📚በወ.ሶ.ዩ.ሙ.ተ.ጀ የሚሰጡ ቂርኣቶች የሚለቀቁበት ቻናል📚 866

Forwarded from 🎤 ሸምሱ ጉልታ (አቡ ሀመዊየህ) ✍ (أبو حموية)

👉 አጭር መልስ ለኢብኑ ሙነወር

➲ ኢብኑ ሙነወር ሶሞኑን ባነሳቸው ሶስት ነጥቦች ላይ አጠር ያለ ምላሽ ለመስጠት ወደድኩኝ።

ሁለቱ ከኔ ጋር የሚገናኙ ሲሆኑ አንዱ ከሸይኽ ዐ/ ሐሚድ ጋር የሚገናኝ ነው።

ከኔ ጋር በሚገናኙት ላይ ምላሽ የምሰጠው ከራሴ ለመከላከል ብዬ ሳይሆን ኢብኑ ሙነወር ውሸት ውሸት የሚለው ራሱ ውሸት መሆኑን ለምስኪን ተከታዮቹ ግልፅ ለማድረግ ነው።
እነዚህ ሶስቱ ነጥቦች የሚከተሉት ናቸው፦

1ኛ የሸይኽ ዐ/ሐሚድ ከየመን አስጠንቅቋል የሚለው የሸይኽ ረሻድ ክስና ስሜታዊ መልስን የሚመለከት

2ኛ እነ ኢብኑ ሙነወር ከሸይኽ ባሙሳ ጋር ከተገናኙ በኋላ ነው አቋማቸውን የቀየሩት የሚለው
3ኛ ባሕሩ ፉሪ አቡበከር መስጂድ ላይ እገሌ የሚባል ግለሰብ በሚያስተምርበት መስጂድ ነው የሚያስተምረው የሚሉት ናቸው።
መልሱ እንደሚከተለው ይሆናል፦
1ኛ ኢብኑ ሙነወር ሸይኽ ዐ/ሐሚድ የመን ከሚገኙ የተወሰኑ ተቋማት ካስጠነቀቁ በኋላ መካ ላይ ከሸይኽ ባሙሳ ጋር ተገናኝተው ስለተጠቀሱት ተቋማት ከገለፁላቸው በኋላ መግባባት ላይ እንደ ደረሱ ከሸይኽ ባሙሳ ፁሑፍ ጠቅሶ ከፃፈ በኋላ ሸይኽ ዐ/ሐሚድ በሸይኽ ባሙሳ ፊት ያመኑት ስህተት ባደባባይ አምነው እርምት መስጠት ነበረባቸው ይህን ባለማድረጋቸው ሸይኽ ረሻድ ጠንከር ያለ ምላሽ ሰጥቷል። በዚህ ሊንክ ታገኙታላችሁ ብሎ ረዱን ጋበዘ
ልብ በሉ ሸይኽ ባሙሳ እዚህ ከመጡ በኋላ ስለዚህ ጉዳይ ተጠይቀው በጣም በሚገርምና ሌላን የማክበር ስሜት በሚታይበት መልኩ ከሸይኽ ዐ/ሐሚድ ጋር ተነጋግረን ነበር አንዳንድ ነገሮች ግልፅ አድርጌለት ተግባብተናል ብለው አላህን ያመሰግናሉ

ኢብኑ ሙነወር የሚያስተዋውቀው የሸይኽ ረሻድ ምላሽ ግን አንድ ወደ ዒልም ራሱን ካስጠጋ ሰው በማይጠበቅ መልኩ ስሜታዊ ሆኖ ቲፎዞዎችን በሚያስጮህ መለኩ ከሸይኽ ዐ/ሐሚድ ንግግር ጋር የማይገናኝ ከዳዕዋው ይልቅ ለየመን መቆርቆር በሚመስል መልኩ ወሰን ያለፈ መልስ ነው።

ሸይኽ ዐ/ሐሚድ ስለተጠየቁት መርከዞች እኔ እንደሰማሁት ብለው ስለሰለፍዮች ግን አላውቅም ወዳዛ ሂዱ አልልም ይህን አልወድም ነው ያሉት
– ሸይኽ ረሻድ ግን ሸይኽ ዐ/ሐሚድ ከየመን አስጠንቅቋል
– የሸይኽ ሙቅቢልን ልፋት መና አስቀርቷል
– ሰዎችን ከአላህ መንገድ ከልክሏል
– ራሱን የሰለፍያ መሪ አድርጓል
– ልኩን አላወቅምና የመሳሰሉ በጣም የሚገርሙ ትችቶችን ሰንዝሯል። የሸይኹ ንግግር የመን ሙሉ በሙሉ በሸይኽ ሙቅቢል ዳዕዋ ላይ ያለች ነው የሚያስመስለው

– ሸይኹ የሸይኽ ሙቅቢልን ዳዕዋ ዋጋ ስላሳጣው የሕያ አል ሐጁርይ ምንም አላነሳም
– ደማጅን ስላፈረሱት ሺዓዎች ቃል አልተነፈሰም
– የመንን ለሁቲ ሺዓዎች አሳልፈው ስለሰጡት ኢኽዋኖች ምንም አላለም

የሰለፍይ መሻኢኾችን ከፊሎቹ እንዲሰደዱ ከፊሉቹ ተደብቀው እንዲኖሩ አድርገው ስለሚያሰቃዩት እነዚህ አንጃዎች ሰውነቱ እየተንቀጠቀጠ አልተናገረም
ይልቁንም ተናዶ ፍርድ መስጠት የከለከለውን ሸሪዓችንን ባላገናዘበና ዲን መመካከር ነው የሚለውን ታላቅ መርህ በጣሰ መልኩ የሰማሁት ድምፅ አናዶኝ ነው ብሎ አላህ ፊት የሚያስጠይቅ ንግግር ነው ያደረገው
ታዲያ ኢብኑ ሙነወር ሆይ ይህ ፍትሀዊ ነው ብለህ ነው ስሙት ያልከው ወይስ ዝንባሌህን ስለሚደግፍልህ? ለምን የሸይኽ ባሙሳን መልስ ሰዎች እንዲያዩት አላደረግህም? መልሱን ላንተው ትቼዋለሁ

2ኛ እነ ኢብኑ ሙነወር

"ከነ ሸይኽ መሐመድ ባሙሳ ጋር ከተገናኙ በኋላ ነው አቋም የቀየሩት" ባህሩ ስሜን ጠቅሶ በተናገረው ላይ እኔ ከሸይኽ ባሙሳ ጋር አልተገናኘሁም ውሸት ነው ብዬ መልስ ሰጥቼ ነበር። ይኸው አሁን ሰው በተሰበሰበበት ኢብኑ ሙነወር የቱነው ብሎ ጠይቆ... እያለ አለመገናኘቱን ለማረጋገጥ ብዙ ከለፋ በኋላ" አስባችሁም ይሁን ገምታችሁ ከመዋሸት እንድትጠነቀቁ ነው"

ይላል

✅መልስ፦
በመጀመሪያ ደረጃ በ "እነኢብኑ ሙነወርና በ ኢብኑ ሙነወር"

መካከል ያለው ልዩነት አማርኛ ሶስተኛ ቋንቋው ለሆነ እንኳን ይከብዳል ብዬ አላምን ማለትም እኔ ኢብኑ ሙነወር ከነሸይኽ ባሙሳ ጋር ከተገናኘ በኋላ አይደለም ያልኩት

እነ ኢብኑ ሙነወር ከሸይኽ ባሙሳ ጋር ከተገናኙ በኋላ አቋማቸውን መቀየራቸውን ሸይኽ ባሙሳ ለነ ኡስታዝ ሻኪር፣ ሸይኽ ዐ/ሐሚድና ሸይኽ ሑሰይን ሸይኹን ሊዘይሩ በሄዱበት ጊዜ የነገሯቸው መሆኑን ነግረውኛል ነው ያልኩት። ሸይኽ ሑሴይን ይህ ትክክል መሆኑን በሰጠው ምላሽ ጠቅሷል።
የባህሩ ውሸት የቱ ጋር ነው? እነዚህ ነግረውኛል ማለቱ ነው?
ሌላው እነ ኢብኑ ሙነወር ማለት የሚፈለግበት እሱና በሱ ስር ያሉት ሰዒድ ሙሳ፣ ፉአድ ሙሐመድ፣ ሳዳት ከማል፣ ሙሐመድ ሲራጅና ሌሎችም ነው።
እነዚህ በኔ ስም መጠራት የለባቸውም ከሆነ አጥፍቻለሁ ካልሆነ ግን እነ ኢብኑ ሙነወር ሲባል የሱ መገኘት ግዴታ አይደለም። በእነ ኢብኑ ሙነወር የተሰየመ የክስ ፋይል 10 ሰዎች ያሉበት ቢሆንና ከ10ሩ አራቱ ብቻ ቀርበው እነ ኢብኑ ሙነወር ሲባል ቀርቧል ቢባል አሁን በምትከራከረው መልኩ ትከራከራለህ ማለት ነው?

