دعواتكم ليها ❤️

قروب 22 ..... 19 = 15k سوداني
قروبين = بريميوم 3 شهور
4 قروبات بريميوم 6 شهور

Zain sudan 😂

ضياع زمن

كما وعدتكم هذه قناة الكورس https://www.tgoop.com/Webscra

:)

🎬 مقدمة كورس Web Scraping and Automation
هل فكرت يومًا كيف تقوم بعض المواقع بجمع ملايين البيانات خلال لحظات؟ أو كيف يمكن لتطبيق بسيط أن يجلب أسعار المنتجات من 5 مواقع مختلفة خلال ثوانٍ؟
في هذا الكورس الخفيف الظريف والمفيد جدًا، سنأخذك في رحلة ممتعة من الصفر حتى بناء أدوات قوية لجمع البيانات، التفاعل مع المواقع، واستخدام APIs لبناء مشاريع مفيدة في حياتك العملية والبرمجية.
ستتعلم:
كيف تفهم المواقع من الداخل.
كيف تستخرج أي بيانات تريدها.
كيف تتجاوز العقبات الأمنية.
وكيف تبني أدوات تشبه أدوات الذكاء الاصطناعي المنتشرة اليوم.
الكورس عملي، مبني على مشاريع، وسهل لأي مبتدئ حتى لو لم يكن لديه خبرة سابقة في البرمجة.
🧠 بايثون فقط، وأفكار ستفتح لك مجالات كبيرة في العمل الحر أو تطوير أدواتك الخاصة.
جهّز حاسوبك، افتح المتصفح، واستعد لدخول عالم لم تره من قبل!

:)

https://www.tgoop.com/alrufaaeyDev


الرفاعي عاد بقوة دي القناة حقتو الجديدة ❤️.

ملفات مجانية شروحات

الناس تشارك القناة .. للفائدة .

ده الملف فاتح تقدر تجدد الحساب من الرابط ده
https://sshmax.net/v2ray-vless/germany/de

Zain free ❤️
الثغرة من عمكم الرفاعي

اعملوا مشاركة للقناة
http://www.tgoop.com/alrufaaeyDev

جايكم الفخيم ...
ترقبونا .

المحاضره الاولى ...

السلام عليكم ورحمة الله وبركاته

ربنا ينزل علينا وعليكم الأمن والرحمة والطمأنينة، ويهدي حال السودان والأمة الإسلامية يا رب.

# الدرس الأول
درس تعريفي عن الإنترنت والشبكات :

ما هو  إنترنت؟

الإنترنت ببساطة هو شبكة ضخمة جدًا بتربط بين ملايين الحواسيب والموبايلات والسيرفرات حول العالم،
يعني زي شارع كبير جدًا، بيخلّي الناس توصل لبعض بسرعة، وتتبادل معلومات وصور وفيديوهات ورسائل.. الخ.

أي موقع تدخل عليه (قوقل، يوتيوب، واتساب...) هو موجود في مكان ما في العالم،
وإنت لما تفتحو، جهازك بيرسل طلب للمكان ده ويستقبل الرد، وكل ده بيتم في أجزاء من الثانية.

طيب، كيف ده ممكن؟ كيف الأجهزة بتتكلم؟

أها، عشان الأجهزة تتفاهم، لازم يكون في قوانين واضحة لتنظيم التواصل، وده بنسميهو "بروتوكولات".

يعني زي قواعد المرور، لو ما في قوانين، كل العربات ح تصدم.

أمثلة على البروتوكولات:

IP
عنوان الجهاز، زي عنوان بيتك.
اختصار لي IP:( Internet Protocol)

#تنبيه باقي كلمات  موجودة فوق منشور معنى و اختصار كل عليك حاليآ تحفظ اختصار كلمات كما هيا .
فقط لمعرفة اما كل م تحتاج إليه معرفة اختصار المعنى فقط لتوضيح و الشرح

* نواصل  *

UDP/TCP :
هم من طريق إرسال واستلام البيانات.


HTTP / HTTPS: للتصفح الآمن للمواقع.


