الحسن ما صار أبد مثله أبو محمد
كريم او من عطائه الخير اله يشهد
ابو محمد حفيد المصطفه احمد
ها اخوتي ها
ضل يشهد حيدر بفعاله
🌸🌸🌸🌸🌸🌸🌸🌸🌸🌸🌸🌸🌸
مضيفه او دلته او صولات مشهوده
الحسن هذا الحسن من يوصل احدوده
شبل حيدر علي هالليله مولوده
ها اخوتي ها
فرحانه الزهره بميلاده
🌹🌹🌹🌹🌹🌹🌹🌹🌹🌹🌹🌹🌹
فرحت فاطمه وحيدر علي بچيتك
لان بي رحمة الله نزلت ابيتك
ابوك المرتضى والنعم تربيتك
ها اخوتي ها
من الباري تربيتك هاذي
💐💐💐💐💐💐💐💐💐💐💐💐💐
يبو محمد عطائك ما نمل منه
شيعه او مولدك بي احنه نتهنه
ذهب اسمك يبو محمد حرز جنه
ها اخوتي ها
ابيوم المحشر احضر. يابو محمد كون اهناك
✍️كلمات خادمكم: مصطفى النائلي

يبو محمد الك وي الكرم جم لون
او شبعانه ابزمانك جانت الفقره
حاتم شنهي حاتم من نقيسه وياك
متعجب ذبحله الطائي جم مهره
مضيفك سيدي ليهسه يشهد ذاك
او الك وي الكرم والدله هم عشره
يبو محمد حرت شكتب الك مولاي
يا اول حفيد لطه او العتره
من نسل النبي انت او علي الكرار
او من نسل الزچيه فاطمه الزهره
الملايك بالولاده استبشرت هاليوم
فرحانه بقدومك زفت البشره
الما حبك خسر ٱخرته وي دنياه
يوم الب بعد ماتنفع الحسره
بشهر رمضان ميلادك اجه وبي خير
اوخيرك عل اليتامه يا سيدي اتنثره
________
✍️كلمات خادمكم : مصطفى النائلي

هالفرحه محلاها.. جبريل زفاها
بشراك يا طه… هل الحسن نوره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
الليله بأسم شُبر... روح القدس كبر
يهني الوصي حيدر... والطاهره الزهره
كل فرحه نحييها... بسم الله نبديها
اسم الحسن بيها... ليلتنه مزدهره
لاح الأمل صبحه.. عشنه بسنه الفرحه
طاب المحب جرحه.. بالمولد وسره
**
ليلتنه معقوده... بالفرحه مشدوده
ويرتل انشوده... كل واحد او دوره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
من السمه رحمه.. لحيدر اجه نسمه
فدوه اله ولأسمه.. نهدي ورود احنه
جده النبي الخاتِم.. يهني اجه لفاطم
هذا الوحي قادم... او بالحسن بشرنه
باسمه انحيي المحفل... بالحسن نتآمل
جده النبي المرسل.. نتمنى يحضرنه
**
هالليله البشاره... بالحسن وانواره
ما نعرف اسراره. او الشيعه مسروره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
صاح الوحي او نازل. نور الحسن كامل
خل يسامع العاذل.. نور الحسن هل
ابهذا الخبر ناده.. جبريل للساده
والطالب امراده... ياخذه ابهالمحفل
يا محله جمعتنه... بسم الحسن فرحتنه
او الزهره سمعتنه.. نقراله او نتأمل
**
والزهره وياها. بميلاده نتباها
أمنه ومننساها… بالحسن مغموره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
للصفگه سمعونه.... او فدوات لعيونه
الناس اليلومونه.... لا ما نهم بيهم
ويله الذي إيضدنه. بالألف واحدنه
لا محد إيردنه… ونگص إياديهم
خل يسامع الشامت... هذا العهد ثابت
ما نحجي عالصامت... فرچه نسويهم
**
فرحتنا ممزوجه. ونقراله الأهزوجه
والخيل مسروجه... للغرقد إنزوره
🌹🌹🌹🌹🌹🌹🌹🌹🌹🌹🌹🌹🌹
نمشي على نهجه. هالليله نترجه
بس شوفت الحجه... من يحضر ويانه
او الزهره هم تحضر.. وياها الوصي حيدر
بالجنه نتبشر ... هالشيعه فرحانه
هم المحب ينزاح... والطيب كل اجراح
طير السعد مرتاح. يصفگ بجنحانه
**
صعبه فرحه نشرحه. هذا المحب جرحه
صاحت ترى الفرحه. هل الحسن نوره
*****
✍️الخادم الأقل شأناً : خادمكم مصطفى النائلي

