من الهزيله ام الخدر توميله
اداء الرادود: تميم الكربلائي
✍️كلمات الشاعر: مصطفى النائلي

زينب مو أسيره ويا هو يسبيها
راسك الكفل زينب حارس عليها

زينب مشت بضعون الهواشم راي
وراية دم اخوها حسين بأيديها

للكوفة مشت وي راس ابو السجاد
براس الرمح راسه وما مخليها

ما غمض الموت عيون ابو السجاد
طلعت والغوالب روس تحديها

على طول الدرب بت حيدره تنهاب
مهيوبه العقيله من يصد ليها

طلعت بت علي ثوره عله ظلم ايزيد
المشت ثورة هواشم ما انبجيها

زينب ما بچت يم الشماته ادموع
زينب بالفخر ينجاب طاريها

اخت عباس زينب ما لوها الظيم
بت حامي الحمه يا ظيم يلويها

مشت مرفوعة راس براس ابو السجاد
وبدرب السبي العباس حاديها

هذا يا شمر يحدي الضعون يريد
وابو فاضل براسه ودمه شاريها

زينب چن علي طبت على ابن ازياد
العقيله ما مشت للكوفه سابيها

رسالة دم اخوها شمس بالتاريخ
زينب وضحتها بكل معانيها

رسالة دم اخوها تصونها اخت حسين
وبهاي الرساله الاخو اموصيها

زينب نفذت ما راد ابو السجاد
هاي اخت الحسين الينحجي بيها
✍️كلماتي: الشاعر مصطفى النائلي

تروت الغاضريه// بدمه ابن الزچيه
////////////////////////
بعشره من عاشور بالطف فاضت دماه
حسين امامي هذا بالله شلون انساه
لـمن طاح حسين ربنه هوه علاّه
بي تسعمية جرح يا وسفه والله

اعشقه حد المنيه// ابدمه ابن الزچيه
////////////////////////////
چني ما عاشك بشر عاشگلي مصحف
وهوه من طـبـعه الحسين يدور الأترف
تـحـولـت ايـام حزني كـلها للطف
بخدمة احسيني تره گـلبي تشرف

كاتب ابدمي وصيه// ابدمه ابن الزچيه
////////////////////////////
كـون ترضه عليه مولاتي الزچــــيه
ابهل الخدامه القدمتها ابهل المسيه
اني بسم حسين اكتبها العـزيه
اني خادم وابقه خادم للمـنيـه

وحگ اخته الهاشميه// ابدمه ابن الزچيه
&&&&&&&&&&&&&&&&&&&&
جـيـت اركـض للـمـجالس اني عازم
صـحـت يامولاي بلكي اقبلني خادم
عمري خلصته بخدمتك دوم اساهم
وبالخدامه هواي تشهد ليه وادم

انتحب وبكل مسيه// ابدمه ابن الزچيه
///////////////////////////
بـلـيـلة العاشر انه عايش بالآلآم
ريـت صدري بدال صدرك يشبع اسهام
گـلبي حسيته احترگ وي حرگ الاخيام
وجن يتيم ويركض ابمابين الايتام

وشابع وياهم اذيه// ابدمه ابن الزچيه
========================
الى خادم الحسين وخادم الزهراء
✍️الشاعر مصطفى النائلي

يمشاي/ باجر إلك جم منزله
يمشاي/ يل الأجيت الكربله
باجر الزهره إلك تشفع ترى
ويشفع الكرار الك بالآخرى

حــرت بأمــري ـــ وهــضم دهــري
يبو فاضل كلف يسري

لحن تحيرني وتذكرني

بويه ابنيتك آنــه المهضومه
گبالي راسك بالطشت بدمومه
&&&&&&&&&&&&&&&&&&
گبالي راسك بالطشت ينزف دمه
من دماك اتغيرت بويه السمه
صعبه اشرح حالي من صرت بضمه
بويه بنتك اصبحت مظلومه
&&&&&&&&&&&&&&&&&&&
شفت ترفّس صدرك اخيول العده
وآنـي بــحــبـال اليسر متگيده
بيش جرحك گلي بـويـه انضمده
لو نزل دمعي أبد ما لومه
&&&&&&&&&&&&&&&&&&&
بويه لمصابك تراني اشكد أون
والله مشتاگه يبويه انـحـضـن
بنيتك ولحضانك الليله احـن
شلون وجهك ضيعّيت ارسومه
&&&&&&&&&&&&&&&&&&&
ضيعّيت ارسومه وجهك من رحت
بويه لرض الشام وهناكه مـتـت
من شفت راسك يبويه اعليّ طحت
طحت بس صعبه عليه الگومه
&&&&&&&&&&&&&&&&&&
ابنيتك مهضومه تدري من قبل
من طحت لليوم بيديه الحبل
طفله آني شلون اصعد عالهزل
تذكرتها طيحتك بالحومه
&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي

..................
مستهل للمشايه
اجينه انزور . بلهفه جبيره
بكلب مالوم . يلهب سعيره
نواسي حرم وايتام
رجعوا من ارض الشام
اووي زينب الايام
جانت عسيره
كلش عسيره
......................؟

بويه ابنيتك انه المهظومه
اداء: الرادود سعد نعيم الحلفي
✍️كلمات: الشاعر مصطفى النائلي

