📚በወ.ሶ.ዩ.ሙ.ተ.ጀ የሚሰጡ ቂርኣቶች የሚለቀቁበት ቻናል📚

Forwarded from አቡ ኢልሐም አስ_ሰለፊ (የኡስታዝ ሙሀመድ ኑር)ያለቁ ና እየተቀሩ ያሉ ደርሶችን መልቀቂያ ቻናል

በእሕራም የተከለከሉ ነገሮች፦

1 - ለወንድ ከራስ ጋር በሚነካካ ነገር ራሱን መሸፈን
እብን ዑመር (ረዐ) ባስተላለፉት መሰረት አንድ ሰውዬ የአላህ መልእክተኛ ሆይ! አሕራም ያደረገ ሰው ከልብስ ምን ይለብሳል? ብሎ ሲጠይቅ የአላህ መልእክተኛ ﷺ ‹‹ቀሚሶችን፣ የራስ ጥምጣምም፣ ሱሪዎችንም ሆነ በርኖሶችን አትልበሱ፡፡›› ብለዋል፡፡ [በቡኻሪና ሙስሊም የተዘገበ]
በተጨማሪም ነቢዩ ﷺ እሕራም ላይ እያለ የሞተውን አገናነዝ አስመልክተው ፡- ‹‹የቅያማ ቀን ተልቢያ (ለብ’በይከ አል’ሏሁም’መ ለብ’በይከ) እያለ ይቀሰቀሳልና ራሱን አትሸፍኑ፡፡›› ብለዋል፡፡ [በቡኻሪ የተዘገበ]
ከራስ ጋር የማይጣበቅና የማይነካካ እንደ ጃንጥላ፣ ድንኳን፣ የቤት ጣሪያና መኪና ያለውን መጠቀም ኃጢአት የለበትም፡፡
➡️የራስ ጥምጣም ለሙሕሪም ወንድ

➡️ሱሪ መልበስ ለሙሕሪም ወንድ

➡️ኮፊያ ለሙሕሪም ወንድ

➡️ጃንጥላ ለሙሕሪም ወንድ

2 - ለወንድ የተሰፋ ልብስ መልበስ
የተሰፋ ልብስ ማለት በሙሉ ገላ ወይም በከፊል ገላ ልክ የተሰፋ እንደ ሱሪ፣ ቀሚስ፣ ሸሚዝ፣ ረዥም ጫማ፣ ካልሲ፣ የእጅ ሹራብ ያለው ሁሉ ነው፡፡ ይህም ‹‹ቀሚሶችን፣ የራስ ጥምጣምም፣ ሱሪዎችንም በርኖሶችንም ሆነ ረዥም ጫማዎችን አትልበሱ፡፡›› [በቡኻሪና ሙስሊም የተዘገበ] በሚለው የላይኛው የእብን ዑመር ሐዲስ መሰረት ነው፡፡
ኢሕራም ማድረግ የፈለገ ሰው ሽርጥ ካላገኘ ሽርጥ [የኢሕራም ልብሱን ሻንጣው ውስጥ አይሮፕላን ላይ ወይም መርከብ ላይ የረሳ ሰው፣ ልብሶቹን አውልቆ ሱሪውን እንደለበሰ ኢሕራም ማድረግና ሸሚዙን እንደ ኩታ ከወገቡ በላይ መጠምጠም ይችላል፡፡ ወደ ወደብ ሲደርስ የኢሕራም ልብሱን አውጥቶ ይለብሳል፡፡] እስኪያገኝ ድረስ ሱሪ መልበስ ይችላል፤ነጠላ ጫማ ማግኘት ካልቻለም ሽፍን ጫማ መልበስ ይችላል፡፡ ነቢዩ ﷺ ‹‹ነጠላ ጫማ ካላገኘ ረዥም ጫማ ለብሶ ቁርጭምጭሚቶች ላይ ይቁረጣቸው፡፡›› ብለዋልና፡፡ [በእብን ኹዘይማ የተዘገበ]
➡️የተሰፋ ልብስ መልበስ ለሙሕሪም ወንድ
➡️ሽፍን ጫማ
➡️ረዥም ጫማ ለሙሕሪም ወንድ

3 - የየብስ እንስሳን መግደል ወይም ማደን
አላህ እንዲህ ብሏል ፡- ‹‹በሐጅ ሥራ ውስጥ ስትኾኑ አውሬን አትግደሉ፤›› [አል-ማኢዳህ:95] ይህም በሐጅና በዑምራ ኢሕራም ውስጥ እያላችሁ ማለት ነው፡፡
በተጨማሪም አላህ እንዲህ ብሏል ፡- ‹‹በሐጅም ላይ እስካላችሁ ድረስ የየብስ አውሬ በናንተ ላይ እርም ተደረገ፤›› [አል-ማኢዳህ:96] የየብስ አውሬ ማለት ለማዳ ያልሆኑና የሚበሉ የሆኑ እንስሳትና አዕዋፍ ናቸው፡፡
የቤት ለማዳ እንስሳት ግን አደን አይደሉምና ዶሮ፣ የቤት እንስሳትና የማሳሰሉትን ማረድ ለሙሕሪሙ የተፈቀደ ነው፡፡ የባሕር አደንም የተፈቀደ ነው፡፡ አላህ እንዲህ ብሏልና ፡- ‹‹የባሕር ታዳኝና ምግቡ . . . ለናንተ ተፈቀደ፤›› [አል-ማኢዳህ:96]
እንደ እባብና ጊንጥ ያሉ የማይበሉ ሐራም የሆኑ እንስሳትን መግደል የተፈቀደ ነው፡፡ ከመግደል ውጭ መከላከል የሚችልበት ሌላ መንገድ ከሌለው ሙሕሪሙ የተተናኮለውን ማንኛውንም እንስሳ መግደል ይፈቀድለታል፡፡
➡️ጊንጥ መግደል ይፈቀዳል

