من فترة اتشرخت عندي كوباية وعلشان هي جامدة شوية وإزازها سميك فكملت
استعمالها وفي كل مرة كنت أحط فيها حاجة سخنة أبقى متوقع إنها هتتكسر بس ألاقيها مكملة .. قلت خلاص هي جامدة والشرخ من جوة فمش هيجرالها حاجة.. وإديت الأمان وبقيت أتعامل عادي ونسيت الشرخ ده.. لغاية لما فجأة وأنا بحط الشاي سمعت صوت الشرخ بيزيد.. فكرت بسرعة الحق أحطها في طبق او اتصرف اعمل اي حاجه لكن مالحقتش أنقذ الموقف من البهدلة...
الكوباية دي بالظبط بالظبط شبهنا وشبه علاقاتنا...
.. فكرت انك تجرح حد وتلاقيه مستحمل ومكمل ومتعايش ده مش معناه ان جرحه زال بالعكس الجرح جواه بيكبر وانت مش واخد بالك ومع الوقت وتحاملك عليه ممكن ينفجر فى وشك او يروح منك.

إذا أحببت أحدهم يومًا؛ أرجوك.. لا تجعله يُغادر وفي صدره كلمات كثيرة.. عانقه للمرة الأخيرة، حدثّه عن أسبابك، أخبره عن حُبّك له وعن عجزك.. لا تُشعره بأنه لم يكن كافيًا أو أنك سيئًا. فالعلاقات وجدت رحمةً للإنسان ولطفًا بهِ.. فلا تجعلوها سببًا لانكساره وخضوعهِ لوحدته وحزنهِ!

فيه مرحلة اسمها "الفوقان"، اللحظة اللي الإنسان بيدرك فيها قدر الظلم اللي قبل بيه لنفسه، وإزاي ظلم نفسه ووافق إنه ياخد أقل مما يستحق بكتير، لحظة اكتشاف إنك كنت متشاف رخيص من اللي آمنته، وأنت الغالي عند الكل.. الإنسان لما بيفوق ويتشال من على قلبه الغشاوة، بيدرك إن اللي بيحب بجد، مبيسمحش للي بيحبه إنه يظلم نفسه باسم المحبة، ولا بيديه أقل من اللي يستاهله، بالعكس، ده بيبذل عشانه كل شيء جميل، بيتمناله الرضا عشان يرضى، بس يرضى ويطمن.. أمّا اللي يرضالك وجع القلب، والحيرة، والشقا، والإحساس إنك أقل من الكل، فده عمر ما حبك عرف طريق قلبه.
المحبة عمرها ما كانت كلام.

صدق اللي قال إن "المقامات بتتغير"، أنا كان في ناس في حياتي عمري ما تخيلت إني أقدر أعيش من غيرها.. وأديني عايش عادي من غيرهم، وفي ناس ما گنتش ببطل کلام معاهم ووجودهم كان مسيطر على أغلب فترات يومي ودلوقتي ما بقوش موجودين ولا نعرف حاجة عن بعض؛ الغريب إن مش فارق معايا ولا بحن ولا حتى حاسس بأي تأنيب ضمير ودا لإني ما قصرتش في حق حد وعارف إني عملت اللي عليا وزيادة كمان.

في البوست دا لاول مره اتكلم باللي فعلا في قلبي واللي حاسه بيه حالاَ
عايزه اقول ان الصحاب هما اكتر حاجه ممكن تخذلك في العالم لان الصاحب انت مش بتبقي محتاج منه اي حاجه غير انكم بتهونوا علي بعض مر السنين
وان خذل الصاحب اشد واقوي من خذل الحبيب مثلا لانك بتكون بتحبه لسبب انك مثلا هتجوزه
وانه اصعب بردو من خذل الاهل لان الاهل اتفرضوا عليك فيمنفعش تغيرهم
اما الصاحب انت بتكون بتشكيله من كل الخذل اللي اتعرضيلوا في حياتك
تخيل بقا الصاحب دا اللي كان معاه اسرار كل السنين هو كمان يخذلك !!
مفيش اصعب ولا اي حاجه اقهر من كدا .

