بس انخه ام عباس وأدعيها
كل حاجه والله الحره تگضيها
•••••••••••••••••••••••••••••••••••••
كل حاجه والله اليوم مگضيه
واعگدها انت بصافي النيه
ام الگمر حاشه ترد هيه
كلمن نخاها وليناديها
•••••••••••••••••••••••••••••••••••••••
أدعيها ام عباس بل الشده
ما تبقه والله تزول كل عگده
او كلمن نخاها لا مترده
تنطي الحوائج هيه بيديها
••••••••••••••••••••••••••••••••••••••••
ام الگمر بل الشده معروفه
بس حلفها بالعباس وجفوفه
كل خادم الحره متعوفه
بس أنت أقره الفاتحه إعليها
•••••••••••••••••••••••••••••••••••••••••••
لا ما ترد حاشه الذي ادعاها
وكلمن حضر بالعزه وانخاها
او كل خادم الليله عزاها
ابهاي المصيبه الكل يواليها
•••••••••••••••••••••••••••••••••••••••••••
لا شك تجي الحره او تحضر
وتبجي وي الخادم عل المنبر
تحضر اويانه اهناك بل المحشر
ام البنين او نفتخر بيها
••••••••••••••••••••••••••••••••••••••••••••••••••
الى خادم ام البنين وخادم العباس عليهم السلام
✍️الشاعر مصطفى النائلي

ماتت عزيزة حيدره ألوفيه
ماتت كئيبه ومؤلمه الرضيه

أم الكمر و أم الميامين
ماتت حزينه وتهمل العين
•••••••••••••••••••••••••••••••••••••••••••
ماتت الحرة بكسرة الخاطر
تمنت العباس هالمسه حاضر
عالولد هاليوم ظلت اتناطر
ياحسين تصيح وتذكر الحافر
من طلع عالگوم بنفسه وثائر
وتذكره من صاح إلا من ناصر


ماتت غريبه وتنتظر خبرهم
ما ردوا عجيبه لسه من سفرهم
هاي الحرة ام البنين. ماتت حزينه وتهمل العين
••••••••••••••••••••••••••••••••••••••••••••••••
رادت ايحضرون للنعش كلهم
والحسين ايصير هوه أولهم
او عن الحوراء رادت اتگلهم
هاي اخت الحسين وعنها وصتهم
وبالنعش هاليوم مـاتت امـهـم
وفده لحسين صاحت دمهم

رادت يجيها الحسين المسيه
لاجن صريع الغالي برض الغاضريه
واهنانه موقف حزين.. ماتت حزينه وتهمل العين
••••••••••••••••••••••••••••••••••••••••••••••••••
بالولد ضحت لفاطمه الزهره
گالت العباس ينگطع نحره
وعالنهر ايطيح بيمنته ويسره
وجعفر ايموت فدوه للعتره
وحته ابنها عون يحرس الحره
ولا تشوف احسين منخسف صدره

لجل الزكيه ضحت ابولدها
هاي الوفيه وفت ابوعدها
ماتت هضيمه بالونين. ماتت حزينه وتهمل العين
••••••••••••••••••••••••••••••••••••••••••••••••••
ماتت ابهاليوم وسفه يا وسفه
والأبن اتصير عازته كلفه
لاجن العباس منگطع چفه
وما يرد سالم الحره اتعرفه
وعدها جرح اليوم ما ضنه يشفه
رادت الحسين ولو بس صدفه

رادت تشوفها الحره هالمسيه
هوه الحسين وسكنه ورقيه
هوه گلبها حنين. ماتت حزينه وتهمل العين
•••••••••••••••••••••••••••••••••••••••••••••••••
عدها وي احسين هالمسه احچايه
عن ابو الچفين صاحب الرايه
اتگله ابني خو ما قصر إبهايه
يحرس الخيام ويحرس المسنايه
والزنود اليوم اعله إيدي مربايه
وقبل لا اموت تحضر اويايه

تحضر اليه يبني وي عضيدك
ومن تجيني آنه اقبل إيدك
احضر إلي حسين. ماتت حزينه وتهمل العين
•••••••••••••••••••••••••••••••••••••••••••••••••
رحلت ام عباس ابدمع هامل
وصاحت احضر شوف يا ابو فاضل
الحنين اليوم شو صبح قاتل
احرس الحوراء يبني يل الكافل
والدمع هاليوم عل الوجن سايل
شلون اخت عباس تمشي وي قاتل

زحمه الأميره اصبحت سبيه
عگب الخدر تنسبي وي آميه
مجتوفة الإدين . ماتت حزينه وتهمل العين
••••••••••••••••••••••••••••••••••••••••••••••••
صعبه هالليله سافرت غفله
وحقه لو يحتار الوفه كله
تريد ابو سجاد تگعد بضله
ومن ما اجاها اعلوم ظلت بعله
وعن مصيبتها رادت اتگله
ولون موجود منيتها تحله

رادت يجيها من الحسين خبر
بس من ما اجاها گلبها تفطر
وتذكرت يوم الجنين.. ماتت حزينه وتهمل العين
••••••••••••••••••••••••••••••••••••••••••••••••••••••
الى خادم ام البنين وخادم العباس ابو فاضل
📝الشاعر مصطفى النائلي

يالزهره ميلادج. بالعالم اتنور
يا موضع الرحمه. يا منبع الكوثر
&&&&&&&&&&&&&&&&&
انـهنـّي النبي المختار طـه نـبـينـه
ابهاي الولاده اليوم وحيدر علينه
انولدت الزهره بيه هاي الحنينه
وكل محب عايش بيه سنينه
ابهاي الولاده. ابهاي الولاده
نلت الشهاده. نلت الشهاده
حب الزچيه. ظل بينه يكبر
&&&&&&&&&&&&&&&&&&
هذا المسه الاحباب تحيي الولاده
لن فاطمه الزهراء معنى السعاده
ادري المحب هاليوم ياخذ مراده
فضل الزچيه اعله الناس أي الله زاده
يا فاطمه الكوثر. احنه مجانين
هالليله هالليله. نصرخ محبين
ابقه بخدمتج. اي والله للمحشر
&&&&&&&&&&&&&&&&&&&&

لولادة مولاتي الزهراء

هالليله الأفراح. بسم الزچيه
ويطيب الجراح. بسم الزچيه
🌹🌹🌹🌹🌹🌹🌹🌹🌹🌹🌹🌹

بسم الزچيه امسجله فرحتنه هايه
وابهل الولاده كل محب يرفعله رايه
الفرحتنه والله هل المسه ما مامش نهايه
وفرحانه كل اهل الأرض للچنها آيه

يا احله مصباح . أعظم هديه
ويطيب الجراح. بسم الزچيه
🌹🌹🌹🌹🌹🌹🌹🌹🌹🌹🌹🌹

للمصطفى طه النبي اعظم تهاني
شعّت الزهراء وبدت تحله الأماني
هاي الزچيه أم الحسن ما الها ثاني
وحقها اذا تفرح ترى السبعه المثاني

انطش الها قداح. هيه الأبيه
ويطيب الجراح. بسم الزچيه
🌹🌹🌹🌹🌹🌹🌹🌹🌹🌹🌹🌹🌹

فرحان كل شيعي غده إبهاي المسيه
وهذا فرحنه انسجله بسم الزچــــيه
خدام نبقه الها لحد يـوم الـمـنـيـه
وينادي كل شيعي المهم ترضه عليه

للجنه مفتاح . حب الأبيه
ويطيب الجراح. بسم الزچيه

🌹🌹🌹🌹🌹🌹🌹🌹🌹🌹🌹🌹🌹

نور الله كله ايجسده وجه ام الحسين
حگنه لون نتباهى بي وابطول السنين
خدام جعلتنه الزچيه الها او محبين
بسم ام حسن بسم ام حسن متسجل الدين

ابصدري اوشاح . حد المنيه
ويطيب الجراح. بسم الزچيه
🌹🌹🌹🌹🌹🌹🌹🌹🌹🌹🌹🌹🌹🌹
الى خادم الزهراء وخادم الحسين
✍️الشاعر مصطفى النائلي

هالليله ابيت المختار
انولدت كل هاي الأنوار
بميلادج أعظم أسرار
يزهراءْ . يزهراءْ

بأم الحسن توه اكتمل بيت الرساله
ابهذا الفرح بارك تره رب الجلاله
الزهره ندري للنبي أعظم دلاله
توه البدر و بفاطمه صار اكتماله

مولد البضعه. بضعة نبينه
ونهني المحتار. وحيدر علينا
💌💌💌💌💌💌💌💌💌💌💌💌💌
اجمل تهاني. نزف الأماني . للبضعه
والشيعه همها. هالليله يمها. مچتمعه
وهيه هاليوم. اتفرچ الهموم. للخدمه تسعه
إبهاي الأفراح. اتطيب الجراح. ونوچ الشمعه

والبضعه ابهاليوم. تفتر علينه
ونهني المختار.. وحيدر علينا
💌💌💌💌💌💌💌💌💌💌💌💌💌💌

شيعتك يحسين عقدت أملها
بل الجنه باجر كون تتشفعلها
✍️بقلمي

شعت انوار. ترى بسم الزچيه
شعت انوار. وحگ سيد البريه
شعت انوار.. وحگ حامي الحميه
شعت انوار... خدم حد المنيه
🌸🌸🌸🌸🌸🌸🌸🌸🌸🌸🌸
ام الحسين. اجت للدنيه رحمه
ام الحسين. خلقها الباري نسمه
ام الحسين. الفرح الها نرسمه
ام الحسين. الشمل بيها نلمه
🌼🌼🌼🌼🌼🌼🌼🌼🌼🌼🌼🌼
الها خدام.. نظل او ما نبالي
الها خدام.. ترى طول الليالي
الها خدام.. شأن كلمن يوالي
الها خدام.. يظل للدوم عالي
🌺🌺🌺🌺🌺🌺🌺🌺🌺🌺🌺🌺
إبهاي الأفراح.. يرف عالي علمنه
إبهاي الأفراح.. بسم فاطم جمعنه
إبهاي الأفراح.. ترى يلتم شملنه
إبهاي الأفراح. نباهي الزهره اُمنه
💐💐💐💐💐💐💐💐💐💐💐💐
رفت أعلام. لجل حبها الزكيه
رفت أعلام. العوالم شو زهيه
رفت أعلام. ابإسمها الأبيه
رفت أعلام.. علينه كل مسيه
🌷🌷🌷🌷🌷🌷🌷🌷🌷🌷🌷🌷
اتنور الدين . بسم الزهره فاطم
اتنور الدين.. وتهب احله النسايم
اتنور الدين. المحب هالليله هايم
اتنور الدين. ويصيح بصوت خادم
🌼🌸🌺🥀🌹🌷💐🍁🍂🍀☘️🌿🍂
الى خادم الحسين وخادم فاطمة الزهراء
✍️الشاعر مصطفى النائلي

عمه حاچي الحادي خل يوگف تعبنه
ذوله ما بيهم ولا واحد يحبنه
والله لا نشرد ولا نندل دربنه
احبالهم ما حاجه مشدوده برگبنه

كلمات الشاعر سيد علي البوحمد

كلش رهيبه. هاي المصيبه
•••••••••••••••••••••••••••••••••••••••••
إبهاي المصيبه. روحي غريبه
للهادي الدمع يجري الدمع هاي المسيّه
امشي لحضرته. عاشگ خدمته
عُمري فده والله فده لأبن الزچيّه
ابكل مسيه. انصب عزيه
وبالآخره الهادي ترى يرضى عليّه
هذهِ مُنيتي. ساعة منيتي
خادم اله ابقه انه حد المنيّه
الهادي حبيبه. هاي المصيبه
•••••••••••••••••••••••••••••••••••••••••
للهادي خدمتي. وتنزل دمعتي
ابهذا العزه رايد آنه للخدمه نظره
ينظر عليه. هاي المسيه
ولگبره اني اعتني واني احضره
لابن الزچيه. تلطم اديه
واجب عليّ آنه المسيه لازم اشكره
قدمته شكري. وفدوه عُمري
وفدوه عُمري انذره كله لعمره

بحاله عجيبه. هاي المصيبه
••••••••••••••••••••••••••••••••••••••••••••
ابصوت انادي. واطلب مرادي
من حضرته هاي المسه جم حاجه عندي
دمعاتي تجري.. وبيه يدري
ابكل عزه انه اذكره ودمعي اعله خدي
هالليله يَمّه.او گبره اشمّه
وشوگي اله بيه ترى هالليله يحدي
شوگي لأمامي. واهدي سلامي
اخذ حاجاتي منه ترى انه في يدي

كلبي ونحيبه . هاي المصيبه
•••••••••••••••••••••••••••••••••••••••••••
دمعي بچيته. واني اجيته
اخدم حضرته ابكل وكت ابن الأطايب
اشگد عجيبه. واشجم مصيبه
جيته معتني اني ترى ابهالمصايب
خادم جعلني. بصحنه قبلني
وأدري بالحشر يحضر الي وي الحبايب
عُمري لخدمته. واطلب نضرته
ابكل وكت ينضر الي من المصايب
روحي رقيبه. هاي المصيبه
•••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

فرحانه الأملاك… هاي المسيه
ام البنين….. اجت عل الدنيه

نور العرش ازهر. في مولدك حيدر
🌹🌹🌹🌹🌹🌹🌹🌹🌹🌹
فرحانه كل هاي الخلگ حامي الحميه
بينه يشع نورك علي هاي المسيه
لا مانعوفك سيدي حد المنيه
تبقى اعله نهجك سيدي هالرافضيه
حته الحفل نور. في مولدك حيدر
🌹🌹🌹🌹🌹🌹🌹🌹🌹🌹
بالكعبه امك جابتك يا غصن الأطياب
ياحيدره ونشعل شمع هالليله عالباب
نبض الگلب بأسمك يدگ يا اغله الأحباب
كل الگصدها حضرتك لا والله ما خاب
زاد الفرح أكثر. في مولدك حيدر
🌹🌹🌹🌹🌹🌹🌹🌹🌹🌹
يمك گصدنه يا علي ابهاي الولاده
بأسمك علي والله تره اتلوگ السياده
حتــه النبي سـلـم الك كـل القياده
وبينه الفرح هذا المسه بارينه عاده
من صاحت الكوثر. في مولدك حيدر
🌹🌹🌹🌹🌹🌹🌹🌹🌹🌹🌹
لأخر عمرنه يا علي نمشي اعله دربك
للموت نقسم يا علي منتركه حبك
روح النبي انته علي وصعبه نحسبك
رب البشر شـاء المسه كلنه نخدمـك
حبك علي يكبر. في مولدك حيدر
🌹🌹🌹🌹🌹🌹🌹🌹🌹🌹🌹🌹
الى خادم الحسين وخــادم عــلــي
✍️الشاعر مصطفى النائلي

اهدي هذي الهوسات الى عشاق
الأمام علي (ع)
%%%%%%%%%%%%%%%
العين عالي بالسمه ومعروف
اللام لم طيبات دينه وبيهه ظل موصوف
الياء ياوالي اليتامه بوجه مامكشوف
ها ها ها
ملثم ظل ملثم ربك عالم بي
_____
ياسيف الاسلام وبيك نفخر دوم
يقالع باب خيبر هاذه شي معلوم
حاوي اعلوم ربنه ماكو شي مظموم
ها ها ها
الفايز بس الفايز يعرف حيدر ويواليه
____
بقلمي : الشاعر مصطفى النائلي

بالشام زينب امست ابغربه
ما حضروا اخوتها ترى صعبه
••••••••••••••••••••••••••••••••••••
صعبه عليها اخوتها ما جوها
بديار غُربه الحره دفنوها
اتمنت لون هُمه يحضروها
كل منهم ينهضم گلبه
•••••••••••••••••••••••••••••••••
ماتت حزينه الحره مهظومه
امن اخوتها زينب وسفه محرومه
حان الأجل ليها او اجه يومه
اخت الگمر المدمع اتصبه
••••••••••••••••••••••••••••••••••
گبل المنيه اتريد كافلها
للگبر زينب بيده ينزلها
واعله المتن اجنازتها يحملها
ماتت غريبه الحره يا عجبه
•••••••••••••••••••••••••••••••••
بل الشام وافتها منيتها
يا وسفه ما حضروا اخوتها
عگب اخوتها صعبه دفنتها
الموت برض الغربه اتحسبه
==========================
الى خادم الحسين وخادم الزهراء
✍️الشاعر مصطفى النائلي