➡️የባሕር አደን ማደን (ማጥመድ) ለሙሕሪም የተፈቀደ ነው

➡️የየብስ አዕዋፍን ማደን የተከለከለ ነው

➡️እባብን መግደል ይፈቀዳል።

➡️የቤት እንስሳትን ማረድ ይፈቀዳል

4 - ጸጉርን መላጨት፣ ማሳጠር ወይም መንጨት
አላህ እንዲህ ብሏል ፡- ‹‹ሀድዩም (የሚሰዋው እንስሳ) እስፍራው እስከሚደርስ ድረስ ራሶቻችሁን አትላጩ፤›› [አል-ማኢዳህ:95]
እገዳው ከራስ ጸጉር ጋር በንጽጽሮሽ ሁሉንም የገላ ጸጉር ያጠቃልላል፡፡
➡️ጸጉር መላጨትና ማሳጠር
5 - ጥፍር መቆረጥ
የእጅና የእግር ጥፍሮችን መቆረጥ ነው፡፡
➡️የእግር ጥፍሮችን መቆረጥ
➡️የእጅ ጥፍሮችን መቆረጥ
6 - የሽቶ ገላና ልብስን መንካት
ወደ እሕራም ከገቡ በኋላ ገላን ወይም ልብስን ሽቶ መቀባት ወይም ለማሽተት ዓላማ መጠቀም የተከለከለ ነው፡፡ ይህም ቀደም ሲል በቀረበውና ‹‹ከልብስ ዘዕፈራንም ሆነ ወርስ የነካውን ነገር አትልበሱ፡፡›› [በቡኻሪና ሙስሊም የተዘገበ]
በሚለው የእብን ዑመር (ረዐ) ሐዲስ መሰረት ነው፡፡ በተጨማሪም በሐጅ ላይ እያለ የሞተውን ሰውዬ አገናነዝ አስመልክተው ነቢዩ ﷺ ‹‹በሽቶ አታጥኑት›› ብለዋል፡፡ [በቡኻሪ የተዘገበ]
➡️ለሙሕሪም ሰው ገላን ሽቶ ማስነካት
➡️ለሙሕሪም ሰው ልብስን ሽቶ ማስነካት
7 - ንካህ (የጋብቻ ውል) ማሰር
ከዑሥማን (ረዐ) በተላለፈው መሰረት የአላህ መልእክተኛ ﷺ ‹‹እሕራም ላይ ያለ ሰው ለራሱ ንካሕ አያስርም፤ ለሌላ ሰውም አይድርም፤አያጭምም፡፡›› ብለዋል፡፡ [በሙስሊም የተዘገበ]
8 - የግብረ ሥጋ ግንኙነት መፈጸም
አላህ እንዲህ ብሏል ፡- ‹‹በነርሱም ውስጥ ሐጅን (እንዲሠራ) ነፍሱን ያስገደደ ሰው፣ በሐጅ ውስጥ ሴትን መገናኘት፣ . . የለም፤›› [አል-በቀራህ:195]
እብን ዐባስ (ረዐ) እንዳሉት ሴትን መገናኘት ማለት ‹‹ወሲባዊ ተራክቦ መፈጸም›› ማለት ሲሆን ይህም ከእሕራም እገዳዎች ውስጥ እጅግ የጠበቀ እገዳ ነው፡፡
9 - ከተቃራኒ ጾታ ጋር ከማህጸን አፍ ውጭ ገላ ለገላ መነካካት
ይህ በሐጅ ላይ ሐራም ወደ ሆነው የግብረ ሥጋ ግንኙነት መረማመጃ ስለሆኑ እንደ መሳሳምና መተሻሸት ያሉትን የሚያጠቃልል ነው፡፡

✅✅ ሴትን የሚመለከቱ በእሕራም የተከለከሉ ነገሮች

በእሕራም እገዳዎች ላይ ሴት እንደ ወንዱ ስትሆን በሚከተሉት ብቻ ከወንድ ትለያለች
⚡️1- የተሰፋ ልብስ ትለብሳለች
⚡️2- ራሷን ትሸፍናለች
⚡️3- ንቃበም ሆነ የእጅ ሹራብ (ጓንት) አትለብስም፡፡ ነቢዩ ﷺ ‹‹እሕራም ላይ ያለች ሴት ንቃብ አትለብስም፤ የእጅ ሹራቦችም አታደርግም፡፡›› ብለዋልና፡፡ [በቡኻሪ የተዘገበ]
ባእድ በሆኑ ወንዶች ፊት ሴቷ በንቃብ ሳይሆን ክንብንቧን ከራሷ በማውረድ ፊቷን ትሸፍናለች፡፡ የወርቅ ጊጥ መልበስም ይፈቀድላታል፡፡

https://www.tgoop.com/sunah123

አቡ ኢልሐም አስ_ሰለፊ (የኡስታዝ ሙሀመድ ኑር)ያለቁ ና እየተቀሩ ያሉ ደርሶችን መልቀቂያ ቻናል

የአቡ ኢልሐም (ኡስታዝ ሙሀመድኑር) ተቀርተው ያለቁ እና እየተቀሩ ያሉ ደርሶችን መልቀቂያ ቻናል።

👇👇👇👇👇

https://www.tgoop.com/sunah123

118 viewsIbnu aliy @አል አረቅጢይ, 04:53