يا خديجه/ النبي بعدج حزن
يا خديجه/ لان افراگج وطن
وحزنت اعليج السمه آه يا ام فاطمه
يا خديجه
•••••••••••••••••••••••••••••••••••
بيده طه اليوم يحفرلج لحد
يا خديجه وللمصايب يستعد
ذابل اليوم بوداعچ كالورد
ما رحم حاله يمن غبتي البعد

يا خديجه/ النبي حضرلچ چفن
يا خديجه/ اشموعه من بعدج طفن
حگه لو يبچي دمه آه يا ام فاطمه
يا خديجه
•••••••••••••••••••••••••••••••••••••••
ابهل المسيه مبتدي عام الحزن
أخلاف شخصچ صار ابو الزهره يون
حگه طه المصطفى الليله يحن
والنبي وياچ رايد يندفن

يا خديجه / اليوم محزون وصعب
يا خديجه/ شلون نمتي عالترب
وابرحيلج عالمه آه يا ام فاطمه
ياخديجه
••••••••••••••••••••••••••••••••••••
ايعينه الله المصطفى إبهاي المصيبه
وحالته صعبه ترى وكلش رهيبه
اينادي من ايدي مشت وسفه الحبيبه
داره من عكبج تظل حتماً غريبه
يا خديجه/ فاطمه تنحب ترى
يا خديجه/ بيوم نمتي عالثرى
والمصايب قادمه آه يا ام فاطمه
يا خديجه
•••••••••••••••••••••••••••••••••
شخصچ اليوم إبلحد صار إيتوسد
وتذرف عيونه الدمع صاير محمد
صحتي يا طه اجه يوم الوعد
لاچن ابگبري واظل اعله العهد

يا خديجه/ يهيل بيدينه التراب
يا خديجه/ينوح ساعات المصاب
تبچي عليج فاطمه. اه يا ام فاطمه
•••••••••••••••••••••••••••••••••••••••••
الى خادم الحسين وخادم السيده خديجه
✍️الشاعر مصطفى النائلي

تنشد اليتامه. وين ابو الشهامه
ربي رده سالم. والدمع علامه
•••••••••••••••••••••••••••••••••••
تنشد إعليك اليتامه ابهل المسيه
وكلها تصرخ ياعلي حامي الحميه
هاذه الجرح يا حيدره يحمل اذيه
والعلامه اليوم عدنه عالمنيه
اليتامه صاحت ياعلي نادت
حزني ليه قادم والدمع علامه
•••••••••••••••••••••••••••••••••••••
اليوم بل المحراب يا حيدر منيتك
يادمه الهامه علي صابغ لحيتك
اليتامه الليله فزعو لعد بيتك
انته تطعمهم جنت والله بديتك
تسمع البچيهم انته يا وليهم
ابرحيلك انته عالم والدمع علامه
•••••••••••••••••••••••••••••••••••••••
إعليهم الليله يبو الحسنين صعبه
لو عفتهم يا علي ايعيشون غُربه
كل شخص منهم علي مكسور گلبه
وكل شخص منهم تحت فيّيك تربه
ياعلي يحيدر الگلب تفطر
الهضم دليلي قاسم والدمع علامه
•••••••••••••••••••••••••••••••••
يا هضيمه شلون من رحت امن اديهم
رغم انته يل الولي خيمه عليهم
جنت كل مغرب يبو الحمله تجيهم
رحت يل الغالي لجن تبقه وليهم
يالولي كسرهم عالجرح نظرهم
تبجي مهضومه المعالم والدمع علامه
••••••••••••••••••••••••••••••••••••
بقت بل المحراب يل الغالي العلامه
تبچي و اتون ياعلي إبهاي اليتامه
وانعرف هاليوم متكمل صيامه
لون اتروح يبقون ابــظُلامه
فرگتك هضيمه زينبك يتيمه
باالحد ياوسفه نايم والدمع علامه
▧▧▧▧▧▧▧▧▧▧▧▧▧▧▧▧¤¤¤¤¤
الى خادم الحسين وخادم الأمام علي
✍️الشاعر مصطفى النائلي

علي بالمحراب طبروا هامته
مخضب الكرار زينب شافته
••••••••••••••••••••••••••••••••••••••••
مخضب الكرار ابوها ومنطبر
تعنت للمحراب خاطر منكسر
تنادي ابوها اخلافك اشظل بالعمر
العقيله بحسره وبهم حاجته
••••••••••••••••••••••••••••••••••••••••
تعاين لجرحه العقيله وتنتحب
عليها فكد الولي مو هين صعب
عگب حيدر تنسبي لديرة غرب
نزف دمه اليوم زينب نظرته
••••••••••••••••••••••••••••••••••••••••
اشگد غميج الجرح زينب تنضره
هامة الكرار وسفه امطبره
ويلي من عكب الصميده اميسره
بصدره ام الخدر هيه شمته
•••••••••••••••••••••••••••••••••••••••••
وسفه حيدر هالمسه يضمه الگبر
يعين زينب الله ابهذا الأمر
عگب ابوها مجتفه بحبل اليسر
وقصر ابن إزياد وسفه دخلته
•••••••••••••••••••••••••••••••••••••••••
حين طاح الوالي ما ظل كل أمل
زينب أتنادي وگع وسفه الفحل
بسيف ابن مُلجم حيدر انجتل
وبصوت حيدر هالمسيه نادته
•••••••••••••••••••••••••••••••••••••••••••
الى خادم الحسين وخادم الأمام علي
✍️الشاعر مصطفى النائلي

ياعلي هاليوم زينب صاحت
عالنعش مولاي وسفه طاحت
••••••••••••••••••••••••••••••••••••
صاحت الليله رحل مني علي
صوت زينب عالنعش ظل يعتلي
بويه ارجع بويه ارجع يالولي
عالولي الحوراء والله ناحت
•••••••••••••••••••••••••••••••••••••
ناحت ابدمعه جريه اعله النعش
شلون جسمك يالولي اتراب انفرش
بفجر تاسع هالعشر لمّن غبش
الحزن لافي عليها حيل ونادت
•••••••••••••••••••••••••••••••••••••
اليوم عالحره يشح حته النفس
وابغيابك يا علي كامت تحس
انته يالجفك علي يرجع الشمس
كسرة الحره ابغيابك بانت
•••••••••••••••••••••••••••••••••••••
شلون رايح يا علي ابهذا الصبح
وانت عايف زينب انت للجرح
باجر اتشاهد سبي وراس برمح
مجتفه وي آجنود آميه راحت
••••••••••••••••••••••••••••••••••••••
مجتفه وي اجنود اميه بالسبي
تحترگ باجر يزينب هالعبي
بليل عاشر نادتك حيدر ابي
بالخرابه شلون ترضه نامت
•••••••••••••••••••••••••••••••••••••••••
✍️الشاعر مصطفى النائلي

هظيمه وياهظيمه إگبورهم ظلمه
اهل بيت الوحي والعلم والعصمه
ينادينه البقيع او واجب علينه
نشد احزامنه او نضاعف الهمه
نشيد أگبور سادتنا بعزم واصرار
ويهنيال الينال الشرف بالخدمه
بقيع الغرقد اليا زمن يبگه اتراب
مخازي وهاي وصمة عار عالامه
اليسكت عالظليمه ينحسب ظالم
وابداً مو اصيل وراضع أمن امه
وين اهل الحميه شيعة الكرار
تتوحد فرد راي وفرد چلمه
تفزع للبقيع وتبني بيه اصروح
الما يعرف قدرها واجب انفهمه
✍️كلماتي: الشاعر مصطفى النائلي

محبتك سيدي ومولاي عالفطره
واليهوه الورد يتولع ابعطره
تولعت ابخدمتك يبو اليمه حسين
اواسي ابخدمتي والدتك الزهره
شفت الي يخدمك يترفع شأنه
او ما بين الخلايق يتسع قدره
امنيتي بحضرتك يا ابو السجاد
انصبلك عزه او انعاك بالحضره
او بإيدي اهز شباچك المهيوب
واصيح اكتبني خادم يا ابو العتره
واحلفك بالعفيفه زينب الحوراء
ما تنسانه يوم العطش والحسره
✍️كلمات خادمكم: الشاعر مصطفى النائلي

اشتياگي الحضرتچ يم عون
اكثر من هلي وصحبتي وخلاني
وامنيتي اخدمچ يا اخت عباس
اكثر من ابوي وامي ووطاني
لان لوعت مصابچ ساكنه بالروح
ما فاركت عيني ونبض وجداني
افديلچ حياتي يا حياة الدين
يالصبرچ نغم وآيات قرآني
اظل الهج بذكرچ وانثر الأشعار
لحد آخر نفس ما يفتر الساني
يالذكرچ شرف يا بنت داحي الباب
ولهذا ابخدمتج ملتزم آني
✍️كلمات خادمكم: الشاعر مصطفى النائلي

على الصادق هالمسه مهظومه
فاطمه الزهره المظلومه
•••••••••••••••••••••••••••••••••••••••
اليوم مهضومه ام حسن ابهالمصاب
اشلون گبر الصادق يظل بس تراب
وحگ ضلعي اتنادي وابني والحجاب
بغضاً بحيدر علي مهدومه
••••••••••••••••••••••••••••••••••••••••
فاطمه ابهالليله تحضر للعزاء
على امصاب الصادق اتهل بالبكاء
مثل جده حسين من ظل عالعراء
حين ذبحوا إخوته او گومه
••••••••••••••••••••••••••••••••••••••••
دمعة الزهراء عالصادق تسيل
شلون بالسم مات بن طه الخليل
هذا أبن المصطفى وحامي الدخيل
يا هضيمه اشلون حل يومه
•••••••••••••••••••••••••••••••••••••••••
الصادق العتره يعالم هالغريب
كل مسية اغروب ينحب عالسليب
تالي سم بحشاه يسري هالحبيب
ومات وانگطعت علينه اعلومه
••••••••••••••••••••••••••••••••••••••••••
لبو الكاظم فاطمه تحضر تره
تشوف گبره منهدم بن حيدره
وتذكر الغالي لمن ظل اعله الثره
ابلا غسل وابلا چفن بالحومه
••••••••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

هاي المسيه الزهراء تنعى الصادق إبلوعه
••••••••••••••••••••••••••••••••••••
تنعى فاطمه الصادق ابحسرتها
عالصادق المسموم بس دمعتها
يوليدي ها يبني الولد صرختها
إبهاي المصيبه ام احسين وسفه اصبحت مفجوعه
••••••••••••••••••••••••••••••••••••
مفجوعه ام الحسن اعله الغالي
يم گبره الزچيه ظلت اتلالي
تنادي يالولد والدمع يبرالي
وعاشت الزچيه ابهاليوم. ها يالخلگ جم لوعه
••••••••••••••••••••••••••••••••••••
دمعتها عالوجن تضل مسفوحه
واجت للصادق اتضمد اجروحه
او كتبت اعله الكبر كامت لوحه
يبني يجي المهدي وبالثار.صرخته اتظل مسموعه
••••••••••••••••••••••••••••••••••••
هل الصادق دمعته من سمعها
وجن الغالي بيده نشف دمعها
وابهل المصيبه ايتذكر ضلعها
رغم الفجيعه الوياه. الصادق حنه ضلعينه
••••••••••••••••••••••••••••••••••••
امنيتي اشوفن گبتك يوليدي
واعله الصحن يبني اخلي ايدي
امصيبتك يمه التحز وريدي
واخر شي عندي اتمناه.. الحزن نطفي اشموعه
•••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

آه يالمهدي آنه باجر سبيه
عالهزل يا عمه مجتوفات اديه
زينب اني عمتك. أنتظرها جيتك
يمهدي
••••••••••••••••••••••••••••••••••••••••••
يا هضيمه اعله الهزل مجتوفه آني
لعد ارض الشام دهري هل خذاني
ها يا مهدي وشكثر غادر زماني
والشمر بسياطه يالمهدي ولاني

الشمر طگني اعله متني ها يمهدي
والهضيمه اشلون صار بضعني يحدي
ردت عمه نظرتك. أنتظرها جيتك
يمهدي
•••••••••••••••••••••••••••••••••••••••
ابيا وكت ادخل سبيه ابين الاجناب
وآنه بت حيدر علي اليقلع الباب
واخوتي بالطف ذبايح فوك التراب
وآنه اخت عباس والله إبهاي انهاب

تنولي الحرمه تره الما عدها وليان
والشمر لمّن سباني اليوم فرحان
يمته عمه طلعتك. أنتظرها جيتك
يمهدي
••••••••••••••••••••••••••••••••••••••••
اشگد هظيمه من بگيت ابلايه حراس
بس احشم بالحسين وذخري عباس
هالمسيه يا ابو صالح ضاگت انفاس
ومن عگب حامي الشريعه ألطم الراس

يا اويلي يا اويلي عفته مجتول
فوك صدره حسين سحگت كل الخيول

إبهاي نزلت دمعتك. أنتظرها جيتك
••••••••••••••••••••••••••••••••••••••••
رگد حيلي ها يمهدي عگب الحسين
حين طاح اعله الثره طحت انه مرتين
وركضت صوب النهر دورت چفين
ثاري شفت الغالي طايح سهم بالعين

شفت عباس اعله ايده اثر للجود
ثاري طاح الغالي من ضربة العامود

مثل عمك صولتك. أنتظرها جيتك
•••••••••••••••••••••••••••••••••••••
ابقه احسب انه ولساعة ظهورك
يمته لرض الشام عمه يصح حضورك
لو شفت عمتك سبيه اوصِف شعورك
عمه يالغايب ردت آنه حضورك

ذكره ظل عندي يمهدي شو عجيبه
بت علي آني او يسموني الغريبه
عمه ارفع رايتك. أنتظرها جيتك
•••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

طـاح عالغبره°°•°° وسحگته العشره
••••••••••••••••••••••••••••••••••••••••
شلون ابو اليمه وحـــيد ابكربله
ما بقوله اصحاب عنده او عايله
سحگته خيل العده ومحد الـــه
ورايه وگعت گبل هــــيه مدلله
ونكطع نحره°°•°°وسحگته العشره
••••••••••••••••••••••••••••••••••••••••••
حـــسين ظــل فـــــوك الوطيــه ابلا نحر
هَشّمتْ صــــــدره الحـــــــــــوافر  يابشر
شلون ظل عــــــــــاري هضيمه أبن الفخر
واعلـــــــــــــــه زينب منهضــــم دار النظر
ودمعه عالحره . وسحگته العشره
•••••••••••••••••••••••••••••••••••••••••••
سال دم راسه وصبغ چـــــف الرمـح
وهوه مثل حــــــــسين وسفه ينذبح
حسين  بي ألف وتسمعيه جــــــــرح
أعياله تتسلب يشيعه آمـــــن الصبح
ضل جبل صبره°°•°°وسحگته العشره
•••••••••••••••••••••••••••••••••••••••
شحاله ابو السجاد من حس بالسبي
يسمــــــــع الذبحـته أتسب آل النبي
ومثل نار الخـــــــيم ذيچ البل العبي
هيچي گلبه أيفــــــــور گلب الطالبي

جرحه شكبره °°•°°وسحگته العشره
••••••••••••••••••••••••••••••••••••••••
وضل يلم بعيون خدر أهله الوجود
والدموع الزينبه صـــــــــابغها سود
ويقره بآيات النصر باب الصمـــــود
ورفـــــــع راس الدين وفاها العهود

وضحه أله بعمره°°•°°وسحگته العشره
•••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

بزواجك ياعلي من فاطمة الزهراء ..ملا ئكة السمه كصدتك تتبارك .. وجبريل الامين اتقدم الانوار .ومابين الملأ اعلنها البشاره .الدارك ياعلي هل يوم طب الخير ..ويامسعده وبخته الي يطب دارك .. هديه من الباري فاطمه الزهراء .. كفو الها يبو الحسنين مقدارك .. عيد الشعيتك امسى الزواج اليوم ..ونزف التهاني بي ونتبارك

يهل هلال شهرك كل سنه إعلينه
محرم يامحرم أرحم العيله
نواسي بيك لأم عون وصبرها البيك
ونواسي الحيدر الكرار هالليله
ونواسي الفاطمه وأم البنين اليوم
إبمصاب حسين لمن عگدة الشيله
أنذبح بهلال شهرك عدنا جم معصوم
والذباح من رب العرش ويله
هضيمه بيك نحمل بقى للوعات
جم لوعة طفل والعين تربيله
ومن زينب تصد صوب الحرب لحسين
تنظر وبحزن آهات تشكيله
تگله ابهالشهر ياخويه مظلومين
واحس حتى بحجيها الحره توميله
واخيرا ياشهر من يبدي ليل الاه
من حسين يوگع ينهدم حيله
ومن يبقى جسد منحور عالتربان
تنادي زينب العباس تشكيله..
✍️كلمات خادمكم: مصطفى النائلي

آل آميه اعلنوا عن القتال
ومسلم ينادي سهل عندي النزال
انه مسلم بن عقيل المايهاب
يعني ميهمني ابد هذا الفعال
لان عمي حيدره فحل الفحول
ابد ميهموني أشباه الرجال
بيه هيبة حيدره حامي الدخيل
الأمر واضح ترى اومابي جدال
اليوم بالكوفه يصلون الأنام
لجن زحمه اعله الزلم تنغر بمال
بسيفي اخليهم يشربون السموم
او فقط وي حسين الاستشهاد حلال
يابني سفيان اذوقكم مرار
سيف ذو الفقار بيدي بالنزال
واخر احجايه الف وسفه بقيت
الوحدي ماكو المعين او لا رجال
✍️كلمات خادمكم: مصطفى النائلي

مسروره مسروره . هالشيعه مسروره . بعيد الولايه
🌹🌹🌹🌹🌹🌹🌹🌹🌹🌹🌹🌹🌹🌹
بعيد الولايه اليوم مسروره كلها
بحيدر علي الكرار الشيعه أملها
كل عام من هذا الفرح يلتم شملها
او اتنصب الكـرار يـعـني فخرها

وافراح معموره. هالشيعه مسروره. بعيد الولايه
🌹🌹🌹🌹🌹🌹🌹🌹🌹🌹🌹🌹🌹🌹
واجب نطش هذا الفرح هاي المسيه
اباب حيدر يا خلگ حامي الحميه
عيد الولايه اليوم اجمل هديه
شيعت علي للموت اعضم هويه

من ضيه ونوره . هالشيعه مسروره. بعيد الولايه
🌹🌹🌹🌹🌹🌹🌹🌹🌹🌹🌹🌹🌹🌹
هالليله حيدرنا علي اصبح خليفه
رغم الطغاة يصير وهل السقيفه
حيدر علي للضيف فاتح مضيفه
ومن نسله ضلت للكون عتره شريفه

تتوضح الصوره. هالشيعه مسروره . بعيد الولايه
🌹🌹🌹🌹🌹🌹🌹🌹🌹🌹🌹🌹🌹🌹
افراح معگوده ترى ابيوم الولايه
أعظم خليفه حيدره بالدنيه هايه
اللي يعاهد حيدره يخوض المنايه
ويبقى علي ها يا خلگ للأمه رايه

وهالفرحه منشوره. هالشيعه مسروره. بعيد الولايه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
✍️الى خادم علي الشاعر مصطفى النائلي

يا ويلي اهلي اليوم عافوني
بالدار وحدي وتجري اعيوني
••••••••••••••••••••••••••••••••••
اني العليله هالمسه أنحب
عگب الاهل بل الدار أتغرب
ظليت انادي عمه يا زينب
هالليله زحمه اشلون عفتوني
•••••••••••••••••••••••••••••••••••
اغياب اهلي يجرح حيل وابگلبي
واعله الدرب اعيوني بس تربي
بلكي يرجعولي ادعي يا ربي
اهوايه احبهم هُمه يدروني
••••••••••••••••••••••••••••••••••••
حاشه المرض يمنعني من عدهم
بلكي يرجعولي او اشمنهم
اعله الدرب ضليت انتظرهم
مهمومه هذا اليوم خلوني
••••••••••••••••••••••••••••••••••••••
اني العليله او روحي مشتاگه
لحسين ابويه ويصعب افراگه
اتمنه اصعد كون عل ناگه
والدمع جرح حيل لجفوني
••••••••••••••••••••••••••••••••••••••••
يبست الدمعه اليوم ابعيني
من راح ابويه ماهده اونيني
اشگد احبه هوه يدريني
وين الخدم اللي يواسوني
•••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي