.🚶🏻‍♂️

اي والله اني مبعد وغايب ومسرف بالغياب
‏صايبني من المجتمع صدّه ونفسي شايمه !

‏نفسي لها مده لعينت صلايب
من دونها باب الوناسات مقفول

كلً يشوف اني مقصر وغايب
‏وانا مقصر صدق مدري وش اقول

‏قمت اتعذر بالشغل والطلايب
‏وانا قسم بالله مانيب مشغول

‏مقفل(ن) جوالي ابلا سبايب
‏هالحين لو دقيت تلقاه مقفول

‏عيت على صدري تهب الهبايب
‏لا اداني الجمعه ولا اداني الضول

‏ماكن لي بين الحبايب حبايب
‏لو اضحك شوي اتعومس على طول

اي والله اني مبعد وغايب ومسرف بالغياب
‏صايبني من المجتمع صدّه ونفسي شايمه !

"واحدٍ ما يستريح إلا محارب
‏لو تسولف له عن الراحه جرحته"

‏أحبه ومن زود المحبة ما أحب أجيه
‏الى جيته يجيني بلاً ما بعد جاني

‏أنا أبيه يدري كيف مدري لَكْن أبيه
‏ولا أبيه يخلف هقوتي ويتعداني

‏أذا ما غديت الأولي فالمكان : أخييييه
‏أنا أتعب على الأولى ما يعني لي الثاني .

لا بأس يالقلب الشجاع، الدنيا ماتجينا على الكيف

من العايدين وكل عام وغلاك يزود
‏عسى الله يعوده وانت عادك على خبري

‏ليال الغلا اللي ،، كنها نفحة الكنبود
‏اوقف على تذكارها وقفت العبري

‏على شوفكم تومي بـ قلبي هبوب النود
‏ولا اقفيت منكم كني احدا على قبري

‏هذا شطرٍ استشهدتبه والعباد شهود
‏لو اني مع اهل الشعر ماينقصر شبري

‏طقوس الغرام الماضيه ياغضيض العود
‏هي اسباب كسر فالحياه وسبب جبري

‏دخيل العيون الحور والخمري المرجود
‏والمتهايق الملقوف ، والناحل المبري

‏ترفق علي وارفق على قلبي المضهود
‏قبل لا تغارب نهجي وينتهي صبري

‏انا ادرى مشاريه الرياجيل والمنقود
‏ولا ودي ، ارخص كبر قدري ، وذا كبري )؛

يابحر جيتك على غير ميعاد
‏ شفتك وزال الهم بـ اطراف موجك..

‏من كثر ماتعبني شعور انك تروح
‏ ماعاد يسعدني شعور انك تجي .

حبيت يوم الحب في أحلى لياليه
‏وقفيت يوم الحب قفّى زمانه

‏ماعاد لذّات أوله ،،، مثل تاليه
‏اما انتهى بفراق ،،، ولا خيانه .

بديت آشوف التفاصيل بشكل سلبي ،
‏الى متى واغلب اوجاعي من اطباعي !
‏/
‏محتاج ... اراجع حساباتي مع قلبي ،
‏أشياء وااجد بـ قلبي ... ما لها داعي !