والله فعلاً احنا ك ليبين ملناش إلا بعضنا سواء شرق غرب جنوب، ازمة زي هاذي توريك محبة بعضنا لبعض، و توريك تفاهة وفتنة جماعة الكراسي السياسية .

تمرين القرصفه يحسسك أن أي مشوار طويل و رزين حتى لو كان من الدار للحمام .

تمرين البلانك يحسسك أن الوقت يمشي بشوي بشوي حتى لو كان لمدة دقيقة

الحاجة الروتينية الوحيدة الي مواظب فيها ف حياتي تقريباً هيا ( القهوة ) ، الباقي ع البركة كيف متجي تجي .

وسعة البال و سعّة صدر أحدهم ليست ضوءً أخضر للتجريح .

فترشات العشية*

التعمق في معرفة موضوع معين بعيدة كل البعد عن المُسمى بـ ( القصقصة ) ، لأنك لو شخص يزبط ف تحليل بناء ع التفاصيل يخليك اكثر وعي بتناقضاته الداخلية، والسبب وراء التعمق يخليك ع وعي و فهم طبيعة الأنسانية ويخليك متاخدش بهلبا تصرفات الناس ع محمل الجد، واغلب الناس تعطيك شن تبي تفهم من الموضوع بدون تفاصيل كاملة ( شوية كذب و بهارات من عندهم ) خوفاً من انك تفهمهم غلط او تفهم طبيعتهم الداخلية الي ميبوش يظهروها ليك .

عادي جداً تلقى صحاب ولاد قريبين هلبا من بعض و مع ذلك يكون التواصل بينهم قليل و يقتصر على إرسال الميمز وشوية حاجات تافهة فقط و يقعدوا شهور أو حتى سنوات من غير أي حديث أو فويسات أو رسائل ، واحد يبعت حاجة اضحك او حاجة تافهة و الثاني يدير رياكت أضحكني أو غيره وهكذا .

رأيك وحرية التعبير لما ينحط ف كل شيء وكل موضوع بينقص من قيمته ويبدا معش حد يشاور فيك او يعطيك أي اهمية، ففرّغه للمُهم .

كمية التخاذل الي بيتعاملوا بها حكام العرب مع غزة واهلها ومقاومتها شيء لا يصدق ولا يطاق ، بالله عليكم كيف نكون الأمة المحمدية العظيمه التي يتفاخر بها نبينا الكريم ويقول المؤمن للمؤمن كالبنيان يشد بعضه بعضًا ، بالله عليكم لأي حال وصلت هذه الأمة ، لكن الملامه على الشعوب العربية التي رضيت بالذل والهوان وقبلت بأن يحكمها أمثال هؤلاء الحثالات المتصهينين .
{ ‏أَلا لَعْنَةُ اللَّهِ عَلَى الظَّالِمِينَ }.
.💔

عقود والغرب يتوهم بشعارات وهمية ( الحرية، التسامح، حقوق الإنسان ) ، وفي 7 أكتوبر كل شيء توضّح واللب متاعهم كلنا عرفناه وكل أقنعة الزيف والوهم طاحت

وصدق الله سبحانه وتعالى:
{وكذلك نفصّل الآيات ولتستبين سبيل المجرمين}

في ظل هذه الأحداث لست فقط تحتاج ورد من القرآن، أنت تحتاج أن تتشرب معاني القرآن وتتزود منها كل يوم،

تحتاج أن تعيش مع آل عمران، الأنفال، التوبة، الأحزاب، ومحمد تحتاج أن تفهم كل آية وتسكنها قلبك،

أنت محتاج للقرآن ليس كأي وقتٍ مضى،
أنت محتاج للقرآن حتى لا تُجن من هول ما ترى
محتاج للقرآن حتى تثبُت، ولا يتزعزع إيمانك!

وأعظم مثال للثبات بالقرآن هم إخوانك صفوة الحفاظ.

التليجرام بعد التحديثات وكل الميزات بدي متربع ع عرش التواصل الأجتماعي، لا قيود ولا معايير الفيس او الأنستا تاخد راحتك بالوسع


اغلبية الفئة الي يقولوا انه مولي مُمل حاصرين نفسهم في قاع المحتوى الليبي المُتكرر والباهت الي كل همه يزيد ناس بدون اهتمام لمحتوى قناته، وبصراحة القنوات الليبية الي خاشلهم ويستحقوا المتابعة فعلاً قريب 8 قنوات الباقي كلهم قنوات اجنبية وعربية محتوى وأفكار تبارك الرحمن ضروري حتى لما تخش التلي لازم تفوت ع قناتهم و أتابعهم أول بأول


وفيه شيء مش مفهوم بكل مش عارف من طالع بيه مهم اسمه ( تبادل الأشتراك ) ، التبادل لما يكون نشر فقط بيكون للمشترك حرية انه يشترك او لا ع حسب محتواك لو عجبه، متجيش تخشله تقوله خيرك طلعت واني بنطلع حتى اني، اهني انت دمرت مفهوم القناة والمحتوى


الخلاصة التلي حالياً قاعد ف اقصى درجات الرفاهية غر تابع قنوات الي يستحقوا انك اتابعهم والي تغير من جوك ونفسيتك

مزالت قاعده القناة ؟

نسيت انه عندي قناة وانه عندي تليجرام اساسا .

بعد غياب سنتين عن التليجرام قررت نغيب سنتين اخرا .

انا مشعارف الـ 1.152 عليش قاعدين .

لا وفِ ناس تشاهد اخرآ .

نقانكم الا اوفيآء 🖤.

ولا نقانكم الا فاضيين .

فِ واحد طلع هذا عارف مصلحته .