اليوم املاك السمه باحزانها
راح حيدر وارتفع اذانها
&&&&&&&&&&&&&&&&&&&&&&&&
ارتفع صوت الأذان من السمه
انطبربالمحراب حامي الحمه
هالفجيعه وهالمصيبه مؤلمه
السماء ارتجت بسكانها
&&&&&&&&&&&&&&&&&&&&&&&&&&
طاح بالمحراب حيدر منطبر
وگلب زينب بالمصيبه منكسر
صاحت الحره عسن ضاع العمر
العروة الوثقى هوت باركانها
&&&&&&&&&&&&&&&&&&&&&&&&&&&
اهتزت اركان الهدى بهذا المصاب
طاح سور الدين دحاي الابواب
يالتواسي المصطفى علّي الجواب
اليوم للشيعه الحزن عنوانها
&&&&&&&&&&&&&&&&&&&&&&&&&&&
اليوم رب العرش اذن بالعزاء
طاح ابوالحسنين اتقه الاتقياء
ناده جبرائيل من سابع سماء
والجنان تفتحت بيبانها
&&&&&&&&&&&&&&&&&&&&&&&&&&&&
راس ابو الحسنين يا وسفه انثلم
صاح جبرائيل بيت الله انهدم
هذي اكبر فاجعه
وأكبر ألم
والهدايه شيعت قرأنها
&&&&&&&&&&&&&&&&&&&&&&&&&&&&&

هذا حال ابنيتك بعدك يصير
بين محنه ونايبه وحسره المصير

بويه احسن يختلف هذا الفجر
بويه احسن بي راسك ينطبر

بويه شفت بعيني محلول الازار
بويه ساعتها اشتعل دلالي نار

وللصوايح صوت متبوع بانين
ينطبر بالسجده حبل الله المتين

ولنه جبرائيل بعنان السمه
صاح ياشيعه انطبر حامي الحمه

بيها يابويه انشعب مني الدليل
وصار دم امدامع عيوني يسيل

وسفه حيدر ياخذك مني النصيب
ويمسي مني الموت ياحيدر قريب

عسن بجفاك بويه الليل//// لاجن
وبناتك ياعلي بفرگاك /////لاجن
تمنيت المصايب هاي //// لاجن
ولا اسمع خبر ناعي الرزيه

عسى انشل الطبر راسك//// ويهلك
يامن منخضب بالدم ////ويهلك (يعني وجهك)
انفجع عرش الله بمصابك//// ويهلك (ويهل الك)
دمع ودموم يا حامي الحميه

هظيمه وياهظيمه إگبورهم ظلمه
اهل بيت الوحي والهادي والعصمه
ينادينه البقيع او واجب علينه
نشد احزامنه او نضاعف الهمه
نشيد أگبور سادتنا بعزم واصرار
ويهنياله الينال الجاه بالخدمه
بقيع الغرقد اليا زمن يبگه اتراب
مخازي وهاي وصمة عار عالامه
اليسكت عالظليمه ينحسب ظالم
وابداً مو اصيل وراضع أمن امه
وين اهل الحميه شيعة الكرار
تتوحد فرد راي وفرد چلمه
تفزع للبقيع وتبني بيه اصروح
الما يعرف قدرها واجب انفهمه
✍️كلماتي: الشاعر مصطفى النائلي

يا شهيد الجمعه اجه استشهادك
او نفتخر صدريه احنى اولادك
**********
نفتخر صدريه احنى يا صدر
احنى اولادك او ابد ما ننكسر
شرف لا بعده شرف طول العمر
انرتل ابأسمك بعد او امجادك
**********
انرتل ابأسمك رغم كل الطغاة
يا صدرنه او نبقى والله للممات
ابجمعتك أسست معنى للحياة
او بيك هيبه انت من اجدادك
*************
جنت كل جمعه تصلي او تندعي
وتخطب اعله الناس من اجل الوعي
او لجن وسفه يقتلك ابن الدعي
او لناصر الدين الله من ميلادك
************
يبو مؤمل إلك وقعنه العهد
ما نعوفك سيدي هذا وعد
يسري حبك بينه يبقه للأبد
او حبنا اتحول إلى احفادك
*************
بكوفتك يا سيدي لسه الأثر
منبرك يشهد الك طول الدهر
هذا يومك بيه دين الله انتصر
ولسه برض الكوفه ذيچ اوتادك
***********
ابوجه صدام النذل عوچيتك
او هالدليل ايدل على تربيتك
الشيب البراسك بخت ولحيتك
او عاليحرب الظلم اسنادك
************
الى خادم الصدر المقدس ونجليه المقدسين
✍️الشاعر مصطفى النائلي

