أشبيهه عين أرقيه➖مسطوره لو مجويه
زرگه حمره➖چويه سطره➖أشبيهه عين أرقيه
===============================
يابت حيدر عنهه أحچيلي➖أكثر من رمحي أتأذيني
أتماشيني وعيني أتصد بيهه➖بس گوه أعليهه أتماشيني
وردة جوري يمچ ضلت➖شو ذبلانه أنضرها أبعيني
معقوله أحچي أوياها وتسكت➖ما تگدر حته أتحاچيني
مكسوره بتي أشبيهه➖شو تعرج أبرجليهه
أشبيهه صفره ➖جويه سطره➖أشبيهه عين أرقيه
===============================
أحچي أوياها أشويه أتدني➖ما تدنه أبنيتي الحلوه
خافن ما تگدر توصلي➖بس لا چف رجليهه أمچوه
شو تفرك بيديهه أبنيتي➖وتهز رگبتهه وتتلوه
زينب حبل إيديهه أيعور➖وبرگبتهه الحبل أشسوه
خويه الحبل لو عتهه➖يصلخ جلد رگبتهه
يصعب أمره ➖چويه سطره➖أشبيهه عين أرقيه
===============================
حاچته او گالت يابابا➖شيسوي المكسوره أضروسه
تعرف ليش أتخورس حلگي➖من موقف بتك مخلوسه
أيجرجر بيه الگطع نحرك➖ونفاسي أمفتره ومحبوسه
يم جسمك ذباني وگلي➖شوفي أشلون الخيل أتدوسه
لمن يدوس الحافر➖نحرك أسمعه إيشاخر
من يكسره ➖چويه سطره➖أشبيهه عين أرقيه
===============================
كلما أصرخ يچوي إيديه➖گتله أشمالك طفله وميته
والله أتعورني أبجف إيدك➖أترك ذاني اشمالك أنته
شمسويه بقوتك تسطرني➖ليش أبچفك خدي أشلعته
ترضى حسين إيطگ أبنيتك➖ما سواها أورحت أذبحته
من عاتبيته بدمعي ➖گام ورفسني أبضلعي
رفسه عصره ➖چويه سطره➖أشبيهه عين أرقيه
===============================
زين أشمالچ دوم أمدنگه➖مرات أترفعين أعيونچ
بعدچ يابابا أمخوفينچ➖أتخافين أبسوط إيطگونچ
لو راسچ صعبه أترفعينه➖گد ما خدرانات أمتونچ
لو مستحيه أمصخم وجهچ➖أرماد الخيمه أمغير لونچ
يا حلوه يا رمانه➖مستحيه لو زعلانه
ليش أمفتره ➖چويه سطره➖أشبيهه عين أرقيه
===============================
إي يا بابا صح مستحيه➖مستحيه وكلش خجلانه
إنطوني أشوية ماي وجبته➖بيدي المچويه التعبانه
أتطشر من إيدي وما ضگته➖مقسوم أبقالك عطشانه
وهسه أتمنيت إيرد بيدي➖حته أروي أشفاك الذبلانه
مو حگي لو مستحيه➖يا لخضبولك لحيه
أنته أدره ➖چويه سطره➖أشبيهه عين أرقيه
===============================
https://www.tgoop.com/wuhob

منين ما اميل السياط أتطك كفاي
الراس كدامي وشمر يفتر وراي
كتلك يبو الحنيه
اختك مشت مسبيه
₩₩₩₩₩₩₩₩₩₩₩₩₩₩₩₩₩₩₩₩₩
ابد ما جانت أبالي اطلع وصوتي انسمع
والشمر يحدي الضعينه وصوطه بمتوني انطبع
شوفني بيا حال اشاكف حايره وكلبي انشلع
الدرب كله عيون غربه ابكل كتر عين انزرع
حسين فوك النوك صعدوهه النساء
والمحامل لا هوادج لا غطاء
الدنيه ضاكت بيه
اختك مشت مسبيه

₩₩₩₩₩₩₩₩₩₩₩₩₩₩₩₩₩₩₩₩₩
بكثر ماكثرت عليه صياطهم متني هدل
من عله النوك انه اطيحن طيحت الميتله خل
بالعكس وياي دهري يمشي ما مره عدل