..

صباح الخير او مساء الخير علي حب الوقت اللي هتشوفوا الكلام دا فيها .
عايزه اقولكم ان الاحلام عادي بتتحقق وبتبقي احلي واجمل مانتوا بتتوقعوها
بس الفكره انها مسأله وقت بس
وان الحاجه إللي بتروح ربنا بيبعتلك حاجه احلي منها بتنسيك اي حاجه تانيه .
وان ربنا مش ناسيك بس الوقت المناسب يجي وهتشوف ربنا غير حياتك ازاي❤️ .
زي انهارده من تلت او اربع سنين كنت بتمني حاجات ممكن تشوفوها مش واو أو متستهلش اني اتكلم عنها
بس في ايه بتقول *فبنعمت ربك فحدث*💚
كان نفسي يبقي لياا شغل خاص والحمد لله دلوقت عندي شغلي برغم اني لسه بدرس .
كان نفسي ابقي فيمص علي انستجرام والحمدلله دلوقت عندي ٥٠الف متابع هما مش كتير اوي بس مبسوطه جدا بيهم 💙
وكان نفسي يبقي لياا وضعي في التصوير والحمد لله دلوقت معايا كامارتي 📷❤️
وبقا لياا مستواليا وسط الناس ❤️❤️
الحمد لله حمدا طيبا مباركا فيه❤️❤️❤️❤️❤️❤️❤️❤️❤️
دا كله بعد تعب سنين وايام والحمد واصلت كل الحاجات دي مش واو بس الفكره اني كان نفسي في حاجه وعملتها الحمد لله❤️❤️❤️🌍

قال جواز صالونات قال !

يوم ما قولت لصحابى هتجوز صالونات ، كلهم اتريقوا وفيه منهم قال جُمله عمرى ما هنساها

- ألبس يا معلم ده إنت أيامك بيضة !

فللأسف معنديش حكايه بس هطول عليكم شويه عندى نعمه تانيه فى حياتى إسمها مراتى وفؤاد قلبى

مراتى اتجوزتها من ٨ سنين، عن طريق أمى كانت صديقه لأمها فى العمل

جواز صالونات زى ما فهمتكم يعنى، مكنش فيه حُب ولا غيرة !

بينى كان نفسى أعيش فى حياتى فتره زى الشباب أفضل أتكلم فى التليفونات وابعت مسجات واتس ووو

لكن قدر الله وما حصل كدة، اتجوزتها وكان هذا النصيب ورب الكعبة حتى الآن ما عارف اشكر ربنا عليه

زوجتى حبيبتى، لما تيجى تصحينى من النوم حتى الآن .. ومش أنا وبس أو حد من عيالنا

'' بتدخل بكل هدوء وراقبتها اكتر من مره وهى بتصحى احد أولادنا ''

تقول

- بسم الله وتفصل تحسس على شعرة لحد ما يفوق
ولما سألتها طيب ليه مبتناديش

= قرأت مرة، أن الإنسان ساعات الحلم بتاعه ممكن إنه يختلط بالى حوليه فأحب انى أكون هاديه عليه

لعله يشوف كبوس ولا حاجه مخضهوش !

زوجتى، بتشتغل مترجمه من البيت يعنى أشياء بسيطه مرتبها الشهرى ورب العرش بيروح منه جزء كبير جدا لناس تساعدهم فى المعيشه

علمتنى والله معنى التصدق والخير، مفيش مرة اتصدقت فيها إلا وهى مبتمسه اوى

يابنتى طيب متأكدة مش محتاجه حاجه الشهر دة
محتاجه الجنه ويارب أنا وإنت يا حبيبى

كريمه لأعلى الحدود، أمى لما تيجى زيارة لازم ولابد إنه تعمل لحمه وطبيخ لابد والله !

رغم إن عيشتنا الحمدلله آه وكل حاجه، على قدنا بس متاح دايما كدة إلا أن عمرها ما ظهرت لأمى إن مفيش خير فى البيت

بالعكس، دايما سترانى فى عرض بيتى، لا عمرها اتكلمت عن مشكله أو عن قله فلوس أو حتى عن حاجه فيها اى نوع من انواع الخصوصيه

فى مرة رجعت من شغلى، وإن تعبان جدا وشافتنى هلكان

يومها نمت بدرى وصحيت قبل الفجر بنص ساعه كدة والله العظيم شوفتها ساجده وفاتحه المصحف وهى بتدعى

- اللهم اجعل من بدنه سلامه دائما وهون عليه عمله فأنت الرحيم

ومش مرة ولا اتنين، دى بتعيد وتزيد وصوتها بدا يتعالى نبرة ورا التانيه ، حتى بكت

وانا شوفت المنظر وبكيت والله ، ومن يومها فعلا صدقت صاحبى بكلمه

- ألبس !!

أنا لبست فعلا أحلى لبسه فى حياتى، لا جمال ولا شكل ولا غيرة كان هيبقى أهم من تصون عرضك وتحميك واحدة فى غيابك عن سر بيتك

وتعلم أولادك تعليم صحيح بالأدب والأخلاق، وانك تروح شغلك وترجع وإنت عارف إن كل الأمور بخير ولو مش بخير هى بإيديها تقلب الموازين ❤️

بيقولو الستات نكديه، أن فى حياتى ما شوفت ليه تكشيرة واحدة بالعكس

كانت دايما ترغمنى على الخروج فى كل حته أنا والأولاد لو شافت انى محتاج أغير جو

'' مش فاهم مين اللى المفروض يقول لمين ''

لا وهزارها لما اقولها

- لأ مش لازم نخرج خليها يوم تانى
= هعزمك ، هعزمك إن أللى هحاسب المرة دي
وتضحك بابتسماتها اللى يتخلى ضي القمر يتكسف 🧡

- بس وفى الاخر أنا اللى بحاسب 😅💙

مراتى لو قولت ايه مش هكفيها، أنا بس النهارده عيد جوازنا للسنه التامنة وكنت لازم اعبر عن حاجه فى نفسى لأن والله العظيم تلاته أعبرلها عن حبى

” ولو ظل قلبى ينبض لكِ، والله ما اكفيك حُباً “ ❤️

By : Hussain Orabi

#حكاوينا_صُدفه

ساعات بيعدي أوقات علىٰ الإنسان ويسأل نفسُه مليون سؤال { ليه بنحب الشخص الغلط ؟ ، ليه بنفكر فالشخص الغلط ؟ ليه بنتعلق بالشخص الغلط ؟ ، ليه اصلا بنقرب للشخص الغلط } ، الحُب عامل زي المرض ، لما بيمسك فِـ الإنسان مبيطلعش مِنه غير يَـ قاتل يِـ مقتول ، وفِـ الحالتين انت ميت ، الشيخ الشعراوي رحمُه الله ، قال حكمه جميله ( الحُب لما يبقا مِن طرف واحد ، بيبقا إسمه الشقاء ، ولذالك أنت الحبيب ، ولَكنني أعوذ بِه من أن أكون حبيباً ) ، انت مبتخترتش الحُب ، لا هو ال بيختارك عامل زي المرض ، وفجأه تلاقي نفسك بتهرب من العالم سواء أهلك ، صُحابك ، اياً كانوا ، عشان شخص واحد كسر جُزء منك ، والجُزء د فِضل يكبر يكبر يكبر يكبر لحد مكسر الباقي ، ربنا سُبحانه وتعالى قال { وَإين يَمسَسك اللهُ بضرًّ فلَا كاشِف لَهُ إلا هُو ، وإين يُردك بخير فلَا رادَّ لِفضلِهِ ، يُصيب بهِ مَن يشاءُ مِن عبادِهِ ، وهوَ الغفُورُ الرحِيم } ، لِسه فِيهّ أمل .