بسم الله الرحمن الرحيم
احبتي خدمة الحسين بدأت ولله الحمد قصائد محرم الحرام 1446 نسأل الله ان يوفقنا ويوفقكم لخدمة سيد الشهداء

قصيدة هلاليه لشهر محرم الحرام 1446
هل شهر حزني وبدت احزانه
او بي اعيال النبي عطشانه
**********************
بي ابو اليمه يگع من المهر
دامي وخيول العده تدوس الصدر
أعياله ابو الأحرار بالهيمه تفر
اشفافه من العطش هل ذبلانه
*********************
ابهالشهر وحسين عالغبره خضيب
عاري ابو الأحرار يا وسفه وسليب
او اندفن تحت الرمل خده الحبيب
مچتله عل الغبره كل اخوانه
**********************
وحده فوگ الغبره ضل دمه يسيح
او راسه فوگ إرماح وانشال الذبيح
حسين ابدم منحره وسفه جريح
او ترفس ابصدره وسف عدوانه
**********************
ترفس ابصدره وسف اهل الحرام
حسين ابو الأحرار عالغبره ينام
عاري ومسلب بقه وسفه الإمام
زادت من الحر وسف نيرانه
**********************
ظل ثلث تيام مرمي أعله الترب
موقف ايهد الگلب كلش صعب
اشلون زينب يا شهر من تنضرب
اميسره زينب صفت غضبانه
**********************
✍️الشاعر مصطفى النائلي

شوط كربلائي إلى استقبال محرم 1446
اجه شهر الحزن عباس. شهر اللوعه والحسره
شهر بي ينچتل لحسين. صريع او دامي عالغبره
************
صريع او دامي بالله شلون. جسمه اعله الثره امطشر
او ضل اعله الترب عريان... ومحد شال ابو الأكبر
وانت اعله النهر عباس.. طايح مرمي وموذر

يخويه اهنانه لوعتنه..
بدت من هسه غُربتنه
چم طفل او طفل متنه. انضرب و الحاقد ايجره
*************
سبيه ابهالشهر عالنوگ.. وراسك خويه اگبالي
مجتوفه ابحبل للشام.. احشم وينه كفالي
كفيلي او انه جيت وياك
يخويه وانت تبرالي

بالبر هسه جابوها..
اخيتك وسفه ضربوها
بخرابه زحمه خلوها. لقصرهم هل مشت گوه
************
لقصرهم ادخل او بس رؤوس. انتم عالرمح عباس
وحيده او بس علي السجاد.. نخطب احنه بين الناس
بشر ما عدها ذرة دين
ولا عدهه شرف وحساس

يخويه وحدي بالغُربه.
وعليه تدري هم صعبه
المدمع اختك اتصبه..
يبو فاضل ردت نظره
************
شهر نوح او ذبح وخيول. تسحگ عالصدر وتحوم
او شهر بي فرت الأيتام... بالهيمه يخويه اليووم
اوجسد عاري يضل مطروح. جسد شبل النبي المظلوم

ابو اليمه شفت حاله.
محد غسله او شاله
تدوس ابصدره خياله..
وشوف اعله الرمح نحره
**********
اشوف ابهالشهر والله. زند عالمشرعه مبتور
وسهم ابعينك او بالجود. وظهري ابطيحتك مكسور
مصايبنه بدت هاليووم. من جانه شهر عاشور

اجه شهر الذبح والخوف
گمر فوك النهر مخسوف
واشكال العذاب نشوف… يسيره بت علي الكبرى
***********
الى خادم الحسين وخادم اهل البيت (ع)
✍️الشاعر المقصر مصطفى النائلي

ليلة3محرم الحرام
ليلة مولاتي فاطمة العليلة محرم 1446
******************
المستهل
يا بويه احجي اوياك اني العليله
دمعي على فرگاك ما جف مسيله
********************************************
دمعي على فرگاك ما هود او نام
يوم الخذت وياك يا بويه الأيتام
دهري عگب عيناك يرميني بسهام
وشوگي الك يحسين ليله اعله ليله
*****************************************
شوكي الك يحسين بيش اني اوصفه
او جرحي عليك اينوح لتضنه يشفه
يوم الغبت يا بوي ما لحظه يغفه
او من فارگت عباس حامي العقيله
*****************************************
من فارگت عباس عمي الگمر ذاك
حسيت انه هاليوم اتوادع اوياك
ابصوتي اصيح اليوم يالغالي اهواك
وحدي صرت بالدار كلش نحيله
*****************************************
*********
وحدي صرت بالدار حين العفتني
مكسوره حگ اعليك وانت شفتني
هالفرگه ثـق اهـواي والله آلمتني
ومن الالـم والآه يـاهـو اشتكيله
*****************************************
صـار السهـر عنـوان يـابويه للعيـن
وبعـالي صوتي اعليك انـده يالحسين
وأرجـع وأحشم النـوب المنطي ﭼـفيـن
يحـﭼـيلك اعله الصاب گلب العليله
**************************************************
✍️الى خادم الحسين وخادم العليله
الشاعر مصطفى النائلي