DNS: بيحوّل اسم الموقع لعُنوان (IP) يفهمو الجهاز.

كدا عرفنا اهم وأشهر بروتوكولات و هنالك بروتوكولات كثيرة جدا مثل smtp / ftp
... الخ وسوف نتطرق الى كل بروتوكول في شرح عملي ان شاء الله نتابع

#تعريف مبسّط للشبكة (Network):

الشبكة هي لما تربط جهازين أو أكثر مع بعض، عشان يتشاركوا بيانات أو إنترنت أو ملفات.

زي لما يكون عندك طابعة مشتركة في المكتب، وكل أجهزة الكمبيوتر تقدر تطبع منها — دي شبكة.


أنواع الشبكات (بشكل بسيط):

LAN: شبكة داخلية صغيرة (زي البيت أو المكتب).

WAN: شبكة كبيرة واسعة (زي الإنترنت).

WLAN: شبكة لاسلكية (الواي فاي).

VPN: شبكة افتراضية، بتحمي اتصالك لما تكون خارج الشبكة.

طيب الحاسوب بتاعي دا كيف يدخل الشبكة؟

الجهاز بيتصل بالشبكة عن طريق:

Wi-Fi (شبكة لاسلكية).

كابل شبكة (LAN).

بيانات الهاتف (شبكة مزود الخدمة).
isp = مزود الخدمة
شركات الإتصالات مثل زين فودافون اورانج... الخ

وبعدها بيدخل الإنترنت ويقدر يرسل ويستقبل معلومات.

نقطة مهمة: الإنترنت ما "سحر" ولا "بلا حدود"

كل شي فيه منظم ومترابط ومبني على طبقات وعلوم مثل:

الشبكات.

الحماية (Security).

البروتوكولات.

السيرفرات.


#أنا ما عندي خبرة، أبدأ من وين؟

نبدأ خطوة بخطوة.

ما عليك لو ما فهمت كل شي من أول مرة.

هذا الكورس مخصص للمبتدئ من الصفر.


في الخاتمة:

الإنترنت هو بوابتك لعالم الشبكات،
والشبكات هي أساس الإنترنت،
وفهمك ليهم حيخليك تتقدم في مجالات كثيرة زي الأمن السيبراني، البرمجة، السيرفرات، والخ .

ح أوقف الشرح هنا عشان ما أضغط عليك بمعلومات كثيرة،
ان شاء الله الدرس القادم شوية مقدمات و تطبيق عملي على معرفة شبكة

#تنبيه اخير :
باب النقاش مفتوح في جروب بخصوص الكورس
خليك متابع في قروب في حلول لمشاكل التسطيب + شروح لبعض مشاكل بتواجه الشباب 😊

لا تنسى دعوة جميلة منك ☺️

شير لقناة
@kaizonova
الحساب الشخصي

@kaizodev

السلام عليكم ورحمة الله وبركاته
جمعة مباركة على الجميع و لا تنسوا الدعاء لي اخوانكم مسلمين في جميع بقاع الأرض ... نواصل الكورس

#الدرس الثاني :

في الدرس السابق فهمنا شنو يعني إنترنت، وشنو يعني شبكة، وعرفنا بعض المفاهيم الأساسية.
الليلة ح نتكلم عن أنواع الشبكات، وكل نوع بنستخدمو وين وليه.

أولًا: LAN — Local Area Network

شنو يعني؟

شبكة محلية صغيرة، بتغطي مكان محدود زي بيت، مكتب، أو قاعة دراسية.

أمثلة:

شبكة الإنترنت في بيتكم بين التلفون والراوتر.

مكتب فيه 5 كمبيوترات متصلة مع بعض.


مميزاتها:

سريعة جدًا.

سهلة الإدارة.

ما مكلفة.


ثانيًا: WAN — Wide Area Network

شنو يعني؟

شبكة بتربط مناطق بعيدة ببعض، زي مدينة مع مدينة أو دولة مع دولة.

أمثلة:

الإنترنت نفسه يعتبر WAN.

الفروع المختلفة لبنك مربوطين مع بعض عبر WAN.


مميزاتها:

تغطية كبيرة جدًا.

تعتمد على مزودات الخدمة (ISP).


ثالثًا: WLAN — Wireless LAN

شنو يعني؟

هي LAN لكن بدون أسلاك، بتشتغل بالواي فاي.

أمثلة:

الشبكة في بيتك المتصلة بالواي فاي.

مقهى فيه إنترنت مجاني لاسلكي.


رابعًا: PAN — Personal Area Network

شنو يعني؟

شبكة شخصية صغيرة جدًا، بتربط أجهزة شخص واحد بس.

أمثلة:

بلوتوث بين تلفون وسماعة.

ربط تلفون مع لابتوب عبر USB أو WiFi Direct.


خامسًا: MAN — Metropolitan Area Network

شنو يعني؟

شبكة بتربط عدة مواقع داخل مدينة واحدة.
أكبر من LAN، وأصغر من WAN.

أمثلة:

شبكة حكومية في كل المكاتب الحكومية داخل العاصمة.

شبكة جامعة منتشرة في كل الكليات داخل المدينة.


سادسًا: VPN — Virtual Private Network

شنو يعني؟

شبكة افتراضية خاصة بتخلي اتصالك بالإنترنت مشفر وآمن، وبتغير عنوان الـ IP حقك.

متى نستخدمها؟

لما تكون في شبكة عامة (WiFi في كافيه).

عشان تحمي خصوصيتك.

عشان تدخل خدمات غير متاحة في منطقتك.


# الإنترنت (Internet)

هو أكبر شبكة WAN في العالم، بيربط مليارات الأجهزة .


#في حاجة كدا مفروض نتكلم عنها ما نخليها براها في درس ثالث ح نحاول نختصر مفاهيم عشان نمشي لي عملي بأسرع زمن بس لازم نعرف بعض أساسيات عشان كدا استحمل معاي يا بطل شوية الدرس الثاني دا ح يبقى طويل شوية يلا نمشي لمفهوم مهم اكيد سألت نفسك كيف ip دا بجي صح كيف كل جهاز بكون ليهو رقم متسلسل خاص
كل ip غير الثاني

يلا هنا بتدخل :
DHCP
وده اختصار لي:

Dynamic Host Configuration Protocol
بالعربي كده: بروتوكول التوزيع التلقائي للعناوين

طيب يعني شنو؟

يعني لما موبايلك يتصل بالواي فاي، الجهاز ما بكون عارف يدو IP كم؟
بيرسل لي الشبكة يقول ليهم:

أنا جيت، وروني أوقف وين؟

يجي الراوتر (أو الخادم) يقول ليه:

خلاص يا زول، أمشي أقيف في العنوان دا 192.168.1.10

وكده الجهاز بيستلم العنوان ويبدأ يستخدم الإنترنت.


العملية دي ما ساهلة عندها عندها 4 خطوات مشهورة اسمها
DORA ::::

1. D – Discovery
الجهاز يفتّش في الشبكة، يسأل: في زول يوزّع IP هنا؟

2. O – Offer
يرد الراوتر: أيوا يا زول، أنا هنا، شيل العنوان ده

3. R – Request
الجهاز يرد يقول: تمام، ممكن أستخدم العنوان ده؟

4. A – Acknowledge
الراوتر يقول ليه: إتفضل، بقى العنوان ده ليك رسمي.

طيب وين DHCP

يلا يا هندسة
DHCP Server
في أغلب البيوت والمكاتب، الراوتر نفسو هو الـ DHCP Server.

طيب لو ما في DHCP؟

يعني لو الراوتر مشغل الخدمة دي، الأجهزة ح تأخذ IP لحالها.
لكن لو ما شغالة:

الجهاز ح يوقف منتظر.

أو يعطيك رسالة تقول:
"No IP Address" أو "Limited Access"

تجربة بسيطة: كيف تعرف جهازك أخد IP من DHCP ولا لا؟

في terminal أكتب:

ip addr show

وشوف:

لو لقيت IP زي 192.168.1.x → فأنت أخدت IP من DHCP

لو لقيت 127.0.0.1 بس → معناها ما في DHCP

*نصيحة في موضوع DHCP

ما تخلي DHCP متوقف، خليه دايمًا شغال في الراوتر
عشان ما تتعب في توزيع العناوين يدويًا لكل زول في الشبكة.