- Ahmed , Magdy .

#الا_رسول_الله
#عاقبوا_زكريا_بطرس_لشتمه_رسول_الله
لو الراجل ده متحاسبش يبقا احنا منستاهلش نكون مسلمين
اسال الله العظيم ان يجعلك عبره لمن يعتبر لكذبك ع رسول الله وسبك وشتمك لسيد الخلق
ان كذبك هذا هو اكبر دليل ع انك تعلم جيدا ان الاسلام هو الحق والا لما لجأت للتدليس ولكذبك هذا
فلا نامت اعينُ الجبناء الذين لا يستطيعون نصر دينهم

لا نامت اعينُ الجبناء 💔 قم وانصر دينك

#عاقبوا_زكريا_بطرس_لشتمه_رسول_الله

#عاقبوا_زكريا_بطرس_لشتمه_رسول_الله

#الا_رسول_الله
#عاقبوا_زكريا_بطرس_لشتمه_رسول_الله
#الا_رسول_الله
#عاقبوا_زكريا_بطرس_لشتمه_رسول_الله
#الا_رسول_الله
#عاقبوا_زكريا_بطرس_لشتمه_رسول_الله
#الا_رسول_الله
#عاقبوا_زكريا_بطرس_لشتمه_رسول_الله

أصعب أنواع التعلُّق في نظري إنّك تبقى متعلّق بروح بني آدم، متعلّق بتفاصيله بمواقفه بالذكريات اللي بينكو، الشخص مُمكن يتوجِد له بديل عادي، لكن الروح واحدة ومالهاش بدايل، المواقف اللي عِشناها والذكريات اللي حصلت بينّا صعب تتبدّل أو تتنسي ودا عشان إحنا كُنّا صادقين في كُل حاجة بنعيشها فطبيعي إن المواقف والذكريات دي تتحفر جوّانا، عشان كدا إحنا لما بنزعل على فُراقكُم بيكون أغلب زعلنا على نفسنا وعلى العِشرة والمواقف اللي كانت بينّا لكن عُمرنا ما زعلنا عليكو إنتو، لإن لو كان فيكو الخير كُنتو حافظتو علينا وصُنتو الود وعملتو بالمعروف والأُصول.

كان ليا صديقه قريبه لقلبي في يوم قالتلي "مكانك مايتعوضش ولا يمكن يملاه أي حد مهما حصل مابينا .. وكنت معاها أخت وأم .. دلوقتي بتفرج عليها زيي زي الغريب وهي مع ناس تانين بتضحك وتتصور إبتسمت بكل حزن وبصيت للصور وقولت "انا كنت عارفه إن هيحصل كده وانها ف يوم مش هتكون جمبي وبكل سهوله ، بس مكنتش أتمني أتنسي بالسرعه دي ! انا صعبان عليا كل الحب اللي حبتهولها وحطيته ف قلبي ليها

- الإنسانُ العظيمُ قد خُلقَ ليختارَ مصيرَه، وليسَ ليتقَبله ..

"الضغوط النفسية تُغَيّر الشخص من مرح وفُكاهي إلى كتلة من الصمت."

- حاسة إنى تعبانة جداً وضهرى واجعنى

رد منطقى / هتلاقيه من النوم على المروحة أكيد ..
رد بتستناه الستات كلها / ألف سلامة عليكى ياحبيبتى تعالى نروح للدكتور عشان اطمن عليكى ..

- بتحبنى ؟

رد منطقى / لو مش بحبك كنت هتجوزك ليه ؟
رد بتستناه الستات كلها / مبحبش حد قدك ولو رجع بيا الزمن هحبك انتى تانى ..