ዋነኛው አጀንዳ የናንተ አቋም መቀየር ሆኖ ሳለ ለምን እኔ ከባሙሳ ጋር አልተገናኘሁም ወደሚል ለመቀየር እንደፈለክ አልገባኝም። ለምን አው ቀይረናል አይ አልቀየርንም አትልም? አልቀየርንም ከሆነ እጄ ላይ የሚገኙትን የድምፅና የፁሑፍ ፋይሎችን አሁን መዘርገፍ አልፈልግም።

ከጭፍን ሙሪድነት ወጥቶ መስማትና ማንበብ ለሚፈልጉ ከዛሬ ሶስት አመት በፊትና በኋላ ያሉትን ድምፅና ፁሑፎችን ቻናሎቻችሁ ላይ ገብተው እንዲሰሙና እንዲያነቡ ተከታዮቻቸውን እጋብዛለሁ

3ኛ "ባህሩ የሚያስተምረው እገሌ የሚባል ግለሰብ በሚያስተምርበት መስጂድ ነው"

የሚለው ነው
✅መልስ፦
ይህን የሚለው ከአመት በፊት ወራቤ ላይ የኢኽዋኖች መስጂድ ላይ ዳዕዋ ማድረጋቸውንና በአሁኑ መሻኢኾቹን ይዘው ወደ ሙመዪዓዎች መስጂዶች መሄዳቸውን አስመልክቶ በተነሳው ተቃውሞ ነው።
በመጀመሪያ ደረጃ አሁንም ዋናው አጀንዳ የአቋም መውረድ ከሌለ እንዴት ፈቀዱላችሁ ነው እንጂ መስጂዶቹ ላይ ለምን ዳዕዋ አደረጋችሁ አይደለም።
ኢብኑ ሙነወር ሆይ ወራቤ ላይ ኢኽዋኖች ያኔ ለኢብኑ መስዑዶች" ኢኽዋን ሲዘፍን ካላጨበጨብኩኝ ማለት ምንድነው"
"ደመረኩለሙላህ" በምትል ጊዜ ይፈቅዱልህ ነበርን? ሙመዪዓዎችስ ያ ሁሉ የስድብ ናዳ ስታወርድባቸው ይፈቅዱልህ ነበር? አንተስ ወደእርነሱ ትሄድ ነበር? አሁን እንዴት ፈቀዱልህ? እንዴትስ ሄድክ? ፉሪ አቡበከር መስጂድንስ ከእነዚህ ጋር እንዴት አገናኘኸው? እናንተ በተጠቀሱት መስጂዶች ላይ እኔ አቡበከር ላይ ያለኝ አይነት መብት አላችሁን? አቡበከር መስጂድ ላይ የጠቀስከው ግለሰብ ብቻ አይደለም ያለው የናንተ ተልእኮ ተቀብለው የባህሩን ተማሪዎች ለመበታተንና ባህሩን ለማስወጣት ቀና ደፋ የሚሉ አንድ ስንዝር መራመድ ያልቻሉ ብዙ ሰዎችም ጭምር ነው ያሉት። እነርሱ በሚርመሰመሱበትም መስጂድም ነው የማስተምረው።

አቡ በከር መስጂድ ላይ የናንተ ከአቋም መንሸራተት የኢብኑ መስዑዶች በዲን መነገድ በአደባባይ እናገራለሁ። ይህ የእግር እሳት ሲሆንባችሁ ተማሪው እንዲበተንና ለቅቄ እንድሄድ ለአመታት ለፋችሁ አልሳካ ሲላችሁ አሁን በአደባባይ ይፋ አወጣችሁት። በቁጭታችሁ ሙቱ እንጂ ለቅቄ አልወጣም።

የኔ አቡበከር መስጂድ ላይ ያለውን ማስተማር የናንተ አሸዋ ሜዳ ጀማል ያሲን በሚያስተምርበት መስጂድ ከማስተማራችሁ ጋር ብታመሳስል ፍትህ ነበር።

ግን በሱ የወቀሳችሁ የለም። ያውም በድሮ አቋማችሁም ላይ ሆናችሁም። ለማንኛውም ከአጀንዳ እየወጣህ ሰዎችን ግራ አታጋባ እላለሁ።
አበቃሁ
https://www.tgoop.com/bahruteka

ባህሩ ተካ - Bahiru Teka

السلام عليكم ورحمة الله وبركاته
قناة رسمية
لمحاضرات ودروس الأستاذ بحرو تكا
(أبو عبيدة) الدعوة السلفية

በአላህ ፈቃድ በዚህ ቻናል የአማርኛ ትምህርቶችን እንዲሁም አጫጭር የአረብኛና የአማርኛ ፁሁፎችን
እንለቃለን
ከዚህ ቻናል ውጪ ከሌላ ቦታ ተወስደው ለሚለቀቁ
ኦዲዮዎች እውቅና አልሰጥም

https://www.tgoop.com/bahruteka

612 viewsIbnu aliy @አል አረቅጢይ, 10:19