نواصل شوية عملي أمثلة بسيطة

Examples


1. عائز تعرف عنوان جهازك على ip الداخلي

أستخدم أمر
ifconfig او ip addr show
الثاني
دا بوريك كل الكروت الشبكية في جهازك،
أنت دور على حاجة اسمها wlan0 أو eth0

تحتها بتلقى سطر زي ده:

inet 192.168.1.14/24

يعني جهازك عنوانو الداخلي هو 192.168.1.14
ودا العنوان المستخدم جوا البيت أو المكتب (LAN)

2. لمعرفة عنوان جهازك الخارجي ip
curl ifconfig.me

دا العنوان البتشوفو المواقع، يعني الـ NAT شغال، والراوتر بترجم عنوانك الداخلي لعالمي.

3. عائز تتأكد إن الإنترنت شغال

ping -c 4 google.com

لو لقيت رد زي
64 bytes from ...

فمعناها النت شغال تمام

4. عائز تعرف الشبكة بتاعتك فيها كم جهاز (فحص LAN)

أولاً، شوف الـ IP حقك:

ip addr show wlan0

بعدها نفترض عنوانك الداخلي 192.168.1.14

يبقى الشبكة بتاعتك غالبًا:
نضغط على أمر دا
nmap - sn (ip)/ (24)
nmap -sn 192.168.1.0/24

الشرح:

-sn: معناها فحص سريع بس للأجهزة الموجودة

ح تلقى كل الأجهزة المربوطة معاك في نفس الشبكة
مثلاً تلفونك، لابتوب، الراوتر...

5. تعرف هل الترجمة شغالة؟ (DNS)

جرب الأمر ده:

nslookup youtube.com

أو استخدم:

dig google.com

النتيجة:

لو طلع ليك IP زي 142.250.xxx.xxx فدا معناه إن نظام DNS شغال، وبيحول الأسماء لعناوين صح.

**** إضافات مثل لقيت ip ثاني معاك في نفس شبكة و حابي تتصل
تستخدم الأمر

ping -c 4 192.168.1.25

لو عائز اعمل تتبع لموقع و حابي تعرف كيف انا بوصل لموقع اضغط على أمر دا
traceroute (website url عنوان الموقع )
مثلآ قوقل
traceroute google.com

بتشوف الطريق البتمشي فيهو البيانات من تلفونك لغاية ما تصل سيرفر Google

قبل تعمل خطوات فوق دي اتأكد انك حملت termux و عملت
pkg update && pkg upgrade -y
# أوامر مهمة
pkg install curl -y
pkg install inetutils -y
pkg install net-tools -y
pkg install dnsutils -y
pkg install bind-tools -y
pkg install traceroute -y
pkg install nmap -y
pkg install iproute2 -y

او ممكن تعمل ملف
Command_line.sh
و تضيف كل بكج فوقو و تعمل تشغيل

بالنسبة لناس مثبتة لينكس داخل ترميكس استخدم امر pacman

مثلآ

pacman -Syu --noconfirm

pacman -S curl --noconfirm

نقاط مهمة في ٣ اسكرينات لشرح ثلاثة أوامر باقي أوامر مع شرح قادم ان شاء الله فديو

# تنبيه :

الشبكة ما لعب ساي ... عنوان IP بتاعك زي عنوان بيتك، ما تنشره.
وأي شبكة او مواقع ما تفحصها من غير خبرة ، خلي شغلك دايمًا في المأمون + اداءة nmap
ليها خطورة في استخدام.
+خليك واقعي vpn عادي م بخليك شبح.
+ DNS
ممكن يكشف اماكنك و مواقعك المفضلة لو انت حريص على خصوصية استخدم dns أمن
.

يلا نشوفكم بسلام لدرس القادم ان شاء الله.

نواصل ............

مع تحيات

@kaizonova