هالحوافر ➖باگن امن اعيوني صدرك
هالبواتر➖گطعن جدامي نحرك
وين انام➖ والترافه اتوذرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
الله لا ينطي الخيول الاعوجيه
                 كسرن وشلعن گلب بتك رقيه
اربعين ارجلهن وداسن سويه
           ساون اضلوعك عله اتراب الوطيه
سحگه سحگه➖ يجولن وانه احسبلهن
طگه طگه➖ انكسر صدرك من فعلهن
وين انام➖ والضلوع اتكسرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
جيت اركض حي اشوفك هذا ضني
         عمتي زينب وختي سكنه ايناطرني
بويه سطرات آل اميه عورني
          ياهو امر من يمه ياخذ سطره مني
والهضيمه ➖عمتي زينب شتموهه
جم يتيمه➖ خلاف عينك سلبوهه
ويم انام ➖ والخيام اتبعثرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
الليل راح يجل عليه وانه طفله
                واليريد ايطگني بابا شنهو أگله
السطره تحرگ خدي والله وماهي سهله
          متني هادل بابا ضرب السوط شله
بابا تدري➖ركد حيلي امن البواجي
وكسر ضهري ➖الجرها من ذاني التراجي
وين انام➖وعيني لجلك ساهرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
هذا انته الطايح وخدك تعفر
                 هذا انته النايم وجسمك توذر
وين راسك بويه شو مگطوع منحر
             وين بابا مبسمك والوجهه الازهر
وين هدمك➖ليش عاري اعله الترابه
يجري دمك➖وعالوجه نايم يبابا
وين نايم ➖ يلشفاك اتفطرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
بابا اگعد خل نرد انطيني ادينك
        اتجه يا بابا اعله ضهري وخل اعينك
اهناك سكنه تصيح بويه حسين وينك
               اطفالك وعماتي كلهم ناطرينك
گوم ردني ➖امن النده گلبي تگطع
وعله متني ➖ انتجي وخليمه نرجع
وين انام ➖ روحي والله تحيرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
انجان ما تگدر ترد آنه ابقى يمك
           بابا بس اشبگني حتى اگدر اضمك
افتحلي صدرك خلي ابوسنك واشمك
               وين ما احط ثوبي يجري دمك
ما لگيته➖بس جلد جا وينه صدرك
اتلمسيته➖الكيته متساوي ويه ضهرك
وين انام➖ ابنيتك شكد ناطرت
وين انام➖ والمحنه اتطشرت
🔹🔹🔹🔹🔹🔹🔹🔹🔹🔹🔹🔹🔹🔹🔹
https://www.tgoop.com/joinchat-AAAAAEHJ4Wlk6W_fs_hgyQ

يمه يعباس انتضر خليني احاجيك ـــــ زينب امانه بركبتك وعليهه اوصيك
يوليدي باريهه.....وخل عينك عليهه.....وعليهه اوصيك
*******
ضعن الرساله ابهمته عازم عله السفره
وحسين للهجره استعد وام الوفه أتنضره
ام البنين اتحسرت حسره ابأثر حسـره
بعيونهه اتعاين مشت كل عيلة الزهره
يمسافرين الياوطن وانه اضل عدمن ــــ صفيتو كلكم للسفر مدري اودعمن
روحي اشيسليه..... وخل عينك عليهه.....وعليهه اوصيك
*******
ام البنين امن الولد عدهه بنين اربــع
ايصيحون يايمه الوداع وهيه ماتسمع
عباس صاحلهه وتكله يمه هسه ارجع
وتنادي يحسين الكلب بوداعك اتكطع
يحسين ريض ونتضر خليني اودعنك ــ ونجان مو ام انحسب اقبل اخدمنك
وزينب اواسيهه..... وخل عينك عليهه.....وعليهه اوصيك
*******
ادري اللي ينوي اعله السفر الامه يجي بهمه
وتشبكه وتضمه الصدرها ايشمهه وتشمـــــه
وحسين يتلافت بكه شفته ورحت يمــــــــــه
يحسين شمضيع صحت كال امي يايمـــــــه
بالراس قبلته لمن شفته انكسر كلبه ـــ وكتله انه امك يولدي لاتحس بالغربه
وروحك تأذيهه..... وخل عينك عليهه.....وعليهه اوصيك
*******
طلعو يسوكون الابل وعيوني تنضرهـــم
مابيه حيل اعله الهجر شيجيبه باجرهـــم
ابجي اوكفت بلكي كلت اكسر خواطرهم
ماعندي روح اولا كلب يقبل يناطرهـــم خلف الضعن حيل اركضت عباس تانيني ـــ انزل ييمه امن المهر وسمعني ياعيني
وعيني الدمع بيهه..... وخل عينك عليهه.....وعليهه اوصيك
*******
عباس يايمه استمع كل كلمه احجيــــهه
زينب وديعة حيدره بعينك تخليـــــــهه
يوليدي وسنين الربه ماطالبك بيــــــهه
ماارضى بس لو قصرت لختك يواليهه
لاتنسه هيه اوديعتك ونته اللي كافلهه ـــ لاتسمح ايمر الهوه يمهه ويزعلهه
بروحك تخليهه..... وخل عينك عليهه.....وعليهه اوصيك
*******
https://www.tgoop.com/joinchat-AAAAAEHJ4Wlk6W_fs_hgyQ

يابو فاضل امودع الله يابوفاضل ـــــ يابو فاضل جدمو النوك الهزايل
ترضى مابين الزلم ـــ امشي بطفال وحرم ـــ يابو فاضل يابوفاضل
^^^^^^^^^^^^^^^^^^^^^^^^
يلغبت فوك الشريعه عاين الحالـــي ـــ حرمه مابين آل اميه أبعازة الوالــــي
من بعد ذيج المعزه الشمر يبرالي ـــ ونضر ابسوطه يخويه يضرب اطفالي
ونته تدري كلبي يتفايض حنانه.......ونته تدري هاليتامه ابذمتي امانه
اهجس ابكلبي الالم.....امشي بطفال وحرم.....يابو فاضل يابو فاضل
^^^^^^^^^^^^^^^^^^^^^^^^
يلجبتني امن المدينه اوحجبتني ابرايتك ـــ وخدري سيفك يابو فاضل وكبعتني ابصايتك
كايد الناكه ابيمينك اتحامي خدري ابيسرتك ـــ لاتخليني وحيده فدوه فدوه امروتك
رايحه امشي خويه ودروبي طويله.......رايحه امشي والدمع عيني تسيله
ياهو لعيالي يلم..... امشي بطفال وحرم.....يابو فاضل يابو فاضل
^^^^^^^^^^^^^^^^^^^^^^^^
من حده الحادي ابضعنه اومرنه بالكوفه ـــ وراسك اكبالي اعله رمحه اعيوني اتشوفه
اتلوذ بالراس اليتامه ابعبره وطوفــــــه ـــ والطفل خويه ابعباتي ايلوذ من خوفـــــــه
هذا حالي امكبعه ابوني وحنيني.......والليالي ضيعت احله سنيني
خويه ياراعي الشيم..... امشي بطفال وحرم.....يابو فاضل يابو فاضل
^^^^^^^^^^^^^^^^^^^^^^^^
كبعت وجهي ابعباتي امشككه اومالمته ـــ عاليه الناكه اوتعاين الناس طولي وشافته
صحت ياناس آنه زينب حيدر آنه بنيته ـــ انه اناطر جيت اخيي ايكبع اخته ابرايته
يعتنيني ايكود بيده محملي.......ومن يجيني ايكلي خويه ادللي
ايرفرف ابجفه العلم..... امشي بطفال وحرم.....يابو فاضل يابو فاضل
^^^^^^^^^^^^^^^^^^^^^^^^
خويه طفله اكسرت كلبي هوت من فوك الركب ـ ونته تدري بالمسافه امن الجمل حد الترب
وانه فوك الناكه كوه اصــــــــعدت يابعد الكلب ـ لونزلت اوركبتهه شلون ارد اصعد صعب
هالزغيره اتريد ابوها ومرمرتني....... شلون حيره هاليتيمه حيرتني
صحت وين اهل الرحم ..... امشي بطفال وحرم.....يابو فاضل يابو فاضل
^^^^^^^^^^^^^^^^^^^^^^^^
زينب انه الهاشميه وسفه تاليهه انسبــــــي ـــ من بعد خدري سبيه يحدي بيه الاجنبي
شلون يرضاها ابو فاضل تنسبي ابنات النبي ـــ ايسيرن ابولية لئام وسلبو منهه العبي
يابوفاضل خويه مسبيه خذوني..
المجلس ايزيد الاعادي دخلوني
خويه ولحيدر شتم..... امشي بطفال وحرم.....يابو فاضل يابو فاضل
^^^^^^^^^^^^^^^^^^^^^^^^
https://www.tgoop.com/joinchat-AAAAAEHJ4Wlk6W_fs_hgyQ

🌱 كُــــل عـــام وأنتم الى الله أقرب
🌱 كُـــل عـــام وانتم خـدام للحبيب
جعلنا الله واياكم من الثابتين على

خدمة الحسين عليه السلام
🍃اللهم عجل لوليك الفرج 🍃

خادمكم حسين باهض الحلفي

امن الحراس راس حسين جبته
                                    خليته عله اجتافي واخذته
         اركضت بي-- زغيره ورمح راسك تعباني
             الرمح آه-- لواني جي ثگيل وطيحاني
⏺⏺⏺⏺⏺⏺⏺⏺⏺⏺⏺⏺⏺⏺⏺
آنه ادري بيك اويه الكضو كلهم ذبح
                           آنه ادري وي الروس راسك عالرمح
اشما اگل عمتي تگلي امسافر
اليوم يرجع لو يردلج باجــــر
وانه گلبي اعله الصبر ماگادر
جا ألمن الراس العله اجبينه جرح
                       يشبه حبيبي ابشيبته او وجهه السمح
بين روس اخوانه گام ايضيع مني
                              احس بي مدري شنهو يريد مني
          احاجيه-- مايسمع حجي او لا جاوبني
          الرمح آه-- لواني جي ثگيل وطيحاني
⏺⏺⏺⏺⏺⏺⏺⏺⏺⏺⏺⏺⏺⏺⏺
عمه زينب اقسم اعليج ابعلي
                             ليش ذاك الراس دمعاته اتهلي
مـن يعـايـنلي ويصـد لمتـونـي
ابجف اديج اتغمضين اعيوني
الـدرب كـله ايـحن اذا طكوني
حسين هذا العالرمح ويصد الي
                                والله هو هيبتي وهيبة هلي
ثلث سنين عيني اتصد لعينه
                            اعرفه حسين ابو روح الحنينه
            الي بي-- علامات شكثر حلو المعاني
           الرمح آه-- لواني جي ثگيل وطيحاني
⏺⏺⏺⏺⏺⏺⏺⏺⏺⏺⏺⏺⏺⏺⏺
الليل جل والحادي حط الراحله
                                  وگال انزلو اهنا اتبات القافله
امن الرماح الروس مانزلوهن
اعله الترايب والرمل تجوهن
نـامـو اوفـوگ الثـره عافوهن
راس ابوي حسين رحت اختل اله
                                   امن الرمح ياهو الأليه اينزله
شلته اويه الرمح وتبعدت بيه
                               ساكت ما يحاجي من احاجيه
           احاجيك-- رقيه ابنيتك يابابا آني
         الرمح آه-- لواني جي ثگيل وطيحاني
⏺⏺⏺⏺⏺⏺⏺⏺⏺⏺⏺⏺⏺⏺⏺
كعدنه ابعاد آنه اوياه سويه
                              اعيونه مفتوحات ويعاين عليه
گـتله بابا اهـواي منهم خايـفـه
اضحكلي بابا يله سولف سالفه
بـس تبسم سـال دم اشـفـايـفـه
گتله اريد احجايه منك وحده هيه
                                     انه مشتاگه تناديني رقيه
شفته دار اعيونه ما حاجاني
                                 جـنـه گـلـي هـالـرمـح أذانـي
          احس بي-- ابلهاتي ايشگگ وگطع لساني
              الرمح آه-- لواني جي ثگيل وطيحاني
⏺⏺⏺⏺⏺⏺⏺⏺⏺⏺⏺⏺⏺⏺⏺
والله گلبي اعليك يابابا انكسر
                                  نـام بـابـا يـادلـول الـسـهـر
انـه امــــــك يـلـه نـام اولــيـدي
راح اگـل لـجـروح راسـك هيدي
او راح أفـلي ابشعر راسك بيدي
وانه الوليلك يمكطوع النحر
                             لن لگيت ابراسك امنوم حجر
جبهتك مضروبه مو بس ضربه
                               حـتـه ممـسوحه أثـار التـربـه
        الحجر حيل-- خمش گلبي يبابا وروعاني
           الرمح آه-- لواني جي ثگيل وطيحاني
⏺⏺⏺⏺⏺⏺⏺⏺⏺⏺⏺⏺⏺⏺⏺
اشگد حنين ابرغم ماكلك جرح
                          خاف الجمك من اجر راس الرمح
ردت ابوسك ماكو خد للبوسه
بست ثغرك طايحات اضروسه
بجفن عينك دمعتك محبوسـه
اغفه ساعه وانسه موضوع الذبح
                                ها نمت بابا طلع وجه الصبح
الحادي من يشوف الراس بيدي
                             ابسيفه ايرد علي ويحز وريدي
      الحرس ذاك-- نفسه الخمش ترجيتي امن اذاني
        الـرمـح آه-- لـوانـي جـي ثـگـيـل وطـيـحـانـي
⏺⏺⏺⏺⏺⏺⏺⏺⏺⏺⏺⏺⏺⏺⏺

https://www.tgoop.com/joinchat-AAAAAEHJ4Wlk6W_fs_hgyQ

انذر نذر لو ردت اضعون الميامين
              انثر دربهم يا دمع ورد ورياحين
اركض وصيحا˝ ياهله بيكم يطيبين
  يمكن اموت امن الفرح لو شفت الحسين
#حسين_باهض_الحلفي

من طاح گلت الحرمله شتاني ضربه
 من صابه المثلث شهك ويناجي ربه
من ضهره المثلث طلع وحسينج اذاه
يابت علي ﻻجن اخذ نص گلبه وياه
#حسين_باهض_الحلفي

تانيتك ــ لمن كطعت ضنوني
تانيتك ــ عذراً يبعد عيوني
ابصف الهزيله وعيني عالنهر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ينكسر خاطري ــ ﻻ كافلي ﻻ ناگتي ﻻ محملي
يابعد ناضري ــ لسه اعله بالي جلمة اتدللي
انته هذا الجاي لو هذا سراب
والامل زاد الگلب لوعه وعذاب
ردت اشوفك والله ماعندي عتاب
بعيوني ــ صورة كفيل ورايه
بعيوني ــ مرسومه المسنايه
هم وتجي ويجيبك الدهر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
عاينت ماشفت ــ ذاك الگمر ذاك الفجر ذاك الضوه
من الخجل دنگت ــ لاجن گلت يمكن نسه امن ارتوه
هذا مو طبعك اصيح اوما تجيب
جان جرحك من همس صوتي يطيب
ماكو حاجه يحشم اهواي الحبيب
انفاسي ــ جنت اشركك بيهه
انفاسي ــ بخدر اختك اتوصيهه
صوتي وسف يم شامتي ضهر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
بيدي صار الحبل ــ وگبال شامت نزلت دمعتي
ماشفت من قبل ــ وادم غرب متجمعه بخيمتي
صاح واحد بت علي شوفوها هاي
سكينه من المستحه لبدت وراي
الشتمه ترس اذاني والصوط بگفاي
تسمعهن ــ شتماتهم والصوط المأذينه
تسمعهن ــ سكنه ورقيه يگولن امتانينه
جم مره منهن گلبي اعتذر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
گلبي بسمك يدگ ــ تاركني ليش او حاضن المشرعه
عاده اليختنگ ــ يطلب هوه والماي ماينفعه
هسه صعدت الناگه والوادم تشوف
وگام بيه الحادي عالعسكر يطوف
يابوفاضل لا تگلي ابﻻ جفوف
بنضراتهم ــ حتى الهزيله عثرت برجليهه
بنضراتهم ــ شلون ابأختكم والحبل بيديهه
كلهه عليه مسلطه النضر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ياجروح اليسر ــ مشوني گوه وماحصلي حمه
بالحجار انشمر ــ حين اللي سمعو هاي بت فاطمه
هذا يصرخ بينه وتفز البنات
او واحد يگلي الگمر علشاطي مات
وذاك زينب صاح شلج بالحياة
ابنياتي ــ اودايع اخوك احسين كون احميهن
ابنياتي ــ صوت الشمر يابو الوفه يبجيهن
تمشي رقيه وحانيه الضهر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ما خطر علفكر ــ ولعدهه كافل مثلي ما تنسبي
وﻻ يضيع الخدر ــ وجفوف زينب تطفي نار العبي
شفت بوجوه الحرم طبعت ادين
هاي طاحت ذيج راحت منهه عين
ذني لله اخدور مو بس للحسين
ياعمه ــ ثمانين طفله بصوت واحد صاحن
ياعمه ــ وحدتهن امنطيح كلهن طاحن
وحده عله وحده شدهن الشمر
گلولي صعدي مايجي الگمر
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
https://www.tgoop.com/joinchat-AAAAAEHJ4Wlk6W_fs_hgyQ

عزيزه أمدلله ﻻ ﻻ تجتفوني
         اكل لحسين ابويه لو تضربوني
      الحبل ياذي أديه ـ زغيره اعله الاذيه
             اكل لحسين ابويه لو تضربوني
#حسين_باهض_الحلفي

هينه يحسين➖يشتعل بيه المخيم وحترگ انه وخواتي
هينه يحسين➖لو متت بس تسلم براسي عباتي
لجن صعبه النار من تحرگ عبينه
والشمر يتفرج ويضحك علينه
صعبه يحسين➖صعبه يحسين➖صعبه يحسين
🔹🔹🔹🔹🔹🔹🔹🔹🔹🔹🔹🔹🔹🔹🔹
هينه يحسين➖دمعتي تجري اعله خدي ومو عجيبه
هينه يحسين➖ونتي تتكسر ابجرح المصيبه
هينه يحسين➖انثر سنيني لجل نحرك ضريبه
هينه يحسين➖كلهه هينه ولا يسموني الغريبه
گلبي مكسور↔️من شفت نار الخيم تفتر ورايه
گلبي مكسور↔نار خيمتنه حرگ طرف العبايه
ابجينه بس وسفه الزلم سمعت بجينه
والشمر يتفرج ويضحك علينه
🔹🔹🔹🔹🔹🔹🔹🔹🔹🔹🔹🔹🔹🔹🔹
جرحي مكشوف➖مايضيع جبير ومبين عليه
جرحي مكشوف➖وين اضمه وهوه اسمه الغاضريه
جرحي مكشوف➖بيه عبايه احترگت السكنه ورقيه
جرحي مكشوف➖امبين امن الناگه وحبال البديه
هينه يحسين↔جلجل الليل بضلامه وگاع هيمه
هينه يحسين↔خيمه ماعدنه ونضل ابليه خيمه
صعبه بس يحسين لو رادو سبينه
والشمر يتفرج ويضحك علينه
🔹🔹🔹🔹🔹🔹🔹🔹🔹🔹🔹🔹🔹🔹🔹
اشينفع اعتاب➖گلبي مايحمل اعاتب وانه حرمه
اشينفع اعتاب➖وانه جرحي حسين ما اگدر اضمه
اشينفع اعتاب➖حسين عني بعيد ما اكدر اكلمه
اشينفع اعتاب➖والدروب امگطعه والدنيه ضلمه
هينه يحسين↔الليل باقي ويبقى مستور بجراحه
هينه يحسين↔خاف لا يستعجل اعلينه بصباحه
خاف لا يصبح سترنه اجفوف ادينه
والشمر يتفرج ويضحك علينه
🔹🔹🔹🔹🔹🔹🔹🔹🔹🔹🔹🔹🔹🔹🔹
تاني ياليل➖خاف صبحك لو طلع يطلع خيالي
تاني ياليل➖ويه صبحك ينفضح دمعي اليلالي
تاني ياليل➖بيك ماينشافن جروحي وحبالي
تاني ياليل➖غالي خدري ولو رحت مايبقى غالي
هينه يحسين↔نصعد الهزل وحدنه ابلا عدونه
هينه يحسين↔انموت بس لا عالنياگ ايصدونه
صعبه نصعد والغرب متنطرينه
والشمر يتفرج ويضحك علينه
🔹🔹🔹🔹🔹🔹🔹🔹🔹🔹🔹🔹🔹🔹🔹
حان الوداع➖صار صبح الله وطلعنه ابلا كفاله
حان الوداع➖والشماته اتعاين ابنات الرساله
حان الوداع➖هذا يومي ابيمنته وذاك بشماله
حان الوداع➖ذن بنات المصطفى وخدر الجلاله
هينه يحسين↔من تركتك منذبح فوگ الوطيه
هينه يحسين↔فوگ جسمك طاحت اتناشق رقيه
بس الاصعب ننجتف انه وسكينه
والشمر يتفرج ويضحك علينه
🔹🔹🔹🔹🔹🔹🔹🔹🔹🔹🔹🔹🔹🔹🔹
سارت النوگ➖وانه عيني اعله الشريعه وضعني شايل
سارت النوگ➖ليش تحديني الغرب مو عندي كافل
سارت النوگ➖والله ماريد الهوادج والمحامل
سارت النوگ➖يلله وينك ليش ساكت يابوفاضل
هينه يحسين↔ يبقى عباس اعله جرف العلقميه
هينه يحسين↔جفه طايح بس صعب اطلع سبيه
ناگه هزله وخطوه خطوه تميل بينه
والشمر يتفرج ويضحك علينه
🔹🔹🔹🔹🔹🔹🔹🔹🔹🔹🔹🔹🔹🔹🔹
https://www.tgoop.com/joinchat-AAAAAEHJ4Wlk6W_fs_hgyQ

هينه يحسين➖يشتعل بيه المخيم وحترگ انه وخواتي
هينه يحسين➖لو متت بس تسلم براسي عباتي
  لجن صعبه النار من تحرگ عبينه
  والــشمر يـتـفـرج ويضحك علينه
          صعبه يحسين
#حسين_باهض_الحلفي

ياغربتي ابطف نينوى ولوعة حنيني
بعيني شفت ذبحو اخوتي وكل بنيني
من فوگ المطهم طحت➖ يافاطمه دخيلج صحت
🔹🔸🔹🔸🔹🔸🔹🔸🔹🔸🔹🔸🔹🔸🔹🔸
وحيد ابلايه ناصر بالمعاره➖ادير بناضري➖توكد ضامري➖العطش آه العطش➖الم اشفافي اتفطرت شب گلبي ناره➖احس گلبي انجوه➖بلهب حار ارتوه➖ردت نسمه هوه➖اشم
تصد عيني عله خيام الحياره➖تفطر جم گلب➖ابامل جيه العذب➖عليهن ما تضل ➖خيم
شفت الشمس وكت الضهر➖گامت علي تنكت جمر➖تجوي الوجه نسمه التمر
آه آه آه يمه ➖آه آه آه يمه
ارفع اديه للسمه وادعو اللهي
ياربي تدري بحااتي بس انته جاهي
ياربي غيرك ما شفت ➖ يافاطمه دخيلج صحت
🔹🔸🔹🔸🔹🔸🔹🔸🔹🔸🔹🔸🔹🔸🔹🔸
اكافح گوه شايل سيفي بيدي➖نبل صدري انترس➖اكض گوه الفرس➖احشم ما حصل ➖حمه
جمع سبعين الف تطلب وريدي➖مثل ماي المطر➖نزل فوكي الحجر➖اتخضب شيب الوجه➖دمه
صحت يجروح گلبي شويه هيدي➖يحركون الخيم➖يسلبون الحرم ➖عليهن ماتضل ➖خيم
مدري ارد عني الزلم➖مدري اعاين للخيم➖مدري اصد سيف وسهم
آه آه آه يمه ➖آه آه آه يمه
خفت اعله زينب والحرم يرحن اساره
شفت المخيم ياوسف مشتعله ناره
اخدور البنات اتفرهدت ➖ يافاطمه دخيلج صحت
🔹🔸🔹🔸🔹🔸🔹🔸🔹🔸🔹🔸🔹🔸🔹🔸
صرت اتلوه من طعن الرياجيل➖جرح يلحگ جرح➖سهم سيف ورمح➖وسط صدري الرمح➖انركش
تدور الگاع بيه وتعثر الخيل➖ضعف حيلي وخوه➖واحس جسمي التوه➖مرد گلبي مرد➖العطش
شفت شمس النهار اتبدلت ليل➖هويت امن المهر➖عله اسهام الصدر➖عله الگاع الجسد➖انفرش
زينب هويت اعله الترب➖للخيمه ياطول الدرب➖ما عندي طاقه اعله الحرب
آه آه آه يمه ➖آه آه آه يمه
بعيده الخيم عني وشفت ركضن بناتي
ياوسفه عسكرهم هجم سلب خواتي
اختي العزيزه اتسلبت ➖ يافاطمه دخيلج صحت
🔹🔸🔹🔸🔹🔸🔹🔸🔹🔸🔹🔸🔹🔸🔹🔸
گلت ارتاح ساعه وانهض انوب➖احس حيلي ضعف➖اشكثر جسمي نزف➖ودليلي امن العطش➖انفطر
علي من كل گتر مسدوده الدروب➖انازع بالنفس➖گرب موتي احس➖وحس شگ جبهتي ➖الحجر
شلت ثوبي امسحت شيبي المخضوب➖سهم بثلث شعب➖وگع وسط
الگلب➖سره وتعده من ➖الضهر
لمن هويت ابنينوى➖هجمو علي كلهم سوه➖سدو علي حتى الهوه
آه آه آه يمه ➖آه آه آه يمه
من جبهتي اخذيت الدمه الربي رفعته
ياربي مرضاتك ردت ما غيرك انته
يا مبتغاي ابكل وكت ➖ يافاطمه دخيلج صحت
🔹🔸🔹🔸🔹🔸🔹🔸🔹🔸🔹🔸🔹🔸🔹🔸
اعاين زينب اخلافي وحيده➖تلم بعيلتي➖وتدور طفلتي➖تجيني وللخيم ➖ترد صحت يم الخدر ضلي بعيده➖دليلج ينجرح➖وخيج ينذبح➖ونه الموتي صرت➖استعد
اجاني الشمر شايل سيفه بيده➖تثنه اعله الصدر➖ورفع سيفه الشمر➖مني ارد لا تنتضر
آه آه آه يمه ➖آه آه آه يمه
يصعب عليهه ابن الخنه نحري يگطعه
وراسي على راس الرمح بيده يرفعه
للخيمه ارجعها ردت ➖ يافاطمه دخيلج صحت
🔹🔸🔹🔸🔹🔸🔹🔸🔹🔸🔹🔸🔹🔸🔹🔸
https://www.tgoop.com/joinchat-AAAAAEHJ4Wlk6W_fs_hgyQ

ولو سمعتي خيول تصهل گولي هاي الخيل تسحگ فوگ صدره
اي وحگ عينج رقيه حسين باجر ينطبگ صدره اعله ضهره😭😭
#حسين_باهض_الحلفي

دمعتي وسالفة عشقي حسين
فقط بس حبك الصدگي حسين
تموت العافيه وتبعد علية
أحبك اي وحگ ضحكة رقيه
#حسين_باهض_الحلفي

ياحيرة الحيره➖من ديرة الديره➖زينب اسيره
◽️◾️◽️◾️◽️◾️◽️◾️◽️◾️◽️◾️◽️◾️◽️
تمشي او تصد صوب النهر وتصيح عباس
               ترضى اختك اتروح ابيسر ومهبطه الراس
تتفرج اعلي يالكفيل اخلافك الناس
                     من بعدك اعليه العده ياخويه حراس
ما نشفت ادموعي➖اوﻻ ما سكن روعي
ياابو الغيره ➖ زينب اسيره
◽️◾️◽️◾️◽️◾️◽️◾️◽️◾️◽️◾️◽️◾️◽️
للكوفه يردونه بعد عينك سبايا
                    مجتوفه ادينه انروح مافوگ المطايا
تالي الوكت ياوسفه ودونه هدايا
                         الكوفه البدايه انه والشام النهايا
بالعيله والرضع ➖ ويه الغرب اطلع
ابحر الضهيره ➖ زينب اسيره
◽️◾️◽️◾️◽️◾️◽️◾️◽️◾️◽️◾️◽️◾️◽
يمكطع الجفين ما تنغر علينه
                ترضى نروح اعله الهزل مجتوفه ادينه
وليه بعد عينك يعباس انولينه
                     يتشمت الحادي وسف صار بسبينه
والعسكر التمت ➖ونوگ اليسر ولمت
اتريد المسيره ➖ زينب اسيره
◽️◾️◽️◾️◽️◾️◽️◾️◽️◾️◽️◾️◽️◾️◽️
گالولي راسك عالنهر صوبه العامود
                   وبكترك الرايه اوكعت وبصفها الزنود
ادري يخويه للخيم ماتگدر اتعود
          او فاضت يخويه ارويحتك وي فيضه الجود
زينب عله الهزل ➖ والعيله ما تندل
حيرتنه حيره ➖ زينب اسيره
◽️◾️◽️◾️◽️◾️◽️◾️◽️◾️◽️◾️◽️◾️◽️
لمن جنت يمي فلا احس ابهضم دوم
                ابجاهك عشت متدلله اوما شفت الهموم
وهسه يخويه جن حله بعيونك النوم
                       وانه اروح ابهضمتي وبرفجه الگوم
ادروب السبي اطويله➖ وحملي صعب شيله
يصعب نضيره ➖ زينب اسيره
◽️◾️◽️◾️◽️◾️◽️◾️◽️◾️◽️◾️◽️◾️◽️
https://www.tgoop.com/joinchat-AAAAAEHJ4Wlk6W_fs_hgyQ

