يبوعيون الوسيعه ـ ياكمر اجمل عشيره"
يمحبوب الوديعه ـ ياكفيل اشرف اميره"
حته الهوه مات بغزل ريشاتك
وتأسر جروح العشك نظراتك
*******************
تحجي العقيله شعر ـ وتهديه لخوها البدر ـ وتكله عباس-- غالي
كفالي وجمل اخو ـ عوض حنان الابو ـ بس انته للروح-- والي
ازغير وجنت من تحن ـ اشكد شلتك اعله المتن ـ احجاياتك اتدور-- ابالي
مابين اديه اكبرت ـ وبعيني تحله صرت ـ وتتكابر اوياك-- امالي
وبدت تكبر صفاتك ـ غيره ومروه وعزيمه"
وتحن دوم الخواتك ـ والخدرهن تبني خيمه"
اتدنك جبينك من تشوف اخواتك
وتأسر جروح العشك نظراتك
*******************
اتفيض بحنانك دمع ـ يااترف امن الشمع ـ يانبع الاحساس--صافي
ابكد ماشلت عاطفه ـ كلبك يسولف وفه ـ بجفوفك الجود--وافي
يتعنه ليك المجد ـ ليله ونهاره يجد ـ يوكف عله الباب--حافي
بسلوبك وبالترف ـ تخجل ضمير الشرف ـ يابو صدر دوم--دافي
ابتساماتك احبهن ـ ونتضرهن لحضه لحضه"
وحب محبس يمينك ـ در نجف مصيوغ فضه"
سمعني دوم اشما تجي احجاياتك
وتأسر جروح العشك نظراتك
*******************


وبسرعه مر الوكت ـ يابه الفضل وكبرت ـ وندكت حدود--ثايه
وتعينت كافلي ـ بتوقيع حيدر علي ـ وتسلمت جود--اورايه
وتلقبت بالكمر ـ ونته التطب عالنهر ـ وماتشرب اهناك--مايه
ولحسين طفله تون ـ تنخاك نخوة حزن ـ سكنه يعباس--هايه
حنينه وتنخه عمهه ــ وعمهه مخلوق بمحنه"
سهل كلش طلبهه ـ اشويه ماي اتريد منه"
يم سكنه باجر لاتصب دمعاتك
وتأسر جروح العشك نظراتك
*******************
ادعي ابصلاة الفجر ـ احفض كفيل الخدر ـ وهديلك ايات--خمسه
عن الحسد والغدر ـ عن البعد والهجر ـ ومن جور الايام--حرسه
شايل ترافة ورد ـ حجيك قنوت وحمد ـ يلي انته للكون--شمسه
اتحبك ليالي القدر ـ تستعطي منك اجر ـ امن اشفافك اتريد--همسه
يساحرني بقنوتك ـ جن كمر ويناجي ربه"
ابصلاة الليل اشوفك ـ دمعه وتطيح اعله تربه"
وانه ادري ماتنساني ابدعواتك
وتأسر جروح العشك نظراتك
*******************
طمني مانفترك ـ بس تبتعد اختنك ـ بيك الهوه الهاب--اشتمه
تدري بوجودك احس ـ مرتاحه اجر النفس ـ اتقاسم اوياك--النسمه
نسيني اسم الهجر ـ ضل يمي طول العمر ـ وخدري ابقى للدوم--يمه
نسيني هم كربله ـ والناكه والراحله ـ ومناطر الجود--اوهمه
بوصالك عودتني ـ يابدر ليلي وحياتي"
حرز خدري اعله زندك ـ خيط اسود من عباتي"
مرسومه زينب يالكفيل ابذاتك
وتأسر جروح العشك نظراتك
*******************