ليلة 4 محرم ليلة مولاتي ام البنين عليها السلام محرم 1446
تدري بم عباس شتوصي الگمر
يبني موت اهناك يم جرف النهر

*****************************************
يبني موت اهناك يم طف كربله
وضحي بالچفين يابو المرجله
انت كفال الضعن والقافله
يابو فاضل عالنهر گطع النحر
**********************************************
رايتك من ايدك ابداً لا تطيح
لمن توگع يبني ويشوفك ذبيح
خويه اعذرني تكله انت او تصيح
گلب زينب اختك اعليك انفطر
*****************************************
گلب زينب اختك اعليك انفجع
حين چفك عالنهر يبني انگطع
ابوجهك انت يالولد دم انطبع
وينطبع دم ابلحيتك يالگمر
********************************************
ينخلط دم لحيتك ويه التراب
يبني عباس وصعب هذا المصاب
احسين امامك تلگه ابوجهه خضاب
امر من رب السمه عليكم صدر
*****************************************
امر من رب السمه عليكم نزل
كلكم اتموتون يا اولاد الفحل
امك الحره وبدت تفگد امل
من مشه ضعن العقيله للخطر
****************************
✍️الشاعر مصطفى النائلي

لسان حال مولاتي زينب عليها افضل الصلاة والسلام تقول
لخيمنه كون ابو فاضل. يمرها
ويشوف اشلون يتناثر يمرها
تلوب اسكينه ويحير يمرها
يعمي اتصيح گوم الحگ علية
✍️بقلمي

طول سـفرهم
ونـطـر خبرهم
مــاردلي العباس انطر خبرهم
خــلولي بس اجروح
ليلي ونــهاري النـوح


▧▧▧▧▧▧▧▧▧▧▧▧▧▧▧▧

مــابقه ابعيني دمــع نـشفهه فـركاهم
انــتظر طارش يجي وتـــلاكه وياهم
كلبي بي جمره عشك يشعله ذكراهم

تترادف جـرحي وهمي ايـزيد العلل
امن النوح اتجف عيوني ودلالي سل
لحــزان الهــم عافوني
شبحت عالباب عيوني

لوعني نوحي ـــــ وتسـالني روحي
ابيض يشيب الراس وانه انتضرهم
اتعلم حمام الـدوح
ليلي ونهاري النوح

▧▧▧▧▧▧▧▧▧▧▧▧▧▧▧▧

روحي مــذبوحه اصبحت هاي انه اخباري
وحدي خلوني ومشو وصط الكلب ناري
بس دمع فوك الوجن طول الوكت جاري

صعبه اعليه العافوني وعني ابعدو
ماضن اهلي ينسـوني وتــــاخـــرو
الاكبر يرجع ناطرته
اتاامل كلسا جيـــته

دلالي شاجر ـــ منتضره باجر
راود دليلي احساس ضل بالي يمهم
صار الحلم مــذبوح
ليلي ونــهاري النوح

▧▧▧▧▧▧▧▧▧▧▧▧▧▧▧▧

ماغــمض جفني ونمت من يوم عافوني
احتمل هــم دنيـتي مــحـتاره خلوني
مـن مشو بس الــدمع واســاهن اعيوني

اهـــاتي التحرك روحي وذاك العذاب
ماترحم روحي احزاني وزاد المصاب
ياروحي بسج هيدي
وبـــياهــلي تــرديدي
دلالي ذايب ـــ لهلي الحبايب
عله وتزيد اجـروح
ليلي ونهاري النوح

▧▧▧▧▧▧▧▧▧▧▧▧▧▧▧▧

شكــد صعب حـزن الكلب بــس حيرتي اكثر
انــتضر يـــلفي الكــمر لويــحضر الاكــــبر
صوت الصده جن والدي بالحومه اتطشر

حيرني اعضيدي الاكبر شو مارجع
احساسي يكول اموذر بالطف وكع
لختي رقيه اشـتاكيت
وي عمتي اكعد ياريت
ناري ابدليلي ــ حسره اويه ليلي
ضل الــدمع مسفوح
ليلي ونهاري الـــنوح

▧▧▧▧▧▧▧▧▧▧▧▧▧▧▧▧

يــاحيرتي وحـدي صرت وبلايه خواني
اذكــر جــنت من والدي الصدره ضماني
مره اعله خدي بوسته وبجبيني شماني

افراك الغالي وصبعه الفركه ضلت تحوم
كبل اغيابه وحين السافر مابيه اكووم
ميته احس ابدونــه
فدوه رحت لعيونــه
لوعه وصط الكلب ـ صعبه وبيادرب
وحته الاثــر ميـروح
ليلي ونهاري الــنوح

▧▧▧▧▧▧▧▧▧▧▧▧▧▧▧▧
الى خادم الحسين وخادم الزهراء
✍️الشاعر مصطفى النائلي

اليله مهمومه وحزينه
جن غريبه بهل مدينه
ام البنين //تودع حسين
جن غريبه بهل مدينه
&&&&&&&&&&&&&&&&&
راح الحسين وتحس هيه بخطر
ظلت اتنوح وتون ::::::::::ام الگمر
مايردون الغوالي:::::::: امنل سفر
ليلة اوداع ومواجع؛ :::::::والقهر
ودعت ابن الزجيه
وأربع اولاد الوفيه
بدمعة العين //تودع احسين
جن غريبه بهل مدينه
¤¤¤¤¤¤¤¤¤¤¤¤¤¤¤
اصبحت هي حزينه من عگب
حسين ابواليمه وتناطر عل درب
موقف الحره تره موقف صعب
راح الحسين ومكانه بل گلب
تنادي راح الجنت اشوفه
كعبه ياوادم وطوفه
ام گلب الحنين /تودع احسين
جن غريبه بهل مدينه
¤¤¤¤¤¤¤¤¤¤¤¤¤¤¤¤
عل درب شبحت نظرهه الفاظله
عل وجن دمعتها ظلت هامله
تمنت وياهم تروح الكربله
وحشه ظلتها بدون العايله
جنها ياوادم غريبه
اجم جرح وجم مصيبه
بحسره وونين /تودع احسين
جن غريبه بهل مدينه

¤¤¤¤¤¤¤¤¤¤¤¤¤¤¤
ظلت بحيره والم ومساهره
وصخر بونينها. لتفسره
عليها المصايب تره لزمن سره
ولدمع من دم عله لوجنه جره
منل هظم شيب جفنها
شگد بجت عل موابنها
للميادين /تودع احسين
جن غريبه بهل مدينه
¤¤¤¤¤¤¤¤¤¤¤¤¤¤¤¤
الى خادم الحسين وخادم الزهراء
✍️الشاعر مصطفى النائلي

ليلة 5 محرم ليلة مولاي مسلم ابن عقيل محرم 1446
مثل عباس الگمر. إلا اخليهم وذر
**************************************************
مثل عباس ابن عمّي راح اطويها الحرب
انا مسلم اوفعالي ما يخيب كل صعب
لون شردوا آل آميه ما اخلي الهم درب
الروس بيدي آني اگصها للحرب لمّن اطب
عندي هذا اجمل خبر. إلا اخليهم وذر
**************************************************
من نزلت عليهم ادري والله واحدهم شرد
بطل راهم عالملاحم شبل من ذاك الأسد
إلا اذلن آل آميه حسين و نطيته عهد
هذا واضح بالأدله او بعد ما حاجه بعد
سيفي عالظالم شهر. إلا اخليهم وذر

**************************************************
يكفي ذليت العساكر بسيفي آنا او لامتي
فخر عالدين آني اوفي اتصيرحلوه موتتي
شبل حيدر لقبوني او يا كبرها فرحتي
ياحسين احضرني جانت هاي اول صرختي
والحرب اكبر فخر. إلا اخلي وذر
**************************************************
بكوفتي هاليوم جايب هذا لي أول نصر
ما يهمني الموت حتماً لا وحگ سيد العصر
المهم احسين خالد عندي هذا اكبر امر
باجر بساحة منيتي تنبني گبه او گبر
اقسم ابراعي النهر. إلا اخليهم وذر

*****************************************
*********
راح اخصم هالقضيه وانا مسلم هالشهم
عالي صيتي يبقه عالي يوصل لحد النجم
الشاف صولاتي يتعجب وعلي حگ ينصدم
صوتي يصدح كون اريده وبالنجف هذا المهم
وافدي فدوه هالنحر. إلا اخليهم وذر
***************************
الخادم المقصر
✍️مصطفى النائلي