هليوم هليوم حيدر منفجع
بفگد أم لحسين يجري الدمع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مفجوعه لكوان بالصار وجره
ضلع الزچيه الظالم كسره
وباقي جرحها اليوم الأخره
اتنوح لملائك يمه تنجمع،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شنهو ذنبها مكسورة گلب
ومدمعها ايسيل علوجنه يصب
مصيوبه بسمار هلموقف صعب
هجموا علدار كل ذاك الفزع،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
گالوله بلدار فاطم هلتون
برجله رفس باب گاللهم وأن
ظهروهه لحقاد عباد الوثن
ياوسفه الباب عليها تندفع،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
طاحت علگاع من فعل الرجس
دمها غده ايسيل هلطيبت نفس
شمس الله اتنوح مكسوفه الشمس
من دفعت الباب كسرو الضلع،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ننصب عزانه نواسي المرتضى
ارض وسماوات وينوح الفضا
ياوسفه لظلوع منها مرضرضه
ماتت حزينه وابهذا الوضع،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

اول مظلومه يفجعوني،،
بويه خلافك مارحموني،،
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شحجيلك عالصاير بيه
تحظر ريت اتصد عليه
خلافك ابچي كل يوميه
مهظومه وروحي مسبيه
،،ماترضه عليه يأذوني،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اسمع بويه مني عتابي
انظر حالي شوف صوابي
زمرة شر الدفعوا بابي
وگومك ماراعوه احجابي
وياوسفه ابچي خلوني،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بغيابك يا حالي اتغير
خدي ابفعل الظالم احمر
هواي تعذب گلبي تمرمر
تقبل ضلعي بويه اتكسر
ياريت وياك يدفنوني،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعصرت بابي حيل اذاني
ومن ضلعي انحب خلاني
و ابسوطه قنفذ بچاني
رد ليه ابمتني طگاني
شوف بعينك هاي متوني،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فوگ همومي هم الفرگه
روحي بعدك مثل الورگه
بهم حزاني هل متعلگه
غيابك طول ريت الملگه
كل يوم بلوعه يهظموني،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

الكسر الضلع،،،، يجري الدمع
بنت النبي مهظومه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اعظم جريمه علبشر سووهه
باب الله علزهره بحقد دفعوهه
ابنار الهظيمه والفتن حرگوهه
،،ابهذا الفعل،،،،قتلوا طفل،،
،،وأم الحسن مالومه،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ارض الله انطبگت عليها السبعه
من دفعوا الباب اعله ضلع البضعه
وكل الملائك تنتحب منفجعه
،،حتى العرش،،،،ضل مندهش،،
،،اوروح النبي مهمومه،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماتنوصف ابذاك الهظم حالتها
وعله وجن دم اصبحت دمعتها
وبين أثرها اعله الوجن سطرتها
،،ابفعل الرجس،،،،صارت تحس،،
،،من كل جرح ملچومه،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اوونتها عن حامي الحمه تخفيها
خافن علي يحس بمصاب البيها
ومابينت كسر الضلع ماذيها
،،اوحين الأجل،،،،بيده غسل،،
،،حيدر ضلعها دمومه،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وحس ابضلعها منكسر بلعصره
حين ألمس بيده ضلعها وكسره
وصب ادمع ابدال الغسل علزهره
،،وناح بهظم،،،،من هل ظلم،،
،،بنت الطــُهـر مظلومه،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

چم دوب الصبر،،،نبقى ننتظر،،،يايوم الفرج
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من يوم الغبت يابوالوفه شفنه مصايب
ظلينه ابحزن والجيتك احنه نراقب
بس انت الأمل والأمتك وينك يغايب
ونتوسل الك والطلعتك يبن الأطايب
گلوب اتجرحت،،،والدنيا اصبحت،،،ابهرج ومرج،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يلصبرك عجيبه وللخلگ اكبر عجيبه
مالحظه افترگ عن روحك الطيبه الغريبه
وگلبك مستعر لاماطفه ساعه لهيبه
وندعي للفرج غايبنه يخلص مغيبه
يارب السمه،،،بدمعت فاطمه،،،وابجاه الحجج،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سبحان اللذي آخر ظهورك ياولينه
حكمتها الصبر وبعد الصبر تفرج علينه
ابگلبك ماخفه اولا خمد لحظه ونينه
وچم عاشگ الك يتنطرك مشبوحه عينه
وانكحل النظر،،،من نسمع خبر،،،المهدي خرج،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ثاراتك بقت لسه يبن حامي الحميه
أولها الضلع الفاطمه زهره الزچيه
وثانيها العلي وللمچتبى ابسم المنيه
وحسين البقه ابگربله فوگ الوطيه
وزينب بلغرب،،،مدمعها يصب،،،ايذوب المهج،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ندعي للفرج طول العمر بهذا دعانه
الله يعجل أظهورك يوالينه ورجانه
وحتمن طلعتك ياسيدي وبيدك لوانه
وتفرح شيعتك من تسمع المهدي اجانه
وتمسح علرؤس،،،ولچفوفك نبوس،،،وبسمك لولهج،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

