انا ماهمني … لو طوّل … غيابك
‏انا اللي همني وشفيك صرت تغيب

يحسبون بغيبته طيفه يزول
‏ماعرفتوا زين تأثيره علي

‏ماسمعتوا يوم أبو نوره يقول
‏كل شيء حولي يذكرني بشيء

لاقالو تحبه قلت ماعادني بابيه
ونا أشفق له اشفا من سقيم المرض لدواه
أقوي عزومي كن معاد عندي فيه
ونا واللّه أني مونس البلا واكناه

‏يا اخر غرامي لو أنك ما أنتِ أول غرام
لكن معك ما بقى لـ أيام الاحباب دور

خلاص حبك هو اللي صار مسك الختام
أثر البدايات بعض أحيان .. نقطة عثور

يا جعلني ما انحرم وصلك لو إنه حرام
آمنت بـ أقدار حبي لك ، و ربي غفور

غيابك يحطني بين العتب ، و الملام
و أضراره تزيد لا زدتي تمادي و جور

شوفيه يمكن بعد يفصلني من الدوام
و أنا حياتي بسيطة مثل .. بند الأجور

ما غير أجوب الفيافي لو أعكس النظام
الظاهر اني بـ اسوي مثل " بندر سرور "

أحتاج قربك مثل ما أحتاج حلو المنام
و الحاجة تخلي الواحد .. يلف و يدور

حتى جروحك لها عندي غلا و احترام
من حبك أحبها .. لو لحقّتني قصور

شوفيني اعرف عددها كلها بـ التمام
و أعرف مواعيدها بـ أيامها و الشهور

جروحك لـ حالها اللي وقعّت فـ العظام
يمكن تجاوز مية جرح ، و عليها كسور

مع كل هذا معك عايش على مايرام
‏و اقول عمري فدا عمرك لـ يوم النشور

رغم اللي اشوفه أشعر بـ الوله و الهيام
‏ما قلت ما اشوف و عيون المحبين عور

لكنّ ما قد طرا في بالي .. الإنتقام
أحيان اشك أني أصبحت متبلد شعور

اشيل حبك ، و هو لو ينوزن بـ الجرام
ما شالته سبع الاراضي و سبع البحور

عاد أنتِ إليا عطيتيني شوي اهتمام
‏ما هو بـ والله منقص من غرورك غرور

‏يا الفتنه اللي لو أنك تسكنين الخيام
تبي تحول خيام البدو مثل " القصور "

حتى العذراى يحطن لـ مجيك مقام
‏في كل مرة تجين ، و تلفتين الحضور

ما أنتِ بـ حاجة تزينّ لأن وضعك تمام
‏ظهورك يحول الترفات .. لـ اخر ظهور

لبستي زمام .. و إلا ما لبستي زمام
‏زينك هو اللي يبي يمسك زمام الأمور

لا جيتي تصير " بنت النور " بنت الظلام
‏و تغنيّ عيونها وش جاب .. " بدر البدور ".

الّتفت لي يوم أناديك بـ الصوت الحزين
‏ومد لي كف المواصل وأخذني من سقر

‏صار قلبي بعد فرقاك خط مسافرين
‏يدهلونه بس ما منهم اللي يستقر

انا سجين الحال مهما تسليت
‏ وانا الطليق وكل شيء قضبني
‏حريتي يا عل يا كيف ياليت
‏ ماشفت حي جاد لي ما سلبني
‏وليت يا ليل التباريح وليت
‏ اما محاني الحزن والا كتبني

‏اعذريني ما بقى فيني مكانٍ تطعنينه
‏- رسالة إنسحاب

‏مبطي وانا قافل ابواب الزعل والعتاب
‏حتى المشاريه عني قافل ابوابها
‏مشغول واصارع ظروفي مع كل باب
‏لاني بعبد الوجيه ولااحسب حسابها
‏بين الحزن والألم والهم والإغتراب
‏عاش الحزين الحياة ولاتهنى بها
‏لكن رفيقي الى جارت ظروفي وغاب
‏من حقي انشد عن الغيبه وش اسبابها

"يا حبيبي صاب منزلْك بالصدر انهيار
‏صرحك اللي قد بنيته .. وراك تدمّره ؟

‏آتفاخر في محبّتْك لكن بإختصار
‏صرت مثل اللي يحصد الهوى ويغمّره

‏كان باقي لي بمهجتك لو كبر الزرار
‏اعتذِر .. والمنزل اللي دمرته عمّره

ما للمشاريه الثقيله غير رحبات الصدور
‏وما للحمول الكايده يا كود من يركي لها.

عٌمر سيف العشق ماكان قتال القلوب
‏ما قتلها غير بسمة وتلويحة وداع .

لاتخاف من المفارق تراه احيان زين
‏دام قلبي جاك و لا عرفت تعامله
‏ㅤㅤ
‏ودي ب فرقا طويله لون قلبي حزين
‏ولا وصالٍ فيه منه و فيه مجامله

كسرت خشم الفراق الي تهابونه
‏وصديتّ عن واحد ما اقوى على فراقه

الا وأه من عين تعرض لها صادوف
‏جفاها المنام وسبلت دمعها الصافي

‏الا ياعديم الوصف لفت الضماير لوف
‏كما لوف عشبً لافه الصيف وان لافي

‏اجي من بعيد عاني لجل اشوفك شوف
‏ولا جيت ماحصلتنا جوكم صافي

‏شفوقً عليك ومنك ماطالني معروف
‏تواعد مواعيد الوفاء وانت ماتافي

صباح الخير الواجد لي شخصياً , و حاب أهدي لـ نفسي شطر إبن منير : "يا قلبي الطيب تراك مجار " من عقب التعب و الهم و الإرهاق اللي مرينا فيه".

ليال الغرام الماضيه والغلا المفقود
‏من الحزن ماخلت بـصدري مغزّ آبره

‏على كثر ماني بـ آتذرى من المنقود
‏يورالـي ان الشوق يظهر من النبره

‏عسى المقبلات بـشوفة اللي نبيه تجود
‏عقب دمعة الحرمان ومزاوم العبره

‏ما يذبحني الا فرصـة وقتها محدود
‏اجيها وروح وخاطري ما حصل جبره

..

ماكنت افكر يجي في يوم نسيانك
‏وانساك وانته معاهدني ما تنساني

‏الا بعد ما أكتشفت الغدر فأعيانك
‏قررت اودعك وانسى كل ماكاني