- أشتريت فستان جديد

رد منطقى / مبروك عليكى
رد بتستناه الستات كلها / أنا عارف أن كل حاجة بتبقى عليكى حلوة بس يالا عشان أشوفه عليكى ..

- حابة أكون لوحدى دلوقتى

رد منطقى / اللى يريحك مش هغصب عليكى ..
رد بتستناه الستات كلها / مفيش حاجة أسمها لوحدك طول مانا موجود ..

- انا خارجة مع صحابى

رد منطقى / متتأخريش بره
رد بتستناه الستات كلها / عايزك تتبسطى على قد ماتقدرى وخلبالك من نفسك وحاولى متتأخريش

- مفيش حاجة

رد منطقى / تمام
رد بتستناه الستات كلها / هو أنا عارفك امبارح !! يالا قوليلى ايه اللى مضايقك ..

- وحشتنى

رد منطقى / وانتى كمان
رد بتستناه الستات كلها / وانتى وحشتينى اكتر ياحبيبتى ..

- انت مشغول ؟

رد منطقى / اه عندى شغل ..
رد بتستناه الستات كلها / مفيش حاجة تشغلنى عنك بس عندى شوية شغل هخلصهم وابقى معاكى ..

- مش عارفة اعمل ايه فى المشكلة دى

رد منطقى / كل مشكلة وليها حل ان شاء الله
رد بتستناه الستات كلها / ان شاء الله هنلاقى حل سوا ياحبيبتى طول مانا جنبك متقلقيش ..

الستات أبسط مما تتخيلوا .. الست بس بتحتاج راجل ذكى فاهم أن المنطقية والعقلانية مش دايماً بتكسب .. وأن الردود اللى نابعة من القلب بتخش دوغرى للقلب .. أوقات بيحتاجوا حد يكون فاهم أن كل اللى عايزينه كلمة تطبطب وتفرح وتبسط وتطمن .. مش مجرد كلمة تسكت وتنهى الحوار .. مش دايماً لغة الحوار بالعقل بتكون أذكى حاجة .. والمواضيع اللى ممكن تقعد تهاتى فيها ساعة بالمنطق أوقات ممكن تخلصها بكلمتين حلوين ..

الستات ضد المنطقية .. كلمهم بالمشاعر هتكسب .. هتكسب كل حاجة .

الدنيا علمتني ان مهما كانت علاقتي بشخص حلوة وقوية ممكن ف يوم م الايام تتقطع عادي ونرجع أغراب زي الاول

متخيل حد يوصلك لدرجه انك تكره نفسك وحياتك ودنيتك وتكره اليوم اللي اتولد فيه كمان
متخيل شخص يوصلك انك تقرر تسيب كل حاجه وتروح عند ربنا
متخيل تحب حد لدرجه انك تموت نفسك علشان هو وصلك فكره انك بقيت عبئ عليه وانك وجودك في حياته بقا ورطه
متخيل انه يوصل بيك الحال انك مبقتش قادر حتي تتكلم وتوصل وجعك لحد
ولا حتي قادر تتكلم وتحكي لحد علشان الشخص ميبقاش شكله وحش قدامهم متخيل انك تحبه لدرجه انك مبقتش حتي قادر تقول اني تعبت وانك مبقتش حتي قادر تنهي كل حاجه
متخيل انك تبقي مستنزف مشاعرك علي الارض وكل حاجه بعد ما كانت وردي بقت سوده في وشك
متخيل تكون شخص بيحاول يعدي يومه بعافيه
وكل اللي شايفك شايف انك غلطان لمجرد انك مش بتحكي اللي انت فيه او مش قادر تحكي علشان خايف علي شعور الناس اللي ازوك
متخيل حجم المعاناه اللي الواحد بيمر بيها كل دقيقة وكل ثانيه علشان يعيش وعلشان بس يصحي من النوم
متخيل ان شخص جسمه متكسر من الحزن والوجع اللي فيه
متخيل ان شخص جسمه بقا مليان علامات سوده بسبب الضغط اللي حاطط نفسه فيه وحتي مش قادر يحكي مش قادر يحكي مش قادر يحكي
ولو هيحكي هيقول اي هيقول ان مصيبته انه سمع كلام الكبار انه قال انهم اكيد عارفين المصلحه هما اكيد بيحبوني فيختارو الصح
متخيل ان شخص ميقدرش يحكي علشان شخص تاني مش عاوزه في الصوره
يبقي شكله وحش
متخيل ان شخص بعد ما كان ليه كارير ومستوي وشايف أنه احسن حد في الدنيا يشوف نفسه انه ولا حاجه وانه مجرد انسان فاشل ملهوش اي لازمه
وانه ولا حاجه وانه مجرد انسان عايش علشان ولا شئ عايش علشان يألم
وان كل حاجه تبقي سوده
مجرد انسان عايش علشان يشوف قد اي هو غبي وقد اي ملاقاش ونس ولا لاقي حد يقوله انه نجح في حاجه واحده علي الاقل
كل الحلو اللي عملوا في حياته يتقلب هم وحزن عليه وانه يتقاله انه معملش اي حاجه بعد ما خلص كل الحب والطاقه اللي عنده وبعد ما بطاريته خلصت ومش لاقي شاحن بعد ما كان هو الشحن لاي حد بقا بيدور علي شاحن لنفسه وملاقهوش
انت مش عارف حاجه بس هتعرف وهتحس لما بس تحب حد وهو ميحبكش

اميره الجارحي 🥀

هنتكلم النهاردة عن ..
الشخصية الوسخة ..

وكلمة وسخ مدرجة فى معاجم اللغة العربية ماتتكسفوش

اول ما يميز الشخص الوسخ .. انه مش بيبقى عارف انه وسخ !!

الوساخة ترسخت فيه لدرجة انه عنده يقين و عقيدة ان هي دى طبيعة البشر العادية .. هو وسخ من غير ما يفكر ..
وسخ بالفطرة ..
وسخ بالسليقة ...

و دا يجرنا للميزتين التانية و التالتة ..
انه مينفعش معاه عتاب ..
لأنه اصلا مش عارف انت بتعاتبه على ايه ؟!!
يابني انت أذيتنى
_اللي هو ازاي يعني ؟!
بقولك خدعتني
_لأ طبعا .. انا في العادي جدا .. انت بس اللي بتبالغ وبتحب الدراما !!

و بالتالي الميزة التالتة .. مش بيحس بالذنب أصلًا ..
علشان كدة متتوقعش منه توبة ابدا ..
لأنه اصلا ايه ؟!
مش بيعمل حاجة !!

الشخص الوسخ .. متصالح جدا مع نفسه .. هاديء جدا .. عنده القدرة انه يعتصر قلبك بقبضة باردة دون ان يطرف له رمش ..
عنده القدرة انه يطعنك في ضهرك وياكل لحمك و يضحك في وشك و هو بيسألك : مالك فيك إية ؟!

الشخص الوسخ .. في الغرام بقى قلبه كبير اوي .. اوي ... اوي ...
قد اتوبيس النقل العام كدة وقت الذروة .. ممكن يساع من الحبايب الف ..
ممكن يحبك و يبقى صادق جدا في مشاعره على فكرة ..
و يحب واحد تاني و هو صادق برضه ..
و يعشق تالت و والله برضه صادق ..

عارف الشخص اللي لما تسأله بيحب مين تلاقيه يقولك في عمق و هو مضيق عينيه ومتأثر و بيتنهد : انا بحب الحب .. يا سلااااام الله يفتح على اللى خلفوك
و هو متصالح برضه مع نفسه في الحتة دي ..