اشما مرني طاري النهر ـ اجفل وحس ابخطر ـ وتخيل ايام--صعبه
بعينك اشوف الخدر ـ يتعارك اويه الشمر ـ وتقدم جفوف--قربه
لجل الخدرجم الم ـ كطعة جفوف وسهم ـ وتحمل عله الراس--ضربه
تنطيهن ابكربله ـ عن خدري دفعة بله ـ ودمك عله الكاع--اتصبه
وضل بسمك اكابر ـ ينكسر ضهري برحيلك"
اتاني ما اتاني ـ ولا اكدر اجيلك"
بالخيمه وسمع ونك واهاتك
وتأسر جروح العشك نظراتك
*******************
حسين باهض الحلفي

https://www.tgoop.com/wuhob

عود تحجون الصدگ والحادي يحدي
لان ما ضليت الح عفتوني وحدي
ليش ➖ صفيتو كلكم للسفر
ليش➖عفتولي بس دمع النضر
امسافرين----امسافرين
💢🔷💢🔷💢🔷💢🔷💢🔷💢🔷💢🔷💢
يگولون البنات اعزاز المثل گال ابمعزتهن
أبيات ويموتن لو احجاية هظم مستهن
رهيفات الگلب بحساس عجيبه يا محنتهن
جبيرتهن أبية روح وحنينه اشگد زغيرتهن
فراگ اهلهن معضله ويحني ضهرهن
بجال ابوهن والاخو خيمة سترهن
أتعيش➖وحدتهن ابدونه بخطر
ليش➖عفتولي بس دمع النضر ➖امسافرين
💢🔷💢🔷💢🔷💢🔷💢🔷💢🔷💢🔷💢
من راد الغريب حسين يطلع من وطن جده
بيده ايعدل الرجبان أوهو الهودج ايشده
صعد سكنه فوگ النوگ أورقيه صعدت بسده
العليله واگفه اعله الباب تتاني حجايه من عنده
رادت اتصيح وبجت دمعه نضرها
كسرت الحجايه عبرتهه بصدرها
وين➖نيتكم وشنهي الخبر
ليش➖عفتولي بس دمع النضر ➖امسافرين
💢🔷💢🔷💢🔷💢🔷💢🔷💢🔷💢🔷💢
تمشي ابسكته بين النوگ اتفت الصخر حالتهه
حانيهه المرض للگاع العليله شلون مشيتهه
جنهه امضيعه وتدور حيل اتاذي عثرتهه
اثاريهه خطيه اتريد تشوف ارقيه اخيتهه
اتخاف توصل يمهه ويردهه اخوها
بجت من شافت اختهه بحضن ابوها
بيش➖يحجي اللي دلاله انكسر
ليش➖عفتولي بس دمع النضر ➖امسافرين
💢🔷💢🔷💢🔷💢🔷💢🔷💢🔷💢🔷💢
رقيه عاينت وتشوف اختهه والضهر محني
اتگلهن ياخواتي ليش وحدي اهنا تخلني
گالتله يبابا حسين بس اشويه نزلني
اختي اشعجب شو عالگاع تروح اويانه كل ضني
نزلت وشبگتهه والدمعه جريه
اتگلهه لتعوفيني وحدي يارقيه
حيل➖هذا الوكت قاسي الدهر
ليش➖عفتوني بس دمع النضر ➖امسافرين
💢🔷💢🔷💢🔷💢🔷💢🔷💢🔷💢🔷💢
من صدلهه ابوها حسين مكسورة گلب جنهه
اويه اختهه امجلبه ايد ابايد تبجي ويرتفع ونهه
اعله راس الطفله يمسح گام ومره الصدره يحضنهه
يگللهه الطريج ابعيد ايردهه ويعتذر منهه
بابا ارجع وانه ممنونه تگله
المهم انته تروح وآنه سهله
اهنا ➖ابقى واتاني هالعمر
ليش➖عفتولي بس دمع النضر ➖امسافرين
💢🔷💢🔷💢🔷💢🔷💢🔷💢🔷💢🔷💢
من رادت ترد للدار لن بجية طفل سمعت
التفتت لاجن ابيا حال وتركض للضعن رجعت
يعبدلله تصيح ابصوت منك عيني ماشبعت
بيك ادري تريد اوداع روحي امن البجي طلعت
گامت اتشم منحره وتمسح دمعته
وتمسح ابجف ايدهه داير رگبته
آه ➖ اتعوفوني مكسورة ضهر
ليش➖عفتولي بس دمع النضر ➖امسافرين
💢🔷💢🔷💢🔷💢🔷💢🔷💢🔷💢🔷💢
حسين باهض الحلفي

https://www.tgoop.com/wuhob

تتجه اعله سيفك ــ وتگوم اعله كيفك
اذنوب الشيعه گالو هيه تاذيك
اوﻻ تنهض على حيلك تخليك
777777777777777777777777
ها يبن الحسن اذانه الغـــــياب
ها يلبيك عاشت عصرة الـــباب
تتوسد يشوفونك عالتــــــراب
يسألونك تگول اذنوب الاحباب
لوجودك نسينه ــ وبالدنيا التهينه
اتـراب الگـــاع يامــولاي غاطيك
اوﻻ تنهض على حيلك تخليك
777777777777777777777777
يالمتحزم بشيلة رقيــــــــه
ابعبايتهه تشم عطر الزجيه
يالبمتنك اثر سوط السبيه
يبو گلب الحلو عينك عليه
دليني اعله بابك ــ تعبني غيابك
اريد اقرالك اعله امك وبجــيك
اوﻻ تنهض على حيلك تخليك
77777777777777777777777
اذا ذنــبي يأخــــرك امــــدانـــــي
شلي بروحي عسى موتي اللفاني
تعال ارجوك يا صاحب زمـــــاني
عساني لا عشت عمري عسانــــي
عذرا“ ياحياتي ــ يالبيدك نجاتي
عذرا جي ذنوبي مرت علــــيك
اوﻻ تنهض على حيلك تخليك
7777777777777777777777
بسبب ذنبي صدگ ما تغفه ليلك
وتضل ما تكدر تگوم اعله حيلك
صدگ رجليك ما تگدر تشـــيلك
لمــن فاطــمه الزهـــره تجــيلك
اتگلك يبني يمناك ــ انهض حيدر اوياك
تواسيــهه يمـــهدي لو تواسيك
اوﻻ تنهض على حيلك تخليك
777777777777777777
شنو حجمي وجرحت بذنبي گلبك
ومـــأخـــر ضــهــورك عـــاليحبــك
يبو صالح صرت عثره اعله دربك
يــــوميه بســــهم مسـموم اضربك
ونته تنشر ايديك ــ وتستغفر لي ادريك
شلون أماخرك وبــالي اتانيــك
اوﻻ تنهض على حيلك تخليك
777777777777777777777
ويــن تنام ونتــه مـالك احــد
الجو بارد يمهدي وخاف تبرد
صدگ خدك عله اترابه توسد
تلــم رجلــيك ما تــكدر تمدد
بعبايه محرگه اتنام ــ ما توصل للجدام
عبــاية عـــمتك زيـنب تغطيك
اوﻻ تنهض على حيلك تخليك
7777777777777777777777
حسين باهض الحلفي

https://www.tgoop.com/wuhob

وَفَدَيْنَاهُ بِذِبْحٍ عَظِيمٍ
بسم رب الزهراء (ع)
بتوفيق من الله ومولاي ابا عبد الله
تم افتتاح هذه القناة التي سوف تختص بنشر :

1.عظمة سيد الشهداء عليه السلام
2. مواقف من مصاب وجروح واقعة الطف
3.قصص ومعاجز
4.امور تخص الشعائر والخدمة

ونسأل من الله التسديد والقبول
https://www.tgoop.com/hhklpii

أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
برز يا محله مشيته وشدة احزامه
اتگول حيدر بالملاحم لفة الثامه
صال بيهم جنه جده وركضت الوادم
يخمش برمحه صدرها ويشطر الهامه
أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
صاحت الغوث العساكر من طلع ليهه
جنهه خيبر وهوه حيدر من نزل بيهه
وينه مرحب خله يطلع خل اشوفنه
ما تبارزني زلمكم ساكته اشبيهه
أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
جنه وجه الهادي جده وحجيه ووصافه
الله منطي من جماله وعطفه والطافه
اشمحله ملفوفه اعله راسه خضره العمامه
ايگول هذا اهوه محمد ياهو الشافه
أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
جيوشهم من طب عليهه ردهه للكوفه
حيدر وشمرة يمينه الوادم اتشوفه
يسطر الزلمه اعله وجهه اشمحله سطراته
ماتت الجيمه برعبها وباست جفوفه
أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
عمتي وصتني اديكم اله اگطعهه
وعيونكم يهل الغدر بالسيف اشلعهه
الموتكم يا آل أميه يزيد وداكم
اليوم هاي جيوشكم ليزيد ارجعها
أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
صاح وين اللي يبارز والتعرفونه
بكر ابن غانم طلعله الخوفه بعيونه
ابلا حجي طگه اعله راسه اﻻكبر بسيفه
سيفه شگ راسه وتوصط مفصل امتونه
أخو سكينه علي علي
نصر دينه علي علي
نصر دينه ــ نصر دينه
++++++++++++++++++++++
حسين باهض الحلفي

https://www.tgoop.com/wuhob

اشصاير يبابا وتنذبح ـ و تتعلك ابراس الرمح
وانه يسلبوني
امن ابجي يضربوني
وتتعلك براس الرمح
:::::::::::::::::::::::::::::::::::::::::::::::::::::::::::::
آنه وخوتي للقصر يابويه طبونـــــــــــــه
ويزيد گاعد عالعرش وكباله خلونــــــــــه
وعاين يبابا العمتي ويخزرها بعيونــــــــه
وجرو عليلك بالحبل رادو يذبحونــــــــــه
الله ياهضم السبي ـ من عاينوا ستر النبي
وانـــه انخطف لونــي
امن ابجي يضربوني
وتتعلك براس الرمح
:::::::::::::::::::::::::::::::::::::::::::::::::::::::::::::
يتنومس ايزيد ابجتلنه ويذكر اسلافــــــه
وجابوله راسك بالطشت وبن الدعي شافه
وجهك يبابا امن الشمس متغيره او صافه
وبالخيزران ابكل حقد ضل يضرب اشفافه
بيهن محمد قبلك ـ وعليهن ايصلي الملك
يــــاريت ذبحـــوني
امن ابجي يضربوني
وتتعلك براس الرمح
:::::::::::::::::::::::::::::::::::::::::::::::::::::::::::::
خليت اديه اعله الوجه لمن نضر ليــــــــــنه
يا وسفه ماضلت زلم عدنه وتحاميـــــــــــنه
اعيونه حمره امن الزعل ويعاين عليـــــــــنه
عباس وينك ما تجي اتحط صبعك بعيـــــنه
يا عمي وينك ياشهم ــ يا كاسر اخشوم الزلم
يــاگـــره عيـــونــــي
امن ابجي يضربوني
وتتعلك براس الرمـح
:::::::::::::::::::::::::::::::::::::::::::::::::::::::::::::
شيل العصه عن والدي يكفي تذبحونـــــــــــــــــه
ميـــت ابــــوي ابيا ذنـب لمن تضربونــــــــــــــــه
عاينلي غضبان وخفت من نضره عيونـــــــــــــــه
شال العصه وطك راس ابوي وكسر اسنونـــــــــه
جدامي راسك ينضرب ـ ريت انضرب راس الگلب
وگـــامو يـــدفعــوني
امن ابجي يضربوني
وتتعلك براس الرمح
:::::::::::::::::::::::::::::::::::::::::::::::::::::::::::::
عگبك يبابا اتلوعت ياهو اللي يرحمـــــني
واحد دفعني اعله الوجه والثاني شتمـــني
وبسوط واحد من طحت زورگ جلد متني
او واحد يگلهم جاريه خلوها تخدمـــــــني
كتلهم امي فاطمه ـ ابيا دين اصيرا خادمه
بســكم تضلــمونـــي
امن ابجي يضربوني
وتتعلك براس الرمح
:::::::::::::::::::::::::::::::::::::::::::::::::::::::::::::
ياعــــــــمه زينب حشمت لحكيني ياعمــــه
ياعــــــــمه ما عدهم رحم ﻻدين ﻻذمــــــــه
ياعــــــــمه مطبوع اﻻثر بخدودي جف زلمه
ياعمه احس متني انجرح بيدي أهيست دمه
بهدومي تربان وملح ـ ويلجمني ياعمه الجرح
يــــالـــوعه متــوني
امن ابجي يضربوني
وتتعلك براس الرمح
:::::::::::::::::::::::::::::::::::::::::::::::::::::::::::::
حسين باهض الحلفي

https://www.tgoop.com/wuhob

بابا ـ جن اشوف بحيرتك طفله سبيه
بابا ـ جنهه تلهــج شفـــتك آيـارقيـــه
ويــن رايـح والعساكر حاطت الخيمه
وهـــاي نضراتك تگول ابنيتك ايتيمه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
ليش ﻻبس درعك ومتقلد بسيفـــك
روحي بيك امعلكه وماتقبل اتعيفك
انته عيني وآنه اجمل سالفه بطيفك
روح اذا لفراكي تكدر ضلت بكيفـــك
عمري ـ كله سلمته الحنانك ونته ربيته
عمري ـ جان شجره بحاجتك من عطفك اسكيته
ﻻ تســـافر والســفر ما ينحمل ضيمـه
وهـــاي نضراتك تگول ابنيتك ايتيمه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
كعدت بكتره وتلاعب شفته بيديــــهه
تضحك بوجهه وتشبگه ويشبگ عليهه
بعينه دمعه وماگدر يم بنته يجريـــهه
يدري بالطفله تحبه وخاف ياذيــــــهه
دمعه ـ ضلت بعينه تلالي وماگدر يبجي
دمعه ـ اوياها عبره مكسره وخنگته مايحجي
ايخاف باجــر من يروح أتيه بالهيــمه
وهـــاي نضراتك تگول ابنيتك ايتيمه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
ومن بعد ما راح ابوها ونسفك دمــــــه
ابلهفه گصدتله رقيه واوجبت يمـــــــــه
گامت اتصيح اعله ابوها ومانطق جلمه
لملم ايديه وشبگها وگامت اتشمـــــــــه
اتگله ـ ﻻتون مااحتمل يحسين وناتـــــك
اتگله ـ وين من بعدك يبابا ايروحن بناتك
وين من بعدك نضل لو هجمت الجيمه
وهـــاي نضراتك تگول ابنيتك ايتيمـه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
گلــــب ماعدهه اليتيمه وگعدت بكتـره
وگامت اتسولفله عن ما ضيهه وتذكـره
بابا ماتدري العده صطروني جم صطره
ﻻن شمـــو بالعــبايــــه ريـــحه الزهــره
تدري ـ اجه ايدور بالخيم عن الزجيه
تدري ـ مادره لبست عبايتهه رقيــــه
وگام يصطرني اعله خدي الما اله شيمه
وهـــاي نضراتك تگول ابنيتك ايتيمه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
بابا موبــــس ابمشيتي اشبه الزهـــــــره
بكلشي صرت اشبهه حته ابعينهه الحمره
بابا عنـــد امــــك ضلع متهشم ابعصره
وانه ضلعي امن الرفس ماينجبر كســـره
عمتي ـ من لذت بيهه دفعها وعالوجه طاحت
عمتي ـ من صطرني انشلت ايدك يانذل صاحت
تنضرب زينب يبابا اجبيره وهضيــمه
وهـــاي نضراتك تگول ابنيتك ايتيمه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
وانه جيتك خايفه والنار جوتــني
اهواي تعبانه وهدل من الضرب متني
بابا من جر التراجي حيل اذتــني
ذاني جرحها ﻻن ابقوته عتـــــني
عتني ـ من سلب مني التراجي بقوته عتني
عتني ـ وشال سوطه ولا رحم بيه وضرب متني
وصدرك بخيل اﻻعادي صار تهشيــمه
وهـــاي نضراتك تگول ابنيتك ايتيمه
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
حسين باهض الحلفي

https://www.tgoop.com/wuhob

خدام الحسين ركزو على قصائد هذا الفطحل ابداع فوق الوصف

وضعك ابين العده يايمه بجانـي
ﻻتطيح امن المهر ذباحك ايتاني
سيوفهم تنتضرك ـ كلهه تطلب نحرك
=========================
ﻻبـــس احـمر يمه لو هذا دمــــاك
لون ثوبك مدري من دم الجـــراح
ياملك والمثلك انته براسه تــــاج
مو غريب وينذبح لو جسمه طاح
انته ما تلــبس مثل هذا القميـص
اشكوك بيه واثار طعنات الرمـاح
ليش وحدك وين خوانك حسين
مثل طير اوحيد مكسور الجناح
ليش يايمه وحيد ابين عدوانك ـ
ويــن جاعبــاس اخوك وباجي خوانك
ياهو يلزم ضهرك ـ كلهه تطلب نحرك
=========================
اتميل يمه امن المهر يمنه ويسار
اتشيل سيفك كوه ومحدب كفاك
ماتلــوح الفـــارس اليجبل عليـك
حيـل تعبـان ونـزف دمـك خـذاك
هــذا انتــه اليشـبك الخيل وينام
وعكبت جــم فارس ابفارس وراك
حسين ما ضل بيك دم حته يسيل
وسـهم المـثلث علـه المهـره حــناك
سهم المثلث صوبك وبحالك اشسوه ـ
جـدام عيني امـن الالـم ضليت تتلوه
شفته طاح ابصدرك ـ كلهه تطلب نحرك
=========================
وصلن اجروحك الف بس ما نسوك
حـيل اكــثر اســمع العســكر يصيح
اسمعت واحد كــال طعنوه بالـرماح
لـحد مــا مـن المـهر جـسمه يــطيـح
بجسمك ايغوص الرمح حـد الضلوع
الدنـيه ضلـمه بعـينك وضاك الفسيح
شفـته مـن ايـدك رخـه وطـاح العنان
اتـدور اعـله الـگـاع رايـــد تــسـتريـح
مــن العطش مــن التعب متهدهده اركانك ـ
يوليدي اشوف امن الضمه متيبس السانك
يمه حاير بمرك ـ كلهه تطلب نحرك
=========================
ﻻ تـحط خـدك عـله اوسـادة رمال
يمـه انـه امـك تعال بحضني نام
خـل اشـد اجروحك التنـزف حنان
وخلي من جسمك اطلعها السهـام
ﻻتــعــفــر خــدك ابــهـذا الـــتـراب
انـتـه كـون اوسـادتـك ريش النعام
لـيـش مـحـد عـنـك ايـدافع عجيب
او حـيـد ﻻ انـصـار عـنـدك ﻻ عـمـام
تتگلب ابحر الشمس يايمه جدامي ـ
وتگلي يمه امروتج عينج عله اخيامي
عمري فدوه العمرك ـ كلهه تطلب نحرك
=========================
لـحـضـه مـاخـلـوك تـگـعـد تستراح
يـمـه مـن كـل جـانـب التـمو عليك
هـذا يـرمـيـك بـحـجـر هـذا بـنـبال
ونـتـه مـا تـگـدر بـعـد تـرفـع اديـك
انـتـه يـوليـدي العـطـش فطر شفاك
ماهو اخــيك حتــه بالجـربه يجـيك
يـمـه هـذا الـشمـر مـتـحـضـر يـريـد
بـخـنـجـره ولـلـذبـح رايـد يـعـتـنيك
يوليدي ما عدهم رحم مارحمو بحالي ـ
فوگ الصدر شمر اعتله وحز راسك اگبالي
او انه عيني اتنضرك ـ كلهه تطلب نحرك
=========================
حسين باهض الحلفي

https://www.tgoop.com/wuhob

امشي وحدي لو تروح اويايه
انطيني يا عباس بس احجايه
اتگوم تحدي الناگه لو يحدي زجر
اختار هايه يالگمر لو هايه
××××××××××××××××××××××××××××××
عاينت ﻻ ضل كفيل او ﻻ حمه
الناگه ولمت والعده أتانيني
ابعيد ما ضن النهر وتأخرت
أنجان ما تگدر تجي حاجيني
اصعد اعله الناگه گلي ابيا ادين
ابحبل شدو يسرتي اعله ايميني
خويه عيني عليك وانتضرك تعود
خاف امشي وما تشوفك عيني
انطيتني حجاية بخت يعضيدي"
ولسه جفك بعده طابع بيدي"
انجان عذرك بالجفوف امگطعه ـــ
هاك جفي وبيهه شيل الرايه
××××××××××××××××××××××××××××××
صاح بيه الحادي صعدي اعله الهزل
يلله زينب هاي يمج ناگه
كتله عندي اعله النهر كافل بگه
خاف اعوفه اوما بعد نتلاگه
هوه ما عودني امشي اويه الغرب
وانه هسه الشوفته مشتاگه
بلكي يحضر هوه يتوله الضعن
بيده لو حادي الرجايب ساگه
صح يجيني امگطعه ذرعانه"
يمكن ايعض الرسن بسنانه"
ايمدلي زنده المنكطع من عنده جف ـــ
ايگلي خويه اوياي گومي اويايه
××××××××××××××××××××××××××××××
اتنفسك عباس كل شمة هوه
والوفه ابريحة هواك اتنشگه
خويه طولي انشاف منك اعتذر
فوگ ناگه وباﻻعادي مطوگه
خويه تدري ابياوضع عنك مشيت
شابگه الناگه وعليهه مدنگه
امحرگه اطراف العبايه يالجفيل
وبعد بيهه اشگد وصل متشگگه
لسه ياعباس ماني مصدگه"
اصعد الناگه بعبايه محرگه"
خويه اذاني الحبل طابع بدي ـــ
وهيه من نار العده مجوايه
××××××××××××××××××××××××××××××
الكطع جفوفك يخويه يدري بيك
ومن كطعهن عنده اكبر غايه
سمع بيهن گبل قبلهن ابوك
وعدهن امن خدري وي الرايه
طابعه شفايف علي فوگ الجفوف
وحيل ياخويه تغثهم هايه
وﻻن عينك بيهه بس زينب تشوف
بالسهم رادوها امطفايه
انه ادري بزينب اتعيش بدماك"
خويه بس محتاجه تسترني بلواك"
صاح بيه الحادي عفتيه الجفيل ـــ
گتله ﻻ راس الگمر ويايه
××××××××××××××××××××××××××××××
ضعن كله يصرخ ابأسم الكفيل
وين عباس الگمر عمنه الحنين
اسمعت سكنه اتصيح اذتني الحبال
مايجي عمي ويفكها من الايدين
لن رقيه التفتت وصاحت هدوء
انه ادري ابعمي هاي الساعه وين
شفته گاعد وهو مگطوع الجفوف
بالزنود ويمسح اجروح الحسين
اسمعته گله ذيج زينب راحت"
وسكنه من عالناگه يمكن طاحت"
ﻻ تنخن بالگمر لو عاف ابوي ـــ
يبقى وحده ابعمتي الكفايه
××××××××××××××××××××××××××××××
عمه گطعي الضنه من عباس اخوج
يم ابوي اهناك گاعد شفته
جاب ريحة ماي من شط الفرات
عله زنوده وبيهه يمسح شفته
ايگله صح الماي لمسته الجفوف
كطعتهن والعذب ما ردته
وسمعت عمي يگل لحسين ابوي
وسفه زينب للشمر ماشته
الجانت العز والدﻻل ايحوفها"
ايسيره هسه وآل أميه اطوفها"
فوگ ناگه وتنضرب كل ساعه سوط ــ
سوه من عدهه المتن دمايه
××××××××××××××××××××××××××××××
حسين باهض الحلفي

https://www.tgoop.com/wuhob