جيتك من أقصى الدروب وبكره مسافر
‏على مواويل ، يا دنيا ! .. من أنتي له '

‏عطني من الوصل .. لو بروس الأظافر
‏إن : شفتك اليوم .. ولاّ شفتك الليله

‏خذني من الليل والتفكير والعزلة
‏الحق على اللي بقى لاياخذه حزني

‏معاد عندي قصيدٍ يشرح أوضاعي
‏الي بقلبي يشيب القاف ما جابه.

ياوالله الوحشه وياوالله الليل
‏مستاحش وكبدي ونفسي جريحه

‏ويلي على شراف بعض المداهيل
‏واجرلي في روس الاشهاد صيحه

‏متزاحمة في صدر صاحبك الأنفاس
‏والليل والأيام والخاطر الشين
‏⠀
‏عمر الحكي ماكان للحبّ مقياس
‏إن كان مابانت على العسر واللين
‏⠀
‏الشوق ليله جور .. والدمع حسّاس
‏(والوقت سوّا بي مثل ماتشوفين)
‏⠀
‏أنا كرهت الناس ومقابل الناس
‏ودي أودعها ثلاث أربع سنين

‏مابقى من ذكرياتك سوى يوم الربوع
‏النهار اقرأ رسايلك .. والليل اسهره .

‏الصبح عياا لايجي ، والليل عيا لايروح
‏والنوم طرقي والعيون ازرت تقلط ضيفها

‏ويلي على نومه غرير / وطول بال / وصفو روح
‏وحااجاتٍ اعرفها .. ولكن ما اعرف تعريفها !!

اكابر على قلبً من الضيق فيه وفيه
وانا خابر ان ماعاد قلبي على خبري

‏عمار يا ذا المكان اللي شعوره غريب
‏ملاذ من باع في سوق الهوى واشتراء

‏جيتك صويبً يشادي فالمعارك صويب
‏في عجة الحرب والقيمان ردت براء

‏مابين جرحً عطيب وجرح ليته يطيب
‏ازريت وجروحي ازرت والمعالج زراء

‏ماعاد فادت معي وصفت علاج وطبيب
‏ومطوعً كل ماجيته نفث لا قراء

‏كله سبايب حبيبً كنت اشوفه نصيب
‏واشوف فـ عيونه لـ قلب الشقاوي ذراء

‏ومن يوم غابت ليا من جات حزت مغيب
‏العد مثنات صدري والطواري سراء

‏يا شوق قلبي على اللي كنّه خاطي سبيب
‏صفراءً جفولً من الخيال ترجع وراء

‏ويا وجد حالي على اللي كنّه سلت حريب
‏مسمومةٍ تودع صدور الدواهي عراء

‏حبي وحبه نباتٍ في طوارف شعيب
‏السيل نبش جذوره لين مات وهراء

‏وغديت كني مدور فالبوادي ذهيب
‏لا جاه علمً سرح لا جاه علمً سراء

‏وانوح والاحي الورقا بـ خضر العسيب
‏ولا فيه حي على ما صار شاف ودراء

‏ضحيت فالحب واثري من ضحايا الحبيب
‏ما ألوم من قال ليت العافيه تشتراء

‏أخر رساله في زحام الرسائل
‏أبرد شتاء عشته وانا بين ناريين

‏استرجع ايام الوصال القلايل
‏واحبك اول كثر كرهي لك الحين .

‏معك عشت إنتصار، ومنك ذقت انهزام
‏وفيك صغت الحروف، وعنك ردّيتها

‏كل طعنه بصدري مثل طعن الحسام
‏كنت خايف تسوّيها، وسوّيتها

‏وكل فرصة عذر مرّت مرور الكرام
‏كنت اظنّك تغانمها، وخلّيتها

‏أنت مثل الحياة الفانيه بالتمام
‏" عارف إني بخلّيها، وحبّيتها ".

لي صاحبن ياطير يشبه ماوريك
اليا نفر ما ينعرف . . وين شفه .

‏إن كان في حبك تساورك الظنون
‏مري على حدب الضلوع وعايني

‏يالليل الشتاء لا توجع الخاطر الملتاع
‏ولا تختبر صبري ولا تختبر طيبي

‏اسامر انجومك وااغبط العالم الهجّاع
‏لامنه بدا روتين ليلي وتعذيبي

‏اجر النسم ويتوق قلبي على المطلاع
‏ولا ودي احد ينتبه لي ويدريبي

‏من الطاري اللي حط صدري ثلاث امزاع
‏سريت ومعالم نجد وآنتي معازيبي

‏آحث القدم وعيون قلبي على المهزاع
‏شعوري غريب وضحكتي بث تجريبي

‏تعديت وركاب الوله لـ المكان ارياع
‏وضاقت بي الدار وتوثمت في جيبي

‏على ذكريات الماضي ، وتالي الاوجاع
‏يا مـ اكثر تنهايدي ،، وياكثر ترحيبي

‏رحلتي وخليتيني من الغياب ارتاع
‏بعد كانت رجوم الفيافي مراقيبي
‏
‏انا اعاتبك من باب ود وغلا واقناع
‏ماقلت انتهى اللي بيني وبينك وغيبي

‏مايملى الفراغ اللي ، تركتي ورى الاضلاع
‏الا طيفك ، اللي بر بي يوم برتي بي )

‎٢١ديسمبر🎈
‎𝐈𝐭'𝐬 𝐌𝐲𝐁𝐢𝐫𝐭𝐡𝐝𝐚𝐲