اليوم ظلمه الدار بغياب الحسن
غابت انوارك وشمعاتك طفن
••••••••••••••••••••••••••••••••
طفن شمعاتك يبو محمد شفت
ردت ترجع الي لو لحظه ردت
اكبالي جبدك صار خويه بالطشت
ريت عمري اوياك يا خويه أندفن
••••••••••••••••••••••••••••••••••
جـــبدك اتــفطر اتــنازع بالالــم
نعشك ادري ينرمي خويه بسهم
لجن باجر وحدي أبقه ابلاخــيم
وتهجم اعلينه يغالي اهــل الفتن
••••••••••••••••••••••••••••••••••
غــاب نـــورك عني لا لا مو سهل
على افراگك خويه لتضن احتمل
اشلون باجر بــيه لو أصعد هزل
وحدي أبــقه ومن يــباري للضعن
••••••••••••••••••••••••••••••••
سره السم بجسمك وهذا صعب
خويه وفـراگك كسر بيه الگلب
تروح اختك يبو محمد وي غُرب
تمشي والعدوان تــــضرب بالمتن
••••••••••••••••••••••••••••••••
يــبو محمد حــيف ممــرود الجبد
اليوم يذبل يل الحسن عطر الورد
لان انــته اليوم رايــح مـــا تـــرد
وســفه يا وســـفه غدر بينه الزمن
•••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

يم حضرة العباس ارد اشچي حالي
عـوز ومرض والالام تكضي الليالي
بقلمي

تعنيت لكربله ولحسين مشاي
وعله غيره أبد لاتظن مشاي
اتخسه ايدي لدمع العين مشاي
أهل الدم لبن سيد البريه
✍️بقلمي
____

جدمي أنه مشه لحسين مارد
ول رووس الدواعش دوم مارد
اليزور حسين لابد حصل مارد
زيارة ومغفرة رب البريه
✍️بقلمي

اخواني رجاء شارك البصمه كد ماتكدر للفائده

بيد خدامك ترف الرايه
يا حيسن المرقدك مشايه
••••••••••••••••••••••••••••••••••••
لحضرتك مشايه يابن الطهر
نرفع الرايات كل عام اليمر
ازيارتك ياحسين هاي من العمر
يبو اليمه شيعتك وفايه
•••••••••••••••••••••••••••••••••••
شيعتك وفايه لوتنطي الوعد
بربعينك گصدة اجدد عهد
بخدمتك مولاي نبقه للابد
والك مرخوص العمر ودمايه
•••••••••••••••••••••••••••••••••••••
ياامامي بكربله يصير القاء
تجتمع كل الخدم في كربلاء
بصوت واحد يعتلي هذا النداء
انت للامة الفخر والرايه
•••••••••••••••••••••••••••••••••••
لجل حبك سيدي نفدي المهج
ونبقه حد الموت نمشي بهل نهج
ييك متمسكين يابن الحجج
وانت تعرف ياامامي الغايه
••••••••••••••••••••••••••••••••••••
عليك تنزف سيدي ادموع الخدم
سيدي بعاشور عشنه شجم الم
اي وحگ عباس شيال العلم
تحج كبرك كل سنة المشايه
••••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

نار الخيم بضلوعي لهابه
ادموعي لجل حسين سجابه
••••••••••••••••••••••••••••••••
لجل الحسين ادموعي اسجبها
كل خطوه امشي اهناك يحسبها
اهوايه الخدم احسين يحبها
لمّن حزين اتصير اببابه
•••••••••••••••••••••••••••••••
ابهاي الزياره انواسي العتره
نواسي علي وفاطمه الزهره
ابهذا المشي تتفاخر الحره
تدرينه احنه حسين احبابه
••••••••••••••••••••••••••••••
احبابه نبقى وهو يدرينه
ماعدنه غيره حسين والينه
نعمة خدمته اهواي اعلينه
والزهره تحب اليقره بمصابه
•••••••••••••••••••••••••••••••
خدامه احنه وگدها الحجايه
طول الوكت لحسين وفايه
انطينه وعد للموت مشايه
نمشي اله وانواسي اصحابه
••••••••••••••••••••••••••••••••
كل الخدم يم الصحن تلتم
حته نصير لزينب مخيم
ينزاح من الخادم اشجم هم
ينزاح هَمَّه بمرقده او بابه
•••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

فگدت البضعه اليوم والدها
هالليله فاطم تخمش بخدها
•••••••••••••••••••••••••••••
فگدت ابوها فاطمه الزهره
ابهاي المصيبه البضعه منكسره
ودموعها من البچي حمره
ظلت تنوح ابعبرة وحدها

كسروا ضلعها فـاطمة الزهـره
ومحسن وگع من شدة العصره
••••••••••••••••••••••••••••••••••
محسن وگع ابيوم عصروها
ودار النبي بالحطب حرگوها
الـزهـره خـلـف الـباب اذوها
ضربوها بغضاً ابعلي الزمره
•••••••••••••••••••••••••••••••••
لكسروا ضلعها كسروا المذهب
وليّهسه النار الباب هم تلهب
هُمه نفسهم أسروا زينب
ولسه حقدهم ظل على العتره