جسمك اعله الغبره مرمي وانه امشي اعله الهزل
الناكه تعرج والهوه يطكهه وتميل
حسين تدري اشسوت بضهري الهزيل

فوك الهزل محنيه
اختك مشت مسبيه
₩₩₩₩₩₩₩₩₩₩₩₩₩₩₩₩₩₩₩₩₩
ضلوعك الكلهن محنه تكسرن فوك الترب
انه حرمه وضهري محني وأمشي مابين الغرب
النوك هزله كوه تمشي وحيل تعبنه الدرب
خويه نضرات الشماته نار بضلوعي تشب

صحت يا عباس وينك كلبي نار
السوط جاسي وكطع امتون الزغار
ضاك النفس بريه
اختك مشت مسبيه
₩₩₩₩₩₩₩₩₩₩₩₩₩₩₩₩₩₩₩₩₩
سوك سوك وديره ديره نمشي بدروب اليسر
لا اخوان ولا عشيره التوكف وتحمي الخدر
وين ما توكعلي طفله يروح يسطرهه الشمر
والكمر عالرمح نايم شايله أبجفه زجر
اطفال كثره وهيمه ما لمتهه عين
امربطين اعله الهزل وين الحنين
وثكلن علي رجليه
اختك مشت مسبيه
₩₩₩₩₩₩₩₩₩₩₩₩₩₩₩₩₩₩₩₩₩
اهواي بيه جروح شحسب وبدي من يا معضله
جيت مهيوبه اويه اخوتي امعززه ومدلله
وهسه محنيه اعله ناكه امربطيني بسنسله
عكب ابو فاضل كفيلي شمر يحدي القافله
حيل ماضل عذبو حالي وبجيت
اكبالي راسك بس ولا صحت وشكيت
الموت بان أعليه
اختك مشت مسبيه
₩₩₩₩₩₩₩₩₩₩₩₩₩₩₩₩₩₩₩₩₩
اكضيت بس ما يكضي دربي آه ياضيم الدرب
الحادي والديره النطبهه كلهه شمات وغرب
طبة السوك الجبيره بيهه شلعان الكلب
الحجر يمطر علينه كل مجان البي نطب
السوط يتلاعب عله امتون البنات
اسكينه ورقيه بعباتي امجلبات
إيبجيني صوت أرقيه
أختك مشت مسبيه
@@@@@@@@@@@@@@@@@@@
سيد باهض الموسوي

بسمك واگف ساگ العوش➖لا تهوه أمن الخيل
إيميل الكون ويفتر عكس➖يحسين أمن أتميل
وآويلاه➖وآويلاه➖ياسر القل هوه
وآويلاه➖وآويلاه➖النزلت في نينوى
━━━━━━━━━━━━━━━━━
يا معشوگ الله وخط أسمك➖مصحف فوگ العرش
ما يرضى إيسمعونك كلمه➖أولا گلبك ينخدش
قرآن➖فرقان➖ياسره ومصحفه
أذكار➖أسفار➖وحروفك عاطفه
المحوطينك سبعين الف➖چنهم مايدرون
عميان إيقابلهم ذكر➖لاكن مايقرون
وآويلاه➖وآويلاه➖صيحه وادي طوى
وآويلاه➖وآويلاه➖النزلت في نينوى
━━━━━━━━━━━━━━━━━
طالع يحسين أمن الخيمه➖شو مكشوف الضهر
ياشمس الله الغيمه أتكسفك➖چن إيعوزك گمر
مكسور➖معذور➖لنك فاگد ضوه
مهموم➖مهضوم➖الطاح إمنيده اللوه
حته العسكر صاحو برز➖بس مكسور حسين
الفاگد قسور مثل الگمر➖يمشي أبلا جفين
وآويلاه➖وآويلاه➖وطاح أمن إيده اللوى
وآويلاه➖وآويلاه➖النزلت في نينوى
━━━━━━━━━━━━━━━━━
قرآن وآياتك تنزف➖ويرتلهه الحجر
أبجسمك تتعثر چم نبله➖أبضهرك رمح أنكسر
أبلا روح➖مجروح➖وجروحك تبتسم
وتطيح➖وتصيح➖لا تدنون الخيم
يالبعدك تشتم الهوه __حركوهن الخيام
فزعو يم زينب والحرم➖ويصيحون الشام
وآويلاه➖وآويلاه➖أبدمه الطف أرتوى
وآويلاه➖وآويلاه➖النزلت في نينوى
━━━━━━━━━━━━━━━━━
أمنين أتجيب الحيل وأنته➖أبگلبك نابت سهم
وبعيونك ذرو ياوسفه➖من أرماد الخيم
تعبان➖عطشان➖وعيونك غايره
متعوب➖مسلوب➖وضلوع أمكسره
تزحف ينثر دم الچبد➖ويخط فوگ الگاع
گوه أبسيفك لمن تشد➖ومهدل الذراع
وآويلاه➖وآويلاه➖گلبك نار أنجوى
وآويلاه➖وآويلاه➖النزلت في نينوى
━━━━━━━━━━━━━━━━━
ستر الله إيصيح أمن الخيمه➖يامرضوض الظهر
يالگاعد شمر أعله جروحك➖أبسيفه إيكص بالنحر
سلبوه➖حركوه➖خدر الله وعفته
گطعوه➖شالوه➖راسك من جثته
يالگطعو من عندك منحر➖ضربو عندي إبنات
والسلبو محبس من صبعك➖سلبو ترچيات
وآويلاه➖وآويلاه➖گطعو راس الضوى
وآويلاه➖وآويلاه➖النزلت في نينوى
━━━━━━━━━━━━━━━━━
ذبحوك وما كفو منك➖ذباحك ماكفه
وجه عشر خيول أتدوسك➖وتجول أعله الگفه
سحگوك➖رضوك➖يا مبتور الصبع
الخيل➖أمن تميل➖تاخذ وصلة ضلع
جبريل إيضلل للشمس➖يمسح بالتربان
ما تقبل ورقيه بقت➖تشتم الدخان
وآويلاه➖وآويلاه➖يالگلبك ما روى
وآويلاه➖وآويلاه➖النزلت في نينوى
━━━━━━━━━━━━━━━━━
https://www.tgoop.com/wuhob

القصيده بعد التصحيح البيت الثالث

شيل فقار أمن أبوي➖وهد عليهم يخوي
بالفراسه والبساله الحيدريه➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
هذا يومك هايشيال العلم➖والعطاشه أتحشمك من الخيم
أدري درب المشرعه خويه أنلزم➖أسكينه عطشانه ورقيه والحرم
ها يسبع القتال➖گص رؤوس الرجال
يله راويهم قتالك آل أميه ➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
أنه أعرفنك شهم يابه الفضل➖تعطش أسكينه أبد ما تنعقل
حملي مايل ونته شيال الحمل➖ودري ماي المشرعه كلش سهل
غير يموت الحرب➖كض عليهه الدرب
شرب أجيوش العده كاس المنيه ➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
ذاخرك حيدر يخويه الهالوكت➖وأمن الطف كربله عندك أخت
عالو أو عاليله أبد ماينسكت➖
گصهه روس أهل الشرك لو حاربت
خل يگول الطلع➖هذا أضن حيدر رجع
أبيمنتك هد الحصون الخيبريه ➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
من تهد خل يسمعون الزمجره➖اذبح الخياله يابن حيدره
خل يذكرون الحصل بالگنطره➖أنته يالما خلفت مثلك مره
والنعم يابه الفضل➖أنته بس گول وفعل
سلط السيف أبركاب الجاهليه ➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
أبجتفه جوده ورايه بيده وسيفه بيد➖أبوفاضل والحرب جن عنده عيد
كربله خلاها تتطوه وتميد➖أشحدهه توصل للخيم زمرة عبيد
إله أگص روس ولسن➖عزمي أبد ما يستجن
ياجيوش أهل البغي أتكربي عليه ➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
طبهه والحومه خنكه المايهم➖بيهه صاح وماتت أحيود الزلم
سيفه بكبار المناحر ضل يلم➖ياشهم ومعتبر أوكلك عزم
سيف بيدك من علي➖بيه الحرب تنجلي
المشرعه أتعاتب يسبع الغاضريه ➖بالشجاعه الحمزويه الجعفريه
""""""""""""""""""""""""""""""""""""""""""""""""""""""""
https://www.tgoop.com/wuhob

حسين…حسين…حسين
…............................................
ياماي الله وعافيته➖عطشان وحركو بيته➖يالعايش طف الغربه➖بالطف مسلوبه أبنيته
الموكب دگ دمامه➖والهامه أتحشم الهامه➖لجل المحروگه أخيامه➖بالراس أنحد القامه
حسين…حسين…حسين --------------------------------------------------
بالمجلس اعرف قدري➖من يصبح أحمر صدري➖عميه العين الماتدمع➖والتبصر بس التجري
شايل بجفوفي أجروحي➖وتعاتب آنه وروحي➖ياروح الموت أشوالج➖عاري أمسلب مذبوحي
حسين…حسين…حسين --------------------------------------------------
أتغورگ عيني أبمدمعها➖صوت الناعي اليفجعها➖حسين أمسلب عالغبره ➖جثته الحافر گطعها
أسمع وجروحي أتكابر➖الله ياطاري الحافر➖روع جم طفله وطفله➖ وشسوه بيوم العاشر
حسين…حسين…حسين --------------------------------------------------
عشت الطف وآهاته➖وضرب السوط ولوعاته➖محبوبي الخيل أتدوسه➖وسلبو حته أبنياته
يفتر طفك بعيوني➖ويجوي السوط أمتوني➖ذابحني أركاض أيتامك➖اتصورهم ويبجوني
حسين…حسين…حسين --------------------------------------------------
واكثر كسرتني أبنيه➖أتخيلهه أبلا ترجيه➖تشبه امك گلولي➖بس إيسموها رقيه
مشيتهه وشكل الزهره➖تتشابه نضره أبنضره➖هم رفسوها أبلا رحمه➖أوهم شافت نفس السطره
حسين…حسين…حسين --------------------------------------------------
أشلون أهجع وترك دمعي➖كون الطم وكسر ضلعي➖ياريت أبقى الحد موتي➖بس أبجي أعليك وأنعي
ذايب بمصابك حالي➖ياغالي وأجمل غالي➖سجلني أويه اليبجونك➖وكون أعيونك تبرالي
حسين…حسين…حسين --------------------------------------------------
https://www.tgoop.com/wuhob

دمعتي وسالفة عشگي حسين
فقط بس حبك الصدگي حسين
تموت العافيه وتبعد عليه ➖ أحبك إي وحگ ضحكة رقية
…………………………………………………
دمعة العاشك تزيد أجروحه
إيعيش عمره أحجايته مذبوحه
إينوح وينوح الجماد النوحه
اليعتني أبمعشوگه يهمل روحه
يعيش الليل مايعرف قرار ➖ يسلم راحته الضيم النهار
يعيش أبكسرة الخاطر خطيه➖أحبك إي وحگ ضحكة رقية
…………………………………………………
ياحبيب الماتفك أشفافي أسمه
أشما أضيع أتفز جروح أگليبي يمه
أمجلب أبريتي هوه أمن أحتاج أشمه
من قميصك خيط خاف أعيوني تعمه
يمعشوگ الله ياحرز السنين➖أنه بدونك نضر ماعنده عين
يهمسات الترافه الفاطميه ➖ أحبك إي وحگ ضحكة رقية
………………………………………………
عشت وياك العمر نار أعله شمعه
تبجي عيني وعينك أتدايني دمعه
كلبك إيسولف محنه وأنه أسمعه
زينب أقريلي دعاء الليله جمعه
يرحمة حيدر ياستر النساء➖أحبج خويه تقريلي دعاء
وكون الصوت نبره حيدريه ➖ أحبك إي وحگ ضحكة رقية
………………………………………………
أشما أصد بعيونك جروحي تكابر
بيهه متكوب الدهر يكسرلي خاطر
موتي زينب شلج أبطاري الحوافر
عشگج الماينتهي أيذبحونه باجر
ينذبح جدامي قران الغرام➖ويحترك عشگي مثل حرگ الخيام
وتموت أحجايتي وگلبي سويه ➖ أحبك إي وحگ ضحكة رقية
…………………………… …………………
أشيل أمن التراب أبجفي گلبي
وگلهم ليش بله أذبحتو تعبي
مدري شلون أشوف وأمشي دربي
ساعدني أعله آهآتي يربي
يگولون الصبر جدا"جميل➖بس لحسين صبري مستحيل
آنه الشايله الخنصر بديه ➖ أحبك إي وحگ ضحكة رقية
……………………………………………
طايح وگلبي أشكثر يمك ترجه
الفرس حن ليه وبجالي أومال سرجه
هاي تاليهه أصبحت للناس فرجه
تنختم كل ذكرياتي أبناگه عرجه
أتموت أموت الدنيا مو مالت بقاء➖شلي بيهه وأنت مسلوب الرداء
أميبسه أشفافك يبو أشفاف النديه ➖ أحبك إي وحگ ضحكة رقية
……………………………………………
https://www.tgoop.com/wuhob

إيعذب الروح وداع الغالي
إرجع أرجوك يشاغل بالي
تدري الفراك يعذب حالي
حسين حبيبي يمه**حسين حبيبي يمه
************** **************
يمهيج جروح الليل➖ماعندي لفراكك حيل➖أنزلي من ضهر الخيل ➖ودعني
يالشايل تريد تروح➖ارحم دليلي المجروح➖يالماخذ أوياك الروح ➖اتضيعني
حالي مذبوح يلوج ابروحه➖هجرك السيف ونه المذبوحه➖إشينفع المات بجاه ونوحه
حسين حبيبي يمه
************* **************
يكسرني هجرك لوطال➖إيراويني أيام اثكال➖لتلوم ضهري لو مال➖بغيابك
راح ابجي بجي المفطوم➖وراح انسه يوليدي النوم➖راح ازرع اعيوني ارسوم➖يم بابك
ابدال الدموع أصب عيوني➖ابعتبة الباب تموت اضنوني➖أشنفع العيون اذا عفتوني
حسين حبيبي يمه
***************** **************
يالتارك بعيني إسهام➖يرفض جفن عيني اينام-مذبوحه بعيوني أحلام➖تدريهه
ودعني حسرات ونوح➖وحضني يايمه اجروح➖مذبوحه تشبك مذبوح➖بيديهه
ابجي بسكوت وعاتب ليلي➖حته النجوم هجر تحجيلي➖هجر الاحباب يفلش حيلي
حسين حبيبي يمه
*************** **************
خلفك أطش دمع ابجاي➖لوروحي وي طاسة ماي➖حته العمر ماهو اهواي➖طشرته
يمشي الضعن بعد العين➖وآنه اصرخ أوليدي حسين➖عن كلبي جا رايح وين➖وهجرته
يعتك الحيل تموت الجلمه➖صدك اشتاك الحنان اليمه➖ابريتي ايموت جمال النسمه
حسين حبيبي يمه
***************** **************
لفراكك أحتاج اعيون➖إيروح النضر من ترحون➖لو خيط كافي اتودون➖يايمه
يوليدي يا أغله الناس➖من ريتك أحتاج انفاس➖انطيني وخذ العباس➖بس شمه
أخذ الأولاد وخذ عافيتي➖لمن اتغيب تعسر ريتي➖ويضلم البيت يشمعة بيتي
حسين حبيبي يمه
******************* **************
يم زينب ازرعني اخيام➖ووساده لرقيه اتنام➖لسكينه بركع ولثام➖أتكطع
ارحم دليلي المخنوك➖سويني هودج عالنوك➖أو ياحضني كاروك إيلوك➖للرضع
كربله أبعيد فديتك طولي➖تتعب اهواي رباب اتلولي➖أويانه ترحين مته اتكلولي
حسين حبيبي يمه
******************** **************
https://www.tgoop.com/wuhob

كل بنات الزهره ➖➖ للسبي متحضره
❌➕❌➕❌➕❌➕❌➕❌➕❌➕❌
طلعي يازينب تراهم حضرو نوگ اليسر
من بعد عباس اخيج يحدي بالعيله زجر
اتكبعي ابهمه يقينج اتحزمي ابقوت الصبر
ابـهمه طلعي الحادي بـره اتولمي يـم الخدر
بس طويله السفره ➖➖ للسبي متحضره
❌➕❌➕❌➕❌➕❌➕❌➕❌➕❌
حاچت الحادي وتكله بله ريض بالضعن
اتريد للشام ابسفرتك لو ردت ارض الوطن
خايفه ادروبك طويله والسفر لوعه ومحن
النوگ هزل والارامل خاف منهن يوگعن
يوگعن عالغبره ➖➖ للسبي متحضره
❌➕❌➕❌➕❌➕❌➕❌➕❌➕❌
اتگله مابيه يحادي والدرب جنه طويل
اشلون اروح ابدون اخوتي ما يطاوعني الدليل
تسعر او تنطفي بيه اويه الدمع نار الغليل
مابگه عندي الاحشمه غير ايتام وعليل
ما طفت هالجمره ➖➖ للسبي متحضره
❌➕❌➕❌➕❌➕❌➕❌➕❌➕❌
ريض اشويه تگله خل اروحن للنهر
بلكي يفزعلي امن احشمه وينتهض راعي الفخر
اشلون اخته اتروح اسيره تقبل امروه الگمر
وبين شمات او اجانب تالي تطلع لليسر
ياوسف متيسره ➖➖ للسبي متحضره
❌➕❌➕❌➕❌➕❌➕❌➕❌➕❌
ايكلهه طاح اعله الشريعه او وذرت جسمه السيوف
عالنهر مرميه جثته او كطعو منه الجفوف
اهناك صاحت اخ منج اخ ياارض الطفوف
اغدرتي اهل بيت النبوه النزلو ابأرضج ضيوف
اشعضم هاي الغدره ➖➖ للسبي متحضره
❌➕❌➕❌➕❌➕❌➕❌➕❌
https://www.tgoop.com/wuhob

عمه لو رديتي باجر يالعقيله
وصلي شوگي وسﻻمي للعليله
باجر تسألج عليه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه گعدي اعتاب عندي اوياج العتاب
عمه ليش اتأمليني ابطاري الغياب
اقسم اعليج ابمصيبه امي والباب
هم بعد ياعمه ترجع ذيج اﻻحباب
عـمه گـليلي الصراحه وﻻ تـضـمين
حسين ياعمه بسفر لو ميت حسين
عليج بالزهره الزجيه 〰 ️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه باجر لو رجع ضعنج يعمه
سلميلي اعله العليله وهاي ذمه
اخذي ثوبي اوياج خليهه تضمه
عمه من تشتاگلي اتطلعه وتشمه
هـذا ثـوبـي نـاگـع ابـدمع البواجي
وبـي نگط دم من اثر جر التراجي
باجر اتگلج خطيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه ثوبي والعبايه اخذيهه تذكار
عمه بس طرف العبايه ﻻحته النار
عمه لتكليلهه اعليه اشجره وصار
يكفي ياعمه عليهه وحشه الدار
يكفي ياعـمـه عليهه امساهر الليل
عمه ما يحمل مصايب طبع العليل
عله وفراگ واذيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه لو غسلتي جسمي وثوبي شلتيه
متني مجروح علكيفج لا تلجميه
الماي ياعمه اعله ضهري بهيده صبيه
لازگ الثوب اعله جرحي براضه شيليه
جنهم ايطلبوني حيف او اخذو الحيف
وانـه لـعـابـه ابـاديـه مـا شـلـت سـيـف
اخباري خليهه خفيه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
ادري هيه محضره اهدوم ولعايب
حگها ما تدري جوت خدي الترايب
فرشت الدار ابأمل جيت الحبايب
ما درت ياعمه خلونه بخرايب
لـو تـمـر نـسمه هوه ويتحرك الباب
تركض ونصرخ هله بيكم يالاحباب
اتصيح بدموع الجريه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻 https://www.tgoop.com/wuhob 🔺🔻

طيب الذات- ما يعيش ابدنيه وكحه
الكله احساس- لابد الوادم تجرحه
خطار اجينه الكربله
وستقبلتنه ابلا هله
@@@@@@@@@@@@
انه المذبوح امشي واختي مسبيه
انه طيب الذات وطيب النيه
حسين أنه العزيز الكله حنيه
ابو التنكط ترافه الغاليه ارقيه
تكضي الايام- وكلمن يروح المصيره
وطيب الذات- تالي يلتم ابحصيره
جاري الدموم أيغسله
وستقبلتنه ابلا هله
@@@@@@@@@@@@
اجيت الكربله وجان القصد ازرع
لكيت الناس منجل بالورد تكطع
صحت عطشان بس الماي ما يسمع
وجسمي ابين سيف ورمح يتوزع
محبس أنطيت- شو أخذ وياه صبعي
كتله جا ليش- كام يرفسني اعله ضلعي
إذاني جي كمت اساله
وستقبلتنه ابلا هله
@@@@@@@@@@@@@
كمت ردت امشي بس ثكل الجرح كاسر
الفرس والفارس بجرح النحر عاثر
إذا ضيف وعطش يشرب ضوه الناضر
ونه العطشان وشرب حذوة الحافر
عوزت حيل- وجان مالي الدنيا تعبي
أبجية الخيل- أنفرش للخياله كلبي
وتركض عليه مستعجله
وستقبلتنه ابلا هله
@@@@@@@@@@@@@@
انتجيت وجان جرحي ابكبر سالفتي
اباوع للجمر تارس عباة اختي
كمت والرمح طب ابوسط خاصرتي
اكعدت والحجر طير وصله من كصتي
صحت عباس- وصاح سهم العين قصه
كتله الخيام- كال هاي ابصدري غصه
اكبر مصيبه ومعضله
وستقبلتنه ابلا هله
@@@@@@@@@@@@@@
بجيت الحيرة اختي وحيرتي ابكدي
احس جمرة عبايتهه جوت خدي
ردت انهض وجرب قوتي العندي
سهمهم نار خيمه وطبت أبجبدي
جفيت الماي- طيحتي جانت قضيه
من الخيام- وسمعت نشغت رقيه
الآه جانت قاتله
وستقبلتنه ابلا هله
@@@@@@@@@@@@@@@
اجوني وخذو روحي وجسمي وي هدمي
وجابو خيل جوعانه وكلت عضمي
مسحو بالتراب الباقي من دمي
وضل مني الرقيه ريحتي وأسمي
الدنيا مو خوش- ايعيش بيهه الروحه وكحه
وطيب الذات- لابد الوادم تذبحه
بالمو وفي تستبدله
وستقبلتنه ابلا هله
@@@@@@@@@@@@@@@
خادم رقيه ع
حسين باهض الحلفي

طاح محسن عل كاع الصلبه
والبسمار نابت نص كلبه
دنكت المه ألكيته بس دم"
لا ياعلي أوليدك مينلم"
..............