 واكفه اباب المخيم هالجليله - للسمه رفعت اديهه وتندعيله
ومن نضرها اهتزت الغيره بغليله - صاح نزليهه جفوفج يالعقيله
لاترفعـين       ايديج الاثنين         وضهضب براسه الغضب
#حسين_باهض_الحلفي

انتضرنه- وحبايبنه عن شوگنه محد سألنه
ياسهرنه-اشگد نطرنه لسه بيكم معگود املنه
لوجوهكم حنت نواضرنه ➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
ايامنه- يامحله ذيج ايامنه بوجودكم امتانيكم- اشگد اندعينه امن الله كون يعودكم
مادريتو اشگد تاملنه وحبسنه انفاسنه اتعودونه
ننتضركم لاجن ابياحال اذا تبطون تعمه عيونه
ننتضركم مااجيتو بدموعنه خضر حلمنه
باخباركم ما سمعنه يرد ضعنكم ويرجع يلمنه
ولاطارش العنكم يبشرنه➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
ياحالهه-ام وتتاني اعله الدرب غيابهه
يبرالهه دم المحاجر آه يذجر احبابهه
لاقميص او لا هوه ايرد النضر يهل الوفه اتودونه
بيا سبب يمه انشغلتو بحيره وبشوگ والم تنسونه
ياألهي- رد اليه الفاركوني وعطف عليه
انته جاهي- مالي غيرك لا تردني بجاه الزجيه
دم ودمع تجري محاجرنه➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
بجروحي- يغفه السهر مثل الملح ياليلي
وبروحي- حلم انتضرته بس رجع يبجيلي
شفت الاحبه بالحلم ضهره انكسر يم الاخو ويبجيله
عن زينب وخدر الحرم عن الوفه وعن غيرته يحجيله
شفته حاير محني ضهره شال اخيه ابخده باسه
وزنده باسه الصدره ضمه وعله حضنه خله راسه
زينب يخي ضلت تناطرنه➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
ياحاله- من شفته رد للعايله ايودعها
بذياله- كضت رقيه ورفضت ايرجعها
گلوله عبدالله الطفل من العطش مثل الغصن يتلوه
شاله اعله جفه للذبح يدري بعزيزه امن الدمه يتروه
امه صاحت ليله تبجي هايه زينب مدري سكنه
ياحميده بجف رقيه بابا صاحن ايتامك احنه
نمشي اباسر لمن تهاجرنه➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
ايبجيني- شفته طلع من الخيم للحومه
ايأذيني- ذبحو اخوته وصحبته وكل گومه
مكسور خاطر والعطش تارك اثر والدنيه ضلمه بعينه
للموت بيه يمشي الفرس المثلث وسيف الشمر والحافر امتانينه
فكره كله بزينب اخته يدري بعده ايسلبوها
ويدري تطلع من خدرها وتمشي گوه براس اخوها
باجر يسر الله يباجرنه➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
بحلامي- شفته وگع من مهرته عالغبره
جدامي- شفت السهم صابه وطلع من ضهره
شفت الشمر يصرخ الي آنه الذي لحسين احزن نحره
جر صارمه وتعنه اله وعله النحر بعيوني شفته ايطبره
وناده وين الاعوجيه حضروها خل تسحكه
وراسه هذا فوگ رمحه اله بيدي انه اعلگه
بكطع النحر كطعو مناحرنه ➖ بغيابكم تعتب خواطرنه
🔺➖🔺➖🔺➖🔺➖🔺➖🔺➖🔺➖🔺
https://www.tgoop.com/joinchat-AAAAAEHJ4Wlk6W_fs_hgyQ

من عاينت فوگ الرمح➖راسه يميل ويلتوي
كتله أعله هونك لايگع➖المن العذب ما مرتوي
زينب يگلي أتطمني➖أبراس الرمح نابت قوي
#حسين_باهض_الحلفي

يا صاحب الزمان مدد

گتله أرحم حالي ذاني مشرمه
                  لا تجرها بقوه وهيه أمورمه
طفله آنه أشذنبي گلبي أتحطمه
                    گلي بغضا ياشبيهه فاطمه
مسح بيه الگاع والدم صب وراي
   #حسين_باهض_الحلفي