شاعت اخبار الخطر،،،وحسين ناوي علسفر
وانه العليله،،،،،،،،، ابداري نحيله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من راح ابويه الكربله ظليت وحدي
حسبات تاخذ بلفكر ودمعي اعلخدي
ياربي سلمه من الخطروظعن يحدي
بغيابه مجروح الگلب ودنياي ظدي
مابيه احمل فرگته،،،،صعبه عليه غيبته،،
دوم اندعيله،،،،،ابداري نحيله،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كلما يمر بيه الوگت يشتد مصابي
والعله تكبر بالگلب ابهمي وعذابي
طفله وحزينه بلاابو شينفع عتابي
وسمع جوابه ويلصدى يطول غيابي
اتمني اروح ويلأبو،،،،والناگتي يبره الأخو،،
اهمومي ثگيله،،،،،ابداري نحيله،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ابكل ساعه ابالي صور اتمر عليه
صورة علي الأكبر تمر بلطف رميه
لوجاسم العاف العرس فوگ الوطيه
خلتني دنياي ابقهر وصفگ بديه
نارين تچوي الگلب،،،،نارالموادع والغرب،،
طول رحيله،،،،،ابداري نحيله،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
محدبقالي من هلي يطول سفرهم
وعبدالله راح ومايرد واني انتظرهم
ياصبري ماينفع بعد ويجرح هجرهم
وليلي يمر دمعه والم ضايع خبرهم
سكينه ورقيه مشن،،،،وللفرگه اعيوني بچن،،
دمعي اسيله،،،،،ابداري نحيله،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كلشي بفگدهم مابقى حتى الورد مات
وعيوني ذبلت من السهر كل ليلي دمعات
خلاف المشوا ياحسرتي كل ساعه لچمات
ماتشفه اجروحي ابد ياگلبي هيهات
سلمت امري للقدر،،،،ماخله عندي الدهر،،
ياهم اشيله،،،،،ابداري نحيله،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

أم البنين ابلا اهل،،،تبچي اعله جعفر والكفل
وعبدالله ولاعثمان،،،منهو اليفصللها اكفان
،،أم البنين،،،أم البنين،،
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اولادي راحوا ياخلگ كلهم ظحايه
مني خذتهم دنيتي بالطف ظمايه
لجل ابواليمه ابنينوى برض الرزايه
احيود بالكلفه ونعم ابسوح المنايه
اتمنه لوعشره الولد،،،بلحومه واحدهم أسد،،
صنگر شهم بلميدان،،،منهواليفصللها اكفان،،
،،أم البنين،،،أم البنين،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
هلطاهره حين اقترب موعد اجلها
رادت يحظرون الولد ويلتم شملها
واحد يفصل بالكفن واحد يغسلها
ضيعها بحزنه الوكت فگدت أملها
رادت يشيلون النعش،،،ولاموته بسيف وعطش،،
هلبت يجيها الدفان،،،منهو اليفصللها اكفان،،
،،أم البنين،،،أم البنين،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا وسفه مطلبها حلم لاما تحقق
ونصدمت ابواقع هجر بلهم تصدق
والتفگد ابدور اربعه مدمعها وثق
جرح البعد وسط الكلب بيها تعمق
تدفع حزنها بالصبر،،،حد ماخلص منها العمر،،
تنوح وتون علعطشان،،،منهو اليفصللها اكفان،،
،،أم البنين،،،أم البنين،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من كثر ونها انحنه منها ظهرهه
حتى العدو الها بچه الغصت قهرهه
لامارحم بيها الحزن ظالم دهرهه
بآخر نفسها وترتجي حسين وگمرهه
اولادي يربات المجد،،،منهو يوسدني اللحد،،
ابعازت دفن يالوليان،،،منهو اليفصللها اكفان،،
،،أم البنين،،،أم البنين،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
هالبوه حره امئصلها مرفوعة الراس
منبع وفاها والكرم امعجب اناس
الله جعل الها فضل الطيبه وحساس
والظحت بريع الگلب يتسمه عباس
حره وأبيه وطاهره،،،بيها الوفه والمفخره،،
أم الصبر والأحسان،،،منهو اليفصللها اكفان،،
،،أم البنين،،،أم البنين،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

ضيعني الوكت مايحصل الملگه
انا أم البنين العايشه ابحرگه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ضيعني زماني ابين الاحزان
وتسله ابونيني وگلبي لهفان
عشت ابنوح والدمعات غدران
والحد الممات ابعوز دفان
،،ويانار الوداع بروحي معتلگه،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
معتلگه وبعد هيهات ماتطفي
وشنسه من ونيني لوردت اخفي
طبع بالدنيا وي الزين من تچفي
خلتني حزينه اوصفگ ابچفي
،،مابيها الأمان ولا فرح تلگه،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماتلگه الامان ولاتصح فرصه
جابتلي المناحه وبالگلب غصه
ياسباح چبدي ابلوعه اتگصه
جازتني بغدرهاواصبحت قصه
،،فجعتني ابنيني ابساعة الفرگه،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فرگه ابلايه رجعه ابياامل ترضه
وياجرح اليطيب ويادوه ايعوضه
ومن كثر الونين أگليبي اتشضه
مدري شلون لسه ماوگف نبضه
،،ينبض بلونين ابلوعه الشهگه،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ياشهگت نفس مامنك الرجعه
ابلايه حباب گلبي منهو ايودعه
حسره بلگلب عللي غدوا صرعه
نعشي ابلايه ولدي منهو ايشيعه
،،والفگد  الغوالي  بالعتب حگه،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي