaadu; hin seeradhu
Deessee koo Aayyoo koo
Umrii naaf dheeradhu🙏

@walaloo_jaalalaa
Join godhaa

Halkan waarii gidduu
Dukkana walakkaa
Bokkaa samii roobu
Balaqqeef bakakkaa

Kophaa koo taa'eetan
Si yaada si faarsa
Akki keef duuti kee
Na guba na aarsa

Boo'een hirqiffadhaa
Nan iyya nan aada
Akki keef duuti kee
Na guba na waada

Takkammoo kophaan
Ofii kootti odeessa
Akki keef duuti kee
Gubee na bobeessa

Gubaa laphee jalaa
Onnee koof garaacha
Akki keef duuti kee
Fayyaa na maraacha

Akki keef duuti kee
Inni halkan sana
Atoon obbaafattee
Namni du'e ana! 💔😥

⭐️ Major Telegram Star (Gift Coin)

✅ Nama 1 invite yemmuu goitan ⭐️ 15 - 50 ni argattu
✅ ⭐️ argattan kanaan Telegram premium wantoota biraa bituu ni dandeessu.
✅ Akka warreen kaanii Airdrop Listing date eeguun sinirra hin jiraatu
✅3 task jiran hojjachuun sinirra jiraata.
✅⭐️ 1 qarshii 2.50 ni baasa
✅Bot Verify kan ta'edha
✅Telegram wallet Connect gochuun dirqama

⚡️ warreen hin jalqabne kunooti asii gadi Liinkiin : Start Here
👇👇👇👇👇👇👇👇👇👇👇👇
⭐️
⁨https://www.tgoop.com/major/start?startapp=519854967

👑Help me to become best of the best in @Major and get some Stars!
15⭐️ invite bonus for you
50⭐️ if you are Premium Major