رسائلكم الي بالبوت دتوصل
بعدين احولها للقناة و اجاوبها
لان الوقت متأخر

- الرساله ؛ اني مشوف اكو خطا عادي احب الله و همين احب زوجي ومتعلقة بي

مينجمع حبين بقلب واحد ، يُستحال...
تساوين حب رب العزا بالزوج!
اوك بحبي وبطاعتي لزوجي اتقرب لله اكثر

اذكر اكو استاذة رشدتني بمحور هل موضوع
كالت حتى بالزوج ميصير التعلق لأسباب هواي ميوسعني ذكرها
بس ( التعلق بالفاني يدمّر ، كونوا ع ثقة)

- الرساله ؛ بس حلو لما الشخص يكون يحب الناس ويحبوه وبينهم مودة

اني ماكلت روحوا احقدوا ع البشريّة
حلوة المحبة والمودة واني من الناس (امشي واوزّع حچي حلو)
بس ليكون حبكم لأنسان ينسيكم من هو أهلًا للحب الحق..

- الرساله ؛ عفييهه شكد داقيني هذولة الي ينشرون هيج
لا وسالفة شلون اتخطى وشلون انسى
من البداية ليش تتعلقون

- الرساله ؛ والله افاطمة اني جنت اكوم واكعد اكل واشرب وطول يومي ويا صديقتي اموت عليهة واذا طولت ساعة محجت ويايا شيصير بية اتكاب
تدرين حتة ويا اهلي مااكعد ولا اسولف هيج تعلق بيها بشكل فظيع
بس حسيت نفسي تعبت كثير والله مثل ماكلتي هواي اتاذيت

- الرساله ؛ شكد كلامج خلانة افكر بشكد انه بعيدة عن ربي انتي كلتي يادوب واجبات وشويه مستحبات انه حتة واجبات مرات مااسويهنشكد مقصرة😭

- الرساله ؛ فاطمتنا احس الله خلاج تكتبين هل رسائل
ع كولتج اجتني كفخة ادراك

- الرساله ؛ أشد العبيد طاعةً لمولاه أجدرهم بأن يسمى حبيباً

ربي يُذيقنا حلاوة محبته وحلاوة طاعته ويكون جُل إهتمامنا وتفكيرنا
حب الله يفتح لكم آفاااق من التوفيقات والفيوضات انشغلوا بنفسكم اسعوا الى ان تكون أقرب..
ماخلقنا لنكسب محبة فلان وعلان
اكسب محبة الله وفوز بالدنيا والآخرة...

أحبكَ حبين حب الهوى
وحبًا لأنك أهل لذاكَ
فأما الذي هوَ حبُ الهوى
فشغلي بذكرك عمّن سواكَ
وأما الذي أنت أهلٌ لهُ
فلست أرى الكون حتى أراك

بدونكَ..
أنا صحراءٌ قاحلة...

نعمةٌ أن يُحاط العبد بأناس لاتنساه وتذكره بالدعاء..✨
كل لغات الحُب جميلة
ولكن لغة الدعاء عظيمة جدًا

🛑 القناة للبنات فقط
أي رجل موجود بالقناة يغادر منها ، لطفًا

هوَ عندكم عِلم انا أبجيي ع هييج رسائل

من أسباب الغصة ، أن يكون شعورك أكبر من حصيلتك اللغوية أو الكلمات التي تعرفها..

اشعر بالأمتنان لما الكه بالصدفة القصيدة الي تلامس قلبي...

اذكروني بين طيات دعائكم الليلة