ياثجيل وبالحرب مادنكيت
غير بيرغ يبو فاضل مانصيت
كله ترجف چن سعف منك شجاع
انته بلطيف وتخوف لو اجيت

ضوه ماتنكض ابد ياكمر ياكمر
صاير اضعاف العدد ياكمر ياكمر
ماسلم حته الشرد ياكمر ياكمر

الزلم خرسه تصير طب خلاسه
غير ابو الكلفات كظ وداسه
دخل جيدوم الحرب عباسه

################

الراي رايك بلفعل بس هوه راي
الدنيا توكف لجل اسمك كلها هاي
جفك وي السيف متوارد اكيد
انته طشرت العساكر چنه ماي

حيره منك حارت ياكمر ياكمر
ليك كله اندارت ياكمر ياكمر
الغوث بسمك صاحت ياكمر ياكمر

دخيل كله تصيح شيخ الساده
بلخزر والسيف يفني القاده
غير هو العباس بيهم ناده

#################

خالس الطف بخزرتك ماكو صوت
كله خرسه تصير يمك من تفوت
اسمك العباس لاجن بالحروب
هذه مو عباس صاحوا اسمه موت

شالع كلوب الزلم ياكمر ياكمر
الجيش منك منهزم ياكمر ياكمر
مثل حايط منثلم ياكمر ياكمر

الهوه يوكف وابوفاضل ماوكف
الروس ماتبقى بجسدهم لو خطف
حيله من حسين وابدأ ماضعف
#################

حار من كل صوب تلسع بالشمس
غير ابن حيدر وانته اعظم درس
موش واحد صاحوا بنص النزال
بكل كتر عباس خالسهم خلس

دنكت كله وتصيح ياكمر ياكمر
بلحرب انته استريح ياكمر ياكمر
احنه جدامك نطيح ياكمر ياكمر

القاده جوه الكاع تلبد بالحرب
غير عباس النزل بيه الصعب
كله تركع للكمر لمن يطب

################

عل مراجل ماخذ اول وانته حيد
انته صدر المعركه وبيه العجيد
كله صفره نكلبت بيوم الجيت
هتزت الحومه دخيلك يلعنيد

كلب كالبه تره ياكمر ياكمر
انته سبع الكنطره ياكمر ياكمر
الزلم رجعت ليوره ياكمر ياكمر

انته فارسه الحرايب من تحوم
لجيمه كله طيح منك من تكوم
انته طيرت الركب فوك النجوم

#################

وداد البخاتري

كبش الكتيبه اليوم نازل بيهه
بس هوه شايخ عاالزلم ندريهه
غير ابو فاضل منصدك طب ليهه
طويت فرش صاح الخصوم اطويهه

يشايل كنطره
يهيبة حيدره
يغيره ومفخره

#################

فراها فرت محبس ابجف ييده
يوم الدخلهم حيله من عضيده
وكر عليهم جن صكر عالصيده
طب العرمرم مااخذ عله البيده

يشيخ عللزلم
يكاسر جم خشم
نعم والله ونعم

##################

خيال ابن خيال هوه بزوده
محلاها عنده الهيبه بي مريوده
ابو الزلم عباس محله زنوده
هذا القب والغيره بيه موجوده

يعباس الكفو
يخيمه عالخو
يقائد مولفو

###############

بفعاله يحجي ومندخل بعلومه
مثل الجمر عباس طب الحومه
وجه وكفه المهيوب تجوي رسومه
غار وغزاها الحرب هوه بيومه

تعله عالمهر
يحر من لجمر
يالمشرد الكفر

#################

يوم الهجم بالعركه اسمه الكافل
محد وصله بسيفه طب يقاتل
يااهو اليكدره وبالمراجل كامل
بالغيره واسم حسين هوه النازل

تحزم بالحرب
دخيله من يطب
ترا هوه الصعب
#################
وداد البخاتري

ـ سئل أبو عبد الله (عليه السلام) عن فاطمة: لِمَ سمّيت زهراء؟ فقال:«لأنّها كانت إذا قامت في محرابها زهر نورها لأهل السماء كما يزهر نور الكواكب لأهل الأرض».