يعني كلامك معاه في اللحظة دي عن الخيانة و الاخلاص وجرح المشاعر وازاى قادر يشوف غيرك و الكلام الفاضي دا بيبقى نوع من أنواع العبث بالنسبة له ..

الشخص الوسخ .. يحب يتشتم على فكرة !!
يحب تبهدله و تسبه و تلعنه و انت بتواجهه بوساخته .. لأنه فضلا عن انه مش بيحس بالذنب فهو كمان في اللحظة دي بيحس انك ظالمه كمان !!

اه و الله شتيمتك ليه بتديله قوة انه يرد عليك و يبجح و تلاقيه ممكن يصرخ باستمتاع مرضي .. ايوااا انا وسخ .. انا كذاااب .. انا خاااااين .. انا غداااار ..
هو مش بيقول كدة اعتراف .. لأ .. هو بيقول كدة علشان انت تحس بالذنب انك غلطت فيه !!
نوع من انواع الالعاب النفسية ..

الشخصية الوسخة مش على طول بيبقى فاقد الشعور بالذنب .. بتيجي عليه لحظة يشعر بالذنب برضه .. و في اللحظة دي بيحتاج انه يطهر نفسه .. و افضل و سيلة عند الشخصية الوسخة انه يعترف !!

تلاقيه عمال يرمي في اعترافات في لحظة من لحظات العمق ..

يا جماعة انا وحش و ممكن اكون غلطت و عارف اني ظلمت ناس كتير .. بس انا مش بكون قاصد ..

الاعتراف دا بيريحه جدا .. وبيرمى بية المسؤلية على حاجات تانية
و في ناس بتفهم غلط ان الاعتراف دا بداية لطريق الاصلاح انه يعترف بغلطه .

عند الشخصية الوسخة الاعتراف مجرد تفريغ للطاقة السلبية و بالنسبة له مرحلة الاعتراف هي المرحلة الاولى و الاخيرة في عملية الاصلاح !!
و بعدها ....
بيرجع لوساخته عادي يعني !!

الشخصية الوسخة بيبقى حريص اوي انه يحافظ على الاشخاص السذج حواليه .. علشان متعته انه يمارس وساخته على ناس مش فاهمة اصلا انه وسخ و دا بيرسخ عنده احساسه الطبيعي انه مش وسخ فعلا !!
و الدليل الناس الجمال (السذج) اللي لسة ملمومة حواليه
لعبة نفسية معقدة زي ما قلت لكم ..

اوسخ انواع الشخصيات الوسخة هو الشخصية الوسخة الغلبانة !!
و دا متكتشفش انه شخصية وسخة إلا بعد ما تعاشره وقت طويل .. و وساخته الوسخة اوي تكمن في النقطة دي .. انك ممكن تضيع معاه عمر بحاله و تكتشف في الاخر ان عمرك راح هدر مع شخصية وسخة..

البوست دا مش القصد منه انك تعرف ان صاحب الشخصية الوسخة هو بس الشخص اللي بيكذب عليك او بيخونك او بيغدر بيك وبتبقى عارفة .. لأ ..

الهدف انك تعرف ان الشخصية الوسخة اللي في حياتك .. ممكن جدا .. متكونش اكتشفتها لحد دلوقتي !

في نوبة إكتئابي الأول
اعتزلت الناس لأسابيع
حذفت صوري من على مواقع التواصل الإجتماعي
وشاركت كل النصوص الحزينة التي وُجِدت في العالم،

والأن أحدثكم من النوبة رقم ألف وتسعون
أكتب وأنا أُشاهد فيلمي المفضل
ومنذ قليل كنت أضحك كمن لا يعرف الحزن طريقه
أُشارك ألاف المنشورات الكوميديّة
وأبتسم في صمت وأنا أقول:
أن الإنسان منّا يعتاد الحزن
كما يعتاد على كل الأشياء

مش باقي غيري في المكان!