كالت أنه-كلها وأن
ام ابي-ام الحسن
كلهم لا ترحموها- عليها الباب ادفعوها- خل تنعصر"
كتله ابي-شوصه وحجه
كال النبي-مات ومشه
عصرني وطاحت دموعي-ويسمع طكت ضلوعي- من تنكسر"
سند حيله عله الباب ودفع بابي
كطع نفسي وخفت لا يوكع حجابي
الباب ثكله بضلوعي اسندته
والدخان مجبوره اشهكته
حسيته طب بريتي سم"
لا يا علي أوليدك مينلم"
والبسمار نابت نص كلبه
.................
لمن بجيت-بيه سمع
حد ما علي-بابي شلع
بجفوفي ادفع ويدفع"أحترك جلد ايدي وتكطع-من الجمر"
وخرت ادي-صدري انجوه
وبسماره اجه-بضلعي التوه
الباب بصدري بسماره"طحت ودمي يتجاره"أتبده العمر"
طحت ماشوف دربي وحيل ما عندي
أتلثمية رجل هجمو وانه الوحدي
صاح يطلع حيدر من الدار
لو نحرك كل البيت بنار
يحرك عليه داري مهتم"
لا ياعلي أوليدك مينلم"
والبسمار نابت نص كلبه
................
سير الخشب-بصدري انطبع
ومحسن عله-الغبره وكع
يفت صم الصخر حالي-محسن طايح كبالي-فوك الترب"
فضه صحت-لحكي علي
أمجتف خذو-حيدر علي
النار مجلبه بهدومي-وحيدر زيد همومي-اخذو غصب"
طاح المحسن وحيلي وكع كتره
وحيدر ربطو بعمامته الخضره
راح يمشي-وتكوده اجروحه
مات حيله-جنه بلا روحه
بنضرات عينه مبين الهم"
لا يا علي أوليدك مينلم"
والبسمار نابت نص كلبه
..................
كوه كمت-حيره ودمع
خلفه اطلعت-بكسرة ضلع
اسند روحي بجروحي-خذو مني علي روحي- وضاع الأمل"
بيهم صحت-صيحت قهر
ردو علي-ماي النضر
لو اكشف عن احجابي-واكله اعله الحرك بابي-بيه شعمل"
افرع واشتكي لله بهضم حالي
لو للبيت هسه يرجع الغالي
سار جدمي للمسجد خلفه
باد حيلي عثرات ورجفه
وجان الله ادره بحالي واعلم"
لا يا علي أوليدك مينلم"
والبسمار نابت نص كلبه
...................
غنفذ علي-خله ورجع
حد ما بدي-سوطه انطبع
سوطه يضرب متوني-وانه الحيدر عيوني-بجيت وصحت"
اسمع عمر-يحاجي العبد
اسطرها بعد-حد ماترد
بتمن حته يسطرني-وزورك بالسطر جفني-حد ماطحت"
هيجي الناس تالي ضيعت كدري
اطيح وسوطه يتلاعب عله ضهري
ناس نكرت حك الله وقدره
ناس جارت ضربوها الزهره
جور وهضم كلبي تحطم"
لا يا علي أوليدك مينلم"
والبسمار نابت نص كلبه
.................
كلمات حسين باهض الحلفي