يخويه بيدي الاحبال... اسيره وي الاطفال
صرت آنه سبيه… صرت آنه سبيه
=============================
على الناگه سبيه… يبو فاضل ولوني
هضيمه بيدي الاحبال...يخويه وجتفوني
ردت تفزع يكافل... لمن هُمه اجوني
صحت وينك يعباس….على متني اضربوني

غريبه ادخل الشام.. هضيمه بهاي الأيام
لفت ليه المنيه. لفت ليه المنيه
================================
غريبه ادخل الشام. يبو فاضل عجيبه
عشت عُمري بالجروح. رغم آنه الحبيبه
اصبح وامسي عباس. كل يوم ابمصيبه
وعكب موتك يعباس.. الحاله رهيبه

منيتي حانت اليوم. عشت عُمري بالهموم
وحامي عن رقية. وحامي عن رقية
================================
تواري نعشي هل اليوم. اريدك يا كفيلي
صحت ابصوت عباس. إلك ذاب دليلي
ترى ابهاي المسيه. يخويه يجن ليلي
المنيه حانت اشلون. واخذ ياخويه حيلي

المنيه دارت اشلون. غمضت آنه الجفون
بعد منهو اليه . بعد منهو اليه
================================
غمضت آنه الجفون.. يخويه هل المسيه
من ضيم السلاسل.. زرگة لسه اديه
انه بكلبي يعباس. احمل جم اذيه
ردت بلحظة الموت. تلحگ خويه اليه

يعباس اختك اني... شفت موتي ولاني
ردت تنضر عليه. ردت تنضر عليه
================================
ردت اتجيب الحسين. وتجي يم گبري انته
لون چبته يـكـفال.. اعيوني تغفه حته
عگب فرگاگم اليوم. يخويه آنه ميته
صحت ابصوتي اني. وين الكفل اخته

كفيلي عندي اعتاب. تواريني بالتراب
نظراتك عليه… نظراتك عليه
================================
الى خادم الحسين وخادم الزهراء وابناء الزهراء
✍️الشاعر مصطفى النائلي

هاي العقيله اخت الحسين
========================
ماتت هضيمه ابلايه خوان
عليها الغريبه الأجل حان
ماتت وحيده ابلايه دفان
ومنها تهمل ضلت العين
==========================
اتريد اخوها حسين هل اليوم
ايواري نعشها رغم الهموم
من الالم ما تكدر اتكوم
اسياط المتن اثر على الأيدين
==========================
كل لحظه تلهج بسم عباس
يحضر إلها ابو النوماس
ماتت هضيمه ام الاحساس
ما حضر الها ابو الچفين
=========================
وسفه گبرها ابديرة الشام
عاشت عمرها بوسط الآلآم
ماتت حزينه ويه الأيتام
بنص الخرابه تلتفت وين
=========================
لسه ابمتنها امأثره السياط
اتذكرت عبدالله من شاط
من مهده كاطعو حته الكماط
زينب تموت الليله مرتين
==========================
الى خادم الحسين وخادم الزهراء
✍️الشاعر مصطفى النائلي

بل الكاظميه اليوم دمعاتي
يم الحبيب اهناك حاجاتي
=========================
يم الحبيب الحاجه اعگدّها
حاشه الأيادي موسى يردّها
هالنعمه آني لازم احمدّها
ابكل وكت عالغالي آهاتي
==========================
بالكاظميه الحاجه مگضيّه
واني اعگدتها بخالص النيّه
رايد رضاته الغالي اعليّه
ويدري هوّه إبهاي مأساتي
==========================
رايد اكلّه انظر الحالي
من الأحزان انمرد دلالي
يبن الأطايب ضاعت أمالي
او تعجز توصفك هاي كلماتي
===========================
بل الحضره تبدي دمعتي تنزل
إبهاي المصيبه وحگها من تهمل
چن روحي مثل الطير من يجفل
عالغالي والمسموم وناتي
===========================
ابحبه هايم والله يدروني
وابحبه يدري الناس لاموني
ساكن بگلبي ودمعة اعيوني
واحسه ساكن وسط نظراتي
============================
الى خادم الحسين وخادم الزهراء
✍️الشاعر مصطفى النائلي