حال لسان مولاتي زينب( ع) عنده استشهاد مولاتي فاطمه (ع) تكول


طفه البيت يمه من بعد نورج طفه البيت
نبت ريت. بسمارج وسط ضلعي نبت ريت

زينب يمه اني كلميني
بفراكج اموت وتعمه عيني
مااشم الهوه اشتمج تجيني
يكون تصير ادورلج سنيني

مااريدن ضوه بلبيت يمه اني اريدنج
مكسورة ضلع ويلا ميته ولا اشوفنج
كلش يمه حتاريت ما اكدر اشبكنج

####################

بعد وين مثلج فاطم يلمنه بعد وين
تره العين خلتعمه عكب عينج تره العين

ياراحه التجي الامه راحت
هوه يموت بس دمعاته عاشت
على خده يعيش دمعه الامه ماتت
امي الدنيه كلها شلون طاحت


مو ليله صبحت يمه كسرت كلبي هليله
علي محدب ابوي عليج مو ذاكه علي حيله
متكدر ودمعه يسيل حيره شلون اتجيله

###################

بده الهم. بعدج يم حسن بيه بده الهم
نزل دم من ضلوعج وشفته نزل دم

ياكلب اليهيد وياجرح يشفه
اليشوف امه بضلعه تنوجد خسفه
يضل مكسور كلبه وماكطع نزفه
يموت احسله لو ماتت تره العفه

وحشه الدنيه كلهه عليج جي لنج صدك رحمه
يم الحسن من اليوم ما اريد الهوه اشتمه
اضلم كل درب بجفاج بعيوني وصبح زحمه

###################

طبك كون عليه الباب ياروحي طبك كون
ول عيون تغمض قبل لاشوفج ول عيون

يايمه الحنينه مو وكت موتج
بعد يلزهره ماسمع صدك صوتج
مثل عيوني انتي شلون اعوفج
روحي تروح بس المهم روحج

ما نكدر نعيش نموت موهينه تره العشره
اول مره اشوف حسين كض اصفاحه يلزهره
واكف والحسن محتار جمره بكلبه مو حسره

##################

علي طاح من ودعتي يلزهره. علي طاح
صفه نياح. بيتج يم حسن كله. صفه نياح

ما يحجي علي يمكن وكف كلبه
شاف المحسن بدمه صدك صعبه
بفراكج علي تيهه تره دربه
اول مره يبجي والدمع صبه

رافكنه الهضم والنوح من شفنه الجفن غمض
مايكدر ابوي يكوم راح الحيل ما ينهض
مكسور الكلب والشيب بيين بلرمش ابيض

###################
وداد البخاتري

اليوم حزنانه ملائكة السمه
والمصيبه الليله ماتت فاطمه

كسرو اضلوع الزچيه ام الحسن
ياهضيمه الصارت ب هاذا الزمن
من البجي ع الزهره العيون نعمن

وحيدر اضلوع الزچيه تألمه

#################

زينب ع امصابها تون وتنوح
والحسين يصيح امي لا تروح
جنة الله والعطر منها يفوح

ماتت وبچت علي حامي الحمه

#################

والحسن مهدوم حيله وي الولي
يا نهيبتنه الجبيره يا هلي
الليله راحت فاطمه ييصيح علي

علي مفجوع ويريد تكلمه

#################

بعصرت الباب نكسر منها الضلع
فاطمه وهل قول ليها وستمع
الله يغضب وي غضبها وينفجع

والدفعها بيد ربها تسلمه

#################

ياعلي اضلوع الزچيه مكسره
وطاح منها المحسن وهاذا الجره
النار شبت بالضلوع موجره

وزينب تصيح العلي وتحشمه

#############

وداد البخاتري

((قصيده الساقي))

طبلهه الساقي ومادنك هامه
والقاده تخاف وتركض جدامه
اسمه العباس ومن يخطف صاحو
دخيل الموت النازل بالثامه

ويله اليوصل يتندم
ويله اليدخل مايسلم

عباس يجدح من عينه عباس تصطر جفينه
___

بس هوه النازل شيخ وتدرونه
ياجيش اليوكف كابلهه عيونه
يازلمه اليوصل فعله وشخصيته
عباس الهيبه يقاتل بفنونه

رايه عليهم ضل يفرض
رايه بزوده وهليعرض


كفال ريشات براسه كفال يرهب من ساسه
_

واحد عباس ومن ينعد ميه
دخيل الكافل ابن البدويه
مثل الريح وماينكض تدرونه
عباس الحالف بخته العلويه

بيده حالف يكضيه
بيده كلهه ويمحيه

بركان نازل عالقاده بركان ياشيخ الساده
___


خلاها القاده تخاف من افعاله
غير العباس ومحد يدناله
اول خيال الكافل بالحومه
واكف ويعارك بچه الخياله

نازل صفاها الحومه
نازل بالطف جيدومه

خيال ويخوف سيفه خيال من طب بكيفه
__

سبحان عيونه وسبحان الهيبه
ياجيمه توصل فعله وتدريبه
خلاها الناس تحير الماحارت
من ينزل كلهه تموت بتعذيبه

بيهه الشارد كلوله
بيهه زلمه وحيوله

مهيوب من فات بزوده مهيوب يامحله زنوده
__
وداد البخاتري